FAQMCPHelloween fambol
PortalMizo StoryLong story and EpisodeSearch
THINGTLANG NU ZUNZAM (CHAPTER 14)by helloween fambol
Search this topic…
1 post • Page 1 of 1
Helloween fambol
THINGTLANG NU ZUNZAM (CHAPTER 14)by helloween fambol
Post January 31st, 2025, 8:50 pm
Chapter 14
Group a awm ve lo te in awm vangin kan sawi tha nge..naktuk hi kan Sabbath ni a ni a ...chhunah story ka ziah hman dawnloh vangin naktuk zan chu MY BIG BOY tihleh THINGTLANG NU ZUNZAM chu kan awl ang aw.....
Dailovi pov:
Tlai a ka u te an lo haw chuan ka hrilh chak tawh lutuk hi ka za chung mai....usawma leh u mama chu thutthleng ah ka thuttir a..an hma ah chuan ka ding a ...mak an tih hmel hle tih an hmel ah a lang a..mahse ka nui vur vur a...
" Vawiin ah result a rawn chhuak a...ka tling " au vak pah hian ka ti a...u mama phuzawk hmel pawh ka hmu hman.....an nui hawk a.
" Tak tak em ni" u sawma chuan a ti a .a ding hluai a..
" Tak tak ni e mawle" ka lo tihchuan.....usawma chu a au vak a...
" Nurse kan nei ve dawn ta" tiin a ban chu a phar a...min lawmpui thiamve lutuk chu ka hlimna tizual tu...
" Ka VA han lawmpui tak che em" umama chuan rawn ding ve pah hian a ti a...ka u te chuan min kuah vawng vawng maii...min lawmpui hle a ni tihpawh hrilhhriat kher ka ngailo...
Chaw ei khamah ka nu leh pa te pawh ka hrilh a...ka nu phei chu a lawm lutuk a a hnuk a ulh dawn dawn thin..ka pa chuan a hnem a..ka pi leh pu pawh in min lawmpui ve em em a...
"I hnathawh tur hi midang nunna a inthap dawn a..i tihsual emaw i inthlahdah a nih chuan nunna la i ni dawn a...fimkhur hle la i hnaah chiah in sawr bing ang che" ka pu thu min hrilh chuan ka rilru a hneh hle ringawt..
Tunlai kan zoram ah ngei pawh doctor chu sawiloh nurse sawisel hlawh tak tak an tam tawh a....nurse nih vang a induh ta riau biak hrehawm khawp a hmel nelawm loh te hi an awm chawk ania....kan mi enkawl te an retheiin bakberh ve tak ni mahse nurse kan nih chuan mi hausa kan treat ang tho a kan treat ve tur niin ka hria......
Ka thiante pawh ka hrilh a...min lawmpui hle a..mahse ka haw leh mai mai thei dawn lo tih an hria a..an huphurh hle nghe nghe..ka ngai ve hlawm khawp maii.. thanpuii pawh in principal pa kha a la kherh ngat ngat mai...
" Thanpui principal pa chu i perh thla thei em" ka ti a...
" Perh thlak tur pawn a awm tha duhlo emaii..eng a ang thei meuhlo" a ti hem maii..han chhai zel phawt se a chhai thlu ve thei mai tur ah ka ngai....
Zing ah pawh ka helhhawlh nge ka tho hma hle a..usawma an min fiam zuk zuk zel a....ka nui huah huah maii ka mood chu fuh par par tak ani ringawt......
Nurse form ha chung chuan darthlalang hma ah chuan ka ding nui ver ver a....ka chak ber chu ka nive ta...nurse lukhum ka khum te chuan ka nui leh vur vur zel....
Ka nikhat na chu ka che fuh hleithei lo..duati erawh a che buai eihlo amm.....benflon vuah tur in naupang Pakhat an rawn hruai a..ka nervous ve deuh nen ka che fuh hleitheilo a..duatin a rawn ti zawk hlauh a..ngah nge maw hetia ka awm nii...
Senior zawk te chu zan duty an awl deuh thin a...junior ho chu zan lam kan duty hlawm dawn anii.... Wednesday zan leh friday zan hi ka duty hun a ni.....casualty ah kan awm deuh tawp dawn a ..senior Pakhat in min pui ziah dawn bawkk....
Ka duty hun a zo a....duati nen pawh kan duty huntur a inang chiah a...in lam panin kan haw ve hnak hnak a..tlai dar 4 a pel toh.....taxi kan la a...kan awmna tang hian a hla ve em bawk anii...
" Vawiin ang khan vawikhat mah awm tawh Suh" duati chuan a ti a...a thurawn deuh duai a..taxi darthlalangah chuan a hawi chhuak a......nurse form a ha meuh chu a nu ve hmel lutuk...
" Ka nervous lutuk vang nihkha" ka lo ti vat a...
"Pawisa duh chu nilo ila hetiang kawr hi ka ha peih kherlo ang" a ti leh tawh..a ha Ning ve hle mai maw.....a awmlo hran lo ve...
In kan thleng a ..duati pawh an inlam panin a kal nghal a..inchhung ka lut chiah chu sa kan rimtui zet ka hre nghal..sa kan hmeh dawn nimo.....
" Eheuuu..sa rim ka hria" ka luh pah chuan ka ti a....ka u te pawh anlo haw diam tawh a ..eirawng an lo bawl a....usawma chuan gas ah chawhmeh a chawk mawlh mawlh a...umama erawh in chawtani tur a zei mawlh mawlh a....
" Hna thar nei te kan awm bawk sia" umama chuan a ti ve mial a...a thil tih lai chu chawl in minlo en vat a...
" Euu duailovi tunu rangkachak chu i VA han chhelo ve" umama chuan nui vur vur hian a ti a..ka nui sang a ..
" Ka inthlak lo mai dawn maw ni" ka tihchuan an nui hawk hawk a....mutna pawh hian ka ha tel nghe nghe dawn mawni...
"Va inthlak la...inbual vat rawh" usawma chuan a ti a..a nui sang a...an hlim hmel ngaiwh ngawih...
" Ei rawng bawl turin kan chah ve che a.. hna i nei leh nghal daih a. I tha kan chhawr hman dawnlo" usawma chuan nui pat pat hian ati a....
" Hlawh ka lak hunah ka phal chuan mamate ka lei ve ang che" ka lo tihchuan umama chu a nui hawk a....
" I va han phal tlem ve" usawma chuan a ti a....umama nen an nui pat pat a....
Zan chaw ei khamah chuan ka nu te nen kan inbia a....ka ni hmasa ber te nia chanchin minlo zawt mawlh mawlh a....
"Va khauphar thawven thak Suh" ka pi chuan a ti hmuk a..tv a en ngur a...
" Khau ang em chuan ka thawveng lo" ka lo ti ve vat a..ka pi awri pawh hi ka ngai...
"Um ee.. tihhi i neilo ve khawp mai" ka pi bawk chuan a rawn ti leh a ..ka nui hawk hawk a..
" Ka awmlo chu hnial pui turkeh hauhtur i nei silova...thutthleng kha hau vak vak mai rawh" ka lo tihchuan ka pi chu phone hma ah a rawn kal a..a nui suk suk tih pawh ka hmuthei..
" Duailovi a duai leh ta e" ka lo tihleh lek phei chuan a nui hawk hawk a...ka nu te pawh an nui ve hawk hawk maii...
" Kha thu kha sawitur pawh kan awm tawhlo" ka nu chuan nui pat pat pah hian a ti a ..ka nui ver ver maii...
" Khawpuiah i awm a..i nun kha uluk ang che...sawrkar hnathawk a hming in i nive tawh a..induh tawk dan thiam ang che..ngaihzawng a chhia a tha pawh i hmuthei a...nei Suh kan ti dawn lo che a..mahse i nei nih pawh in...zanlam a pit bo ching ang kha ni hauh Suh ang che .i nungchang kha uluk em em le .Mipa zuam theih in khawsa lo ang che" ka pi chuan a ti dap dap a..ka nu leh pa te an bu nghut nghut maii ..Jason ka hrechhuak thut a..alakah kha chuan hmeichhe easy ber ang khan ka awm nihkha....huiii ngaihtuah lo teh ang....
Ka nu te nen kan inbiak zawh ah chuan mit zai ka rel ve a..vawiin chu ka tal hah ve bawk sia ka chau ve deuh...hlawh lak hun hi han ni tawh mai se..ka chhungte ka thawn ve chak tawh ..huiiiiii hammmmm..mu phawt teh ang..
A Tuk ah chuan duati nen dan pangngaiin kan hna lam kan pan a.....
" Duati tunkum chrismas hi hetah kan hman hmel tawp" taxi a kan chuan lai chuan ka lo ti a .chrismas chu ka hnai lo deuh mahse kan khua a haw ve theih huntur chu ka nghakhlel ani...
" Ka hre biklo le ..chrismas te mai mai kan upa telh telh a..a ho telh telh ..dawhthlak vel a awm tawh lo a...thenkhat an puar pawp pawp tihmai loh chu" a tih chuan ka nui hawk a..sawi awm ang thiam maw...
" Chu i ngai serious vak nage..chrismas dawn te chuan glow up te i chak ve lo mi" ka lo tih ve leh chuan....
" Hummm glow up tih vel a pawisa sen vak vak ai chuan pumpui chakna damdawi lei ila a tha zawk...sum a safe zawk" a ti hem maii...ka nui hawk hawk a....
Reilo ah kan thleng ve mai a..casualty kan lut chiah chu kan thawpuipa tlem a ni lam rawngkai deuh hi a rawn chhuak a..min hmuh ve leh chuan
" Awiii duatpawrh in lo thleng maw" kawngka tang chuan a rawn ti a ..
" Saw mihring saw a thawk ve dawn mile" duati chuan kan pahnih hriattham lek hian a ti a....an inhria emaw nii....
Casualty ah chuan kan lut a...duati lo be tu pa chuan duati chu a kuah chung chung a..duati chuan a kut saipir chuan a lei chu a tat zeuh a..chupa chal zawn ah chuan a tin a...chupa chu a lo awmsawn vat a...
" Hei mihring siamsualpa khatin min ti cheng suh" duati chuan ati hluk a...mihring siamsualpa a VA han sawi thiam ve ..a nula ve deuh a .....a sawiawm ang thiamve hle mai maw..
" Duatpawrh khatin mi ti ziah Suh..keilo kawm tur mumal pawh i neihloh kha" mipa zawk chuan a ti a..a ner nang maii..
" Heii..nangte chu ka kid a tangin ka ban tawh che" duati chuan ati leh hmuk a..an in melh no lo dun asin....
" Duat nghapih " Mipa zawk chuan a tihrualin duati chuan a chal ah a kuk fawk a...a chal a tuai mial mial a...
" Nghapih i hehve tho" tiin duati chu a kalsawn daih a ..hmuk hmuk mai a...henu hi a mood a uih tlat tinge mawni...
Duatin mihring siamsualpa a tih pa chu ka lam a rawn hawi a...a chal a tuai mial mial a...
" Duat nghapihi nen a in inkawm chuan i chak kha veng ngun hle rawh" a rawn ti a .a kal daih a..kan inkawm chhung khan ka chalah vawikhat mah kut min la thlaklo....
Kan dan ngai tein kan hna kan thawk zawm mawlh mawlh a....mahni buai buai in kan buai a .duatin mihring siamsualpa a tihpa a tih chu a vin leh khar khar thin..nurse dang lo awm te pawh chu an nui an nui maiii..duati hi aizawl a piang leh seilian tih tak ah hmelhriat a ngah a .nurse thawk ve teh pawh hi a hre nual maii...
" Saw vunchhahi pawh a rawn kal leh tawh saw" ka bula rawn thu pah a duatin a ti chu ..a melhna lam ka melh vat a .nu thau ve deuh maii hang pawphet mai hi casualty ah chuan a rawn lut a .nurse senior a nih ka ring e .ka nu te rual ang vel anii...
" In inhria mi" ka lo tih ve chuan..
" Tehreng e....school a kal laiin sikhar a hmuam thin a..a pum a na a .hetah hian an kalpui a ..a hrawk hrep a lawm" mihring siamsualpa duatin a tihpa chuan no zet hian a rawn ti a..kan bulah a rawn thu thla a....duati chuan a melh vat a ...
"Luiralmawi" duati chuan a ti hmuk a...za fahran hian mihring siamsualpa chu a nui a .. mihring siamsualpa a tih vangin ka ti ve hmiah...
" Duat nghapih kha tin min ko ziah Suh" a ti bak hlar a .a nui awr awr maw tih a....duati chu a melh rum vak a...
" I ni lawm luiralmawia mihring siamsualpa" duati chuan a ti bak leh hlar a....luiralmawia maw a hming ni a..a VA han common lo rem rem ve mawle..ka hming chiah hi a lo thing biklo nih dawn hi...
"Mipa tur zawk hi hmeichhia ah i piang mai mai nii..khawi i thil te te ka lo en" za fahran a nui chungin luiralmawia chuan a ti a..
"I neih loh ang chiah chiah kha ka nei..khawi in thleng ang" duati chuan nui suk suk pah hian a ti a...ka nui hawk hawk maiii
" Ka ta hi chu e ka chhuang vet vet nia" luiralmawia chuan za fahran a nui chung hian a ti a.....a nui bak ve hle mai..lalmuana ka hrechhuak zawk maii..awii keihi tinge ka kawm ve deuh te hi an dik zanloh thin le.....huiii ka pi sawikha dik chiah nihhi....
" Luiralmawi ui hur ang mai rak vak vak zel sub" duatin nichin a vunchhahi atihnu chuan a rawn ti a.... syringe chu a la khawm malh malh a...nurse dang ho pawh chu an nui hawk hawk hlawm maii....kei pawh ka bang biklo...
" Hmmm..i vunchhah lutuk kha nang chu thlasik ah pawh i chat ve theilo " luiralmawia chuan a ti a..kan nui chhuak hawk hawk hlawm a..vunchhahi a tihnu pawh a nui ve suk suk a....
" Mihring siamsual diktak chu i nihhi" vunchhahi chuan a ti a....ka nuih chu a za zual.. luiralmawia ka en a .a nui ve suk tho..an in nel hmel khawp mai an infiam danah..
" I vun chang a chhahloo....i hmui pawh a chhah" a han ti chiah chu duati ka bensawk a..a VA han sawiawm ang tak ahmui chu a chhah ve fahran ani....chutia kan nuih ho dar dar lai chuan ...
Mipa naupang form ha Pakhat leh nu upa lam deuh hi an lo lut a..naupang zawk chu a lu a thi a nih hmel....mahse naupang chu a tap hauhlo maii.....
" Awiii nu mahruaii te chu enge ni ta" vunchhahi chuan a lo ti vat a...nu mahruaii a tihnu chu a nui var var a .
" Heii a thianpa nen an lo insual a" Mipa naupang melh pah hian a ti a.....
" Awii naupang hmeltha chu ngahnge i insual aw" vunchhahi chuan tiin thutna ah chuan a thuttir a...Mipa naupang chu ka en a..a ngo veng reuh a..a hmeltha reuh khawp maii ..mahse tu emaw a hmelah chuan an deuh a nei ka ti...
" Luiralmawi in pathum khan lo buaipui ru" vunchhahi chuan a ti a..a mah lah chu a kal daih leh a.....Mipa naupang awmna lam chu kan pan a....a lu chu kan endik sak a...thui a ngailo hlauh a ..thi kai vel te chu kan hrufai a...bandage in kan tuamsak leh vek a....
Pawnlamah motor ding ri tuarh ri a rawn awm a ......vunchhahi tawng lawm lawm thawm a awm nghal a...
" Hei apa pawh vai vawih ai rangin a rawn thleng mai lawm" vunchhahi chuan a ti a...kawngkhar lam chu kan melh vat a..ka mengkawk thei maiii.....amah ani maw ..
Screenshot_2025-01-31-20-50-07-81.jpg
Jason chu a bolero dum tang chuan a rawn chhuak a...leather jacket dum a ha a..jeans kekawr ha bawk...a hmel chu a pawr deuh a....a mah chu ka hmu upa deuh sawtin ka hria ...lawkkk apa a ti em ni ..Mipa naupang hi a fapa tihna em nii...Mipa naupang chu ka melh a...pawn a lokal mek chu a en ve kar a.....
" Khawnge" jason awri chuan a ti nghut a...
Vunchhahi chuan kan lam a rawn kawk a...jason rawn hawi phei nen chuan kan mit chu a in tawng siah maiii..a ni pawh a din ngaiin a ding reng a .min melh vung vung a...min hmuhchu a ringlo deuh niang..a mitmeng buai nak pawh ka hmuthei.....
"Dailo" hmui phun hian a ti sap a....
Min tur hmanhmawh bawk sii..kha kha kha kha.....sawisel Suh ang che u a tawi nih pawh in
Show post links
Top
ADVERTISEMENT (A hnuai a milem hi a nia hmeh zeuh tur chu)
1 post • Page 1 of 1
Who is online
Users browsing this forum: Ahrefs [Bot], Bing [Bot], Google [Bot], Helloween fambol, Miriam H and 161 guests
PortalSTORY AWMNA
Copyright © 2016 - 2025 STORYFB.COM All rights reserved.
Powered by phpBB® Forum Software © phpBB Limited
Privacy | Terms