Re: CHHUNGKAW CHHEHCHHAWL NULA BY Engtea Fanai (Completed)
Posted: January 18th, 2026, 3:43 pm
Bung 16
Zan riah chu kan ei khawm a, kan ri nak nak a, hun rei tak inhmu khawm tawh lo kan ni bawk a, kan inngaiin kan hlim tlang hle, Pa Hmuaka pawh kan chhungkua min hmu chu a hlim ve a niang, Nu Sangi’n I pa hmuaka pawh in awm a, a nui ve hawk hawk mai alawm, hetiang anga a hlim nui ri hi kan hriat lohna a rei tawh asin aw, tiin min hrilh ve siam siam a. An vai mai chuan an hlim tlang a ni maiin ka hria, mi pahnih te chauh lo chu, ni e, Heng mi pahnihte hi hmana lo hlim dun \hin, inthlahlel em em \hin pahnih kha an ni a, Tunah chuan an hrang rih si a ni. U Hriata leh kei tiam lohin chu in chhunga mi te chu an hlimin an innel em em vek a, Kan in hlui luah te nupa pawh hun rei tak hmelhriat tawh ang maiin an tlang nel a, Nia, inpawh tur khawpin an awm rei ve leh tawh bawk a ni.
Chaw chu kan ei kham a, Nuho an \hu nghal sap sap a, an titi nghal suah suah a, Kuhva an seh sen sak sak a, an tunhma nun sawihoin an nui hawr hawr a, Paho an tho leh a, Muang ban charhin thupui fun hmel takin an ti ti chuar chuar a, U te an tho leh a, Pawimawh hmel tawkin phone an hmang a, Christy nen chuan kan en hrek hrek a, A ninawm e,, Mahni in ah chhehchhawl nih bawk, mi dang In ah leh zel, ka chhungkaw chhehchhawl ka ni hi chu ka hrethiam ve mai a, mahse Ka lenna te chhungkaw chhehchhawl ka ni leh zel hi chu ka inkhawngaih ve \hin a ni, Mahni inkhawngaih a \ha ngai lo tih te chu hre mah ila, keini chhehchhawl ho hi keimahni lo chu min khawngaihtu an awm lo ve chiang em a ni.
Thleng chu christy nen chuan kan sil a, a tam phian a, U hriata chuan min rawn melh zuk a, christy chuan min lo hriatthiam pui a niang, va kal rawh a ti sup a, keichuan a la tam em mai ka la silpui ang che ka tih pawh chuan, zanin chu ka lo kep vek ang che kal rawh a ti a, ka kut ka hru fai sawk sawk a, kal ka tum chiah chu, Nu rini chuan Nubawih,, awi,, min tir dawn tih ka chiang lutuk, Muang tawka leh hawiin enge,, Nu Rin, ka ti zawi sup a, ka tir khat tawh che em mai, kuhva min han lei teh,, ngaihsak mang lo chuan a ti a, ka van hman lo tak, U hriata lah a chhuak tawh si.
Mahse,, Nia, min tir khat tawh tak tak, ka kal sak ngei ngei a ngai, christy chuan min lo nui vur vur a, Nu Rini pawisa chu ka la a, kawmchhak, Pa Fela dawr te ah chuan ka han chho zuai a, Pa Fela chuan ehe, I va nula tawh ve, I ngaihawm hle mai a lo ti luam a, Min lo nuih var a, kei chuan nangni deuh in ngaihawm, kan ti ve bawk a, Min ngaih deuh tak tak pawh ka ring,, dawr kal tu ber hi ka ni ve chiang em a, ni khatah hian vawi engzah nge ka kal \hin pawh hi ka chhiar seng lo hial ang, a chang chuan min lo nuih leh ngawt zel. Kuhva chu ka lei a, hman hmawh takin ka chhuk a, Nu Rini te chu ka pe a, U mami leh U bawihi chu pawnah lo awmin, U Ruati an lo video call mek a.
U, Khitah ka chho lawk dawn nia, ka tih chuan en mang loin min chhang a, aw, rei suh aw, kan haw \ep a nia tiin min chhang liam mai a, hman hmawh takin sikul kawt zawlah chuan ka han chho nghal a.
U Hriata chu alo \hu reng tawh a, hman ang tho khan, mahse kan luh rukna \hin kha an lo siam \ha daih tawh a, U Hriata chuan Gate chu a pawt kau va, a karah chuan ka vak lut a, Hman a kan \hut dun na hmawng kung hnuaiah ngei chuan kan \hu dun leh a.
Kan \hu chu kan ngawi dun vang vang a, sawi \an mai tur avang a ni, U hriata chu a khuh leh kharh \hin a, kei chu ka kun char char a, minute hnih thum vel dawn kan ngawih dun hnu chuan a mipa zawk na na na chuan bul rawn \anin ka kut a rawn vuan a, ka mur leh chuai tawh, thawk ka la halh a, Nui a ti thum dut a, Um, tih pah chuan ka bu nghut ringawt. Thawk la halh pah chuan I ngaihawm \hin hle mai a ti ringawt a.
Ah,, Min ngai lo a niang, min biak I tum tawh hleinem, ka ti ve sap a, Ka hun tawn hi a hreawm em a ni, ka ngai lo ngai lo che asin, mahse hmana I hriat \hin ang kha ka ni tawh lova, Keimah hian ka tihlawhtlin ngei ngei tur thil lian tak tak hmachhawp ka nei a, chung ti hlawhtling tur chuan ka \hian, ka chhungte thlengin ka hlat tial tial a nih hi, Nakinah ka thil tum a hlawh tlin hunah chuan ka thil kalpui hi I hrethiam ve mai ang a ti sap sap a.
Keichuan, chu I kawng ka dal I tihna a ni maw kalo ti ve vat a, Nia, ka hmangaih te an nat loh nan ka hmangaih te ka hlat rih angai sia lawm, mahse nang hlat che hi harsa ka tih ber a ni, ka hmangaih che a ti zawi sup a, a chhan chu min hrilh thei mai lo em ni, ka tih chuan a chhan hi thil lian tham tak a ni a, I hriat thiam dan tur chuan, Kan colony a\anga in chhuah chhan, ka Pa zen na chhan, te nen hian a in zawm a, tunah pawh he inbeihna hi a kal mek a, a hmawr ka bawk thei \ep tawh, mahse ka hma hun ka hriat miau loh a vangin ka hnaih ngam lo che a ni a ti a.
A thu peh hel kual vak dan chu ka hrethiam teh nuai lo, Mahse abuai hle a ni tih chu ka hria, U hriat hmanni ah bazarah Nula nen kan hmu che asin, ka tih chuan a nui suk a, ka hria lawm, mi zui ruk chu in thiam lo ve khawp mai, tiin a nui var var a, Min hmu reng alaw ka tih chuan hmu e, ka \hiannu khan a hmu hmasa chu a, mahse I ngaih ang kha a ni lo, ka thawhpui nu a nih kha, Nui min ngei anga, min hua ang tih chu ka ring a, Mahse kan inthlah hlen a ngai a ni, Christy \awngkam a\angin min thlah thei lova, min la nghak reng a, keimah avangin I na \hin tih ka hria a, ka tihpalh tak zet a ni.
Tihpalh tih hian engmah a siam \ha lo a chhan ka hriat duh chu min hrilh dawn chuangin ka hre lo, kan haw \ep tawh ang ka kal dawn, tih leh din ka rual a, ka banah vuanin min kai a, kal luih ka tum a, min pawt hnai a, hman ang bawk khan, amak lutuk ka \ang rei thei lo, ka mit ka chhing a, min fawp a, a tawpna atan ti ni awm takin inthlahlel em em in kan infawp a, mahse ka phone a lo ri a, U Mami phone call a ni, ka chhang vat a, khawnge I awm, hei kan haw dawn lo kal rawh tih a ni. Tichuan a chhan hre lo chuan in be leh tawh lo turin kan in mang\ha a, in hmangaih ve ve chungin kan in mang \ha a ni tih hriat nan last kiss kan nei a nih ber chu. Ka mittui chu ka hru hul a, Nu Rini te in lam pan chuan ka chhuk a.
Midang pawh an lo \in tawh hlawm a, Taxi a lo thleng a, kan in lam pan chuan kan haw ta a ni, keipawhin ka rilru ka siam fel tawh a, U hriata vanga nat ka tum tawh lo, Hun hian hun a tih hunah chuan dam ni hmel min la hmuh tir ang, ka dam ta lo a ni pawhin he natna nena nun khaw chhuah dan min zir tir ang a, mi chhel takah min chhuah ngei ang, tiin rilru ka siam a, indawm kun ka tum tawh lo, tun hmaa keimah chhehchhawl harh vang tak kha ka nih leh a ngai a ni. Nui I thei tiin keimah leh keimah chu ka in fuih thla mawlh mawlh a. Chu zan hlimawm leh lungchhiat thlak lunglen thlak tak bawk si chu a liam ve leh ta a ni.
Hun a liam a, Ni thar a rawn her chhuak ve zel a, a dam a, dam na na na chuan natna te pawh dam vek lo mahse a zia zia a awm chho a, kan chhungkua pawh U Mami’n hna a neih leh tak avangin kan khawsak pawh a pangngai chho leh tawh a, Tun hma ang em chuan hlawh tam lo mahse loan rulh buai lo tur leh, kan hman khawp chu a thawk chhuak a, ka NU a lo taima ve bawk nen, keipawh ka hna ka chiang a, ning hle mah ila, buai hle mah ila, ka pawm thiam mai angai a, kan chhungkua chuan ngai kan awh chho a ni ber ang chu, Tunah phei chuan members kan pung tawh a, U Mami fapa Khuma nen,kan ri ve leh laih laih ta.
Pathian Ni tuk a ni a, U Mami pawh ka Nu’n khi lama han inkhawm zel kher a ngai lo, a hlat mai mai bakah He lamah \halai hruaitute pawh an rawn lut fo va, an zahawm, tukin a\angin he lamah inkhawm ve tawh rawh a tih avangin, U Mami pawh chuan he lama inkhawm a tum ve tawh a, Amah pawh hian ITI lama inkhawm hi a duh tawh hrim hrim a, a tang laklawh vel mai mai a ni ber a, khi lama a han inkhawm zel avangin inkhawm te hi a that chhiat phah a.
Chu zing kar chu favang zing atana mawi lo khawpin khua a dur in a dul ruih a, Kan tho tlai bawk nen chaw ei kan tlai in kan hmanhmawh hle a, chhung inkhawm pawh kan hmang hman lova, Chaw kan ei kham a, kan insiam sawk sawk a, thleng pawh ka sil hman lo, U Mami pawh a vawi khat rawn inkhawmna tur a nia, a zam ve deuh nge ni a, a buai phi li chung mai.
Kan va inkhawm a, kan In a\angin Biak In hi a hla lutuk lem lova, kan thleng hma a, \an nan minute 15 vel lai alo la awm a, kan lut deuh chiah maw tihah chuan Ruah a rawn tla ta mai, Ka Nu chuan min rawn melh zuk zuk a, thil pho a lo nei leh hman a nih ka ring, khatiang zing chhum phui chuk karah tiin enge ka va ti sup a, ka nu chu a rawn chhuak phei a, keipawh ka chhuak ve nghal.
Eng'nge thil ilo pho hman hram ami ka ti hluk a, aw, chaw \hing, mahse kha kha chu a pawi lova, nan mahse,, room tukverh zawk kha engmah kan kalh lo, ruaho in a theh thei bawk si, khi a sur tam dawn a niang, va let leh lawk mai tehh a sir tam hmain a ti chu ka ner nung a, ahh,, ka rawn kal tawh awm lo, ka ti dueh hluk, pheikhawk sang te ka bun ve a, ka tih chuan, va kal lawk mai rawh I rawn let leh hman ang, midang pawh an tlai ziah a lawm a la ti zui, vui nung nung chung chuan ka let a, chhungkaw chhehchhawl nun khawngaihthlak zia hi a tawng ve lo tu tan chuan hriat thiam rual a ni si lo, min tir tu te lah hian a hlat loh kha an ti liam mai a, a hlat loh lam a ni lo, min tirh ang zah hi tir ve che u la e,, in \eu nasa ve viau ang.
Hmanhmawh tawk chuan ka va phei a, ka hmai hnawih te pawh a spot phah vek dawn, ka rawmawl chuan ka lu ka tuam a, ruah hmi chu a tla seng seng tawh , in ka va thleng a, chaw \hing pho chu ka seng a, kawng khar ka hawn rual rual chuan khuma a lo miau, Nanglah hi \angkai lo lutuk, heng te hi lo seng ve ta che ka ti ringawt, ka hauh ve ngam leh kei aia thu lo awm chhun kha a ni ve miau va, room kawngkhar chu ka khar vek a, inkhawm tawh loh mai ka tum a, mahse a nuam ka tih chiah loh avangin ka chhuk leh a, Kan veng pa pakhat scooty in a inkhawm tur a rawn tlan chho ve chiah a, lo chuang ve tur chuan min sawm a, ka yes rang hle , tichuan ka chuang chho ve a. kan thleng chho a, an lo \an vel chiah a, \an a\anga rei vak loah ni lah chu a rawn sa leh ut a, U mami leh Anu chu ka va melh vak ringawt, anni chu an nui suk ringawt.
A tlar hnungah \huin eng tin tin emaw inkhawm chu kan va tling tla ve mai a, Ban a ni a, pawn kan chhuak chu, U mami chu |halai hruaituten an lo chibai sap sap a, chuan Hmana U Mami class kal pui \hin pahnih an lo awm ve chu niin an inhmu chu an han inchibai luam a, Anni chu ITI ah an lo mo ve ve chu niin Pakhat zawkin Fa pathum nei tawhin Pakhatin Fa pakhat kum 6 mi vel a nei tawh bawk a, U Mami ve nula hnah khat, a zawhna dawn peih lo ber a dawng dawn tih hi ka hre chiang ka lo huphurh pui lawk tawp, ka rin ang ngeiin pakhat zawk chuan a zawt ta chiah, Pasal I la nei lo ami an ti chiah chu,, ka lo nui var var a, ka chang thlawn lo chiang.
U Mami chuan,, ah a la hmanhmawh thlak loh em mai a ti liam mai a, Anni chuan a dik chiah a, hei kan nei hma lutuk a, kan khawvel chu tinuai hi a nih tawh hi tiru thla la ho ang u an la ti zui, An fa Sunday skul la kal rual lo te chu ka bulah an din tir a, an bag min khai tir bawk a, thla min la lak tir zui, U Mami vang vek, tlangval ho lah chuan ka inkhai bawr \un chunga ka thla la chu min rawn en duh tawp a, ka zak lutuk, a tawk a \ha, U mam, kal ang ka tih chuan, U mami chuan khawi in fate lang hian vawi khat hmet leh ang ala ti zui. Mi lah chuan min en hrek hrek hian ka hria a, Ka zak ru lutuk, hawi pawh ka hawi chhuak \ha ngam lo. Anni lah chu an nulat chhuah tira an in pose dan tih hriat reng reng chuan uluk fahranin an la in pose zui a, U Mami lah Nula, hringnun kailawn thui tak lo chuang kai a, lo pal hrep tawh, a duhnaah chuan zahna rap bet hmak ngam tawh Nula Upa pawl members ni chho mek a ni a.
A \hian pahnih te lah Nu tling title nei chho mek, Zahna kal pel chho \an, fate hnek tura mi zinga hnute phawrh chhuak ngam tawh an ni a, an zam eih lo, kei a zak mai mai chu min care lo lutuk, tichhuan ka hmeh sak zung zung a, an duh tawk chuan ka la a niang, kan in lam pan chuan kan nufa thum chuan kan in zui haw hnak hnak a, in kan thleng \ep tihah chuan Bena’n min rawn call a, news \ha tawk a neih thu min hrilh a, ka hre chak ve reuh tawp, tun hma ang khan Bena hi ka ning tawh lem lova, titi pui tlak ve tak a ni ve tawh reng reng a.
Mahse kawng kal chunga phone hman hi nuam ka tih chiah loh avangin in ka thlen hunah hman deuhin kan inkawm dawn a nia tiin phone chu ka dah a, Bena hi U Hriata vanga ka khawharna leh ka natna min chhawktu \ha ber te zing ami a ni, ka khawhar leh ka hreawm hlauin min rawn tih hlim hram hram a tum \hin , ka \hiante pahnih tih lohah chuan ka tana mi \angkai tak a ni.
In kan thleng chu zing kar lam boruak vawt leh ruah a sur mai hlauhawm khawp a nihna kha kan khua chuan a theihnghilh leh ta a niang, favang khua mah nise a lum uap leh churh tawh a, in kan lut chiah a, Anu chuan Nui fan on tehh min ti nghal a, keipawh chuan ka tum sa a nih avangin ka on nghal vat a. kan inthlak a, tv on in chokaah chuan kan \hu khawm laih a, U mami chu Khuma chhaihin a nui ang hawr hawr a. Ah,, engpawh nise a nun a tihlim ve phian a, a \ha e, Mahse a ek leh a zunna hi a la hre chiang lova, Khum hnuaia lo ek leh mai a ching \hin te hi ka ning \hin. U mami lah hian a thian reng hman bik bawk si lo, a ek lah hi engtin emaw hian a lo thuk ru ve ziah leh nghal a.
Ka Nu pawh chuan a phone chu tarmit chhana uluk taka bihin a lo thai leh mual mual tawh a, News hlui tak tak Youtuber hoin an rawn thar thawh leh ho chu ngaihnawm ti takin a ngaithla a, Nute lokal lawk tehh a rawn ti leh a, A ho leh ngawt ang ka ti rilru a, hei,, I pi hian group ah in dam tlang em a rawn tia, Ama message bik hmet tang chunga chhan dan ang kha min lo hrilh tehh a ti leh ta, hetia tihdan pawh hi ka hrilh ngun tawh, mahse a thiam thei lo ve a ni, ka ning lek lek \hin.
Mahse U mami sawi ka hriat reng \hin chu, kal pawh I thiam hmaa zirtirtu che, heng I khawih thiam nana a tha leh tui senga ziak leh chhiar a zirtir na che hi hre reng la, a tana hman hi ning reng reng suh min tih hi ka hre reng \hin. Period mood swing lai te, mahni tawka rilru hah ve lai te chuan han ning ve thut \hin mah ila, kan pek let hi min lo pe chiang lutuk a, a hmangaihna ringawt pawh hi ka dam chhunga k rulh theih loh tur a ni tih ka hriatna hian min ti nem leh \hin,, mahse ninawm chu a ninawm ve reng.
U Mami chuan Nui, Chow leh artui chhip chhuan leh Soup tui tawk I ei chak em min nuih tlawn pah chuan a ti, ka hrethiam nghal vek, ka kal peih lo ka ti nghal, aw,, I ei lo anga a ni mai lawm, ka kal chuan I ei lo ang a ti hmak zui, Anu chuan, chhun thil ei tur kan nei dawn lo a nia aw in kal loh chuan vawiin chu engmah siam tur a awm lo, Maida a zo vek a, Buhban herdip pawh kha, Khuma’n hmanni khan a ti baw vek a la rawn ti zui. Chaw \hing ka ei anga a ni mai alawm ka tih chuan, Anu bawk chuan ,, Aw,, chaw hmeh \hing saw tlaia rin leh tur a nih saw ala rawn ti.
Huiham,, hemi te nufa hi chu a, sa hmeh loh ni chuan Chhun chaw te hi bar rawh, thil lei ti reng, a hrisel pawh a hrisel lo an tia, sa hmeh ni ve thung chuan thil dang ei rawh, tlai hmeh tur a nih kha min ti leh a.
Hman deuh Middle Section vel ka kal lai, tun aia ka at deuh lai phei kha chuan, Pa Fela kan veng dawrkai khan I nu fa bik chu I U mami hi a nia a ti \hin a, min tirh ngun bik lutuk chang hian fahrah ang hian ka inngai a, ka rizai hian k inlukhup a, ka \ap ziah kha a nia, Mahse tunah chuan ka nu fa ngei ka ni tih chu ka chiang tawh, mahse min han tir tak tak hi chu ka NU fa cm chhiah hlawh ka ni ber ang chu. Anu thil rawn sawi dan velah chuan min tirh leh ngei hmel hle.
U mami bawk chuan a nih chuan keimah ka va kal ang a, a hmunah ka ei daih ang a ti kher chu ka ti thei lo, hmmm, ka noodles lei te keima siam te pawh I ei ve \hin tho, nangmah I kal vanga nangmaha ei bik kher ti a, vui nung nung chung chuan ka tho chhuak a, a pawisa nei zawk hi an ni ve miau mai bawk sia, An chawm hlawm hi chu han pawr ve vak hi a har a ni, Mahse ka chhehchhawl life hi min hriat pui si lo.
U mami kiangah chuan Sikuti khalh pawh min zirtir peih mang si lo, tunah te hian min zitir la chu ka kal nghal mai tur a nia, ka ti leh kher a, pawisa chu ka va la a, U Mami chuan aw,, zir rawh ka tih ka tih kha, a tih chuan min zirtirtu tur an awm hleinem ka ti hluk a, I \hianpa Remthanga kha, nuih var var pah chuan a ti a, Kha pa ve kha sawi suh ah, ka lo ti hmak.
Khatia sikuti khalh kan zir kha, a phur ang leh a beisei ang kha kalo ni lo nasa a niang, vawi hnih ka tluk pui a, min vin hrep a, a beidawng nghal daih, a chuan lo zir phawt rawh a tia, min haw san vang vang , keimahin ka nawr haw phah zui, ka chuang kawi zel a, A mak lutuk, ka chuang kawi zel a, a steereing ka vawn chiah hian , ka mawng ka dah sawi nghal zel a, a nung a a lirh phei chuan ka hlau thawng kha chhuk ka tum \hin a, min ngei lutuk a, A hnung a\angin min dawm pui am Field kan hel a, a thlah chiah maw tihah khan ka race vak a, ka control zo leh sei lo, ko pang kan su dawn a, a brake hmet rawh a rawn tia, Rilru ah a break a leng tawh lo, a awmna pawh ka hre tawh lo, zuan thlak chiah ka rilru ah a awm.
Tichuan ka zuan thlak san thut a, keichu vanneih thlak takin ka him pial a, amah leh scooty chu an khem nual a, rei tak biak pawh kan inbiak \hat peih loh phah kha a nia, keiin min haw san avangin ka ngei a, Ani’n ka zuan thlak san avangin min ngei ve bawk a, a tir kha chuan kan va han inhaw tak, Mahse a mipa zawk na na na chuan min rawn be \ha lehin ngaihdam min dil a, mahse min zirtir leh tumna chu a nei tawh lo nasa, ngaihdam min dil lo se chu tun thlengin kan inkawm tawh pawhin ka ring lo.
U Mami chuan zirtir ngam pawh kha I ni lo ve em alawm, nakinah a nung loin kan innawr ang a, balance I zir anga I thiam hunah kan la zir \ha dawn nia, kal phawt rawh a tih chuan ka chhuak ta a, A Pi Chowi kan tih mai te in ah chuan Sunday chhun thil ei tur chu kan han lei mai \hin a, Ka kal hmain A pi Saii te in ah ka lut kawi zuai a, A Pi Saii chuan vawk vulh hlimawm zia min lo hrilh vak a, han haw san leh nghal mai nuam hek lo, hne hnawkin ka ngaithla a, Tichuan kalna hun rem chang ka neih ve leh A Pi Saii chhuah sanin A pi Chowi te in lamah chuan ka kal chho ta nghal a.
Ka thil lei chu tui ti takin an ei a, an ni chu a lum an tih em avangin fan hnuaiah an mu a, Anu’n woofer ah PBK liankhuma hla a ngaithla a, zai ngaihthlak pah chuan Nute, vawiin chu thleng kha lo sil mai tehh a rawn ti, vawiin chu ah, nidangah pawh ka sil lo ngai ami tiin ka phun ru sep a, U mami chu a lo kiai suk a, pawnah pangpar tui a pe daih a, a zawhte ei tur alo siam sak bawk, a zawhte chaw lah hi a to vei phian leh nghal.
Thleng ka sil a, thleng sil pah chuan Bena nen chuan kan in call a, loud ah dahin titi pah chuan thleng ka sil a, a chang leh kan nui uar uar a, min star tak tak lai kha ka sawi chhuak \hin a, ani lah hian sawi zawm vel pawi a ti si lo, score a tum lutuk na lama a lo chet \hin \hin zia te, keimah pawhina ka hriat thlen loh thleng chuan a sawi zung zung a, Bena biak hi chu a hahdam thlak \hin a ni, rei tawk kan inbiak hnu chuan phone chu kan dah a. thleng ka sil zawh chuan hmun ka hawl leh thuak thuak a, ka nu zai play ngaithla ve chung chuan ML ah ka lut ve zuai a, Christy hian rilru lak pen nan a \ha lutuk a tih avanga khel ve ka ni a, rin aiin ka khel tih tak phian a, ka khelh ka khelh ve takah chuan ka ti ve thei phian tawh leh nghal, a nawmna ka pawh pha ve deuh tawh a ni.
Zai ngaithla chung chuan Games chu ka khel a, thutthleng sei ah chuan ka mu zar bawk a, U Mami rawn tlawh tumin |halai hruaitute an rawn lang a, keichu rang tawkin room lamah chuan ka insawn daih a, Kan veng lama inkhawm ve tawh tur chuan an rawn ti a, hmelhriat sa te alo nei bawk nen, U mami pawh a tlangnel vat ngei ang, kei pawh \hian nei em em lo pawhin ka tlang nel ve em em tawp a ni,
U Mami phei chuan a rual pui tur kawm tur a nei ve leh nuk a, \hian siam lah a awl sam si. An rawn lut chu fiamthu an duhin an nui ham ham hlawm a, an titi hlimawm tak tak chu room a\angin ka lo nuih pui ve leh suk suk \hin, game chu ka khel pah mawlh mawlh bawk.
Ka Nu a rawn au leh lar lar tawh, Lalnui kha khawiah nge a awm leh tak, Nui room ah tawm daih zel teh suh, hei I U te hi thingpui han siam tehh a rawn ti, kha chen chokaa ka awm kha an hre chang leh tawh lo, Room ah han awm hlek ila, room ah hian inkhung reng zel suh min han ti vat a, Chokaa ka awm chhung zawng khan an mamitchhing \hin emaw ni. Ka tho chhuak a, thingpui va siam ka tum chu leader chuan a ngai lo, hei kan chhuak tawh zawk ang,
Dinkimi pawh , Dinkimi tiraw mami I hming kha a tih leh hnuhnawh a, kalo bu nghauh va, Monday ah I U nen rawn inkhawm rual \hin ula, \hian siamna te a nia, December luh hma khaw nawm lai takin Water Parkah kan Picnic dawn a nia, chumi hunah chuan Member tam thei ang ber kal kan duh dawn a, kan hruai lui duh awm che sia, \hian I neih loh lutuk chuan hreawm I ti ang tiin min be luam a.
Aw le, tiin ka bu ve mai a, an zinga pakhat chu a hmel\ha reuh lutuk , Youtube a kan thawnthu ngaihthlak \hin a, Pangparhnima an tih nen khan an in ang reuh tawp a, hun rei tak hnu U hriata nena kan in then hnua star ka neih leh hmasak ber a ni hial ang.
ka va en ru zuk chu min lo en ve chiah a, kan in karah chuan current a rawn \ek chhawk ni berin ka hria, rang lutukin ka hawi let vat a, ani pawh chuti ve bawk alo hawi let ve leh zuk a, ahh,, hepa hi min star ve emaw ni le. Nahh, Min star lo ang ka chhehchhawl kawr nen leh nghal. Ah.. chutiang ngaihtuah hman pawh ka ni lo, Hman ni lawkah Mipa vangin ka rilru a na em em a, tunah mipa dang, Rami leh Lalchristy nghal loh tiin ka ngaihtuahna chuan keimah leh keimah chu ka inhnial a.
|halai hruaitute chu an ding hluai a, a nih kan kal ange, Dinkim, Nangpawh rawn inkhawm rawh aw, tiin an chhuak a, U mami chuan pawn thleng ava thlah a, Ka Nu chu eirawng bawl tur chuan a inruahman leh \an tawh a, zai rat rat pahin a che leh sat sat tawh, U Mami pawh Lesson plan ka siam dawn tiin a buai leh tawh a, keichu \hut thlengah chuan mut pahin ka game khelh chu a laklawh avangin ka chhunzawm leh zuai a.
Anu chuan Gas lighter a zawng a, a buai leh viau tawh mai, Khawiah nge maw in dah ni, Nui hi meizial I zu ru \hin nge ni, Gas bula kan lighter dah hi a bo reng mai a la ti zui, chhan pawh ka chhang lo, hmui ti pawrh deuh tar chuan hmm,, ka ti ringawt, ka chhang ngam chiah lo, a chhanchu Christy rawn len chang hian han zuk ruk ve zukz hi chu kan hrat a, Mahse lighter bo ah kher hi chuan min puh ziah lo se, an mahni zawk hian a awmna loah hian an dah hrat ve e.
Ka Nu chuan Lalram khawiah nge lighter I dah tiin a va au, U mami chu buai hmel tawkin a rawn chhuak a, ka hre nang, khawiahnge Nui khan a khawih leh a ni lo maw, a rawn ti leh kher, ka khawih mai mai loha, thil bo hlek se I khawi em min ti nghal zel suh u, ka tih chuan U Mami chuan nui tet tet pah chuan aw, I lo khawih ve thei ziah a lawm a la ti zui, Nuih pawh ka nui peih lo.
Ka Nu lah chuan ka phone khawih chu min rawn hau, nghal a thil zawng thinrim hi a phun tlang nghal a, ngaia neih mai a ngai, Phone te hi I khawih reng mai a, |huthlengah lah hian I mu zawr a, phone in khawih a, in nui ang suk suk a, a tih chuan ka rilru in. aw,,, khang ka thleng sil lai zawng zawng te, ka insuk lai te, ka hmun phiah te, ka chhuat nawh lai te khan an maimitchhing reng anga, phone kha khawih ve leh an meng leh \hin a niang ka ti a, a takah chuan ka la sawi peih rih lo, ka Nu an a kal tluang rih dawn tlat.
Kan zawng kan zawng a, A kekawr ipte ah a lo awm reng chu niin, a haihawt ve si a, a inzawng thinrim hma thei sia, keimah hian ka tuar ve ziah, chutih rual chuan ka thawmhnaw awm na ka hriat loh ka zawn hmuh theih loh erawh awlsam te hian a rawn hmu leh thei ang lawi a, amak ve a ni, U mami chuan Nui’n I ipte ah arawn dah a ni hrim hrim ti a nu ruh ruhin room lamah chuan a lut a, in ninawm, ka mu daih dawn ka tih ve leh, Ka NU chuan I hman lo, kha Purun sen kan lo nei miah lo, Saw lai vai dawr kha an in hawng \hin va lei zuai tehh a tih chuan,, Na,, nichin a, Chow ka lak dawn khan sawi ve nghal mai awm ka ti nung nung a.
Ka Nu chuan tirh hian vui nung nung zel suh u, va kal rawh a la ti zui, a dik tak chuan ahaihawt si, thil lei sual a hrat si, lei sual se, a tisual lo tu keimah ngei hian ka thleng leh a ngai a, vawi khatah lah hian thil lei tur hi a sawi kim mai ngai lo, kal nawn leh ka ngai ziah, Sikuti khalh hi chu ka thiam ngei ngei angai, vui nung nung chuan ka chhuak a, Apu chuan pawn a\angin min lo Au nute khawiah nge I kal dawn a rawn ti ve leh, Dawrah ka tih chuan Saii hei Nui a kal dawn alawm, chah ve mai ang a la rawn ti zui.
Awi,, chhung khat chhehchhawl nih pawh nin mahnak laia \henawmte leh zel, ka hmel en hian min zuam ve hrim hrim a nih hi, han hnial lah hi a nuam \hin bawk si lo, chhung lam tum buau, pawn lam a dera nui sang chung chuan, khawi kalo kal nghal anga ni mai lawm ka tih leh tak kha,, Alu kg chanve chu Min chah a, vai dawr lam pan chuan ka kal leh ta nge nge a.
Tiang chu kan chawlhni hman dan chu a ni tehh nuai a, han intirin han inhnial rap rap mah ila, kan awmho khat a, nilenga kan awmho hi chuan keimah ber hian a nuam ka tiin hlimawm ka ti \hin.
Hun a her ve hret hret zel a, Kan chhungkua pawh chu ITI veng mi nihna kan nei nghet tawh a, keini pawh kan in la ITI veng ve tawh viau mai, Class pawh ka kal \ha a, chutiangin Ramrami pawh Christy te nen kan inhlat ta bawk a, Ramrami ka harsatna christy aimahin ka hrilh tam tawh a, Tunah star thar ka nei tih erawh ka la hrilh lo, a chhan chu henu hi chuan hma min lak pui leh chung chung dawn, thil hi a hrethiam lo lutuk a, Kan star hi kan duh nghal zel turah a ngai tlat a, Hmanah pawh High school kan nih laiin Higher ami chhe lo tih ve deuh mai ka nei a, Ramrami ka hrilh a, ani lah chuan amah chu a lo hrilh nghal, chupa lah chuan min lo star ve tho a.
Ka Star thu Ramrami’n a hrilh a\ang chuan min rawn zuamin min rawn be reng a, ka ning daih a, ka be peih lo, tiang chi kha ka nia, min rawn bem ta nge nge a, mahse ka lo ignore hmak, keichu ka star te hi ka ngaizawng duh kher chuang lo, tiang chi kha ka nia, star ro ro ah pawh duh bik te ka nei , U Hriata te ang te.
Remthanga hnenah chuan scooty khalh min zir tir tur chuan ka han ngen leh chiam a, a hlauh hian a hlau a ni ringawt tawh a, Mahse Christy leh Ramrami kan sawm anga, tlaiah kan in ah chaw kan ei khawm anga, chuan nilengin kan zir anga, min ven pui thei dawn alawm ka tih chuan, Remthanga chu a ingaihtuah ve nasa a, Christy hi vawi khat a hmu tawh a, a star ve zukz a, mahse christy chuan a duh lo nasa eltiang hi a ni mai, At hmel hi a ti lutuk a, kan chhaih te hian a thinrim thei tawp a, a duh loh zia lah chu Remthanga han hrilh ngawt chi lah a ni si lo.
Remthanga chuan Nia, an rawn kal dawn chian chuan kan zir dawn nia, Mahse keiman ka chuan pui tawh lo ang che, ka peih tawh miah lo a nia, a ti deuh hmak a, aw,, U Mami’n Balance zir phawt tur a tia lawm kan ti ve thla rawk a, Kan Miss a rawn lut a, kan ngawi deuh \hap a,.
Exam hun a rawn sawi a, November thlaah kan exam dawn, awi,, ka rilru a hah nghal, Na,, Lehkha hi ka zir that chhe tulh tulh bawk si. Ramrami kiangah chuan keichu Nula senior intodelh nih daih ka chak, lehkha zir kher loin, ka tih chuan Ramrami chuan keichu Pasal hausa neih a ni tawp tawh ka Aim in life chu College ka thleng a e,, ka aim in life a inthlak vek, dam khaw chhuah ka tum \awng \awng tawh a tih chuan kan bul ami te pawh chu an lo nui ve suk a. Rilruah exam a awm chho \an a, taksa zawng in peihin hrisel \ha \ung mah ila, rilru hian exam a la peih si lo.
Tichuan exam rilru a awm chung leh tun kar tawp inrinni a scooty khalh zir tur chuan ka rilru ka siam a, ka \hiante pawh ka hrilh vek a, U Mami hian zau taka scooty khalh zir phalna min pe bawk a. Bus ka nghak a, a rei em avangin ke In peih lo takin ka haw thla a, Christy chuan min rawn call a, U Hriata a accident a rawn ti, ka meng bial pawp a, ka tha a khur nghal, kalo la theihnghil lo tawp a ni, ngatinge An pafa in, accident hi an tawh le, tun hnai hian engatinge an tluan loh em em tiin ka ngaihtuah a, Christy chuan Ebenezer ah an awm a, class in bang tawh em, a ti leh nghal, bang chiah hei ka haw mek ka tih chuan lo let leh rawh, zan velah I kan ve thei awm si lo, keipawh ka kal dawn, rawn chhuk la, kalo tlan chho anga Temple velah kan intawk dawn nia a ti a, hman hmawh tak chuan ka let leh ta a , a na viau angem, engmah zawhna chang pawh ka hre lo, ka rilru chu a chiai tak zet a ni.
Show post links
Top
Zan riah chu kan ei khawm a, kan ri nak nak a, hun rei tak inhmu khawm tawh lo kan ni bawk a, kan inngaiin kan hlim tlang hle, Pa Hmuaka pawh kan chhungkua min hmu chu a hlim ve a niang, Nu Sangi’n I pa hmuaka pawh in awm a, a nui ve hawk hawk mai alawm, hetiang anga a hlim nui ri hi kan hriat lohna a rei tawh asin aw, tiin min hrilh ve siam siam a. An vai mai chuan an hlim tlang a ni maiin ka hria, mi pahnih te chauh lo chu, ni e, Heng mi pahnihte hi hmana lo hlim dun \hin, inthlahlel em em \hin pahnih kha an ni a, Tunah chuan an hrang rih si a ni. U Hriata leh kei tiam lohin chu in chhunga mi te chu an hlimin an innel em em vek a, Kan in hlui luah te nupa pawh hun rei tak hmelhriat tawh ang maiin an tlang nel a, Nia, inpawh tur khawpin an awm rei ve leh tawh bawk a ni.
Chaw chu kan ei kham a, Nuho an \hu nghal sap sap a, an titi nghal suah suah a, Kuhva an seh sen sak sak a, an tunhma nun sawihoin an nui hawr hawr a, Paho an tho leh a, Muang ban charhin thupui fun hmel takin an ti ti chuar chuar a, U te an tho leh a, Pawimawh hmel tawkin phone an hmang a, Christy nen chuan kan en hrek hrek a, A ninawm e,, Mahni in ah chhehchhawl nih bawk, mi dang In ah leh zel, ka chhungkaw chhehchhawl ka ni hi chu ka hrethiam ve mai a, mahse Ka lenna te chhungkaw chhehchhawl ka ni leh zel hi chu ka inkhawngaih ve \hin a ni, Mahni inkhawngaih a \ha ngai lo tih te chu hre mah ila, keini chhehchhawl ho hi keimahni lo chu min khawngaihtu an awm lo ve chiang em a ni.
Thleng chu christy nen chuan kan sil a, a tam phian a, U hriata chuan min rawn melh zuk a, christy chuan min lo hriatthiam pui a niang, va kal rawh a ti sup a, keichuan a la tam em mai ka la silpui ang che ka tih pawh chuan, zanin chu ka lo kep vek ang che kal rawh a ti a, ka kut ka hru fai sawk sawk a, kal ka tum chiah chu, Nu rini chuan Nubawih,, awi,, min tir dawn tih ka chiang lutuk, Muang tawka leh hawiin enge,, Nu Rin, ka ti zawi sup a, ka tir khat tawh che em mai, kuhva min han lei teh,, ngaihsak mang lo chuan a ti a, ka van hman lo tak, U hriata lah a chhuak tawh si.
Mahse,, Nia, min tir khat tawh tak tak, ka kal sak ngei ngei a ngai, christy chuan min lo nui vur vur a, Nu Rini pawisa chu ka la a, kawmchhak, Pa Fela dawr te ah chuan ka han chho zuai a, Pa Fela chuan ehe, I va nula tawh ve, I ngaihawm hle mai a lo ti luam a, Min lo nuih var a, kei chuan nangni deuh in ngaihawm, kan ti ve bawk a, Min ngaih deuh tak tak pawh ka ring,, dawr kal tu ber hi ka ni ve chiang em a, ni khatah hian vawi engzah nge ka kal \hin pawh hi ka chhiar seng lo hial ang, a chang chuan min lo nuih leh ngawt zel. Kuhva chu ka lei a, hman hmawh takin ka chhuk a, Nu Rini te chu ka pe a, U mami leh U bawihi chu pawnah lo awmin, U Ruati an lo video call mek a.
U, Khitah ka chho lawk dawn nia, ka tih chuan en mang loin min chhang a, aw, rei suh aw, kan haw \ep a nia tiin min chhang liam mai a, hman hmawh takin sikul kawt zawlah chuan ka han chho nghal a.
U Hriata chu alo \hu reng tawh a, hman ang tho khan, mahse kan luh rukna \hin kha an lo siam \ha daih tawh a, U Hriata chuan Gate chu a pawt kau va, a karah chuan ka vak lut a, Hman a kan \hut dun na hmawng kung hnuaiah ngei chuan kan \hu dun leh a.
Kan \hu chu kan ngawi dun vang vang a, sawi \an mai tur avang a ni, U hriata chu a khuh leh kharh \hin a, kei chu ka kun char char a, minute hnih thum vel dawn kan ngawih dun hnu chuan a mipa zawk na na na chuan bul rawn \anin ka kut a rawn vuan a, ka mur leh chuai tawh, thawk ka la halh a, Nui a ti thum dut a, Um, tih pah chuan ka bu nghut ringawt. Thawk la halh pah chuan I ngaihawm \hin hle mai a ti ringawt a.
Ah,, Min ngai lo a niang, min biak I tum tawh hleinem, ka ti ve sap a, Ka hun tawn hi a hreawm em a ni, ka ngai lo ngai lo che asin, mahse hmana I hriat \hin ang kha ka ni tawh lova, Keimah hian ka tihlawhtlin ngei ngei tur thil lian tak tak hmachhawp ka nei a, chung ti hlawhtling tur chuan ka \hian, ka chhungte thlengin ka hlat tial tial a nih hi, Nakinah ka thil tum a hlawh tlin hunah chuan ka thil kalpui hi I hrethiam ve mai ang a ti sap sap a.
Keichuan, chu I kawng ka dal I tihna a ni maw kalo ti ve vat a, Nia, ka hmangaih te an nat loh nan ka hmangaih te ka hlat rih angai sia lawm, mahse nang hlat che hi harsa ka tih ber a ni, ka hmangaih che a ti zawi sup a, a chhan chu min hrilh thei mai lo em ni, ka tih chuan a chhan hi thil lian tham tak a ni a, I hriat thiam dan tur chuan, Kan colony a\anga in chhuah chhan, ka Pa zen na chhan, te nen hian a in zawm a, tunah pawh he inbeihna hi a kal mek a, a hmawr ka bawk thei \ep tawh, mahse ka hma hun ka hriat miau loh a vangin ka hnaih ngam lo che a ni a ti a.
A thu peh hel kual vak dan chu ka hrethiam teh nuai lo, Mahse abuai hle a ni tih chu ka hria, U hriat hmanni ah bazarah Nula nen kan hmu che asin, ka tih chuan a nui suk a, ka hria lawm, mi zui ruk chu in thiam lo ve khawp mai, tiin a nui var var a, Min hmu reng alaw ka tih chuan hmu e, ka \hiannu khan a hmu hmasa chu a, mahse I ngaih ang kha a ni lo, ka thawhpui nu a nih kha, Nui min ngei anga, min hua ang tih chu ka ring a, Mahse kan inthlah hlen a ngai a ni, Christy \awngkam a\angin min thlah thei lova, min la nghak reng a, keimah avangin I na \hin tih ka hria a, ka tihpalh tak zet a ni.
Tihpalh tih hian engmah a siam \ha lo a chhan ka hriat duh chu min hrilh dawn chuangin ka hre lo, kan haw \ep tawh ang ka kal dawn, tih leh din ka rual a, ka banah vuanin min kai a, kal luih ka tum a, min pawt hnai a, hman ang bawk khan, amak lutuk ka \ang rei thei lo, ka mit ka chhing a, min fawp a, a tawpna atan ti ni awm takin inthlahlel em em in kan infawp a, mahse ka phone a lo ri a, U Mami phone call a ni, ka chhang vat a, khawnge I awm, hei kan haw dawn lo kal rawh tih a ni. Tichuan a chhan hre lo chuan in be leh tawh lo turin kan in mang\ha a, in hmangaih ve ve chungin kan in mang \ha a ni tih hriat nan last kiss kan nei a nih ber chu. Ka mittui chu ka hru hul a, Nu Rini te in lam pan chuan ka chhuk a.
Midang pawh an lo \in tawh hlawm a, Taxi a lo thleng a, kan in lam pan chuan kan haw ta a ni, keipawhin ka rilru ka siam fel tawh a, U hriata vanga nat ka tum tawh lo, Hun hian hun a tih hunah chuan dam ni hmel min la hmuh tir ang, ka dam ta lo a ni pawhin he natna nena nun khaw chhuah dan min zir tir ang a, mi chhel takah min chhuah ngei ang, tiin rilru ka siam a, indawm kun ka tum tawh lo, tun hmaa keimah chhehchhawl harh vang tak kha ka nih leh a ngai a ni. Nui I thei tiin keimah leh keimah chu ka in fuih thla mawlh mawlh a. Chu zan hlimawm leh lungchhiat thlak lunglen thlak tak bawk si chu a liam ve leh ta a ni.
Hun a liam a, Ni thar a rawn her chhuak ve zel a, a dam a, dam na na na chuan natna te pawh dam vek lo mahse a zia zia a awm chho a, kan chhungkua pawh U Mami’n hna a neih leh tak avangin kan khawsak pawh a pangngai chho leh tawh a, Tun hma ang em chuan hlawh tam lo mahse loan rulh buai lo tur leh, kan hman khawp chu a thawk chhuak a, ka NU a lo taima ve bawk nen, keipawh ka hna ka chiang a, ning hle mah ila, buai hle mah ila, ka pawm thiam mai angai a, kan chhungkua chuan ngai kan awh chho a ni ber ang chu, Tunah phei chuan members kan pung tawh a, U Mami fapa Khuma nen,kan ri ve leh laih laih ta.
Pathian Ni tuk a ni a, U Mami pawh ka Nu’n khi lama han inkhawm zel kher a ngai lo, a hlat mai mai bakah He lamah \halai hruaitute pawh an rawn lut fo va, an zahawm, tukin a\angin he lamah inkhawm ve tawh rawh a tih avangin, U Mami pawh chuan he lama inkhawm a tum ve tawh a, Amah pawh hian ITI lama inkhawm hi a duh tawh hrim hrim a, a tang laklawh vel mai mai a ni ber a, khi lama a han inkhawm zel avangin inkhawm te hi a that chhiat phah a.
Chu zing kar chu favang zing atana mawi lo khawpin khua a dur in a dul ruih a, Kan tho tlai bawk nen chaw ei kan tlai in kan hmanhmawh hle a, chhung inkhawm pawh kan hmang hman lova, Chaw kan ei kham a, kan insiam sawk sawk a, thleng pawh ka sil hman lo, U Mami pawh a vawi khat rawn inkhawmna tur a nia, a zam ve deuh nge ni a, a buai phi li chung mai.
Kan va inkhawm a, kan In a\angin Biak In hi a hla lutuk lem lova, kan thleng hma a, \an nan minute 15 vel lai alo la awm a, kan lut deuh chiah maw tihah chuan Ruah a rawn tla ta mai, Ka Nu chuan min rawn melh zuk zuk a, thil pho a lo nei leh hman a nih ka ring, khatiang zing chhum phui chuk karah tiin enge ka va ti sup a, ka nu chu a rawn chhuak phei a, keipawh ka chhuak ve nghal.
Eng'nge thil ilo pho hman hram ami ka ti hluk a, aw, chaw \hing, mahse kha kha chu a pawi lova, nan mahse,, room tukverh zawk kha engmah kan kalh lo, ruaho in a theh thei bawk si, khi a sur tam dawn a niang, va let leh lawk mai tehh a sir tam hmain a ti chu ka ner nung a, ahh,, ka rawn kal tawh awm lo, ka ti dueh hluk, pheikhawk sang te ka bun ve a, ka tih chuan, va kal lawk mai rawh I rawn let leh hman ang, midang pawh an tlai ziah a lawm a la ti zui, vui nung nung chung chuan ka let a, chhungkaw chhehchhawl nun khawngaihthlak zia hi a tawng ve lo tu tan chuan hriat thiam rual a ni si lo, min tir tu te lah hian a hlat loh kha an ti liam mai a, a hlat loh lam a ni lo, min tirh ang zah hi tir ve che u la e,, in \eu nasa ve viau ang.
Hmanhmawh tawk chuan ka va phei a, ka hmai hnawih te pawh a spot phah vek dawn, ka rawmawl chuan ka lu ka tuam a, ruah hmi chu a tla seng seng tawh , in ka va thleng a, chaw \hing pho chu ka seng a, kawng khar ka hawn rual rual chuan khuma a lo miau, Nanglah hi \angkai lo lutuk, heng te hi lo seng ve ta che ka ti ringawt, ka hauh ve ngam leh kei aia thu lo awm chhun kha a ni ve miau va, room kawngkhar chu ka khar vek a, inkhawm tawh loh mai ka tum a, mahse a nuam ka tih chiah loh avangin ka chhuk leh a, Kan veng pa pakhat scooty in a inkhawm tur a rawn tlan chho ve chiah a, lo chuang ve tur chuan min sawm a, ka yes rang hle , tichuan ka chuang chho ve a. kan thleng chho a, an lo \an vel chiah a, \an a\anga rei vak loah ni lah chu a rawn sa leh ut a, U mami leh Anu chu ka va melh vak ringawt, anni chu an nui suk ringawt.
A tlar hnungah \huin eng tin tin emaw inkhawm chu kan va tling tla ve mai a, Ban a ni a, pawn kan chhuak chu, U mami chu |halai hruaituten an lo chibai sap sap a, chuan Hmana U Mami class kal pui \hin pahnih an lo awm ve chu niin an inhmu chu an han inchibai luam a, Anni chu ITI ah an lo mo ve ve chu niin Pakhat zawkin Fa pathum nei tawhin Pakhatin Fa pakhat kum 6 mi vel a nei tawh bawk a, U Mami ve nula hnah khat, a zawhna dawn peih lo ber a dawng dawn tih hi ka hre chiang ka lo huphurh pui lawk tawp, ka rin ang ngeiin pakhat zawk chuan a zawt ta chiah, Pasal I la nei lo ami an ti chiah chu,, ka lo nui var var a, ka chang thlawn lo chiang.
U Mami chuan,, ah a la hmanhmawh thlak loh em mai a ti liam mai a, Anni chuan a dik chiah a, hei kan nei hma lutuk a, kan khawvel chu tinuai hi a nih tawh hi tiru thla la ho ang u an la ti zui, An fa Sunday skul la kal rual lo te chu ka bulah an din tir a, an bag min khai tir bawk a, thla min la lak tir zui, U Mami vang vek, tlangval ho lah chuan ka inkhai bawr \un chunga ka thla la chu min rawn en duh tawp a, ka zak lutuk, a tawk a \ha, U mam, kal ang ka tih chuan, U mami chuan khawi in fate lang hian vawi khat hmet leh ang ala ti zui. Mi lah chuan min en hrek hrek hian ka hria a, Ka zak ru lutuk, hawi pawh ka hawi chhuak \ha ngam lo. Anni lah chu an nulat chhuah tira an in pose dan tih hriat reng reng chuan uluk fahranin an la in pose zui a, U Mami lah Nula, hringnun kailawn thui tak lo chuang kai a, lo pal hrep tawh, a duhnaah chuan zahna rap bet hmak ngam tawh Nula Upa pawl members ni chho mek a ni a.
A \hian pahnih te lah Nu tling title nei chho mek, Zahna kal pel chho \an, fate hnek tura mi zinga hnute phawrh chhuak ngam tawh an ni a, an zam eih lo, kei a zak mai mai chu min care lo lutuk, tichhuan ka hmeh sak zung zung a, an duh tawk chuan ka la a niang, kan in lam pan chuan kan nufa thum chuan kan in zui haw hnak hnak a, in kan thleng \ep tihah chuan Bena’n min rawn call a, news \ha tawk a neih thu min hrilh a, ka hre chak ve reuh tawp, tun hma ang khan Bena hi ka ning tawh lem lova, titi pui tlak ve tak a ni ve tawh reng reng a.
Mahse kawng kal chunga phone hman hi nuam ka tih chiah loh avangin in ka thlen hunah hman deuhin kan inkawm dawn a nia tiin phone chu ka dah a, Bena hi U Hriata vanga ka khawharna leh ka natna min chhawktu \ha ber te zing ami a ni, ka khawhar leh ka hreawm hlauin min rawn tih hlim hram hram a tum \hin , ka \hiante pahnih tih lohah chuan ka tana mi \angkai tak a ni.
In kan thleng chu zing kar lam boruak vawt leh ruah a sur mai hlauhawm khawp a nihna kha kan khua chuan a theihnghilh leh ta a niang, favang khua mah nise a lum uap leh churh tawh a, in kan lut chiah a, Anu chuan Nui fan on tehh min ti nghal a, keipawh chuan ka tum sa a nih avangin ka on nghal vat a. kan inthlak a, tv on in chokaah chuan kan \hu khawm laih a, U mami chu Khuma chhaihin a nui ang hawr hawr a. Ah,, engpawh nise a nun a tihlim ve phian a, a \ha e, Mahse a ek leh a zunna hi a la hre chiang lova, Khum hnuaia lo ek leh mai a ching \hin te hi ka ning \hin. U mami lah hian a thian reng hman bik bawk si lo, a ek lah hi engtin emaw hian a lo thuk ru ve ziah leh nghal a.
Ka Nu pawh chuan a phone chu tarmit chhana uluk taka bihin a lo thai leh mual mual tawh a, News hlui tak tak Youtuber hoin an rawn thar thawh leh ho chu ngaihnawm ti takin a ngaithla a, Nute lokal lawk tehh a rawn ti leh a, A ho leh ngawt ang ka ti rilru a, hei,, I pi hian group ah in dam tlang em a rawn tia, Ama message bik hmet tang chunga chhan dan ang kha min lo hrilh tehh a ti leh ta, hetia tihdan pawh hi ka hrilh ngun tawh, mahse a thiam thei lo ve a ni, ka ning lek lek \hin.
Mahse U mami sawi ka hriat reng \hin chu, kal pawh I thiam hmaa zirtirtu che, heng I khawih thiam nana a tha leh tui senga ziak leh chhiar a zirtir na che hi hre reng la, a tana hman hi ning reng reng suh min tih hi ka hre reng \hin. Period mood swing lai te, mahni tawka rilru hah ve lai te chuan han ning ve thut \hin mah ila, kan pek let hi min lo pe chiang lutuk a, a hmangaihna ringawt pawh hi ka dam chhunga k rulh theih loh tur a ni tih ka hriatna hian min ti nem leh \hin,, mahse ninawm chu a ninawm ve reng.
U Mami chuan Nui, Chow leh artui chhip chhuan leh Soup tui tawk I ei chak em min nuih tlawn pah chuan a ti, ka hrethiam nghal vek, ka kal peih lo ka ti nghal, aw,, I ei lo anga a ni mai lawm, ka kal chuan I ei lo ang a ti hmak zui, Anu chuan, chhun thil ei tur kan nei dawn lo a nia aw in kal loh chuan vawiin chu engmah siam tur a awm lo, Maida a zo vek a, Buhban herdip pawh kha, Khuma’n hmanni khan a ti baw vek a la rawn ti zui. Chaw \hing ka ei anga a ni mai alawm ka tih chuan, Anu bawk chuan ,, Aw,, chaw hmeh \hing saw tlaia rin leh tur a nih saw ala rawn ti.
Huiham,, hemi te nufa hi chu a, sa hmeh loh ni chuan Chhun chaw te hi bar rawh, thil lei ti reng, a hrisel pawh a hrisel lo an tia, sa hmeh ni ve thung chuan thil dang ei rawh, tlai hmeh tur a nih kha min ti leh a.
Hman deuh Middle Section vel ka kal lai, tun aia ka at deuh lai phei kha chuan, Pa Fela kan veng dawrkai khan I nu fa bik chu I U mami hi a nia a ti \hin a, min tirh ngun bik lutuk chang hian fahrah ang hian ka inngai a, ka rizai hian k inlukhup a, ka \ap ziah kha a nia, Mahse tunah chuan ka nu fa ngei ka ni tih chu ka chiang tawh, mahse min han tir tak tak hi chu ka NU fa cm chhiah hlawh ka ni ber ang chu. Anu thil rawn sawi dan velah chuan min tirh leh ngei hmel hle.
U mami bawk chuan a nih chuan keimah ka va kal ang a, a hmunah ka ei daih ang a ti kher chu ka ti thei lo, hmmm, ka noodles lei te keima siam te pawh I ei ve \hin tho, nangmah I kal vanga nangmaha ei bik kher ti a, vui nung nung chung chuan ka tho chhuak a, a pawisa nei zawk hi an ni ve miau mai bawk sia, An chawm hlawm hi chu han pawr ve vak hi a har a ni, Mahse ka chhehchhawl life hi min hriat pui si lo.
U mami kiangah chuan Sikuti khalh pawh min zirtir peih mang si lo, tunah te hian min zitir la chu ka kal nghal mai tur a nia, ka ti leh kher a, pawisa chu ka va la a, U Mami chuan aw,, zir rawh ka tih ka tih kha, a tih chuan min zirtirtu tur an awm hleinem ka ti hluk a, I \hianpa Remthanga kha, nuih var var pah chuan a ti a, Kha pa ve kha sawi suh ah, ka lo ti hmak.
Khatia sikuti khalh kan zir kha, a phur ang leh a beisei ang kha kalo ni lo nasa a niang, vawi hnih ka tluk pui a, min vin hrep a, a beidawng nghal daih, a chuan lo zir phawt rawh a tia, min haw san vang vang , keimahin ka nawr haw phah zui, ka chuang kawi zel a, A mak lutuk, ka chuang kawi zel a, a steereing ka vawn chiah hian , ka mawng ka dah sawi nghal zel a, a nung a a lirh phei chuan ka hlau thawng kha chhuk ka tum \hin a, min ngei lutuk a, A hnung a\angin min dawm pui am Field kan hel a, a thlah chiah maw tihah khan ka race vak a, ka control zo leh sei lo, ko pang kan su dawn a, a brake hmet rawh a rawn tia, Rilru ah a break a leng tawh lo, a awmna pawh ka hre tawh lo, zuan thlak chiah ka rilru ah a awm.
Tichuan ka zuan thlak san thut a, keichu vanneih thlak takin ka him pial a, amah leh scooty chu an khem nual a, rei tak biak pawh kan inbiak \hat peih loh phah kha a nia, keiin min haw san avangin ka ngei a, Ani’n ka zuan thlak san avangin min ngei ve bawk a, a tir kha chuan kan va han inhaw tak, Mahse a mipa zawk na na na chuan min rawn be \ha lehin ngaihdam min dil a, mahse min zirtir leh tumna chu a nei tawh lo nasa, ngaihdam min dil lo se chu tun thlengin kan inkawm tawh pawhin ka ring lo.
U Mami chuan zirtir ngam pawh kha I ni lo ve em alawm, nakinah a nung loin kan innawr ang a, balance I zir anga I thiam hunah kan la zir \ha dawn nia, kal phawt rawh a tih chuan ka chhuak ta a, A Pi Chowi kan tih mai te in ah chuan Sunday chhun thil ei tur chu kan han lei mai \hin a, Ka kal hmain A pi Saii te in ah ka lut kawi zuai a, A Pi Saii chuan vawk vulh hlimawm zia min lo hrilh vak a, han haw san leh nghal mai nuam hek lo, hne hnawkin ka ngaithla a, Tichuan kalna hun rem chang ka neih ve leh A Pi Saii chhuah sanin A pi Chowi te in lamah chuan ka kal chho ta nghal a.
Ka thil lei chu tui ti takin an ei a, an ni chu a lum an tih em avangin fan hnuaiah an mu a, Anu’n woofer ah PBK liankhuma hla a ngaithla a, zai ngaihthlak pah chuan Nute, vawiin chu thleng kha lo sil mai tehh a rawn ti, vawiin chu ah, nidangah pawh ka sil lo ngai ami tiin ka phun ru sep a, U mami chu a lo kiai suk a, pawnah pangpar tui a pe daih a, a zawhte ei tur alo siam sak bawk, a zawhte chaw lah hi a to vei phian leh nghal.
Thleng ka sil a, thleng sil pah chuan Bena nen chuan kan in call a, loud ah dahin titi pah chuan thleng ka sil a, a chang leh kan nui uar uar a, min star tak tak lai kha ka sawi chhuak \hin a, ani lah hian sawi zawm vel pawi a ti si lo, score a tum lutuk na lama a lo chet \hin \hin zia te, keimah pawhina ka hriat thlen loh thleng chuan a sawi zung zung a, Bena biak hi chu a hahdam thlak \hin a ni, rei tawk kan inbiak hnu chuan phone chu kan dah a. thleng ka sil zawh chuan hmun ka hawl leh thuak thuak a, ka nu zai play ngaithla ve chung chuan ML ah ka lut ve zuai a, Christy hian rilru lak pen nan a \ha lutuk a tih avanga khel ve ka ni a, rin aiin ka khel tih tak phian a, ka khelh ka khelh ve takah chuan ka ti ve thei phian tawh leh nghal, a nawmna ka pawh pha ve deuh tawh a ni.
Zai ngaithla chung chuan Games chu ka khel a, thutthleng sei ah chuan ka mu zar bawk a, U Mami rawn tlawh tumin |halai hruaitute an rawn lang a, keichu rang tawkin room lamah chuan ka insawn daih a, Kan veng lama inkhawm ve tawh tur chuan an rawn ti a, hmelhriat sa te alo nei bawk nen, U mami pawh a tlangnel vat ngei ang, kei pawh \hian nei em em lo pawhin ka tlang nel ve em em tawp a ni,
U Mami phei chuan a rual pui tur kawm tur a nei ve leh nuk a, \hian siam lah a awl sam si. An rawn lut chu fiamthu an duhin an nui ham ham hlawm a, an titi hlimawm tak tak chu room a\angin ka lo nuih pui ve leh suk suk \hin, game chu ka khel pah mawlh mawlh bawk.
Ka Nu a rawn au leh lar lar tawh, Lalnui kha khawiah nge a awm leh tak, Nui room ah tawm daih zel teh suh, hei I U te hi thingpui han siam tehh a rawn ti, kha chen chokaa ka awm kha an hre chang leh tawh lo, Room ah han awm hlek ila, room ah hian inkhung reng zel suh min han ti vat a, Chokaa ka awm chhung zawng khan an mamitchhing \hin emaw ni. Ka tho chhuak a, thingpui va siam ka tum chu leader chuan a ngai lo, hei kan chhuak tawh zawk ang,
Dinkimi pawh , Dinkimi tiraw mami I hming kha a tih leh hnuhnawh a, kalo bu nghauh va, Monday ah I U nen rawn inkhawm rual \hin ula, \hian siamna te a nia, December luh hma khaw nawm lai takin Water Parkah kan Picnic dawn a nia, chumi hunah chuan Member tam thei ang ber kal kan duh dawn a, kan hruai lui duh awm che sia, \hian I neih loh lutuk chuan hreawm I ti ang tiin min be luam a.
Aw le, tiin ka bu ve mai a, an zinga pakhat chu a hmel\ha reuh lutuk , Youtube a kan thawnthu ngaihthlak \hin a, Pangparhnima an tih nen khan an in ang reuh tawp a, hun rei tak hnu U hriata nena kan in then hnua star ka neih leh hmasak ber a ni hial ang.
ka va en ru zuk chu min lo en ve chiah a, kan in karah chuan current a rawn \ek chhawk ni berin ka hria, rang lutukin ka hawi let vat a, ani pawh chuti ve bawk alo hawi let ve leh zuk a, ahh,, hepa hi min star ve emaw ni le. Nahh, Min star lo ang ka chhehchhawl kawr nen leh nghal. Ah.. chutiang ngaihtuah hman pawh ka ni lo, Hman ni lawkah Mipa vangin ka rilru a na em em a, tunah mipa dang, Rami leh Lalchristy nghal loh tiin ka ngaihtuahna chuan keimah leh keimah chu ka inhnial a.
|halai hruaitute chu an ding hluai a, a nih kan kal ange, Dinkim, Nangpawh rawn inkhawm rawh aw, tiin an chhuak a, U mami chuan pawn thleng ava thlah a, Ka Nu chu eirawng bawl tur chuan a inruahman leh \an tawh a, zai rat rat pahin a che leh sat sat tawh, U Mami pawh Lesson plan ka siam dawn tiin a buai leh tawh a, keichu \hut thlengah chuan mut pahin ka game khelh chu a laklawh avangin ka chhunzawm leh zuai a.
Anu chuan Gas lighter a zawng a, a buai leh viau tawh mai, Khawiah nge maw in dah ni, Nui hi meizial I zu ru \hin nge ni, Gas bula kan lighter dah hi a bo reng mai a la ti zui, chhan pawh ka chhang lo, hmui ti pawrh deuh tar chuan hmm,, ka ti ringawt, ka chhang ngam chiah lo, a chhanchu Christy rawn len chang hian han zuk ruk ve zukz hi chu kan hrat a, Mahse lighter bo ah kher hi chuan min puh ziah lo se, an mahni zawk hian a awmna loah hian an dah hrat ve e.
Ka Nu chuan Lalram khawiah nge lighter I dah tiin a va au, U mami chu buai hmel tawkin a rawn chhuak a, ka hre nang, khawiahnge Nui khan a khawih leh a ni lo maw, a rawn ti leh kher, ka khawih mai mai loha, thil bo hlek se I khawi em min ti nghal zel suh u, ka tih chuan U Mami chuan nui tet tet pah chuan aw, I lo khawih ve thei ziah a lawm a la ti zui, Nuih pawh ka nui peih lo.
Ka Nu lah chuan ka phone khawih chu min rawn hau, nghal a thil zawng thinrim hi a phun tlang nghal a, ngaia neih mai a ngai, Phone te hi I khawih reng mai a, |huthlengah lah hian I mu zawr a, phone in khawih a, in nui ang suk suk a, a tih chuan ka rilru in. aw,,, khang ka thleng sil lai zawng zawng te, ka insuk lai te, ka hmun phiah te, ka chhuat nawh lai te khan an maimitchhing reng anga, phone kha khawih ve leh an meng leh \hin a niang ka ti a, a takah chuan ka la sawi peih rih lo, ka Nu an a kal tluang rih dawn tlat.
Kan zawng kan zawng a, A kekawr ipte ah a lo awm reng chu niin, a haihawt ve si a, a inzawng thinrim hma thei sia, keimah hian ka tuar ve ziah, chutih rual chuan ka thawmhnaw awm na ka hriat loh ka zawn hmuh theih loh erawh awlsam te hian a rawn hmu leh thei ang lawi a, amak ve a ni, U mami chuan Nui’n I ipte ah arawn dah a ni hrim hrim ti a nu ruh ruhin room lamah chuan a lut a, in ninawm, ka mu daih dawn ka tih ve leh, Ka NU chuan I hman lo, kha Purun sen kan lo nei miah lo, Saw lai vai dawr kha an in hawng \hin va lei zuai tehh a tih chuan,, Na,, nichin a, Chow ka lak dawn khan sawi ve nghal mai awm ka ti nung nung a.
Ka Nu chuan tirh hian vui nung nung zel suh u, va kal rawh a la ti zui, a dik tak chuan ahaihawt si, thil lei sual a hrat si, lei sual se, a tisual lo tu keimah ngei hian ka thleng leh a ngai a, vawi khatah lah hian thil lei tur hi a sawi kim mai ngai lo, kal nawn leh ka ngai ziah, Sikuti khalh hi chu ka thiam ngei ngei angai, vui nung nung chuan ka chhuak a, Apu chuan pawn a\angin min lo Au nute khawiah nge I kal dawn a rawn ti ve leh, Dawrah ka tih chuan Saii hei Nui a kal dawn alawm, chah ve mai ang a la rawn ti zui.
Awi,, chhung khat chhehchhawl nih pawh nin mahnak laia \henawmte leh zel, ka hmel en hian min zuam ve hrim hrim a nih hi, han hnial lah hi a nuam \hin bawk si lo, chhung lam tum buau, pawn lam a dera nui sang chung chuan, khawi kalo kal nghal anga ni mai lawm ka tih leh tak kha,, Alu kg chanve chu Min chah a, vai dawr lam pan chuan ka kal leh ta nge nge a.
Tiang chu kan chawlhni hman dan chu a ni tehh nuai a, han intirin han inhnial rap rap mah ila, kan awmho khat a, nilenga kan awmho hi chuan keimah ber hian a nuam ka tiin hlimawm ka ti \hin.
Hun a her ve hret hret zel a, Kan chhungkua pawh chu ITI veng mi nihna kan nei nghet tawh a, keini pawh kan in la ITI veng ve tawh viau mai, Class pawh ka kal \ha a, chutiangin Ramrami pawh Christy te nen kan inhlat ta bawk a, Ramrami ka harsatna christy aimahin ka hrilh tam tawh a, Tunah star thar ka nei tih erawh ka la hrilh lo, a chhan chu henu hi chuan hma min lak pui leh chung chung dawn, thil hi a hrethiam lo lutuk a, Kan star hi kan duh nghal zel turah a ngai tlat a, Hmanah pawh High school kan nih laiin Higher ami chhe lo tih ve deuh mai ka nei a, Ramrami ka hrilh a, ani lah chuan amah chu a lo hrilh nghal, chupa lah chuan min lo star ve tho a.
Ka Star thu Ramrami’n a hrilh a\ang chuan min rawn zuamin min rawn be reng a, ka ning daih a, ka be peih lo, tiang chi kha ka nia, min rawn bem ta nge nge a, mahse ka lo ignore hmak, keichu ka star te hi ka ngaizawng duh kher chuang lo, tiang chi kha ka nia, star ro ro ah pawh duh bik te ka nei , U Hriata te ang te.
Remthanga hnenah chuan scooty khalh min zir tir tur chuan ka han ngen leh chiam a, a hlauh hian a hlau a ni ringawt tawh a, Mahse Christy leh Ramrami kan sawm anga, tlaiah kan in ah chaw kan ei khawm anga, chuan nilengin kan zir anga, min ven pui thei dawn alawm ka tih chuan, Remthanga chu a ingaihtuah ve nasa a, Christy hi vawi khat a hmu tawh a, a star ve zukz a, mahse christy chuan a duh lo nasa eltiang hi a ni mai, At hmel hi a ti lutuk a, kan chhaih te hian a thinrim thei tawp a, a duh loh zia lah chu Remthanga han hrilh ngawt chi lah a ni si lo.
Remthanga chuan Nia, an rawn kal dawn chian chuan kan zir dawn nia, Mahse keiman ka chuan pui tawh lo ang che, ka peih tawh miah lo a nia, a ti deuh hmak a, aw,, U Mami’n Balance zir phawt tur a tia lawm kan ti ve thla rawk a, Kan Miss a rawn lut a, kan ngawi deuh \hap a,.
Exam hun a rawn sawi a, November thlaah kan exam dawn, awi,, ka rilru a hah nghal, Na,, Lehkha hi ka zir that chhe tulh tulh bawk si. Ramrami kiangah chuan keichu Nula senior intodelh nih daih ka chak, lehkha zir kher loin, ka tih chuan Ramrami chuan keichu Pasal hausa neih a ni tawp tawh ka Aim in life chu College ka thleng a e,, ka aim in life a inthlak vek, dam khaw chhuah ka tum \awng \awng tawh a tih chuan kan bul ami te pawh chu an lo nui ve suk a. Rilruah exam a awm chho \an a, taksa zawng in peihin hrisel \ha \ung mah ila, rilru hian exam a la peih si lo.
Tichuan exam rilru a awm chung leh tun kar tawp inrinni a scooty khalh zir tur chuan ka rilru ka siam a, ka \hiante pawh ka hrilh vek a, U Mami hian zau taka scooty khalh zir phalna min pe bawk a. Bus ka nghak a, a rei em avangin ke In peih lo takin ka haw thla a, Christy chuan min rawn call a, U Hriata a accident a rawn ti, ka meng bial pawp a, ka tha a khur nghal, kalo la theihnghil lo tawp a ni, ngatinge An pafa in, accident hi an tawh le, tun hnai hian engatinge an tluan loh em em tiin ka ngaihtuah a, Christy chuan Ebenezer ah an awm a, class in bang tawh em, a ti leh nghal, bang chiah hei ka haw mek ka tih chuan lo let leh rawh, zan velah I kan ve thei awm si lo, keipawh ka kal dawn, rawn chhuk la, kalo tlan chho anga Temple velah kan intawk dawn nia a ti a, hman hmawh tak chuan ka let leh ta a , a na viau angem, engmah zawhna chang pawh ka hre lo, ka rilru chu a chiai tak zet a ni.
Show post links
Top