Re: LET's LOVE AGAIN BY Ziki_nu (Completed)
Posted: March 30th, 2025, 2:10 pm
LET's LOVE AGAIN
By Ziki nu
Chapter-18
"Awi ka duh theilo Mate, intipachang rawh aw, engtinnge ni dawn Mama?"
U Mazari pawh chu a chiai hle tih a lang reng, ka banah hmer chawt chawtin u Mama chu a be mawlh mawlh a, mahse ka u pawh chuan chhanna a pe thei chuanglo.
Min thawng teh thut lutuk a, hetianga rang hian ka nu in min kalsan mai ang tih ka la ring chhin ngai lo.
Pathianni tlai a ni a, kan hun tawng hrehawm leh rapthlak zet chu engtianga han paltlang chi nge maw ni dawn le...
Ka u chu u zawk nge nge a puitling zawk a, in lama kan chhungte leh Aizawl lama ka putea te ho pawh a phone kual zung zung a, keichu chet nachang pawh ka hrelo. Ngawi rengin ka nu an rawn nawr chhuah hun chu ka nghak ngawt ngawt a, u Mazari chu a tap reng mai a, chuti chung chuan min hnemna thu a sawi ve mawlh mawlh tho.
"Ka nu chu a hahdam tawh alawm, a natna kha a lo na em a, tunah chuan Pa angchhungah thlamuang takin a chawl tawh alawm" a tih laite chuan a khur ve zawih zawih reng a, kei erawh rilru na viau e tilo chuan ka mang duk a, ka mittui a tla thei der lo.
Ka thin a tawtin ka รขwm chhung chu a na ngut ngut a, nunna nei tawh lo ka nu damdawi in khuma an rawn nawr chhuah lai te chuan ka thawk a chham thei hial dawn in ka hria.
A hmui bawr chu bandadge in an tuam a, chutichung chuan a mit hnuai khur duk leh a hmai dรขng lapte chu chiang takin a hriat theih a, muangchanga a biang ka va dawm chiah chu ka kut ka la let rang ngang mai.
A biang chu a hit thlur a, ka nu, pang tilum ngah em em thin taksa ah khan tunah chuan lumna reng reng a awm tawhlo, mitthi, he khawvela nungdama kan hmuh leh tawh miahloh tur te ang chiah hi a ni.
"Ka pute Rama leh nutei te ka be tawh a, an lo kal nghal dawn, lo thleng phawt sela haw chhoh dan tur chu kan rel leh zawk dawn nia" tiin U Mama chuan U Mazari a hrilh sup sup a, a tap lo na in a ni pawh chuan a tuar thiamlo hle tih ka hria.
A natna kha eng chiah nge tih hre chhuak thei lo mah ila dam taka haw pui leh kha a tum ruh viau a, hetiang thil a thlen hi chu a ni pawhin a ring phak biklo ang.
Kar lovah pute Rama te chu an rawn thleng a, an hnungah ka Nutei te chhungin an rawn zui bawk. U Mama chuan a lo be lumlam thuai a, kei erawh chu ka thutna ngaiah thu in ka nu kut hit em em chu ka hum ngawt ngawt thung a, an rorel pawh chu ka hre fumfe ve lo.
"Mate, Rintea i hrilh ve tawh em?" tia U Mazari'n min rawn zawh takah chuan ka phone chu ka phawrh chhuak sawk sawk a, tawngchhuah chu harsa ka tih em avangin u Mazari bawk chu phone ka pe leh a, thawm a tam tak deuh avangin an inbiak dan pawh chu ka hre zui ve lo.
Ka putea chuan kan khaw lama inphurh chhoh nghal mai chu tha a tih thu a sawi a, tunah khua a thim tawh a, zanriah ei hun awm vel tak a nih ka ring. Zinglam ah chuan kan khua kan thleng ve mai dawn a, keipawhin Aizawl lama awm khawtlai leh rih ai chuan haw chhoh nghal mai chu tha ka ti zawk.
Ka pute Rama leh U Mama ten doctor an hmuh leh laiin nutei chu ka bulah a rawn thu ve a, a tap rawng rawng a, ka nu te unau hi hmeichhe pahnih chauh an nih avangin a tuar viau pawh chu ka hre thiam. Ka nu nu, ka pi kha a boral hma avangin ka nutei tan chuan ka nu kha a nu tak ang mai a ni a, duat pawh a duat ve viau a sin.
Chhungkhat leh thiantha te pawh an rawn thleng zut zut a, ka patea te lam pawh an rawn lang ve thuai a, kan khaw lam thlenga min zui chhoh ve an tum a ni รขwm e.
"Mate.. Rintea leh i thian dangte pawh an lo thleng tawh a" tia U Mazari'n ka beng bula min rawn hrilh ruk lai chuan ka lo hawi chhuak ve thuai a, Rintea leh Riny bakah Aruata leh Nunpuia te pawh ka hmu a, an beng var khawp mai.
Puitling an awm vang nge min rawn pawh lawk lo va, pawn lama ka nu ruang an nawr chhuah laite chuan tap rawi rawi ri a awm reng a, keichu ka la tap thei lo fo.
Ka chhungte chuan kan awm dan tur an sawi zel a, ka thianten min rawn zui dawn tho na in ka nu ruang hlata awm chu ka duh lo.
U Mazari leh ka nutei te nen ruang phurhna motor ah chuan kan chuang ve a, zinkawng hrehawm leh thui ber a la ni hial ang.
Zing dar 3 velah kan khua kan thleng a, kan kawt zawla kan tlan luh lai chuan inchhung lamah thalai rual an lo zai thap thap thap a, pawn lamah chuan tlangval thenkhat leh thingpui lumho ni รขwm tak an lo awm ve bawk.
Inchhunga ka nu an zalhna kuang an zawn luh laite chuan chhungte leh ka nu thianthate chu an lo tap leh rawih rawih tawh a, kan inchhung pawh an lo tifel duak tawh a, ka pa boral tuma a awmdan ang chiah khan..
Kuang bula ka thuthlak hnu lawkah ka bulah chuan Rintea a rawn thu ve a, hnung lamah Rimy leh midangho pawh an rawn thu ve a, min be lo a, keipawhin ka be lo.
Ngawi rengin nunna nei tawh lo ka nu hmel chu ka en ngawt ngawt a, khawvar ruala han thlahliam mai atan chuan ka phal thei lo.
'๐๐ฉ๐ถ ๐ณ๐ข๐ฎ ๐ฏ๐ถ๐ข๐ฎ๐ข๐ฉ ๐ค๐ฉ๐ฉ๐ถ๐ฏ๐จ๐ฌ๐ช๐ฎ ๐ต๐ฆ๐ข,
๐๐ข๐ฏ ๐ช๐ฏ๐ฌ๐ฉ๐ข๐ธ๐ฎ ๐ฉ๐ถ๐ฏ๐ข๐ฉ ๐ค๐ฉ๐ถ๐ข๐ฏ;
๐๐ฆ๐ณ๐ข๐ฎ๐ฏ๐ฐ ๐ง๐ข๐ฌ๐ช๐ฏ ๐ฌ๐ข๐ฏ ๐ป๐ข๐ช ๐ข๐ฏ๐จ,
๐๐ฉ๐ญ๐ข๐ณ๐ข๐ถ ๐ค๐ฉ๐ข๐ธ๐ญ๐ฉ๐ฏ๐ข ๐ณ๐ข๐ฎ๐ข๐ฉ.
๐๐ถ๐ฏ๐จ๐ฅ๐ถ๐ฉ ๐ช๐ฏ๐ต๐ฉ๐ฆ๐ฏ ๐ข ๐ข๐ธ๐ฎ ๐ต๐ข๐ธ๐ฉ ๐ญ๐ฐ'๐ฏ๐จ,
๐๐ฎ๐ข๐ฏ๐จ๐ข๐ช๐ฉ ๐ณ๐ข๐ฎ ๐ฏ๐ถ๐ข๐ฎ, ๐ต๐ฉ๐ญ๐ข๐ณ๐ข๐ถ ๐ค๐ฉ๐ข๐ธ๐ญ๐ฉ๐ฏ๐ข ๐ณ๐ข๐ฎ๐ข๐ฉ.'
Thalai ho ina an hlasak chu ka thinlungin ka lo sakpui ve mawlh mawlh a, chhungkim taka kan len leh theih hun tur chu vanram kan thlen ve hunah chauh a ni tawh ang.
Rilru ah 'Fahrah' ka nih thu ka han hrechhuak zui a, ni e, tunah chuan nu leh pa tia koh tur ka nei ve tawh lo.
Min hmangaih em emtu ka nu leh pate khan vanramah min lo nghak dawn a, mahse he khawvel hrehawm taka an tello a awm tura min kalsan mai erawh hi chu hriatthiam harsa ka ti a ni.
Hmachhawp leh hmachhawn tur hrang hrang ka la nei a, an mi fuihna leh tawngtaisakna te kha ka la mamawh dawn chauh a, ka tana engkim min tihsak hnuah ka enkawl let ve hma in min kalsan leh daih a, he khawvela an damchhung zawng khan ka nawmsakna turin theihtawp an chhuah a, hrehawmna leh retheihna chauh an chan anih laiin heti hian an kal leh mai si a, an duh leh awh tam takte kha leisak ve hman tal ila ni tur....
Ka thil ngaihtuah vang chuan ka inrin hma in ka tap chhuak ve ta hawk a, ka chhehvel mi ten ka nu an tah hla te chuan ka mittui a ti sur ve zung zung bawk a, ka nu ka sรปnna mittui chu ui hauh lovin ka luantir ve thei ta.
Khawvar lamah thalai ho chu an haw tan a, chutih rualin nu leh pa te an rawn thleng khawm ve tak tak bawk a, mizo nih nawmna leh thlamuanthlak zia chu chhiat ni kan han thlen chiah hian a fiah leh zual thin.
Khua a han var tak ah chuan kar lovah hun a kal zung zung a, zunram thiara ka tho chhuak ve tih loh chuan ruang ka kil chawt a, ka bulah Rintea chu a awm tlat bawk.
"Riny te kha va zui rawh, thingpui te va in ve la" ka tih pawhin a lu a thing tlat a, dinhmunin a zir miau loh avangin han inngaihsak vak theih a ni lo a, ka thiante pawh chu anmahni in an lo inbuaipui ve nawk nawk mai tur ah ka ngai.
U Mama leh U Mazari chu kawng engkimah u chan an chang hneh ngang mai a, hmun dang atanga kan chhungte lo thleng khawm pawh an lo dawngsawng mawlh mawlh a, ka pa te lam atang pawhin ka ni te hmel ka hmu ve nual.
Pastor in vuina hun te a hman zawhah thlalakna hunte kan hmang a, keichu ka tap leh thei tawh lo, ka thinlung a na ngawih ngawih a, ka tap theilo te hlei hlei chuan min run lehzual ting mai, a tana ka hlan theih hnuhnung ber chu ka mittui hi a ni ta mai si a..
***
Karkhat zet liam tawh mah se khawharna chuan min chenchilh tulh tulh emaw tih mai tur a ni, chhungkhat laina te pawh an haw darh leh tawh hlawm a, ka nutei te chhung erawhin min la awmpui ve rih thung.
U Mama nupui U Hlimi ka fak lo thei lo ang, fapa pahnih harh zet mai an nei a, chuti chung chuan inchhungkhur chetah kan tluk thei meuh chuanglo, a che sawk sawi a, a mawng a zangin mi han biak lumlam vel a thiam bawk a, chhungte fak pawh a hlawh viau reng a ni.
Rintea leh Riny ten min la champui ve a, Aruata leh Nunpuia erawh kan vui liam tuk khan an liam thla leh nghal a, min lo zui haw ve chu mumal pawhin lawmthu ka hrilh hma ta lo kha a nia, Aizawl lama kan let thlak leh hnuah ka sawi tawh mai aniang chu.
"Khawiah nge i thianpa kha a awm Mate, saw chaw ei an peih tawh asin" tia ka nutei'n min rawn koh lai chuan Riny nen kan chhungkaw album hlui kan lo en dun mek a, "Nichin kha chuan veranda ah sawn phone a hmangin ka hria" ka thiannu in a tih avangin ko tur chuan ka chhuak phei a, mahse naupangho bak chu ka hmu lo.
Ka call lah chu a chhang thei hauhlo a, ka zawn kual deuh hnu chuan kawmchhak lama eichawp dawr atanga a rawn chhuak mek nen kan intawk a, nepnawi eng eng emaw a rawn pawm chhuak teuh mai.
"Chaw kan ei tawh dawn asin, ngatinge khati vak vaka tam i lei a?" ka tih chuan "Naktukah kan haw tawh dawn sia, naupangho ka leisak ve anih hi" a lo ti mai a, ka vahte pahnih bakah kan thenawm naute hi an rawn chuangkai ve reng thin a, chungho chu a lei kep ve ni hmiang ka ti mai.
"Leisak vak an ngai lo, chaw a ei theih tawh ania" ka tih leh takah chuan min rawn zui ve vat a, a thil khai thenkhat chu ka lo kenpui ve thuai bawk.
Naupangho chu an lo lawm thiam ve ngang mai a, U Hlimi pawh a inthlahrung deuh aniang "Leisak an ngai lo asin" a ti leh thin a, thenawm naute zawng zawng nen phei chuan an tam ve em a ni.
Tukthuan ei khamah ka nu leh pate thlan tlawh kan rawt a, naktuk maiah kan let leh tawh dawn avangin tihfai ngaite pawh tihfai vek kan rilruk a ni.
Ka nutei te chhung bakah keini thianho chu U Mama'n min phur a, Rintea chu a cham rei deuh bik vangin ka thiantha ngawt a nilo tih an hrethiam ve tho a, ka nutei te lam pawhin an fak ve viau mai.
Ka nu thlan la tharlam tak chu hmuh a nuam mawlh lo, a bula hnim tho te pawh tawi te tak tak chauh an la ni a, han cheimawi vak theih pawh a la ni lo.
Ka pa thlan pawh ka u te nupa in an enkawl uluk bawka tihfai a hautak lo a, pangpar te thlakin a bul vel te chu kan han hawl fai leh thuak thuak a, ka nutei mawlh chu a insum thei leh peklo.
Ka nu thlan hmaah chuan thu in a tap leh tap fap tawh a, keipawh chu ka hnar a thip vut tawh a, tah chhuah rihloh erawh ka duh.
Riny leh U Mama an titi mawlh mawlh laiin Rintea chu ka bulah a rawn ding hnai a, "Thihna vang hi chuan kan la na dawn chauh a, a rei tulh tulh anga kan khawharna te pawh a zual tulh tulh ang, mahse a la dama te hi chu hmalam pan zel tur kan nia, vanduai bik riaua i inhriatna te kha paih bo daih tawh rawh, hmangaihtu tam tak i la nei a, hmachhawp pawh tam tak kan la neih kha" a ti sup sup a,kan vanduaina tawhte hian min ti chau ve em a, thu ril leh thum tak takin min hnem ve ngailo mah se ka bula a awm ve ringawt pawh hian ka thlamuanpui ve em a, ka tan chuan a hlu lutuk.
Zanah pawh chuan min thlahna angreng deuhin ei tur an siam a, U Hlimi eisiam thiam ngang a ni bawk a, chow ringawt pawh siam tui thei tak a ni.
Ka nutei te an motor in an haw dawn a, keini thian thum erawh sumo in kan haw ve thung ang.
Zing thawh hma a ngaih avangin mut hma an rawt hlawm a, dar 10 ah chuan an mu reh thap tawh hlawn.
Riny nen ka khumah kan mu dun a, Rintea chu sitting room thutthlengah a mu thung. Dar 11 a ri a, ka mut a la chhuak ve thei lo, Rintea message ka thawn chuan a lo la muhil biklo aniang chu rei lo te ah min rawn reply a, "Titi dun I duh em?" a rawn tih chuan ka tho chhuak rang viau mai.
Thawm dim deuhin pindan kawngkhar chu ka hawng a, a mut thinna thutthlenga a lo thu ka hmuh chuan tawi te in ka nuih a, pawn lamah kan inzui chhuak thuai bawk.
Kawtzawla ka pa in thutthleng a siamah chuan kan thu dun a, boruak a thiangin vanah chuan arsi an lang pe tuar a, khawpuiah hmuh tur a awm ngailoh vang nge hetianga arsi pe tuar han hmuh hi chuan ka lung a leng riau zel.
"I muhil thei nange?" a lo tih chuan bu nghatin "Ka mut a chhuak thei lo" ka ti hap a, ka kut chu rawn vuanin a hum zui rauh rauh a, kan ngawi rei viau mai.
"I la awm duh em?" tia min zawh chuan za lo deuhin ka lo then sak a, "A theihloh alawm, ka hna chawl reng thei ka nilo a" ka ti sap a, "Chhel deuhin awm ang che Malsawm" a tih chuan ka en phawk deuh a, mahse min en ve lem lo.
"Chhel takin awm la, hmangaihtu i nei tih hria in mahni inkhawngaihna rilru kha pu ngai hauh suh" a ti leh sup sup a, heng thil a sawi chhan hi ka hrechiang ngang mai.
Ka patea te hnena lehkha zira ka awm lai khan hrehawm ka ti thei em em a, nu leh pa te hmuh phak loh ah, chhungkaw dang finin ka han khawsa ve kha chu harsa tih chang ka ngah thin.
Ka lunglen leh khawhar deuh changte khan ka tap mai thin a, mahni inkhawngaihna ka nei nasa ka tih tawh kha, kha ka rilru hrisel lohna khan ka taksa hriselna thlengin a lo nghawng vek hi a lo nia, tlang hri pawh ka kai hma thin khawp mai.
"Kan inkalsan tawh dawn lo a tiraw" nui deuh chunga ka lo tih chuan min rawn en in a nui ve suk a, "Thihna chauh lo chuan" a tih hnuah damraih leh lungchim em em in min fawp zui a, ani hi ka kianga a awm chhung chuan ka mal ngai lo ang tih ka hria.
Cont...
Show post links
Top
By Ziki nu
Chapter-18
"Awi ka duh theilo Mate, intipachang rawh aw, engtinnge ni dawn Mama?"
U Mazari pawh chu a chiai hle tih a lang reng, ka banah hmer chawt chawtin u Mama chu a be mawlh mawlh a, mahse ka u pawh chuan chhanna a pe thei chuanglo.
Min thawng teh thut lutuk a, hetianga rang hian ka nu in min kalsan mai ang tih ka la ring chhin ngai lo.
Pathianni tlai a ni a, kan hun tawng hrehawm leh rapthlak zet chu engtianga han paltlang chi nge maw ni dawn le...
Ka u chu u zawk nge nge a puitling zawk a, in lama kan chhungte leh Aizawl lama ka putea te ho pawh a phone kual zung zung a, keichu chet nachang pawh ka hrelo. Ngawi rengin ka nu an rawn nawr chhuah hun chu ka nghak ngawt ngawt a, u Mazari chu a tap reng mai a, chuti chung chuan min hnemna thu a sawi ve mawlh mawlh tho.
"Ka nu chu a hahdam tawh alawm, a natna kha a lo na em a, tunah chuan Pa angchhungah thlamuang takin a chawl tawh alawm" a tih laite chuan a khur ve zawih zawih reng a, kei erawh rilru na viau e tilo chuan ka mang duk a, ka mittui a tla thei der lo.
Ka thin a tawtin ka รขwm chhung chu a na ngut ngut a, nunna nei tawh lo ka nu damdawi in khuma an rawn nawr chhuah lai te chuan ka thawk a chham thei hial dawn in ka hria.
A hmui bawr chu bandadge in an tuam a, chutichung chuan a mit hnuai khur duk leh a hmai dรขng lapte chu chiang takin a hriat theih a, muangchanga a biang ka va dawm chiah chu ka kut ka la let rang ngang mai.
A biang chu a hit thlur a, ka nu, pang tilum ngah em em thin taksa ah khan tunah chuan lumna reng reng a awm tawhlo, mitthi, he khawvela nungdama kan hmuh leh tawh miahloh tur te ang chiah hi a ni.
"Ka pute Rama leh nutei te ka be tawh a, an lo kal nghal dawn, lo thleng phawt sela haw chhoh dan tur chu kan rel leh zawk dawn nia" tiin U Mama chuan U Mazari a hrilh sup sup a, a tap lo na in a ni pawh chuan a tuar thiamlo hle tih ka hria.
A natna kha eng chiah nge tih hre chhuak thei lo mah ila dam taka haw pui leh kha a tum ruh viau a, hetiang thil a thlen hi chu a ni pawhin a ring phak biklo ang.
Kar lovah pute Rama te chu an rawn thleng a, an hnungah ka Nutei te chhungin an rawn zui bawk. U Mama chuan a lo be lumlam thuai a, kei erawh chu ka thutna ngaiah thu in ka nu kut hit em em chu ka hum ngawt ngawt thung a, an rorel pawh chu ka hre fumfe ve lo.
"Mate, Rintea i hrilh ve tawh em?" tia U Mazari'n min rawn zawh takah chuan ka phone chu ka phawrh chhuak sawk sawk a, tawngchhuah chu harsa ka tih em avangin u Mazari bawk chu phone ka pe leh a, thawm a tam tak deuh avangin an inbiak dan pawh chu ka hre zui ve lo.
Ka putea chuan kan khaw lama inphurh chhoh nghal mai chu tha a tih thu a sawi a, tunah khua a thim tawh a, zanriah ei hun awm vel tak a nih ka ring. Zinglam ah chuan kan khua kan thleng ve mai dawn a, keipawhin Aizawl lama awm khawtlai leh rih ai chuan haw chhoh nghal mai chu tha ka ti zawk.
Ka pute Rama leh U Mama ten doctor an hmuh leh laiin nutei chu ka bulah a rawn thu ve a, a tap rawng rawng a, ka nu te unau hi hmeichhe pahnih chauh an nih avangin a tuar viau pawh chu ka hre thiam. Ka nu nu, ka pi kha a boral hma avangin ka nutei tan chuan ka nu kha a nu tak ang mai a ni a, duat pawh a duat ve viau a sin.
Chhungkhat leh thiantha te pawh an rawn thleng zut zut a, ka patea te lam pawh an rawn lang ve thuai a, kan khaw lam thlenga min zui chhoh ve an tum a ni รขwm e.
"Mate.. Rintea leh i thian dangte pawh an lo thleng tawh a" tia U Mazari'n ka beng bula min rawn hrilh ruk lai chuan ka lo hawi chhuak ve thuai a, Rintea leh Riny bakah Aruata leh Nunpuia te pawh ka hmu a, an beng var khawp mai.
Puitling an awm vang nge min rawn pawh lawk lo va, pawn lama ka nu ruang an nawr chhuah laite chuan tap rawi rawi ri a awm reng a, keichu ka la tap thei lo fo.
Ka chhungte chuan kan awm dan tur an sawi zel a, ka thianten min rawn zui dawn tho na in ka nu ruang hlata awm chu ka duh lo.
U Mazari leh ka nutei te nen ruang phurhna motor ah chuan kan chuang ve a, zinkawng hrehawm leh thui ber a la ni hial ang.
Zing dar 3 velah kan khua kan thleng a, kan kawt zawla kan tlan luh lai chuan inchhung lamah thalai rual an lo zai thap thap thap a, pawn lamah chuan tlangval thenkhat leh thingpui lumho ni รขwm tak an lo awm ve bawk.
Inchhunga ka nu an zalhna kuang an zawn luh laite chuan chhungte leh ka nu thianthate chu an lo tap leh rawih rawih tawh a, kan inchhung pawh an lo tifel duak tawh a, ka pa boral tuma a awmdan ang chiah khan..
Kuang bula ka thuthlak hnu lawkah ka bulah chuan Rintea a rawn thu ve a, hnung lamah Rimy leh midangho pawh an rawn thu ve a, min be lo a, keipawhin ka be lo.
Ngawi rengin nunna nei tawh lo ka nu hmel chu ka en ngawt ngawt a, khawvar ruala han thlahliam mai atan chuan ka phal thei lo.
'๐๐ฉ๐ถ ๐ณ๐ข๐ฎ ๐ฏ๐ถ๐ข๐ฎ๐ข๐ฉ ๐ค๐ฉ๐ฉ๐ถ๐ฏ๐จ๐ฌ๐ช๐ฎ ๐ต๐ฆ๐ข,
๐๐ข๐ฏ ๐ช๐ฏ๐ฌ๐ฉ๐ข๐ธ๐ฎ ๐ฉ๐ถ๐ฏ๐ข๐ฉ ๐ค๐ฉ๐ถ๐ข๐ฏ;
๐๐ฆ๐ณ๐ข๐ฎ๐ฏ๐ฐ ๐ง๐ข๐ฌ๐ช๐ฏ ๐ฌ๐ข๐ฏ ๐ป๐ข๐ช ๐ข๐ฏ๐จ,
๐๐ฉ๐ญ๐ข๐ณ๐ข๐ถ ๐ค๐ฉ๐ข๐ธ๐ญ๐ฉ๐ฏ๐ข ๐ณ๐ข๐ฎ๐ข๐ฉ.
๐๐ถ๐ฏ๐จ๐ฅ๐ถ๐ฉ ๐ช๐ฏ๐ต๐ฉ๐ฆ๐ฏ ๐ข ๐ข๐ธ๐ฎ ๐ต๐ข๐ธ๐ฉ ๐ญ๐ฐ'๐ฏ๐จ,
๐๐ฎ๐ข๐ฏ๐จ๐ข๐ช๐ฉ ๐ณ๐ข๐ฎ ๐ฏ๐ถ๐ข๐ฎ, ๐ต๐ฉ๐ญ๐ข๐ณ๐ข๐ถ ๐ค๐ฉ๐ข๐ธ๐ญ๐ฉ๐ฏ๐ข ๐ณ๐ข๐ฎ๐ข๐ฉ.'
Thalai ho ina an hlasak chu ka thinlungin ka lo sakpui ve mawlh mawlh a, chhungkim taka kan len leh theih hun tur chu vanram kan thlen ve hunah chauh a ni tawh ang.
Rilru ah 'Fahrah' ka nih thu ka han hrechhuak zui a, ni e, tunah chuan nu leh pa tia koh tur ka nei ve tawh lo.
Min hmangaih em emtu ka nu leh pate khan vanramah min lo nghak dawn a, mahse he khawvel hrehawm taka an tello a awm tura min kalsan mai erawh hi chu hriatthiam harsa ka ti a ni.
Hmachhawp leh hmachhawn tur hrang hrang ka la nei a, an mi fuihna leh tawngtaisakna te kha ka la mamawh dawn chauh a, ka tana engkim min tihsak hnuah ka enkawl let ve hma in min kalsan leh daih a, he khawvela an damchhung zawng khan ka nawmsakna turin theihtawp an chhuah a, hrehawmna leh retheihna chauh an chan anih laiin heti hian an kal leh mai si a, an duh leh awh tam takte kha leisak ve hman tal ila ni tur....
Ka thil ngaihtuah vang chuan ka inrin hma in ka tap chhuak ve ta hawk a, ka chhehvel mi ten ka nu an tah hla te chuan ka mittui a ti sur ve zung zung bawk a, ka nu ka sรปnna mittui chu ui hauh lovin ka luantir ve thei ta.
Khawvar lamah thalai ho chu an haw tan a, chutih rualin nu leh pa te an rawn thleng khawm ve tak tak bawk a, mizo nih nawmna leh thlamuanthlak zia chu chhiat ni kan han thlen chiah hian a fiah leh zual thin.
Khua a han var tak ah chuan kar lovah hun a kal zung zung a, zunram thiara ka tho chhuak ve tih loh chuan ruang ka kil chawt a, ka bulah Rintea chu a awm tlat bawk.
"Riny te kha va zui rawh, thingpui te va in ve la" ka tih pawhin a lu a thing tlat a, dinhmunin a zir miau loh avangin han inngaihsak vak theih a ni lo a, ka thiante pawh chu anmahni in an lo inbuaipui ve nawk nawk mai tur ah ka ngai.
U Mama leh U Mazari chu kawng engkimah u chan an chang hneh ngang mai a, hmun dang atanga kan chhungte lo thleng khawm pawh an lo dawngsawng mawlh mawlh a, ka pa te lam atang pawhin ka ni te hmel ka hmu ve nual.
Pastor in vuina hun te a hman zawhah thlalakna hunte kan hmang a, keichu ka tap leh thei tawh lo, ka thinlung a na ngawih ngawih a, ka tap theilo te hlei hlei chuan min run lehzual ting mai, a tana ka hlan theih hnuhnung ber chu ka mittui hi a ni ta mai si a..
***
Karkhat zet liam tawh mah se khawharna chuan min chenchilh tulh tulh emaw tih mai tur a ni, chhungkhat laina te pawh an haw darh leh tawh hlawm a, ka nutei te chhung erawhin min la awmpui ve rih thung.
U Mama nupui U Hlimi ka fak lo thei lo ang, fapa pahnih harh zet mai an nei a, chuti chung chuan inchhungkhur chetah kan tluk thei meuh chuanglo, a che sawk sawi a, a mawng a zangin mi han biak lumlam vel a thiam bawk a, chhungte fak pawh a hlawh viau reng a ni.
Rintea leh Riny ten min la champui ve a, Aruata leh Nunpuia erawh kan vui liam tuk khan an liam thla leh nghal a, min lo zui haw ve chu mumal pawhin lawmthu ka hrilh hma ta lo kha a nia, Aizawl lama kan let thlak leh hnuah ka sawi tawh mai aniang chu.
"Khawiah nge i thianpa kha a awm Mate, saw chaw ei an peih tawh asin" tia ka nutei'n min rawn koh lai chuan Riny nen kan chhungkaw album hlui kan lo en dun mek a, "Nichin kha chuan veranda ah sawn phone a hmangin ka hria" ka thiannu in a tih avangin ko tur chuan ka chhuak phei a, mahse naupangho bak chu ka hmu lo.
Ka call lah chu a chhang thei hauhlo a, ka zawn kual deuh hnu chuan kawmchhak lama eichawp dawr atanga a rawn chhuak mek nen kan intawk a, nepnawi eng eng emaw a rawn pawm chhuak teuh mai.
"Chaw kan ei tawh dawn asin, ngatinge khati vak vaka tam i lei a?" ka tih chuan "Naktukah kan haw tawh dawn sia, naupangho ka leisak ve anih hi" a lo ti mai a, ka vahte pahnih bakah kan thenawm naute hi an rawn chuangkai ve reng thin a, chungho chu a lei kep ve ni hmiang ka ti mai.
"Leisak vak an ngai lo, chaw a ei theih tawh ania" ka tih leh takah chuan min rawn zui ve vat a, a thil khai thenkhat chu ka lo kenpui ve thuai bawk.
Naupangho chu an lo lawm thiam ve ngang mai a, U Hlimi pawh a inthlahrung deuh aniang "Leisak an ngai lo asin" a ti leh thin a, thenawm naute zawng zawng nen phei chuan an tam ve em a ni.
Tukthuan ei khamah ka nu leh pate thlan tlawh kan rawt a, naktuk maiah kan let leh tawh dawn avangin tihfai ngaite pawh tihfai vek kan rilruk a ni.
Ka nutei te chhung bakah keini thianho chu U Mama'n min phur a, Rintea chu a cham rei deuh bik vangin ka thiantha ngawt a nilo tih an hrethiam ve tho a, ka nutei te lam pawhin an fak ve viau mai.
Ka nu thlan la tharlam tak chu hmuh a nuam mawlh lo, a bula hnim tho te pawh tawi te tak tak chauh an la ni a, han cheimawi vak theih pawh a la ni lo.
Ka pa thlan pawh ka u te nupa in an enkawl uluk bawka tihfai a hautak lo a, pangpar te thlakin a bul vel te chu kan han hawl fai leh thuak thuak a, ka nutei mawlh chu a insum thei leh peklo.
Ka nu thlan hmaah chuan thu in a tap leh tap fap tawh a, keipawh chu ka hnar a thip vut tawh a, tah chhuah rihloh erawh ka duh.
Riny leh U Mama an titi mawlh mawlh laiin Rintea chu ka bulah a rawn ding hnai a, "Thihna vang hi chuan kan la na dawn chauh a, a rei tulh tulh anga kan khawharna te pawh a zual tulh tulh ang, mahse a la dama te hi chu hmalam pan zel tur kan nia, vanduai bik riaua i inhriatna te kha paih bo daih tawh rawh, hmangaihtu tam tak i la nei a, hmachhawp pawh tam tak kan la neih kha" a ti sup sup a,kan vanduaina tawhte hian min ti chau ve em a, thu ril leh thum tak takin min hnem ve ngailo mah se ka bula a awm ve ringawt pawh hian ka thlamuanpui ve em a, ka tan chuan a hlu lutuk.
Zanah pawh chuan min thlahna angreng deuhin ei tur an siam a, U Hlimi eisiam thiam ngang a ni bawk a, chow ringawt pawh siam tui thei tak a ni.
Ka nutei te an motor in an haw dawn a, keini thian thum erawh sumo in kan haw ve thung ang.
Zing thawh hma a ngaih avangin mut hma an rawt hlawm a, dar 10 ah chuan an mu reh thap tawh hlawn.
Riny nen ka khumah kan mu dun a, Rintea chu sitting room thutthlengah a mu thung. Dar 11 a ri a, ka mut a la chhuak ve thei lo, Rintea message ka thawn chuan a lo la muhil biklo aniang chu rei lo te ah min rawn reply a, "Titi dun I duh em?" a rawn tih chuan ka tho chhuak rang viau mai.
Thawm dim deuhin pindan kawngkhar chu ka hawng a, a mut thinna thutthlenga a lo thu ka hmuh chuan tawi te in ka nuih a, pawn lamah kan inzui chhuak thuai bawk.
Kawtzawla ka pa in thutthleng a siamah chuan kan thu dun a, boruak a thiangin vanah chuan arsi an lang pe tuar a, khawpuiah hmuh tur a awm ngailoh vang nge hetianga arsi pe tuar han hmuh hi chuan ka lung a leng riau zel.
"I muhil thei nange?" a lo tih chuan bu nghatin "Ka mut a chhuak thei lo" ka ti hap a, ka kut chu rawn vuanin a hum zui rauh rauh a, kan ngawi rei viau mai.
"I la awm duh em?" tia min zawh chuan za lo deuhin ka lo then sak a, "A theihloh alawm, ka hna chawl reng thei ka nilo a" ka ti sap a, "Chhel deuhin awm ang che Malsawm" a tih chuan ka en phawk deuh a, mahse min en ve lem lo.
"Chhel takin awm la, hmangaihtu i nei tih hria in mahni inkhawngaihna rilru kha pu ngai hauh suh" a ti leh sup sup a, heng thil a sawi chhan hi ka hrechiang ngang mai.
Ka patea te hnena lehkha zira ka awm lai khan hrehawm ka ti thei em em a, nu leh pa te hmuh phak loh ah, chhungkaw dang finin ka han khawsa ve kha chu harsa tih chang ka ngah thin.
Ka lunglen leh khawhar deuh changte khan ka tap mai thin a, mahni inkhawngaihna ka nei nasa ka tih tawh kha, kha ka rilru hrisel lohna khan ka taksa hriselna thlengin a lo nghawng vek hi a lo nia, tlang hri pawh ka kai hma thin khawp mai.
"Kan inkalsan tawh dawn lo a tiraw" nui deuh chunga ka lo tih chuan min rawn en in a nui ve suk a, "Thihna chauh lo chuan" a tih hnuah damraih leh lungchim em em in min fawp zui a, ani hi ka kianga a awm chhung chuan ka mal ngai lo ang tih ka hria.
Cont...
Show post links
Top