CHHUNGKAW CHHEHCHHAWL NULA BY Engtea Fanai (Completed)

[ngaia]

BUNG 17


Hman hmawh tak chuan ka kal a, U Mami chu ka call a, ka haw tlai tur thu leh U Hriata accident chu ka hrilh a, a chek tlak tlak a, aw le,,ava’n mak \hin e aw, Um, rawn rei lutuk lo la., christy kha I rawn inthlah tir dawn nia, a theih loh pawn min rawn call la, ka rawn hruai dawn che nia a ti a, Eirawng vel chu lo bawl mai turin ka ti bawk a, chutia phone ka hman mek lai chuan christy chuan min rawn au lauh a, ka hmuh ve leh, U mam., hei a rawn thleng a, ka kal nghal mai tiin phone chu ka dah a, Ebenezer lam pan chuan kan tlan ta a ni.



A hmun kan zuk thleng a, U bawihi chuan min lo nghak a, pawnah an lo awm a, ward ah chuan kan va lut ve vat a, a thawhpui \awn ve hmel tak tak te an lo awm bawk, an hnar a \awkin, khawvel lamah an tlan nasa ve hle a nih a rinawm, kan lut phei zel a, Nu Sangi chu U Hriata khum bulah chuan rilru hah hmel takin a lo indawm kun lap a, a bulah chuan kan va \hu a, Christy chuan Nu Sang, engtia accident nge an nih, inthlahrung tak chuan a ti a, Ah,, kha, a \hiante nen an rim a\ang reng khan a chhan tur chu a hriat mai alawm tiin a hmai chu a han hui pap a, U Hriata chu an damdawi pek vang nge ni, a muhil bawrh bawrh a.


Nu Sangi chuan Tun hnai chho hi I U hriata rawn haw hi zu rim a rawn nam ta fova, reilote a rawn awm a, hna thilah a chhuak bo leh nghal hmak zel si a, han zilh in han hau mah ila, I u hriata chu in hriat kha, a tih ve tawh lam lam chu ti vak, amah ngaihdan te nei chi a ni a, tunlai chu mut pawh hi ka mu meuh lo, kan rilru hi a hah lutuk a, a ti zawi sap sap a, a \hian pahnih te chu rawn pheiin zu \hing rim an nam hle mai a, chutih rual chuan an polite in an inthlahrun hmel hle thung a, U bawihi chu rawn biain A nih, Bawihi kan haw san ang che u, Ngaihtuahawm a nih loh kha, harsatna inneih chuan min rawn be vat dawn nia, kan motor hi a hman theih reng a nia, an ti luam a, Nu Sangi chuan, aw le,,2 in ti lawmawm lutuk e, in lo buai pui a, tiin a thlah ve bawk a, U bawihi chuan pawn thleng ava thlah an kal liam ta a niang.



U Bawihi chu thinrim hmel deuh hian a rawn phei a, Nu, hriata hi a hna a\ang hian bang rawh se, keiman hna ka thawk mai ang, pvt school velah emaw dawrah emaw, ka pa te company ah pawh nise, ka thawh thiam tawk a tam ang, ti ringawt hi chuan a nun in a chhiat phah dawn, a \hian kawm te lah kha an upa in, zu an heh hmel ropui si a rawn ti phawr phawr a, Nu Sangi chuan Christy nen chuan min en tawn zak zak a, keini chuan awm dan thiam har kan ti hle a.
Thawk an la halh a, mi hrang in ni chuang lova, Bawiha hi A pa hetianga a awm a\ang hian tunlaia depression an tih ang hi a nei niin ka hria, a rawn haw ve pawh hian a room hi ka va bihthla \hin a, a mu \ha ngai lo a, zan reiah te hian a chhuak leh nulh a, varandaah te hian a tei tei a, rilru hahna lian tak a nei a ni, Hna chu ban san tura ka tihna a rei tawh a, enge kan ei ang, ka thawh a ngai a ti hmak a, sawi zui pui theih a ni \hin lo alawm beidawng aw tak chuan a ti a.



U Hriate mu bem chu ka en a, tun hmaa a vun nung tak ang kha hmuh tur a awm tawh lova, Salvation Uniform nena tlangval fresh leh pa tak si ka hmuh \hin, ka en thlak fo \hin U hriata hmel kha a bo telh telh a ni, hun rei lo te chhunga mihring lo inthlak chak dan chu ka ngaihtuah neuh neuh a, U hriata chu a harh chhuah hunah phone a\ang tala titi pui ngei ka tum a, tuna a nun a\ang chuan hruai chhuah ngei ka duh a ni.



Rei fe kan awm hnu chuan U Bawihi chuan in tlai lutuk ang in duh chuan haw tawh rawh u, hei daktawr pawhin ngaihtuahawm a ni lo a tih kha, atih chuan keini pawhin haw kan lo duh ve tawh tho bawk nen, inthlahrung ru tak chuan kan chhuah san a, Anni pawh naktukah an chhuak leh mai dawn a, an sawi angin serious lutuk a ni lem lova, a khup ruh a sawh deuh va, Mahse a rei anga., a dam ve leh mai ang an ti a, ruh tliak vel a awm lo hlauh a ni awm e.



U Bawihi chuan pawn thleng min rawn thlah a, Christy bulah chuan christ. Nui hi kan be lawk aw tiin Damdawi In sirah chuan kan phei a. U bawihi chuan Nute, Hriata hmel kha I hmu anga, a awm dan tur tlangpui chu I hrethiam mai ang a, nangmah nena in inkawp te kha kalo hre ve a, khang lai khan a nun kha a hlim tak zet a ni tih pawh ka hria, ka pa accident khan amah a nghawng nasa bawk nen, zan khat thil thuah chhungkaw mawh phurhna a koah a tla thut si a, a zo lo ni berin ka hria, Tunah hian in inzui tawh lo niin ka hre bawk a, khawngaihin lo bia la, hetianga a awmna a ta hi hruai chhuah hram han tum tehh, tiin ka laka beiseina nei sang tih hriat tak chuan ngen ngawl aw tak chuan min biain min melh ran a.
Keipawh chuan Nia, Amak ka ti khawp mai, Mahse kan tawp dan erawh keima thu pakhat mah a tel lova, Ama duh thlanna hmanga hetianga awm hi kan ni a, in sawi ang khan U hriata chu a tih tawh chu ti tlat ang chi kha a nia, a chhan ka zawh lahin min chhang duh bawk si lo, a rilruah hian phuba lak tih lam hi a awm ni berin ka hria ka tih chuan, u bawihi chuan ngaihtuah ding tih hriat takin a melh ngai a melh ngut ngut a.



A ni maw, chutiang lam chu kalo ngaihtuah ngai miah lo va, Engpawh ni se, ka ngen ang che chuan lo kawm a, lo titi pui hram hram I tum dawn nia, naktukah U mami khan Hun a neih chuan min lo tlawh se la, I U Hriata leh I Pa hmuaka rawn kan pah a ni mai, kal tawh rawh u tiin min thlah a, christy lam pan chuan kan phei a, kan tlan san ta rih a.
U mami chu ka call nghal vat a, Christy chuan min thlah tum viau mahse haw lehna lam a hlat bakah, amah chauha haw leh tur chuan ka ngaihtuah avangin an in lama U Mami chuan min lo lam mai turin ka ti a, u mami te chu a patlinga engmah hlauh a nei lo, tiin christy nen chuan U mami chu kan kap chho a, kan nui dun ar ar a.



Christy te in ah chuan rei vak lo kan awm a, Pa Hmuaka te In ah christy pa chu alo leng a, rei pawh kan \hu hman lo, U Mami chu rawn thlengin zan a rei deuh tawh avang chuan kan haw leh nghal mai a, zan riah ka la ei lo bawk nen, Nu Siamtei chuan ei ve nghal tur chuan min ti nasa viau mahse keichuan ahh, haw vat vat ka duh ka tih chuan U mami chu a rawn \awng ve nghal vat,



Nia a rawn haw vat vat angai, kan chaw ei na pawh kan la sil lo a lo ti zauh, Christy chu alo nui var var a, An tih leh tak tak ka ring a, Zanin chu ka va han sil awm hlei lo ka ti rilru a mahse engmah chu ka sawi duh lova, Ka rilru ah thleng sil loh tum ruhna lian tak ka nei a, a so but but hi a ni mai. in ka thlen ve leh thleng sil tur a awm nur chuan chaw pawh ka ei lo ang ka mu hmak ang ka ti rilru a.



Rei vak loah chuan kan in chu kan thleng a, Kan luh ve leh chuan KHuma chuan U mami chu a lo zuan nghal hepa in la fing vel lutuk hi chu a, Chhuar lam chu a rukin ka hawi phei dek dek a, ka rin loh lutukin thleng chu an lo sil ve ngei, ka thaw huai thei nia, thawk leh khatah ka hahdam nghal sawng sawng thei hialin ka hria.
Ka in thlaka ka intifai a, chaw chu ka ei ve sawk sawk a, keima ei na chauh sil hi chu ka hneh sawh ve em, tichuan rei lo te chokaah chuan kan \hu a, Accident thlen dan te leh, tun hnaia U hriata te chhung vanduaina an tawh nasat zia te chu kan sawi a, kan chhungkua chuan kan titi ho malh malh a, U mami chuan eng emaw ngaihtuah ni awm tak hian U hriata chung chang kan sawi lai chuan a ngawi reng a, rei tawk tak kan chhungkua U hriata te chung chang sawi a khun khan ve taka kan titi hnu chuan ka nu chuan U hriata te chhungkaw tan \awng\aina hman \hain a hria a, a \awng\ai hnu chuan mu tur chuan kan inruahman ta a ni.



Kei erawh ka mut a la chhuah loh bakah U hriata awm dan ngaihtuah neuh neuh chungin ka meng reng a, engtin nge U hriata hi hmana ka hriat \hin angah khan ka hruai let leh theih ang tiin ka ngaihtuah ve neuh neuh a, A number ka delete tawh pawh chu, Colony group a\ang chuan ka la leh a, hun rei tak ka en ngam tawh loh U hriata nena kan thalalak dunna te chu ka en leh a, In tibuai rap rap chunga ka chhuat nawhna bula kan lak dun lai te chu ka en a, ka lung a leng ve tak zet a ni.


Chutia ngaihtuahna kawma ka awm reng lai chuan Bena phone call ka dawng a, amak lutuk bena hi ka khawhar hreawm ka tih lai tak hian a rawn lang leh nawlh \hin, Keilah hian kalo titi puiin ka duh duh kalo sawi mawp mawp zel a, a ngaithla ve tawp mai zel a, hman deuha ka \hian boring ve tak \hin kha, Tunah chuan ka \hian, ka nel leh ka pawh em em a ni tawh a.
U hriata accident te chu ka hrilh a, a awm dan inthlak mak ka tih zia te chu ka sawi pui siam siam a, Bena chuan a la \ha ve leh mai ang, mihring chuan dai pelh chang hi kan nei ve leh zeuh \hin alawm, Bible ah pawh ka mite chu tlu mahse a tho leh ang tih a nih kha a tih chuan,,wee,, Bible thu te chu I va hre tawh ve kalo ti vat, aw,, Ka \awng\ai nasa alawm ka tum ka hlawhtlin ngei theih nan a tih chuan, Nia, Pathian hre rengin theih tawp han chhuah tehh kalo ti ve bawk.



Kan inbiak char char hnu chuan, Nui, ka sual vang pawh ni loin, I U hriata chungchang I sawi hian engtin emaw tak hian ka awm \hin a, ka thik tlat zel a rawn tichhuak hlawl a, ahh,, engkim I hriat vek tawh kha,, thik tur pawh a awm tawh lo, kan inkar a tawp vek tawh alawm, chu loah nang chu ka \hian I nia, ka tih chuan Bena chu a thaw halh a, Nia,, |hian a ti zawi sap a, engmah dang a sawi zawm lo, Karleh match ah chuan Sub ah ka awm ve tawh dawn a nia aw,, TV ah an live dawn a, ka luh ve hlauh takin min lo en ngei ngei ang che a ti a, phone chu kan dah ta rih a.



Bena chuan min la duh ve viau chuan ka hria a, Mahse, tunah rih chuan ngaihzawng neih ka tum tawh rih lo a ni, lehkha ka thiam thei lo si, chuta karah chhehchhawl ni bawk, Mahni tawka buaina neih reng nen ngaihzawng neih a rilru han pek vel kha ka peih lo a ni, Bena erawh a insawi ang tak takin min la nghak reng a, ka \hiani bula a sawi dan chuan Nui tana innghahna tlak mipa nih ka tum tiin a sawi \hin a ni awm e, , mi tam tak rilruah chuan I duh loh chuan be tawh lo mai la, beiseina siam sak lo la min ti mai thei.



Mahse a ni ngawt bik lo, Beiseina siam tur ang zawngin vawi khat mah ka la be lova, ka khawhar min hnemtu a ni a, biak loh ka tum pawhin amah zawkin min bia a, inngaihzawnna chung chang a sawi dawn erawh chuan thil dang kalo sawi zel \hin a, chutiang taka ka in veng chung leh ka ngaizawng lo a ni tih a hre chung a, min be ve ngar ngar peih ka tana \hian nih pawh duh ve hial a nih avangin in la eng emaw a, lo biak peih loh vel kha ka duh lo zawk a ni, tin, tunah phei chuan ka ngaina ve tawh tak zet a, Mahse \hian angin.



A tuk khua a var a, zoram favang dik tak a rawn let leh ta maw tih mai turin ni chhuak rawn eng suar suar te chu a mawi em em a, khawvel chu rawng thar rawn hmuh tir tum ni awm takin a mawina zawng zawng a rawn chhuah emaw tih mai tur hi a ni, Ka Nu chuan a tih \han dan ngai te bawkin hma taka a tho leh a, A ek hun velah keichu min rawn kai tho leh a, mahse ka nu thawh rual khan ka harh daih tawh a, kala mu lui ve mai mai a ni. U mami erawh a la mu ham ham mai.
Ka NU chuan saw lo va vil chhunzawm rawh, ka in thiar dawn tiin min luh san leh tawh a, Keichuan ka phone khawih malh malh chung chuan chaw hmeh chu ka vil a, |halai groupah min lo add chu niin, nizan lama an message te chu ka chhiar a, Rinchhana Rca inti chuan ka mit a la leh zar tawh, a khat tawkin a lang ve zuk zuk \hin a, a dp chu ka han en a, ka pangparhnima ngei kha a ni. A number chu ka save ve ringawt a. biak phei chu ka tum lem hlei lova.



U Mami chu rawn tho chhuakin, Nute,, thingpui a wm dawn em, a rawn ti leh tawh, ka hre lo, Anu dah leh dah loh a ni mai ka tih chuan inphih fai pah chuan han en lawk tehh, Nizanah Naupangho thil zir tur ka buaipui leh a, ka meng rei lutuk ka chau vek a rawn ti, a men rei ve lah hian a chau bik thei sia, kei ve dar 1 velah mu rawh,, I phone en kha dah la, min tih pawhin zingah pangngai takin ka tho thei tho a nia, chhehchhawl nun hi chu a soft thiang lo reng a ni, keini chu Tukin zingah kan mu \hin a, Tukinah vek kan tho \hin. Kha kha a ni mai. tih pah chuan thingpui chu ka pe a.



Thingpui no dawm a, in rik khawlh pah chuan, insawi theihna chi pawh a nih hrep loh chu ah,, in exam te pawh a hnai tawh ang, lehkha te hi I zir lo sia e.. Subject ba hi I nei tuar anga, lak tlak miah loh hian college hi I kal chhuak ve ngawt ange kan senso te hi hre reng rawh, hmm, a thawh hma leh min zilh hma a ni mai, Mahse a lo pass chhuah vek hnu a ni ve miau a. sawi theih lah chu ka nei ve der lo.



Zing dang ang bawkin ka Nu in thiar chu U mami chuan A va tur leh a, Ka nu in pawr tawkin alo chhang leh, U Mami bathroom lam panin a kal a, kawngka a inkalh tih hre reng chungin, a va pawt che dat a, Tunge awm a va ti leh, chu ve leh Anu chuan tumah a ninawm lutuk a lo ti hluk zel a. U Mami hi chu a tihdan ve reng hi a nia, Amah va ti ve ila, a hmanhmawh duh chuang miah lova, min vin let hrep zawk a.



Tuk \huan te kan peih hnu chuan U Mami chuan tirawh u, vawiin chu ei vat ang, Nu nangpawh in siam hma la, Nui, nang chu 100 ka pe ang che anga taxi emaw bus in emaw kal mai rawh, chhuah hma ka ngai a, First period ka han nei zuai anga, Bawihi te in lamah ka han awm pui ve zuai ange,, min beisei ve sia a ti a, Hmm,, Ni dangah pawh min hruai khat tawh em maiah Bus in I kal daih zel kha ka lo tih chuan..



Ah,, ka hruai tho che lawm, enge class in nei hma em a tih chuan First ka nei a, a bak chu a pawimawh lutk lo, vawiin chu ka peih vak lo hrim hrim ka tih chuan Ka Nu chuan peih lo tih ringawt, I peih loh chuan bazarah lo \hu la, hna lo thawk rawh, a lo ti leh nghal, kei chhehchhawl riangvai hi min zilh rawn leh dawn, ka va han hne tak,, engee,, a pawimawh vak lo alawm ka tih leh chuan U mami chuan engtia pawimawh loh exam a hnai tawh engkim a pawimawh vek, class ah khan awm \ha hle la a ni mai. han fail na tehhh, a ti leh nghal. In ninawm chaw ei ang u ka ti ve hmak a. chaw chu kan ei a.


Kan eikham chuan A NU chuan a nih, Nui kan kal dawn, thleng kha chu sil lo mai rawh I tlai palh ang, a tih chuan tlaiah keima sil leh tur tho alawm kan thleng te kan chhuat te hi amaha fai emaw hi in tia mi, nawt tu te sil tu te a awm asin, chu chu infanu a rem rema in tirh kual keimah ngei hi ka nia sin, ka tih chuan U mami chu a nui nasa lutuk. Kha le kan nufa a kan ei tur te min siam sak man tiin 100 min pe a, pawisa nawi 20 a lo la nei a, kha aw, hei hi I thawh \hat vangin tips kan pe ang che a la ti zui, in ninawm, in nufa kha kal rawh u, class chu ka tlai mai ang ka ti a, nui dun hawr hawr pah chuan an chhuak a.



Ka hman hmawh lo law law tak tak, Miss Mazari class ah ka awm peih lo, Ko taylor-I zai ka ngaithla a, hmun ka phiat a, thleng ka sil a, muang chang chuan ka insiam bawk a, Ramrami pawh keimah ang thoin kal tlai a tum ve tho a, chutia hman hmawh lo tawka ka awm chhung chuan dar 10 a lo pial tawh a, kal tuma ka inruahman vel mek lai chuan ka Nu’n min rawn call, Lalnu,vawiin chu class kal lo mai rawh, gas a rawn thleng dawn a nih chu, kha kan gas kha a zo \ep tawh a rawn ti.. Na,, ka van peih lo, kan veng hmasa angin hmelhriat ka la ngah bawk si lo, ka tih rual rual chua, hmelhriat angai lo, Gas bur kha I hriat chuan a tawk, phone ka dah, hei ka buai tiin phone a dah daih, An duh hi an sawi a, an off nghal hmak a, ka hne \hin.



KA Nu in phone a dah chiah a, U mami chuan min rawn call ve leh nghal, Nu te, Gas a rawn thleng dawn an ti a nih chu a rawn ti leh, ka hria ka hria ka hre vek tawh ka lo ti vat a, engtin nge I hriat a rawn ti, ih e, Gas lak, tuisem, bawlhhlawh paih ni zawng zawng hi keimah ah hian automotic a rawn lut nghal zung zung ngei awm deuh chuan ka ti kher a, U mami chuan nuih pahin a \hat hlauh chu, I motor te kha, Room almera sirah khan kan dah aw, tiin phone chu a dah a.
Ka inthlak tau deuh sawk sawk a, lehkha zir \ha rawh te hi min tia, a tawpah chuan ka lehkha zir loh ai chuan min tirh loh bawk hi an hlau zawk tiin ka phun nung nung a, ramrami chu ka call a, ka rawn kal lo mai, gas arawn thleng dawn thut a, ka tih chuan,ee,, I hna I join leh tawh a ni maw arawn ti kher, I hmelchhia a nih chu tiin phone chu ka dah hmak a, tlangau a rawn au zui a, keipawh ka motor hun rei tak ka nawr chhuah tawh loh chu hru fai thuak thuakin kan gas bur ruak chu ka dah lut leh a, ka lirthei khalh thiam ve chhun lah hi ah.



A Pi saii chuan Nui ehe Gas lakna I va nei \ha ve, kha pahnih a leng ang, min lo dah ve teh ala rawn ti zui, lo dah rawh ka ti a, Apu nen chuan an rawn zawn a, min nawr pui a tum chuan a ngai lo a rit lo tiin keimahin ka nawr a, Api chuan nang ni in lo awm hlauh chu a zia hle mai, A hma chuan a rem rem hian min pui a, tunah chuan nang I awm tawh a, a ti chiah chu ka rilruah kei ka awm hi chu tupawh hi in vannei a nih hi, kei hi ka khawngaih, ka inchhawk chak tiin ka phun sup a, ka lo \awng chhuak a niang, A pi Saii chuan engtin maw itih a rawn ti deuh ha a, ah ka sawi ve mai mai kal ang Pi,, ka ti a, Point lam pang chu kan pan a.



Kan va thleng chu an lo intlar \hap tawh a, Pangparhnima ka tih pawh kha a lo awm, awii,, Mahse chhehchhawl ve tho a niang, bata siliper nen , kekawr bul \ial te leh T Shirt ban bul nen Gas bur alo hnim, a van pangparhnima lo tak., Gas Bur hnima a nih saw, mahse a inchei loh pawn a hmel chu a \ha reng, mahse chhehchhawl leh chhehchhawl chu inkawm lo ang, kan hman lo zing awm em mai tiin ka ngaihtuahna avang chuan ka nui chhuak suk a.



Kan va intlar ve a, A Pi chuan Nute ka zung lawk dawn a, tikhan lo veng rawh aw a ti, ka zak ve reuh,Pi zun pangngaiin va zung rawh aw, a hmaa puan fen chawi a, kun ringawt ang khan va ti miah suh tiin ka lo hau lawk, tianga zun kha a ching lutuk a, min an hmuh palh chuan a zahthlak, A pi leh Gas-hnima chauh chu hriat ka nei sia, ani lah chuan min hriat tawh loh hmel lutuk, biak pawh chu ka tum bik lem lo, ka phone chu ka khawih mawlh mawlh a,



Gas card vel chu kan dah a, a la rei phian dawn leh nghal, Gas hnima chuan min rawn pan a, Mami nau kha tiraw I nih a rawn ti var a, a \awng chu a zang vah mai, ni e, gas I la ve dawn ami ka tih chuan yes, Nang zawk, kha gas lakna te chu I va nei \ha reng reng ve a tih chuan, nia,, khi ta kan awm lai a\anga ka hna a nia, ka la chelh reng a nih hi ka ti mai a, ani chuan keipawh ka ni ve tho alawm, puih in ngai dawn em a tih chuan ngai lo ang, hei A pi nen kan nia, ka ti leh a,



Pi Saiwanahi maw,, ah,, saw saw lai lawk saw kan in a nia, nangni aiin ka la hmasa dawn a, ka va dah anga min lo nghak rawh u, in in chho kha a hahthlak ang a tih chuan nia, ka huphurh ve reng theih chu ka thei mai anga, mahse ka peih lo tawp, ama rawn insawi luh a ni bawk a, \awngkam \ha pawn kalo hnial duh lem lova. Aw le I peih te chuan a ni mai lawm ka ti ve mai a, a bu nghauh a. Api Saii chu a rawn thleng a, Ehe,, Rinchhana a ni maw, min va put sak leh tehh a a tih chuan ka Pi Saiwan, min tirh hmain ka lo sawi lawk vek tawh a lo ti, an lo inngam tawh sa hle a nih dawn hi ka ti mai a. an in hnialin an in kap fiam bawrh bawrh a.



Gas chu kan la a, Rca chu kan nghak a, rei vak loah a rawn thleng a, min nawr pui a, kan titi thla melh melh a, hmana April par vul tuarna hmun chu kan kal pelh lai te chuan henglai hmun te hi Hmanni lawk kha chuan a vulin a mawi em em a tunah chuan khang pangpar te kha a n \hil zo leh der chu a ni mai si a, hringnun pawh hi tiang mai mai hi a ni, Hmanah kha chuan U hriata nen Gas la in kan inchhaih dun ar ar a, kan inhmangaihna te kha a par vulin a hlimawm em em a, mahse tunah chuan khang hun hlimawm te kha an liam a, kan hmangaihna par te pawh a vul zo ta. Khawvel hi zawng heti teh hrep hi a ni si a.



Chutia ka ngaihtuahna kawma ka ngawih vang vang chuan rca chuan hei, a rawn ti sup a, kalo hre mai lova, A pi Saii chuan a hming hei a ni lo, nutei a nih kha a lo ti nghal, ka nui suk a, nia kalo ti ve vat a, Nute a rawn ti ve leh mai bawk a, awih tih pah chuan a mitah tak chuan ka en a, a hawi let zawk a,, ri phawr phawr si, zak zum ve tak a ni tih ka chiang mai, class I kal tawh lo emni a ti a, keichuan kal e, mahse hei Gas lakni a nia ka chawlh a ngai a nih hi, nang zawk tiin ka zawt let a. kal tawh lo, lehkha zir chu ka tan chuan bye a ni mai, ka thiam thei lo. kan dawr thil vel ka deliver \hin. Ka phur chang changin a ti a,



A Pi Saii chuan Rinchhana te chu khi lai wholesale dawr lian deuh khi an ta alawm, kan veng mihlun leh hausa fapa duat sual a nih kha a rawn ti, Rca chuan ahh,, hausa lo a niang chu, engmah ka neih loh hi, chuloah lehkha ka zir peih lo tih loh hi chu ka sual pawh ka hre lo e a a lo ti ve vat a, pi saii chu a nui mai a. kan inzawn kan thleng a, a chho lai nawr chu rca awm lo se chuan kan hah viau ang, Rca chuan awlsam takin min nawr kai pui a, A pi te pawh an in ah chuan a dah sak thlap a, a lo tihfo tawh a niang, A pu nen pawh an in nel ngang mai.



Rawn chhuak chho leh vatin kan In ah chuan Gas chu min rawn dah pui ve lehin thingpui in tur te chuan ka sawm a, a in ve mai a, kan titi dun ve luam a, a ri duh ve phar phar khawp mai, nelawm tak a ni a, U Hriata letling thawk hi a ni mai, sawi tur pawh a hre zung zung khawp mai a, karleh thawhtan zan inkhawm ah ka rawn pan ang che te chu a la ti ta deuh deuh Monday inkhawm hi chu ka peih lo ka tih pawh chuan inkhawm ve hi a \ha hmel hriat ngahna zel a ti a, a \awng duh reuh sia ka hnial peih lo. aw le tiin ka chhang mai zel a.



Thingpui te ka lum sak hnu chuan ka siam sak a, thil hrang hrang kan sawi kai a, kan veng kan awmna lai bik chu damdawi tih an tam thu te, zanah pawh mahnia chhuah mai mai a \hat loh thute chu min hrilh a, a dik ka ring ka dawr kal haw te hian Tlangval ruih hmel deuh hi ka tawk ziah a, engtin mah phei chuan min ti lem hlei lova, hlauhna chang pawh kalo hre em em lo.


Keichuan Tunlai hi engating Damdawi ti hi an tam em em le ka ti a, a chhanna pawh ka beisie lem lo, thingpui chu ka insiam ve a, ka in ve a, Rca chuan ah,, mizorama pa hausa te hi ruihlo a sumdawng hausa an tam em alawm, Hriatkima te hi tunah hian chhui mek a nia, a tih chuan ka U te titi ah chupa hming chu ka hre fo tawh. Tlangval pakhat hian fake ac a\ang hian Pu hriatkima kan minister nau hi a rawn bei \hin a, evidence anei tawh thu te a rawn sawi a, chuti chung chuan tv a kawm te an hreh chuang lo amaw, a hlawhtling ber thawk hian an thaw a, \halai te min han fuih ve ang zawt zawt a, ka ngaisang lo a nia a ti zung zung a. a ni maw, Mahse \halai tam zawk hi chuan an ngaisang a nih hi ka ti ve a,, ngaisang tak tak lo, a rukin an hua a, hmaichhanah an tlawn leh a, tiang chuan sual hi kan um bo lo ang a ti phiar phiar a, a vei zawng tak a nih hmel hle.



Rei tak kan titi hnu chuan a tlai tawh, min ning palh ang ka kal ange a ti a, ah, ala hma em hi tih tur em em ka nei chuang hleinem ka tihpawh chuan a inthlahrung tawh a niang, ni dangah ka la rawn leng leh dawn nia, Gas lak leh hunah a ti sup a, ah,, current bill pek hunah pawh ka tih chuan, keini chu online in kan pe a, a ti a. online a pek loh dan kalo zawng dawn nia a ti a, min chhuah san ta a, a bula awm chu kan ri phar phar mai, mahse min biak chhung zawng khan min melh \ha ngam miah lo, \awng duh tak mah nise tlangval inngaitlawm leh zak zum tak a ni tih ka chiang.



In ah han awm nilen dawn takah chuan tiin khuma chu ka bual a, ka sawr hrep chhin chak, sawr ila U mami a thinrim dawn zia, ka bualfai lai mek chuan Khuma an duat bik chu ka ngei \ep, mahse amah ber hian engmah a hre mang si lo, min nel em em tawh leh nghal a. a chaw chu ka la a, ka siam sak a, hetiang anga thil manto hi ka ei tur te hian min pe se, ka thau ve deuh ang, tunlai phei chu ka cher zual in ka hria, Khuma a rawn awm a\ang hian ka chhun thil eina tur te hi ka dawng\ha lo tlat in ka hria a ni.



Lehkha zir ve te ka han tum a, rei vak lo ka zir a, phone khawih chakna keimahah a rawn thleng leh tlat tawh a, phone chu ka hriat loh karin ka lo khawih leh tawh, heiham college hi ka kal tluan pawh ka ring tawh lo e a, a ho e, college zo lo hausa tak tak an tam em mai, tiin ka inhnem chawp a, mahse enge hausak pui tham talent ka neih leh tiin ka ngaihtuah a, engmah ka nei lo, ka nun hi chu a beidawn thlak a ni.


Chutia phone ka khawih mawlh mawlh lai chuan U Hriata chuan min rawn call hlawl a, hreh ru tak chuan ka chhang a, hello u hriat, ka ti zawi sap a, Nizanah min lo kan a ni maw a rawn ti sup a, Nia, nikhaw hre lo khan I awm reng a, ka tih chuan ni e, a zia lo khawp mai, ka ngaihtuah awm loh a nia, a rawn ti luam a, I rim kha ka tih chuan, Ni e, tunlai chu ka nun hi a mumal lo lutuk a, chuvang chuan intihhahdamnan ka han in ve zeuh zeuh alawm mawle, a ti leh a, keichuan a nih I in chuan I hahdam em ka ti ve ngat a.




Ka in chhung leh ruih chhung te chuan hahdam e, tiin min chhang a, a rei lo ropui sia, I harh a, a ngai ang bawkin I awm leh a, I chhungte zawng zawng rlru hahin I siam asin, ka tih chuan, nia, ka hria alawm, ka thil tih hi a hmawr ka bawk thei dawnin ka hria, I U mami pawhin a hna a hmu let leh ngei ang, chuan, keini pawh hi a tia a ngawi leh daih a, enge ka tih chuan., ah,,a theih tawh lo ang a ti leh daih a.



Sawi rawh vin deuh tak chuan ka ti a, ka thil tih hi ka hlawh tling a nih chuan ka laka I rlru kha I la thlak lo a nih chuan, a sawi zawm lo, ka thlak ngai lo, ka beiseina zawng zawng an beidawng tawh chung pawhin ka hmangaihna hi chuan a la nghak tlat tih ka hria,mahse chung chu ka sawi a nih chuan min zuam lutuk ka hlau bawk sia, chu lam engmah sawi lo chuan I tih tum chu zo vat la, hman ang khan nung leh rawh ka ti a.



U hriata chuan hman ang khan nung leh ta ila, hmana ka neih ang kha ka nei leh thei angem a tih chuan hrethiam lo takin thei em em ang ka ti mai a, a vaiin maw, ka hmangaih te pawh maw, ka ngaihzawng te pawh maw a tih chuan ka hre lo le,, a theih mai thei asin, ka tih chuan a thaw halh a nui suk a, thla leh arsi an awm hrang rei tawh em mai, hei thlasik a hnai \ana an awm dun leh theih nan ka theih tawp ka chhuah ang, nangpawhin a tih chuan aw le, ka ti ve mai a, ka mittui a hnam leh hman nia. U hriata hi chu kalo duh em a ni.



U hriat, I hmui hmul kha met rawh, I lu pawh a buk si, I \ha lo zo vek ka ti a, ka nui mai a, tehreng mai,, engkim fel hunah aw, a ti a, kan inbiakna chu titawpin phone chu kan dah a, U Hriata thil sawi chu ka ngaihtuah let a, engkim a pangngai leh hun chu ka nghakhlel tak zet a, hmana u hriata kha ka ngai a ni.



Tlai lam a ni a, Ka nu chuan min lo call a, tel leh thil dang engmah an rawn lei lawk hman loh thu an rawn sawi a, gas lakna pawisa kir chuan ka va lei a, kan dawr \hin ber dawr te nghaktu pakhat A pi dawrkaii kam tam ve deuh mai chuan ka kal liam hnuah chuan Nutei hi a chhuak tam ve a ni, a tih sup chu ka hria a, hawi let in an hriat phak tur tawk vel chuan, ka chhuak tam a ni lo, min tir tam a ni zawk, ka va ti zauh a, ka kal nal nal. Chhehchhawl in ni velo a inhrethiam lo a nih kha. Leng mai maia ka chhuah hi ee, avang ve asin, \hiante nen chuan chhuak ve dawn ila heihi ti phawt rawh a ni zel,, chu vang chuan ka chhuak tam a ni lo, min tir tam a ni zawk.

Ti a vui phei nung nung chuan kan in lam chu ka pan a, anni pawh rawn lei haw ve nghal mai awm hi a nia.

Nizan lama ka post sual avang khan ngaihdam ka dil mawlh mawlh e..
Show post links
Top