TE DOY 15K BY Abbra Reo Ririni Khiangte (Pitartei) (Completed)

[ngaia]

☆TE DOY 15K☆
Chapter 7
By
Abbra Reo Ririni Khiangte(Pitartei)


Ka kut țang a kan inneih zungbun chu ka en a,Inneih thutiam kan chham zawh ruala ka kut ţangah ngei min bun tirlai te kha a rawn lang zut zut a,A chang in ka ţap leh hawk zel a,Nula tlangval inngaizawng satliah kan ni tawh lo a,Pathian hmaah thu chham meuh in pumkhatah kan insiam tawh a,Kan inneih thutiam kha ka zah a,Mihring mit hmuh a chham mai mai kan ni tlat lo,chuvang tak reng a vawikhatmah inţhen hi ngaihtuah thleng duh lo ka ni bawk.


Mahse tunah hi chuan a em em tawh ka ti a,Lisa rawn lan aţang a thil thleng tawh zawng zawng hi a tam tawh lutuk,Zico pawh zan rawn haw loh a ching a,Hna ah a buai a niang ti te in rilru ka siam a,Mahse a phone hman tawh loh aţang an lo la inko ru chhuak lek zel a lo ni a.


Engtinnge nupa dang te hian an nupa kar buaina hi an chinfel ka hrelo a,Zico nen kan inneih aţang hian ţhian ka kawm zui tawh bawk silo a,In hi ka khawvel ani deuh tawp a,Fapa kan nei zui leh a,Kan nupa nun leh kan chhungkua ah khan ka hlim tawk em em reng a,Ţul a tih hunah function engemaw ah min hruai chhuak a,Chung hunah chuan a ber ka nih theihna turin a che ziah a,Min care em em reng a,Ka tan kha chuan pasal ţha ber ani reng ţhin.



Kan Mizo danah hi chuan nupa inţhenna a awm reng reng in hmeichhia zawkin dem kan hlawh vek zel a,Fa pawm tawh ngat phei chu 'a fa vang pawn tuar ţang ţang mai awm!' Tih hi a hnunglam a kan sawi zui duhdan ani zel bawk.


Mahse,'Tuar ţang ţang awm' tia kan sawi zui khum nu khan a rukin thil tam tak a lo tuar tlang tawh a,A pasal nen an inkar hla ta te pawh a theih ang ang in chinfel a,Nupa hlimtak ni leh thei turin a bei ve fan fan ţhin tih tumah in kan ngaihtuah thlen sak tawh ngai lo a.'A fa vang tal sawn!' Ti a kawk zui tute ai daih khan a fa hrin chu a hmangaih zawk dawn fe a,A fa vang tak reng chuan zan tam rilru na chung chung leh ţap zawih zawih chung in a lo intichak ve ţhin tih tumah lahin kan ngaihtuah thlen sak duh tawh bawk silo.


He thil hi hmeichhia kan nih vang chauh a thleng ani thei angem?a pasal in ngaihzawng a neihsan vanga hmeichhe tlante kan dem tak vak nachhan hi 'Hmeichhia!' kan nih vang chiah ani thei a ngem? Hmeichhia kan nih vang hian kan pasal te ngaihzawng nei leh hmeichhe dang pawh buai thei reng a an awm hi kan enliam zel mai dawn tihna em ni?


Pindan kawngkhar in hawng ri rak ka hriat rual chuan ka ţhu chhuak nghal zawk a! Zico rawn lut chu ka lo en ran a,Min melh zawk a,Kawngkhar a khar phui a,Sofa lam pan in a rawn kal a,Thil tisual tu ani tih a chetzia ah a ti lang reng reng lo bawk.

A pheikhawk a tlawh phelh a,Ka ten lutuk tih bak sawi dan ka thiam lo!

"Vincent nen hian eng inzawmna nge in neih?" A rawn ti hmuk!

Zak lo ka tih zia chu a!

"Nangmah ang lo tak in inzawm na kan nei lo."Nui lui sang in ka ti a.A ţhutna aţang a rawn tho chhuak vut a.

"Nimin ah pawh in kal chhuak tih ka hria a nia aw.." a rawn au nghal tuarh a,Hlauh aiin thinrim lamah a kal tawh zawk.

"Kal chhuak ang chu.."

"Zodinpui.."

"I bialnu in i phone kha lo chhang lo se chuan kan inzui miah lo ang.."

"Zak deuh teh aw..Finfiahna pakhatmah i nei lo.." a ti hmuk a.

Lukham a phe vuai a,A inring biklo aniang a thle bawih mai!

"Nizan a thil thleng zawng zawng kha ka mit ngeiin ka hmu tih hre rawh.."

"Oh..Midang in an rawn hmu ve ami?" Nui huk pahin a rawn ti anih chu!

"Zico.."

"Engang pawh in sawi chhuak mahla tumah in an awih dawn chuang lo..A chhan chu Lisa nen chuan naupan lai aţang ţhian inkawmngeih tak kan ni miau a lawm.." a ti a.A mitmeng tenawm zet ka hmuh rual chuan ham nawk nawk mai ka chak lutuk!

"Ţhian dun i thik vang in tupawh in mi mawl hmuhin an hmu ang che." Rap lutuk hian ka melh ta reng a.

"Ka chhungte bulah sawi phei la chuan i â tawh ah ngaiin ţhen tur che in min ti ngei ang." Nui zui suk pahin a kal sawn a,A țawngkam mal tin chuan min deng dawt dawt! Ka thinrim lutuk nge ka nat lutuk vang ka hrelo,Ka tha a khur a,Ka thawk a rang a,Ka khawng vek maiin ka hria.

"Inţhen ka duh.."

"Keiman ka la ţhen dawn tho che..Mahse, Tun mai ah nilo." Min ngaihpawihmawh hmel loh fe hian a rawn ti leh a.

Ka melh reng a,Ka tawp tup tup a,Sawi tur pawh ka hre tawh lo...Hre tawh lo tak ka ni..Ka â vek ni ber hian ka hria a..

"Nizan a i thil hmuh ang kha a thleng nawn leh anih pawh in rikpui chiam tawh lo ang che.." A shirt hak lai a hlip a,Suk tur bawm ah a vawm lut a,A hnungzang rang nuk leh khem nak ka hmuh rual chuan luak chhuah nghek mai hi ka duh a!


"Zico,Inţhen ang.." Chu chiah chu sawi tur ka hria,Ka natna leh thinrimna vang in ka ţah a chhuak a,Mahse a hmaah hian ţah chhuah ka tum lo a,Ka hmuh phak loh a a awm hunah ka la ţap zawk mai ang!


"Kan la inţhen dawn lawm,Mahse tunah nilo,Jayden hi i lak aţang a tal hran theih velah ka ţhen ang che." a ti anih chu! A thuhnuai a awm satliah,A mamawhna a tawp ruala a paih bo mai mai theih ang lek hian min ngai niin ka hre ta ber e!


Ka thaw chhuak vak a..Engkim mai hi rawn tawp ta mup mai se ka va ti tak em! Hetiang teh thlawt a min ngainep tu leh na ve theilo ang maia min en tu hi kum 5 chhung khan ka lo chenpui reng thei a.


Engmah sawi zui tawh lo in washroom ah a lut a,Jayden ka lak aţang a tal hran theih hunah min ţhen ang maw? A beisei aia hma in chu thil chu ka thlen tir ang,Chuan ka fapa hi ramsa rilru pu mihring bulah ka kalsan dawn reng reng lo bawk.


Khum aţang ka tho chhuak a,Airbag ka hmuh hmasak ber ah ka thuamhnaw ka khungkhawm mawlh mawlh a,Min ţawngkhum dan dengkhawng tak tak leh na tak tak te kha chu nakinah rilru fim in ka la ngaihtuah leh zawk ang,Tunah hi chuan he in leh 'pa' nihna hre hlawl lo mipa lak aţang hla tak a kal bo vang vang hi ka tih hmasak ber tur ani!


Ka thuamhnaw ka khungkhawm zo a,Jayden room lamah ka phei a,A thuamhnaw bawm hawng in ka la khawm nghal zung zung a,Biakin aţang an rawn haw a hun dawn tawh a,Gate pawn ah ka lo nghak mai aniang chu!


"Engthil phiangsen nge i tih a?" Zico aw vin zet ka hriat rual in ka chhip sam ah a rawn ţham chawt a,Ka lo inring bawk silo nen ka rak chhuak nghal tuar bawk!

"Ka thusawi kha i hrelo ami?Tunah hian in hi chhuahsan tum reng reng suh." Ka chhip sam aţang a kut a laksawn rual in na lutuk in Jayden~a thuamhnaw bawm ah min nawr bet a.Thil thlen dan a rang lutuk a ka hamhaih vek!


"Hmeichhia ka kawp emaw,Engpawh in che mahila sawisel theihna i nei lo,Ka chawm leh ka sum hmanga ka enkawl mai mai che i ni a,Hmeichhia i ni bawk,Ka awmdan a piang hi ţha takin en liam zel ang che..I ka a lut tur a thlawn in ka la pek che hi.." ka sawi zawh tir thei thlawt lo,A hmai a ri chawk a,Ka kut zawk pawh ana chhah mup mup thei!


Ţhensak pahin ka nghawng ah a kut pahnih in a rawn rek leh a,a mit ah chuan min hmuhsitna bak pakhat mah alang chhuak lo.


"Kut min thlak ngam a maw?"

"Thah che ka chak hial zawk." Ka ti ta tuar a,Jayden~a cabinet bang ngheng in min rek bet chawt a,Ka thawk lak a sak vek a,A hmel rapawm zet chu ka hmu phe ruai mai!

"I seilenna home- ah rethei deuh a awmlo a ka fapa i enkawl ka la phal te hi lawm zawk hle rawh.." Rapawm zet hian a nui a! Ka theih ang a na in ka nghawng a reh behna ban ah chuan ka ham ta tawk a,Ka hriat leh hmasak ber chu cabinet kawngkhar ri dawp leh ka tukhum na chhah nghal mup chu ani mai!


"Oh..Ti zawng zawk hian aw.." rum nghut pahin a rawn ti leh a,Ka hrawk a reh behna a thlah rual chuan ka khuh chhuak ţhawt ţhawt a,Ka lu a hai ti tih bawk.


Zico in nghet lutuk in ka ban rek ah a rawn man a,Jayden~a khum lam ah min phih nghal dawr dawr a,Khum ah min thehthal tawp a,A rawn luh tirh khan kawr a ha lo tih ka hrelo,A kekawr kawngkilh a phelh rual chuan mangang lutuk in khum kil lamah ka tawlh a,A rawn lawn kai ve chu ka lo leng nghal zawt zawt bawk.

Ka ke rek ah a rawn man bet a,ka lu bek si zawng in khum ah a nawr bet nghal tlat bawk!

"Zico duhtawk rawh.." ka au tuar tuar tawh,A hma ang bawk khan min sual luih leh a tum tih ka hriatna chuan min ti mangang zual suah bawk.

"Hmeichhe nalh tak nilo phei la chuan tun ai hma hian ka chhuah tir tawh ang che."

Ka khawng vek!

A ka ațang thu chhuak reng reng ah chuan min ngaihnep hluah hluahna leh a chawm ve mai mai ka nihzia hlir a lang chhuak a,He tiang khawp hian hmeichhe dinhmun a dah hniam ţhin tih ka lo ring phak ngailo reng reng!

Ka kekawr hak a pawt hlip thla tawk a,ka sual let dawn apiang in tha a hmang na a,Lukham ah min nawr beh leh phei chuan ka thaw chhuak lawk thei lo a!

Lisa nen zankhua in an awm dun awm reng si!Engtinnge a tisa chakna hrikthlak nan min hman a la tum ţalh theih le?

Ka panty a pawh thlak leh rual chuan mangang lutuk in ka au chhuak rawng rawng mai a,Ka chhanna hmuh chhun chu a khup ruh a ka mal te khum a nawr beh sawk ani mai!

Ka mittui a luang a,Ka kawchhung hi natna in a rawn hnawhkhat vek a! Ka lu, khum a nawr bet reng chung chuan a duhtawk in a che zawm a.Min dimlo in a chakna hrikthlak nan tak tak min hmang! A chet zawng apiang in natna, manganna in min tuam a,Ka kawchung hi a puak darh thei mai dawn in ka hria a!Ka pian ata vawikhatna a tan mahni nunna lak duhna in ka khat ta bawk..Ani hmuhsitna leh a taksa chakna hrikthlakna atan mai mai ai chuan thih daih mai a ţha zawk in ka ring ta rum rum bawk.

A zawh rual in a tho ta vut a,ka taksa khawilai pawh chu a na vin tuk vek!

"In hi i ngam chuan chhuahsan tum rawh..I seilenna home sawn a tuar ang.." chhuat a a thehthlak ka kekawr a min rawn vawm pah chuan a ti a.

Van aţang țek rawn tla in denghlum daih mai se ka ti tak zet!

Engtia rei nge che theilo a ka awm ka hrelo Ka chhipsam a kehna lu lei chu a na ut ut a,Ka fapa khum ah ngei min sual zui bawk a!

A chetdan kha ka ngaihtuah let zawng ringawt pawh in ka na vawng vawng thei mai! Movie-a hmeichhe duhlo chung an sual luih lai lo lang ţhin nen a chetdan kha a danglam lo a,Min hmutsitna nen amaha chakna awm zawng zawng kha ka chungah a hrithla ta vek a!

Ka pasal ngeiin min pawngsual leh tawh anih chu!

Ka tha khur chhuak leh hlawk hlawk ţhin chu ka control thei bawk silo a,Chil ka lem zawng te in ka hrawk hi a na ţung a,Ka kawchhunglam phei chu sawifiah ngaihna a awmlo.

Kawngkhar a rawn ri a,Hlauhna vang in ka thisen a lum chhuak nghal pup mai! Rang lutuk in chetsawn ka tum a,Zico rawn let leh in min rawn khawih leh ka hlau zek zek!

"U Din.."Kawngkhar a Mami rawn lut ka hmuh rual chuan ka ţah chhuak a zual sauh maiin ka hria.

Puan in ka taksa chu ka khuh ţha sawk sawk a!,Jayden~a khum tlangah chuan a rawn ţhu thla ve a.Ka ţah chhuah hlawp hlawp mai lohnan ka puan sin lai chuan ka ka ka hnawh phui a,Mahse ka kawchhung na tuar mangang lutuk chu ka thunun theilo thung.

Mami'n dimte a ka sam ah a rawn chul tak ah chuan hmeichhe naupang ang maiin ka ţap chhuak ta hlawp hlawp a,Ka sam ah a chul a,A ngawi reng bawk.

Jayden ka tello a a awm theih ruala min ţhen tum rilru chungin min lo nei reng tihna mi zawk?

"Khawnge Jayden?" Ka duhtawk a ka ţah hnu chuan ka ti halh a,Ka taksa hmun tin chu a sa huam huam vek.

"Ka room ah ka muttir a." A ti leh a..kan thawm kha an rawn hre hman em ka hrelo.

"U Vincent ka call dawn." A rawn ti a! Mak ti lutuk hian ka melh nghal kawk a.

"Ih..I chungah thil ţhalo a thlen chuan amah hrilh vat turin min ti a.." a ti leh a..Kan thawm kha an rawn hre vek tih ka hrethiam ta chiah.

"A ngailo.."

"A ngaihtuah che a lawm.."

"Aih,Tuna thil thleng pawh hi midang in an hriat ka duh lo..." ka ti a..A ţawng leh tur chu lu ka thin khum zauh a.A thaw hawk a,Kan home in a tuar dawn tih a sawi kha ka hria..Ka nun infiamna ang lek a hmang thei tu hian home saw a ti chhe hreh dawn lo tih ka hrechiang thawkhat bawk.

"Tinge le U Zico hi le.." Mami'n a ti chhuak ta hliai a.Keipawn chu chhanna chu hriat ka chak tak zet!

Jayden muhil a rawn harh leh chuan ka inbual zo vek tawh a,Zico pawh a kal chhuak leh tawh aniang,in ah a hmel hmuh tur a awm lo a,Ka rilru a kalsual lak lawh vang nge a thil ei tur a tur pawlh sak ka chak ta ram ram bawk.

"Mum nang chu.."Jayden-a'n lawmlo tih hriat zet a a rawn tih nui nui tak ah chuan ka inthing harh vat a.

A lo nur nasa nangang mai.

"Sorry,Engnge i sawi.."

"Thil ka sawi char char a,Aw pawh i ti lo." A ti ve pang pang a,Nui lui hak in ka malchungah ka pawm kang a,Ka taksa a na leh zawk tawh bawk.

"Sawi țha leh rawh le."
"Engtik nge school kan kal dawn?"
"Naktuk ah..!"
"Uncle kha a lo kal ve dawn em?" A ti leh a.Ka melh vak ringawt a.
"Uncle leh nangmah nen Park ah ka kal leh duh bawk." Ka ţhi awrh lai rawn khawih pah chuan a ti leh zat a.Ka ngaihtuahna a vak thui ta kher mai

Nichin khan Zico in Vincent nen inzawmna kan neih leh neih loh min zawt a,Chu mai pawh nilo in nimin lamah kan kal chhuak ho tih a hre tel bawk.

"Ka hruai leh dawn che ania." A chal ah ka fawp zeuh a,Nui var var pah in a let sawn ta thak a.

Zan khua in Zico a rawn haw lo a,Ka tan lah a lawmawm hluah hluah bawk!

Nimin lamah khan sawi dikloh pakhatmah a neilo,A chhungte bulah finfiahna ţha neilo in Lisa nen an chanchin ka sawi ngawt theilo a,Rachel ngei pawh in Lisa leh Zico chu inţhian an nih thu a sawi a,Min zah miah lo a ka mit hmuh a an awm ang khan midang hmuh ah an awm ve loh phei chuan chhe tak a puh let theih hlauh ka ni a,Mahse chuvang ngawt chuan ka tuar reng tur anilo bawk.

Kan home ka ngaihtuahna ah a rawn lang zawk a,Zico phiangsen khan engthil nge tih a tum ka hrelo,Mahse min pawngsual thei anih chuan hmusit taka a sawi chhuah ka seilenna in ngei saw tih chhiat a hreh lo hulhual ang.

Mami leh Jayden an insiam mawlh mawlh a,Ka taksa duk thluah mai chu hmuh a nuam lo kher mai! Pawnfen pawh feng lo in Smart pants dum ka ha ta tawp a,Ka ngaihtuahna te hi ala ngawng chhuih vek mai bawk.

Engnge ka tih hmasak ber ang tih ka hriat loh ang bawk in Zico thil tum zawng zawng hi ka hriat chhuah vek a ngai ang.

Ka nghawng duk kual raih ah chuan Vincent-a scarf kha ka suih kual leh a,Ka hmel landan lah chu hmuhnawm lo tak ani ringawt!


"Tu phalna in nge kal chhuah i tum a?" Ka phu dawrh a,Kan room kawngkhar ah Zico a lo ding reng a,Thawk ka la a,A dar phen ațang Lisa a rawn nui ve leh sak a,Ka lungphu te hi a tawp mai dawn in ka hria.


"Zico awm tir mai mai teh,Thil thleng tur chu i hrilh chian viau tawh kha.." Zak hauh lo in Zico dar ah a kut a nghat a,Nghet zet in kut ka hum ruh ta nghek a,Tuna ka thinrim chhan hi chu ka thikna vang ni tawh lo in an hmanrua mai ka lo nih vang zawk ani tih ka hre tawh.


Pawn an Taxi kan nghak a,Kan nufa kal chhuak tur kha Zico zawk in Lisa biang a fawp turin Jayden a hrilh leh thlap bawk!


Nileng in rilru mumal ka pu thei lo a,Zico țawng dan zawng zawng aţang kha chuan Jayden, nu tello a awm hran theih ruala min ţhen a tum tih a chiang a...Amah sual let thei miah lo turin kan home hmang in min vau zui leh ta hmak bawk a.

Dawhkan a ka phone a rawn rik rual chuan nasa lutuk in ka phu zawk a.

"Hello ka nu."

"I lo theihnghilh tak in kan anniversary kha kartawp ah hian kan hmang dawn a." A rawn ti lang lang a.

"Ka la hria alawm."

"Vawiin ah min rawn tlawh kawi dawn mi?Jayden pawh hmuh a khat tawh alawm." A rawn ti a.

Zico awmdan zawng zawng hi ka sawipui thei hlauh mai thei,Lisa nen an inkar sawi chhuak kher lo pawh in thil thlendan ţhenkhat ka sawi anga,Nu ani a,Min hriatthiam sak mai ka ring bawk.

"Kan rawn kal dawn nia." Ka ti sep a,Ka sawi zawh rual erawh in Zico-a'n a tello a an in lo va tlawh lo tura min tihna kha ka hre chhuak vat a! Mahse awmzia a awm thui tawh lo.

"Jay,Nanau bulah kal ang aw." Ka ti a,A bag chu ka khai sak a,A au ta chul bawk a.

"Mahse Nanau a mutthilh lai chuan bengchhen loh tur ania." Ka ti a.Uar zet in a bengchhen dawn loh thu a sawi ta chiam bawk a.

Inpui kan luh rual in Jayden a tlankual nghal ruai a,Ka nu in a lo lawm chul bawk.

"U Machhani te nufa an awm em?"

"Inchung lamah an awm."
"A pi,Teacher in sticker min pe asin." A ban a an class teacher in sticker a bel sak chu a phar kang ve va va a.A hmui sen chek te hi a liak hnawm ve hlap reuh zel.

"Ehe,A va țha ve,"
"Nanau bulah ka kal dawn."tih leh inchung lam kailawn a tlan chhoh a rual a,Ka khap tur chu ka nu zawk in Faith-i mut lai anih loh thu a sawi ta vat a.

"Engnge i hna thawhna lam chu a an a?" Ţhutkhawmna lam a ţhut pah chuan a ti a.A ep sofa ah chuan ka ţhu thla ve a.

"Nuam ka ti lutuk,Jayden pawhin ţhian a nei ve tawh a." Ka ti vat a.A tupa chhuan ve hmel zet chuan a ri leh hlut a!

Kan ti ti ta hlut a,Zico nen kan inkar buaina sawi tel zauh theihna tur hun remchang ka hmu mai bawk silo.Nge ni a,Ngaihtuahna thar nen ka nu hi thil thleng zawng zawng kha sawipui turin ka pan nawn leh zawk ang.

"Zico hi a țha maw?Biak lah hi a har em em a." A rawn ti ta hleuh a.

"A ţha ani mai,Nu.." sawi zo lo in ka tawp leh dat a.

"Thil min sawipui duh i nei em?" A ti sep a,Za vak lo a nui lui in thawk ka'n la leh vang vang phawt a.

"Harsatna i neih chuan min hrilh hreh reng reng suh.."

"A ..Eng nilo e,Tun lai kan nupa hi inhnial kan hrat ve deuh a.."

"Nupa nih chuan thil awm tur ani a lawm, E , Zico ţhiannu Lisa kha i hmelhriat ve tawh em?" A rawn ti a,Lisa hming ka hriat rual chuan ka tawt nghal vek a!

"Doctor thiam tak ania,a zirsang bawk a,A fing in Zico pawh hna lamah a pui nasa a,Mizoram ah a awm tawh dawn bawk a,Kawm nel te tum ve la,I pasal nen naupan lai ațang inthlah miah lo a inkawm an ni a,Kan in ah pawh hian a rawn tlangnel teh mai ania.."

Ka beiseina neih ve zawng zawng a tham ral nghal vek!

Sawi lang kherlo mahse Lisa chanchin min sawi khum nuam a tih zia chu a hmel ah a hmuh hmaih thei lo.

'A zir sang bawk a,A fing in Zico pawh hna lamah a pui nasa a.' Kha thu a sawi lai phei kha chuan min hmuh hniam hmel tak zet bawk!

"Naupan lai aţang i hriat tawh ani a,I ngainat ngawt dawn chu." Pangngai tak in ka tisep a.

"Niang chu! In inneih laia a awm ve lo te kha a rawn vui lutuk a,Zico lah khan chawpchilh deuh a neih che kha a tum thut thut bawk sia..." Ka laka a rilru put dan dik tak ka hrethiam ta chiah!

A mawi ah tal 'in inneihna kha a rang em a!' Ti pawhin a sawi thei a,Mahse a țawngdan kha chuan kawh tum dang daih a nei thung! Zico leh Lisa te inkar ka sawi chhuak ta lo kha ka lawm ta hluah hluah mai!

In kan thlen chuan Mami leh Eisiam tu chiah an lo awm a,Zico leh Lisa kha kan chhuahsan a,In ah an la awm nge hna ah an kal ve tih lah ka hre hek lo.

Kan nupa room ka luh dawn chuan ka tim zuai a! Mahse thawk la in kawngkhar hawnna chu ka herh hawng a.Pindan chhung ruak huai ka hmuh rual chuan ka veng hawk thei.

Tui vawt in ka taksa ka tleuh leh thuak thuak a,Jayden bulah a tam thei ang ber hun hman ka duh a,Zico leh Lisa chu an duh ang tawk in khawsa mahse nat phah nan ka hmang tur anilo tiin ka inhnem a,Mahse Kum 5 chhung ka pasal anihna vang leh kan hun lo hman dun tawh zawng zawng ngaihtuah let kha chuan thil thleng hi chauhpui hnawk tham khawp a deng na leh manganthlak ani a!Engtia hma lak zel tur nge tih ka ngaihtuah hma in an khawsak dan apiang enliam thei tur a chakna neih ka mamawh tih ka inhria a.Ka chung a a chet dan zawng zawng hremna pe let tur hian engthil emaw tak ka tih a ngai dawn bawk!

Thuamhnaw ka inbel fel vek hnu ah Jayden room ah ka lut a,Ani pawh Mami'n a lo bual zo chiah bawk.

"Zingkar Gate ka hawn rual khan U Vincent-a gate pawnah a lo ding reng a." Mami chuan a ti a,Ka melh haw a,min en duh miah lo hian Jayden a hru mawlh mawlh a.

"Tuk dang ang bawk in i ţhat leh ţhat loh min zawt leh a?" A ti a,Min melh zawk pahin khum chunga Jayden~a thuamhnaw a dah chhuah chu a rawn ban a.
"Mami.."
"Engmah ka hrilh lo..Sawi chhuah i duhloh thu i sawi kha ka hria alawm.."
"Ka lawm e."
"Lawmthu sawi a ngai lo,Mahse.." a ti leh a,Jayden kekawr a hak tir pah a.
"Nang chu ni ila min ţanpui in huam ngawih ngawih tu bulah engkim ka sawi chhuak vek ang.."
"Mami..." Min lo pawt chat vat a.
"Nangmah ni ta ila ka ti mai a nih kha.. Chuan ka la hrilh lo che in ka hria,In bulah ka rawn awm tirh aţang khan Vincent hi in Gate pawnah sawn zing tin ka hmu ziah zel." A ti a.
Ka melh reng ringawt a.
"A tir chuan in hmelhriat emaw ka ti a,I țhat leh ţhat loh min zawt ziah a,I ţha tih ka hrilh rual khan lawmthu min hrilh in a kal bo leh zel ţhin.."

"A hma in i sawi ngai silo a.."

"Inhmelhriat sa emaw ka tih vang alawm,Chuan..Keichuan i harsatna ah hian a puih theih che ka ring ber." A ti leh a.

Eng a sawi tumna nge ka hrethiam chiah lo.

Jayden uniform suk tur keng chung in a kal chhuak zui ta daih bawk a.

Kei erawh in mak ti zet in a thusawi te kha ka ngaihtuah ta reng thung!

Mami hi Jayden-a pian tirh in kan inah a rawn awm tawh a,A awmzia chu Vincent hian ka chanchin kum 4 dawn chu a lo zawt ţhin tihna! Mahse engvang ngawt in nge ka țhat leh țhat loh chu alo ngaihven ve em em..

Rachel leh Zico lahin kum tir mai aţang Mizoram a rawn chhuak cho ang in an sawi bawk si a.

Ka phone ri vang in ka phu zawk a,phone chu chhang hmasa lo in Jayden zawng in ka hawi kual thuak a,a room zau zet bangkil lam a car lem lianpui inhung ah chuan a țhu ve ran a,A lam ka hawi tih a hriat rual chuan kut min lo vai lap lap bawk a.

"Hello.."

"Didin,Ka tibuai lawk dawn che." Brad-a'n lehlam aţang a rawn ti lauh lauh a.

"Sawi la.."

"In pa in a office ah khan file a theihnghilh a,hnathawk tu pakhat ka rawn tir mek a,Lo pe mai ta che." A rawn ti a.

"Aw le.."

"File pawl anih kha aw.." a ti a. "Tunlai a che ho lutuk hi kan buai phah reng mai,Tunah pawh share-holder meeting a awm dawn a,File ber in ah a rawn kalsan daih a.." a ti nang nang a.

Mak ka ti tawh hran lo! Hman a Zico ka hriat ţhin nungchang kha a nei tawh miau lo a lawm,A rui reng a,Nakin lawk ah chuan a la tlachhe vat hial in ania ka rin tak ni!


Jayden-a nen inhnuai lamah kan chhuk thla a,Bean bag ah a bawk thlawp a,A chappal phelh in a lawn kai zui nghal a.

"Jay,Fimkhur la aw.." min ngaihven tawh chuang lo in Bean bag ah chuan a zuang a,Zico office ah chuan ka lut a,Dawhkan ah chuan lehkhabu dang pawh alo chhawp hnawk nuai a,File pawl chu la kang in ka keu thuak thuak a,Data ţhenkhat vel chu ka hriatthiam chhun a ni ve mai.

Ka kalsan zet tawh a,Mahse dawhkan hnuai ah chuan thil engemaw hlawm hi ka hmu a,Kal chhuak ta mai lo chuan ka pan a,A chappal in ka tlawh zeuh a! A rawn lang chiang chiah chu ka uak ţuar thei!

Hmeichhe Underpant a lo let hlawm reng anih chu! Ka kawchhung lam ațang a rawn mur uai uai a..He pindan chhungah leh zel pawh hian s3x an hmang dun chu ania.!