TE DOY 15K BY Abbra Reo Ririni Khiangte (Pitartei) (Completed)

[ngaia]

Thuamhnaw ka rem fel mawlh mawlh a,Kan nupa room kawngkhar inhawng thawm ka hriat rual in ka hnungzang ah hian engemaw in a rawn deng dawt a,A na zawk bawk.

"Kan in ah i lo va kal leh a?" Zico'an lawm lo tih hriat zet hian a rawn ti nghal tuar a!Muangchang in ka inher a,Zan hnih a lo haw tawh lo a,A rawn haw rual in min an khumna tur a rawn hre leh nghal zat a.

Ka bul chhuata Tissue box let ngat ka hmuh rual chuan kawngkhar bul cabinet a hmanrua a hmuh hmasak ber hmang in min vawm tih ka hre ta mai bawk!

"Ka nu in leng tur in min rawn ti a lawm."

Lawmlo tih hriat hluah hluah a min melh pahin khum chungah a laptop bag a theh kai tawp a,A tla leh lo chauh bawk.

"Tichuan Lisa i thikna țawngkam te i lo va sawi chhuak ta vel a." A rawn ti a.Keierawh min ţhawng lutuk tih piahlam ani e!

An in ka kal hlek ruala thudiklo a min puhna tur a rawn hre haw ziah hi ka thiam loh nge ni anga a chhungte lam in thu an hrilh dikloh vang zawk ni ta ang!

"Zico,In hnial reng lo teh ang.." ka ti ta ngawt,Sawi belh vak tur ka hre tawh bawk silo a,Tun hnaia thil thleng mak taktak vanga chauh tawh sa tehreng nen dawt muhlum lutuk hmang a buai leh chiam chiam ka chak hlawl lo!

Thuamhnaw ka rem fel mawlh mawlh lai chuan hnunglam aţang ka ban bul a rawn na thip leh zawk a,Ka thin chhung hi a hit tel zawk thei! Ka hawi let leh chuan a savun kawnghren in hren telna kekawr in min lo vawm a nih chu!

"Pasal te hnathawk haw lawmna chang pawh hrelo."

"Lawm thei turin awm ve ta reng che.." ka ti let hlar a.Min chhang tawh chuang lo in khum ah a let thla tawp a,A kut ram ta lutuk leh kut min thlak sek a ching te hi a mak tih bak sawi dan ka thiam lo,A hma zawng khan he a mizia hi engtinnge a thup bo theih reng ni!

A phone a rawn ri a,A chhang a, ngawi reng in a kekawr min vawm na chu ka chhar a,Suk tur ah ka dah lut leh a,Zanin hian in ah riak lo hram se tiin ka țawngțai ru mawlh mawlh a,Min sual leh ka hlauh hluah hluah tawp tawh.

A phone bia vin lutuk leh a țawng dan ah chuan hmanni a a buaina kha a la chingfel thei lo anih hmel!

Room chhuahsan ka tum a,Kawngkhar bul ka thleng hman tawh a,A thu rawn sawi avang chuan ka ding chawt bawk!

"Ka hna ti buai vek tu hi Vincent ani tih i hria em?" A rawn ti hmuk a.

"I sawi a ka hre ta chiah.."

"In inthurual anih chuan.." a rawn ti a.

"Zico!" Awihlohna nen ka ti vin nghal ţhat,A ner nawk chuan kut min rawn thlak leh mai dawn emaw ka ti a,reilote chhung chu ka mangang ru hman lutuk,Mahse a rawn tho chhuak ta em lo!Tinge thil thleng hlek ah hian min puh chhiatna tur a hmuh ziah ni!

"A ngam chuan ka chungah a kut lek leh teh se..I seilenna Home ah sawn damdawi an hmu anga,In nu leh pa te saw Jail ah an tang bawk ang.." a rawn ti a. "Oh..Sawng hnuchham ho saw khawlaiah an vak rawlai mai mai dawn tihna anih chu.." ngeiawm lutuk a nui pah in a ti leh a.

"Saw Home hmang sawn min vau ziah tawh suh.."

"Ka vau lo che..ka thil tih theih ka hrilh mai che anih chu..Ngaihtuah ve chhin teh..'Hnuchham chawmna in Damdawi tawlhruk vangin khar a ni!' Tih news ah lang ta chuai chuai se..In putara hmel awmdan tur i hmu ve chak em?" A rawn ti a.

Ka ngaihtuahna ang ang hian che chhuak thei ngat ila chuan a ringruh saw ka ţhuai bung daih tawh ang!

Vanneihthlak lutuk in Pathian in ka ţawngţaina a chhang a! Zico a kal chhuak leh ta daih a! Pasal te riak chhuak ţhin lawm ber ka ni hial ta ve ang!

Jayden leh Mami an la infiam chul a,Gate kalh tur in pawn lam ah ka kal chhuak a,Zan dar 9 a hnai tawh a,Jayden lah tlai hnuhnawh zet ah a mut leh vang in mut a la duh teuh mai silo a.Zico beihlet duh engang mahila beihlet dan kawng ka hre hlawl bawk silo,Ka seilenna home hmang in ka beihlet ve tumna chu min vau dai zel a,Saw Home saw ka in ani a,Ka chhungkua te chenna a nih vang hian a tluk chhiat mai mai ka phal bik lo a,Tun a Zico mizia ah hi chuan a thil sawi rapthlak tak tak kha a ti hreh dawn lo tih ka chiang tawh mai bawk si!

Gate thir pawn lam a inhawng huau mai ka ban rual chuan kan inthlang deuh thingbuk hnuaia Bolero dum in hung run mai chu ka hmu a.Ka thaw chhuak hak bawk!

Mami khan a sawi tawh a,Vincent hian kum 4 dawn liam ta aţang khan min lo ngaihven reng zel a,Mahse chung thil a tih chhan tur ka ngaihtuah let ngial pawhin a chhan tur awm ang ka la hrethiam ta lo cheu bawk.

Bolero lam pan chuan ka kal zel a,A chhunglam chu a thim mup a,Midang in an hung satliah mai mai pawh ani thei!

Driver side darthlalang ațang a chhunga mihring awm ka hmuh rual chuan ka meng kawk thei!

Vincent-a

Mit a chhing a,Seat nghenchhan a ngheng bawk a,Kawngpui sir a street light eng chuan a ţhutna lam chu a chhun eng che che a,A hmai chanve erawh a thim raih thung!

Amah a palian mai bawk si! Demi shirt pawl a ha a,A kiu thleng in a ban a thlep let a,A chal ah a kut pakhat a nghat a,Pakhat hlaihlup zawk erawh a mal chungah a awm thung!

Chutia ka en reng lai chuan a chala a kut nghah chu a rawn chet zauh a,A rawn meng zui nghal bawk a,Ka lo en uluk bawk si nen! Pawn lam a ka ding reng a rawn hmuh rual chuan a che awk a,A kut zungpui leh kutzung chal in a mit chu a hmet deuh vang vang a,A rawn hawi chhuah leh rual chuan a thaw hawk tih a taksa che awk ah chuan ka hre thei a,Lai zet hian ka nuih ta ringawt a!

Bolero chu a che suih a,A rawn chhuak zui nghal vut a,Ka cardi hak ipte ah chuan ka kut pahnih zen lut in ka tawlh hnung ve ta hrat a.

"Tinge i rawn chhuah a?" A ti hluai bawk.A ţhutna vanga a kawr chuar tawm chu a pawt mar a,A kawnghren dum hlap kal phei raih chu a khuh zui zat a!


"Aaa..Gate kalh ka tum a..Ka rawn hmu che a.." ka ti a,Chik zet a min en ngur hnu ah kan in lam hawiin a thaw hawk a,A hmel zuai ruih ah chuan a mut ţhat loh hmel in a mithnuai lamah Dark circle a awm phei raih a! Chu thil chu engtia awlsam tak a hmuh sak thei nge ka nih ka inhrelo!


"District dang ah free checkup neiin ka zin chhuak daih a,khawpui ka rawn in khalh thleng leh chiah." a rawn ti leh sup a,Ka melh chho kiau a,Khawpui chhung a rawn lut chiah a,Kan in bulah a motor a rawn hung zui ta hmiah bawk a!


Zawite in a kut vei lam chu a cotton kekawr dum hak ipte ah a zen lut a,A hma ang bawk in a bana sana chu a langsar leh viau tawh!

"A nih chu.." ka ti sep a."Ka va lut tawh a nge?" Ka ti a,A mit ko dinglam chu a ti chuar nang a.Ka kal sawn tur chu rang zet in ka ban ah a rawn hmer ta chawt a.


"I nghawng a duk kha reh tawh tur a ni a sin.." a rawn ti a;Ka thinphu a rang nghal zawih zawih bawk!

"I hriat loh laiin i ti na leh tih sawi i tum em lo ang chu!" A ti nghut bawk,Rang zet in ka kut a vawnna chu phih sawn ka tum a,Mahse ka hnunglam si ah na vak lo in a nem hnung a,A rawn kun hniam a,ka nghawng chu chiang lutuk in a rawn melh a! Ka awm zawn a a thaw lum ham ham vang chuan ka thaw chhuak ve ngam tawh lo hrim hrim!


"Engthil nge maw i tih le.." ka che thut a,A darah ah ka nem ta dawt a,A din ngil rual chuan rang zet in Cardi chu ka pawt phui sawk sawk a,He pa bula ka che ni hui ţhin te leh ka khur ru ţhin te hi ka duh lo a,Ka fa neihna,Ka pasal lakah pawh hetiang teh hrep hian ka zam ngailo,Mahse ani hmaah hi chuan atthlak zet in ka zam a,A chetdan hlek hian ka thawk thlengin a tibuai ţhin.



"Ka lut dawn.." Amah pawh en tawh lo chuan ka ti a,Ka inher a,Ka kal nghal hlawk hlawk a,Ka hnungah ke pen thawm ka hriat ve rual chuan kawngpui reh ruih tawh ah chuan ka tlan ta vak ringawt a.A phun hluk ri ka hriat rual deuh thaw in Gate thir ka pawt khar nghal bur a,Ka lock a,Ka thin zawnah ka kut nghat in ka thaw ta hle hle mai!

"Atthlak lutuk!" Ka ti hlak a.

☆☆☆☆☆☆

Chapchar kut hman na ah kan home pawh Mizo lam hona a tel tura sawmna kan dawng a,Kan zir ngawrh in cheraw kan leh,Khuallam te,Chawnglai zawn te thleng in kan zir a,Hmeichhe naupang in hmaram kan bih a,Mipa lam in pawndum an veng ve thung bawk a.


Zothana chuan ka inthlakna tur leh a inthlakna tur kan khung khawmna bag chu a ak a,Home enkawl tute kan kiang hnaia an awm loh rual in nghet deuh in ka kut a hum nghal hmiah zel bawk.


"Lamna ah kan tel ve lo mai dawn mi?" A rawn ti a,Lammual ah mipui kan zi nuai nuai a,Vaivut a khu rum rum reng bawk.

"Ka duhlo e a.." ka ti hlak a.
"I hmaram bih kha a chhing bawk si.." a ti hmuk a,Rum deuh hian ka melh vak ringawt a.

Engmah sawi tawh lo in min veng ta tlat a,Mipa dang ka kiang hnaih a an rawn kal hlek chuan ka darah a rawn kuah zui nghal hmak zel a,a ţhen an ruiin an au lawng lawng hlawm reng a,Zothana chuan chung zurui ho laka ţang min venhim chu a tum char char hi ani ber,Kan hnaih ah mipa an rawn kal hlek tawh chuan a lawmlo tih lantirnan a lo melh nghal hrawk zel!


Kan Home neitupa leh mipa pakhat coat suit ha hi an rawn inzui a,Zothana chuan min kuahna kut chu a la sawn ve ta chiah a.


"Dindin,Hei organiser lam aţang sawmna i dawng a." Ka pa chuan a rawn ti a,Hrethiam lo zet hian ka lo melh ve ran bawk a.

"Hnam zia pho chhuahna hi kan nei leh dawn a,Chumi atan chuan ka rawn sawm dawn che."

"Keimah maw?" Ka lo ti hu a,Ka tel ve chak lutuk chu ka hmel ah an hmu thei hial ang.


"Aw,In rawn thlen tirh khan kan lo hmu tawh che a,In thlak buai ngailo in Hmaram milpui tur ţhi leh bengbeh i beh anga,Chuan midang rual in i kal ve ang,A harsa lo lutuk!" A rawn tih zawm leh zat a,Ka phur zia mai chu!


Nikum lamah pawh mipui zawng zawng a sirah kan awm a,Lammual lai tak ah hian hnam thuam entirna an nei a,Ka rualpui chhe lo tak tak te pawh an tel ve a,a hmuhnawm mai bak ah chutiang a tel ve tura a sawm a min sawm chu ka lawm tak zet bawk.


Ka pa leh Organiser a mi chuan tihtur an sawi zung zung a,Ka bula Zothana ding chu nui var var in ka melh zawk a,Tum hmuk pahin a lo hawi sawn nghal daih anih chu!


"Ka tel ve dawn aw?" Zawite in ka ti sep a.A thaw hawk a,A tawlh hnung hrat a,A bag dum chu a dar dinglam ah a bat a,Engmah sawi lo in min kalsan ta daih a.

"Dindin,Kal ang le.." Ka pa in a rawn ti a,Zothana kal nul nul chu ngaihna hrelo zet hian ka la en reng tho a.

"Ţan a hun tawh dawn a.."

"Aw le.." ka ti a,ka zui ve ta mai a,Zothana awmna lam ka va hawi leh chuan mit la sawn miah lo in min lo en run a,A thinrim laia a awm ţhin dang ang chiah in a kut a dah ngil a,Nghet deuh in a hum ruh tlat bawk!

Organiser ho in min lo buaipui nghal sawk sawk a,Ka rualpui hmeichhe dang pawh an lo awm ve nual a,A ţhen chuan sepsuap an feng a,A ţhen chu puan pangngaiin an taksa an vet a,An nghawngah an suih sak tlat bawk!

Rilru nuam lo zet in ka ţhu ve ta ran a,Zothana kha a thinrim tak tak chuan nakinah pawh min ngaihven zui duh dawn lo tih ka hria a,Nichin khan ka pa kha awm ve lo se chuan amah zawk in min hnial sak mai thei,Mahse ka pa a awm a,Ka pa thusawi hi vawi khatmah a hnial ngailoh vang in min kal san tawp a.

Rei deuh kan ţhu hrang tawh a,Nuam ka tilo telh telh a,Ka ţhi awrh leh bengbeh beh te chu ka khawih ta sek a,midang in min biakna pawh a rul tawk lek lek in ka chhang zel a,Zothana khan a thu ka awihloh chuan min duat tawh ngailoh tur thu a sawi a,keimah nilo midang duat ta daih se!

Ka ngaihtuah nasa lutuk chu ka tawt vek mai in ka hria,Keimah lo tumah a duat ka phallo a,kan home a mi pawh nimahse ka phal chuang lo a,Amah chu ka ta chiah ani hian ka hre tlat zel bawk.Mahse a thinrim tak tak chuan min ngaihsak duh tawh miah lo ang!

"Ih..Ka..Ka tel leh duh lo." Ka bula organiser zing a hmeichhe pakhat bulah chuan ka ti ta tawp a.Min en nghal kawk bawk.

"Tinge?Midang zawn leh a buaithlak vek tawh." A ti hlak a.Chhuanlam mai tur ka hre bawk silo a.
"Nuam ka tilo a.."
"E,I zam anih kha,A zahthlak loh i ţhiante pawh kha an zam ve tho a lawm,Mahse a huho vekin in kal dawn a,A zahthlak dawn loh." A ti leh zung zung a,ka sam thlah mawl tawp kha hmun hnihah min phiar sak a,Ka darah an uai thlak tir ve ve bawk a,Ka hmui ah lipstick sen vak lo in min hnawih sak bawk a.
Chhuanlam tur dang ka hre tawh bawk silo,Keini ho awm hran bikna aţang chuan mipui lam chu ka en ka en a,An tam bawk si,Zothana awmna ber pawh ka hre tawh bawk silo.

Ka țah hi a chhuak hlur tawh a,Min haw san daih phei chuan..

"Ih..Ka tel duh lo." Ka bengbeh phelh sawk sawk pah chuan ka ti a,Midang ho chuan min en ţhup bawk.

"Mami,Midang zawn leh a buaithlak ka tih tawh kha.."

"A pawi ka ti lutuk,Mahse.." Ka ţah chhuah ve ngawt chhan pawh chu ka hrelo,Min en ţhup mai bawk si.

"A nuam ka tilo a.." ka ti chuai raih a,Min chhan leh hma in ţhi pawh ka phelh a,Ţhutthleng chungah ka dah tawp a,Engmah pawh sawi tawh lo in ka tlan chhuak ta nal nal a.

"A va mawl e aw.." An ti zui chiam pawh chu ka hre thei.

Zothana awmna nia ka rin lam chu ka pan hlawk hlawk a,Mipui an tam bawk si,Min nek kat nawk nawk a,a ţhen rui tawh lah chuan min lo au khum dual dual zel bawk si a.

Gate bulah ka chhuak hlawl a,Nisa lutuk vang in thlan in min bual huh vek a,Ka hmai te chu a sa ţun vek tawh.

Chung mipui zi nuai nuai karah chuan kan home aţang kal ho pakhatmah ka hmu ve lo a,Ka ding sang a,Tumah chiang tak in ka hmu thei bawk silo.

Gate aţang ka kal sawn a,zawn ngaihna pawh ka hre tawh bawk silo chu ka ţap tawh mai dawn hian ka hria a,Chappal ka bun lo a,Vai vut sa vur mai ah chuan ka vak kual ka vak kual ta ringawt a.

Ka hmaah mipa pahnih an rawn ding chawt a,Ka dak chho nghal haw bawk,Pakhat zawk chu a lo nui suk a,Zothana te nen an inrual vel mai thei! An thuamhnaw inbel ah chuan mi pangngai chung ami daih an nih ka ring deuh a.

"I va mal ve?" Pakhat zawk chuan a ţhianpa dara kuah thuk pah chuan a ti a,Mipui chu an insulpel nawk nawk reng hlawm bawk.

"Ka ţhiante ka zawng a." Ka ti sep a,Hnuai lam ka bih leh nghal daih a.Engemaw hi an inhrilh ru a,Ka kalsawn tur chu ka ban ah pakhat zawk chuan a rawn vuan ta chawt a!
Ka hlau lutuk chu phawk tawk in ka meng nghal kawk thei! Mahse alo nui leh suk a.

"Kan lo zawnpui ang che.."

"A ngailo.."
"Nangmah chauh chuan i vak kual reng zawk ang,Kan lo zawnpui ang che." A rawn ti leh a,Chil ka lem dawk ringawt.

"Hetah i ţhiante chu an awm ve tih i chiang a maw?" Pakhat zawk in a rawn ti leh a,An awm chen vel lek aţang chuan ka melh chho ran a.

"Aw,A huho in kan lo kal a."ka ti a,Min zawn pui vat vat theihnan home a awm ka nih thu ka hrilh tel leh bawk a.Pakhat zawk chu a rawn ri ta hluai a.

"A ţha lutuk,In home neitupa pawh chu kan hria a lawm,Lokal rawh le sawlam ah sawn an awm." A rawn ti ta hlauh a,Ka thaw huai thei.

An hnungah ka zui dat dat a,An pahnih chuan kal pahin an inhrilh ru leh zauh zel a,Ka hlau ngawt dawn a chu heng mipui zi nuai nuai awmlai hian engtinmah min ti ngawt ngam dawn lo tiin ka inhrilh char char a,Ka pa pawh an hriat thu an sawi vek tawh a,Ka hlau ngawt tur a nilo.

"Hei i inve chhin duh em?" Pakhat chuan a bag pack aţang saidawium bur hi a rawn phawrh a XXX RUM tih hi a chuang kulh bawk.

"Aih..."
"Tui i in duhlo ami?Tui nen a in ang reng ania."
"Theitui nen a danglam lo." Pakhat chuan a rawn ti ve vat a.Lu ka thing zauh a.An in en leh a,engmah sawi zui tawh lo in kal tur in min hrilh leh a.
Min be char char a,Gate ațang kan thleng hla tawh lutuk bawk.

"Saw lai saw nia in Home ho bik awmna chu!" A rawn ti a,Phur zet in ka hawi chhuak a,Kan home mi ka hmuh rual chuan ka thaw halh a.Mahse Zothana leh Nono-i lo ding dun leh engemaw sawi a an lo nui dun ka hmuh rual chuan ka nui tawp riai riai a.

Anmahni chuan min rawn hmu ve lo a,Kan inkarah mipui an kal nuai nuai reng bawk.

Nono-i hi home a ka rualpui awm ve ah chuan ka intihbuaipui ngun ber ani a,Kan insual tak mai lah a tam lutuk,Zothana bulah hian awm ve ţalh a tum ţhin a,ka ngainat hlawlloh vang hian Zothana pawh a kawm ve tawh ngailo a,Mahse tunah chuan an pahnih in an lo awm dun leh daih a!

Nono-i chu Zothana hma ah a ding a,A kut pahnih chu Zothana hma ah a lek chhuak va a,Eng games emaw an khel ani mai thei,Zothana chuan Nono-i kut dinglam chu a kawk zauh a.Nono-i au chul leh zuang tawr tawr chu rum deuh hian ka melh vak ringawt a.

A hnuah chuan Zothana chu a ţhu a,A hnungah Nono-i chu a lawn anih chu! Ka thinrim lutuk chu nghet deuh in kut ka hum ta vak a,Zothana ding chhuak pah a rawn hawi kual chuan min rawn hmu ve a,Ka mittui a lo tla ve ringawt bawk.

Ka inher hmak a,Rang deuh in ka mittui chu ka hru sawk sawk a,Kan kal tawhna lamah khan chak deuh in ka kal let hlawk hlawk a,Keimah thinrim chung in min kalsan a,Ka hmeichhe ngainat ngailoh ngei kha keimah min puak ţhin ang chiah in a paw leh bawk!

"Hey,I kal chak lutuk,Min lo nghak ve la.." Ka din dat rual in nichina tlangval pahnih te kha ka bulah a rawn ding fel der a.Ka țah la chhuak bawk si chu ka insut deuh hlawp hlawp a.

"Ţah lo tur,Lokal rawh hmun nuam deuh ah kan hruai ang che." An rawn ti a.
"Aih ka duhlo.."
"Anih leh eitur kan lo lei ang che,I rilţam tawh hmel lutuk." An ti leh a,Pakhat zawk chuan ka darah a rawn vuan a,"Eitur kan lei ringawt dawn nia." A ti a.Ka chhang lo a chu tumah zui tur dang ka hre tawh bawk silo a,Zothana thinrim ka hlauh vang in ka pa hriat loh in ka thiltih tur ka tlansan bawk a,Ani lah chu hmeichhe dang a lo infiampui mai mai a.

"I hmelţha reuh si,Engtinnge kan koh ang che."
"Dindini."
"Nalh lutuk,Kei hi Jerry ka nia,Chuan hei hi Pc-a anih hi."
Ka bu zeuh ringawt a,Anni tlangval pahnih in min țanpui ta vak chu mak ka ti ru hle bawk!

Home hi ka hun tam zawk ka hman na anih vang hian pawn lam mite hi engtinnge an nun tih hi ka hriatpui tlem em em a,pawn lam mite kan kawm tam chuan thil awh kan neih tam te hi Home hnathawk tu ten an hlauh vang hian gate hi an hriatpuina lo chuan kan chhuahsan ngai lo.

"Engnge i ei duh ang." An ti a.Ei duh ber tur pawh ka hrelo,Mahse ka rilţam hle tih erawh ka hria.

"Ka hrelo."
Ka ti sep a.

"Puite.." ka hnunglam aţang aw ri ka hriat rual chuan ka ţap chhuak mai dawn in ka hria a,Ka hawi let duh miah lo a.

'"Zodinpui!" Vin zet hian a rawn ti ta țhawt mai! Ka hawi let a,Ka bula tlangval pahnih pawh chu an rawn hawi ve ta dawrh a.

"Kal ang.." a rawn pen pawk pawk a,Ka ban ah a rawn vuan chawt a,Min pawh sawn mai a tum ringawt bawk a.

"Ka duhlo.."Ka lo ţang ve tlat chu Zothana chuan a lawmloh hmel kher mai,Thawk lak hawk pahin van lam a dak a,Rum deuh hian ka lo melh vak a.
"Min zui rawh le."Dam deuh hian a rawn ti a.
"Aih..."
"Tinge a duhloh chung chu hruai luih phet i tum a?" Ka bula tlangval ding pakhat chuan a rawn ti a,Ka darah a rawn kuah a,a lam ah min pawt let ta nawk mai!

"Thil kan ei dawn a,Rawn ngaihtuah suh,Kan lo enkawl ang." Jerry inti zawk pakhat chuan a rawn ti leh a,Zothana chuan nghet deuh in kut a hum ta ngawt ngawt a!

"Le, engnge i ei duh le." Eitur zawrhna lam a min kuai let leh pah chuan a ti a,Engemaw rim a nam tih ka hre ve chiah.

Mahse engmah ka sawi hma in hneh lutuk in ka ban ah vuan in min pawt her sawk a,Zothana thinrim insum hmaisen țawlh ţawlh chu en ngam lo in ka kut chu thin thlak ka tum a,A nin a lo vuan nghet ve tawh bawk si!

"Thlah mai mai teh." Pc-a zawk in Zothana hmai ah a hnek ta chawrh a,ka au nghal tuarh a,Kan bul lawk a mipui zi nuai nuai chu an rawn bawr khawm nghal tuau tuau mai!

"Engnge kan hmeiche hruai lai chu rawn hruai hran phet i tum a?" Pca zawk chuan Zothana nuihsawh pah zet chuan a ti a.

Zothana chu a ngawi ngul a,Mahse Pca hian kut a thlak leh anih chuan a dawh tawh mai mai lo ang!

"Jerry,Kal ang u." Ti nghut pah in ka darah a rawn kuah thuk a,Min pawh sawn a tum leh chu Zothana zawk in a kawr hnungah a rawn ţham nawk. Vaivut ah a phih thlu nghal nawk anih chu!


"Khang lang a,kut ka thlak e te min tih chu!" A thawh chhuah leh hma in Zothana zawk in a ţhut bet a,A kawrawm ah ţham sawk in a hnek zawm leh ta chawrh chawrh a,Engkim chu a buai nuai vek hi ani mai,Jerry khan Pca chunga Zothana ţhu chu a tlawh sawk a,Mipui an ri nuai nuai a,Ka hlau lutuk chu ka ţap lo chauh tawh.