Keimah ber hian inchhungkhur chu nuam ka ti tawhlo a,midang chu an nudan ngai reng in an nung thung.Hna zawm leh ka tum ruh viau nangin ka kai kal tur thuthlukna ka siam har luatah anlo la leh hman tawh a,a inthlahrunawm duh thin viau mai.
U Obeda nen kan inkar chu ka sawifiah thiamlo,khumkhat ah mu in inkuah chial kan mu a,kan taksa insi mahse kan rilru erawh a inhlat hle thung ka ti mai.A dawh zawka tan a kan inkar siamthat ka duh rualin dik ni a ka inhriatna hian min pawt na a,vawin thlengin pangai taka inbiakna kan la nei theilo chu anih ber hi maw.
"Kan inpui lamah Sangsangi piancham lawm tur anih kha aw" a bag pek pah chuan ka ti sep a,a bu ve nghut.Nizan lamah ka sawi lang zuai tawh a,'ka lo haw hma anga kan kal dawn nia' chu a tih ve kha maw.
"Lo inpeih sa la,dar hnih ah ka rawn lam ang che"dam thlup a tiin ka chhip ah a rawn fawp zeuh a.Kan in tihthiamloh zan atang khan hetianga tih hi a ching ta fo mai.Ka hnar bik lem hlei lo a.
A tlanchhuah hnu chuan kawtzawl ah ka ding deuh vang vang a,ka tunlai nundan hi ka kham tawh ani ber ang.Ka pasala unaunu ngaihlo nih hi hrehawm ka ti a,kan inkar siamtha turin tih tur ka hre silo.Judithi hi be lo ka ni biklo,mahse amah ber hian bung zet zet a min chhân a ching reuh a,midang awmloh lai phei chuan min chhân loh tawp châng te pawh anei thin! Eng ti fako hian nge maw U Jeneti hian alo fuih khaw loh ni?
Chawhma lamah inchhunga plants vel ka hru thuak thuak a,in tleuh fai in kan in lama chhuk tur chuan ka insiam tan nghal der.Ka dul apuar lian ve deuh tawh bawk nen ka che hi ani zung zung thei tawh tlat lo.
Kawrfual var bân bûl ha in ka sam chu ka ti kawi deuh a,makeup tlem inbel lehin shawl pante ka bât bawk.Thim hnu a haw tur chauh kan nia inven lawk deuh angai.Ka bag la in inhnuai lamah U Obeda rawn thlen hun awm vel ah chuan ka chhukthla a,ka nu leh pa te pawh an lo chhuak tawh aniang an lo awm tawhlo.
U Jeneti pa khan falkland a inding sa kha lei a duh thu a rawn sawi a,a theih chin chin tunlai chu ka nu leh pa te hian anlo buaipui lawk ani.
"Ka û chu nghâk duh suh,U Jeneti a chhuahpui lawk dawn"
"Maw?"ka lo ti deuh hû
"U Jeneti'n dawr lamah buaina a tawk deuh a,a buaipui hmasa dawn i duh chuan taxi in lo zu kal hmasa mai rawh"Judithi bawk chuan pangai tak chuan asawi ve leh mai.Inchung lamah a chho zui mai bawk.
Ka ngaihdan ani ta der lo,ka ph phawrhin ka call ta ngat a,a in ring kuit thak! Ka call nawn leh ngat a,a in ring leh fe hnu ah a rawn chhang ve ta hram.
"Ka nghak reng tawh che" ka ti hmasa tawng a,ka lung a awi zan lo tih ka awka atang ahre ngei ang.
"Aw Bawihi,hei Jeneti'n buaina atawk a adawr ah ka la awm" a rawn ti chu ka sa chhuak pup ni ber hian ka inhria!
"Anih chu" ti hmakin a rawn sawi leh ngaithla zawm lo chuan ka dah hmak a,ka ph ak tha in pawn lam panin ka chhuak ta vang vang.
Kan awmna atang hian taxi stand hi a hlat deuh vangin ka pan peihlo chuan kawt kai ah motor lo tlân ka nghak ta tawp a,thinrim a nisa kar a ding ka ni bawk a boruak chu alum duh pap pap ngei mai.Taxi rawn tlân lah chu an vâng pharh leh nghal a!
"Eee! Kimkim" ka hma ah creta var rawn ding chawtin motor chhung atang U Buatsaiha chuan a rawn ti hlawl mai!
"Helam ah i awm elaw?" Keipawh chu mak ka ti viau.Ani hi U Sawma thianpa ngawih ngawih ani,America lamah a inbengbel nghet tawh ah ka lo ngai a!
"Mizoram nge nge chu ngaih alo na ngang aniang hei,ka rawn thleng thla leh hlawl chu ania" nui huah huah chung chuan a ti a,boruak hi a ngam thin hrim hrim.
"In inlam ah ka kal dawn asin,rawn chuang ve daih la motor cháng i ang riau mai" a tih chuan ka û nen an in be pawp tawh tih ka chiang nghal ngang mai.
Taxi chân leh ai chuan tiin ka chuang lut ve rawih a,ka pum lam chu melhin anui leh rulh rulh thin a!Ka shawl ken chuan kan in tuam tha leh ang nawk nawk thin bawk a.
"A zun ek kan thiar in nau i pai ve reng chu nia"ka melh nghek,ala nui ruh ruh duh chauh zui.
"I ininawm aw" ka ti hlar chu anui chhuak hawk hawk. "Nge? Ani lo mi?KG1 i kal lai a school a zun i cheh te kha" ati leh chu ka lo ner nghek.Thil a hre rei thei si,min chhaih nan tak hian ahmang ziah leh ta nghal a.
"I û nen kan chhuah ruk dawn lahin Rumpum leisak phawt kha i ngai ziah a,kan lei loh che in i nu bulah i sawi ziah a" ka chhâng peih tawhlo.
"Minlo nghak dawn emaw ka tia,pasal minlo neih san leih daih a!"pangai zawk a a tih takah chuan ka tihngaihna hrelo ka nui ve tawp tawh.
"Ka ti tak tak ania,i tetlai kha chuan i pasal atan min duh thin em kha" a ti leh erawh "i mak emai a" ka ti ta ringawt.Ka tetlai,barbie kan la lawm tak tak lai chuan U Buatsaiha hi ka star thin khawp a,naupang chhe star tak tak in ania ka star ni.A hmel atha in amah alo ngo veng reuh bawk nen kei chauh nilo hmeichhe naupang dang ho kha chuan kan star rawn em em vek ang.Zonunthari takngial pawhin tun thleng hian U Buatsaiha hi chu a sawi bang theilo.
Kan in kan thleng a,U Buatsaiha ka chhungten an han hmu chu min hrechang lo lekin an buaipui nghal hlut.Ka pasal in min zui ve silo a chutia U Buatsaiha an buaipui chu ka lo lawm viau zawk.
U Sawma te'n in an la sak zawh loh deuh vangin inpui lamah Sangsangi piancham pawh lawm ti kha an ni a,nakum lamah chuan an mahni in thar ngei ah kan lawm ve thei tawh em ang chu maw.
"Mate,khawnge in pa hi ka va hmu lo ve?"Choka a ka lo thu chu hlauh ang ngei ngei in ka nu'n a rawn ti ta chiah.
"An hna lamah an buai deuh aniang" ka ti sep ringawt.
Ka nu rilruchu ahmin zanlo tih hriat zet hian ka thutna bula chair chu a rawn pawtchhuak a,min thutchilh ta rân mai.
"Min han hrilh chiang teh,in nupa inkar tunlai atha vaklo em ni? Helam ah inrawn leng thla khat si,Mate i pa nen hian kan ti sual deuh em mawni chu le aw??" A ti ta vang vang.
"Kan inkar atha alawm,i hlauthawng mai mai anih kha" nuih sak chuan ka ti a, "i mipa hriatchian loh leh hriat ngailoh kan neih tir che a,ka rilru hi ala nuam thei miahlo ania.Zep lo in min han hrilh zawk teh,rilru i ti hah thin emai.Harsatna i tawh ve lahin midang hnenah i sawi chhuak ngai bawk silo" tiin a hui deuh pap a,Judithi nena kan inkar thatloh dan te chu hrilh vek ila tihdan te pawh alo thiam mahna.
Judithi nena kan inkar mai nilo U Jeneti chungchang leh ka pasal laka a rilru putdan te,U Obeda bialnu hlui chunga a chet thin dan anau ngei in a asawi te thleng chuan ka hrilh fai ta vek a.Ka sawi chhung chuan alo hui leh pap thin.Ka nu sawi kha adik chiah a,harsatna leh buaina ka tawh te hian mahni in ka pai mai thin a,midang hrilh hriat ve kha midang tana harsatna thlen ah ka in ngaih tlat thin vang ani ber ang chu.
"In pa pawh a thiamlo anih chu,a reng reng thu ah ahma tang tawhin in inchhunga nula dang chhungkhat nilo leh awmpui pawh nilo awm ve reng kha tha ka tilo reng ani.Obeda pawh chu a ti diklo hulhual anih chu.A nupui inia,a ring ve bawk tur che alawm.Vawin angah te pawh Jeneti buaipui lo chuan nangmah rawn ngaihven hmasa tur che ani,naupai lai ini leh nghal.Bakah Jeneti te chhung pawh chuan Obeda te lo pun tur an nei thlawtlo ami a?" Ka nu chuan a ti ve phiar phiar a ,min thinrim pui ve ngang mai.Nu te nge nge an lo hlu thin e.
"Ka hre biklo,ram dangah an awm thin tih zawng ka hria.Tet te atang Mizorama an lo zin chuan U Obeda te inah hian an awm thin hrim hrim aniang" te chu kan ti ve leh a,ka nu sawi chuan ka ngaihtuahna a la peng ngei mai.Chhungkhat laina hnai dang hi an nei miahlo tihna em mawni? Beihvai lutuk hmel an pu silo,hmelhriat lah an ngah fu reuh a!
"Engpawh nise inpa pawh rawn kal se nangchu i haw chho tawh hrihlo ang.Naupai lai lehnghal a chutiang kara khawsa tur ini lo.Hetah i awm hrih ang" ka nu chuan a ti nghet ta bur a! "Nû tlân kher chu a..." Ka ti nghal nang nang.
"Tlân lam anilo,an ngaih ngaihin duh leh lo ngai rawh se.In pa chhungte hnenah chuan kan ngai ve tawh a,reilo te lo awm ve lawk rawh se ka ti mai ang.Tlân anga an ngaih che leh i tlân ani mai" a ti nghet leh bur a,ka nu a fate tan pe na lutuk kianga ka thusawi dan ka lo fimkhur tawk lo deuh chu ani.
"Zanriah te eifel ila,i pa bulah ka sawi ang" a tih chuan hnial zui chi ah ka ngai tawhlo.Diktak chuan tunlai boruak min chîm tu hi tlanbo san ka châk ve hrih bawk em ani.
Hunserh kan hmang dawn tih ah U Obeda chu a rawn lang ve leh hlawl a,ka thutna bul velah awl a awm em tih a rawn melh kual a,awl a awm tawh lo nen kawngkhar bul lama chair ah chuan a thu ve ta ringawt.
Ka pa in hunserh ahmang a,naupang ho in an lo ning leh pek viau,cake zai an châk ve tawh bawk em ani.
Nu ho chuan naupang ho eitur an buatsaih sak zung zung a,kawtzawl kan neih ve miau loh vangin inchung zawl ah zanriah chu kan kil ho dawn ani.Dawhkan leh chair kan hawh sa thlap bawk a a rem zawk ta phian mai.
U Lawmi rualin chaw chu ka dawh ve a,ka pasal erawh helai hmuna rawn kal zingah hmelhriat angah sa bawk a ka bul ah ala rawn kal lawk theilo.
Dawhkan awl ah chuan U Lawmi nen kan thu thla a,"sawngsaw kan la chan ve tur chu ania" tiin nu ho naupang buaipui ho chu a nuih kur kur.Ka lo nuih ve hak hak tho,athen an tlankual a,chaw ei lam an ngaihven thlawtlo.
"Chhangchhe thei hian Malsawmna kan dawng ve em ang chu maw?"U Lawmi bawk chuan nui reng chungin a ti leh a,mahse angaihtuah na ah erawh thil dang daih a awm tuh ahriat thung.Naupai an harsat em a,tuna nau apai ve pawh hi alawmawm lutuk ringawt.Mahse adang pai leh chu an harsat ve tawh maithei a,Pathian zarah an nei zawt zawt thei tho bawk a.
"Taxi in i chhuk em ni?"ka bula rawn thutthlak pah hian U Obeda chuan a rawn ti sup a,kei in athleng ka lo melh daih thung,chaw ala tam lo viau mai.
"U Buatsaiha rualin ka chhuk"
"U Buatsaiha?" Ti ve supin a mitko asan zuk a, "ka û thianpa "en mang hleilo chuan ka ti ve leh mai bawk.
"Jeneti'n buaina atawk a,ka tum.."ka chawbar lai chawl meuh a ka en vang chuan a ngawi ve chawt.
"Ka zawt che em?"
"Bawihi"
"Ka ngaithla peihlo" ti hmakin ka ding chhuak tuah tuah a,U Lawmi lakah chuan inthlahrung viau mah ilang U Jeneti hming a rawn lam ri a ka sa leh phat tawh.
"Tui deuhin ei ru,ka lo zu chhuk hmasa ang"nui sang a ka tih chuan U Obeda'n min melh run.
"Engmah ila ei loh hi Mate"U Lawmi'n alo ti ve thung.
"Ka la puar emai"nui sanga ti in ka thawhsan ta tho.
Inhnuai lam panin step ah ka chhuk a,ka pum dawmin step rah sual ka hlau bawk nen ka pen fimkhur viau.
Room lam pan luhna kawngkhar te ah ka lut zui a,U Obeda min kohna ka hriat chuan min rawn zui ve tih ka hre chiah.
"Bawihi"
"Chaw han ei rawh" ka lo ti nghek.Thinrim laia sawi ah chuan a inhmeh lo viau mai.
"inbe teh ang" a rawn ti leh a,kan inhmachhawn rân tawh.
"Ka peihlo,U Jeneti hming hriat ka peih hrihlo a hming lam ri lo a i sawi theih chuan tunah khan sawi zung zung rawh" ka ti piap piap a,ka thinrim bawk a ka aw te chu a sehchilh nawk nawk in ania ka hriat ni!
"A ngaihzawng hlui in a dawr ah buaina asiam a,ka buaipui hetiang hian i haw dawn tih ka hrelo" a hming lam ri lo mahse ka thinrim loh phah chuang miah lo.
"Hetiang hian ka haw dawn tih hria la i buaipui tho angem?"cho âr in ka melh chho ve arh.A ngawi ta daih a! Ka haw dawn tih hre reng chungin abuaipui lui dawn tho anih chu!
"Ih maw, i fel lutuk te,i rilru leh ngaihtuahna ang midang ten an pu ve vek tura i ngai te,ka thusawi i ring lo te hian kan inkar a ti hla anih ber hi.Sual rawh ka tilo,mahse engkim hian chintawk anei.U Jeneti'n a ngaizawng te tih hre reng chungin inkhatah kan chengho a,i thisen zawm nilo nangmah ngaizawng ve tu nena inkhata chên hrehawm ka tih tur zia hi i ngaihtuah thleng miahlo" ka thaw deuh hap hap a,"ka tuar peih tawhlo.Tuar zuau pawh minlo ti mah la ka peih tawhlo" ka tih leh chuan ka aw a ni tiau tawh.Tunah hi chuan ka tah a chhuak ve tawh takzet.Tinge U Jeneti'n angaizawng tih hi a rin duh miahloh?
"Sawi tur i hre tawhlo ami a?"A ngawih tak reng avang chuan ka ti chhuak leh hlak a, "i inbengdaih hun ka nghak" a tih chuan ka melh nghek.Thinrim a a ri ve thak thak ngailo te hian alawm min ti thinrim zual thin ni.
"In inbiak zawh tawh chuan rawn lut teh u" inhnuai chhukthlakna tawntirh ah ka nu leh pa an lo ding reng! Min rawn kal pel in ka room hlui ah an lut zui a,ka nu ka zawn arawn thlen rualin min kuah a,ka room lamah min kuahlut zui zat bawk
"Thu chungin i inbe teh ang u" ka pa chuan ti dapin thutna thuthleng pakhat inhung lam chu amelh a,ka nu nen khumah kan thu thung.
"Rochan,in buaina zualpui chu matei nu hian minlo hrilh tawh a,ngaihdan siamthiam harsa ka ti viau mai.Matei pawh athiam vek biklo ang,ka fanu anihna ang erawhin ka hrechiang a,thil ho te a thinrim mai mai mi anilo.Chuvang tak chuan ania alam ka tan loh theih loh ni" ka pan a tih chuan ka mittui a rawn hnâm nghal tiam tiam mai!
"Rochan,inhmangaiha innei in ni lo a,hei tak hi keipawhin ka tisual niin ka inhre bawk" a tih leh laiin U Obeda chuan "ka pu,Bawihi hi ka duh takzet tawh" alo tu bung nghut thung.Ka pa tawnglai pawh a tawp chawt.
"Jeneti khi in chhuahtir angai anih khi" ka nu chuan alo ti ve hlak a,ka lo ip chawih thung.
"Akhaih,Matei nu"ka pa'n alo ti thuai."In nupa inkar buaina ani a,keini lam chu inrawlh thuk ala hun chiah in ka hrelo.Amaherawh chu Matei pawh nau pai lai ani a,rilru nuam leh hahdam a a awm theihna hmun a a awm apawimawh ber hrih.I pa pawh ka lo bia anga,tunkar chu helam ah awm ve rih lawk rawh se,i chhungte pawhin an hrethiam lutuk ang" ka pa chuan a ti dam leh dap a,U Obeda ka en chuan a melh ngai alo melh reng ringawt.Ka khawngaih ringawt bawk!
"Ka pu azialo hle mai" a ti sup a,ka pa pawh melh lo in hnuailam a melh deuh rûn,chutah kei chu min rawn melh leh in "Bawihi, helam a awm hrih chu i duh em ni?" a ti leh ruih a,a mitmeng leh awka chuan engtin emaw tak hian min ti na tlat nia mawle!
"Bawihi" a rawn tih nawn leh rual chuan amah ka melh thei tawh ngang lo "helam ah ka awm hrih ang" ka ti ve ta sep.
"I pa te pawh kan be ve phawt ange,Matei nu minlo zui lawk la" tiin ka pa chuan ding in ka nu amelh a,ka nu pawh a ding chhuak ve zui nghal mai bawk.
"Awmhran hrih chu i duh takzet em?" Ka nu leh pa te chhuah hnu chuan a ti nawn leh ruih.
"Umm" a zawi ngang mai.
"Ka lak atanga awmhran duh tur khawp in ka ti na che em ni?" A tih leh chuan ka chhâng theilo, "Bawihi,kan inkar angheh phawt chuan engthil dang nge i hlauh le?" A ti leh a,chu pawh ka chhang chuanglo.
A thutna atanga rawn ding in ka bul ah a rawn insawn a,ka dul a rawn hup eual chuan ka lo ip ru chawih. "In tello hian ka mu thei meuh angem?" Min bia pawh a ang tawhlo,atawng zawi in ama hriat tur tawk lek a sawi a ang ber tawh.
"Tuna ka ngaihtuah hi i hre duh em?" A ti sup a,amah vek chuan "ka hmangaih hle tawh che niin ka inhria" anui che dawt nangin a za viau lo thung.
"I pa tawngkam chhuak mal tin kha thinphu dawt dawt chungin ka ngaichang a,'inthen' thumal achhakchhuah ani ka lo hlauh ber ni." A ti leh chu ka biang alum thla pap a,ahmuh hlau zetin lehlam ka hawi nghal thuai.Ka pasal rilru tur dawnlo lek hian ka lo khawsa em tih ka ngaihtuahna ah a rawn awm nghal zawt zawt.
#Exam kan zo a,Mizoram pawn lamah kan zin leh lawp lawp a,vawin atang ka rawn zawm hman ve leh chauh aw.A inthlahrunawm tawh viau mai.A duh duh chhiar ah ti tawh mai teh ang
#ADs kha in click ve theuh dawn nia, out pahin aw, in fel kha
Show post links
Top