BLUE VALENTINE BY Rosy Lalhriatpuii (Completed)

[ngaia]

BLIE VALENTINE


CHAPTER- 18

Lunch kan ei laiin, “Hey Kim…sir Ms-a’n a office-ah a hmu duh che” Ankita-i’n a rawn tih chuan a lam ka hawi vat a. “Ngatinge a?” tia ka zawh chuan, “Ka hre bik lo..” a rawn ti ringawt a.


Angaihna hre lo tak chuan Sir Ms-a office-ah chuan ka han chho a. Sir chu a computer hmaah thu in alo buai hmêl hle a. Kawngka kik pahin, “Ka lo lut thei ngem Sir?” ka tih chuan Sir chu a rawn hawi chhuak vat a.


“E..lo lut rawh kim-a…I lunch ei lai ka ti buai che em?” nêlawm tak hian a rawn ti let a.



“Aih..buai lo e..” tih pahin ka lut ve mai a.


“lo thu rawh..” a rawn ti a, “I graduate hnuah enge plan lawk te I nei em?” a rawn ti zui nghal a. Mak chu ka ti angreng hle mai.



“nei hran chiah lo a, hna zawn nghal ka rilruk deuh a..” tiin ka chhâng a. Ka tum dan dik tak ka sawi a ni.





Sir chu a bu nghut a. “Ka hmuh duh chhan che chu, chu chu nia, Lab-ah assistant ka mamawh a, kan lab assistant khu ka duh thu a sam lo lutuk a, a buai ve bawk nen. Hna I zawn dawn paw’n experience tan ka ziah sak thei che nga..hlawh chu a tam em em thei lo anga, MZU employee ang pawn a ni chiah lo anga keima hnuai ang in..15k aṭangin I tan duh ngem?” a rawn ti ta mai. Han chhân mai dan tur ka haihchham ang reng…Chutiang offer tha lutuk chu ka hnar phal mai bik lo a, hlawh chu a tam lo tih pawh ka hria, mahse hna hmu lawk lo ve thei tho ka ni ve bawk si.



“ah..ka lawm lutuk sir..a tha chu ka tia mah se..ka chhungte ka lo râwn ve phawt anga a pawi em?” Ka ti ta ringawt a.



“Tehreng mai…lo râwn rawh, nangmah pawhin fîm deuhin lo ngaihtuah la; mahse, final in exam hma chuan min hrilh thei hram la aw..” a rawn tih chuan ka lo aw vat a.



Classroom- a ka luh rualin chanchin Laldawmtluanga’n min lo zawt vat a. Ka hrilh tha ve mai a. Tha chu min lo tih pui hle a. Gabby erawh class a rawn kal lo leh pek a, chanchin engmah a rawn sawi bawk si lo, call kan tum lahin a tlang thei bawk si lo.


Dawmtluanga nen chuan class banah an inah ngaihven turin kan kal kawi a. Gabby nu chuan zan thum lai inah a rawn haw tawh lo thu hi min lo hrilh a. Ngaihven em em pawh an tum lo a nih hmêl hle mai.



Gabby pa chuan thinrim hmêl tak hian, “Hmeichhia ang pawh a khawsa duh lo chu a duh duh in va tal teh se, ka ngaihven tawh dawn lo reng reng, mi hi a mualpho zing tawh lutuk” a ti bung deuh nghut nghut a. Kan tan chuan nuam lo duh tak a ni. Rei pawh awm lo in Dawma nen chuan kan chhuak ta daih a.


Zana Ngurnunsangi nen kan in biak in, Rinzuali tunlai a leh awm loh ka zawt a. “Awm reng e..tinge a?” a rawn ti let a.


“Gabby hi zan thum lai inah a haw lo a, an tha vak lo mawni ka tia..” ka tih chuan, “Kar hmasa khan an in then daih tawh lâwm” a rawn ti ta mai a.


“An in then a maw tinge a?!!” mak ti taka ka tih leh chuan, “Bawihi a piangthar a” a rawn ti a.


“Chu vang chuan maw?” ka’n ti leh hram a.


“aw..enge..mi piangthar tawh chuan mahni ânpui an kawp thei dawn em ni a?” a rawn ti hlak a. Amah zawk chu lungawi lo a ang leh tawh zawk!


“Nia..mah se..Gabby chu a..” ka tih lai mekin, min lo tawng khalh a.“E..Engtik nge Final exam kha I neih dâwn?” a rawn ti teh daih a. Gabby hi chu a ngei ve hrim hrim bawk sia. A chanchin sawi pui vak a duh leh lo a nih ka ring a, ka zawt thui duh tawh lo a.



“June-ah hian..tinge?” Ka ti let a. Ka zirna chungchang hi min zawt khat khawp a.



“Chu ti chu I ti ve hman dawn nih chu” a rawn ti teh ngawt a. “Eng chu maw?” ka ti let a.


“Whatapp kha en lawk” a rawn tih chuan loudspeaker-ah ka dah a, WhatsApp chu ka hawng a. Documents file pakhat hi a rawn thawn a. File chu ka han hawng zui a. Engineering combine exam Advertisement hi alo nia.


Ka chhiar lai mek chuan, “final result chhuah hman loh pawh in waiting angin a dah thei tho va..” a rawn ti a. Post 10 alo ruak a. Electrical leh mechanical tan Post 3 ve ve a ruak a..a bak zawng chu Civil engineer post vek.


Ka chhan mai loh avâng chuan a niang, “I ti ang tiraw?” a rawn ti leh a. A aw aṭang chuan ti turin min duh tih chu a hriat reng a. Diktak chuan ka peih lem lo, final exam hmabak ko tak ka nei a, final-ah phei chuan Practical a tam dawn bawk nen, hna exam te chu in buatsaih loh chuan va exam ve thawr khan awmzia a nei lo tih ka hria. Bakah, Sir Ms-an hna min lo offer ve bawk nen. Chu chu Ngurnunsangi hrilh nghal tha in ka hria a.


“Ti tura min duh chuan le..mahse..Sir Ms-a’n hna min offer a” ka tizui a, Sir Ms-a nena kan in biak dan te chu ka hrilh nghal a.


“Tinge U Malsawma chuan nangmah kher a offer bik che a?” a rawn ti a.


“Ka hre bik lo..in makpa a nih avangin ka lakah pawh a mark tih that a duh deuh aniang” ka tih chuan a rawn nui rah rah a. “U Malsawma chu I thu thu; mahse, ka rawn sawi khi chu ti ngei ngei rawh aw..naktuk hi submit hun last date a nia” a rawn ti leh a.


“Chutiang te chu ka tih hman tawh dâwn loh chu” ka tih chuan, “Enge hman loh tur awm…tunah khan i documents ho min lo thawn la..keiman ka lo va submit ang..Kan College bul lawkah alawm submit tur..” a rawn la ti tal a. Ka hnial hneh leh dâwn Chuang lo tih ka hriat avang chuan ka aw ve leh ta ngawt a. Peih lo viau mah ila, ka hma khua min ngaihpui em em tu ka nei chuan chhungril a ti hlim ru veng veng.

.

Dar 10 hnulamah chiah lehkha ka zir tan a. Darkar khat vel bak ka thu hman lo ang tih chuan Dawmtluanga’n min lo call a. Gabby an hmu thu leh Rosangzuali te in a an awmpui thu hi a rawn sawi a. Kal ve nghal tura min duh thu nen. Gabby hi chu ka khawngaih ve hrim hrim a. Ka thei ang anga buaipui ve hi ka duh a ni.


Ka in siam sawk sawk a. Helmet ka la a, ka chhuak nghal a. Ka thlen chuan Rosangzuali roomah chuan an lo awm hlawm a.

Sangzuali te in thlang lawkah mipa thenkhat te nen an lo in ti buai a, Sangzuali Dawr aṭanga a haw lamin Gabby chu alo hmu a. An inah a hruai hi a lo ni a. Gabby ka hmuh chuan mi kut a tuar tih ka hre nghal mai a. A mit ko te chu a vung deuh lung a. A bâl reuh em em mai lehnghal a. Zawhna zawh vak vak chi pawh niin ka hre lo a.



An inah thlah kan tum chuan a tang tlat a. Kan tih luih dawn ngial pawn a haw duh lo. Sangzualin an ina riak mai tura a tih lah in a duh bawk si lo.



Kan in-ah hruai tawp mai a tha in ka hre ber a. Dawmtluanga nu chu a hma in School Principal char char thin a nia, a strict lutuk bawk sia. Gabby chuan Hrehawm a tih ka hlau a, ka nu chu hlauhawm ve tho mah se, Dawm-a nu ai chuan a hlauhawm loh zawk hrim hrim a. Gabby pawh chuan kan ina kal chu hreh lutuk in a lang bik lo bawk a.


Kan In-a kan lut thawmah ka nu chu a rawn tho a. “Ka thiannu nia..zanin chu a rawn riak lawk dâwn a” ka ti ringawt a. Ka mitmengin engmah zawt lo turin ka nu chu ka signal a, a hrethiam ve niang. Ka nu chuan, pângai tak hian,“chaw te a ei tawh em?” a rawn ti a.


Gabby’n a chhân mai loh avâng chuan, “I ril a tam em Buddy?” ka ti ve leh a. A lu a thing ringawt a. A zak ve deuh aniang a Kun deuh ngal a, a ruih hmel em em phei chu ka hre lo a.


Maliani room hlui-ah chuan ka nu min râwn angin ka awm tir a. Mahse, Maliani Room lam Bathroom hi tui lum na a hman theih lova. Ka room-ah in bual mai turin ka ti a. Min hnial lem bik lo a. Ka thawmhnaw a hak turin ka pe bawk a.


Bathroom aṭanga a rawn chhuah chuan, “hetah hian ka lo mu mai ang” tih pahin ka Room-a sofa sei pakhat awm chu a kawk a. “A hrehawm ang, room-ah chuan han mu mai rawh” ka tih chuan a duh tlat lo va.


“Nih chuan Khumah hian mu zawk rawh.. khatah khan ka lo mu zawk ang” ka tih leh pawh chuan a duh lo bur bawk sia. A duh ang chuan ka mut tir ta mai.



Kan in ti fela, ka mut dawn meuh chuan Sana ka en a, zinglam dar 1 alo ri vah tawh a, Gabby mutna lam chu ka va melh zawk a, a muhil nghal mai ni a ka hriat chuan Ka mu ve nghal a.



Ka alarm set riin min tih harh chuan peih lo takin ka han meng a, Gabby ka hriat chhuah rualin ka tho chhuak hlawl a, a mutna lam ka va en chuan alo ruak hiau!!. Ka thawmhnaw a hak chu fel takin alo thlep a, sofa bânah chuan alo dah a.



Ka nu ka zawh lah in a chhuah lai a hriat loh reng reng thu alo sawi ve bawk a. Ka pa chuan “Thian kawm hi fimkhur tur aw..” a rawn ti zawi sup a. Engmah chu a sawi belh Chuang hlei lo a.



Class-ah Dawma ka hrilh chuan “tih vak ngaihna awm lo nih chu, kan tih tur ang chu kan ti tawh lawm” a ti ringawt a. A ngaih sam hmel hle a. Kei chu ka awm a nuam meuh lo va, kan thian a nih anga kan tih tur kan ti meuh em le? Kan ngaihsak táwk em? Min hrilh loh chuan a buaina hriat tumna kan nei ngâi lo. Chu chuan nilengin ka rilru a luah a.


Canteen-ah thil kan ei a, ei man ka pek nî a nih avangin kan ei zawh ah pawisa pek ka tum a. Ka wallet ka la chhuak a, ka’n en mai chu..pawisa pakhat mah alo awm lo. Niminah ka phone siam na man a rawn lut a, ka lakchhuah nghal avângin a awm zat chiah chiah hre chiang lo mah ila, a awm tih ka hre chiang.


Ka mut dâwn khan cabinet chungah ka dah a. Ka room-ah ka chhungte takngial pawh ka hriat loh in an lut ngâi lo. Tudang mah an ni lo ang...Gabby bak!! Chutianga nun hniam ta lutuka a awm chu pawi ka tih ka rual rualin ka khawngaih a ni!!



Dawma chu ka ko a, pawisa ka ah loh thu ka hrilh chuan a phun hluk a. “Ka Zu man nen khan naktukah min pe ang che” a rawn ti hmuk a. Ka nui mai mai a. Gabby chungchang chu ka sawi duh lem Chuang lo a.



Practical kan neih avângin kan bang tlai ang reng a. In ka thlen dawn meuh chuan khua a thim vek tawh. Inchhung ka luh chuan tui ka in duh avângin chokaah ka lut tlang a. Ka nu leh Thanpuii an lo awm a. Thanpuii chu a office kalna nen alo la awm a. Nitinin Thawmhnaw dum leh vâr kher kher hi dan hre mi te hian an hak kher na chhan hi ka hre hauh lo.


Ka nu in min hmuh veleh chuan, “I lo bang tawh maw? I ril atam em?” min lo ti nghal a.


“Aw..tam lutuk..nge chaw hmeh?” tih pahin a thil chawh lai chu ka va en sak a. “Ka lo test chhin..” tih pahin fian chu ka chhuh a. Arsa hrang khat ka suak a, ka kutin ka la a, ka hmawm zui nghal hmak a. Lalthanpuii chuan, “Zothankim..i kut te sil hmasa te che tawp lutuk” min rawn ti khanglang a.


Ka nu chuan, “Ni e..i pum te a na nga sin” a rawn ti ve leh a..ka chhâng peih hlawm vel lo a.


Ka nu bawkin, “i thiannu kha a rawn kal a,” a tih chuan rang takin ka melh vat. “Tu? Gabby maw?a kal leh nghal ami?” ka lo ti nghal chung a.


“ Aih..i roomah a awm kha” a rawn ti a. Engmah sawi lo in choka atang chuan ka chhuak a. “Lo chhuk nghal rawh u aw..chaw kan siam nghal dawn ania..” tiin ka nu chuan min rawn ko zui a. In chunga chhoh pah chuan ka aw let a.



Thanpuii’n, ka nu hnenah, “Tinge Room-ah hriat chian loh in luh tir ngawt a..” a tih chu ka hre pha a. Ka nu in a chhân na chu ka hre zui tawh lo.


Ka room Sofa-ah chuan alo mu thluang duai a. “Hey..Romuanpui?” tia ka koh chuan, a rawn meng zawk a, “I rawn haw tawh maw?” tih pah chuan zawi tak hian a rawn thu tha a.


A mitmeng aṭangin a la rui hle tih chu a hriat mai. “tinge min lo call loh a?” tih pah chuan a bulah ka thu thla a.

“Phone ka ti bo daih a..” a rawn ti zawi sep a. A ti bo tak tak nge, a hralh ang tih chu ngaihtuah tham fe a ni.


“Nih chu…i ril a tâm em chaw zuk ei ila?” ka tih leh chuan, “Aih tam lo..zuk ei rawh..ka lo mu leh lawk ang” a rawn ti let a. An in-a haw chu ala tum loh hmêl hle mai. Hetia Ka kalsan ringawt chuan thil ruk tur alo zawng leh mai ang tih chu ka hlau ru viau a, mah se, engmah ka sawi Chuang lo va. Chaw ei tura chhuk San mai chu ka tum a.


Ka tho chhuak chiah chu,“E..Bawih-a..I phone ka lo hmang lawk ang chu”? a rawn ti leh a. Ka bu ringawt a, ka phone chu ka la chhuak a, pattern lock chu ka hawng a, ka pe zui nghal a.



Dining hall ka thleng chiah chu, Ka nu in, “Khawnge I thiannu chu?” min lo ti nghal a.


“A ei tawh” ka ti ringawt a. Dining chair-ah chuan ka thu thla nghal a. Tluangmami chuan, “Chhuat ka nawh laiin a rawn lut thut a, ka hlau rap mai, a meng sen vek bawk sia..” a rawn ti sa sa a.


“I bulah a rawn in la hlauhawm vel mai mai nih chu” ka ti a…ka nuih lui a.


Lalthanpuii rawn in rawlh ve leh a. “Tun ang hunah an in leng daw daw ngai em ni a? Haw tir ang che” order deuh a min rawn tih kher avang chuan ka thinrim ru kher mai.


“Lo buai lo mai teh” ka lo ti deuh hmuk a.



Ka pa a rawn in rawlh a,“Zothankim..i u khatiang khan chhâng Suh” khauh deuh fur a a rawn tih chuan ka ngawi ve hram a. Ka thin erawh rim ru hle. Lalthanpuii hi chu thil tinah hian a inrawlh a, pasal nei daih se ka ti. Ropuia pawh hian a mizia a hrechiang anga, neih a tan duh tak tak lo niang.



Ka room-a ka han chhoh chuan, Gabby chu ding chungin Ngurnunsangi lem ziah ka tar kha alo en reng a. A bulah chuan ka va ding a, “Ka bialnu ziah a nih hi..” nui chung chuan ka ti a.


“Ni maw?” a rawn ti sep a. Min en Chuang hlei lo va.


Kei lah chuan, ka bialnu han fak vel chu nuam ka ti riau a. “Umm..Thlalak-ah Vawikhat chiah a hmu a, chu mi ang chiah chiah chuan a rawn ziak chhuak a,a thiam ve reuh mai mai tiraw?” nui chung chuan ka ti leh a.


Engtin mah min chhâng ta lo a. Thlalak chu a en reng ringawt a. Ka aw ka han thian kharh a. Thu tak angreng tak hian, “hey..Buddy?” tia ka koh chuan, “hah?” tih pahin ka lam chu a rawn hawi a. Rui lutuk hmêl a pu hran tawh lo va.


“I tan Dawma nen kan awm reng a nia aw..” Ka han ti ringawt a. Chu thu chu vawiin nileng khan hrilh a mamawh tlata hriatna ka nei a. Ka hrilh theih lova a awm ka hlau hle bawk a nih kha.


Gabby chu a nui seih a, a hmeltha lawm henu hi chu. Ka Ngurnunsangi a tluk lo mai pawh a. “Ka hria lâwm..” a rawn ti zawi sep a. Painting lam bawk chu a melh leh a. Enge khi painting-ah khian a a hmuh ka hre lo.


“Rinzuali nen in in then tih ka lo hre ve chiah a..” Ka tih leh chuan min chhang lem lo va.



“A hma kha chuan in in kâr ania sawi theih ka nei lo hrim hrim a; mah se, tunah, hetia in awm takah chuan in in then hi a tha zawk ka ti. Pângai tak in awm la, nang chu..hmeichhe hmelṭha tak I nia, mipa tam takin an duh..” ka tih lai mêk chuan, “Hmêltha min tia maw?” tiin ka tawng lai chu min lo pawt chat a. Ka lam chu a rawn hawi a. Chiang fahran hian min rawn melh bawk. Ka hamhaih tep a ni.


“Tehreng mai..” tiin ka lo nuih lui thei hram a. A mit mu dun chin chu a che ralh a, Chutah ka rin loh lutuk hian min rawn hnaih thut a. Ka hmuiah tak a rawn fâwp a nih chu!!


Ka ham haih luatah engmah tih na chang ka hrelo. Ka ding mawl tawp ringawt. Gabby pawh chu a in la hrang nghal a. A tum rêng vanga ti ni lo awm tak hian, a meng buai nak a, “Ih..ka..” a tih lai mek chuan, zawi deuh sap a, “au Bawih?” rawn ti ri hi ka hria a, Ka hawi phei chu…ka room kawngka bulah Tluangmami a ngaihna hriat loh hmêl taka lo ding chu ka va hmu a. Chuan..chuan..a hnungah ka besiei loh lutuk in Ngurnunsangi alo ding a nih chu!!


Tluangmami chuan a hnunga ding Ngurnunsangi chu hawi letin a va melh a. Ngurnunsangi chuan Keimah chu min en ding ngar a. A awm dan leh mit meng atang chuan nichina thil thleng kha an hmu hman vek tih ka hre thei. Engin nge min mawlh ta pawh ka hre lo, Ka pan hnai lo a, ka tawng Chuang hek lo.



Chutah, Ngurnunsangi chu a rawn tawng chhuak. Pângai tak hian,“Hei hi pe tur che in ka lo kal a” a rawn ti a. Ka tawng Chuang lo, ka pan hnai bawk hek lo. Engtin nge ka awm ka hre thiam lo. Ka thluak chu a ruak vek ni maiin ka hria.



Amah bawk chuan, “Tluangte lo pe mai aw.. ka’n kal mai nge..” a ti leh a, Tluangmami hnenah chuan a thil ken chu a pe a, en pawh min rawn en tawh eih lo in a in her nghal a.


“Lawkin…??” tiin ka au chhuak thut a. A ding lo!!


Tluangmami chuan rum tak hian min rawn melh a. Lungawi lo tih hriat tak hian, “Kha..” a rawn ti hmuk a. Ngurnunsangi’n a pek lehkha chu min pe deuh nawk a. A kal ta daih a.


Lehkha ka en chuan form min lo fill up sakna receipt hi alo nia. Chu mi min pe tur chuan alo kal a ni. Gabby’n, “Bawiha..ka tum rêng..” a rawn tih rual chuan ka che sawn nghal a. “Zanin chu riak law law la, naktukah I haw dawn nia…” a mah pawh en lem lo in ka ti a, chutianga dam chuan Engtin nge ka tawng chhuah theih pawh ka hre lo. Thinrim vakin awmzia a awm lo tih ka hriat vâng te pawh ni mah na.


Sofa-a ka phone chu ka la a, room aṭangin ka chhuak nghal a. In hnuaiah chuan Ropuia leh Mipa pakhat ka hriat ngâi lem loh hi an lo thu tawh a. Tuma’n min biak hma in hmanhmawh lutukin ka chhuak nal nal a. Ngurnunsangi um phak tumin ka in khalh phei vawk vawk nghal a.


A khalh chak ve pangai a niang an veng chhuk thlak na tur ah chuan ka va nang hman a. Bike atang chuan, “Ofelia!!” tiin ka han ko a. A hre ngei ang, mah se..hria in a lang lo!!


“Ding lawk..” ka tih pawh chu hre lo ang hmakin a awm a. Ka tuar thei leh pek tawh lo. Vawilehkhatah Chak takin Ka tlân pel thut a. A hmaah zawn takah a tlânna dal tur zawng chiahin ka va ding a.


A in ring hman lo a ni ngei ang, a brake deuh thut chu…a control hman lo a niang, a Scooty nen chuan an tlu bawk thlawp. Lalpa lehh!!



“Ofelia!!” ka ti hrawih a. Hmanhmawh lutukin ka tlân phei a, a bulah chuan ka va thingthi nghal rawp a. “I na em?” tih pahin a dara vawn ka tum a. Ka vawn rual chuan, “min khawih Suh” tih pahin ka kut chu a rawn vai kiang lawp a. Ana lutuk lo a ni ngei ang!! Ka va lâwm tak em!!!


“I tho thei angem?” dam deuh a ka tih leh chuan min chhâng lova. Thawh a han tum a, a tho tha hlei thei lo va, a kawngah ka va kuah a, “Min Khawih Suh ka tih chu..!!” a rawn ti vin hlar a.


“I ti lawm” ka ti mai a. Ka vawn na chu ka thlah duh Chuang lo va. Hmun rem deuh laiah chuan ka din tir a. Min melh deuh rawm rawm tih ka hmu ru reng. Engah mah ngai lo in a scooty chu ka tung tha a. A thim deuh avângin Scooty chu a hmêl hem leh hem loh pawh ka hre mai thei lo. Chabi chu ka phawi a, ka ak nghal a.


A bula ka va phei leh chuan a helmet alo phelh tawh a, a sam chu a thur deuh bam a. In huih mam pawh a tum lem Chuang lo a ang.


“I tha tiraw?” zawi deuh rui a ka tih chuan, “I lo buai angai lo..khawi chabi”? a rawn ti ram hmak a. Han hnial a, ka thlah ang che tih chu ka duh a. Mahse, A thin tih rim belh ka ngam tawh lo va. Tha deuh chuan ka pe ve mai a.


Ka kut ata chu na angreng tak hian a rawn Phih thla a. A Scooty lam pana a kal chu ka en zui reng a. A kawng dâwm in a kal bai deuh eih eih a. A in ti na deuh a ni ngei ang. Ka in thiam loh zia chu!!


A Scooty-ah chuan a Chuang dawn emaw ka ti a..mahse, a chuang hauh lo. A nawr a nawr a tum. Heta tang chuan An in a hnai tawh a, a nawr thlen theih a in ring deuh a ni mah na. Mahse, a duh ang chuan a ti thei lo a ni ngei ang, hriat theih mang loh hian a phun hlak a. Ka nui ru suk!!


Ka lam chu rawn hawi thut in, “nangmah vang a nih hi” mi rawn ti!! Ni e, Keimah vang chu a ni ngei alawm. Mahse, ka nuih chu a za ru tlat leh pek a.


“Chuti maw?” ka ti a. Ka pan phei nghal a. Min lo melh rum zual sauh a. Engmah sawi lo in, ka nawr sak nghal a. Ka bike pawh ka ngaihven tawh lo, min lo man sak chuan ka chawh ve khawpin ka ring.


Ngawi reng in a Scooty chu ka nawr sak a, engmah sawi lo in min zui zel a. A kal muan deuh in ka nghâk pah zel a. Mahse, ka en duh Chuang bik miah lo va. An in kawt kan thlen chuan an Gate atang chuan an kawngka in hawng sa chu ka va hmu thei a. An inah chuan enge maw tih khawm an nei a ni tih hriat tak hian an ri deuh mam mam a.



A Scooty chu ka dah luh sak a, min zui ve zel bawk a. Ka dah zo, a lam ka hawi chu, “Haw rawh!” a rawn ti nghat a.


Rang takin, “Aih..I lungawi hma chu ka haw lo vang” ka lo ti nghal a. Luhlul takin ka ding ve tlat a..


“Nih chuan tikhan I ding chatuan dawn tihna nih chu!!” a rawn ti deuh hmak a. Lungawi mai mai chu a tum loh hmel hle mai. “Tiang khan awm lo la..” ka han ti dek dek a, “Ka duh dan dan in ka awm ang..” a rawn ti ṭeu hlar a. Va hahthlâk tak em!!


“Min ring miah lo mi?” ka tih leh chuan min chhâng leh duh tawh lo a. A melh ngai chu a melh ran a.


“Gabby kha..”
ka ti hman chiah tihin, “Ka hriat laiin kha nu hming kha lam ri Suh!!” a rawn ti tuar(h) a. An kawngka pui lam ka melh vat; a chhungte an rawn chhuak ang tih ka hlauh mai mai zia chuh.



“I thinrim rih nih kha…I thinrim reh deuh hnuah in bia ang aw” a dawhthei ang ber chuan ka ti a. A ngawi reng a. “Ka hmangaih che” ka han ti zui a. En pawh min rawn en duh Chuang lo.


“Lut tawh rawh…” ka tih rual rual chuan, “Ka duh hun hun ah ka lut ang” a rawn ti deuh hmuk a. Ka nuih chu a ti za leh viau zawk tawh..mah se ka nui ngam teuh lo mai. Ka nuih palh vaih chuan thil thleng tur chu in hre lâwk ve vek tho ang.



“Nih chuan ka’n kal hmasa ange aw…” nuih za in sûm ru tak chuan ka ti a. A ngawi leh ta ngar a.


“Ka kal aw..” tih paha kal mai ka tum chu, “kan in then…chu chu I hria em?” a rawn tih chuan ka ding chut. Ka hawi let a, a ban bul tawn tawn ah ka vuan a,“Engpawh sawi rawh…mahse, in then tih vel sawi Suh!” zawi leh fiah taka ka tih chuan min chhâng ta mai lo. Min en deuh ngar thung.


A hnu deuh ah, “Ka sawi a nih chuan enge I tih anga?” a rawn ti a, a hma ai chuan a aw ki chu a hniam tawh hle.


“Ka tih tur maw..”ka ti a, ka’n ngawi hlek a, Chiang takin ka en a, “hre lo la a tha zawk…lut tawh rawh” ka ti zui a. A mitmeng ah chuan min hlau hmêl hi a pu deuh a. Ka in ti hlauhawm lui ve hrim hrim a. Chu chu henu deal tur hi chuan a ngâi miau alawm. Ka kal nghal a. Ka hawi let tawh lo. A thinrim viau chuan engmah kan sawi fel Chuang lo ang.


In ka thlen chuan Thanpuii leh a in leng te chu an lo la awm a. Ropui-a chuan min lo be luam a. Room-ah ka chho nghal a. Gabby chu ka Room-ah alo awm tawh lo. Maliani room ka va en a, alo awm Chuang lo. Ka Room a ka let tur chu hnunglam aṭangin Tluangmami’n, “A kal tawh” a rawn ti a. Ka hawi let vat a, “Eng tik khan?” Ka ti let a.


“I chhuak deuh chiah kha a kal nghal..” a rawn ti a. Ka bu ringawt a.


Kal mai ka tum chu, “au Bawih?” tia min rawn koh chuan, ka hawi let a. “Bialnu I neih lai rengin tinge patil te i kiss a?” mi rawn ti!!



“Ka kiss hlei nem..ka mitah bawlhhlawh lut a, min chhem sak a nih kha..” tiin ka pha mar pat a. Awih loh hmêl lutuk hian a meng kual vel a.


“Tu hnenah mah sawi loh tur aw..” nui chunga ka tih leh chuan, rang fahran hian, “Ka sawi vek tawh” tiin min chhâng!! Hui ham!!! A nih nih va ni vel mai mai the se.


Ngurnunsangi’n Tluangmami hnenah a pek lehkha kha ka han en Chiang a, Form min lo fill up sakna receipt mai bakah question hlui ho min lo print sak hi alo ni. Hemi min pe tur hian alo kal vang vang a, khatiang thil kha a hmu si!!


Ngurnunsangi chu Goodnight wish ka va thawn a, reply chu sawi loh, data pawh a on lo hrim hrim. Ka va call duh ta êm lo a. Ka beih fe hnuah chuan ka muhil thei ve hrâm a.

.

Zingah chuan morning wish thawn ka tum a, WhatsApp chu ka han hawng a. Nizan ka message thawn chu alo hmu ngei a. Mahse, min reply lo!!


Morning wish chu ka va thawn ta tho a. A delivered hnu chuan ka tho a, phone ka va charge . Tlân turin ka in siam a. Max-a hruaiin complex lamah ka zuk tlân a.


Ka haw hnu chuan phone ka check a, a hmu tawh reng a. Min reply lo fo va. “Ka hmangaih che..i thinrim avang hian beidawng lek lek in min siam ṭhin mah la, nang hmangaih che hi ka ban san Chuang lo ang…” tih hi ka va thawn a. Ka thawn deuh chiah chu a rawn online a, ka Phu deuh zawk a, ka text chu a seen nghal a, mah se, ka beisei ang hu chuan a thleng lo. Min seen zone leh hmak!!


Chhun nileng pawn min reply duh lo a. A tlûkna kha a nat vak mai te ka hlau. Zanah han kal mai chu ka tum a.


Ngurnunsangi’n form min fill up sak vel kha Dawm-a chu ka hrilh a, ti ve tura ka tih chuan, “Sorkar hna thawh ka peih teuh lo” a ti deuh bur a. Engmah ka sawi zui peih lo va.



“Takin..Gabby a rawn kal leh em?” a rawn ti deuh thut a. Ka Phu ang reng. Mahse, ka in siam tha vat a, pang ngai tak hian, “Aw..nimin tlaiah khan..mah se, ka hriat loh in a lo chhuak bo leh daih a..” ka ti ringawt. Min kiss a, Ngurnunsangi’n min lo hmu a Kan in hauh phah tih hria se chu min nuih leh nasa dâwn lutuk..chu mai bakah Rosangzuali alo hrilh leh thawt thawt bawk anga chi loh bur. Engmah chu min zawt zui bik Chuang lo va.



Kan faculty te an meeting dawn avângin, chaw hnu kan chawl a. Tih tak te in Dawm-a’n “Sangzuali dawrah kal lawk ang” tia min sawm avang chuan kan kal kawi a. Dawrah chuan Hna thawk chu an lo tam hman khawp mai a. Rosangzuali chu a hlawhtling viau dawn nih hmêl.



Sangzuali’n kan lut min lo hmuh chuan a phul hlut a. A office ang reng deuh ah chuan Dawm-a nen min luhpui a. A bang in pindanna chu darthlalang vek a nih avangin mi che vel chu a hmuh vek theih tho va.


Sangzuali’n thei tui kan in tura a thlir chhuah pah chuan, “Karleh inrinni hi kan dawr Hawn thla 1 na chiah chiah a nia..Kan lawm dawn nia aw..ka hrilh lâwk che u nih chu..” a rawn ti a.


“Chutiang te an lâwm ngai mi? Kum khat na chu an lâwm fo a, thla tin a lâwm I tum em ni a?” fiam pah deuh a ka lo tih chuan “Tum e..ka dam phawt chuan” a rawn ti ham ham.


“Thla tin alawm te chu ala ho lutuk…kan thenawm te naute nei thar chu kar tin alawm an lawm..” a rawn tizui a. Kan nui ta vek a.


A hnathawk pakhat sam sen em em mai hi a rawn lut a, “U Zualte..nimin ami te kha an lo kal leh a, ilo kal lawk hman em?” in thlahrun hmêl tak hian a rawn ti a. Sangzuali chuan “aw ka rawn kal..lo thut tir hlawm rawh” a ti a, a tho chhuak zui nghal a. “Coffee kha lo in ru, ka va kal lawk..” tih leh kal a rual a.



Phone ka phawrh a, Ngurnunsangi’n min lo reply nge reply lo en tumin ka lut a. “Coffee pangai mi I duh ve?” tia min rawn zawh pahin Dawma chu a tho chhuak nghal a.


En pawh en lem lo in, “aih.. thei tui hi táwk..” ka lo ti mai a. Ngurnunsangi chuan min lo reply lo fo va. “in bang tawh em?” tih hi ka va thawn leh hram a. Ka thawn Chhuak deuh chiah tih chuan, Dawm-a'n, “Ehe!! Saw Bawih-a Ramdinpuii” a rawn tih chuan ka hawi chhuak a Dawm-an a melh na lam chu ka melh ve vat.


Ramdinpuii leh amah ang tak Hmeichhe pakhat ka la hmu ngai loh chu Sangzuali te nen chuan an lo be mêk a. Ramdinpuii pum chu a hma aiin a puar lian tawh zawka ka han hriat chu! En reng duh lo in ka hawi sawn nghal a.


“ kawr an rawn thui tir ve niang, nang mah hi a puh che tih hria se chu.. Sangzuali chu a thinrim ang chu aw..tiraw?” a rawn ti a. Ka nui ringawt a.


Sangzuali chu a rawn lut a, “hetah hian ka dah em kha aw..” tih pahin a bungrua eng engemaw chu a khawih kual a. iPad chu ala chhuak a. A khawih neuh neuh a.


Tullo fahran hian, Dawm-a’n Sangzuali hnenah, “Nichin lawka mi te kha Ramdinpuii te an ni tiraw?” a ti a.


Sangzuali chuan, rawn hawi chhuak lem lo hian, “Aw..naute a nei hnai a, kawr an lo thui tir ve a..” a rawn ti mai a, “taka.. Zo..in ni ve hman tiraw?” tiin a rawn hawi chhuak a, min rawn en hian a nui deuh a. Dawma chu ka va melh a, hre lo ang hmak hian a lo awm. Hmela mai mai hi!! Kan in biak ve deuh lai aṭang khan Sangzuali alo hrilh leh vek tih a chiang reng.


“Ni mai mai lo” tih chiahin ka chhâng a.

Dawma chuan, “Nia..one night stand mai mai lawm” a rawn ti ve leh a.. Laldawmtluanga hnek tum chuan ka tho kang uaih uaih hman. Ka tih tum chu a hria Chiang khawp aniang a tho vat a, Sangzuali thutna lamah a kal ta daih. Sangzuali chu a rawn nui hak a.

Sangzuali bawk chuan, “A khawngaih thlâk reuh lutuk.. a first cousin fa a lo pai alawm” a rawn ti nih chu!!


Engtin nge Rosangzuali hian a hriat. Dawma nen chuan reng lutuk in kan in melh a. A hria tih Engtin nge a hriat? Tih kan ngaihtuah ve ve a ang.

Dawm-a chuan, “Tak tak maw?Engtin nge I hriat a?” tiin a zawt a. Kei chu ka ngawi reng a.


“Saw kan hnathawk Ahma-I saw an thenawm lawk ami ania..a sawi a..” a rawn ti a. “En teh u..Ramdinpuii khawngaih thlâk zual na chu maw..An chhungte ve ve pawn an hre vek a, hre lo ang hmakin an awm lui a ti mawle. Chhungkaw Mualpho an hlau lutuk a, kar hmasa lawk khan a mipa chu Phai ah an chhuk tir daih a ti lawm” a rawn ti zui a. A Vawikhatnan Ramdinpuii chu khawngaih tak takin ka khawngaih ve ta. Engtin nge a tawrh zawh zawk le?


Mi tih dan takah, HMEICHHIA HI CHU MIPA RUH AṬANGA SIAM AN NI BAWKA KEINI VAIVUT AṬANGA SIAM MAI MAI hi chuan kan lo pha lo nasa nihhi tih te chu min ngaihtuah thlen tir hial.


.

In ka lut dâwn chiah tihin, Lalruatpuii aw hian, “au Bawih..hmanhmawh rawh..Max-a awm dan hi dik lo” tiin min rawn ko a.


Hmanhmawh takin Max-a chu ka han enchiang a. A ke te chu a kâwm deuh ngâl a, a khur deuh bap bap bawk a. “Enge chhunah in pek a?” tia ka zawh chuan, Tluangmami tih tur ber hrelo niawm taka lo ding zum zat mai chuan, “Sausage ka pe a..” a rawn ti zawi sep a. A in thlahrun hmêl viau. Sausage chu kan pe fo a, hetiangin a awm ngâi lo, ei sual nei a nih ka ring hran lo bawk.



Lalruatpuii nen chuan Vety Hospital lamah Kan phur thla a. Damdawiin an chiu a. Thil a ei sual deuh mai a nia, a that leh mai tur thu chu an sawi a. Max-a chu a inah muttir pawh ka ngaih a tha lo va, ka room-ah a mutna tur lum takin ka siam sak a.. ka muttir a. A zawi deuh hnuang bawk sia, ka khawngaih hle mai. Rei ngial chu a bulah ka thut chilh a, a muhil nghet ni a ka hriat hnuah chuan in bual turin ka thawh san ve hrâm a.




Ka chaw ei kham fel Ka hman vela phone ka check chuan ka rin loh lutuk in Ngurnunsangi message hi alo awm a. Phur tak chuan ka han hawng a. Mahse, a thu rawn thawn chu, “Kan in then chu nuam ilo ti hle mai..” tih hi a lo ni pek a..tukin zinga ka thu thawn nen kha chuan in tu lo tak hi ni mai.


“enge I sawi awmzia chu?” tiin ka reply vat a.


Ka thu thawn a hmuh rual chuan Thlalak pakhat hi a rawn thleng zui nghal a. Ka download chuan Vety Hospital a Lalruatpuii nen kan kal na kha lo ni. Hmeichhe ho tak hi chuh.


Ka call a..ka rin loh takin a rawn la nghal ve teh mial a.Mahse, “Enge?” a rawn ti bak hlar nghal a. Ni hnih lek kan in be lo a, ka ngai nghal ngawih ngawih chu ni sia..


“Thlalak kha..khawi tangin nge I neih a?” tha deuh chuan ka ti a.



“chu chu apawi mawh mi?” a rawn ti deuh nghat a. Ka thaw deuh hak. “Lalruatpuii nih kha..ka patea fanu kha..” ka ti a…“Max-a dam lo kan en tir a..” ka ti zui nghal a.


“eng tin nge in dam loh tir theih zawk a..?” a rawn ti ve ta a. A aw chu a thinrim vak tawh lo niang.



“Nia a eitur ah a ngeih lo zawng an lo pe palh a..” ka tih chuan a ngawi ta reng a. “I khawngaih em?” ka han ti zui a.


“Nih chuan tunah a dam tawh em?” a rawn ti a.


“Aw..mahse..Keimah ka damlo..” ka tih veleh chuan, “damdawi ei la ni mai lawm..” a rawn ti deuh nghat a.


“ka damdawi ber chu i ti tau rei tawh êm alawm..”


“nih tak chu..ka dah dawn..”


“aih..dah Suh..phone kha dah suh…ka in sawifiah na ngaithla phawt rawh..Ofelia??” a dah leh mai hlau tak chuan ka ti ta chung a.


“Ka dah lo ang” a rawn ti zawi sep a, ka thaw deuh huai thei.


“In hmu ang…aw?”

“Aih”

“Ngurnunsâng!!!”

“Khati khan min vîn suh!”

“Tihpalh…enteh..Bawihte, I hmuh ang kha thil thlen dan a ni miah lo a nia” ka ti a. Min chhân mai loh vang chuan, “Ka ngai lutuk che” ka ti leh a. A la ngawi reng.


Min chhâng tawh dawn lo emaw ka tih hnuah, “Kei pawh” a rawn ti sep a; mah se, a rawn in sût hraih mai…min ngaih avangin a tap anih chu(h)!!


Ka zuang chhuak lo chauh..ka hlim lutuk chu. A tap ka hmuh leh ka hriat hian min ti hrehawm in min ti na vek thin a, mah se..mah se tih Mizo tawnga a lo awm hi ka va vannei tak!! MAHSE…tun tum hi chu a dang tlat. A chhan chu min ngaih luat vangin a tap tlat.


“Tap suh…Bawihte,” ka ti leh ringawt…diktak chuan la tap zual se ka ti zawk. A feelings chu ka sawi fiah thiam lo, chhungril ah hian nuam hian min fan raih raih mai. I bialnu in a ngaih vâng che a, a la tap lo anih chuan tuna ka awmdan nuam zet hi chu i tawng ve lo ang…ka hrilh ve mai mai che nih chu.


“Min la hmangaih em?” a rawn ti tiau a, Engtin nge ka hmangaih tawh loh theih ang?


“Ka hmangaih lo ngai lo che” ka lo ti vat a.


“Kei pawn” a rawn ti let sep a. Ka lawm lutuk chu ka za tawh hle, ka room ah chuan ka vei tawn sek tawh.


“In hmu ang tunah…ka lo kal ang aw”? tia ka zawh chuan, “Aih..kan tawp tawh” tih leh phone dah a rual khap…lehlawi si chuan. Khum ah chuan ka let thla nawk. Kan tawp a! teuhlo mai.



Exam tur hrang hrang ka neih nual vângin, peih loh takin dawhkân ah chuan lehkhabu chu ka chhawp hnawk ve nuai a, rilru ah chuan a lut mawh kher mai…banga Ngurnunsangi lem ziak ka târ chu ka melh a, ka ngai..ka ngai ngawih ngawih. Ka sana bun chu ka melh zawk a, dar 12:37 chiah chiah.



A tawk! Ka lehkhabu chu ka khup thawk. Ka zir thei Chuang lo…hmanhmawh fê chuan Adidas running shoe, pheikhawk bawm a ka dah that peih lawk loh khum bula lo awm chu ka bun rawk rawk a, cabinet chunga ka bike chabi chu ka la a, ka jumper sofa chunga lo awm chu ka la leh lawk a, room atanga chhuah pah in ka ha thla mawlh mawlh a.



Garage atangin hmanhmawh zet chuan bike ka la chhuak a, helmet ka theihnghilh tih ka hre chhuak. Duty an awm tawh loh ka beisei ve tawp mai. Chak fê chuan ka phit chhuak nghal a. Ka han tlân chak fua fua khawp ah. Ngurnunsangi te veng chu ka thleng rang hle…


Bike chu kawng thlang rem laiah chuan ka hung tha a. An veng pawh an mu deuh vek tawh nih hmel. A khat tawka car leh bike chak fê a rawn tlân vâwk vâwk pahnih tum bâk chu thawm a awm lem lo, a reh deuh thiap mai.


Cigarette ka tan a, Engtin nge Ngurnunsangi roomah khian ka luh ang aw…tih ka ngaihtuah. A room zawn ka han en chhoh chuan alo thim khap mai, a muhil tawh ni ngei ang.


Kei, lehkha pawh zir thei lo in ka awm a, tui deuhin a mu thei bik aniah, a lawmawm vak loh kher mai. Ka Cigarette zuk chu ka paih thla a, ka rap hruak nawk a, ka chhar leh a dustbin lo awm hnai ber ah chuan ka vawm lut zauh.



An Gate lamah chuan ka let leh a, Gate ah chuan harsa vak lo chuan ka lâwn liam a, a sang fahran lo a, lâwn liam a harsa lo ve hrim hrim bawk. A room awmna an in sir lam ka pan dawn lai chuan an pangpâr enge hming pawh ka hriat loh lo vûl deuh chuk chu ka thliak ru hrâm a.



Tui kalna ni awm tak thîr pipe kal chho chu ka en chho zel a, an in chung tawp thleng rat hian a kal chho a, an in chung zawlah chuan cement a zut tui dah na niawm tur lian ang reng tak alo awm vû mai.



Chu thir pipe chu ka tan vân malsawmna ringawt…a chhan chu Ngurnunsangi room tukverh bul a kaltlang miau a. A room tukverh pali in tlar khi nawr tawlh chi ania, a tukverh chanve ah chiah tlâk dal atan steel a siam bar angreng tak chu a in kham phei ringawt a…a sân deuh vangin bar sei pu pui dah kher angai lo an ti nih ka ring…



Ngurnunsangi ka ngaihtuah chuan ka lungawi ru viau lo, misual lut ru duh ta se..a awlsam dawn lutuk. Mahse, tunah tak hi chuan ka tan chuan Malsawmna dang leh ani leh thung si.



An pangpâr ka thliah rûk chu ka hmuiin ka pet kawh a, pipe ka khawih chiah chuan ka kut ka la sawn rang hle. Khai a!! A vawh dân chu a hit in a hit nia…ka rilru chuan ka lêt leh daih dawn mi aw ka ti hman rum rum. Mahse.. ka kal tawh ta sa sa Ngurnunsangi hmu lo a lêt leh chu ka tum lo bur ni tawp mai.



Thir pipe chu ka vuan leh a, a la hit tha rem rem hle. In ngaihtuah nawn tawh lo chuan ka pakai chho a, ka lâwn chho ta zel a, thil nuam tak zawng a ni teh vak lo kher mai. Hmeichhia vanga hetia ka buai hi Laldawmtluanga’n min hmu se chu min nuihzat teh ang chu aw… harsa lutuk lo chuan a room tukverh zawn chu ka thleng chho ve hrâm.



Ka kut dinglam chuan a tukverh chu ka kik a, ka kut veilam chuan thir pipe chu ka la vuan a, ka ke pahnih in pipe chu ka kherh bet bawk nen..tlâk chu a hlauhawm lem lo..mahse ka kut hian engmah a hre lo, a vawt lutuk a, a â vek.



Ka tukverh kik aṭang chuan Chhân na dawng lo. A tukverh sîr ber ka lam hnai ber chu Ka kik leh keuh keuh a, chutah a room atang chuan light a rawn êng khap a.



A hlau palh ang tih ka hlauh avangin ka pangpâr peh kawh phei vû chu ka la thla a, zawitêin a hmingin ka han ko a. Chutah ke pen ri thlep thlep hi a rawn ri a, tukverh bul rawt ah chuan a rawn ding a, a hlim thla pawh ka hmu ve ta e. Ka nui suk.



Mahse, a chêt tak lawk mai loh vang chuan a hming in ka han ko nawn leh a, chutah.. parda zar chu a rawn hlim phei pawp a. Min hmuh chuan A meng phâwk chiang ngang mai. Tukverh chu a rawn nawr tawlh phei rak rak a.



“Lalpa leh!! Enge hetah I rawh tih a”? mak ti leh hlauthawng tih hriat tak hian a rawn ti a.


“Min luh tir phawt la, ka hrilh dawn che lawm…” ka tih chuan a phal dawn lo emaw ka ti hman. Min melh rum em vang chuan.


“Ka tla tep ania.. Bawihte..” ka tih leh chuan a thaw halh a. Ka luh nan chuan a tawlh sawn ve ta hrâm a.


Ka lut chiah, tih in “enge I rawn tih?” lawm lo tih hriat zet hian a rawn ti fak a.


Engdanga chhang lo chuan, “Happy Anniversary…kan ni 90 na chiah ania” tih pah chuan an pangpâr ka rawn thliah rûk chu ka pe a. La ta mai lo chuan min rawn en a, lawm hmel a pu hauh lo.



“Enge kan anniversary anih ngawt ang…kan in then daih tawh” tih pah chuan ka pang pâr ken lai chu a rawn la lawka chhuatah a theh thla hmak a.


“Sawi ve ziah suh..kan in then bawk lo, kan la in then ngai bawk lo” ka ti a. Thinrim loh hrâm ka tum. Ka thinrim chuan kan buai zual zawk ang, hlim deuh a awm ka duh tawh si.



Rum zet hian min melh leh ang kawl kawl mai, a khumah chuan ka thu a, “hey…ka thu lo in engvang...” a sawi zawh hma in ka pawt a, ka bulah ka thut tir a.


“I kut chu a va…” a sawi zawm hma chuan a in hrechhuak aniang, ka kut chu a paih sawn deuh dawr a..min sik hlau zet hian a piah lamah a tawlhsawn zui zat bawk a. Min si lo a a thu chu pawi ti viau mah ila ka dawh hram hram rih a ngai tlat.


“Ka kut hian engmah a hre lo nia..a â vek, min khawngaih em”? tia ka zawh chuan,“Khawngaih chhan tur che nei lo” a rawn ti ram hmak a.


“I rilru nilo sawi chhuah kha nuam I ti mi?” nui suk chunga ka tih chuan min melh rum leh viau tawh. “Thil thleng kha hrilh che ka duh ” ka tih leh chuan leh lam a hawi tau hmak a. Va hahthlâk tak!



“Englo Gabby kha” ka ti chiah a rawn hawi lêt a, rûm zet chuan min rawn melh. Ka va han â tak.


“Ka tih awmzia chu..ih…khanu kha a rui a, a awmdan pawh kha a in hre Chiang lo aniang,” ka ti nuah nuah a.


“a thlavang I hauh sak tih na mi chu chu” a rawn ti ta hmerh a!


“ teuh lo..khatianga a rawn awm ringawt kha ka thinrim ve mah naklaia…” ka tih chuan, “chu chu ka awih I beisei mi?” a rawn ti nghat a.



“Besei e..min hmangaih chuan min awih ang…” ka tih tâkah chuan a ngawi ta daih a, “bakah Gab..ka tih awmzia chu kha nu kha chu hmeichhia ang paw’n ka en lo hrim hrim..alawm..” ka tih leh chuan, “En lo mah la, hmeichhia a ni tho” a rawn ti deuh nghat a. Min melh rum viau mahse, kan in be thei tawh a, ka lawm tho tho.


“Ka tan chuan hmeichhia a ni ve hlei nêm” ka ti a, ani rêng bawk a, ka thianpa ang bak in ka en lo hrim hrim.


“Daw suh.. hmeltha I ti tih ka hria, Gabby chu mipa ho pawn hmeltha an ti vek” a ti leh hlar a, a awmdan chuan ka nuih a tiza zawk, Gabby ber kher a thik chu.


“ka ti ve lo…nangmah chiah i hmelṭha” ka ti a. A aia na chuan min rawn melh a, in melh hian thih theih se chu ka damchhuak tawh lo chiang ang chu aw…


“ka awih bawk lo che” a rawn ti nghat a.

“Enga tinge min awih loh ziah a?”

“Ka thu thu” a rawn tih chuan Ka lo nui chhuak huk teuh lutuk.


“Haw rawh..” a rawn ti leh ngawt a. “Aih…” ka tih chuan min rawn melh leh kha kha mai.


“Ka ngai che iti sia, min hmuh hian min kuah châk ve lo maw?”


“Châk lo…dawt ka sawi nih kha”

“Kei chuan dawt ka hrilh ngai miah lo che…chuan ka kuah châk che a, ka fâwp châk bawk che” ka tih chuan a meng phar deuh vak a, a tûm tha leh ta vel a. A thinrim vak tawh lo tih ka hre thei a. A nuam tawh.


“Haw rawh” a rawn ti leh ringawt a. Mahse, ka haw tak tak a phal bik vak lo tih ka Chiang. Nge ka ngaihdan mai mai ani em phei chu ka hre leh pek tawh lo va.


Ka hriat nan chuan en chhin angai, “Tha lawm… buai tak chungin ka rawn kal hram hram a, ka rawn kal tawh ngai lo ang” tih pah chuan ka tho thut a, tukverh lam chu titau der hian ka pan zui a. Min rawn ko eih lo nia.



An tukverh tang chuan chhuk thlâk ka tum a. Ka ke pakhat railing ah ka dahthla tawh tih ah, “Fimkhur rawh” a rawn ti….ka thinrim zawk. Min rawn koh let ka ring ania. He hmeichhe luh lul zet hi chuh!


“Chu chauh chu mi I sawi dawn?” vin deuh taka tih pah chuan ka han hawi let leh a. Engmah sawi lo chuan min lo en reng ringawt.


“Tha lawm…nih le” tih pah chuan zuan thlâk ka tum uaih uaih nghal.


“Kal suh…” tih ri ka hriat rual rual chuan, “Engmaw?” tiin rang mangkheng chuan ka va hawi let vat. Tukverh bulah chuan a rawn tlân phei ti tih a. Hlauthawng hmel hi a pu deuh bawk.


“Kal suh ka ti..lo lut leh rawh..vatin” a tih chuan a ruk in ka nui suk. Ka la ti tau dawn mi aw ka tia, mah se a thin ka tirim leh nih chuan min ngaidam tawh lo ang tih ka hlau sia. Ka lut leh tuah tuah a, ka lut tur chu min lo puih a.


“Ko let lo che ila…min kalsan tak tak I tum ami?” lungawi lo zet hian ati a. A lungawi lo reng a, a buaithlak!! Amah hi ni lo se chu aww Hetiang thil ti tur hi chuan ka in ngaihtuah fê angai ang. Mahse tudang ni lo in ka Ngurnunsangi a ni bawk si. Ka dawh hram hram angai, ka va han fel tawh tak!



“Tum lo…ka kalsan tak tak phal che in I ring em ni?” ka ti a. A khumah chuan kan thu dun leh a. Tunah chuan ka kuah thei tawh a, a nuam tawh.


“I thinrim tawh lo tiraw?” ka tih chuan, “Thinrim e…min kalsan I tum a nih kha” a ti leh hmerh a. ka lo nui a.

“nui suh…Gabby kha ka ngei” a rawn tih chuan,“Kei pawh” ka lo ti vat a. Min rawn en hian a nui ta seih a. Mission accomplished…ka hlawhtling ta.


“Min kiss dawn em?” a rawn tih chuan ka phu deuh zawk a. Ka mak ti hmêl a hmuh chuan, “lawkin…min kiss chak tak tak lo tiraw?” tiin min melh rân mai.


“Teuhlo…aih…ka kiss châk che, ka ngai bawk che” ka lo ti chiam a.

A lo nui a… “Chuan…?” a ti fan raih.

“Chuan…engmaw?” a ngaihna hre vak lo a ka tih chuan, “Min fawp ta che… mâwl-a ” a rawn ti!

Nui vûr vur in a biang tawn tawn ah ka dawm a, a tawlh hnung deuh awr a, “A vawt lutuk!!” a rawn ti hlak a.

“Tuar rawh..nangmah vang anih hi…” tih leh a bek sama ka kut rawlh luh ka rual a, engmah a sawi hma in ka fâwp ngawng ngawng nghal.


Min rawn fâwp let ve thuai a. Ka ngai lutuk hi ka â lo chauh tawh…thaw chham lek lek a kan in fawh hnu chuan ka thlah deuh a, a chal leh la chal chu ka in sik tir a, kan thaw chhuak dun halh halh mai.


“Ka ngai lutuk che…” ka sawi zawh rual chuan ka fâwp leh nghâl a, a ká sa ham ham ah chuan ka lei ka hawl lut nak nak nghal. Min hnaih leh zual theih nan ka pawt hnai deuh leh nawk a, kan taksa chu a in nawk chial mai, a ni pawn ka kawrah min rawn pawt ve tai mai bawk a. A khumah chuan kan tlu dun a.


Tawp chin awm lo tur hian kan in fawp a, a kawr tlâng atangin ka zen chho a, a taksa lâwng ka dek chiah chu a phu leh vak a, ka kut a rawn man chawt a, ka han melh chho vat, “a vawt lutuk a…” nui seih chung hian a rawn ti sep a.


“Ka ti lum dawn reng alawm” tih leh ka kut dinglamin a kut pahnih chu a lu chung zâwn ah man behsak ka rual a, ka kut pakhat zawk chu a âwm chhûngah ka zen lut rawk rawk nghal, a tê chhuah hma in a hmui ah ka fâwp leh nghal hmiah, a te chhuak hman lo hrim hrim. A thaw hak thung…ka ka chhûngah.


Bra alo hrêng lo a, ka duh dan chiah in, a vawt ti chu tal deuh phet hi a tum a, ka taksa in ka delh bet tlat vangin a che thei lem lo. Min ti hrehawm rei lutuk a, tuar ve rawh se…


A hnute khal talh, nem deuh si chu duh thawh takin ka han tham deuh tawn tawn a. Va nuam mai mai tak aw!! A tal tawh lem bik lo, ka kut pawh a rawn lum ve vat mai.


A hmui ka fawh na tangin a khabe ah, a nghawng no chek ah ka fâwp thla dan dan a...a rim tui lutuk hi ka ngai tawh lutuk..ei zawh vek mai nia ka duh, ka phal teuh bawk si lo a, a hrehawm zawk!


A kut ka man behsak chu ka thlah dul deuh a, chuveleh ka samah a kut a rawn rawlh lut ve leh nghal. A taksa nem lai fawh kual reng pah in Ka kut chu ka sawn thla dan dan a, a kekawr kawng ka zen luh rual chiah chuan Vawilehkhatah min rawn nam sawn leh deuh dawt mai.


“Engthil…” ka ti chiah… “Shhh” tih pah in ka hmui ah a kut a rawn dah. Ka tawp ve chawt mai.


“Father-a tui in turin a tho anih chu..” zawi tê a phun sep pah chuan a kawr ka hlim chho sak chu a pawt thla a, thawh chhuah a tum a, ka lo pawt let leh vat a.

“Chuan enge?..I room ah chuan a rawn chho Chuang lo ang” ka ti a, ka tawng ring bik lo.

“chho lo ang…mahse I kal angai tawh”

“Ka la awm duh lawm” ka tih chuan a han nui seih a.

“Ka hria lawm…mahse tunah chuan I kal phawt angai lawm” tiin zawi tê tê hian a phun sep sep a.

“Ka la duh lo”.

“Shhh..” ka tawng ring deuh vang chuan a kut ka hmui zâwnah a rawn dah leh a.

A kut chu ka lo vawn sak a, “Kan tha vek em? Kan in then tawh lo em?” ka tih chuan mak ti hmêl hi a pu zuai a, hlim hmel hian a rawn in thlâk leh vat.

“Aw tha vek..bâkah kan la in then ngai lo iti a ni lawm ni?” zawi tê bawk chuan a rawn ti leh a.

“Ni chiah e” ka lo ti nghut a.

“Lee…tunah chuan kal tawh la, nakinah kan in hmu dawn nia” tih pah chuan khum atangin a chhuk a, ka bânah min rawn pawt zui nghal a.

“Nakin chu engtik ah…naktuk ah aw?” ka tih chuan a lo nui a, “aw…aw, ka hria…kal tawh rawh” ati leh vat a. Min nawr ti tih.


“I tiam em?”


“Ava mak..aw…tiam…tiam..kal tawh rawh” tih pah chuan tukverh lamah min pawt phei a. Tukverh ah chuan ka lawn ve mai a.


Ka ke pakhat room chhûngah chuan a la awm a, a pâwnah pakhat. “Min fawp phawt la, chuan ka kal ang” ka la ti hram a.



Min hnial hauh lo chuan min rawn fawp zeuh a, “kal tawh rawh le” a ti a, kalsawn zui a tum a, ka pawt leh ta pek tlat a. Ka hrelo, ka ngai ta riau anih ka ring.


“ka la kham lo…bâkah tinge kalsawn I tum nghal, min ngaihtuah lo mi..hetah hian tla ila ka luruh chu a keh Chiang ngawt ang mawle” ka tih chuan phâwk hra hian min rawn en a.


“Chutiang sawi suh…” hlauhthawn hmêl tak hian a rawn ti a. Ka bialnu hi chu a hlauthawng hmêl pawh hi a tha uchuak leh pek tho anih hi.


“Kal leh lo mai rawh..hetah riak mai rawh…zingah hma deuhin I haw mai dawn nia…” a rawn tih chuan, “I ti tak tak em?” ring vak lo chuan ka lo ti vat a.


“Aw…che sual palh ta Engtin nge ni anga?” a rawn ti deuh nghat a.

“Nia…I buai ngawt ang” nui vur vur chung chuan ka lo tia. A han nur nang a.

A khumah chuan ka tlu zal a. A closet atang chuan lukham hi a rawn pawm chhuak a. “lukham sang ka mamawh hlei nêm” ka lo ti nghal a, “I kham atan ka ti lo e aw” a rawn ti a, a nui deuh a.


A thil tih tum ka hmuh chuan, lungawi lo lutuk hian, “I fiamthu mi?” ka ti a, “aih..i kut I veng tha peih lo thei e lawm..” tih pah in lukham chu kan in kârah tak a han dah a.


“ka mutchhuak…goodnight” tih pah in lehlam a han hawi zui nghal daih a. Ka thinrim ruk zia chu!


Ka mu ve ngei a. Mahse, I bialnu I duh leh I ît em em I khawih phak lekah mu ve se engmah ti lo chuan I awm mai mai thei bik lo ang.


“I muhil em?” tiin ka han in beng Kanga ka va thlek deuh a, a mit chu a chhing ngei a. A la mut hilh chu ka ring bik lo hrim hrim.


“Nguri ?” ka va ti leh a. Min chhâng lo hrim hrim. Kan in kâra a dah a lukhum par deuh chuai chuai chu ka la sawm them them a. A taksa si deuh Chet chuan ka va hnaih a. A che eih lo.


A kawr tlang aṭang chuan dim te in ka zen lut a, a dul mam leh nal han sa deuh ham ham chu ka chûl a, a sa nuam takzet. Ka han hnaih zual a, ka mipatna in a mawng zawn a zuk si chiah chu ka boxer hak chhan ah ni mahse ka sa pup thei hial.



Ka kut chu A dul aṭangin zawi muangin a âwm lamah ka sawn chho them them a. A hnute ah ka tawp chat. Ka'n hum vang vang a, a thawk dan a buai ve tih pawh ka hre nghal. A hnute hmur chu ka han hrual sak ne ne a…chumi rual chuan ka mipatna chuan ka va nawr na zual sawt a.



Chutah ka rin loh lutuk hian ka kut chu a rawn vuan deuh chawt a, “Ka la nghak ang I ti kha..” a rawn ti ta sep a. Ka hre pha chang chang. Ka lam chu a rawn hawi let Chuang hauh lo a.



A beng bul setah chuan, “Ka ti lawm…kan ti tak tak dawn hlei nêm” tih pah chuan a beng no nalh tak chu ka han pet zeuh a. Thaw deuh halh hian ka lam hawi chuan a rawn in her a. Mitmeng dava deuh riai hian min rawn en a; tawrh a har takzet.


A Mita en reng chung chuan a kut dinglam chu ka la kang a, ka fâwp zeuh a, chutah ka pawt hniam a, ka kap zawnah ka dah sak ta a, kun hnai deuhin a beng bul setah chuan, “Bawihte…khawngaihin..” ka’n ti tham ruak ringawt a, ka sawi belh tawh bik lo.



Ka boxer chhana ka mipatna khawng luah mai chu a’n hum vang vang a, tih vak ngaihna a hrelo tih ka hrethiam nghal a. A kut chu ka han vawn hnan a…ka boxer chhungah ka zen luh tir ta a. Min rawn nam vak emaw a kut lak chhuah vak chu a tum tawh bik miah lo! Chutah le..a kut rinchhan chuan zawi te te in ka'n khawih tir ta a. Ava nuam mai mai tak! Ka khur thei hial in ka hria…



A hmuiah fáwp in ka keih zui ngawng ngawng a, chutah ka kut chu la chhuak zawkin a kawr chu ka hlim chho pawp a, a hnute hmur mum bial karh leh sen deuh chêk ah chuan ka hmuam a, ka lei sa deuh huamin ka han liak kual chiah mai chu… a thil tih lai a theihnghilh aniang a nuam ti chu a rawn hmer ta vak!!


“auch..” Ka tih chuan a Phu deuh zawk a, a kut lak sawn a tum rual chuan ka lo pawt let vat, angaiah tho chuan ka dah sak a, ka kut rin chhan a ngai tawh lo, a thiam chak lutuk tlat! A kut nem leh sa deuh ham ham in a han khawih pial ralh ralh mai ta chu…awm ngaihna ka hrelo tawh lo.



Ka tlâ dawna ka hriat chuan, ka kut chuan a kut chu ka han vawn thuah leh a, rang takin a kut chu ka chet tir a, Ka tlin tawh lo…vanram tla fual a kut hmanga min tem tir lai chuan a hnute kârah ka hmai ka phûm vang vang a.



Ngawi renga minute 4 vel ka bawh hnu chuan hnute dinglam khuavang chhinchhiah lang kalh mai chu na vak lo in ka’n seh zeuh a. “hey..” tiin ka samah a rawn tham vak a. Ka lo nui thum hak a.



Thawh tuma ka in beng kang rual chuan, “Cigarette zanah chuan zu suh” a rawn ti nghal a.


“Zu dawn lo, Bathroom kal lawk ka ngai a, chu chu i phal em?” ka tih chuan a han nui ri hak a.


“Umm..rei suh ang che…” a rawn ti a.

“yes Ma’am..” uang tak chuan ka lo ti a. A han nui ri hak a.


Bathroom aṭanga ka chhuah chuan alo tho chhuak ve a, a room chu alo spray kual chiam a. Thosi an awm emaw ka ti nghal a.



“Thosi an awm em ni a?” ka tih chuan, “aih..sex rim a nam huam alawm…” a rawn ti nih chu! ka nui phuh thawt lo chauh. Henu hi chu aw…


Khumah chuan inkuah chialin kan mu dun a, “Vawi in ni engzat nge..?” a rawn ti a.


“Ni 12..ngatinge?” ka tih chuan, “i exam kha ni 16 a nih kha aw” a rawn ti a.

“Ka exam lo mai ang..” ka tih rual chuan a tho nghal phat. “A ngai lo” a rawn ti vei hlar a.

“Ti tau lo la chu tunah pawh lehkha ka zir thei tur nia…” ka tih chuan, “nih tunah ka û material awm ho khu chhiar la…” a rawn ti a. Ka nuih chu a za ru viau.


“Hahdam rawh…ka exam ang, tunah hian ka mu vat lo nih chuan naktuk nilengin ka mut a chhuak anga, lehkha pawh ka zir leh thei dawn miah lo a nia…” ka tih chuan a rawn mu tha vat nghal a. A ban ah pawt in ka lamah chuan ka pawt hnai a, ka lo kuah hlun hlun a.



Ka âwm zawn atang chuan, “I tawngtai dawn lo mi?” a rawn ti teh ngawt a. Kan thil tih zawh deuh chiah leh tawngtai chu a in kalsan nasa ni.


“I tawngtai bik ami?” ka han ti let a.


“Nge ka tawngtai loh anga ka sual lai ber paw’n mut dawnah kher chuan ka tawngtai ziah oo..”


“I ti tha lutuk…min tawngtai kep a…” tih pah chuan ka awmah ka kuah bet nghal a. Ka âwm zawnah chuan a rawn nui ri hak a..


Show post links
Top