STORYFB.COM

DARK DESIRES



CHAPTER 14


LAST CHAPTER



“Lilia ei vat la, chutilo chu i dam thei dâwn lo a nia” Dominic-a chuan ka khum a rawn ṭhu in damdawi chu min pêk a tuma, ka lo hawisawn nghal vat mai. A tuilo lutuka ka ei lui thei ngang lo, ka hawisawn zêl chu thaw hak hian amah chuan eiin ka khabeah dawm chuan min fâwp zuia, damdawi chu min fah a ni ber mai.




Lem loh theih tawh heklo, tui tilo zet chuan ka ner sawk sawk mai. A awm sawn rualin rum zetin ka ena “Ka dam tawh, ka ei duh tawh lo ka tih kha, min pêk luih leh chuan Dominic ka lâwm hauh dâwn lo a nia aw, ka ei duh tawh lo ka dam vek tawh, kei leh naute in tui kan tilo” tiin ka melh ram rama, ka thin a tirim hlur mai.





A nui suka “Inneih vat kan tum kha, i dam chian vat kha a ngai a lawm. Chutilo chu zânah ka khawih thei lo ang che a, châk deuh siin ka insûm angai dâwn a, ka duh hleinem” a tihchuan ka ner zui nâng nâng a, a thusawi duh te lah hi a phawkphawhraw thei nasa mai sia.




“Innei tawh ang, ka dam tawh tak tak a lawm. Tûna min neih loh chuan ka nei duh tawh dâwn miahlo che a nia aw” ka tih lai chuan ka hmuiah bawk chuan a rawn fâwp leha, a duhthawh leh tawh viau mai. A âwm a nem ṭaiin ka chhâng lêt ve mial miala, hepa hi ka hmangaih a ni, ka hmangaih takzet.




Tûnah chuan ka u leh ka ṭhiannu pawh kan bulah an chêng a, Dominic-an hna a pe thlap bawka, ka u leh ka ṭhiannu pawh an hlim viau a nih kha.



“Aw le a nih chuan naktûkah engkim peih a ni ang, naktûk zîngah chei tur che kan ko anga, kan pahnih in kumkhua in pumkhat kan ni tawh ang tih ka tiam a che” tiin mi fawh-na ata awmsawnin ka chalah chuan a chal a rawn nghat data, a thusawi chuan min tih hlimzia a hrethiam pha kher lovang.




Nui sen senin ka ena “Hetiang kan ni ang tih hi ka ring phalo tih i hria em?” ka ti sapa, ni e kan inhriat tirh lai nên kha chuan khaikhin chi pawh anilo, khatih lai kha chuan tûn hun hi kan thleng ang tih rin ngaihna ka hrelo.




In haw em em leh kumkhua a in hmêlma tur khân ka lo in daih lâwk vek tawha, mahse a mah hian engkim a thlâk a. Ka ngaihdân tam tak min paih sak bawk, a ni tân pawh chu tiang tho chu a nih ka ring, ka kalsan thei tawhin ka ring lo.




“Keipawh hian ka ring ve tho, ka nau bialnu hi heti tak hian ka hmangaih ka ring ngailo, ka tawn tirh che kha chuan tihnat che kha ka châk a, mahse tûnah chuan i tello a awm theilo zâwkah ka ṭang chu a nih hi, ka thlah phal ta hauhlo che a, ka nun zawng zawng thlâk danglam turin ka nunah i rawn lût a, ka nau nên khân in lo intawng lovang tih ka hlau ta zâwk” tiin a nui suk a.




A thusawi chu a ti tak tak tih pawh ka hria, “Keipawhin ka tawng lo ang che tih ka hlau, ka lakah sualin ngeiawm viau ṭhin mahla min hmangaihna avâng vêk hian ka ngaidam ang che, i kiangah ka awm reng tawh bawk ang, kumkhua in” tiin a kut chu la in ka dul ah chuan ka hmeh bela.



Tûnah chuan ka naupai pawh a rawn lang ve tawha, chu chuan hlimna min pêk belh chhah ṭhin. “Kan naute nên hian kan hmangaih lutuk che” tiin ka nuih ver vera, nui sukin ka dulah chuan a fâwp zauha.



“Keipawhin ka hmangaih che u, ka tina leh tawh hek lo ang cheu, ka vênhimna hnuaiah in awm reng tawh ang. Tumahin an tihnat loh nân che u theih tâwp ka chhuah ang” a tihchuan ka nuih ver vera, ka hlim a ni. Ka tân hian a ṭha êm a sin.



“I thutiam hre reng ang che, min kalsan ngai hauh suh, kumkhua in kan nufa kiangah awm la min venghim reng ang che” tiin mittui ka khap per saka, lâwm avângin ka ṭap lo theilo, hetiang hun kan thlen hi ka ring ngailo.



Mi rethei fa, belh tur neilo leh mi khawngaih dil ṭhin unau khân Dominic-a kan tawnga, ama zârah tûnah chuan mite awhrawn niin duh duh nei theiin kan awm phah ta si a, ka chungah sual châng te. Midang te thah châng nei ṭhin mahsela ka lakah erawh hriam hmang lovin ka thinlung a la dêr tawh chu anih hi.




“Nang ni pahnih kha in in hmangaih fâl thei lutuk, keini pawh engtin mah kan awm loh hi, zak ve deuh teh u. Rawn chhuak ula pâwnah i ṭhu ho teh ang u” ka u in a rawn tihchuan Dominic-a nên chuan in enin kan nui haka, ani pawh ka ṭhianṭha ber nên khân hriat loh karin an lo in ngaizawnga, tûnah chuan inneih lam an tum ve tawh bawk.




Kan inneih hma erawh inneih an tum loh thu an sawi kha a nia, an inhmeh viauin ka ring. Mi hran lâk luh ngailovin ka ṭhianṭha ber a ni a, ka u tân a ni ai bâka ṭha an awm dâwn lo tih ka hre chiang bawk. Hma hun hrelo mah ila hlim taka kan chên ho theih nân an pawimawh dâwn tih pawh ka hria.



“Kan rawn chhuak ang, ka nupui tur ka duat a nih hi. Naktûkah chuan ka ta a ni tawh dâwn a nia, i nau hian a nghâk thei lo tlata, kan inneih mai loh chuan” tiin Dominic-a chu a phu ve supa, fiamthu a thawh ve ngei chu ania, a inhmeh lo zâwk.




“Rawn chhuak phawt teh u, Catherine in a ṭhiannu kha a nghâk hlel tawh a nia, ka hruai chhuah loh chuan kan in hau leh a nimai” tiin ka u bawk chuan min rawn ena, ka lo nui hak mai.



“Kan rawn chhuak nghal ang” ka tih tâkah chuan min kalsanin a chhuak zui thuaia, Dominic-a chu a thaw deuh hawk mai. “Ka in bulah hian an in tur sak sak i la a ṭha ang, chutilo chu min ti buai reng dawn tlat, hun fâl duh pawhin a neih theih dâwn hauhlo. Chuvang chuan an awm hran vat hi a ngai a ni” a tihchuan ka nui lo theilo.




Ka u leh ka ṭhiannu lah a sawi ang tak takin kan chên ho a chinah hian kan pahniha awmfalna hun min pe lêk lo hian an awm bawk nên Dominic-a ngaihdan chu a âwm lo hran lo.



“A ṭha viau in ka ring, an mahni pahnih pawhin an duh zâwk ang, hetah an awm reng chuan an inthlahrung ru hle tih ka hria. Sak sak ngei chu an ngai a ni, an hlawh nên a ṭhen chu an tum ve ang chu, chhuak phawt ang hmiang an rawn lan leh hma in” tiin ka tho chhuak zuia.



Tûnah chuan ka nun lungngaihna leh beidawnna in a hual vêl ni a ka ngaih ṭhin khân, hlimna leh dam thlâk hlelhna, dama ka awm thei ka vânneih zia te ka hre chhuak thar leh bawka, Dominic-a ang ka nei hi ka vânnei ka in ti thar fo ṭhin ang.




Pâwnah chuan in zui chhuak ve in ka u leh ka ṭhiannu ei tur lo chhawp chu ka tem zui hlak hlaka, ni a sa ṭha in khua chu a lum viau lehnghâl, daihlim laiah chuan ṭhut mutna dahin ka ṭhu mu zuia, Dominic-a leh ka ute pahnih erawh an titi mawlh mawlh thung.



Mo ṭhian leh mopa ṭhian ah an ṭang ve ve thei dawna, a remchâng bawk nên kan phur tlâng hle a, inneih kawr lam pawh a hma daihin Dominic-an a lo buaipui tawh nên in zawn buai kan ngai hauh lo, amah in engkim a buai puia, kei erawhin lo buai ve vak ka tum lo.



A sum hmang tur kan ni a, amahin a duh dân tak vek thlang turin ka duh.



An thusawi ngaithla chuan engtik laiin nge ka lo mutthilh hman ka hrelo, Dominic-an min rawn kaihthawh meuh chuan a lo tlai leh duai tawha, ni chu a tla lek lek tawh a ni, mut ka duh leh ka mu rei thei lutuk hi keimah pawhin mak ka in ti ṭhin.




In chhûngah in zui lûtin ka ham pah buai buaia, maid ho chuan chaw ei an lo siam mawlh mawlh bawka. Ka u leh Catherine chuan an lo pui ve bawk, Dominic-a chuan chair chu min pawh chhuah sakin ka ṭhut dâwn pawh chuan min pui thlapa, ka chetsual a hlau lutuk hi min vêng a ni ber mai.




Kei leh naute hi kan him loh mawlh a hlaua, tûnah pawh security a lâk belh ṭeuh mai. Khap ve eng ang mah ila thu a âwih duh bawk silo, damdawiin kan chhuahsan khân mipuiin min chîm nasa bawk nên kha mi hre reng khân vêngtu neilo chuan ka vâk chhuak ngai meuh lo.



Chaw hmeh chu ka duhzâwng min rawn chhawp leh mawlh mawlha, kei erawh bâwng mal hem hmin chu zaithla in ka ei malh malha, Wine chu ka lem leh zauh ṭhin bawk. Tam erawh ka in ngai hauh lo, sa hi ka ngaina bawka Dominic-a pawh hian a duh ve zo vek tawha, ka ei duh ang apiang hi duh ve a tum nimai hian ka hre tawh.




Chaw hmeh a tui bawk a, ka ei leh ṭeuh tawh mai. Hetiang reng hian ka chaw ei tui se chuan ka thau tawh ngawtin ka ring. Tûnah pawh ka thau mah mah tawh ania, Dominic-a erawhin ka nalh a ti zâwk tlat peka, hepa hi chu a dangdai ṭhin a ni.




Keichuan thau lutuk nih hi ka hlaua, ka duh miahlo bawk. Tûna ka taksa awmdân pawh hi ka duhdân a ni chiahlo.



Chaw eikham rual chuan mu turin mahni room lam ṭheuh kan pan hlawma, Dominic-a meng rum deuh al reng chuan ka nuih a tiza phian, muk a tum ve ngei chu ani awm sia, a chêt dân naupang chhia zet hian min hneh tial tial lehnghâl.



A âwm nghêng chial chuan muthla in reiloteah ka muhil zuia, a bula ka awm hi chuan ka mutui theiin ka him bik hliah hliah hian ka in hre ṭhin.



Zîngah chuan a sawi ang tak takin min chei tu tur rawn kalin ka ṭhiannu nên chuan min chei mawlh mawlha, Catherine pawh a lâwm tih ka hria, ka ṭhian mai piah lamah nakin lawka ka mo pui tur a ni bawka. Ka rilru zawng zawngin ka lawmpui bawk.




Mipa ho nên chuan inneih hma chu kan inhmu thei ta rih dawn lova, pawi ka ti vaklo, Dominic-an min hmuhchuan ka u nên hian an danglam leh ngei ngei dawn, a enga mah hma a inhmuh tir kha ka tum lo bur bawk.




Mokawr ha in Dominic-a te min lo nghahna lamah chuan kan kal zuia, ka hmu châk takzet tawh. A nupui nih ka châk em em ṭhin na chu tûnah chuan hlen chhuahin a awm dâwn ta.



Tuipui kama kan din dat rualin ka hawi chhuaka, grass lem phah chungah chuan mipui lo ṭhu ṭhapin pangpar nalh tak tak chu an lo thiat fura, mipui rin phâk bakin an tama, ka hlimna ni a ni tih ka hriat avâng chuan ka phur zual sauh bawk.



Muangchang chuan car chhûng aṭanga chhuakin maichâm hmaa min lo nghâktu khawvêla ka mipa duh leh hmangaih ber mai lam pan chuan ka pangpar keng chung chuan ka phei chhet chheta, a mawi takzet. A suit hâk te nên chen chuan a inhmeh hliah hliah bawk, aw Lalpa saw pa saw ka ta chu ani tawh mai dâwn si a, ka awih theilo zâwk.




A bul ka thlen rualin ka kutah a lo vuan vata, a fâwp leh te te bawk nên kan pastor pawh chuan a aw a thian kharha, chutah awmsawn deuhin thutiam chu kan la dûn ta a, tûnah chuan Dominic-a ta tak tak ka ni ve ta e, kan nunah harsatna leh manganna a thleng zawm renga, in hmangaih tur phei chuan kan in ring heklo, mahsela tûnah chuan hmangaihna chuan min phuar khâwm mek bawk si.




“Ka kalsan thei ngai lovang che ka hmangaih che u” zân kan mut dawna a phun sar sar ri chuan min fan rawih rawih mai.


“Keini pawhin kan hmangaih che” tiin ka pasal anihna ang ngeia a chêt hun nghâk chuan a biang vêlah chuan ka chûl riak riaka.



Hmelma anga in enin bul kan ṭana, tûnah chuan hlimna leh hmangaihna in tâwp kan khâr ta thunga.


A TÂWP TA, A FAMKIM LO ANG, MAHSE HUN KA NEI TAWH LOA, STORY THAR RAWN NEIH LEH VAT KA TUM DAWN NIA AW.