Thinlung BY Kimkimi tlau (Completed)

[ngaia]

Zingah chuan kapi leh pu te thawm in minti harh a, zanah ka mut ṭhat loh vang nge ka mit chu a kham urh a, men pawh ka meng peih rihlo, ka mit chhing reng chung chuan ka mu ta rih a. Kapi te chuan an thawm chu an dim ve viau a, chutia kapi te thawm ka ngaihthlak reng lai chuan kani ṭawng thawm ka hria a, a tho ve tawh anihhmel.

Thawh tawh mai ka tum laiin "Akhai! Damte, ka galery kati bo daih ania, lo tho thuai teh " Kapu in ati lawng lawng a, thawh loh theih pawh anilo, ka ṭhut chhuah rualin Damtei pawh alo ṭhu chhuak ve hlawl a. " Naaa...duh ang pawn a mutrei theih loh, kan in a ka awm nen danglamna a awmlo reng reng " Ti nang nangin a puan chu a tlawh hlim a, ka lo nuih hak hak, " Damte I pu Galery chu zawnpui thuai teh, abuaithlak ṭhin emai " Choka aṭangin Kani in nui hak hak chungin alo ti a. U Rci pawh alo nui chhuak ve hawk mai, ala muhil emaw tih laiin ani pawh alo harh ve tawh reng aniang, "Damtei alo riah chuan zingah nuihna tur atam thei lutuk " Tiin ala nui kar kara.

" Youtape kha en mai mai rawh kati fo a, thil dang dang hi a khawih ve ziah a, i pu kut hlei lutuk hi chu abuaithlak" Kapi in alo ti ve bawka, U Rci nen pum dawm meuh in kan nui tawh, " Pi, Youtube tirawh ka tihkha " U Rci'n ati a, a thil lamsual a hriat chuan Kapi lah chu anui har har reuh a. "Ni tak, ka lam thiam ṭhinlo, in hriatthiam tho chuan atawk animai " ati a, zingkar karah kan nui hnem ngang mai; Hetiang hian kan in ah kan nui ve ngailo a, zingkar aṭanga kanu phun thawm kan hriat loh leh U Faki titau hmel kan hmu a, hlimna leh nuih tur avang a, engtik lai pawn boruak arit em em zel a, Kapu te in erawh anuam a, Patea te chhungkua awm lai nise tihian kan nui kher angem hrelo mahila, tuna ka hmuh leh tawn chinah chuan anuamin boruak a zangkhai kati takzet.

Mutna kan thleh fel zawha haw mai katum chu kani in aphallo khawp a, Kapi pawn min lo dang ve vatin hnial viau mahila kapa thlenga an biak takah chuan ka hnial zui duh tawhlo a. Kani hovin eirawng te kan bawl a, Damtei erawh kapi leh pu te bulah a tawlh hret hret a, kapu thil hriatthiam loh te chu hrilh in achangin a vin deuh a, a chang leh anuih a, keni'n chutia an awm vel chu kan lo nuih veleh chhawng a, Damtei a awm lovang tih a hlauhwm ngawt mai.

Chaw hmeh vil pahin ka phone ka flight mode chu ka off a, msg leh Youtube noti alo thleng zung zung a, Missed call pawh kahmu. U Mafela hnen aṭangin ani a, ner nakin ka thai bo a, Whatsapp ah lut in ahmasa berah U Mafela hming bawk alo lang a, Ka pin miau avangin msg awmlo mahse, ahmasa berah a awm sa hrim hrim. U Mafela chuan Msg 10 lai alo hnutchhiah a, nizan thil thleng hrechhuak leh in ka tawt et et tih ziawm nan chuan zawite in thawpui kala a, Ka ven hawk pawh ka hre chuanglo, chhan mumal tak sawilo a reh tawp chu tiin U Mafela msg ho chu ka seen a, ka chhiar thuak hnuah ' Hna khawiha i buai thu min hrilh lovin Nurse nu nen in leng dawn tih min hrilh maita che, Dawt inhrilh kher angai hleinem' tih chu ka thawn a, ka archived nghal daih.


" Mamte, i pu in Tho tlai thingpui a induh anih chu " Choka a lo luh pahin Kapi in alo ti a, ka hawi hu mai " Nopui ah khan thingpui ala awm ang, lo thlitsak rawh " U Rci'n atih chuan ka bu nghata, " Kalo pe maiang " tiin kapi chuan thingpui chu a chawi chhuak lehnghal a. " I hawi buai deuhin kahria " U Rci'n nui var var chungin ati a, " Aw, minti buai deuh " " Kapu hi chu a dangdai ve a, Zing thingpui te, tho tlai thingpui te, Inleng thingpui te anei a" Tiin anui a, ka hriatthiam loh thil ka han hrethiam ta chu keipawh kanui ve leh tho.


U Marcusa chu Dar8 velah alo tho ve chhek chhek a, a sam te chu a phir sung mai, kani chuan a melh no lo viau a, chu chu a hmu vereng aniang " Ṭha maw " tiin kani chu anuih vur vur a, kani a chek tlak tlak mai. " Zingah te hian tho hmala exer te hi la ve teh, i dul te kha akiar maidawn " Kani chuan ati hlak hlaka, U Marcusa lah chuan Kani thusawi chu angai ho khawp a, fridge hawngin tui a in khawlh khawlh a, " Don't worry Ka lalnunem, Hmeichhe duh chi ka nih hi, hetiang hi sexy anti " Nui sun sun a tiin a dul chu a kawk va a kan nuih dar dar, kani nuihza insum pawn a hmui a zum pat pat mai.


" I va han hahthlak tak em, puitlin hi i tumlo nimai te hian kahria, i rualpuite chuan fa te neiin chhungkua an chawm tawh asin " Kani bawkin ati leh a, ala lungawi theilo ani mahna. " I hreawm ka hlaua nupui tur ka thlang uluk katih kha, ka zia te hi ka thlak hlawk thei biklo a, puitling lo viau hian min ngai ṭhin suh " ati hmuka, " Nia, Kanu pawh hi a, thawh hlim aṭangin i hau ziah a " U Rci'n atih chuan U Marcusa'n a kut a beng thaka " Ka lam i ṭan ve tehmial chu le, i bialpa lo len leh hunah pawh kalo duat tawh viau ang, game te kalo khelh pui ve tawh ang a " Ati hluta, U Rci a meng no lo teh asin, U Marcusa lah anui sawng a, a palian roh si a inhmeh hlawllo.

" I inrawlh loh khan aṭha zawk " ati hmaka, U Marcusa lahin "Kimi, i u Rci leh a bialpa chu maw ari lovin an inbe ṭhin ania aw " ati a, an unau chuan an in tin uaih uaih mai. " Kal rawh i ninawm lutuk " U Rci'n ati a, an awmdan naupangchhia lutuk chu kani pawn anuih ve tawp tawh, "Vcall in an inbe ve a, an han mute ngei a, mitmeng in hmangaih biahthu an inhlan ṭhin " atih leh rualin U Rci kut a phe zawka, U Marcusa lah chuan U Rci vawmna thingpui no chu a dawng chata, inti thei zetin alo lek kang va va lehnghal, nghal ve tak chu ani, Kani in a khap hnuah chuan an awmṭha ve hrama. An in khik khak chhung zawng khan ka hmui ka chip theilo hrim hrim, ka ha hni te hi a ro vekin ka hria.

U Marcusa zarah ka ipik lutuk te kha ka thawl huai a, ngaihtuahna bing taka hmang lo turin ka rirlu ala penga ka lawm tak tak ani, awmlo sela chuan eng eng emaw ka ngaihtuah kual anga, keimah ka inti hreawm leh mai mai te kha ani awm si a, tuna tan chuan ka rilru pawh ka thunun thei rih viau e.


" Taka Nu, Kapi hi a lungawi leh tawh ami? " Titu chu U Marcusa bawk ani, " Lungawi tawh aniang, nizanah pawh an pahnihin anihkha an mut luh " Kani in nui tet tet chungin a chhang a, Damtei nen chuan kan hawi hai leh bik in kahria. " Kapi te an inhau a, kapi atlan alawm" U Marcusa'n min en pahin ati a, ka meng kawk in ka ring.

" Khawi ah " phawk hra a ka tih chuan, chhak lam room chu kawk in " Tah khian atlan, han en ula a thawmhnaw ṭhenkhat pawh ala awm ang " ati nui var vara, ka nuih pawh ala za ve vaklo. " I pu hi a thinchhe sia, aṭawng zawi thei si, i pi hriatna hi a chak tawh silo a, i pu thusawi hriat loh te aneih fo avangin an inhau leh nge nge zel a, i pi lah alo zaidam biklo bawk nen, i pi hi karkhat velte atlan ṭhin a, chhaklam room ah khian " Kani in a sawifiah takah chuan ka nui ve thei ta a, kapi leh pu te awmdan chu an cute kati dun ngang mai.

.
.

Chaw chu hlim tlang takin kan ei a, tumah chu hlim lo leh nuam tilo bik kan awmlo, kan nui ho a, duhsak takin kapi in 'Hei hi ei rawh, i cher riau ' tiin chaw hmeh min suah sak a, Damtei'n 'Keipawh ka awm ve ' alo tih lahin, kapi chuan changkha tauh chu suahsak in ' thisen sang tan aṭha ' ati a, kan nui ho leh dar dar zel. Hei ngei hi ani 'Chhungkua' ka lo suangtuah ṭhin chu, anuam in a zelen a, kan hlim bawk.


Ei hmun kan tifel a, tih ve teh tum mahila U Rci leh Damtei'n min awl lui tlat a, " In ah i hawng anga i tih leh vek tur anih hi, hetah chuan kan awl ang che " Damtei'n ati miau si a, nuamlo ti deuh lawm tho bawk siin an bulah chuan ka tap chawt a, U Rci'n a bialpa chanchinte sawiin 'Ka block a, ka unblock a, ka block peih lutuk a, a number ka delete peih bawk nen, msg pangngai ah phei chuan number hlangin alang a, ka save ṭhat pawn a hming alang thei tawhlo " thlengsil pahin ati a, Damtei anui ring fal leh khawp mai. " Hmangaihna diktak te chu, block a, unblock a, block a, Unblock leh ang ani an tihkha " tih chhunzawmin anui za si a, keini pawn kan nuih pui ve chiam tho.

Chhunah chuan U Rci inṭhui na bulah ka awm ve a, a khawl ri chuan min awi aniang zanah ka muṭha lo bawk nen ka muthlu leh lek lek zel a, U Rci'n 'Muhil rawh, zanah i mu ṭha vaklo in kahria' ti mahse, ka muhil tak tak thei chuanglo; Phone ka khawih lahin U Mafela ka hrechhuak zel a, thil ṭullo pui pui zedin kualin ka inti tawt leh ṭun zela, chuvang chuan phone pawh ka dah tawp.


" I muttheih loh ro ro chuan Marcusa te thingpui va pela, i peih em? " Tih tur hrelo zeta kalo awm chu min hmu ning deuh aniang, " Peih e, i va sawi har ve " kati hluaia ani pawh anui ve tawp. Tihdan tur leh hnathawk awmzat te chu min hrilh a, phur zetin U Rci room aṭang chuan ka chhuaka, U Marcusa te thingpui tur chu ka buatsaih nghal rak rak.


" Archaw-i chuan alo chhawr veleh chhawng che alaw " Workshop a kava kal chuan U Marcusa chuan alo ti a, anlo buai loh lai tak aniang, anlo ṭhu chawl a " Umm, abuai deuha " kati sep a, mipa ṭhah annih avangin ka ngampa sarh lo a, anuam pawh ka tilo.

" Kimi, Bawihpuia nen hian thingpui hmeh han lei lawk ta che u " U Marcusa'n atih chuan ka ner nanga, " Min va kalpui hreh awm ve " U Bawihpuia'n alo tih chuan nuamlo kati leh deuh sia " Chulam anilo " kati a, nuihzatthlak engmah ka sawi loh laiin an nui dar dar anihchu! an va han mawl tak, thingpui chu ka la let leh daih dawn mawni.

" Thingpui daih hma in han kal rawh u, Bawihpui i han chhaih leh vak ang e, ka nau kha chu fiam ka phal vaklo ania " U Marcusa'n ati bul bula, " Ka kalve kher angai ami? Tih chu duh teh mahila U Bawihpuia ka hmaizah ve tawh sia, thaw halhin U Bawihpuia chhuak chu ka zui chhuak a, scooty in kan kal dawn anih hmel.


Scooty a ti nung vut vut a, 'Lokal rawh le ' zaidam taka atih chuan, a hnunga lawn pahin 'tlanchak suh aw ' kati hrama anuih aza khawp mai. Ka nau bike khalh ah pawh chuang ṭha ngamlo ka nih laia, mi zawng zawngin 'Bawihpuia bike khalh chu alerh lutuka, a hawikual valh valh zela, kawng hi a en ngailo reng reng' an tih ṭhin scooty khalha chuan chu thla angamlo a, ka ṭang ṭung mai. Ka awmdan chu a hrethiam nge, ti lui tih hriat takin min phih leh thut zela, ka mangang mengkual vel chu side glass aṭangin min hmu ani mahna min nuih hawk zel a, a hnungah ka chum leh ṭawk zel, hmeichia kan tlan pelh te lah 'ava chhelo tak, a awm bawr lah chu ' ati thei zela, a hawikual peih si, ke in kal ila ka hahdam zawkin ka ring.


U Marcusa workshop kan thlen leh chuan adin fel rual rualin ka chhuk nghal a, lungawi lo deuh a ka melh rum vak pawn anui vur vura 'I zeilo emai, ka phur tawh lovang che' ati daih a, thinrim tak tak theih pawh anilo.

" Marcus, i nau chu ka phur duh tawhlo, tlan laklawh laiin min kuah atum tlata abuaithlak, min it deuhin ka hria " Work shop chhunga luh pah chuan ati a, a hnunga zui luh ve pah chuan lungawi lo zetin " Awi! U Bawihpui i dawthei emai aw, i scooty khalha chuan ai kha chuan ke in kal ila ka hahdam zawk ang eitur pawh hi..." katih mek laiin work shop chhunga ka mi hmuhte avang chuan ka ṭawnglai ka tawp chata, "Chhaih vak suh ka tihkha " U Marcusa'n U Bawihpuia melh khui paha atih te pawh chuan ka rilru an la peng leh thei tawhlo, U Mafela leh Nurse nu chu ka en a, tunah hi chuan anni pahnih hi ka mihring hmuh peih loh ber te anni.

" U, ka kal tawh dawn asin, puih inla ngai angem? U Mama te in ah kal kawi ka duh sia " U Marcusa en pahin kati a, "Aw kal tawh rawh, heta i awm vereng chuan i bal vek ang" ati ve zung zunga, minlo hniallo chu ka lawm ngei mai. U Mafela te lam chu ka hawi duhlo lui a, anni hmachhawn hi ka chak rihlo, work shop aṭanga ka chhuak tur chu "Bawihpuia hi in thlah tir leh la " U Marcusa'n atih avangin ka inher leh vata, " Teuhlo lutuk " ti a ka chhan chuan annui hawk hlawma, U Bawihpuia chu anui ring berah ala ṭang lehnghal.


" Inbe teh ang " Thui pawh kala kal hmain U Mafela'n min pawt dinga, ka ṭeu nghal hlar mai. " Min thlah teh " En pawh ka en duh chuanglo a, in pawh ṭawng zawng erawh ka duhlo, khawlaiah kan awm bawk nen inhnialbuai vel chu ka duhlo ani, " Inbe phawt ang, ka sawifiah thei " ati nghet charh a, " Aih, ka peih rihlo " tiin ka en ve ta hram a, ahmel landan chuan ka sawifiah thiamlo. " Nizan khan min ti mangang takzet tih i hria em?" Atih leh chuan " A hunlo lutuk " ti hlakin ka kut a chelh tlat chu ka phih nghek a, alo thlah vemai.

" Lindai scooty saw a chianglo deuh a, i hriat angin hmelhriat anei silo a, ka puilo theilo ani" ti sup tu chu ner khum nangin "in sawifiah suh kaning, ka kal dawn " Sehchilh deuha ka tih chuan anui a, kan awmna chu fal deuh sela chuan ka chum pawp duh ang. " Min nuihzat maw!" Kati hlara, a nui hmel chu bo nghal hmak mahse, a mit a nuihzatna chambang chuan minti thin ur ngawih ngawih tho. "Vei vak an awm ve neuh neuh si a, zanah kan inbe zawk dawn nia, thil lo ngaihtuah kual vak vak suh aw, ka thinlungah nangmah bak i awmlo tih hria la, confi deuhin lo awm teh khai " nghet charha tiin anui leh suk a, ka thin a tihrim lai pawn anui hmel chu ṭha kati tho, ka lu ka thing nawka, ka ngaihtuahna mai mai chu a, tunang huna chutiang kalo ngaihtuah hman chu keimah ka in haw hlur mai.


' Zanah kan inbe dawn nia ' ti sup in ngaih la zet a min melhin anui a, Thinrim avanga nizana ka thin tawt ṭun leh nichin lawka ka lungawi lohna kha areh leh duak tawh a, lungawi ang chuan ka awm duh chuanglo. 'Ka kal dawn ' ti hmakin ka inher san a, ani pawn min dang tawhlo.


" Pu, tinge khatah i chhun " Kapi te in ka luh rualin Damtei ṭawng ri ka hre nghala, " A far muang emai " tiin kapu in a chhang a, Damtei ke par dat dat thawmin azui nghal bawk. In chhung ka luh fel hnuah chuan an buaina chu ka hmu veta a, Damtei lungawi lo pawh chu a awm ka tihpui khawp mai.

Kapu chuan filter ah tui alo chhung ve ngei a, mahse achung ah chhung lovin ahnuaiah zawk alo chhung khat veka, chu chu ania Damtei'n alo sawisel. Kapu lahin 'A far muang emai ' ati then kha ania, " Filter ania, tui kha a in filter dawn alawm, tiang te kha chuan awmzia a awm nang " Damtei chuan ati hlak hlaka. " Fridge a tui in dah pawh filtera ka chhun ang tho hi ania, filter lovin in in tho alawm " Kapu in atih leh chuan " In inhnial peih lutuk, in ninawm " Kapi chuan alo ve a, " i galery i tih bo leh hunah pawh ka lak let sak tawh lovang che, hnial hrat si, thu duh si' Damtei'n ati bai baia kapu lahin alo nuihsan mai mai tawh a, hmuh an nuam dun takzet ani.


Kapi te chu ka awmdan tur hrilh in a tlai chhiat hma chuan haw chu ka tum a, " Han haw la, zanah chuan lo riak leh ang che " Kapu in ati a, an ngaihṭhat nan 'Aw' chu ka pawh a; mahse, ka riah leh theih pawh ka ring tawhlo. Kanu'n a phal tawh dawnlo tih ka hria a, tunah pawh alo thinrim viau tawh maithei ani, lo thinrim in min phun khum leh bawrh bawrh pawh nise atih loh dan ani chuanglo a, katan a hreawm lutuk chhan tur a awm chuanglo.


Kal pah in U Mama chu ka call a, in ah a awm leh awm loh ka zawh chuan a awm thu in minlo chhang a, ' Kapi te in ah ka kala, kalo peng ang ' ka tih hnuah call ka dah a, mahni u te bula an nupui te chanchin sawi hi anuam ka tilo a, tuna ka sawipui tum phei hi chu sawi loh dan awmse kati ngawih ngawih. Tun hnaite hi buaina neuh neuh ka ngah a, chinfel dan lah ka thiam silo a, abuaithlak kati tak tak ani.

Ngaihtuahna ka kawm nasa deuh aniang ka rin aia hma in U Mama te in chu ka thleng a, kan Mathewa'n minlo lawm leh khawp mai. " Bawihtei school akal emni? " Mathewa pawm pahin kati a, " Aw kal anihkha, ilo kal hlauh chu atihzia tak tak ani, Bawihtei hruai pahin order sem tur a awma, kal kalo tum lai tak ania, Mathewa hruai ve chi ani silo a " U Saii chuan alo ti bawrh bawrh a, U Mama chu alawm loh hmel ngang mai. " Order sem tur chu sawi la keiman ka ti maiang, Bawihtei pawh ka hruai thei kati ani lawmni? nangchu i kalchhuah angailo " U Saii ka chhan hma chuan U Mama'n alo ti chang fak a, sawi ve tur pawh ka hrelo e a.

" Hrilhfiah tur a awm alawm, tinge min dang tlat a, hetia in khuahkhirh hi chu ka duh miahlo ania aw, tlai lamah ruah asur ziah avangin Bawihtei ka ngaihtuaha ka hruai tur pawh chu eng nge i lungawi loh vaka " U Saii chu a vin viau a, Mathewa pawh a phu zawk mai.


" Online shopping hi bansan ang che " U Mama chu a vin ve hranlo a, a aw ki adanglam heklo mahse, pal luih chi erawh ani miah lovang. " Bawihtei pawn nihliap a kenga, ahma zawng zawng pawn i hruai ngailo, vawiin a hruai i tum kher te hi i rinhlelawm " U Mama thilsawi avang chuan ka phu zawka, U Saii erawh ngeiawm zet hian anui thung a, " Thik thu te hi i pe chhe ve sia, hetia min khuahkhirh dawn chuan ka peih miahlo ania, online shopping te hi ti lo ila kan khawsak a harsa viau ang " Ati hlak hlaka, U Saii chu ngawi tawh se kati takzet U Mama hi a thinchhia a, a thin a thawk thut ang tih ka hlau ani.


" I thawchhuah chuan eng nge i lei ve, i taksa bak i thuam mawi lo tih chu kan hrechiang viau ang, ka chawm i ni tih hi in theihnghilh miah suh, in hauh apiang in i thawchhuah chhete kha ilo sawi chhuak ve ziah lehnghala" U Mama chuan ati hrawka " Ka va han ning tak, kanu te in ah ka kal dawn " ti hlarin in aṭang chuan U Saii chu a chhuak a, U Mama chuan vanvadakin thawk ala ham ham.

" A zialo hlemai " A in bengdai ta aniang dam dap hian ati a, " Naupang awmlai chuan in hnial loh tur asin " ka tih chuan aṭhen suk a, ka ep ah ṭhuthmun a rem ve nghal bawk. Mathewa chuan U Saii kal ta daih chu avei zui lo khawp a, ka mal chungah ṭhu in a titi leh barh barh tawh, "Ka in sum hmanlo anihkha " Tiin a fapa titi siam siam chu athlir a, rit zetin thawk ala zui halh bawk.

" A lungawi leh mai ang chu maw " Ka tih chuan zalo zet hian anui a " Ngaihtuah buai duh suh " ti sup in " Sawi duh i nei in kahria, duh ang in hun ka nei tam silo a, hunawl ka neih chang lahin kalo mangnghilh leh daih ṭhin a " atih zawm a, an nupa inkar ṭhat loh zual laitak ani si a, sawi leh loh maite chu ka duh rum rum; Mahse, hre ve ngei se ka duh a, mipa anih angin hmalak dan tur te pawh ahria ang. mite hian awmlo ata thil an sawi ngailo a, thudik sawi vek kherlo mahse, dawt an sawi vek biklo tih hi ka hrechiang ve a, Ka u hi anupui hian abum kual mai mai ka phallo.


" Bawiha, Anitei nen kan inbiak laiin tv lo en rawh aw " U Mama chuan ati vuta, ka thilsawi tur hi a serious tih a hrethiam aniang, ka malchunga titi siam siam ka vahpa cute lutuk chu alo pawm sawn lawp a, A-pa chuan a fiam emaw tiin Mathewa lah a khek chul a, ka nuih hak hak mai.

" Choka lamah kan inbe dawn mi? " Mathewa tv en tur a chhuahsak fel hnuah ati leh a, mahni u te nen meuh thupui fun deuha kan han titi vel tur chu ka zak chem chem a, U Mama chu melh pawh ka melh ṭha ngam meuh tawhlo. Choka a aluh takah chuan insang mar ṭeuh chungin ka zui lut ve a, " Mate, i u ka nih hi " A aw ri ah chuan inthlahdul tura min duhzia ka hrethei.


Chair ah in hmatawna ṭhu in dawhkan chu kan kil a, U Mama chuan ka ṭawng hun a nghak tih ka hria; Mahse, ka thilsawi tur hi engtia han ṭan tur nge ka hrelo thung a, ka buai ru takzet. 'Dawt muhlum ka sawi dawn pawh ni hleilo' ti a in hrilh ru mawlh mawlh in " U mam, englo ania ka thusawi tur hi dawnsawn i thiamlo maithei a, keipawn thudik ani kati fak ngamlo a, rilru siam dan i thiam dawn nia aw " katih hnuah ka u chu ka en pah zeuha, ani chuan min en lovin Dawhkan chunga akut dah chu a melh ngur a, ahmel chu a nelawm loh ngawih ngawih.

" U Saii chungchang ania, mite hian min hrilh ve ṭhin a, mi thusawi zawng zawng hi a dik veklo tih hre mahila keipawn rinhlel tur thil ka hmuh ve tawh avang leh Bawihtei'n thil min hrilh aṭangin ka awm hi anuam theilo a " Tiin U Mama chu ka thil hriat leh Bawihtei thusawi te, U Saii leh Zirtirtupa awmdan ka hmuh te chu ka hrilh a. alandan ka hriat duh avangin hreawm ti chung chung chuan U Mama chu ka en reng a, a hmel chang ṭawlh ṭawlh chu hmuh nuam ava ni lullo em! Ka u hi ana tih ka hria ani.

" Duh ang in ka ngaihsak hmanlo ani, ka chhungkua, ka nupui leh ka fate an him a, an hlim nan theihtawkin hah pawh sawi thei lek lovin ka thawk a, rim taka hna ka thawh miau avangin ka chhungkua ka uap lum khata " Ti hrawkin a ngawi leh daih a, sawi zawm tum hmel a pu tawhlo. Dawhkan chunga akut dah chu a hum ruh ṭalh ṭalh a, a beka thisenzam pawng ṭalh ṭalh te chuan athinrim takzet ani tih an ti chiang.

" U Mam, thudik ani ngei em ka hrelo ka tih kha aw, ṭha takin U Saii pawh sawipui la, keichuan in inṭhen hi ka duhlo, Fa innei tawh a, a theih hram chuan in inkar siamṭhat dan ngaihtuah rawh u " Ka tih chuan min en in zalo zetin aṭhen sak a, " Mate, i rin phak bakin kan inkar hi a chhe tawh ang, siamṭhat duh lo ka nilo a, siamṭhat tumlo lah ka ni heklo. Ka theihtawk ka chhuah a, ka ngaihdan pel a akhawsak chang pawh in 'Ka chhungkaw tan' ti a tha na ngawih ngawih chunga tlawm zawkah ka ṭan chang leh, zawldawh taka ka dawr ṭhin te, ka chhungkua ka chan duh loh avanga ka thil tih zawng zawng te hi maw, hmeichhe rilru kalsual tawh Saizampuii chuan min ngaihnep nan zuk han hmang zawk hlauh a mawle " Inseh ruh ngawt ngawtin a ban a vai fua a, U Mama landan chuan minti na ve ngawt ngawt mai.

" U Mam, i hre vek ami? " ka mittui alo luang thla pap a, Ka insum hmanlo ka insut hraih a, U Mama chuan min en in "Ṭap mah ta che Mate, hun ka khawhral hnem tawh a, Ka fan thui tawk tawh alawm le, Rubber pawn fan tawp chin anei a, chutiang chiah in keipawn. Min zahlo bawka tu zawk nge dinhmun chhia chu a hre mai ang, mipa dinhmun leh hmeichhe dinhmun diktak hi kala hriattir dawn alawm; Ka fate chu nang i awm a. Bawihtei leh Mathewa'n an ngaina em em bawk che a, i hming hi an lam fo ṭhin. ka fate hi chan ka duhlo a, kan fate min chuhpui loh nan a uire lai ngei phawk ka duh avang chauha la chenpui ka nih hi " Uire tih a sawi lai chuan ka hit mup a, " Ava rapthlak ve " ka hmai ka hup a, ka thu hriat chuan awm ngaihna reng minti hrelo. U Saii chu ka rin ang ngeiin alo uire anih chu, a thil tisual lai phawk kherlo mahila apasal duhkhawp lova mipa dang bel bul tawh tu hmeichia chu a uire ani tawh mai lawmni?


U Mama chuan kan hriat lohvin alo van tuar nasa em aw, hmeichhia ni ve ngat sela zawng anatna te hi athup reng thei hauh lovang. U Mama erawh mipa a zawng inla mipa bik ngawih ngawih kha ani a, a natna a thup thiam lutuk leh engmah rinhlel na chang kalo hre ngailo pawh chu ka indem biklo.

A hmangaih afate nu ni bawk, kumkhuaa a kawppui atana a thlan hmeichhia, duat tak leh duhtaka a enkawl, a nupui ngeiin amah duhkhawp lo a mipa dang a pansan chu tuar thiam har ati ve ngawt ang. Engtia rei nge alo tuar tawh hrelo mahila rei tak chhung chu a tuar tawh ngei ang tih ka ring.


Bawihtei alo haw ve takah chuan engmah kan sawi zawm tawhlo a, Bawihtei hmel ka hmuh te chuan ka tawt zual a, chutih rualin U Mama inthup thiam zia mai chu aw, a fate bulah chuan Pa harhvang leh hlim thei tak ani leh tawha, nichin lawka thinrim sehchilh rap rapa thilsawi mipa kha amah ah hmuh tur a awm leh tawhlo hrim hrim. A chhungril ka hmuh chian takah chuan U Mama chu ka lainat tulh tulh a, ṭha tak anga alan poh leh ka lainat zual ting nimaiin kahria.

Lalpa tinge U Mama chungah kher hetiang hi athlen le? Ka hrethiamlo ani. chhan neilo chuan hetiang natna, na lutuk hi i tuar tir lovang tih erawh kahria a, a chhan hrethiama nun ṭha tak hmang zel tur in pui rawh aw, a fate leh amah hi i awmpui a, i ṭanpui an ngai ani ' an pafa thuma an inbe lai thlir pahin antan Pathian ka au mawlh mawlh mai.

.
.

Kan in ka thlen thlengin Ka thil hriat leh tawn te chuan minti tawt ṭun a, minti zawi ngawih ngawih bawk. Kanu phun sek leh sawisel tur hre lutuk te chuan minti tawt zuala, nidanga ngaithla liam mai zel khan ka thei ta tlat lo a, kan in hnial leh bap bap ṭhin. " Zankhat i riak bo dek deka min thamlo nghal em em chu ani si a " tih zawngin thu ala kual leh daih a, U Nguri'n min khap lo sela chuan kan inhnial thui maithei ani.

" Tinge i va dawhthei love, nidangah te chuan i ngaihthla liam mai zel sia " Choka aṭanga kanu chhuah hnuah U Nguri chuan ati ta reng a, chhan vak dantur pawh kahre chuanglo. " dawh reng hi ahar ve a " kati ringawt a, U Nguri pawn engmah sawi lovin min nuih ve tawp. U Nguri ka fak vena chu kanu asawisel chiam ngailo hi ani a, abula ka phun ve hlak hlak chang pawn anui liam maia, kanu ka chhanlet changte hian min khap vat zela Lehkhathiam nilo mahse, Hmeichhe fing tak zawng ani chiang alawm. A pasal leh a pasal a chhungte zahna chang a hre tlatte hi a entawn tlakna ani, Zirna hi pianpui finna nen a ṭangkawp loh chuan miin 'Lehkha athiam nen a mawl tlat' min ti zel tho. Zirna ka sawisel lo a, lehkhazir hi aṭha lo ka ti lo ania, thlirna dang aṭangin ka thlir ve mai chauh ani.


Zanah chuan Angaihi'n ṬKP fehchhuak turin min lo sawm a, " Ka va han phurlo tak " ti a kalo chhan chuan ner nangin " I tluchhe emai a, lokal mai mai teh " tiin min tur leh et et a, kalpui loh theih pawh anilo. Inchei em em lovin Angaihi chu ka zui chhuak a, " Nizan khan i phone i Airplane mode emni? Kalo be theilo che a, Chhun ah lah huanah kan kal leh daih bawk sia " atih chuan thil thleng chu zawi tete in ka hrilh ve malh malh a, " Anih daih zawk chu a, i lungawi lo emaw kati alawm, ka rilru nawm lohzia chu e " ati barh barh a.

" Lungawi loh chhan tur a awm hleinem " Ṭha deuha ka tih chuan " Tunlai Amosa awmdan hi amak riau, nizan pawh khan Thianga'n nuamlo ati lutuk a, 'Reilote te chu leng ve ila ' atih pawn Amosa'n 'Kan hnawksak mai mai' ati tlat a " ati a, " U Joysie avangin U Mafela hi a hua aniang, ka bialpa alo ni kher bawk nen keimah thlengin min be chak rihlo pawh ani mahna" ka ti leh maia, ka ngaihdan hi Amosa danglam chhan anih takzet zawngin ka hmuhdan ka thlak chiang viau ang, ka en dan pangngaiin ka en leh thei angem pawh ka kahre tawhlo a, ka in ngaihtuah fe angai tawh ang.


Fehchhuahna hmun tur kan thlen chuan anlo ri hlut tawh a, an kal tam viau tawh aniang, Angaihi nen kan inzui lut chu hruaitu lam in min lo be sawk sawka, " Angaihi te ṭhiandun kha ṭhutna ṭha lo kian rawh u " Val senior phawk ve deuh U Sena'n ati lang lang a, nuih loh theih pawh hi ani ṭhinlo. Chair ah kan ṭhu thei kanti chung pawn Mipa lamin ṭhutna min kian tlat a, " kan duat ang che u, a dup nuamah ṭhu rawh u " An ti miau si a, Angaihi nen couch ah chuan kan ṭhu a, " Angaih J-Hlua pawh alo haw ania " U Sena bawkin alo ti leh a Angaih aner nang nang mai.

U Sena'n Angaihi a fiam hnu lawkah J-Hlua pawh alo kal ve a, mipa ho chu thum hakin anlo chibai sap sap a, keini ṭhiandun erawh kan chechang eihlo. " U Rohlua chu ahma aiin i chhelo zawk " Apuii'n ati lar lar a, midang pawn anlo fak zawm sap sap mai. " Angaihi bulah emni i ṭhut ang " ti a an fiam chuan " Akhai! kan ṭhu ngam tawh nang " Ti let vutin Angaihi chu alo thlek zeuh a, anui pah vur vur bawk.

Hetianga anlo fiam ziah ṭhin hi alawm fuhlo ka tih em em ṭhin chu, An mi fiam te hian zah an hre ve thei tih hi an hre silo a, an pahnih tana awm nuam lo rawkin an fiam duh tlat hi chu 'Ka fiam' ti mahse, Fiamthu ang in ka ngai theilo. Angaihi pawn nuamlo ati tih ka hrereng a, rilru te deuh anga min ngaih chu hlau lo ila Angaihi hi ka haw pui daih tawh ang. J-Hlua pawn nuamlo ati aniang titi dang a vawrh thuaia, thil sawi tur a hre ve zek bawka, a thilsawi ho deuh deuhte chu an nuihpui leh dar dara, thudangah an pakai ta chu alawmawm khawp mai. an la chhaih sek anih chuan ka ṭawng ve ang katih rilruk lai tak ani a, pakhat lek pawn lo chhaih leh teh se ka ti deuh hrep ngei ang, Fehchhuah chu ṭan thuai thuai se haw vat vat ka duh.

Mood ṭawih zeta ka ṭhut lai mek chuan Remruatfela leh Nurse nu kha anlo in zui lut a, zanin zet zawng thinrimna tur hlir ka tawng anih hi, kan ṭhutna a lansarh em avangin Remruatfela ber bur nen chuan kan mit a in tawng chata ka melh no lo teh asin. Ka rilru nem ve ṭan tawh kha a khal leh nghal vekin ka hria, a insawifiahna ka ngaihthlak sak ang te kha kalo ti rilru ve tawh ania, zanin hian ka hmu miah lovang, ka thinrim ṭun laiin ala nui vur vur zui a, tenawm hian a.


Cont..
Show post links
Top