Re: DEAR JOHN. CHAPTER- 1 BY MAWITEI BAWITLUNG
Posted: January 3rd, 2025, 10:30 pm
DEAR JOHN
CHAPTER 17 LAST
“A mak emai Duhtak, awm ṭha ve la i thinrim reng mai le" beidawng lek leka ka pasal ṭawng chu rum fe a melhin “Kha ti pawh khân min ko suh Duhlawr" a lungawi lo viau emaw tihlaiin ka thusawi avâng chuan a rawn nui hawk a nih chu.
“Min ko maksak thei emai, tirawh mu hlun tawh ang. Naute pawhin anu i thinrim reng chuan nuam lo a ti ang, naute hmelṭha tawk kan neih dawn kha le, hmelṭha an thinrim reng ngailo" tiin min rawn kuaha, ka sik leh sawk mai. Lungawi mai mai a har ka ti a, chutih rual erawhin a lakah ka thinrim em em pawh a ni tawh chuang lo, pangchan vel hi nuam ka ti a ni ber mai.
“Ka ngei lutuk che hi maw, i hmelchhe si ka lo nei che hi ka mâwl ka inti" ka tihchuan a nui kur kura, “Ka hmelchhe lo ania'ng, min nei chu a nih hi, keichuan i hmelṭha ka ti ber" tiin ka chalah chuan a fâwp vang vanga. Ka hnial duh tawh bik lem lo, kuah ṭha sat satin “Ka hriat loha thil i tih ruk leh chuan ka tlanbosan ang che, ka nu te bulah nilo in i hmuh phâk loh turah ka tlân vang vang ang" tiin ka phun sap sapa.
“A chiloh ang, ka thi mai dâwn asin, min kalsan lo mai rawh. Miten thlawi number 2 min tih hlauh chuan tumahin min nei duh tawh dawn siloa, min khawngaih hrâm mai rawh" inla duhawm zet hian a rawn ti a, ka nui nghal hak hak mai. A awmdan chu a naupang chhia lutuk tlat.
“I thlawi lawp lawp tawh mai ang chu, kei nen chuan i thlawi rei hman silova, chuvângin i thlawi ve deuh hlek te pawh ala ngai ang" ka zakah chuan a rawn dêk vaka, ka nui nghal uar uar mai. Let tawp tawpin amah chu ka bawha, ka ke ka leng vak vak bawk.
“Ka tlawm, ka naute awi naute" ka tih tâk chûlah chuan min thlah vatin rang zet chuan a ṭhu chhuaka, “Khawi maw i na viau em? Engtin nge i awm? I pum chu engtin nge a awm" hlauthâwng zeta a tih tâkah chuan nui hakin a nghâwngah chuan ka kuaha.
“Kan naute chu a ṭha e, mahse a pa hian a nu hi ti buai tawh suh se a ti a nih chu" tiin ka ham zui bai baia, a âwma bei chuan ka kuah mu lehnghal zat bawk. “Tihian awm ang, ka mut a chhuak tawh, ka chau hluah hluah hian ka hria, a chhan erawh ka hre biklo, keimah tawp hi ka chau" tiin a kawngah chuan ka kherh beta.
“Mutthilh tum rawh, naktukah i harh leh vawk mai ang, Puipuii pawh a pite kan bia anga rawn dah phei mai rawh se" tiin min kuah nghet sauha, engmah ka sawi tawh lem bik lo, mit chhungin tui taka mut tum chuan ka bei sauh sauha, fur a inṭan bawk nen boruak pawh a vawt vur tawh mai.
A khât tawkin ruah a sur cherh cherh renga, chûngte chuan mut an tichhuak zual bawk nen kan awmdan zawng zawng nen chuan nuam ka ti viau mai.
“Anu" Puipuii rawn tlân phei ter ter chu ka lo pawm vata, ka âwmah chuan a bet ṭai mai, nui hak hakin ka chûl hauh hauha, huatna ka nei ve lem lo. He hmeichhe naupang hi chu ka tan chuan ka fanu ang tak tak a ni miaua, bâkah naupang pawisawi lo lutuk lo thinrim khum kha ka duhlo.
“In in chingfel tawh maw? Nupa in ni tawha, in inkârah eng thuruk mah awm suh se, kan kawppuite lakah thuruk kan neih reng chuan rei tak a inneih theihloh tih hre reng ang che u" a nu in a tihchuan dik ka ti viau mai, nupa tam tak chu thuruk kan in hrilh duh lohna hian rinhlehna a siama, chu chuan inhauhna kai tho in a tâwpah inṭhenna ah kan lût leha, kan nat phah leh si ṭhin.
“Ka pa chu lo hrilh mai rawh aw, i haw lehnghâl dawn nge?" ti a a nu a zawh lai chuan ani pawh chuan a haw nghâl mai tur thu chu sawiin a chhuak zuia, rawngbawl tuma ka che chiah chu sa rim chu ngeihlo in ka uak nghâl tuar tuar mai.
U John-a chuan min rawn buaipui vata, “A rim kha ka ngeihlo, dahsawn mai teh" tiin ka la usk ṭhat ṭhata, tui chu herh hawin ka in ti fai zuia, thil dang thlai lam chu siam turin ka la ta tawpa, u John-a pawhin min lo pui ve bawk.
Hlim taka nui bawk bawk chung chuan rawng chu kan bâwl zuia, Puipuii pawh alo hlim ve nasa mai, kan chhungkua chuan rawng chu bawl ho in kan infiam paha, kan hlim hlawm viau bawk.
“Hmangaihna nena ka ena, min hrethiam theitu tur nupui ka lo suangtuah ṭhina, nang ngei hi ilo nih hi. Engkimah min hrethiama, min tlânsan ve mai mai loh avang pawhin hmangaih tur dik tak ka lo hmangaih che hi ka lawm e, ka tân awm reng ang che" tiin chaw ei pah chuan a sawi a, ka nui sak ringawt.
“I lawm ve miah lo em ni?" a rawn tihchuan ka en ha a “A engvang ngawt chuan maw ka lawm loh ang?" ka tihchuan “Min chhâng lo a, i lâwm lo ania'ng chu" a tihchuan hahthlâk ti lutukin ka ena, chhan loh mai avanga lawm lo emaw han in tih chu, a over thlak mah mah a ni.
“Lawm lo tur ni ila ka nei che in ka nui vur vur nâng, chaw kha ei mai mai teh, chhan dân tur che ka hrelo a ni ve maia, enge i lawm loh viau ni" tisapin ka chaw chu ka bar zawma, a ner leh suk tawh mai. zka hawlh nawk dâwn emaw ni?
“Kan inneihna hi ka hlima, mahse lehlam tak erawh chuan miin mi pasal chhuhsak ang hiala min sawi ṭhin hi ka hre vea, ka tân pawh a nuam lo a lawm. Theih phei se chuan a tîr aṭang khan in ina awm loh mai kha ka duha, khatiang kha a thleng miah lo ve thei tho sia" ka tihchuan a lu a rawn thing nur nura.
“Kan inneih laiin ka phatsan pawh a nilo va, a duhthu in kan inneihna dân a bawhchhia a lawm, ngaihtuah suh kei leh i fate hi min ngaihtuah la a tawk mai" tiin a kham zuia, kei erawh Puipuii chaw ka barh phah nen kan la buai viau mai.
Kan eizawh tâkah chuan thleng chu seng felin ka sil leh zung zunga, u John-a pawh chuan min rawn pui ve bawka, ṭanrual chu chakna an lo ti fo a, a dik zia ka hrechiang ta viau bawk.
Ni leng chuan inah awm in kan in tihlima, a hma khan lo kal lo ila hetiang khawpa hlimna min pe thei tu hi ka chhar awm ngai silo a, beisei loh ruamah mipa ṭha tak mai min han pe hi Pathian chungah pawh ka lawm lo theilo.
Hun a liam leh a, Puipuii pawh a nute lamin an rawn chuh buai tawh lemlo, kan bulah a awm duh zawk miau a, ka nau pai pawh neih a hun ṭep tawh avângin kan in ring ru viaua, kei erawh in fa neih dâwn tak tak chuan ka huphurh ve takzet, a nat hmel an ti bawk si.
Tûnah chuan rethei reng renga nun hmang tur emaw ka intih laiin mipa ṭha leh rintlak tak mai ka nunah a rawn tira, mite sawiselna karah pawh min vuan ṭang ṭang theitu tur min pe hi ka lawm takzet.
“Mipa i nei e" damdawiin ah nau nei duh lo in in lamah ka nu te an rawn chhuk bawk nen ka nuten an chhar tawpa, a chhan pawh tun ang lai boruak ah nau nei zai hlum an tam bawk nen ka hlauthâwng a ni ber mai. Chuvanga ina neih pawh kha pawi tilo ka ni.
"Fapa min hrin sak avâng hian ka lawm e, u John-a chu ka en vang vanga, tûnah chuan nghakhlel taka kan lo thlir leh kan lo sawi ṭhin chu a takin a thleng chho ve mek e, kan tan hian Lalpa hi a va ṭha tak em.
Beisei loh ruam aṭangin ka nunah mipa a rawn tir luta, sawiselna karah pawh min thlah duh miah lo tu min pe hi kan tana a ṭhat zia tilang tu ani.
A tân engmah ti ngailo hi kan dîlna te min hnâwl sak ngai chuang lova, a malsawmnaa min vur a ṭhulh chuang silo.
“Ka hmangaih che u John " tiin ka nuih sen sena, natna karah pawh ka pasal hlim hmêl hian min ti dam sawng sawng theiin ka hria, “Keipawhin ka hmangaih che" tisupin ka chalah chuan a rawn fâwp vang vanga.
LE WHATSAPP LAM BIKAH TIME TRAVEL EMAW KA STORY THAR TUR KHA THINGTLÂNGPA ZAWH NGHAH PAHIN KALPUI KAN TUM DAWN NIA AW
CHHIAR NGEI ANG AW
A TAWPNA TE A NI BAWK A, THIL SAWI ANG AW, AW NULA, MI PASAL KHER LO KHA I HMU ZO DAWN LUTUK TIH IN HRIA LA, MI PASAL AN PAWM LAI, AN HMANGAIH NGAWIH NGAWIH I CHHUHSAK KHÂN NANGMAHAH HLÂWKNA NILO IN MITE HMUHSITNA, MITE ÂNCHHIA I PHUR KUMKHUA TAWH ZAWK DAWN TIH HRE RENG RAWH, I KAWPPUI I HMANGAIH NGAWIH NGAWIH KHA I PASAL A NIH HMA PAWHIN A LAKAH I THIKTHU A CHHIAT HLE ṬHIN KHA. CHUVANG CHUAN AN INṬHEN TE A NIH NGAWT LOH CHUAN MI PAWM LAI KHER CHU CHHUHSAK LO HRAM RAWH AW, AN INKAWP LAI I PAWT ṬHENA, KA NUN ANIA KA THU ALAWM I TIH LAI KHAN, LO INNEI IN IN IN KÂRAH HMEICHHE DANG NANGMAH AIA TAKSA LA MAWI ZÂWK RAWN INRAWLH VELEH TA SE, I RILRU AWMDÂN TUR KHA NGAIHTUAH RENG CHUNGIN I TIH HNU CHIAH CHANGTU I HMEICHHIATPUI KHA HRE RENG ANG CHE. AN INṬHEN HNU ERAWHIN DÂN A DANG VE A NIA, MI INNEI LAI KHER PAWT ṬHEN TU ERAWH NILO HRAM ANG CHE, NAUPANGTE TI FAHRAH TU HMEICHHIA NI VE HAUH SUH AW...
CHAPTER 17 LAST
“A mak emai Duhtak, awm ṭha ve la i thinrim reng mai le" beidawng lek leka ka pasal ṭawng chu rum fe a melhin “Kha ti pawh khân min ko suh Duhlawr" a lungawi lo viau emaw tihlaiin ka thusawi avâng chuan a rawn nui hawk a nih chu.
“Min ko maksak thei emai, tirawh mu hlun tawh ang. Naute pawhin anu i thinrim reng chuan nuam lo a ti ang, naute hmelṭha tawk kan neih dawn kha le, hmelṭha an thinrim reng ngailo" tiin min rawn kuaha, ka sik leh sawk mai. Lungawi mai mai a har ka ti a, chutih rual erawhin a lakah ka thinrim em em pawh a ni tawh chuang lo, pangchan vel hi nuam ka ti a ni ber mai.
“Ka ngei lutuk che hi maw, i hmelchhe si ka lo nei che hi ka mâwl ka inti" ka tihchuan a nui kur kura, “Ka hmelchhe lo ania'ng, min nei chu a nih hi, keichuan i hmelṭha ka ti ber" tiin ka chalah chuan a fâwp vang vanga. Ka hnial duh tawh bik lem lo, kuah ṭha sat satin “Ka hriat loha thil i tih ruk leh chuan ka tlanbosan ang che, ka nu te bulah nilo in i hmuh phâk loh turah ka tlân vang vang ang" tiin ka phun sap sapa.
“A chiloh ang, ka thi mai dâwn asin, min kalsan lo mai rawh. Miten thlawi number 2 min tih hlauh chuan tumahin min nei duh tawh dawn siloa, min khawngaih hrâm mai rawh" inla duhawm zet hian a rawn ti a, ka nui nghal hak hak mai. A awmdan chu a naupang chhia lutuk tlat.
“I thlawi lawp lawp tawh mai ang chu, kei nen chuan i thlawi rei hman silova, chuvângin i thlawi ve deuh hlek te pawh ala ngai ang" ka zakah chuan a rawn dêk vaka, ka nui nghal uar uar mai. Let tawp tawpin amah chu ka bawha, ka ke ka leng vak vak bawk.
“Ka tlawm, ka naute awi naute" ka tih tâk chûlah chuan min thlah vatin rang zet chuan a ṭhu chhuaka, “Khawi maw i na viau em? Engtin nge i awm? I pum chu engtin nge a awm" hlauthâwng zeta a tih tâkah chuan nui hakin a nghâwngah chuan ka kuaha.
“Kan naute chu a ṭha e, mahse a pa hian a nu hi ti buai tawh suh se a ti a nih chu" tiin ka ham zui bai baia, a âwma bei chuan ka kuah mu lehnghal zat bawk. “Tihian awm ang, ka mut a chhuak tawh, ka chau hluah hluah hian ka hria, a chhan erawh ka hre biklo, keimah tawp hi ka chau" tiin a kawngah chuan ka kherh beta.
“Mutthilh tum rawh, naktukah i harh leh vawk mai ang, Puipuii pawh a pite kan bia anga rawn dah phei mai rawh se" tiin min kuah nghet sauha, engmah ka sawi tawh lem bik lo, mit chhungin tui taka mut tum chuan ka bei sauh sauha, fur a inṭan bawk nen boruak pawh a vawt vur tawh mai.
A khât tawkin ruah a sur cherh cherh renga, chûngte chuan mut an tichhuak zual bawk nen kan awmdan zawng zawng nen chuan nuam ka ti viau mai.
“Anu" Puipuii rawn tlân phei ter ter chu ka lo pawm vata, ka âwmah chuan a bet ṭai mai, nui hak hakin ka chûl hauh hauha, huatna ka nei ve lem lo. He hmeichhe naupang hi chu ka tan chuan ka fanu ang tak tak a ni miaua, bâkah naupang pawisawi lo lutuk lo thinrim khum kha ka duhlo.
“In in chingfel tawh maw? Nupa in ni tawha, in inkârah eng thuruk mah awm suh se, kan kawppuite lakah thuruk kan neih reng chuan rei tak a inneih theihloh tih hre reng ang che u" a nu in a tihchuan dik ka ti viau mai, nupa tam tak chu thuruk kan in hrilh duh lohna hian rinhlehna a siama, chu chuan inhauhna kai tho in a tâwpah inṭhenna ah kan lût leha, kan nat phah leh si ṭhin.
“Ka pa chu lo hrilh mai rawh aw, i haw lehnghâl dawn nge?" ti a a nu a zawh lai chuan ani pawh chuan a haw nghâl mai tur thu chu sawiin a chhuak zuia, rawngbawl tuma ka che chiah chu sa rim chu ngeihlo in ka uak nghâl tuar tuar mai.
U John-a chuan min rawn buaipui vata, “A rim kha ka ngeihlo, dahsawn mai teh" tiin ka la usk ṭhat ṭhata, tui chu herh hawin ka in ti fai zuia, thil dang thlai lam chu siam turin ka la ta tawpa, u John-a pawhin min lo pui ve bawk.
Hlim taka nui bawk bawk chung chuan rawng chu kan bâwl zuia, Puipuii pawh alo hlim ve nasa mai, kan chhungkua chuan rawng chu bawl ho in kan infiam paha, kan hlim hlawm viau bawk.
“Hmangaihna nena ka ena, min hrethiam theitu tur nupui ka lo suangtuah ṭhina, nang ngei hi ilo nih hi. Engkimah min hrethiama, min tlânsan ve mai mai loh avang pawhin hmangaih tur dik tak ka lo hmangaih che hi ka lawm e, ka tân awm reng ang che" tiin chaw ei pah chuan a sawi a, ka nui sak ringawt.
“I lawm ve miah lo em ni?" a rawn tihchuan ka en ha a “A engvang ngawt chuan maw ka lawm loh ang?" ka tihchuan “Min chhâng lo a, i lâwm lo ania'ng chu" a tihchuan hahthlâk ti lutukin ka ena, chhan loh mai avanga lawm lo emaw han in tih chu, a over thlak mah mah a ni.
“Lawm lo tur ni ila ka nei che in ka nui vur vur nâng, chaw kha ei mai mai teh, chhan dân tur che ka hrelo a ni ve maia, enge i lawm loh viau ni" tisapin ka chaw chu ka bar zawma, a ner leh suk tawh mai. zka hawlh nawk dâwn emaw ni?
“Kan inneihna hi ka hlima, mahse lehlam tak erawh chuan miin mi pasal chhuhsak ang hiala min sawi ṭhin hi ka hre vea, ka tân pawh a nuam lo a lawm. Theih phei se chuan a tîr aṭang khan in ina awm loh mai kha ka duha, khatiang kha a thleng miah lo ve thei tho sia" ka tihchuan a lu a rawn thing nur nura.
“Kan inneih laiin ka phatsan pawh a nilo va, a duhthu in kan inneihna dân a bawhchhia a lawm, ngaihtuah suh kei leh i fate hi min ngaihtuah la a tawk mai" tiin a kham zuia, kei erawh Puipuii chaw ka barh phah nen kan la buai viau mai.
Kan eizawh tâkah chuan thleng chu seng felin ka sil leh zung zunga, u John-a pawh chuan min rawn pui ve bawka, ṭanrual chu chakna an lo ti fo a, a dik zia ka hrechiang ta viau bawk.
Ni leng chuan inah awm in kan in tihlima, a hma khan lo kal lo ila hetiang khawpa hlimna min pe thei tu hi ka chhar awm ngai silo a, beisei loh ruamah mipa ṭha tak mai min han pe hi Pathian chungah pawh ka lawm lo theilo.
Hun a liam leh a, Puipuii pawh a nute lamin an rawn chuh buai tawh lemlo, kan bulah a awm duh zawk miau a, ka nau pai pawh neih a hun ṭep tawh avângin kan in ring ru viaua, kei erawh in fa neih dâwn tak tak chuan ka huphurh ve takzet, a nat hmel an ti bawk si.
Tûnah chuan rethei reng renga nun hmang tur emaw ka intih laiin mipa ṭha leh rintlak tak mai ka nunah a rawn tira, mite sawiselna karah pawh min vuan ṭang ṭang theitu tur min pe hi ka lawm takzet.
“Mipa i nei e" damdawiin ah nau nei duh lo in in lamah ka nu te an rawn chhuk bawk nen ka nuten an chhar tawpa, a chhan pawh tun ang lai boruak ah nau nei zai hlum an tam bawk nen ka hlauthâwng a ni ber mai. Chuvanga ina neih pawh kha pawi tilo ka ni.
"Fapa min hrin sak avâng hian ka lawm e, u John-a chu ka en vang vanga, tûnah chuan nghakhlel taka kan lo thlir leh kan lo sawi ṭhin chu a takin a thleng chho ve mek e, kan tan hian Lalpa hi a va ṭha tak em.
Beisei loh ruam aṭangin ka nunah mipa a rawn tir luta, sawiselna karah pawh min thlah duh miah lo tu min pe hi kan tana a ṭhat zia tilang tu ani.
A tân engmah ti ngailo hi kan dîlna te min hnâwl sak ngai chuang lova, a malsawmnaa min vur a ṭhulh chuang silo.
“Ka hmangaih che u John " tiin ka nuih sen sena, natna karah pawh ka pasal hlim hmêl hian min ti dam sawng sawng theiin ka hria, “Keipawhin ka hmangaih che" tisupin ka chalah chuan a rawn fâwp vang vanga.
LE WHATSAPP LAM BIKAH TIME TRAVEL EMAW KA STORY THAR TUR KHA THINGTLÂNGPA ZAWH NGHAH PAHIN KALPUI KAN TUM DAWN NIA AW
CHHIAR NGEI ANG AW
A TAWPNA TE A NI BAWK A, THIL SAWI ANG AW, AW NULA, MI PASAL KHER LO KHA I HMU ZO DAWN LUTUK TIH IN HRIA LA, MI PASAL AN PAWM LAI, AN HMANGAIH NGAWIH NGAWIH I CHHUHSAK KHÂN NANGMAHAH HLÂWKNA NILO IN MITE HMUHSITNA, MITE ÂNCHHIA I PHUR KUMKHUA TAWH ZAWK DAWN TIH HRE RENG RAWH, I KAWPPUI I HMANGAIH NGAWIH NGAWIH KHA I PASAL A NIH HMA PAWHIN A LAKAH I THIKTHU A CHHIAT HLE ṬHIN KHA. CHUVANG CHUAN AN INṬHEN TE A NIH NGAWT LOH CHUAN MI PAWM LAI KHER CHU CHHUHSAK LO HRAM RAWH AW, AN INKAWP LAI I PAWT ṬHENA, KA NUN ANIA KA THU ALAWM I TIH LAI KHAN, LO INNEI IN IN IN KÂRAH HMEICHHE DANG NANGMAH AIA TAKSA LA MAWI ZÂWK RAWN INRAWLH VELEH TA SE, I RILRU AWMDÂN TUR KHA NGAIHTUAH RENG CHUNGIN I TIH HNU CHIAH CHANGTU I HMEICHHIATPUI KHA HRE RENG ANG CHE. AN INṬHEN HNU ERAWHIN DÂN A DANG VE A NIA, MI INNEI LAI KHER PAWT ṬHEN TU ERAWH NILO HRAM ANG CHE, NAUPANGTE TI FAHRAH TU HMEICHHIA NI VE HAUH SUH AW...