THINGTLANG PA ZUN BY Piani Thlauhthang Piani (Completed)

[ngaia]

Chapter 18



" Mate, hei mate, harh teh i harh em" ti a min sawi dat dat tu an awm vang chuan chau zet hian ka meng chhuak riai riai. Ka nu hmel ka hmuh rual in ka mumang mai ani tih ka hre zawm nghal zat. Ka thawveng hawk rual in hlauhthawn ruk riau na ka nei " i rum nasa lutuk a"! tiin parda hlim in ni eng alo lut nghal zat.









Ka mumang vang khan nge ka tho nuam lovin ka hah em em a ka chauh nghulh hi ani ber, " na i nei ami enge khatia i awm deuh vung vung" tiin anu chuan min en chung in atih zawm zat , thawk chhuah hak pah hian" nizan ka mumang vang maw le" tiin ka tho chhuak nghal a" enga mah ngai suh thlasik mumang te zawng ain let thin nia, in phih fai la ipa in tukin chu chhungin khawm hman atia lo chhuk thla vat ang che " tiin a chhuak zui ve mai a









Ka rilru a lang hmasa ber chu tih zawm zat in ka phone ka on eng nghal a. Rammuanpuia massege lo awm va ka hmuh chuan thawk khat chu a veng deuh hawk. " Good morning i tho nuam maw bawihte " tih te mai hi ani mahse he thu hian eng tiang chiah a nasa in nge min thlamuan a hre kher lovang.









Text mai duh lovin ka call ngat rei fe a ring hnu a aw thum dut ka biak duh leh ka ngaih em em chuan" aw bawihte "ati sup a aw atak ngei a ka hriat leh chuan ka mumang lama ka thlabar zia kha min ti hre chhuak a ka thaw chhuak hak. Ka chhan mai loh vang nge amah bawk chuan" Bawihte na i nei em ni ? Nge i tap zawk ami i tha em " tiin a thaw ri hrawi a








A aw a min ngaihtuahna lang chhuak te chuan amah ka thlakhlel na ati zual, a bulah awm ila chuan tunah te hian min kuah leh hlun anga a khat tawk in ka chal a fawp lum leh vung vung anga. Ka thusawi te uluk takin a ngaithla tih hriat zet in hma lam en in a mitmeng cool ruih leh min hmangaihna a khat mitmeng khan min en leh awm sia.










" bawihte "atih chhuah leh hulh takah chuan a tan pawh a harsa ve dawn tih hre chhuak in zangkhai thei ang ber tur hian " bawihte nilovin hmangaihnu zawk aw " tiin ka nui chhuak hak ani pawh ka thusawi vang nge ka nuih vang zawk tih pawh hriat loh hian a nui ve hawk hawk.









" a dik hmangaihnu a dik e" tiin kan ngawih tak rengah chuan zawi deuh sep hian" ka ngai che thingtlangpa" ka ti deuh hliai thum deuh sup chung hian" ka ngai lutuk che tawngka mai nilovin chetzia a lan tir" atih lai chuan ngawi leh daih in ka lo then sak." sawi zawm la" tiin ka nui leh hak nui ri ve suk chung hian" mass leh kumthar te hi hmang zo ila Palai lam lo tirh kan rilruk deuh asin " atih takah chuan ka ngaihtuah zui rauh rauh.









Ka chhan loh vang nge " bawihte ka sawi kha ka nawr lui dawn lo che, i in peih hun a ani mai" atih takah chuan rang deuh tak hian " Ai lo tir rawh" ka ti chhuak vat a thusawi ka chhang rang leh lutuk a keimah zawk chu ka zak leh hnuhnawh. Lehlam a ka biak mek pa nui deuh hawk ri erawh chuan min ti hlim ve veng veng mai.









Rei pawh in be tawh lo chuan in hnuai lamah ka chhuk ve nghal. Ka chhuk thla ka pa in min hmuh chuan min hui phei a ka pan ve nghal mai bawka. A lehkha chhiar lai chu dah tha in ngun thluk zeta min en hnuah ban deuh charh chung hian" mate i thianpa hi i hmangaih tak meuh em" atih takah chuan amah chu ka en zeuh ka kun leh nghal ka buk tak nghauh a chuan bu nghut nghut chung hian.










Nula ve uai e tilo chuan pa te meuhin hmachhana mipa chanchin min han sawi pui chu zam awm ve tak ani. " awle hei kum lamah pawh naupang chhe zawk zawk ini tawh lova, pasal nei rual chu ilo ni ve ta reng mai. Mahse heihi hre reng la pasal neih te hi zan hnih thil thu a thuthlukna siam zung zung chi anilo ania, i thianpa chanchin i nu in min hrilh a inu in a duh a apawmpui thlap mipa chu mipa sual anih ka ring lo bawk. Chuti rual erawh chuan fim takin ngaihtuah la ka duh" ati nghet charh a









" pa rammuanpuia hi mipa sual leh thalo anilo ania, in bel chiang lo mai mai zawk a "ka tih lai mek chuan amah zawk chuan " ka hria alawm mipa rintlak leh in nghahna tlak ani tih chu, mahse thingtlangah daih daih pasal neiin han awm ta la i tlin meuh ang maw" tiin ngun zet hian min en a ka pa zawk chuan rammuanpuia a duh loh hmel ka ti viau








Chu chuan min ti hlauthawng ru viau ka pa hi mizo pa dik tak hi ani a, a lung lian in a duh loh zawng mipa inzawmna ka siam luihpui anih ngat zawng in damchhungin min tuithlar duh hial ang. " pa ka thei em em ang"! ka ti chhuak halh bu nghut hian eng sawi tawh lovin a thu ngawi run a chung te chuan ngaihthat lohna min siam sak.









Choka lama chuan phei in ka nu rawngbawl a lo che vat vat bulah chuan ding in" nu" ka ti sep chawhmeh bai chawh mawlh mawlh pah a lo hawi in " enge" tiin a chawhmeh bawk chu a en leh daih ang lawia " nu apa hian rammuana hi a duh lo ami " ka ti chhuak deuh hak ka pa hmel leh awmdan avang khan ka awm a nuam thei der lo.










" duh lo pawh awm lo tinge enge alo sawi ipa chuan" tiin thutthleng chu pawt chhuak in a thu a, abula thut thlak ve pah chuan " ka sawi thiam lo mahse a duh loh hmel em a " ka ti ta tawp nuih chhuak hak pah hian" a duh loh thu pawh a sawi loh chu a reng reng thu a ipa in a duh loh chuan kei chuan ipa ka thlawp angai dawn tih kha hre sa la i tana tha tur bak i nu leh pa te hian kan ti dawn lo tih hria la " atih tak a phei chuan ka awm a nuam lo zual tak zet.









Ka pa choka a alo luh takah chuan chhungin khawm te neiin chaw kan ei zui nghal a, in khawm tura ka in siam lai in marry-i alo thleng a aphi leh cheng tawh ka khuma thut dar dar pah hian" ramhuai ngaihzawng nei nu "!tiin a nui deuh hak rum zet hian ka en melh rawm rawm " enge ani reng alawm senior tawh lama i hmuh chhun han chhiatzia hi arapthlak zawk "!atih phei chuan ka compact chuan ka tin deuh uai









" hei hei a a suh min vawm tak tak ange "!ati nghal chul " sawi tawh reng reng suh i bialpa ai thlawt chuan a tha , i bialpa te ang chu ka rammuana chuan e a kut khat in a chawi kang va thei ang chu " tiin in ti thei ru zet hian ka en a ner deuh nawng chung hian" a nei te awm tho e mai" atih chuan ka tin leh uai " sawi awm leh mawi te hi hre teh" ka tih hlak lai chuan nui vur vur chung hian









" en teh "atih chuan mit ko san ak in" eng maw en tur" ka lo ti nghal " ngeiawm lo mai teh kima'n vawi khat lai khan ka mawng a tet thu a sawi deuh renga, min fiam nan tak a hmang peih lutuk a ka ning ve bawk nen , tiang hian ka chhang a ka mawng te mahse a luh theih chuan a tawk ka tia min hnek deuh chawrh alawm "!tiin a nui uar uar a " nam feih sawi hi chu nuam iti ber" ka tih leh chuan awlsam fe hian " enge a nuam alawm mipa te pawn a sawn ngam chuan enge keini Aden huan a Pathian in ei phal loh atih ei ngam chin ngat hian kan sawi loh bik lem ang ni" tiin a ding chhuak nghal a










Chan pawh ka chhang buai peih tawh lo inkhawm turin kan in zui chhuak a, biakin in luh hma chuan kan ding a midang te chuan min chibai ve sap sap, Maryi awmna a chuan thawm a zawi theilo ani ber" mari-i chu tihian senior deuhin a ngai angin a chho leh dawn lawm" puian atih chuan ka thiannu ve em em chuan melh rawm rawm chung hian" i hre thlawt lo angel te fan ngai loh ram fang chang a ka phet nasat zia te hi e , mahse eng erawh ka hmu rih lova nakinah nangmah nen ngat hian in "atih lai chuan puia zawk chuan " sawi lo mai teh " ti in a tum nghal hmuk kan nui nghal dar dar.









Hun leh nite chu mihringte chelh din rual loh anih zia langin rammuanpuia palai lo tirh te pawh ka pa chuan tha deuhin thu a a chah thlap a, mizo dan angin lo kal tur in thu an ti tawp kha ania, naktuk sawn rammuanpuia alo kal dawn a mamawh leh eng ilo lei turin. Mut pawh ka mu tha hleithei tawh lo ka ngai in ka thlahlel ngawih ngawih zaikhawm pawh kohhran thenkhat chu an tiak tawha , then khat erawh an la tiak ve lem lo










" mate thu mai mai teh "ka nu in atih hlak chuan ka nuih vur vur " nu masiam hrethiam rawh a pasal ni mai tur vur savawm nghakhlel in khang zan te kha engtin nge a hman liam tih pawh kan hriatpui ve tawp nang" tiin a nui hak hak a ka ngai haw peih tawh lo dar 1 arik vel pawh chuan rammuanpuia te chu an lo la thleng lo . A phone tlang theih silo ka tum bur tawh maryi lawmah atla nge min chhaih min chhaih leh nghal.








" in lo thleng thei maw " tiri a chuan choka atang ka chhuak vat rammuanpuia nu ngei mai chu nui sang hian kawngkhar bula lo ding in alo nui sang a . Anu alo kal tel ve dawn tih reng reng ka hre hauhlo ka hawi vela rammuanpuia hmel reng reng hmuh tur a awm loh vang chuan ka hnual nghal rawih. "mate hei thingpui te kha lo lum rawh" tiin kanu chuan zangkhai fe hian rammuanpuia nu chu thutkhawmna lamah kal puiin a be nghal bawrh bawrh









Kawngkharpui lam ka en a mahse rammuanpuia hmel hmuh tur a awm lo, phur lo leh hnual rawih chungin thingpui chu ka siam a ka zawh rual in thutkhawmna lam pan in ka kal nghal. Mahse ka mi hmuh vang chuan ka ding chawt mak ti leh phawk zet hian rammuanpuia chu ka en ngawt ngawt. " mate enge khatia i din reng lo keng ta che" tiin ka nu chuan ka ding reng chu min lo bia a










In hum ruh tung in thingpui chu an lamah kal puiin ka pe diat diat a, rammuanpuia chuan ka che vel chu uluk zet hian min en reng tih pawh chu ka hmu chiang viau. Thingpui siam sa in a daih loh vang chuan ka Nu chuan maryi chu au in siam leh turin ati nghal a. " matei chu mass i hmang nuam ani ang maw i hmel a eng sar mai " ti tu chu rammuanpuia nu ani









Nuih sei chung hian" hmang nuam pangai e in tha maw in hmang nuam em enge ka pa a an" tiin ka zawt nghal zat " ka pa a" ti tu chu ka nu tak tak zawk ani nie rammuanpuia nu leh pa te hi ka nu ka pa tiin ka ko nghal mai kha ania , dem tu pawh ka nei ve in ka ring mahse koh tur tho tho an hming tela koh ai chuan ka nu ka pa tih kha a awlsam zawk nen ka ko nghal mai kha ania.











" a tha e, ipa pawh a dam e matei hian ka nu ka pa tiin min han ko nghal thei te hi a lawmawm asin aw, nangni zawng in enkawl dan in a zir bawka a fel in sawiselna lai tur hi a awm lo" tiin rammuana nu chuan a tih zawm zat a ka nu nen chuan an titi nghal a, kei leh rammuanpuia erawh chu kan ngawi ngal thung. Min en reng tih hre mah ila biak emaw en ka tum tawh lo.








Thingpui lo chawi phei mek in rammuanpuia a hmuh chuan a ding ve chawt. Mi a ang mai hian" awi leh" ati hliai leh nghal " enge khatia i au vak" ka nu in atih chuan mak tihna a khat a min en in" engmah mawle" tiin thingpui chu rammuanpuia pe in a bang zawng chu dawhkanah a dah a ka bula lo thutthlak pah hian" sawpa saw i bialpa ram savawm kha ani lo ami" alo tih sa sa chuan rammuanpuia chu ka en zeuh









Ram savawm han tih kher rammuanpuia chuan min en tawh lovin ka nu biakna chu a chhang ta daih a , ka lawm ru viau henu thusawi atthlak set kha hriat nuam ni mawlh hek lo. Ka melh rawm rawm lai chuan zawi fiah deuh tak hian" tunah choka a min lo zui rawh" tiin choka lam panin a kal nul nul a rammuanpuia chu melh leh zeuhin nui suk chung hian min lo en a ka hawi sawn nghal hmak.










" awi ava mak ve saw saw kan ram savawm pa kha ani tak tak em" ti chul tu chu ka beng deuh awk a zi nghal al al chu thutkhawmna lam melh zeuh pah chuan" i a thei e an lo hria anga sin tawng zawi ve deuh rawh, chuan ram savawm nilovin nakin lawka ka pasal ni mai tur rammuanpuia sailo anih saw aw " ka ti ve nghat ner deuh sawk chung hian" amah tan chu ipe na ve e " ti a lo thu thla ve in " ava pa ve " atih tak daiha chuan ka chhang lem lo









Ka lawm hlawl lo tuna a lan dan thar saw ain hmeh lutuk, mahse engmah min rawn hmasa lova sawtia a sam alo tan tir te a biang hmul te a khabe hmul te chena alo ti danglam chuan min ti lawm lo. Amaha thuneihna ka nei ve lo ni mai hian ka hria " iva lawm loh hmel ve a that em saw sawti saw chuan mipangai te pawh a ang ve tawh alawm" atih chuan ka melh nghek nui ver ver hian" tak takah " sawtiang sawn tih daih tawh tur ania apa thlawt ka duh chi min duh lo tur chi" tiin a nui uar uar a









Aw thian kharh ri kan hriat rual chuan kan leh hawi a rammuanpuia hi alo ding run a, hawisawn vat in dawhkan chu ka melh ngar a maryi chu mi a ni hek lo chhuanlam siamin a kal sawn ta vat a, ka dar a kut hrawl zet in alo hmer salh chuan min vawnna lai chu ka phen thla nghal. Rum nghut hian a ngai te bawk chuan hnungzawng in alo hmer leh a thinrim lawm lo lutuk a ding deuh uai chung hian kan in hmachhawn ta ran.









Rum deuha ka en lai chuan ani erawh chuan dam dap leh hmuh nuam zet hian min en a, " hmangaihnu "atih thum sup rual chuan rang fe hian" kal mai teh" ka ti nghat ka thusawi naupangchhia zet vang chuan pawi erawh ka ti hnuhnawh . Nui ri suk hian alo pen hnaih hret a ka tawlh hnung nghal dawr. Alo pen zel vang chuan amah chu en chho in ani erawh alo nui suk a .










" enge i hriat" ka ti chhuak halh tawlhna tur a awm tawh loh vang in ka awn deuh uai chu ka kawng zawnah a kut lian leh hrawl em em thap deuh hrak chu lo zen lut in a awm si chet chuan min kuah bet hlun a. Ka tal feih feih chu hneh zet hian min kuah bet a ka hah vek tawh" awle bawihte enge i lawm loh na chhan sawi rawh le" dam deuh a atih chuan ka ter nghal at












Ka lawm loh chhan min zawt ania a awm zawn atang amah chu en chho in min lo en chhuk in ka chalah chuan a fawp vang vang , ain lak hran rual chuan a mit ko a san ak a " ka lawm loh chhan min zawt maw" ka ti vei nghat bu nghut hian" i lawm loh chhan i sawi loh chuan ka hre thei lo alawm" ati thum sut khang thla kal ta atang khan amizia alo thlak hle tih pawh ka hre chawpchilh nghal.









" i hair style thar te i khabe hmul thar te i biang hmul thar te chu i in hmeh hle mai " tiin ngeiawm deuh hian ka meng kal ralh , engmah a sawi loh vang chuan amah chu ka en chho leh ha nuihzat hmel deuh hian min lo en kur a, ka ngei kher mai ka tal leh nghek chu nghet zeta min vuan leh in" awle awle ngaithla rawh le hmangaihnu" dam dapa tiin ka biang chu a kut hnih in a dawm bet ran a keipawh ka tal chu a tawp chawpchilh ve nghal a










" heng ka sam thar te ka lan dan vang te hian i lawm lo em ni " ati sup ka chhang lo ka lawm loh chhan ber zawk ani miau lo. " bawihte ka hrilh loh na chhan che chu heng ka lan dan vang te hian i buai ve ka ring hauh lo a , hmana nangmah hmangaih em em tu che kha ka la ni reng a miten i hnung lamah an sawi sel che ka duh lo keimah vang ngat phei chuan , miten ka chanchin an sawi hian ka ngai haw ngai lem lo mahse tunah chuan nang i awm tawha ka chanchin an sawi ruala i chanchin an sawi tel ve tur hi ka duh lo, ka hmangaihna che hi a dai dawn lo heng ka lan dan te avang hian buai phah lo la ka duh" ati sup a











" ka buai lo miten engtin pawh lo sawi che sela pawi tihna ka nei lo, mahse min rawn ve hmasa miah lova i duh dan leh ngaihdan i kaltlangpui vang hian ka lawm lo zawk mai chauh ani " ka ti chhuak ve halh ka sam ka benga min zeh sak zeuh pah hian" hrilh che ila nangmah vang a titur angah i in ngai anga kha kha ka duh lo. Nangmah vanga tiang thil te hi ti ni mah ila a dan erawh a dang deuh. Miten an hmusit che leh an deuhsawh che hi ka duh lo ka hmeichhe hmangaihhi miten nuihza fiamthu thawh nan an hman ka duh lo" atih takah chuan ka en ngawt ngawt








Min ngaihtuah vang chauha tiang thil te hi ti ani a, mahse ka hlim phah chuang miah lo nie ka thian te chuan rammuanpuia an hmuh danah fiamthu thawhnan chuan min hmang fo, pawi tihna erawh ka nei lo mahse ani erawh chuan khang te kha a hre vek emaw tih tur in tiang hian a lan dan thleng in a thlak danglam vek a , ka tana ain pek zia te ka ngaihtuah chuan ka hnuk te a ulh dawn lek lek .

❤❤ In chhiar zawh rualin out nghal mai lo in ads a hnuai a mi khu min lo click sak ve hram dawn nia, in fel kha ❤❤
Show post links
Top