OBEDA BY Natasha Hrahsel (Completed)

[ngaia]

CH-15






"Mate,i û te bulah chuan inlam i ngaih deuh vang a rawn riak lawk angin ka sawi che ania" ka nu'n a tih chuan ka nui sak a,ka in ka duh dan dan leh min hmangaih em em tu te kiangah ka awm a,tinge mal ni a kala inhriat fo chu le? Keimah ah hian kimlo ala awm tho a,ka hahdam phah chuang reng reng lo mai!



"Mu hma rawh,naute hian menpui vak te hi an haw teh ania" ka nu vekin a ti leh a,tukverh chu pawt khar in ka khum lam ka pan ve ta nge nge.

Zan tir khan ruah atla zuai a,ber thla kan chuangkai tawh bawk nen a vawt ve deuh tawh.Khum a ka thuthla chiah chu ka pasal bawk ka hrechhuak leh lo theilo.Pangtilum angah em vang nge khuma amut hmasak hi chuan khum hi alo vawt thler tawh thin lo a,ngaiah ka nei hman vek tawh ni berin ka hria.







"Ka han âng ve luam a in pa mawlh kha ka khawngaih hnuhnawh ta mai! A mitmeng ah khan hrehawm a tih zia alang reng mai a,a duh zia thu che a sawi pawh kha ka ringhlel miahlo mai kei"khuma rawn thutthlak ve pah chuan kanu bawk chuan a ti leh a,nu rilru tha ngang ani bawk a U Obeda kha a khawngaih let leh daih dawn tih ka ring sa tawh hrim hrim.

"Thil aman thiamlo lutuk erawh hrem ve rih chu ngai ka ti tho.Zanin pawh i han awmlo chiah anga,hrehawm a ti viau maithei ani" a ti leh a,sawi ve tur reng ka hrelo!






Minute sawm dawn a awm leh hnu ah min chhuahsan ta chauh a,khumah mu zâl ve nghal in ka dul puar ve luah tawh chu ka chûl ka chûl mai.
Ka inlet ka inlet,mutchhuah chu sawi loh ka harh tulh tulh! Ka taksa kham na them thum mahse mut a chhuak duh der chuanglo! Sangsangi piancham lawm a rawn kal ho an haw fel zawh vek hnu ah tukverh bulah rei ngial ka thu leh kha ania,tunah hian dar sawmpahnih a rik loh pawhin a ri hnai tawh viau ang.U Obeda haw atang pawh darkar hnih ngawt aliam tawh.Zân kan mut hun pangai a pel va va tawh chungin muthilh aharsa takzet.






Ka ning ta deuh chuan phone ka ban ta nge nge a,room light ka on nghal khep bawk.
Rilru lakpên nan tiin youtube ka en hmasa te te a,zanin atak chuan hmuhnawm tih pakhat mah ka la hmu zo lo zui a!
Whatsapp ah lutin Nunthari video min rawn thawn ho chu ka en leh a,thumal kan inthawn khât khawp,video nuihzatthlak deuh deuh inthawn hi kan inbiak ve dan chu ani deuh ber.






Tum reng vang ka ti dawn nge ni U Obeda ah ka lut nawlh a,a last seen chu tun mai kha ani!Ala muhil bik miahlo tihna maw?
Status aneih beisei ru zetin ka thai phei a,alo nei ngei mai.A hmu nghal mai dawn tih hre reng mah ilang ka en lo phal thlawt lo, ka en chiah erawh mak ti zetin ka thu chhuak hlawl! Kan inchunglam thlalak ani a,caption ah 'Ka chân phal loh ni la,ka chelh theih loh ni tel suh ang che'tih hi alo ziak tel a! A sawi tum tak hre lo mah ilang keimah min sawina ani tih erawh ka chiang ngang mai.





Ka melh ngai ka lo melh ngur ngur lai a ka ph a rawn rik thut chuan ka phu nghek a,tudang ni lo in U Obeda bawk ani.




"Umm" ka ti zawi nghal sep ringawt a!




"Bawihi,min ngaih vanga muhil theilo ini ve em?" A rawn ti ril ruih mai!
"Kan fa lo piang tur khan min ngai ve em?" A rawn ti nawn leh a,a aw chu a chauh hmel ngawih ngawih bawk.Ka tah a rawn chhuak nghal teuh a,ka zuau ta hle ani.





Dah lo in kan ngawi dun vang vang a,sawi tur ka hre ngang lo ani.Motor tlân thawm ka hre chiah erawh "U Obed,khawnge i awm a?" Ka ti nghal thuai.

"In inkawt ah" a rawn ti zawi sup chu ka tho sawt sawt a,chapal inrawlh in thildang ka ngaihtuah hman tawhlo,inhnuai lam ka pan nghal thuai.





Kawmgkhar hawngin gate kalhna chahbi chuan tala ka hawng leh te te a,gate chu nawr tawlhin en nawn leh ngai tawhlo tur khawpa ka lo hmuh ngun ve tawh ka pasal motor kan inkawt a lo ding reng chu ka pan nghal hlawk hlawk.

"Tinge hetah i awm reng?"ka ti chhuak hlak a,zân a rei tawh a,tunlai ah misual an tam tawh si,amah ka ngaihtuah lutuk vanga sawi ka ni ber ang.





Tawnglo in a nui dawt a, chutah"ka lo mamawh zia cheu ka hrechhuak a" a ti ringawt!




"Chulam ka zawt lo che,tinge hetah i awm? Misual te i tawng mai anga sin" ahaw lo ti dawn ila a inthlak fel diam tawh tho bawk si.
Motor atanga rawn chhuakin ka lam ah a rawn kal hnai a ,a engahmah hma chuan min rawn kuah thlawpin akut hlai leh lum thur thur chuan ka pum a rawn chul pah zat bawk.

"Ka ngai cheu" a zawi viau nangin ka beng bula sawi ani bawk a ka hre pha tho.





"Haw rawh" a rum nghal nghut mai.




Min kuahna atang a inlahrang a, "han mu lehtawh rawn le,ka lo vêng ang che u" a ti dam thlup.
Thaw hapin "hetah hian i ding tlaivar ang maw?" Ka ti hap a, ka ngaihtuah dawn lutuk tih ahriat vanga sawi mai mai te hi alo ni ange.






Bu nghutin "in hlatah rilru nuamin ka awm thei dawn chuanglo.Lut tawh rawh le,tui deuhin i muhil dawn nia" ava han luhlul ve reuh tak! Hetah a awm tih hre reng chungin engtin nge tui ti takin ka muthilh theih ang le?

"Haw ve mai la"ka ti nang nang a, nui sukin "rawn haw i duh hunah" a ti zawi leh ruih.




Kan kawngkhar lam ka melh a,amah ka melh leh thin,luhsan ngawt ka thei silo atawp atawp ah chuan akutah ka chelh a "lo lut ve rawh" ka ti ta tawp.Thim deuh viau mahse amitmeng ade nghal sawr sawr maiin ka hria!



Thuawih deuh chuan min zui ve leh mai bawk a,ka chhungte dang an harh ang tih ka hlau bawk nen theihpatawp a dîm in gate chu ka khâr a,inchhung ah te chuan dîm te in ka pen.Ka bula mi lah chu tum em em lo in thawm anei derlo bawk.
Ka room kan thlen chuan ka thaw deuh huai a, "lo riak ve mai rawh" ka ti deuh tawl ringawt.






Khumah alawn kai hmasa a,ka pawn ve rual chuan zo zet hian alamah min pawt hnai dawrh a,ka talchhuah hlau ang maiin min kuahbet nghal tlat bawk.

"Bawihi" dut dut thin hian a!





"Umm"




"Ka tihpalh"a tih chuan ka tang teu mai.





"Engvangin"




"Engkim vangin,ka rin tawk loh vang che leh inchhungkhur a i thil tawh hre lek lo a ka lo awm vangin " a tih chuan alam hawiin ka inher tha nghal sat sat a ,"thil thleng a awm em in lam ah" ka ti nghal thuai.Judithi nen an inhnial anih ka ring ber.

"A pawimawh lo,ka lo ngaihthah thin em che ani" chutia a thiamloh ah achan ta vek mai chu nuam ka ti hauhlo,thiamlohna anei tlem lutuk ringawt.





"Judithi ka zilh a" ka rin dan chiah ani,ka zui haw ve si lo a,chhuanlam fahrah te siam mah ilang diklo a awm tih hrelo tur khawpin ka pasal chhungte hi an â tlatlo.

"Engtin?" An inhauhdan chanchin chu ka hre chak et et,thil mawi erawh ava ni lo tak.





"Mu tawh rawh le,i taksa in a tuar ang" a ti daih a,min kuah tha nghal sawt sawt bawk.Ka hre châk asin le.
Mak deuhin U Obeda taksa si a ka mu ta chu ka mut a rawn chhuah tan der a! Rei lo ah ka muhil zui nghal mai bawk.







Zing ka harh chuan U Obeda alo awm tawh miahlo a! Hmai pawh phih lo in inhnuai lamah ka chhukthla ve nghal thuai.
Thutkhawmna lamah ka nu leh pa nen thingpui no an lo dawm reng tawh.Ka nu leh pa lah chu mak ti hmel pawh an pu lo a!


"Mate,i mutui maw?" Ka pa'n alo tih chuan ka bu nghauh ringawt a,amawilo tih ngaihtuah chhuakin "aw"kan ti leh ringawt pek a!






"Hei inpa nen kan lo ti ti a,lo thu ve la"a tih leh chuan ka pasal bulah ka thu thla ve nghal a,a bân dinglam in minlo kuah leh nghal zat tawh.

"Tukthuan te ei fel ula,han inzui haw leh phawt mai rawh u aw.Zankhat lek pawh in in kalsan thei tawhlo tih achiang reng a,inzui haw ula atha ber ang"ka pa chuan ati dap dap a,azahthlak ru ve reng mai.






"Rochan,kan fanu hi mittui nen a in lam a rawn pan loh hram kan beisei ania aw.Mate,i zui haw hreh lo ang chu tiraw?"nimin lam ai chuan ka nu aw pawh chu dam ve tawh tak ani.

"Umm" ka ti sep ringawt a,U Obeda ka khawngaih em ani.Zui haw loh chi pawh ani tawhlo.







U Thanpuia te nupa an rawn thawh rualin tukthuan kan ei zui mai a,U Lawmi tak pawh rai ahaw vaklo nge ni amam kurh a,anei tep tawh nghe nghe lehnghal nen U Thanpuia pawhin hna abân hma phah thin viau ani awm e.







Tukthuan eizawh lamah Durtlang lam pan chuan kan inkhalh chho a,akhat tawkin ka kut chu a rawn hûm leh vang vang thin.Keilah ka rilru hah bawk nen ka che sek a,min hnem a tum ve ni berin ka hria.Akhat tawkin "hahdam la" a rawn ti leh sup zel bawk.



Kawtzawl ah kan tlan lut a,kawngkapui chu alo inhawng huau tawh a,inchhung kan luh rualin thutkhawmna lam kan pan ding nghal zat bawk.
Ka nu leh pa te an lo awm a,U Jeneti leh Judithi erawh an awm lo thung.An chhuah ala hunlo a,room lamah an awm anih ka ring.






"Matei,kha inpa kha akhua ahar ngang ni tur ani,zanrei pawh sawi lo in a rawn let leh tawp kha ania,in lo buai phah lo maw?"nui hak hakin ka nu'n a ti a,"buai phah lo e" ka lo ti ve zat a,nizan lam ah boruak a awm deuh tih engmah a hriat loh.


U Obeda chu rawn tawng chhuak ve leh in "Khawnge Judithi te?" A rawn ti chang bawl mai!






"Obed,a dam zawngin sawifel tum ang u aw"ka pa chuan a rawn ti dam thlup a,ka nu hnenah Judithi leh U Jeneti ko turin a ti nghal zat bawk.





Ka kut dinglam chu U Obeda'n ala chelh tlat a,Kailawn atanga Judithi leh U Jeneti rawn penthla ka hmuh rual chuan ka hawisawn rang ngei mai.Judithi mitmeng ah khan min huatna bak hmuhtur a awm lo!

Kan ep ah chiah ka nu ho in an rawn thu a,Judithi bawk kan melh leh a,ahmai chu asen deuh a ka hriat ni? Tap tih hriat zetin amit chu abui lak bawk! Nizan ah chuan engthil chiah nge thleng ni?






"Judithi,Bawihi hi ngaihdam dil rawh le?"U Obeda chuan a ti thum bul a,ka lo ip chawih mai.

"Engvangin?"atih that rualin U Obeda'n "Judith" a ti fiak that mai! Kei mah zawk chu ka lo phi dawrh thei.





"Enge a thusawi chauh i rin? Ka thusawi te pawh i awih ve em? Tih tak em ah chuan ani tluka mo awm awl an awm hleinem,inchhungkhur sekrek ka lo khawih tir chu enge i huatpui viau?" A rawn ti ta pang pang a,ka nu'n inbengdai turin alo ti mawlh mawlh bawk.

"I bulah azualko zat zat a,keimah chiah min hau a! Amah te kha hau ve ta che" ala ti leh zel a,U Obeda inhum ruh tawlh tawlh chu ka lo chelh bet ve leh thuai thung.Ti em em a Judithi mize inthlak ta hi amak ka ti a ka awih phallo hial zawk!





"Ngaihdam i dil lo ang maw?" Ti khauh thakin U Obeda chuan "atha alawm,i fa paina pa kha ka zep pui bik hauhlo ang che" a ti ta mai! Enge maw an unau hian anlo zep chiah le?

"Û" tap tuau hian a rawn ti a,Judithi chuan anu leh pa amelh zawk zawk bawk.





"Obed,Judithi fa paina pa chu tunge anih i hre chhuak tawh em ni a?" Ka pa pawhin a rawn ti ve ta khauh.

"Hre chhuak tawh"




"Û"Judithi chuan a rawn ti leh tiau! "Zep hlen theih engthil mah a awmlo Judith,Ka pa,Judithi fa pai na chu mî pa,nupui fanau nei tawh ani.Tunah hian an chhungkua in Tuikhuahylâng ah an cheng mek" a ti chu a reh hian a reh ta tlawk tlawk.Mak ka tih ber erawh Judithi'n afa paina ahrelo anga a insawi laiin alo hre reng chu ani.

"Enge awmzia?Sawi chiang teh"Ka nu ve thung ani.






"Dawt sawiin minlo bum reng a,a fa paina pa chu chiang takin a hria ni lawm ni Judith"a ti thum ruih.
Judithi ah kan mit a fu ta thup mai.






"Mami,eng pawi nge maw i khawih tak hi le? I nu leh pa te pawh dawt min la hrilh leh zel amaw?"Ka nu chuan a ti hnual ruih mai.






"Mî pa ilo ngaizawng reng amaw? Min va ti zak em em ve a!" Ka pa chuan ding hluai hian a ti thak a,a rilru ana ve takzet tih erawh ahriat ngawih ngawih.
"A nupui nen pawh inlo inkhak buai fo tawh bawk a"U Obeda'n a ti leh chiah phei chu ka pa thinrim lutuk in kutthlak mai a pawisa tawh lo tih hriat zet hian Judithi chu a melh ling hlar tawh.







"I lawm tawh em?Kan inchhung i rawn chawk buai vek?" Ti tiau in kei chu min rawn en a,ka pa'n a vin nghal thawt."Ngawi hmak rawh,zahpui awm lutuk" patling thinrim awlrawl chu ngaihthlak ahrehawm takzet.

"Engtin nge maw kan lo enkawl bik che le? Mite'n hriatchhuah hun anla nei dawn a,nilo hnunglam atang minlo nuih ru reng tawh zawk lo maw le?"ka nu chuan a ti thâm ve chel a,amittui a tling ve pam bawk.






Amizia inthlak ka tih kha a inthlak vang nilo in a zia alo thup thin anih zawk ka ring ber ta.U Jeneti'n a fuihpawrh kual ang ten ka lo ngai a,a zawng zawng chuan a fuih pawrh bik hian ka ring tawhlo.An duhzawng leh ngaihtuah zawng alo inang dawn em anih hi maw.




A tu amah chuan hna kal lam an ngaihsak tawh lo a,keipawh room lamah boruak a rit bawk nen ka chho ta daih.
Ka pa khan U Jeneti insawn chhuak tan turin a hrilh bawk a,falkland a an in thar tur ah a insawn theih reng tawh ani awm e.Ka nu leh pa te khan U Jeneti'n kan pa angaih melh thu thlengin ka pasala chhungte anlo hrilh vek anih ka ring a,chuti nilo se insawn chhuak rum rum tura an tih ka ring miahlo.





Judithi pawh room ah a inkhung ta tlat a,ka nu leh pa an khawngaihthlak ber mai.An zak hmel te,hrehawm an ti leh Judithi chet danin a thawng lutuk te kha ka lainat takzet.Ka pa lah damkawr hlim chauh ani a,hetiang thu thinthawng hriat chu ataksa pawhin ala zo dawnlo lutuk.
Judithi pumchhunga naute mawlh ka lo ngaihtuah bawk a,pa ala mamawh ve ngawih ngawih dawn reng mai sia,thilhrethiam rual a rawn nih chhoh hunah phei chuan engtin tak thudik rawn dawngsawng ang maw?






U Jeneti au tuarh tuarh thawm ka hriat rualin ka chhuak ve thuai a,U Obeda leh ka nu Judithi room a an tlân lut ka hmuh rualin ka zui ve nghal thuai.
Lalpa! Room a ka lut chu damdawi alo let ram a,nikhawhrelo tih hriat zeta chhuata Judithi let reng chu U Obeda'n a pawm tho nghal zat bawk.




"Eng..enge awmzia!?" Hrilh ava hai duh thin em!





"A harh theilo,damdawiin lam pan thuai zawk ang"U Obeda chuan a ti hluk a,anau chu apawm tho leh nghal lawp. "Bawihi lo awm la,nu ka pa nen ahnungah in chuanpui dawn nia"ti zung zungin inhnuai lama an in pawmthla chu zui tumin ka pen ve zat a,min pawt let dawrh tu an awm rualin ka tluk sual hlauin ka inveng hman hram.
"I thiamloh vek anih hi i hria em?"ti hrawkin U Jeneti chuan min melh ram a,inhnuai lamah a chhuk ve nghal zat bawk.






Damdawi bur khum bula lo let bal chu chhharin ka chhuak ve leh nghal zat a,pawn ka chhuan chuan an lo inhlâng lut fel chiah.

"Nu, hei hi ken tel atha ang" ti sepin damdawi bur chu ka pe a,alo ban ve thuai bawk.Ka enchiang hman lo a chu sleeping pills ani tih chiang takin ka hre ve..





"Chanchin ka rawn hrilh thuai ang che aw"U Obedan atih chuan ka lo bu nghut a,an chhuah rualin an hnungah U Jeneti'n scooty nen a umzui ve nghal zat bawk.Judithi leh naute chungah engthil pawi mah thlenglo hrâm rawh se.






An kal liam atang darkar khat dawn chu aliam tawh a,chanchin engmah ka la dawnglo! Damdawiin hnai ber Synod hospital ah an kalpui ka ring a,eng em a thlen loh nan ka lo tawngtai ve ngar ngar tawp.Tihtheih avâng takzet.

Minute sawmhnih dawn aliam leh hnu chuan call ka dawng ta hlauh a,hello pawh ti hmasa lo in "enge a an,atha em?"ka ti nghal thuai.




Ipik hmel zet hian a rawn thaw chhuak hrawih a, "Naute an chhan hmanlo,Judithi chu atha e ala rawn harh lo thung" a rawn ti zawi ruih.
"U Obed" sawi tur hrelo zet chuan ka ti sap a, "ava pawi tak em aw.." ka ti leh vawng vawng ringawt.





"Ka rawn haw zuai ang,a thawmhnaw kha ilo siam thei ang tiraw Bawihi? Damdawiin lamah ala awm hrih angaih hmel riau mai" a rawn ti leh a, ka lo aw nghal thuai.





Kan inbiakna ti tawp in Judithi room ah ka lut a,chhuata damdawi lo la let rum chu room atang chhuak lehin hmunphian leh a ruhna nen ka lut leh a,ka tifai nghal vek.
Athawmhnaw ho chu damdawiin lama hak nuam tur anga ka rin ho bag lian vaklo ah ka khung khawm tawp tawp a,puan sin tur leh bed sheet chu bag hran ah ka khung leh bawk.






Room atang chhuakin bag pahnih chu ka khai thla a,choka lamah no leh mamawh tur vel zawngkhawm leh in an mamawh tur chu ka khung kim thawhkhat viau chuan ka inhria.
Pawn lamah motor thawm ka hria a,kawngkhar bul ka va thlen chuan Judy zawk a lo ni.


"U Matei" tap teuh hian ati tial ruak a,"U Judithi naute chu athi tak tak ami?" A tih phei chuan keipawh ka tah achhuak ve ut ut mai.





Inchhung a rawn luh thleng chuan tah a insum lutuk na lamah a sen tul thei a,Judy zawng nau kan pai tih ahriat tirh atang rengin aphur ber kha ania,nî nih hlan mawlh te kha anghakhlel a,Judithi naute boral pawh hi thinlung leh tihtakzet in atuar ve dawn tih ka hriatthiampui khawp mai.
Show post links
Top