Re: ALL THE WRONG PLACES 16 ONGOING
Posted: September 18th, 2025, 1:12 pm
Chapter 17
Julianne thinphu chu a inthum rawn rawn tluk tluk mai
'Eng nge thleng ta? Tinge ka pa a rawn kal le?'
"Ka unaupa a rawn kal ve em?"
Viktor chuan lu a thing a "Ka hre miah lo. Miss Sanders"
"Ka lawm e"
Thingpui in na room Viktor a'n a pa awmna a sawi lam chu a pan a
Helai hmuna a chen aṭang a pa hi a lo la kal miah lova, States a rawn let leh aṭang chhungkaw thil tih khawm ah a rawn lang ve ngai lo
'Tinge tunah a rawn le?'
'A tupa hi a pawm tawh tihna em ni?'
'Min ngaidam in bul kan ṭan leh thei tihna em ni?'
Thingpui in na room kawngka chu tlem te a lo inhawng a, ngaihthlak ruk a tum chiah lo na in hriat a chak ve tlat. Kum sarih lai a pa aw a lo hre tawh lo bawk nen a insum zo ngang lo
"Ka zah lutuk che Pate Edward. Mahse ka chhungte hian inhnamhnawihna an nei lo. Keimah vek ka nih kha"
"Kan buaina ah hian i lo inrawlh hnem mah mah a ni, Justin. Chhantu ah hian i inngai deuh reuh em maw ni le. Nakinah i la chawh hle dawn ania" Julianne pa chuan insehruh ṭun in a ti a
"Edward, ka fapa duhthlanna hi ka zah sak asin. A thil tih hi a hrechiang a ni"
'Sumdawnna lam an sawi aniang. Ngaithla lo ila a fuh zawk ang a'
Kalsawn a tum chiah, a pa aw ring lutuk mai chu a hre zawm zat "Kan chhungkaw thil ah i lo inrawlh alawm mawle!" a ti ṭhawt a
"Pate Edward" Justin chu insum tak hian a aw a fiah kak a "I theihnghilh tawh em ni? Ian in nau a pai laia i hnawhchhuah khan i fanu ah i ngai tawh hleinem. A mamawh ber lai che in a tan i awm lo"
"Zahna min thlen avangin a phu tawk chiah a hmu a nih kha" Edward chuan thinur takin a chhang let a
"I ngaihdan kha kan ṭawmpui ve thei lo che. I hnawtchhuak a ni maithei. Mahse kan zinga mi a ni reng ang. He ina cheng tur hian dikna a nei bawk. I lo inrawlh a ngai lo"
"Edward eng nge i duh a?" Jac Adams chuan aw ki dam dapin a zawt a, a aw hi chu ngaihthlak a nuam ṭhin reng a "I In a nih loh hi. Ka pa sak a ni a, Justin a In a ni bawk. Heta cheng tur chu a duh apiang a thlang mai ang. I fanu leh i tupa hi helai aṭanga chhuahtir lehzel i tum em ni? Kalna tur dang an nei hleinem"
"In bula in lo awm tir hian min tham loh zia in tilang a ni. Kan hnawhchhuah kha engah mah in ngai lo tihna a ni. He chhungkuaa rawn awm theihna dan a nei lo. A fa sawn lu bawk a hrin khan a ti chiang a ni"
Julianne chuan a pa thusawi a hriat chuan a kehdarh vek lo chauh a ni. Amah mai duhtawk lovin midang pawh hnawhchhuahtir ve a duh tihna a nih ber mai chu
"Jared a ni e" Justin a'n awki a san a
"Eng a?"
"I tupa hian hming a nei. Jared Adrien Sanders a ni e" Justin a'n rum zetin a lo chhang a
"Julianne chuan a fapa chu ka hming a lo puttir ve ringawt tihna em ni?".
"Hmela i fanu chunga i lawm loh pawhin i tupa hi chu hmer tel ve suh. Anni ngaihtuahna i nei lo a nih chuan kan bulah dah tawp rawh. Keinin kan enkawl thei alawm. Engmah kan phut lo vang che" Jac a'n a ti a
"Julianne leh Jared hian kan chhungkaw hming a chhawm anga ni mai" Julianne i'n a Nute Christine aw chu a hre zawm zat. Tumahin a awm ve tih reng an hre lo "Smith pawh a hmang mai ang. I hming lo pawh hman tur a tam em mai. I phu hlawl lo"
"In duh apiang in sawi thei alawm. He chhungkua hian dan a nei a, chu chu Justin nang hian vawi hnih lai i bawhchhe ta a nih hi!" thinur zetin Edward a'n a vin a "Mason a pa khan eng angin nge a ngaih ang? A pa hnena ngaihdam dil tir a hnekin i lo fuihpawrh a, a inluling in pawisa khel hlawhtling angah a inngai ringawt a nih saw"
"Mason a hlawhtlinna chu pawisa khelh ni lovin pawisa khelhna hotel a din vang zawk a ni e. A inang lo ania" Justin a'n a ti ve hmak mai
"Inrawlh lo la chu hotel pawh a din thei tawp nang. Ka fanu chungah pawh tih leh i tum a nih hi. Inthiamlo taka awm tur a ni asin. In lo puih reng hian a inluling mai mai zawk. Ka hming a tih hliau man hi chu a hmu tur a ni ringawt"
"Inchhira siam i tum lo. Hrem i chak ve hrim hrim zawk a nih kha, Pate. Kum tam hremna a tuar tawh. A fapa tan nun thar a pek theih nan hun ṭha ka siam sak mai a ni"
"Sumdawnna leh Thawhpui ka chan phah asin. Rai chungin rawn haw lo se chu McAllister nupui a ni ang a, khitah kan awm daih tur ania. A thiltih vang khan maktaduai chuang kan hloh phah asin"
"Pate Edward, i fanu leh i tupa hi maktaduai chuang ai pawhin an hlu zawk asin. I hre lo mai mai a nih kha"
A pa thusawi mal tin te chuan Julianne chu a chhun sawk sawk tawh mai. A pa hian a lo hmangaih miah lo ni te in a ring a, an chhungkaw hma hun atana hmanrua ang lekah a ngai tihna a ni thei tlat
Room chhungah chuan inhnialna a nasa telh telh. An thusawi chu hriat theih vek a chak a ni
"Ka vau che a nih chu Justin. Lo inrawlh tawh suh. Aia upa te zah la, kan fate kan thunun danah lo thuneih lo tum tawh suh. Chuti a nih loh chuan e, a pawi zawk ang"
Kawngka an rawn hawng thut a, a pa nen an inhmachhawn ran mai. A pa pawhin Julianne a hmu thut chu a phu zawk mai
Julianne chuan dak chho vah in a pa chu a en a, a mittui a tla teuh ngei mai
"Min ngaihdam i tum miah lo em ni ka pa?" a ti tham ṭiak a
"He chhungkaw ṭhatna tur i duh chuan i tihtur i hriat kha" khauh takin a pa chuan a ti zawi sap a, hawilet tawh lovin a kal nghal nal nal
Julianne chu a bing mup mup mai. Engtin nge a pa khan huatna thinlung a lo pai ṭun theih le? Dim taka an rawn kuah chu a hria a
"Ka nau khawngaihthlak, a thusawi kha chu engah mah ngai suh aw, a luhlul lutuk a nih kha" Christine i'n a lo ti sap a
"I ṭha em, Ian?" Justin a'n a ngaihtuah hmel takzet tih a aw aṭang chuan a hriat mai. A pa'n Justin a vau dan a ngaihtuah let phei chuan a thinlung a na takzet
"Engah mah ngai suh Ian. I pa khan a sawi awmzia pawh a hre lo a nih kha, a mizia chu i hriat reng kha" Jac a'n a ti a
"Ka unaunu pawhin pasal a neih khan a duhthu vang a ni lo, hun ka neih veleh a ngaihdan diktak ka la zawt ang" Christine chu a thaw halh a
"Lungngai suh Ian. Edward tih loh chu i lamah kan ṭang vek ania" Jac a'n a ti a
"Mason a chhungte pawhin an fapa hi an chhuang asin. Ngaihdam dil se chu an ngaidam thei nghal mai ang" Christine i'n a lo ti ve bawk
"Ka...ka lawm e" Julianne chu a aw a sak vek "Min ngaihtuah em em tih ka hriat hian ka lawm a ni. Mahse tunah rih chuan khawngaihin a fala awm ka duh rih e"
A room lam panin a kal nghal. A insum thei lo. A lu a rit bur a, mahse a ṭap thei lo. Ṭah a tum lo bur bawk
Justin khan a sawi dik alawm. A tuar nasa ve tawk tawh. A pa ngaihdamna chiah a beisei a ni. Jared hi pawm thei bawk se tih nen. Mahse chu chu thil theih a ni lo. A pa hi mi nunrawng diktak chu a lo ni e
Chhun thlengin a room ah a tawm char char. Tumah a hmu duh lo. Thawk harsa a ti hle a, Adrienne pawhin a be thei bik lo. Hun thawl a duh tih a sawi kha an zahsak a, chu mi hun chu thil ngaihtuahnan a hmang hlauh dawn a ni
Tlaiah Jared chu a hrai puar zet a, khumah a muttir leh phawt a, hlim hmel a pu lui hram a, mahse chhungril lamah chuan a na hle a ni
'Kum naupangte a hnawl chu a phu lo asin'
Jared muhil chu a thlir dauh dauh a, a pu pakhat zawkin a piang ve tih a hre lova, pakhat lahin a tupa ah a pawm thei tlat bawk si lo a ni e
Jared chalah a fawp a, naupang hmelṭha tak a ni asin. Thil ṭha ber zel a phu. Chuvang renga hna thawk nasa em em a ni. Tlakchham neih tir a tum lo bur mai
A room a a let leh meuh chuan zan dar sawm sawm vel a lo ni tawh. In chhung chu a reh ṭhup a, an room ah ṭheuh an lut a ni thei a, game room ah in tur dawm in an titi ho pawh a ni thei tho bawk
Dik tak chuan Justin a te hausakna zatve pawh a pa te khan an tluk lo. Mahse Julianne chuan an chhungkaw inkar buai tir a duh lo. A pa kha Justin te angin hausa ve lo a ni maithei. Mahse maktaduai chuang chu a nei ve tho a, a duh phawt chuan indo turin mi a ruai thei reng ang
'Chhungkaw chhiatna thlentu nih ka duh lo'
A bul hnaia awm te hmangaihna leh thlawpna avangin a lawm lutuk. A pa'n a huat em avang khan a thinlung a na takzet. An chhungkaw inkara khi a awm loh hram a beisei. Justin hi an inkarah a awm dawn tihna a ni. Amah ṭan tlat tu a nih avangin chutiang thil chu tawn tir loh a tum bur mai
'Eng nge ka tih tak ang le?'
Kalna tur a nei si lova, Jared thlenga buai tir ve chu a duh lo takzet. A la naupang in pawi a sawi lo nasa si a
Room a thlen in Jin chu a khumah a lo mu a hmuh chuan mak a ti nasa mai. Kawr var leh kekawr dum a ha a, a han din chuan a kawr chhana a sek phiar fip ṭang mai a lang thei. Julianne thluak a buai leh zo vek
A inthingharh leh phawt a "Eng nge i rawn tih a? Khawngaihin ka ni hman hi a hahthlak tawh tehreng nen inhnialpui tur che in chakna ka nei lo, nidangah zawk ni mai rawh se"
Jin chuan dam dupin "Inhnialpui che ka tum lo, Ma belle"
"A nih tinge i rawn kal a?"
"Adrienne thlengin tu vak mah kha i be duh si lova" Jin a aw ah chuan a ngaihtuah hle tih a hriat
"Ka biak duh bik che i ring em ni?"
"Min be turin ka nawr lo vang che" a rawn chhuk en a, a mitmeng pawh a cool raih mai. A ngaihtuah hmel hle bawk "I ṭah a chhuak tih ka hria, Ma belle. Engmah i sawi a ngai lo, lo kal tawp rawh" a ban a phar a
Thirhipthei ang maiin a lamah chuan a tlan nghal vawk vawk a, a awmah bei thlawpin an inkuah vawng vawng a, Julianne chuan a mit chhing in a ṭap chhuak hawm hawm a
A chhungte vanga a ṭah hmasak kha Jared chungchang ah niin an rilru thlak theih kha a duh ber a ni. A la naupang in a mal hle a, a nu khan a ṭan a lo ring a, mahse a rawn lang ta si lo a ni
Kum tam a liam hnuah pawh amah te a awmin an chhungkaw zinga mi a ni ve tawh lo chu pawm harsa a ti ve ṭhin. Gian chu a tan awm reng ṭhin mahse a chhungte a chan ta si a ni. A fapa emaw a chhungte ah thlan zawk a neih a ngai a....a thlan zawk tur chu a chiang a ni. A fapa hi engtikah mah a thlahthlam dawn lo. Eng pawh thleng dawn se chu chu a chiang a ni
A pa thusawi kha a hrechhuak leh a
He chhungkaw ṭhatna tur a duh a nih chuan a tihtur chu a hrechiang lutuk ringawt
Justin leh Adrienne hian an beidawn san ngai dawn lo. A pa pawhin thuneihna chu a nei miah lo. He chhungkaw zinga a awm chhung chuan A pa khan Justin a ngaidam thei ngai lo vang. A pa'n hremna a pek theih chiah loh Justin a nawr loh pawhin a Pate Jac leh Nute Christine thlengin a tibuai vek thei. Amah vanga an kehdarh vek chu a remti thei lo
Jin a'n a tisual tih a hrilh kha a lo dik reng a ni. A thil tihsual khan nghawng a nei lian lutuk. Mahse tumah tawrh tir a duh lo, a bikin Justin leh Adrienne hi
A tihtur chu a hrechiang lutuk. A pawimawh ber zawk chu huaisenna a nei ang em tih hi a ni
A pa khan insawn chhuak turin a duh a ni. Adam Industries ah a thawh kha chu a sawi buai lem lo a nih kha. Jared vang tal pawhin hlawh a ṭhat em avangin ban chu a tum lo. Mahse helai hmuna a chen luih zel chuan Justin te nupa leh a patea leh nutei tan a harsa zual dawn a ni
Jin a'n a darah a bei tir a, engmah a sawi lo. A kuah tawp ringawt. A kuah tawp ringawt. A ṭah laiin a lo hnem char char
Kum tam tak chhung chu chak takin a lo awm tawh a, mahse tunah chuan chak loh pawi a ti tawh lo. Jin a hmaah chuan a ṭap rawih rawih a, ani'n a lo kuangkuah thlap
Muangchangin Jin chuan khum lamah a chawi phei a, a ban nghen tirin an tlu zal a
"Engmah i sawi a ngai lo, Ma belle. I duhtawkin i ṭap thei alawm. Zawhna ka zawt lo vang che. Mahse khawngaihin ka kuah che phal hram rawh" a chal ah a rawn fawp a, a ban rawn zutin "I chak reng a ngai hleinem. Min chelh tlat rawh. Min mamawh chhung chu i kiangah ka awm reng ang"
Julianne chuan chu thu a hriat chuan a rilru a nem nghal vek. Mi te sawi dan ang lo takin Jin Starck hian thinlung zawng a nei chiang a ni. Jas Mathieu a mipa hmangaih kha a lo let leh a ni ber mai
Thil mak ve deuh chu hetia a awm chhan hi Jin a thlan vang a ni a, venhim a duh avangin a tlanchhiat san a, tunah lah venhim a duh vang tho in thudik a hrilh duh lo. An chhungkaw buaina ah hnuh luh ve a duh lo
'Khang kum liam ta ah khan mipa dang ka thlang emaw a ti a, pasal ka neih hma in ka kawp ve mai mai ah a lo in ngai a'
'A hriat loh chu amah ka hmangaih vang zawka hetia awm hi ka ni. Engmah ka tiam thei lo chungin a hnenah ka thinlung ka hlan thlap tih hi'
****
End of 17
CHHUNZAWM LEH TUR
Julianne thinphu chu a inthum rawn rawn tluk tluk mai
'Eng nge thleng ta? Tinge ka pa a rawn kal le?'
"Ka unaupa a rawn kal ve em?"
Viktor chuan lu a thing a "Ka hre miah lo. Miss Sanders"
"Ka lawm e"
Thingpui in na room Viktor a'n a pa awmna a sawi lam chu a pan a
Helai hmuna a chen aṭang a pa hi a lo la kal miah lova, States a rawn let leh aṭang chhungkaw thil tih khawm ah a rawn lang ve ngai lo
'Tinge tunah a rawn le?'
'A tupa hi a pawm tawh tihna em ni?'
'Min ngaidam in bul kan ṭan leh thei tihna em ni?'
Thingpui in na room kawngka chu tlem te a lo inhawng a, ngaihthlak ruk a tum chiah lo na in hriat a chak ve tlat. Kum sarih lai a pa aw a lo hre tawh lo bawk nen a insum zo ngang lo
"Ka zah lutuk che Pate Edward. Mahse ka chhungte hian inhnamhnawihna an nei lo. Keimah vek ka nih kha"
"Kan buaina ah hian i lo inrawlh hnem mah mah a ni, Justin. Chhantu ah hian i inngai deuh reuh em maw ni le. Nakinah i la chawh hle dawn ania" Julianne pa chuan insehruh ṭun in a ti a
"Edward, ka fapa duhthlanna hi ka zah sak asin. A thil tih hi a hrechiang a ni"
'Sumdawnna lam an sawi aniang. Ngaithla lo ila a fuh zawk ang a'
Kalsawn a tum chiah, a pa aw ring lutuk mai chu a hre zawm zat "Kan chhungkaw thil ah i lo inrawlh alawm mawle!" a ti ṭhawt a
"Pate Edward" Justin chu insum tak hian a aw a fiah kak a "I theihnghilh tawh em ni? Ian in nau a pai laia i hnawhchhuah khan i fanu ah i ngai tawh hleinem. A mamawh ber lai che in a tan i awm lo"
"Zahna min thlen avangin a phu tawk chiah a hmu a nih kha" Edward chuan thinur takin a chhang let a
"I ngaihdan kha kan ṭawmpui ve thei lo che. I hnawtchhuak a ni maithei. Mahse kan zinga mi a ni reng ang. He ina cheng tur hian dikna a nei bawk. I lo inrawlh a ngai lo"
"Edward eng nge i duh a?" Jac Adams chuan aw ki dam dapin a zawt a, a aw hi chu ngaihthlak a nuam ṭhin reng a "I In a nih loh hi. Ka pa sak a ni a, Justin a In a ni bawk. Heta cheng tur chu a duh apiang a thlang mai ang. I fanu leh i tupa hi helai aṭanga chhuahtir lehzel i tum em ni? Kalna tur dang an nei hleinem"
"In bula in lo awm tir hian min tham loh zia in tilang a ni. Kan hnawhchhuah kha engah mah in ngai lo tihna a ni. He chhungkuaa rawn awm theihna dan a nei lo. A fa sawn lu bawk a hrin khan a ti chiang a ni"
Julianne chuan a pa thusawi a hriat chuan a kehdarh vek lo chauh a ni. Amah mai duhtawk lovin midang pawh hnawhchhuahtir ve a duh tihna a nih ber mai chu
"Jared a ni e" Justin a'n awki a san a
"Eng a?"
"I tupa hian hming a nei. Jared Adrien Sanders a ni e" Justin a'n rum zetin a lo chhang a
"Julianne chuan a fapa chu ka hming a lo puttir ve ringawt tihna em ni?".
"Hmela i fanu chunga i lawm loh pawhin i tupa hi chu hmer tel ve suh. Anni ngaihtuahna i nei lo a nih chuan kan bulah dah tawp rawh. Keinin kan enkawl thei alawm. Engmah kan phut lo vang che" Jac a'n a ti a
"Julianne leh Jared hian kan chhungkaw hming a chhawm anga ni mai" Julianne i'n a Nute Christine aw chu a hre zawm zat. Tumahin a awm ve tih reng an hre lo "Smith pawh a hmang mai ang. I hming lo pawh hman tur a tam em mai. I phu hlawl lo"
"In duh apiang in sawi thei alawm. He chhungkua hian dan a nei a, chu chu Justin nang hian vawi hnih lai i bawhchhe ta a nih hi!" thinur zetin Edward a'n a vin a "Mason a pa khan eng angin nge a ngaih ang? A pa hnena ngaihdam dil tir a hnekin i lo fuihpawrh a, a inluling in pawisa khel hlawhtling angah a inngai ringawt a nih saw"
"Mason a hlawhtlinna chu pawisa khelh ni lovin pawisa khelhna hotel a din vang zawk a ni e. A inang lo ania" Justin a'n a ti ve hmak mai
"Inrawlh lo la chu hotel pawh a din thei tawp nang. Ka fanu chungah pawh tih leh i tum a nih hi. Inthiamlo taka awm tur a ni asin. In lo puih reng hian a inluling mai mai zawk. Ka hming a tih hliau man hi chu a hmu tur a ni ringawt"
"Inchhira siam i tum lo. Hrem i chak ve hrim hrim zawk a nih kha, Pate. Kum tam hremna a tuar tawh. A fapa tan nun thar a pek theih nan hun ṭha ka siam sak mai a ni"
"Sumdawnna leh Thawhpui ka chan phah asin. Rai chungin rawn haw lo se chu McAllister nupui a ni ang a, khitah kan awm daih tur ania. A thiltih vang khan maktaduai chuang kan hloh phah asin"
"Pate Edward, i fanu leh i tupa hi maktaduai chuang ai pawhin an hlu zawk asin. I hre lo mai mai a nih kha"
A pa thusawi mal tin te chuan Julianne chu a chhun sawk sawk tawh mai. A pa hian a lo hmangaih miah lo ni te in a ring a, an chhungkaw hma hun atana hmanrua ang lekah a ngai tihna a ni thei tlat
Room chhungah chuan inhnialna a nasa telh telh. An thusawi chu hriat theih vek a chak a ni
"Ka vau che a nih chu Justin. Lo inrawlh tawh suh. Aia upa te zah la, kan fate kan thunun danah lo thuneih lo tum tawh suh. Chuti a nih loh chuan e, a pawi zawk ang"
Kawngka an rawn hawng thut a, a pa nen an inhmachhawn ran mai. A pa pawhin Julianne a hmu thut chu a phu zawk mai
Julianne chuan dak chho vah in a pa chu a en a, a mittui a tla teuh ngei mai
"Min ngaihdam i tum miah lo em ni ka pa?" a ti tham ṭiak a
"He chhungkaw ṭhatna tur i duh chuan i tihtur i hriat kha" khauh takin a pa chuan a ti zawi sap a, hawilet tawh lovin a kal nghal nal nal
Julianne chu a bing mup mup mai. Engtin nge a pa khan huatna thinlung a lo pai ṭun theih le? Dim taka an rawn kuah chu a hria a
"Ka nau khawngaihthlak, a thusawi kha chu engah mah ngai suh aw, a luhlul lutuk a nih kha" Christine i'n a lo ti sap a
"I ṭha em, Ian?" Justin a'n a ngaihtuah hmel takzet tih a aw aṭang chuan a hriat mai. A pa'n Justin a vau dan a ngaihtuah let phei chuan a thinlung a na takzet
"Engah mah ngai suh Ian. I pa khan a sawi awmzia pawh a hre lo a nih kha, a mizia chu i hriat reng kha" Jac a'n a ti a
"Ka unaunu pawhin pasal a neih khan a duhthu vang a ni lo, hun ka neih veleh a ngaihdan diktak ka la zawt ang" Christine chu a thaw halh a
"Lungngai suh Ian. Edward tih loh chu i lamah kan ṭang vek ania" Jac a'n a ti a
"Mason a chhungte pawhin an fapa hi an chhuang asin. Ngaihdam dil se chu an ngaidam thei nghal mai ang" Christine i'n a lo ti ve bawk
"Ka...ka lawm e" Julianne chu a aw a sak vek "Min ngaihtuah em em tih ka hriat hian ka lawm a ni. Mahse tunah rih chuan khawngaihin a fala awm ka duh rih e"
A room lam panin a kal nghal. A insum thei lo. A lu a rit bur a, mahse a ṭap thei lo. Ṭah a tum lo bur bawk
Justin khan a sawi dik alawm. A tuar nasa ve tawk tawh. A pa ngaihdamna chiah a beisei a ni. Jared hi pawm thei bawk se tih nen. Mahse chu chu thil theih a ni lo. A pa hi mi nunrawng diktak chu a lo ni e
Chhun thlengin a room ah a tawm char char. Tumah a hmu duh lo. Thawk harsa a ti hle a, Adrienne pawhin a be thei bik lo. Hun thawl a duh tih a sawi kha an zahsak a, chu mi hun chu thil ngaihtuahnan a hmang hlauh dawn a ni
Tlaiah Jared chu a hrai puar zet a, khumah a muttir leh phawt a, hlim hmel a pu lui hram a, mahse chhungril lamah chuan a na hle a ni
'Kum naupangte a hnawl chu a phu lo asin'
Jared muhil chu a thlir dauh dauh a, a pu pakhat zawkin a piang ve tih a hre lova, pakhat lahin a tupa ah a pawm thei tlat bawk si lo a ni e
Jared chalah a fawp a, naupang hmelṭha tak a ni asin. Thil ṭha ber zel a phu. Chuvang renga hna thawk nasa em em a ni. Tlakchham neih tir a tum lo bur mai
A room a a let leh meuh chuan zan dar sawm sawm vel a lo ni tawh. In chhung chu a reh ṭhup a, an room ah ṭheuh an lut a ni thei a, game room ah in tur dawm in an titi ho pawh a ni thei tho bawk
Dik tak chuan Justin a te hausakna zatve pawh a pa te khan an tluk lo. Mahse Julianne chuan an chhungkaw inkar buai tir a duh lo. A pa kha Justin te angin hausa ve lo a ni maithei. Mahse maktaduai chuang chu a nei ve tho a, a duh phawt chuan indo turin mi a ruai thei reng ang
'Chhungkaw chhiatna thlentu nih ka duh lo'
A bul hnaia awm te hmangaihna leh thlawpna avangin a lawm lutuk. A pa'n a huat em avang khan a thinlung a na takzet. An chhungkaw inkara khi a awm loh hram a beisei. Justin hi an inkarah a awm dawn tihna a ni. Amah ṭan tlat tu a nih avangin chutiang thil chu tawn tir loh a tum bur mai
'Eng nge ka tih tak ang le?'
Kalna tur a nei si lova, Jared thlenga buai tir ve chu a duh lo takzet. A la naupang in pawi a sawi lo nasa si a
Room a thlen in Jin chu a khumah a lo mu a hmuh chuan mak a ti nasa mai. Kawr var leh kekawr dum a ha a, a han din chuan a kawr chhana a sek phiar fip ṭang mai a lang thei. Julianne thluak a buai leh zo vek
A inthingharh leh phawt a "Eng nge i rawn tih a? Khawngaihin ka ni hman hi a hahthlak tawh tehreng nen inhnialpui tur che in chakna ka nei lo, nidangah zawk ni mai rawh se"
Jin chuan dam dupin "Inhnialpui che ka tum lo, Ma belle"
"A nih tinge i rawn kal a?"
"Adrienne thlengin tu vak mah kha i be duh si lova" Jin a aw ah chuan a ngaihtuah hle tih a hriat
"Ka biak duh bik che i ring em ni?"
"Min be turin ka nawr lo vang che" a rawn chhuk en a, a mitmeng pawh a cool raih mai. A ngaihtuah hmel hle bawk "I ṭah a chhuak tih ka hria, Ma belle. Engmah i sawi a ngai lo, lo kal tawp rawh" a ban a phar a
Thirhipthei ang maiin a lamah chuan a tlan nghal vawk vawk a, a awmah bei thlawpin an inkuah vawng vawng a, Julianne chuan a mit chhing in a ṭap chhuak hawm hawm a
A chhungte vanga a ṭah hmasak kha Jared chungchang ah niin an rilru thlak theih kha a duh ber a ni. A la naupang in a mal hle a, a nu khan a ṭan a lo ring a, mahse a rawn lang ta si lo a ni
Kum tam a liam hnuah pawh amah te a awmin an chhungkaw zinga mi a ni ve tawh lo chu pawm harsa a ti ve ṭhin. Gian chu a tan awm reng ṭhin mahse a chhungte a chan ta si a ni. A fapa emaw a chhungte ah thlan zawk a neih a ngai a....a thlan zawk tur chu a chiang a ni. A fapa hi engtikah mah a thlahthlam dawn lo. Eng pawh thleng dawn se chu chu a chiang a ni
A pa thusawi kha a hrechhuak leh a
He chhungkaw ṭhatna tur a duh a nih chuan a tihtur chu a hrechiang lutuk ringawt
Justin leh Adrienne hian an beidawn san ngai dawn lo. A pa pawhin thuneihna chu a nei miah lo. He chhungkaw zinga a awm chhung chuan A pa khan Justin a ngaidam thei ngai lo vang. A pa'n hremna a pek theih chiah loh Justin a nawr loh pawhin a Pate Jac leh Nute Christine thlengin a tibuai vek thei. Amah vanga an kehdarh vek chu a remti thei lo
Jin a'n a tisual tih a hrilh kha a lo dik reng a ni. A thil tihsual khan nghawng a nei lian lutuk. Mahse tumah tawrh tir a duh lo, a bikin Justin leh Adrienne hi
A tihtur chu a hrechiang lutuk. A pawimawh ber zawk chu huaisenna a nei ang em tih hi a ni
A pa khan insawn chhuak turin a duh a ni. Adam Industries ah a thawh kha chu a sawi buai lem lo a nih kha. Jared vang tal pawhin hlawh a ṭhat em avangin ban chu a tum lo. Mahse helai hmuna a chen luih zel chuan Justin te nupa leh a patea leh nutei tan a harsa zual dawn a ni
Jin a'n a darah a bei tir a, engmah a sawi lo. A kuah tawp ringawt. A kuah tawp ringawt. A ṭah laiin a lo hnem char char
Kum tam tak chhung chu chak takin a lo awm tawh a, mahse tunah chuan chak loh pawi a ti tawh lo. Jin a hmaah chuan a ṭap rawih rawih a, ani'n a lo kuangkuah thlap
Muangchangin Jin chuan khum lamah a chawi phei a, a ban nghen tirin an tlu zal a
"Engmah i sawi a ngai lo, Ma belle. I duhtawkin i ṭap thei alawm. Zawhna ka zawt lo vang che. Mahse khawngaihin ka kuah che phal hram rawh" a chal ah a rawn fawp a, a ban rawn zutin "I chak reng a ngai hleinem. Min chelh tlat rawh. Min mamawh chhung chu i kiangah ka awm reng ang"
Julianne chuan chu thu a hriat chuan a rilru a nem nghal vek. Mi te sawi dan ang lo takin Jin Starck hian thinlung zawng a nei chiang a ni. Jas Mathieu a mipa hmangaih kha a lo let leh a ni ber mai
Thil mak ve deuh chu hetia a awm chhan hi Jin a thlan vang a ni a, venhim a duh avangin a tlanchhiat san a, tunah lah venhim a duh vang tho in thudik a hrilh duh lo. An chhungkaw buaina ah hnuh luh ve a duh lo
'Khang kum liam ta ah khan mipa dang ka thlang emaw a ti a, pasal ka neih hma in ka kawp ve mai mai ah a lo in ngai a'
'A hriat loh chu amah ka hmangaih vang zawka hetia awm hi ka ni. Engmah ka tiam thei lo chungin a hnenah ka thinlung ka hlan thlap tih hi'
****
End of 17
CHHUNZAWM LEH TUR