CHHUNGKAW CHHEHCHHAWL NULA BY Engtea Fanai (Completed)

[ngaia]

Bung 18


Hriata POV zel aw!

Champhai Daiah chuan kan lo chang a, ka awm hle hle thei tawh meuh lo chu a ni e, Prisi chu car ah a lo \hu a, zai a ngai thla mai mai a, dar 8 vel a ni tawh, kan thu thar dawn na a\angin Pu Hriatkima te chu dar 11 velah Hotel a\anga an rawn chhuah dawn chauh thu min rawn hrilh leh a, a la rei dawn em a, engtin nge kan lo lam bun ang, Prisi nau pathum vel an awm bawk a, kan vai chuan Pistol kan keng vek a, a chhe ber thleng thei tur veka inring sa kan ni.


Prisi chuan beer dawm pahin cigarette a zu khu vang vang a, a motor darthlalangah chuan Pu Hriatkima thlalak chu a tar kalh a, a haw hle a ni tih hriat takin a han nuih khum leh sak \hin a, dik tak chuan Prisi te pawh hi an thil tih hi a \ha ka ti bik hauh lova, Ruihhlo hmanga sum dawng ve tho an ni a, Mahse Pu Hriatkima ten a U an bum dan hi a tenawm ka ti em a,
chu mai bakah kan hmelma a lo inang kher bawk nen kan inthurual ta phian a.



Prisi chuan lokal rawh I helh hawlh a nih kha, kan hlawhtling dawn alawm a ti sup a, keichuan Nia, hlawhtlin ngei ka duh, mahse an nunna em chu la lo ang aw, min rawn bei let a, kan nunna atana hlauhawm khawpa min rawn bei let a nih loh chuan ka ti a, Prisi chuan aw le, Mahse tih hreh nei lo an ni tih erawh hre reng la, an lu bura silai mu thun a ngai a nih pawn kan verh sawk mai tur a ni, a ti ve sap a.


Ni e,tih pah chuan ka bu nghauh va, Prisi chuan tirawh rawn lem ve la, I zia deuh mahna a tih chuan ni love, harhfim ngei a tih ka duh, chuan he thil hi ka tih zawh ah, ka nun ngaiah ka let leh ang ka tih chuan Prisi chu a nui suk a, Aw le, tiin beer chu a lem leh khalh a. cigarette chu a ngai te bawkin a pak khu leh vang vang a, Hmeichhe hmel\ha tak, Mahse nelawmna nei miah lo hmeichhia hi an awm thei a nih chuan ka bula \hu, a hmaa silai inchhawp rap Nula ngei hi a niang.
Motor hnung chuan ka lut a, ka bulah chuan ka tiang chu ka hung \haa, chu ve leh prisi chuan kha khan a tibuai lo ang che maw a rawn ti leh sup a, Hah,, Thihna chauh lo chuan min dang lo ang tiin ka nui lui sak a, ka phone chu ka en a, ka walpaper a, Nui thlalak chu en in, ka tuai ka tuai a, ngaihtuahna a buai map mai, lo hlawhtling lo ta ila, dam chhung atan Nui chu ka chan ngei tawh awm si a, Nu-i nui hmel chu ka chak lohna lian tak a ni tih hriain ka walpaper chu ka thlak vat a, ka Pa wheelchair a a \hu lai chu ka hmang a, ka en ngawih ngawih a, AN Ni ho avanga kan chhungkua kan buai dan chu ka ngaihtuah a, tunah chuan tih hreh ka nei leh tawh lo.



Dar 10:30 vel a ni a, Prisi chuan phone call a dawng a, an rawn chhuak chiah an rawn ti, Ka silai chu a Mu vel ka check a, duhthusam a ni, Midang pawh chu an inring vek tawh, kan tum dan chu, Kah hliam a, nikhaw hre lova siam a, An motor a, damdawi \ha hnem taka dah a, Police hnena report a ni, an lo man ngam lova, an chhuah leh a nih pawh a, an hliam chu dam leh mai tawh lo tura siam kan tum a ni, Ha Aiah Ha ka tih tawh kha.


Kan Car chu kan piah hmun biru deuh laiah chuan kan dah a, khan rem takah chuan kan lo chang a, kan hmai kan tuam vek bawk, keichuan Pu Hriatkima leh Pu Zoliana chu ka target duh bik avangin keimahin ka awm a. ka inring pen pawn hle a, Kan \hian zinga pakhat chuan kawng lakah a lo tiding dawn bawk a ni, a rui der ang a, an hmaah tak a accident der ang a, chung vel an rawn buaipui hunah chuan kan lo kap sawk tawh mai dawn a ni. Police ho ber chu a buaithlak tur chu a ni, kan insual pawh a ngai mai thei, Ka Ke avang chuan ka buai an ring deuh a, Mahse Huphurhna pakhat mah ka nei lo thung. Ka za zek zek tawh zawk a ni si a.


Dar 11 a pial tawh a, an la rawn lang lo, a hnu rei vak loah chuan an rawn in zui phei ta, kan \hiana pawh a lo inring tawh hle , an rawn tlan chak vak lova, an hmaah tak chuan ava tlu a, ruih hmel tak chuan a khawsa zui a, a tho hlei thei lo, Driver chu a cho vel a, Police pahnih chu an rawn chhuak a, Kal sawn turin an ti, mahse a kal thei tlat si lo, Bike chu an nawr sawn a, Mahse kan \hiana chuan a hnial lui tlat a, Police pawh ni ula, ka bike chahbi phawi a, in duh duhnaa dah theihna dan in nei lo, Tunge saw mi te saw, in pu te ami rawn chhuak tehh u. min sut hlujm \ep kha in hria em a ti lar lar a.
Midang chu an \awng ring vak lo a, an thusawi zawng zawng ka va hre thei lo, An ning tawh ngiang a niang, Pu Hriatkima leh Pu Zoliana chu an rawn chhuak ta, an dar vela kah tum chuan ka tin ran a, a cheng ka hmet per \ep tihah chuan Silai a puak \huai a, Pu hriatkima chu a tlaw nghal tawp, zawngho chu, tunge tiin ka hawi kual nghal.


Police chuan an silai an phawrh nghal a, kan \hiana pawh rang lutukin champhai lamah a tlan nghal a, Silai dang chu a puah belh tawh lo, kan piaha motor eng chu ka va hmu a, an tlan tih ka hria, min setup a ni maw, hmelho chu tiin in sa seng ka tum a, Mahse Police ho chuan an light eng tak chuan rawn en kualin, hetiang tura ka lo inbuatsaih lutuk loh bakah, chutianga min phiar ru chu mak ka ti lutuk a, ka chiai vek a ni mai, min rawn hmu ta, Police chuan tlan suh I tlan chu kan kap ang che a rawn ti.


Tlan pawh ni ila ka tlan hla dawn lo tih ka hria a, va pan chilh a, Insualpui a, thah vek mai chu ka tum tawh, ka kut chu ka tukhumah suihin ka silai chu ka dah \ha a, ka kal bai phei auh auh a, Police pahnih pawh chuan min rawn hnaih mai ngam lo, pu Zoliana chuan Pu Hriatkima let reng chu a lo buai pui a, ka va inlan chiah chu, Ehe,, Hriata. Hetiang chen chen hi I la rawn kal ngam a ni maw, kan message kha I hrethiam miah lo emni a rawn ti pawr chhak a.
Hria e, ka hriat avang alawm ka la rawn kal zel ni, induh angin thil hi a kal reng dawn lo, vanneihna hian a \an reng lo ang che u, ka ti chang fak a, Police chuan min handcuff an tum a, ka ke bai bawk nen, min hmu chiang chu min zuam a ni mahna a fimkhur lo hle a, ka silai chu dahthla turin min ti a, ka dah thla ve mai a, a rawn kal hnai a, A silai chu rangtakin ka chhuh a, ka tin nghal a, in ngam chuan che rawh u, Hepa hi ka kap a ni mai ka ti pawr chhak a.



Pu Zoliana chuan kap rawh, a lo ti, nang kha lo \awng suh, I nihna hi a la rawn lang chhuak dawn khawp tiin ka chhang a, Police chu tal pawh a tal ngam lo, silai dah thla turin ka ti a, Mahse a dahthla duh hauh lo, Ka kah chuan in venna tur ka nei tawh dawn lo tih ka chiang si, Pu Zoliana lah chuan kap turin a lo tur ve sek a. khatiang mi tenawm thu hnuaih khan in awm a, he uniform zahawm tak hi in la ha a maw,, hrep tak hian tiin Silai chuan ka chhu tlu tawp a, ka tha neih zawng zawng deuh thaw a chhu ka ni bawk a, a thal chiang ngang mai.


Police pakhat zawk dulkiar ve tak nen chuan kan inhma chhawn ta ran a, Pu Zoliana chuan Hriata I thil tih man hi I hmu dawn a nia, tihbuai chi kan ni lo ka tih tawh kha, tiin min la vo khar khar, ka hlauh loh zia hi hria se chuan a zak zawk ta ve ang. Ka hmaa Police chu ka pan a, engtin min ti ngam bik lo, a dik tak chuan ani aiin ka che rang dawn tih ka chiang miau va.


An pahnih chuan ka tin chhawk reng a, Ka chet vak chuan ka chesual ve thei a ni tih ka chiang si, Silai hmeh puah tawh loh chu ka duh a ni, Tin, chulaiah chuan duh aiin ka awm rei tawh Pu Zoliana chu tin in, ka tih theih chu I hria a ni lo’m ni, chu vang chuan I \hianpa chunga thil thleng ang kha I chungah a thleng ve thei reng tih hria ang che, Nang chu kha chen kan lo inhmelhriat tawhna avang leh I fate avangin kut ka thlak lo mai ang che ka ti a.


In Car hi ka hmang ang a, a awmna chin chu in lo ngaihven ve tawh mai dawn nia, hethil hi keimahah a tawp a nih chuan ka chet chhuah leh dan tur chu ka sawi lawk thei lo ang, ka kal dawn a, kha kha inbuaipui vat a nih loh chuan a thi mai ang, keihian a thih hlauhna pakhat mah ka nei lo. Mahse a thi a nih vaih chuan in tan a pawi viau theiin ka ring, min um zui lova, Champhai damdawiin lama kal pui a finthlak ka ring ka ti a, An motor chu hmangin ka tlan ta a ni, ka sawi ang chuan min rawn tibuai zui tawh lem lova, Mahse pu Zoliana mit mengah chuan huatna leh thinrimna ka hmu a, chutiang maiin tawp a tum hauh lo ang tih pawh ka ring sa. Engkim hmachhawn tura ka inbuatsaih lawk angai a ni.



Tichuan Aizawl lam pan chuan ka tlan a, Prisila te chu ka hmu leh a nih ngat chuan tunge ka nih tih hi ka hriat tir ang, engvanga mi tenawm tak lo thawh pui reng nge maw ka nih le tiin ka thinrim lutuk chuan ka car khalh lai steering chu ka chum dawp a. Eng emaw tak ka chungah a thleng ngei dawn tih pawh ka chiang a, ka chhungte bul thlen vat vat a, engkim ka chanchin chu sawi ka duh a ni, min haw hle ang tih ka ring a, Mahse ka thil tih hi ka inchhir hauh lo.


Pawi ka tih zawk chu kan tum anga thil a kal lo leh phatsan ka ni chu a ni, Prisila te chungah chuan phuba ka la leh ngei ang, U Mami thusawi chu ka hre chhuak uai uai a, keichu ka chhungkaw nunna derthawnga dahin Phuba lak ka ngaihtuah ngam tawh lo a tih te chu ka hre chhuak a, Phuba lak chuan phuba dang a hril zel ang a, a tawp thei chuang lo ang, dan anga kan hrem thei lo a nih chuan tawp san mai ang a tih te chu ka bengah a rawn ri nawn awn awn a. Mahse ka zawm lova, ka thu in ka kal a, heti chen hi ka thleng tawh a, inchhir leh thei ka ni tawh lo, a sawt tawh hek lo.




NUI POV

Exam a hnaih tawh thu ka chhungte chuan an sawi sek a, ka hne lutuk, Ka Nu chuan lehkha zir turin min tur reng a, I zir peih loh chuan pasal tur I hmu zo lo ang te min ti leh \hin, Pasal zawn nan lehkha ka zir lo hrim hrim, Pasal zawn nana lehkha zir tur nise, ka nei lo mai ang, a zir pawh ka zir lo ang, a ho em maiah, U Mami pawn kha chen a zir a, a la nei bik lo, tiin ka chhang a, U Mami chuan min lo melh kar a, a nuih a zat loh hmel tawp A Nu chuan chhuan lam tur lah hi I hre ve thei sia, chhuanlam chu dubaiah pawh a awm an tih kha, chhuanlam siam zung zung lo hian a ni maw ti la, kan zilhna che hi pawm tawp rawh a ti a, U Mami bulah chuan va kalin Lehkha zir tak tak dawn hi chuan mahnia room te han neih loh chuan a hreawm ve a ni, U mami melh ralh ralh pah chuan ka ti a. U Mami chuan keipawh kan room ah tho alawm le, thil ka khawih a, ka zir \hin le a lo ti ve.


Kei chuan rang zet hian, aw,, nang te chu I thiam sa vek I khawih leh mai mai a nia, zir I ngai tawh hleinem, chu loah I duh duh I thiam lai lai naupang I zirtir thei a, a buaithlak loh em mai,a hrem thei tu leh hrem theih hi min tehkhin suh ka tih chuan Anu chu lo nui sukin, thil hi nih hmel deuh deuh hi I sawi ang fak fak a, a pawisa nei lo ber hian pawisa hmanna te hi I hre riau va, min ti kher.


Hmm,, awm lo ila chu e,, inpawisa sen so tur tam zia hi ka awm hi lawm tawp rawh u, ka tih chuan U Mami chuan aw,, I zir theihna a nih phawt chuan room choka lam hi a zau tho va, room hi ti zau ila, tichuan room lam pang bathlar lo lamah sawn, I room tur kan siam dawn nia a tih chuan, Naah, Varanda awmna lam saw ka duh alawm le ka lo ti leh, aw le,, Kan Mistiri te number kha I la nei em, Naktuk a\angin lo khawih se la a ni mai alawm, han fail vaih tehh I ri chawrh ang a tih chuan Yess,,tiin ka zuang tawr tawr a. dik tak chuan Naupan tet a\anga mahnia room neih hran chuan room khata han mut khawm dal chu kan chep tlat hian ka hria a, chuloah phone khawih te hi a inthlahrunawm, an rawn hmu thei si.


U Mami chu mistiri te chu a call nghal a, A Mistiri biak chu a hmaa kan lo chhawr tawh tho kha a nia, Helper tur hi an awm lo lutuk a, tunlai chu, Naktukah ka hmuh loh chuan Sturday ah kan ti dawn emni, rei khawih a ni nang a tih chuan U mami chuan pawi chuang lo e, nang kan tih kher chhan chu min tlawm theih kan ring a, tiin a nuih tlawn vel a, Commission nuih kalo ti sup a, U mami chuan min rawn kawk fawk.


Ni a liam ve hret hret zel a, Inrinni a rawn her chhuak leh ta, inrin tak tak erawh a awm thei lo, kan exam lah chu a ni telin a hnai tulh tulh mai si a, Bena chuan zing karah min rawn call a, Nui vawiin chu dar 4:30 ah a nih kha aw, Delhi ah kan khel dawn a, hei kan awm tawh a, ka lut ve mai thei a nia tiin a phur hle, keipaw’n Bena khel chu ka en chak tawh lutuk. Vawiin chu ka indaih lo dawn tawp, Scooty khalh zir ka ngai, insuk tur lah ka ngah si, Ka room tur siam turin Pu Chhuana te an rawn kal dawn bawk a, an ei tur lo siam sak angai dawn bawk. Tlaiah lah chaw kan ei khawm dawn nia tiin ramrami leh Christy , Remthanga te ho kalo hrilh tawh bawk si. Ka va indaih lo tak.



Ka Nu chuan suk tur a zawng khawm a, a lo dah hnur a, amah lah chu zing hma tawkah Bazarah alo han \hu leh daih tawh chu niin, Inrinni zing karah hi chuan kan hmu hman meuh lo chu a ni, U mami lah inrinni chu chawlh hahdamna hun tiin ala mu am dawn tih ka hria, chaw a ei kham ang a, Bazarah a chho ve leh daih ang a, Anu hi a han puih tak tak pawh ka ring lo, In lama a chet peih loh vang vek a ni, Khuma pawh hi keng se a \ha ang, tiang chuan ka fa a ni zawk ringawt tawh.
Christy chuan min rawn call a, vawiin chu kalo kal ang a, Mahse tlaiah chuan chaw chu ka ei ve hman lo ang, Dawr lamah Anu te an buai dawn lutuk a, Inrinni hi chu I hriat kha a ti a, lehlamah chuan ka lawm, keiphawin chaw eikhawm tak kha chu ka hman leh lo, christy’n a hman loh chuan Remthanga pawhin a peih ka ring lova, Ramrami chu ka be nghal a, Christy’n chaw ei khawm kha a thei dawn lova, ka tih chuan a nih chuan keipawhin ka peih lo a ti ve mai a, ka rin dan tawk vel a ni a, chumi beisei rana han hrilh kher pawh ka ni Remthanga chu hrilh lo law law ila, hetah a rawn thlen hunah kan



\hiante pahnihin an theih loh ve ve chuan a duh bik lo ang ka ti a, thawven khat chuan ka thawveng huai a.
U Mami chu tlai tawkah a rawn tho a, chanchinbu la in bathroom lamah a lut leh nghal a, ava chhiar chhuak leh vek ang chu, U mami hi chu lehkha chhiar reng ang hi a ni mai, phone a khawih pawn a bulah lehkhabu pakhat tal inchhawp ang chi kha a nia, kei ni vanglaini chhiar ve te chu |halai Huang leh |hiante titi a bo lo tawk turin sports Column kan en leh a ni mai, a chang te phei chuan a thupui chauh te hi ka chhiar \hin. U mami rawn thawh chhuah kha chuan Zing dar 9 leh tlem a ni tawh a, ka Nu a awm lo bawk a, tin class kal loh ni a lo ni bawk nen kan hman hmawh lova chutih rual chuan hna thawk tur an awm dawn avangin zing dang ai chuan ka hma deuh thung a.



Chaw ei ka peih vek tawh a, Khuma erawh ka buaipui peih lo, u mami hian inrinni leh Sunday a in a awm hi chuan a buaipui chawt a, ka nin \hin chu insuk tur vel leh kan thawmhnaw \ha a, Khuma hmul lo awm tuar \hin te hi ka hne thei lutuk, a hmul a tla duh si, |hutthlengah lah hian a lo mu zar zel bawk si, Thawmhnaw \ha hak phei chuan \hut ringawt ngam pawh a ni \hin lo, Class ah te hian Ramrami hian ka thawmhnaw a zawhte hmul kai hi min paih sak mawlh mawlh fo mai, chutih rual chuan han in awm chilh reng takah chuan ka hlim pui chang pawh a tam viau mai.



Mistiri a rawn thleng a, nangmah chauhin emni I rawn kal kalo ti var a, Pu Chhuana hi chu kan insawn tirh khan a rawn thawk a, kan luah mek lai pawn a rawn thawk kha a nia, a felin ka nel ve em em a, ani pawh hian min fiam ve bawrh bawrh a keipawhin ka fiam let ve ngam a, Pu Chhuana chuan ni lo e,, Mahnia thawh te chu ka peih hleinem kan veng tlangval hmel\ha ka rawn hruai alawm tih pah chuan pawn lam chu a hawi zauh a, Rca chu a rawn lut hlawl, Kamis tial da deuh leh half pants thler deuh tawh hi a rawn ha a, A siliper bawk kha a rawn bun leh. Hepa hi a hmel \ha ve vur si, a dress hi ava ho ve tak, hnathawk tur pawh nise a \hing ve e tiin ka ngaihtuahna chuan ka phun nung nung.



Rca chu rawn lutin, Pi Saiwani nen kan rawn inhnial leh lawk alawm le, Nui chaw in ei tawh em a rawn ti lut leh nghal phawr phawr a, chhan pawh ka chhan hmain ek pawh ka e hman lo, Pu Chhuana hian min tur nasa lutuk a, in toilet kalo hmang a tih chuan ka nui suk a, U Mami chu a e rei tawh bawk a, chhuah tirna chance tiin U mami awm thu chu ka sawi duh miah lova, Bathroom awmna lam chu ka kawh hmuh a.



Zai rut rut pah chuan Bathroom lam chu a pan a, Engtak chu va thleng ang maw tiin ka ngai chang reng a, nuih tet tet pah chuan ka hawi phei reng a, Pu Chhuana chuan enge maw I nuih tet tet le a rawn tih chuan Bathroom lam kawk chuan ka nui a, Pu Chhuana pawh chu a hawi phei ve mai a. chutah le, Rca chuan kawngkhar chu ava pawt che ta dat mai, U Mami chu a la ngawi a, mak ka tih tawh zawk, a vawi hnih nan awm in awm ami tih paha a pawt ri leh dawt chu.



Kan Nula Senior , kap kara maimawm ril zam tawh zai damna in a tlin leh tawh lo, rang lutuk leh ring lutukin, awm in awm ami tih a ngai emni, A chhung lama a inkalh chuan awm kan awm a ni mai, a rawn ti \eng chhak , Lalnu, lo sawi ta che a rawn ti, Rca chu a zak lutuk, tukhum tuai sut sut chuan a rawn lut a, a lei a rawn chhuah tut a, ka va zak ve a rawn ti lut. Tifuh in ti zetin keichu ka nui var var a, Pu Chhuana pawh chuan I va ho mai mai tak e aw,, tiin a nui ve vur vur tho, Rca ber chu a ni khawngaihthlak chu ni.



U mami chu rawn chhuakin Chanchinbu chu a rawn keng chhuak a, ani pawh a rawn inthiam lo deuh a niang, nel awm tak chuan a rawn nui chhuak sang a, Mahse Rca chuan a nel loh hmel ngang mai, U mami chuan E,, Pu Chhuan in rawn thleng tawh a ni maw, chaw pawh kan lo la ei lo asin, kan vengah hian hmanrua vel lei khawm tur a awm mai ang tiraw a rawn ti nghal zung zung a, Pu chhuana chuan awm mai ang, a awm loh pawhin Rca hi a tlan zung zung thei alawm tiin Rca chu nui ruh ruh chung chuan a en a, U mami chuan Rca chu a lo hmelhriat tawh sa a nih avangin, ka tihpalh a nih kha, ka thil chhiar tui nen ka insum hman lo a nih kha tiin an pahnih chuan za lo tih hriat tak chuan pha dai hian an nui dun sak a, hmuhnawm tak an ni.



Keichu tifuh in ti tak chuan ka lo nui var var a, U mami chuan nang nu kha, tiin nui suk chuan min rawn kawk ringawt, Pu Chhuana chu kal puiin kan room khawih ngai lai khawih danglam dan tur vel chu a sawi pui a, Pu Chhuana chuan hmanraw hlui in hnuaia kan dah te chu a en a, U mami chuan en pui zelin an hnungah Rca chuan inthlahrun hmel tak chuan a zui a, ek pawh chu a e leh ta lem lova.



Pu Chhuana chuan mamawh tur chu a ziak nghal zung zung a, Rca nen chuan lam turin an kal chhuak a, kan veng chhungah a awm vek avangin an mahniin an buaipui mai tur thu leh an chet mawp mawp tur thu chu a sawi a, ani hi chu kan ring ve tawk bawk a, kan ngaihtuah lem lo, U mami chuan tirawh chaw ei vat vat ang, Bazarah ka nu puih ka duh, kha ei tur I siam dawn chuan I lo siam sak ang a, I siam dawn loh pawhin tiin pawisa chu a dah a, ka ei tur leina tur min pe tel ve nghal rawh ka tih chuan a daih vek a ti hluk a.



Chaw ei chu ka siam a, kan ei sawk sawk a, U Mami chu insiamin Scooty chuan kal a tum a, Na,, scooty khalh ka zir dawn ka tih kha kalo ti, engtin nge I zir hman anga, hnathawk ho I awm pui a ngai lawm le a lo ti vat, Ei tur pek zawhah tlai lamah ka zir dawn alawm, Remthanga leh ka \hiante pawh an rawn kal dawn ka hrilh vek tawh ka tih chuan, I duh duh hi ilo ti ve tawp tawp mai a, A nih tlu miah suh ang che, chuan hna thawk te buaipui hman lo khan in awm ange tiin Ke chuan a kal ve mai a, Taxi hman chhoh mai chu a tum a.



U mami kal hnu chuan thleng ka sil sawk sawk a, Hnathawk te in tur thingpui ka lum sak a, flash ah chuan ka dah nghal thlap a, Insuk tur ka Nu’n a lo dah khawm hnur chu la chhuakin bathroom ah chuan ka su a, Story ka ngaithla pah bawk, keichu exam dawn hnaih vel hian thawnthu ngaihthlak tui emaw serial en tui emaw hi ka nei ve ziah, Tunah pawh ka story ngaihthlak lai chu ka ngaithla leh tlut tlut tawh a. a changtupa chu ka star leh tawh, Mahse thawnthu a a changtupa ang hi a takah ka la tawng lo reng reng. U hriata hian ka dream ang \hin mipa chu a ang teuh deuh ber a, ani lah hi tunah chuan street boy a ni tawh ringawt. A bum ro zo vek tawh. Lo let leh pawh nise tun hmaa ka duh huam huam ang kha chu a ni tawh lo ang.



Kan in thlangah chuan motor rawn dingin Min rawn au lauh a, ka zuk tlan thlaa Plywood leh eng eng emaw an rawn lei a, rca leh Pu Chhuana chuan an rawn zawn chho a, ka theih ang angin kalo pui ve a, ka \angkai tam lem hlei lova, Motor chu a let leh nghal a, ka zuk en liam a, A Pi Saii chuan min rawn auin,. Nute kha I mistiri chhawr tur rinchhana kha engmah thiam a nei lo a nia, tlem te chauh hlawh tir ang che tiin Rca chu a rawn fiam ve \awk \awk a.



Rca chu lo nui sukin, Ka Pi khu chuan mi hi a nel ve a nia aw, pawnah min hmuh pawh hian min fiam loin min kal pel ngai lo reng reng, tiin a nui vur vur a, hawi kual deuh hrek hrekin khawnge I U kha a chhuak ami a tih chuan ka nui suk a, enge I hmu chak deuh ami kalo ti vat, Pu Chhuana chuan I ngam lo deuh a ni tiraw, kan U beri kha chu tiin a lo nuih huah huah bawk a, Rca chuan Den em alawm, rawn vin tawh nasa mai sia tiin a nui var var a.



Keichuan rang deuh hian ti daih ila I ek te kha a chhuak tawh lo ami, hei, kalo insu leh nghal a, ka insuk vang te hian I lo sawi hreh ang e,a inthiar theih reng a nia ka tih chuan ahh, U mami khan ka ek a vin let vek, a chhuak a reh daih tawh, a tih chuan kan nui dar dar a. An ni chuan an hna an \ana keipawh ka insuk chhunzawm mawlh mawlh a. ka thawnthu ngaihthlak lai chu ka ngaithla leh a, Mahse thil vel an chhut rik tak bur burah chuan ka ngaithla tui thei tawh hlawl lova, Zai ka ngaithla ta zawk a.



A suk harsa zual ho ka In su zova, a lian tham lo ala awm, ka suk tawh sa ho chu la chhuakin, ka in zar vel meka chutih lai chuan Christy’n min rawn call ka rawn thleng, Khi lai kawnah khan trafic alo awm a, helmet ka rawn hlip thla tawh bawk sia, min man ringawt, pawisa chawi angai a nih loh chuan tha-na kal a ni mai, 500 I nei lo maw a rawn ti,, Chhun thil eina tura an dah bak ka nei lo asin,, ka tih chuan keng la lokal tawp teh,, ka chhungte ka be ngam lo, min hau nasa dawn lutuk a tih chuan, I va han ninawm tak, mi hi in va tibuai tak, ngatinge ni danga khalaia duty ngai mang si lo. tiin ka chapal bun lai leh ka kekawr bul hak lai nen chuan ka chhuak a, t shirt var lian tawk, ka insukna avanga huh deuh hniang chu ka ha phei a, inthlakna hun awm tawh hek lo.


Thaw hlawp hlawp chuan ka kal phei a, Kawn ka va thleng chu tumah ka hmu lo, henu hi an hruai daih emaw ni le tiin ka chiai tawh hle a, biak ka tumin ka call a la thei bawk si lo , rei fe buai tawka ka awm hnu chuan ka dinna in piah a\ang chuan Min rawn barakhaih thut, ka phu nasa lutuk chu ka thlarau a chhuak lo chauh, enge awm zia tiin Ramrami nena an nui awr awr chu mak ti tak thinrim tawk chuan ka en ha a.


Ramrami chuan Prankk a rawn ti, I mawngkaw prank a nih chu ka ti hluk, en ta che u, ka inthuam dan te hi, ngaihtuah em em chein ka rawn kal ve a tiin christy chu ka vin hlak hlak a, Ani lah chuan awi, ka duh lutuk,,ka van hmangaih tak che, a lo ti, ka van ngei tak, Ramrami chuan aw,, I inchei pawn khatiang bakin I inchei ami arawn ti kher, boxer nen ka leng ngai a mi kalo ti hluk. Kal ang u a zahthlak tiin ka kal tau nghawng nghawng a, engtin nge in rawn kal rual ka tih chuan Ramrami hian scooty in kal lo ang, Taxi in kal ila, a nuam ve mai mai alawm atia , Dawrah min rawn pan a, kan rawn kal rual a tih chuan in chhia a nih chu, in over lutuk tiin ka beng ve ve.



Ramrami chuan a hrim hrimin I kawr te chu ava huh ve, enge I tih, hmm, enteh a awm tih lanna a t shirt awm zawn an ti huh ngei ah,, khatiang mipa in engatan mah an ti lo, hnute pawh a ni lo, alngeng a nih kha tiin an pahnih chuan an nui ar ar a, hemi te pahnih za lutuk hi chu, enge itih tih angai ami, ka huh chuan ka insu a ni mai alawm, buai chung chungin nangmahni ka ngaihtuah vang liau liau chuin thawmhnaw huh nen ka rawn tlan chhuak a nih hi in hre em ka ti a, Ramrami thil sawi chuan ka nuih a ti za ve deuh a, mahse ka nui duh lo.


Arngeng ai chuan a lian ve em mai a, ka ti sup a, ka melh rum lutuk, Anni pahnih lah chu an lo nui awr awr a, Ramrami chuan a hrim hrimin kan ko chho che hi lungawi lo reng reng suh, I rawn len ve ngai loh zia hi, keimahni zawk kan rawn kal reng a nia, nang ve a tih lai chuan a sawi zawh hma hmain, aw, kan veng a mawng a, a hlat em hi ka lo ti vat a, helama in awm hma pawn I lo kal khat lutuk, kan veng a\ang pawn in veng te chu a hla ve tho alwm an ti, ka dang duh chuang lo,, aw nang ni tan chuan a chhuk a, ka tan chuan a chho e lawm ka ti leh a. keini tan pawn kan haw lamah a chho tho alawm tiin kan inhnial thla char char a.



kan in lam pan chuan kan chhuk thla zel a, in kan thleng chu thing nawrna khawl nen kan kawtah Pu Chhuana leh Rca an lo ri ruai ruai a, Christy chuan naa,, avan peih awm loh tak, a beng chheng dawn e, scooty khalh zir pawh I hman dawn ami a ti nghal, keichuan hman lutuk an chhun thil ei zawhah rei tawk kan zir dawn nia, ka tih chuan Ramrami chuan thiam thei ber ni awm zia zang hian, I thiam loh loh nen, nileng pawn zir la I thiam hman lo ang, vawiin hian Remthanga nih ka peih lo lutuk a lo ti nghal, Nih chuan, Ni dangah Remthanga nih I chak \hin a ni maw ka tih chuan chak chuang nang nui suk chuan a ti a.



Christy chu a rawn \awng vat ,, Naa kha pa kha a rawn kal dawn a, a \hing si, a ler si ka duh miah lo a nia aw,, enge a rawn tel dawn tih insawi loh, ka hmu peih lo lutuk, a tih chuan Ramrami chuan Nui hian Remthanga sawm chhuah nan a hmang che, a tih rual rual chuan, chuvang a ni maw , rawn kal ngei ngei tura min tur sek ni, henu hi chu, star ve che se la,, nuam I ti bik miah lo ang aw.. a tih chuan kei chuan rang zet hian aw,, star tu neih te chu a nawm dawn nen, keini te chuan kan neih ve miah loh hi tiraw Ram ka ti a, Christy chu kan en dun haw a, a lawm lo tih chu a hriat tak zet, mahse lawm lo eng ang pawh nise a ho em mai, a rawn kal tawh tho tho.



Ramrami chuan a rawn be \hin hrim hrim che em a ti leh chiah phei chu a sa lutuk, bia bia be lutuk, tunge ka number pe zawk che u, awi,, a type sei thei si, a active si., Good morning rawngbawlna hi a nei a ni ringawt, thu \ha tawk rawn ziak chuai a, a tawpah Good morning leh pangpar rawn dah chuai ang a, ka hne lutuk, ka chhiar ngai lo hrim hrim. Thawh ve leh a, thu sei tawk chhair nghal ka peih lo hrim hrim a tih chuan a message chu en sak kan tum a, a phal chuang hauh lo.


Hmm, I tih dan hi I reply ve \hin tho, a ngei tur deuh chuan ka ti a, Ramrami pawh chuan a dik chiah en I phal loh danah a lo ti ve bawk, aw,,, vawi hnih khat tal te chu reply ve bawk e,,a ti leh, khawi kan lo en chhin I reply thlum ve \hin tho a niang kan tih chuan a teuh lo lutuk, kha msg dang kha en miah su tiin Remthanga text na chu a rawn show,, ishhh,,, Sei tawk tawkin a var thla tuar a, tawi te in a hring ve leh zeuh a, a beidawng chuang lo reng reng, ka van khawngaih zawk tak.


Ramrami chuan hetianga in duh lo deuh hi an innei daih duh a nia, a ti phei chu christy chuan mawl viau suh, ka duh lo tak tak a nia, a hreawm, chhia ringawt hi chu ka ngaidam thei mi ze tenawm deuh hi chu ka thei hlawl lo a ni, a mizia kha ka ten chi lutuk ang kha, vawiin pawh kan in hmu ngei awm sia ti vawng vawng peih loh hmel tawkin a ner nung a.



Keichuan aw,, Amah pawn engmah a rawn sawi lo ami ka tih chuan ka hre lo, vawiinah I kal ve dawn em tih vel kha chu a rawn sawiin ka hria, a ti, Ramrami chu a rawn nui,, awii,, tihian a la rawn text ngar ngar che ania, ka van khawngaih tak, enteh a sual zia hi, a rawn ti hluai a, ka va en chu, vawiin I buai dawn em tih a reply na, chapal ka bun lawk, nakinah ka lo be mai ang che te a tia. Message a rawn thawn \euh a, Ah…ka seen palh te a ti henu em em pawh hi ah tiin kan nui dun a.
Awi,, tipawh khan a beidawng chuang lo, khawimaw msg dang in en ang a ti a, phone chu a rawn la daih a, in hnuai a\ang chuan Rca chu rawn chho in, A Pu Chhuan perek te avang lutuk a rawn ti chho, Christy leh Ramrami chuan min rawn sik, avan chhe lo reuh, Pangparhnima a ang tawp an rawn ti, in over, a ang lo lutuk, kal rawh u, ka insu dawn kha,, computer emaw tv emaw kha va en rawh u ka ti a, Wifi innei tawh bawk silo, en tur pawh a awm lo ti nung nung chuan an phei a.


Rca chuan nui I la insu zo na nge a rawn ti lar lar a, kha,, mi over pahnih khan min bum chhuak alawm, enge mamawh innei ami ka tih chuan, hei, Pu Chhuana’n thingpui a awm em a ti a nih hi a rawn ti a, christ, ram, flash ah khan ka dah lo pe mai tu ka tih rual rual chuan ri rawk rawk ka hria a, enge ni vak vak tiin ngaih \ha zan lo deuh chuan bathroom a\ang chuan ka chhuak , In chhung ka va dak chu thingpui pek an lo in chuh, hemi te nun over lutuk hi chu ah.



Ka thin an tirim si ka nuih an ti za bawk si, enge a,, ka va tih chuan Ramrami chuan ka hmu chiang chak alawm in mistiri kha a lo ti sur sur, Christy lah chuan amah kha ka type , ka duh chi a rawn ti ve bawk, in over e, in pahnih khan va pe ru,, kha kha lai in sirah khan an awm, Christy khan kurtai keng se, Ramrami’n thingpui in mipa hmuh a piang hi in star mai a, ka tih chuan, I zak lo lutuk, nangpawh kha enge I nih bik, I van star ve tho awm e,, min ti nghal, min hre chiang ve bawk a ni, Nia, ka hmuh tirh kha chuan chhe lo chu ka ti ve reng, mahse ka duh zawng a ni lo, chhe lo tih leh duh hi a in ang lo hrim hrim, ahh,, engvangin maw ka star ngawt ang, va kal rawh u tiin kurtai awmna vel chu ka kawh hmuh a.


Ramrami chuan mistiri ami ala rawn ti, christy chuan helper a duh angem le, arawn ti ve leh bawk, ahh,, amah pawh saw helper ka ti hluk bathroom ah chuan luh san ka tum a, ka insu zo \ep an ni hian hna an ti sawt lo a ni. An chhuah pah chuan in helper sawn helper tur a duh leh chhawn chuan kan \ang thei reng aw an la rawn ti ham ham zui.
Ka In su zova ka in zar a, an rawn let phei leh chu christy chu pangpar eng kengin a rawn tum phei nasa a, a kal lam, a’n phur nen a rawn let leh lam chu a rawn phur lo phei tawp, Ramrami chu a rawn nui ruh ruh a, engatinge ka tih chuan, I \hianpa remthanga khan In mistiri hmuh lai tak khan he pangpar eng lutuk tak mai hi min rawn pe a nih chu,, \ah aw \uau chuan a ti a. kan nui nasa lutuk, a rawn thleng tawh ami kalo ti vat a, thleng thleng, saw a va titi suah suah saw tiin christy chu a lut tau nghawng nghawng.



Ramrami nen chuan nuam kan ti tawp, Remthanga chu phur tak chuan a rawn phei a, Nui I van hman loh hmel em em kan zir hman dawn emni a rawn ti luam a, kei chuan hman e,, mahse hei hnathawk te hi an chhun ei tur te hi ka’n siam sak phawt ang a, chumi zawh lamah kan thlang field ah khuan kan zir dawn nia, ka inbuatsaih nasa tawh alawm, a hma ang kha ka ni tawh lo ang, Saw,, christy a awm saw , lo va kawm rawh ka tih chuan a hmelah chuan a phur tih a hriat hle, Ramrami chu nuih insum tak chuan a awm reng a, Remthanga a lut chiah chu kan nui phuh \hat hi a ni ber, Christy chuan min haw dawn a ni, Mahse Scooty ka khalh thiamna christy leh Remthanga in hmuh hi a ngai miau a, duh leh min ngei mai mai rawh se, min haw rei leh awm chuang lo em maiah.



In ah chuan lutin Pu Chhuana te chu in chhungah an rawn chet tawh dawn avangin a beng chheng bawk nen, pawnah chuan thli thaw dawn pahin U Mami scooty dahna bulah chuan kan \hu ho a, kan titi mawlh mawlh a, Christy chu a \awng \ha duh lo hle a, Remthanga lah chuan a care in a be siam siam reng a, a rul tawk chauh chauh in a chang a, an inhmeh a ni. An inhmeh a ni, an inhmeh ka tih thu hi sawi ila chu christy chu a haw nghal duh ang.



Mahse chutia awm ho a, titi ho reng ta na na na chu Christy pawh a pangngai ve tawh viau a, kan inkawm pangngai thei ve ta hram a, dar 11;30 vel chuan ei tur chu kan siam sak dawn nge kan lam dawn tiin Pu Chhuana chu ka va zawt a, Pu Chhuana chuan I tih dan dan a ni mai, I siam peih te chuan senso a tlem zawk daih ang chu a lo ti a. Rca lah pek chuan a siam tui lo ang, Pi chowi hnena mi lam rawh min lo ti, ka melh rum vak a, Pu chhuana chu a lo nui ringawt. Kha,, Kan mistiri thu thu kha a ni mai a rawn tih takah chuan Hmm,, Ka siam tui theih zia I hre lo a nih kha I inchhir khawp ang tiin ka kal a, Mahniin siam I la, pawisa bang ka nei thei dawn sin le,, GAS hnima mai mai chu(h) tiin ka phun nung nung a.



Ramrami hnenah chuan tirawh chow lamin kan kal dawn ami ka va tia, christy chu alo chiai hmel lutuk, tian keimahin ka awm dawn ami lo ti nghal vat.
Aw,, kha Remthanga a awm kha, in pahnihin in kal duh zawk ami ka tih chuan ila hre ve viau ang tiin a vui nung nung a, kan rei lo ang, saw Rca sawn order a duh kher sia, kan rawn phei hunah Scooty khalh chu kan zir dawn nia, ka ti a, Christy chuan kan kal hnu thleng chuan rum lutukin min melh a, Kawngpui kan thleng chiah tihah chuan Rami nen chuan christy mangang hmel chu kan nuih a, a thinrim dan tur te ngaihtuah in kan sawi chho a, Pi Chowi in lam chu kan pan a.



Pi Chowi hnena ei tur kan lak zawh chuan hman hmawh takin kan let leh a, ei tur vel chu ka buaipui sawk sawk a, kan vai mai chuan kan ei a, Christy leh Rami chuan Rca ei tur pek vel chu an inchuh a, Remthanga mit mei lah chu an veng lo nasa ropui si, Christy pawh remthanga'n a star tih a hre ve reng a, kan kal san hlan khan Remthanga pawh lo chet ve tur a nia, a che na vak lo a niang, christy chuan Rca number dil sak turin alo ti. Remthanga chuan a dilsak ve mai bawk a, awi.. ka khawngaih lutuk beisei ava bo dawn chiang tak..



Rca chuab remthanga sek ve ṭulh maiin a number a han dil chu mak a ti a niang, a en vung vung a, a pe ve mai bawk a. Ei tur te an ei zawh chuan Pu Chhuana te pawh an chawl ve phawt a, Pu Chhuana bulah chuan hei sikut khalh zir kan tum a, kan rei lo ang, lo ti mawp mawp mai ru aw.. ka tih chuan, e.. va kal rawh va kal rawh u, rawn khalh thiam haw ngei teh a ti a, Kan piah deuh lawkah chuan field lian vak lo hi a awm a, tah chuan zir kan tum a, Remthanga chuan khalh thla in keini ho chu ke in kan kal a, ka ṭhiante chuan min huphurh pui hle mai a, keimah ber chuan ka zuam em em thung a, thiam mai tur anga inhriatna lian tak ka nei tlat a ni.



Tlem te ka lo zir sil ve tawh bawk nen ka huphurh em em tawh lo, min zirtirtu tur chuan a huphurh zawk ta ve ang, a hmasaa min tihtauhsan hmak khawp a beidawng tawh tu tho kha a nia, ka condition hi hre chiang ve dawn em. Kan va thleng a, Bul kan han ṭan dawn ta, scooty chu a ti nung a, lo ṭhu rawh le a tih aṭang chuan ka va kawi leh nghal tawh.. Christy chuan khatin awm herh ṭung mah ta che.. a rawn ti, Rami lah chuan, enge khatia i ṭhut khawih nghal ṭung a, awi.. hnung lam aṭang phei chuan Africa map i ang lutuk a rawn ti



In ninawm, Remthang, rawn chuang la ka ti chiah chu a teuh lo lutuk, ka chuang tawh dawn lo ka tih kha, nangmahin chuang rawh a hnung aṭangin ka lo dawm ang che a ti ta hmak mai. Nia, kan zir hmasak ngaihtuah chuan a awm ve reng, ka sawp rethei ve em a ni.. Remthanga chuan e.. i la zei lo em mai, a nung loin nawr phawt ang a ti a, a nung lo chuan min nawr a, rin aiin ka ti thei leh fu, ka thiam ve vat mai te pawh ka in ring tawh. Christy te ho pawh chuan min ring ve deuh tawh a niang, a nung chungin zir ve chhin rawh nangmahin muang changin i tlan ang a, a hnungah kan lo veng ang che an ti.



Tichuan le kan ti nung ta, ka hnungah chuan min vengtu pathum an awm ṭhawt a, thla pawh a muang deuh, Mahsee.. a nung chiah chu ka thiam sa zawng zawng a bo vek, ka race a, ka buai nghal, ramrami hnenah chuan ka ke hi ka dah chho tawh dawn em, engtikah nge ka dah chhoh dawn ka va ti, Ramrami chuan nakumah dah chho rawh. i van chhah tak. a lo ti bul nghat a, christy chuan i tlan chhuah hunah khan dah chho vat rawh a rawn ti ve leh.
ka ke chu ka hlang ve ta, A seat aṭangin ka tla thul, Rami chuan chhuk nghal zel tum mah ta che a rawn ti, ka tum pawh a ni lo, ka tawlh zel a nih hi ka ti, Christy chuan thinrim tawkin i mawng vel cut kawi lo khan a khalhna zawk kha cut ta che a rawn ti leh. ka mawng ka buaipui hman lo ka ti vin ṭhak a. Remthanga chuan engmah buai pui angai lo, kawng leh a steering ringawt kha ngaihtuah rawh a rawn ti ve..



Ka herh vak a, a tlan thut ka phu nasa lutuk ka ti kawi zawt zawt a, christy chuan race tawh suh a rawn ti. engtin nge ka race tawh loh ang. a tlan zel alawm ka ti a, ka chiai tawh lutuk .Ramrami chuan a brake kha hmet ta che mawle a rawn ti vin ṭhak a, an ni pawh an hlauthawng an ni ai fe chuan ka hlauthawng zawk.
Remthanga chuan i ding lam kha thlah rawh a rawn ti, ka ding lam ka thlah chuan ka tlu dawn asin.. min lo man rawh u ka ti a, min rawn um, i din lohin kan man ngam bik hleinem che.. aw.. insu hlum tawp rawh.. mawl lutuk. Bang saw pan rawh tiin christy chu a thinrim tawh tak zet.



Remthanga chuan i tlukna lam tur zelah khan cut rawh a rawn ti leh, engtin nge ka tlukna lam tur ka hriat ang ka tih chuan Rami chuan aw.. tlu rawh. tlu tawp rawh a tih rual rual chuan bang ka thleng, anni chu hnung lam an hawi nghal vek a, keichuan ko bang chu ka su dawt a, scooty seat aṭang chuan ka tla thla tawp. chu ve leh an rawn tlan phei nghal, ka khup chu a thi nghal ser ser a, a na lutuk lo hlauh, mahse U Mami sikuti erawh a rang ve viau.
Christy chuan i thi mai ang ti tawh suh, i thiam ve loh tur a niang, a tih chuan ka lawm thei hlawl lo, scooty company hian he scooty hi Laldinkimi khalh thiam ve loh tur kan siam an ti pawh ni hlei lo, nangni pawhin inthiam chuan ka thiam ve awm em mai ka ti khar khar a, Remthanga chuan inthlahrung deuh hian tlawma lak chi pawh a ni lo, i thiam loh dan hi a nghet ve e.. zir tawh lo mai rawh tiin a beidawng lutuk.



Keimah ber chu ka beidawng duh tlat lo, ka thiam ngei ngei angai, kan ti nung a, Remthanga chuan a steering vel kha engmah lo khawih suh a rawn ti, ka khawih lohin ka tlan thei nang ka tih chuan Christy chuan aw.. tlan thei suh. tikhan sawi ang ang khan lo awm tawp rawh a rawn ti, ka ṭhiante hi an lawm tawh mawlh lo a ni. A chang leh min nawr a, a chang leh awi thui vak lo aṭangin min tlan thlak tir, a nung lo chuan ka ti ve thei mai zel. Remthanga chuan a tawp nan a nungin ti leh chhin ang ka chau vek tawh a ti a.



Kan ti nung ve leh ta, muang te chuan ka ti det det a, ka khalh ve thei tawh, christy leh Ramrami chu an lo lawm lutuk, Remthanga pawh a thaw veng huaiin ka hria. christy chuan mithiamnu a rawn ti, Ramrami chuan sikuti khalh thiam nu, a rawn ti ve leh ka va en khang lang a, ka buai zo leh ta.. ka vei zawng chuan ka thal leh nghal ṭhawk..



Remthanga chuan enge maw i va hawi ve kher kher ni, i thiam dawn ṭep asin le. vawi khat field ngil zawng hian kual loin han khalh tawp teh a ti a, ka khalh chhuak ve leh thei ta.. mahse ka hawi chhuaj ngam lo.. chutuh rual chuan beiseina chu ka nei sang tawh hle.. Ka tlan thleng ve ta zân e.. kar leh lamah chuan ka thiam tawh hrim hrim.
Kan chawl a, ka accident lai ṭhen khat video a an lak te chu kan en a, kan nui nasa ltuk. kan awm rei deuh tak phian avangin hmanhmawh takin kan let a, Bena te inkhelh pawh a hun ṭep tawh.

Show post links
Top