OBEDA BY Natasha Hrahsel (Completed)

[ngaia]

CH-18






"Apa chiah chiah an lo ti vek zawk a ahmu apiangin"ka ti let ve sak a,dar chhin zeuhin "ka hmuhdan ka sawi mai ania,tette atanga seilian dun kan nia" a ti leh a,ka fapa hian apa ang lo se a ti ni ber in ka hria.Chu ai mah chuan U Obeda fa nilo se a ti viau zawk ang chu.

"In thenawm ah hian ka kal lawk a,nakin ah pangai zawkin i fapa chu ka la rawn en ang" ti thênin min kal pel a,rawn en ve miahlo mahse pawi tihna ka nei hauhlo.Insawn chhuak tawh mahse tunhma a U Obeda te nen anlo inpawh thin lutuk vang te hian nuam lo minla tih tir tlat.A zia hriatchian tak tak ahar si a,a hmel ka hmuh tawh hi chuan rilru a nuam thei tawh tlat lo.






Kan inchhung kan lut chu api leh pu te anlo ri nghal chûl a,U Lawmi pawhin nau nei ve tawh mahse ani zawng hmeichhia aneih bakah a zawiawi in achaklo lutuk a,tunah pawh hian thut pawh ala thu nghet theilo.
Ka pa te lah naupang a sawp a sawp chi an nia,tih hliau hliau ang kha an thiam ve lo bawk nen Bawihpuia hi angai ve thei thin viau mai.






"Ka tupa hi chu aw,a sa te hi a tha vei nulh reuh a,atlangval hunah ala lian ang chu" chhuang zet hian ka pa'n an ti a, "a mal ah khan an chiu a,dîm deuh la aw" ka lo ti ve thuai.

"Mate,zân mut theihloh in nei ve em?" U Lawmi chuan kan bula rawn thutthlak pahin a rawn ti ve a,Zualbawihi zân lamah a sual thin viau ani awm e.U Lawmi pawh zan mu tha lo tih hriat zetin amit aval kulh alawm.





"Mut thatloh vak kan la neilo,zanlai a atuihal vel hian kan harh ve a nimai" ka ti a.




"Bawihtei hi zan tah a vei tlat a,hnute a peh lohin a tap bâng duh silo.Lawmi han lakchhawk dan vak pawh hi a awm thlawt hrihlo"Ka nu in a tih chuan "a reh ve vat mai ang" tiin ka lo hnêm ve zeuh.Nau sual pawm hi chu alo hahthlak ve dawn em tak anih hi,U Lawmi pawh a cher kawk kawk mai alawm.A rai lai in a sa an that vei nen!







Dar thum vel atang chuan Bawihpuia a tlei duh ta miahlo a! A tre a tre ta mai! Ka nu chuan a vaccine lak ah a puh a,ni pawh anih ngei ka ring.Naute tam zawk hian an tlei loh pui thei viau an tih thin kha maw..
"A pang te hi a sa deuh em lo maw?" Ka pa'n Bawihpuia chal dek zeuh a a tih chuan kan dek ve a,a sat vak pawh ka hrelo.Bawihpuia hi chuan pangtilum angah ve hrim hrim.






Dar li pelh hret ah U Obeda a lo thleng a,Bawihpuia'n alo chhawn tha peih lo lutuk chuan angaih a rawn ti thalo ve chiah.
"Damdawiin ah kan kal mai dawn em ni?"ka nu'n vaccine lak la na an awm thin thu alo hrilh nen a hlauthawng viau mai.

"Naupang dang te pawh an ni thin tho alawm,haw chho phawt ila" ka ti mai a,akhua em ala sik lo a,damdawiin ah pawh kalpui ilang eng teh ual an lo tih theih ka ring hran chuanglo.







Rilru nuam lo deuh chuan kan haw chho a,akhât tawkin ka malchunga thu Bawihpuia chu a rawn melh leh thin.Nidang ah te chuan apa motor a a chuan ve tawh chuan a khek ve raih raih zel kha ania,tunah erawh min ngheng ar ar a,a zawi nguai hi ani ber.Muhil se chuan ngaih atha zawk ang mawle,harh reng chungin a zawi awi lutuk ngaih ati thalo zawk alawm.






Kawtah a tlân lut a,motor a park fel rualin "lo thu lawk la" a ti sup a,amah chhuak hmasa in motor a rawn kal hual a,ka thutna lam hawngin Bawihpuia chu a rawn ban nghal vut bawk.
"Ka pawm thei reng alawm"ti na na chungin ka hnial chuang lo.Tiang te te ah te hian chhungkua min nih tir ve ka ti mai.






Inchhung kan lut chu ka nu'n Bawihpuia alo chhaih nghal a,atum ang chhân na a dawng let lo nge ni ka nu pawh chuan "a vaccine lak chu ala na ve dawn ami a" a ti nghal zat.
"Chawhnu her lam atang khan a zawi awi lutuk a" ka lo ti ve bawk.



"A mitmeng te hi ava diklo ve! A khua asik lo maw?" Ti in Bawihpuia pang an dek chu "e hei! A pang a lum reng alawm.Nachhawkna in pe tawh em?" A ti zui hluai!





Bawihpuia pang chu dek ve zatin "a pangtilum emaw ka lo tia" ka ti chhuak sap a,U Obeda pawhin a dek ve nghal zat bawk.






"Damdawiin ah hruai ang" a tih zui nghut laiin ka nu thung chuan "angai hrih lo ang,naupang tihdan alawm.Vaccine an lak zan te hi chuan an khua a sik ve fo alawm.Damdawiin ah pawh kal pui ula nachhawkna bak an pe chuanglo ang.Mate,nachhawkna pe la,room ah mut pui hrih teh u,hritlang te akai palh hlauh ange" alo ti zung zung a,ka nu sawi ang chuan nachhawkna pe in room lamah kan chhoh pui nghal thuai.


U Obeda chu angaih atha hleithei thlawtlo a,naupang doctor ahmelhriat chu aphone ta nge nge a.Mahse ka nu sawi ang chiah khan nachhawkna pe mai turin leh hlauthawng lo turin alo ti a,U Obeda hmel chu hmuh anawm phah der chuanglo.






Zanriah kil tura min rawn koh hma chu room ah Bawihpuia muhil kan tawmpui ta ngat ngat a,U Obeda chuan amuhil lai chu a thlir leh vung vung thin a,thil dang a tihsan theih biklo.
A fapa damloh vang nge ni a hmel te thleng chuan hmuh hrehawm ka ti a,kei lahin ka fapa vaccine la zo hlim ka lenchhuah pui a,chuta kar ah a khawsik pang sa chu a pangtilum emaw ka lo la ti zui a! Ka va nikhua lo tak em aw...



"Tiang hian alak nat ka ring miah lo a" ka ti zawi sep a, U Obeda erawh angawi reng.





"Lo lenpui lo in inlamah haw tlang nghal ila tha tur" ka tih leh pawh chuan a la tawng chuanglo a,ala ngawi rûn mai! Keimah ka inthiamlohna anasa zual sauh a,ka tah a chhuak ta ut ut mai.

"U Obed" ka ti sep a,min melh ve ta hrâm.A mitmeng rum lutuk vang chuan ka melh rei ngam lo a,hnuailam bih daihin "ka tihpalh lutuk" ka ti zawi sep.Hrehawm hi ka va han ti tak em aw...






"Bawihi" ti supin a thaw zui hawk a,a thutna lamah chuan min pawthnai nghal zatin "ka tihpalh,i tan hmuh hrehawm in ka lo awm em tih ka lo ngaihtuah lo a,Bawihpuia damlo hian ka rilru a luah deuh ani" a ti damthlup a,min kuah nghal hlu hlu bawk.
"Nû nih hi ka tlinlo ngawt mai tiraw?" Ka ti hnawk tuau a,ka tah chhuak viau mahse ka tap bik em hrihlo.ka fapa tan nu nih tlinlo riau a inhriat na ka neih na hian min ti buai a,chu ai mah chuan Bawihpuia damlo hian min ti buai leh zual.





"Hahdam la,thlamuan tur zawk che ka nih laiin ka lo ngaihtuah hauhlo che a,ka thiamloh ani.Hlauthawng lo la,kan fapa ania,a chak tha tih ka hria alawm" ti zawi sur sur in bawihpuia chu amelh leh vung vung thin.A atchilh ve thlawt ani,ka fapa ka hrin ngei ni lo phei se chuan ka thîk thei ngawt hian ania ka rin ni!



/




Dam chuan ni te hi aliam ve zung zung a,kan fapa pawhin kumkhat leh thlahnih na ahmang tan ve mek tawh.Hmanni lawkah apiancham kan lawm a,ka pasal a nu leh pa te tan an tu hmasa ber ani a,keima nu leh pa te lam atang lah an fanu neihchhun atanga an tu hmuh hmasak ber ani bawk a,kan lawm ropui viau mai.
Resort pakhat book tawpin kan then leh rual tha mai nilo kan pa zirlai thenkhat te thlengin an rawn tel nawk a,khual khua atanga rawn kal lah an tam bawk.U Jeneti te chhung pawh an rawn lang ve bawk a,U Jeneti ber erawh cake zai dawn lai a ka hmuh zuai bak kha ahaw ta daih nge ni ka hmuh zawm leh tawhlo hrim hrim.


Bawihpuia chuan present a dawng tha in a dawng hnem khawp a,toys ringawt pawh kan room a hnawk hnur tham a dawng.A khalh thiam pangai hma atang hauhin a pi leh pu mai nilo ka pasal ngei pawh hian an lei ngun malh malh khawp a,a toys dawn ho thenkhat phei chu akhalh thiamloh tur chin ho ka la dahtha tawp.Miin duhsak a an rawn pek ani ve si a,lo sem ral ngawt kha adik thei in ka hrelo ani.

Kan pa ve thung chuan "Kum chanve te han kawl ila,amamawh leina tur nei silo te hnenah kan sem kual dawn nia.Mi thilpek hi chu man tlawm te pawh nise hlut ve hi atha a,kan kawl that hnu ah amamawh zawk te hnena kan sem anih chuan apetute lakah pawh inthlahrun ana lo deuh ang chu" a ti a,a dik viau chuan ka hria.Mi thil pek hi chu eng ang pawh nise hlut hi atha a,midang tanpui leh na tur pawh ni tho mahse reilo te tal kan lo kawl ve khan kan hlut ve zia a ti lang.






Tlai khat chu U Obeda a rawn haw tlai khawp a,Bawihpuia pawhin pawnlam amelh amelh ve tawh mai.Mak deuhin Bawihpuia hi apa rawn haw hun awm velah hian pawnlam a chhuah a ti ziah a! A rawn haw hun a lo hre ve thlap thin te chu mak kan ti thei khawp.Apa lawmah a tla ve thung a,a rawn thlen tawh reng hnu ah pawh Bawihpuia nen pawn lama kan lo awm lo anih chuan inchhung a rawb lut lawk duh ngailo reng reng.





"Pa..Pa" fiahlo zeta bawihpuia'n a tih chuan ka nu zawkin "Han call mai teh,ava rawn thleng har bawk ve mawle" arawn ti a,dar nga apel tawh tlat a tin ni.




Bawihpuia chu pawm kâng nawlhin U Obeda chu kan call a,a chhang thei lawk lo lehnghal.
A ring ral thak hnu ah ka ngaih thalo chuan ka call nawn leh ngat a,a la ve ta hram.

"U Obed,ilo la thleng hnai lo em ni? Bawihpuia hian a nghakhlel tawh lutuk che a" ka ti nghal var.




"Bawihi,hei ka la rawn haw lo.Kan awm hnufual lawk a,thawhpui te ho in zanriah eichhuah an rawt tlat pek anih hi" a aw atang chuan a tih hmel viau loh.
"Awi anih chu, ilo sawi silo a" ka ti sap.





"Nia,meeting kan zo chiah a,kan kaldân phung lamah meeting kan nei a,phone ka khawih hman ve chauh a" a rawn ti leh a,rawn haw a duh viau laiin a thiante ahnial hreh tho bawk sia nga,ka hrethiam amizia nen midang han hnial phawr phawr chi ani ve tlatlo.

"Umm, i rawn thleng har sia kan ngaihtuah deuh che mawle" ka ti ve leh mai.





"Rawn haw daih chu ka duh mawle" a tih sup laiin athawhpui te niawm tak tak in an au thawm ka hria a,"Aaa U Obed, i thawhpui te ho in an tih tlat chuan zui mah la apawi hleinem.Tumdang ah i tel ve ngai bawk silo nakin ah nuam ila tilo palh ang" ka ti ta luam a.A thawhpui nupui fanau nei ve tawh tho te pawh professor ho thil tihkhawm na ah hian an tel ziah a,a chhang chhe lo ber hi a tel ngai hauhlo thung.Zanin chu tel ve mahse pawi tihna ka nei hauhlo,rual pawl loh lutuk pawh hi atha lo.






"Ka theih anga hma a rawn haw ka tum dawn nia" a thiante ahnial hreh ve ngang ni tur ani a rawn ti ve ta sup a."Umm, kan lo nghak dawn che nia" ka ti ve mai bawk.
Kan inbiakna ka tih tawp hnu in ka nu hnenah chanchin ka hrilh ve a,ka pa room atanga rawn chhuakin chanchin min rawn zawh ve leh chuan ka nu in alo hrilh chhawng ve leh a, ka pa pawhin "a thawhpui te nen inpawh tlanna ani a, atha viau ang chu.Chutih rualin tianga thil tih hut hut fo hi a tha ber lo thung.Kum khatah tum hnih thum vel ti se a tawk viau mai" a lo ti ve charh charh.






Zanriah ei kham lamah Judy nen pudding kan siam a,Bawihpuia erawh ka nu leh pa ten thutkhawm na lamah anlo awm thung.





"Keichu balhla ai ah thingfanghma telh hi tui ka tia,U Obeda hian a ei duh silo a kan telh ngailo thung a"Judy chuan apple chan pahin a ti siam siam a,keiin cherry chu ka lo chan ve bawk.

"In siam hrang mai lo anih chu,keichu thei lamah hian ei duhloh ka nei vaklo"ka tih chuan nui hakin "Ka û te chu maw,ahma te chuan sâ te hi a si duh ngai hleinem.A ten tlat zel a,a upat deuh hnu hian a ei lui ta mai mai zawk alawm" a ti a, a nih duh hmel viau mai.U Obeda hian sâ kan hmeh hian hrang khat aia tam hi a ei ngai meuhlo.A chang chuang hrang khat pawh hi a phel leh thlap zawk thin.






Bawihpuia mutchhuak chu aham bai bai reng a,dar kua a pel tawh a U Obeda lah in rawn haw tih ala nei silo.
"Mâ, Pa" fiahlo zet hian Bawihpuia hian arawn ti leh thin a,a chak tha kan tih viau laiin a piancham ah nghet lo zet hian akal ve chhaih chhaih thei chauh a,tunah pawh ala kal nghet lo khawp mai.'Pa' tih a sawi thei hmasa ber a,tunhnai ah 'mâ' tih a sawi thei leh a,api leh puten inkoh tir an tum erawh chuan a duh derlo thung a,a duhloh na lamah hi chuan a tih luih theih thlawt loh.






U Obeda chu ka call thin a,ala theilo reng reng! Tiang hian a awm ngai silo a,ngaihtuah ana duh khawp mai.
Ka nu leh pa te chuan mut san mai turin min ti a,ka pa pawh angaihdan anih hmel vak loh.





"Zanin chu Bawihpuia hi kan lo riahpui ang chu" ka nu'n a tih chuan ka aw mai a,Bawihpuia mutchhuak tawh lutuk chu a thlem thlu nghal thei mai bawk.Hnute la nghei lo mahse formula ahne nasa bawk a tum engemaw zah chu api leh pu te bulah hian a riak ve tawh.

"Mutsan daih rawh Mate,a thiante nen an nia ngaihtuah a ngai biklo ang .Naktuk lamah a pa'n khak ve hlak rawh se."ka nu'n a tih pawh chuan ka nuih sak a, a za lo viau.Athawhpui te nen an ni tih hre tho mah ilang ka ngaih a ngam thei chuanglo.







Bawihpuia leh ka nu leh pa te room ah min luh san hnu in inpui ah chuan ka pasal nghakin ka thu ta reng a,ka phone ngat ngat bawk a,T.V chu on ve mah ilang enge chhuak tih pawh hre lo in ka en mawl ve tawp ani ber.

Kawtah motor thawm a rawn awm a,ka lungawi chiahlo nen ka chhuak mai duh angem tiiin ka inngaihtuah hmasa a,inchhungah chuan ka ding ren rawn phawt a,a rawn lut mai bawk silo nen ka chhuak ta nge nge.






Garage lam ka pan ding nghal a,thim zinga hmeichhe pakhat leh ka pasal ngei mai lo infawp ngawng ngawng ka hmuh chuan ka pen lai ka tawp chiang ngang mai.
An inthlah rualin chu hmeichhe hmel chu bathlar êngin a rawn chhun chiah bawk a, ka thinzawn a thip nghal veng veng,U Jeneti ani!






" Kimte,ila meng elaw?"Zak map lo hian U Jeneti chuan min la be zui a! U Obeda erawh ding tha hleithei lo in a bu luk luk mai.






"Hei duh ai a in hnem deuh a,ka rawn thlah haw tawp anih hi"te chu ala ti ta deuh deuh a! Ka rilru na leh thinrim bawk si chu ka inhum ruh ngawt ngawt tawp.
"Room lamah.." a tih leh rualin "ka ti thei, let tawh rawh" ka ti fiak that.

An dinna lamah pan hnai sawt sawt in ka pasal thle bu luk luk chu ka va chelh chawt a,U Jeneti kuta car chahbi chu ka pawtthla nghal pawp bawk.






"I rawn haw dan hre mah ilang ka pasal car i hawn ka remti lo, i haw dan tur chu ngaihtuah mai rawh"ka ti ram hmarh a,U Obeda car chhuanlam a arawn biak leh ka hlau ani ber zawk.

"Iti mak hle mai" nui hak a min tih chuan ka nui ro ve hak a, "nupui fanau nei tawh harhfim mang hleilo pawh remchang ah i lo la duh a,kan chhungkua hi min hnaih vak lo la ka duh" ti ram hmarhin ka pasal rui chhe zet chu ka pawt sawk a, meng mang hlei lo ka kaih na lamah apen ve mai bawk.








U Jeneti chu ka ngaihtuah chhe te tawhlo, zanin thil thleng hian min ti na a,mahse ka pasal rui chhe lutuk lai remchang a alo la kher erawh ka haw takzet thung.






Harsa zetin room lamah kan inkuah chho a,khumah ka mut thal tir nghal tawp.Zu rim anam huam huam a,inbual tura kaihthawh theih chi ani bawk silo.Zu a in ngai ka hre miahlo a,zanin hi enge awmzia ni ta ni? A reng reng thu in a thawhpui te nen an chhuak ho emaw tih laiin engtin nge U Jeneti nen teh daih te an lo let ni? Dawt min hrilh chu ka ring chiah silo.

"Rochanpui,ka haw lutuk che" kan ti vak a,ka thusawi engmah ahre ve leh tawh bawk silo te chuan ka thin a ti rim zual a, a zurui engmah hrelo lai chu keh bawrh bawrh mai te ania ka duh ni .Bawihpuia api leh pute bula alo riak hlauh erawh ka lawm viau thung.Hetianga apa a awm lai hi hmu tur in ka duh hauhlo.Haw viau pawh ni ilang ka duh chuanglo ang.







A chatthla emaw ka tih lai in "bawihi"arawn ti leh dut thin a,a thawmhnaw thlak sak in towel huhin ka hru bawk a,a zu rim pawh a zia ve ta deuh.
Ka mut dawn ve meuh chuan zanlai apel tawh a,khum sir te ah mu in ka pasal hnaih lo thei ang ber tur chuan ka mu a,ka thinrim tih lah hre map lo in ani chu a mu bawrh bawrh thung a!







Zinglam ah ka lo chhing ve sek aniang ka fapa thawm in min ti harh a,ka men chuan khumah apa nen thawm dîm zetin an lo inchhaih tawh.

Ka harh tih an hriat rualin Bawihpuia zawk chuan min rawn bawh nghal chung chung a,ka kawr a zen nghal rawk rawk bawk.Ka muhil lai min ti harh lo turin apa'n alo ti leh tawh ani ngei ang.






U Obeda nen kan mit a intawng chiah erawh nizan lam ka mitthla ah a rawn lang nghal zut zut a,ka hawisawn rang viau.






"Bawihi" a rawn ti dut a,ka haider hmiah.





"Bawihpui, i mutui maw?" tiin ka fapa chu ka be ta daih a,min ngaihsak lo in hnute ahne dawk dawk mai




"Tho ang aw"ka theih ang ang in ka pasal chu ka haider a,min en reng tih ka hre chungin ka ngaihsak duhlo lui tlat.







Hmai pawh phih lo chuan Bawihpuia pawmin room ka chhuahsan a,U Obeda hmel ka hmuh khan nizan,Garage a U jeneti nen anlo in fawp ngawng ngawng lai kha a rawn lang zel a,ka tah a chhuak in ka na veng veng mai.A ruih em vang ah puh dawn mah ilang ka nat loh phah chuang derlo a,a hrehawm takzet ani.






Tukthuan kan ei lai chuan ka pa'n U Obeda chu a zilh ta mawlh mawlh a,"Rual pawl i thiam dawnlo anih chuan rualpawl tum ve phet pawh angai lo" tih ten a zilh a,nizan chu Bawihpuia nen kan nufa in kan khawngaihthlak ve em ani.Bawihpuia lah apa ngai ngawih ngawih in mutchhuak chung chungin alo menglui ve hram hram bawk a! Apa hian a duat in a awm hnem ve bawk em a,a ngai bik lutuk ringawt.



"Bawihi inbe lawk ang hmiang" ka thleng seng lai chuan a rawn ti dut a, ka chhang lo chiang asin.Thleng ka seng san hmiah hmiah a,Nu Marovi pawh chuan min melh hrek hrek mai.Thleng pawh ka sil zawm leh nghal hmiah bawk.





Ka intibuai kui ngar ngar a,ngawi rengin min zui kual ve ngat ngat bawk.
Room ah lutin nimin lama thawmhnaw suk ro sa ho chu ka rem fel leh a,Bawihpuia thawmhnaw chu thlep in a drawer ah ka rem lut leh nghal zung zung.

"Bawihi" ka chhang lo.





"Bawihi" a rawn ti leh dut a,drawer chu khar ri chawrh in ka thawmhnaw ho chu thleh that ngailo pui ka thlep tha leh vel a,inbiak ka châk hrih thlawtlo ani.





"Inbe teh ang"ka thiltih lai chu a rawn dah hmiah.





"Enge kan sawi chuan ang?"ka ti fiak that a,kha maw thinrim zual lai a inbiak ka duhlo ka tih thin kha.Keichuan ka thinrim laiin ka awka a dam ve thei lo.
"Mawh? Enge kan sawi anga?" Ka ti pawrh leh chhap.





Thaw chhuak hawkin "ka tihpalh" a ti sup a, 'tihpalh' tih zawng ani a sawi theih chhun ni?





"Bawihi, ka tihpalh takzet.Hnar tur ka nih laiin ka hnar fithla thei thlawtlo a" a tih leh lai chuan "U Jeneti ve thung kha" ka lo ti a, a meng deuh kawk nangin a insiamtha leh vat a, "i hria maw?" Ka nui hak lo chauh.
"Ka hriat loh tur thil a awm em ni?" Ka ti kher a, min melh run in "i thinrim ka hlauh vanga hrilh lo chauh che ka ni, tun thla tir atang khan Proffesor pakhat ai a rawn kal tan a " a ti chiah chu ka sap pup a,nizan ah te khan ngaihtha deuhin ka lo kal tir vel kha ania!







"Bawihi, zep ka tum vang anilo.Tullo ah i rilru tih hah ka duh loh vang mai chauh a hrilh lo che ka ni" a tih leh chuan ka ban phar hluai in "nizan ah rawn thlah haw tu che kha i hrelo em ni? Nilo Garage ah inlo infawp ngawng ngawng lai ka rawn hmuh cheu te kha i hriat loh thu sawi miah suh" ka mittui atla zawih zawih tawh,second tin in ka na zual deuh deuh ni mai ten ka hria.


"Engthu nge maw i sawi le?" Kha maw! Ani chu a ruih em vangin thil thleng ho kha a hriat ka ringlo sa a,mahse min ti na em em thung si.





"I hrelo a?" Ka ti deuh ha a, "ka hre hauhlo,thil awihawm loh tak ani" a ti zui te chu ka haw lutuk ringawt.






"Chu min ringlo tihna maw? I duh chuan zu zawt ta che, ka lungawiloh em vanga dawt phuahchawp ah chuan min ngai em lo ang chu maw?" Ka ti var a,"chutiang anilo" ahmai tuai puat in "engthil chiah nge maw ka lo tih le?" A rilru a buai hmel viau nangin ka ngaipawimawh theilo.

"Ka nat zia i hria em? Ka pasal ngei mai hmeichhe dang nen an infawp lai ka phawk hnu ah ka buaipui zawm angai a.Nizan khan U Jeneti hma ah khan ka tlawm takzet asin" ka tih tiau lai chuan a ngawi reng tawh.
Show post links
Top