TE DOY 15K BY Abbra Reo Ririni Khiangte (Pitartei) (Completed)

[ngaia]

☆TE DOY 15K☆
Chapter 9
By
Abbra Reo Ririni Khiangte(Pitartei)


A lungphu ri dawt dawt vang in ka taksa chu a che ve a,Ka nghawng a thawk khum leh ham ham takah chuan a dar tihrawl a khat ah chuan khabe ka nghat a,A hmuiin ka nghawk bawk a rawn nawr leh a,A samah ka ţham a,Mahse tum ţum chu ka laka ţang awm hrang tur nilo in min hnaih leh zual tur in ka kuah bet ta zawk a,Chumi rual deuh thaw chuan a thawchhuak nghal huai ri ka hria a!


Zothana phone a rawn ri ta thut a,Ka che chu nghet leh zual in a taksa a bei thlawp khawp in min kuah bet a,Mahse pawn lama hmeichhe pheikhawk sang bun pen thawm ka hriat rual chuan mangang lutuk in Zothana awmah chuan ka hmai ka nawr a,ani erawh a chiai ve hauh lo tih hriat zet in ka hnungah a chul hauh hauh thung!


Racheli'n Zothana a au thawm ka hriat chuan
ka phu dawrh bawk,Zothana zawk in rang lutuk in ka ka a rawn hup bet a!A mitmeng thim khap leh zim lam mah ah chuan ka melh kiau a,Nuihza insum hmel hi ang ka ti ber! Nuihzatthlak pakhatmah a awm der mai silo!

A rawn kun hniam a,A hmui lumin dimte in ka chal a rawn nawr leh a.

"Ka birukpui ţhin che kha ila hria em?" A hmui nem thep mai che phun sup chu enlo phei ila chuan a thusawi ri chu ka hre kher lo ang! Rum deuh a melh pahin ka mit mu ka chet kual ralh a,Tun hi kan naupan lai hun sawi chhuah a,Fiamthu thawhna hun pawh anilo.Ka pasal te inchhungah ngei ka pasal nau mipa atchilh em em nen pindan pakhat ah kan awm bo a,Tu emaw kan awmna lam panin a rawn kal mek bawk!


Ke pen a rawn hnai zel a,Zothana chuan ka hmui a la hup bet reng,A hmui hnuai seh zauh pah hian kawngkhar lamah chuan min nawr bet leh sauh a! A awmah ka kut in ka nam ve țang ţang bawk,A taksa a lian in a lum vung vung mai bawk si! Ke pen chu kawngkhar zawnah a tawp ta chawt a! Ka taksa hi a hit chhuak nghal vek!


"Zothan,Brad..?" Rachel aw hnai tak ka hriat leh rual lek phei chuan ka thisen hi an tlan nghal zawt zawt mai!


"Brad,A chhungah khan i awm em?" Ka mengphawk kawk a,Zothana ban rekah chuan ka vuan a!

"Kal rih rawh.."Zawite in ka ti sep a,Min melh ngur ringawt!


"Min ngaihtuah suh,ka ţha..!"Ka sawi zawh hma in a taksa hnuai lam chuan na leh zual in min nawr bet leh salh a! Ka tum loh lutuk in ka hmui hnuai seh chung in ka chhing ta sawk a! Ka awmdan hi ka duh lo ber ani hial ang!Mit ka men leh chuan luhlul tih hriat lutuk hian min melh chhuk run a, Helai hmunah hian Racheli'n min hmu dun anih ngat chuan ka chhe vek ani mai!


"Zothan,Khawngaih in.."a awmah ka nem leh dat a,A chesawn miah lo te chuan min ti mangang ta rum rum mai!,Pawnlam aţang kawngkhar bawk a rawn kik leh a,Kawngkhar rawn hawn tum a lock a rawn herh rik rual chuan ka lungphu rang lutuk chu ka thidang mai dawn in ka hria a.


"Min hrilh rawh le.."Zawi sup in a ti a.Ka khabe ah a rawn dawm nghal zat a,A mitmeng thim raih ah chuan sawi chhuak lo mahse amah rinchhan tawp turin min duh zia a rawn lang chhuak a!


"Bawihi..!" He hming a a vawihnih min kohna ani tawh!


"Zico.." zawite in ka ti sep a,Zothana chu thinrim in control tum tih hriat zet hian kut a hum ruh nghal țeuh a!


"A ţha e" ka biang ah rawn vuan in ka chalah bawk a fawp leh a,"Ka kut ah dah vek ang che.." A ti leh sup bawk,Kei erawh ka taksa chhunga ka phurrit zawng zawng a kiang ta hawk emaw tihtur khawp in ka thawl nghal huai mai.


"Chhuak rih rawh.."Ka ti a,A hrawk bawk che ralh in chil a lem a,A rawn pen hma leh a,A awm bawr a kawrkilh a thin zawn thleng a awm thla chu ka melh ngar a,Min hmu tu awm mahse a hlau ve miah lo tih hriat zet hian a hmel landan vawikhat pawh a buai ve chhin bawk silo!Ka chhip ah khabe a rawn nghah leh rualin a thaw zui ham ham bawk.


"Min hlau lo tiraw?" A aw thum leh hniam ruih chu mi tam zing a ka hriattur bik liau liau chauha rawn ri chhuak ang mai hian a zawi a.

"Umm.."

Rachel bawk in kawngkhar lock a rawn herh leh takah chuan Zothana chu a thaw hawk a,Ka mit ah chiang zet a rawn en leh in ka tana thlamuanthlak ngawih ngawih turin a nui suk a,A kut veilam a kekawr ipte ah a zen lut a,Chhunglam aţang kawngkhar chu a pawt hawng a,Keichu kawngkhar phenah ka ding a,a pen chhuak a,Racheli ri ta hluai leh Zothana lo la haw lo a lawm zia thu a sawi ri chul thawm a hla tial tial a,Ka kut pahnih in ka hmai ka hup thawk a! Ka taksa ţang ţung mai tih rehnan ka thaw chhuak ta ham ham mai!Ruak huai leh kim lo ang a inngaihna ka nei nghal ringawt bawk!


Zan dar 12 a hnai tawh a,Zico leh Lisa an la rawn let lo cheu a,Jayden pawh a muhil a,Ka malchung ah ka pawm a,Sofa ah puitling ţhenkhat ti ti ngaithla pah chuan kan ţhu ve ran a! Zothana khan amah ah rinna nghat tawp turin min hrilh a,Ka rin mai a țha tih ka hre bawk ,Achhan chu kei ve mai tan hian Zico hi beihlet ngaihna a awm lo a,A thu hnial hlek zawng a ka awm chuan ka lakah tharum a hmang nghal hreh tawh bawk silo a!


Sofa nghenchhan chu ka ngheng a,Zothana nen kan awmdan kha ka ngaihtuah let a,Zico ang in ka taksa khawih a tum lo a,A lungphu ri ka hriat zawng ringawt pawh khan keimah hian danglam a awm tih ka hria a,Chuthil chu engnge anih chiah ka hrethiam lo,Kan inhmuh loh rei lutuk vang in a taksa lumna kha ka hre khat a,Ka pasal nilo mipa dang taksa ka hnaih leh hmasak ber na ani bawk a,chuvang mai a danglam nia in ngai mai chiah ka ni, oh, chuthil chu ni hram teh se,Mahse hman ang chiah khan a taksa lianpui leh nghet ţha zet ah khan ka hahdam tih erawh phat ngaihna awm lo khawp in ka hrechiang em em thung!


"Zico te pawh chu an va rei tawh em em ve?" U Machhani'n ring leng lawng in a rawn ti ta vak a! Ka meng nghal zawk bawk!


"Jayden pawh khum ah lo a muhil ringawt a,A lainatawm em em lutuk!" U Machhani bawk chuan a rawn ti a.


Ka nu in rang lutuk in a lo phat mar sak nghal zung zung ka hmuh rual chuan U Machhani chu ka melh a,A lawm hmel lo kher mai!


"Vincent pawh a thinrim tawh kha,Zico leh Lisa inzui nasa lutuk hi khawi hmunah pawh an sawi sep sep reng a,Lisa zawng turin a nih kha a kal chhuah!" A tih zawm leh zat a,Inleng an ţin tawh a,Inhnuai ka chhuk thlak ve rual khan Zothana ka hmu tawh miah lo a,A haw tawh ah ka ngai a!


"Engnge an lo sawi ve vak vak a?" Ka nu aw ki chu a hniam lo kher mai! Brad pawh a awm a,Mahse engmah a sawi ve lo.


"In ngaizawng larin anih kha an lar tawh."

Nghet lutuk in ka fapa chu ka pawm bet nghal chawt a! Ka pa in min en reng tih ka hria a,U Machhani hi hmeichhia ka hriat tawh zawnga țawng tlem ber leh mi pawisawi ngailo ber ani a,Ka nu hlau miah lo a țawng chhuak ngam chu mak ka lo ti lutuk a !


"A va awihawm loh ve,Lisa chu a naupan lai ațang kan in a khawsa ţhang ani a,An inkawmngeih zia pawh kan hria alawm,An naupan lai phei chuan kan inah hlir a lawm a riah!" Ka nu ani a,Midang zawng chu kan ngawi ta ţhap a.

"An naupan lai ang a awm thei an ni tawh lo tih te chu hriat ve bawk tur alawm,Pa ani tawh a,Tunah zar dar 1 a hnai tawh a,eng em em nge an la tih a!" Ka pa in a ti ve ta churh a.

Inchhung boruak chu a ni mup a!


"Kan call a nge,Tinge tupawh hian mite chanchin diklo lai hi sawi nuam kan tih em em le.." ka nu chuan la ti hram in dawhkan a a phone chu a ban a.


Ka pa chu ka melh leh zawk a,chik tak hian min lo en ve run a,Zanin hian ka ka ațang thu pakhat a chhuak ve anih chuan Zico in thudiklo information a dawng leh anga,A kut ka tuar leh bawk ang! Zico in thudik lo tak tak a dawnna hi ka nu ber hi anih ka ring nghet hmak tawh a,Mite an thil tihsual hmuh sak hmasa lo a rinna lo siam tawp hi ka tih ngai anilo a,Mahse tunhnaia thil thlen dan aţang hian ka nu lo hi chu Zico lam ţang hlur an awm lo tih ka hrethiam ve tawh!


Lisa tello in Zico a rawn let a,Kawt ah car a hung a,Inchhungah rawn lut tawh lo in Mami te nen kan inzui chhuak a,Ka pa in min rawn zui chhuah ve vang chuan ka hlauhthawn a zual sauh a!


"Remsiam,Naktuk ah i hna kal hma in min rawn hmu ang che." Car ah kan ţhu lut vek tawh,Zico țhutna lam a ding chung chuan ka pa in a rawn ti churh a! Zico chuan a hmuh tur thu a hrilh a.


Engine a start chu ka melh zawk a! Ka ţim sawk thei! Rapawm zet in min nuih a,A mitmeng erawh a thip in ka chunga a thiltih tur zawng zawng ka hmu zut zut maiin ka hria a.Mami car chhungah a awm ve hlauh chu ka lawm kher mai!


Mak tak maiin in kan thlen hnuah Zicoa'n engmah a sawi lo a,Chutiang bawk in Jayden bula riah ka dil a,A phal ve mai bawk a,Ka fapa kuah chial chung in ka muhil a,Ka harh leh pawh in Jayden nen in hmatawn in kan lo la inkuah chial a,A thawk lak zawng a a taksa che ve ek ek te chu ka en reng a,Zico ang a rilru buluk leh hmeichhe dinhmun hmusit lutuk a a ţhan chhoh ka hlau a,Kei ai daih in Zico an na a ngah a,A pa rilru tenawm zet ang a a țhan chhoh loh nan ka ţawngţai ta mawlh mawlh a!


Apa ngeiin rawng tak tak in a nu hi min khawih ţhin tih a la hrethiam ve lo a,Mummy leh papa ri chul khawp a a infiampui ţhin te inkarah hian hmunawl zau tak a awm tih lah a la hrethiam ve hek lo.A lo pian chhuah khan Zico nen kan induhna rahchhuah niin ka lo ngai ţhin a,Mahse atan chuan keichu fapa pe tur chiah ka lo ni reng a,Kan fa tir hi mipa nilo in hmeichhia lo ni ngat ta se tun ai a rawng hian Zico hi ka chungah a chet duh hial te ka ring let ta rum rum a,Fanu ka hrin ruala thi sa a piang ang a ngai tura min hrilh lai te kha ka ngaihtuah let a,Ka ip zui chawih chawih mai!


Jaydena'n ka kut a lukham loh zawk chuan dimte in ka pum la thep thlep chu ka chul leh a,Ka ngaihtuahna vak thuiin ka mangang a,Lo pai puitling in hmeichhia lo hring ta ila,Zico khan a sawi ang tak tak in ti ta bawk si se...!

"Mum!"


Rang lutuk in ka mittui chu ka hru nghal tawk a,Jayden chuan a kut tereuh te chum biang si chuan a mit a nuai ve nauh nauh a.


"Good morning Jay.."

"Mum,Night time ah ka bulah i mu maw?" A thophang aw ţial ve țiak te chu ka duh lutuk! A sam a delh sual ve ngei a,A pawr ve phang a,An class ah hian english word 10 vel lek te hi an zir tawh a,Jayden lah thil pickup chak ngang a lo ni nen,English word an zir chu a hmang ta fo mai.


"Umm,Mummy khan a ngai lutuk che a.."

"Today ah school kan kal dawn em?"


"Aih,Karkhat chhung holiday anih kha.."Ka ti vat a,A nur ta náng a! Ka nuih a tiza reuh lutuk chu a biang ah ka fawp a,Ka awm ah ka kuah bet nghal vak a.

"Tunge ka play pui ang?"

"Mummy ani mai lawm!"

"Ka nanau tur hi lo chhuak tawh se ka ti e " a ti ve bai bai reuh a,A ţhu chhuak a,Kei erawh ka la mu thung,Ka kawr hak a hlim chho ve sat sat a,A kut tereuh te chuan ka dul chu a rawn beng thek thek a! Tunhnai ah a vawikhatna atan ka rilru zawng zawng in ka nui chhuak ta hawk hawk a! Zico-a'n a fiam fo dan ang in ka dul chu a rawn ham ve a! Kan nufa chuan kan ri ta chul a!


Inhnuai ah kan inpawm thla a,Nichin khan apa min khawihna ka ban bul tawn tir duk thluah mai kha a hmu a,A nat leh nat loh min zawt chul bawk a,Engkim kawngkhat a ngaihtuah phei chuan țah hlawp hlawp te hi ka chak ţhin a,Kan nufa min pawh țhen a tum tih ka hriatna hian a hma zawng aia chaklo khan min siam a,Zawhna,Chhanna ka hriat theih ngai siloh, 'Tinge ka chungah heng thil hi a tih?' tih hi minute tin mai hian ka inzawt let hial ţhin in ka hria.


Jayden-a breakfast tur ka siam mawlh mawlh laiin ka pa aw ka hre ta hlawl a,Ka nu a rawn lang ve hlawl bawk.


"Ehe.." A dang sawi tur ka hre miau lo,an hnunga Zico rawn lut tel ve leh mitmeng ngeiawm lutuka ka nu leh pa te hnunglam rawn melh pah a nui ka hmuh rual erawh in ka na vawng vawng mai! Zico thu lo ang a thil ka sawi chhuah rual in ka nu leh pa rilru țha em em leh kum upa ve tawh tak te hian an tuar dawn a! Chu thil min hriatnawn tir tum a nuihsawh zet a rawn che vel ani ber ang chu!


"I ţha zel maw?" Ka nu in a ti thuai a.

"Țha e,In pahnih in inrawn chhuak sia,In lam a va ngaihtuahawm dawn ve!" Ka ti ve thuai a,

"Kan in lamah ka kal a,Ka haw lam in ka rawn chhawm nghal anih hi,I chanchin ngaichang turin an rawn kal a." Zico chu a hma ang chiah khan makpa ţha ber tia sawi theih tur khawp in danglam a awm lo a.

"Babe," Min koh dan vang chuan ka uak tuarh lo chauh!


"Veru kha thingpui rawn siam tir la,Ţhutkhawmna lamah hian kan lo in ang!"


Ka nu leh pa te ţhutkhawmna lam pan a an kal chu ka en reng a,Zico chu an ep chiah sofa ah a ţhu a,A mize lem zawk chhuah in ka nu leh pa chu a be ta bawrh bawrh a!


Mami'n Jayden a rawn buaipui a,Thingpui nen ţhutkhawmna lamah chuan ka phei ve a.

Kan mihring tenawm~a chuan Home chanchin te alo zawt luam a,Ka nu leh pa te lah chuan a rilru bawlhhlawh lutuk hriatthiam sak ve hek lo le!

Dawhkan te ah thingpui chu ka nghat a,Ka kawngah rawn vuan in a bulah min pawt ţhu ve zat a.

"Kan ngaihtuah zui reng che a,I nuam deuh tawh em?" Ka nu zawk chuan a rawn ti vat a,Ka pa chu mipa a ni a,Hmeichhia te kan rik hluai ang hian a ri ve vak ngailo,A mitmengah min ngaihtuah zia ka hmu a;Ka lawm tawk em em bawk!


"Ţha e,Hmanni kha chu ka thil ei mumallo nen ka chauh deuh thut vang anih kha."Ka ti vat a,Pathian hnen ah Zothana chanchin sawi chhuah tir loh turin ka dil ru mawlh mawlh a,Ka dilna chhanin a awm a,Ka nu emaw ka pa zawk pawhin emaw Zothana hming an lam chhuak lo reng reng!


"An pahnih sawn Jail chhunga awm turin han suangtuah chhin teh!" I mi huat ngawih ngawih in tih theih pakhatmah neilo in a siam ve tawh che em? A țawng duhdan vang chuan ka kawchhunga thil awm zawng zawng te a rawn chhuak mai dawn emaw tih tur khawp in a in linglet kual a,Gate lam panin kawt zawlah chuan ka nu leh pa te chu muangchang in an kal a.


"Putar phei saw chuan lunglam natna kha a nei tak tiraw?"


"Zico!" Ka vin nghal tuarh a,Beidawng lutuk hian ka en a,Ka na tuar hmel a hmuh rual chuan nuam a ti sauh mai hian ka hria a.


"Tinge i nunrawn em em a,Pathian hlauhna tlem tal i nei em em lo ami?" Ka ti thlawt a.

Engtinnge an ni pawisawi lo lutuk pahnih saw a infiamna hung chhung țawp leh bawlhhlawh zet ah hian hnuh luh phet a tum ţhin!


Ka thinrim lutuk chu min ngaipawimawhlo zet in dar a kan uk a,A zu in nasat vang hian a taksa hi a puam deuh tawh a,A hma zawng ai khan a lang lian in a hmel hi thinrim reng ang mai hian a sen deuh ţun reng a,A landan sawifiahna ţha ber chu Ramhuai palianpui hi a ni tawp mai!


"Ka nu leh pa sawn i lak ah tih sual an nei ami?" Ka thinrim lutuk vang in ka aw a khur a,Țhen suk pahin ka hnungah a rawn ding a,A ban pahnih chu ka taksa hmalamah a rawn suih bet leh a,Ka tal nghal phat bawk,Mahse ka beng ah a hmaia rawn nawrin nghet leh zual in min kuah bet a.

"Hetah hian naute a awm kha,Ţawngkam vin hmang chiam chiam suh!' Ka beng bulah a rawn phun sup rual chuan a sam ah ka keh sak ta vak a,Min thlah pah in a la nui chhuak cheu anih chu!


He mihring tluk a,mahni mihringpui te diriam a, ngaihthah thei hi an awm tawh kher lo ang!


Ka theih ang a rum in ka melh ta ngawt ngawt a,Ka ţah te hi a chhuak hlur mai,Ka chhungkaw neihchhun hmanga min vau bet hi ka hua a,Tal chhuah ka duh bawk a,Chutihrual in Jayden ka ngaihtuah tel angai zel bawk si! Ka nun hi a ipik hluah hluah tawp!


A phone a rawn ti ta hlauh a,A kalsawn takah chuan duhthawh lutuk in ka thawchhuak ham ham a! Ka taksa chhung hi a tawt tup tup a,Ka ţah a chhuak a,Țah chhan tur ber lah ka hre bawk silo,Nilo..a tam lutuk a,Eng ber nge ka ţahpui ang ka hrelo mai ani zawk,Tunah phei hi chuan in ţap chau hman ka nilo a,A țawngkam nunrawng tak tak te kha chauhpui tham a ni meuh mai! Mahse,Chutiang mai mai a ka rilru tibuai hman ka nilo a,Jayden hi min laksak ka phalloh tluk zet in tuna ka naute,Ka pum a insiam mek pawh hi an la dawn lo,anni ramsa ang mai mahni mihringpui te hlutna hrethiam lo tute kiang ah hian ka thisen tel ve tawhna phawt chu ka hnutchhiah dawn lo hi ani tawp mai!


Mami leh Jayden inhnung lam hmun ruak ah an infiam a,Zico erawh phone hmang in a office bikah a awm thung!


Kan nupa room ka luh rual in ka phone a lo in 'ring' zo ve chiah a,Ka pan hnai a,Screen lock ah chuan Jayden birthday ka chhu lut a,A inhawng a,Call ka dawnna number ka hmuh rual chuan ka meng nghal kawk thei!


Thinphu dep dep in call register chu ka scroll thla a,Vawi 4 min lo call hman tawh.

Phone chu nghet zet in ka hum a,Ka thinphu a su dup dup bawk.

Jayden room lamah zawk ka lut phei a,kawngkhar ka kharphui a,Ka lock nghal thlap a,Zico a rawn kal thut thei a,Chuvang chuan ka inven ve a ngai! Number ah chuan ka call back a,Hman ațang message min rawn thawn ziah tu kha ni a,Ka thinlung chuan mipa pakhat a beisei a,Zamna leh phurna..Ka hriatthiam ngai siloh thlakhlelh rukna te nen ka lungphu chu a su dup dup reng bawk.

"Keimah.." Lehlam aţang aw zawi sup ka hriat rual chuan ka lawm vang nge a aw in thlamuanna min pek nasat zawk lutuk vang ka hrelo,Ka nui chhuak hak ringawt a!

"I ţha em?" Aw ngai vek chuan a rawn ti leh sup a,Lu ka bu nghat a,Ka chetdan vang bawk chuan ka nui chhuak leh a.


"Ka țha.."ka tisep a,Lehlam a thaw ri hawk ka hriat rual chuan ka mur sung sung maiin ka hria. Ka kut ka hum ruh a,Pangngai tak a lan tum a beih lo hahthlak zia hi tunhnai hian ka hrenawn reng mai anih hi!

"Kan inhmu thei a ngem?" Zawi sup in a rawn ti leh a,Tuna Zothana ka endan hi ka hrethiam ta lo!

"Ka hrelo,Holiday ani rih." ka ti a.

"Umm,Mahse hmuh che ka duh."

"Zothan.."

"Khawngaih in.." A hmel landan tur te thleng in ka mitthla vek thei anih chu!

"Ka lo tum dawn nia.." ka ti a,A thaw huai ri chu ka hre leh a.Phone ka off hnu chuan keimah zawk pawh ka thaw hawk thei mai! Zico bula ka awmdan ang ngailo tak in Zothana nen kan inhmachhawn chang hian ka awm tlat zel a,Hunrei tak chhung ka tello in a kalbo a,chuvanga ka thinrimna a la reh loh vang pawh ani mai thei bawk!



Jayden room aţang ka chhuah leh chuan inchunglam panna kailawn ah Zico a rawn chho ve chiah a,Mak tak mai chu tun ţum ka naupai hi thil ei chak bik huam huam ka neih loh ang bawk in rilțam ka nei lo a,Jayden ka pai ţum a ka awmdan nen chuan dang tak ani!Mahse tuna ka dinhmun ngaihtuah hi chuan naupai huat neilo a ka awm hi ka vannei a,Luak chhuak reng leh taksa chau lutuk ka neilo te hi ka lawm hluah hluah,Ka hma mai a mihring in ka nun a chinglet kual hneh lutuk vang pawh hian ka chau tawk tawh a,Chuthil chu Pathian in min hriatsak vang pawh ani mai thei! Ka nunphung ti buai belh tur thil engmah ka chungah a thlen loh tak ni!


Min be lo in room ah a lut tlang hmak a,Ka lut ve a,A hmel hmuh a nawm tawh loh sa nak laiin a mood tihchhiat belh tur thil a hmachhawn tih hriat reng reng,A hmel a dur khup a.


"Machhani nen sawn in inthurual em?" Teh tawp em in!

"I sawi awmzia ka hrelo." Ka ti let a,Mahse rindan erawh ka nei thiam thung,Nizan a thil thleng kha ka nu in a rawn hrilh ani ngei ang!


"Nizan a a thil sawi kha ka hriat loh ring reng reng suh aw." A rawn ti ţhawt a! Phone chu nghet zet in ka hum a!

"Thudiklo sawi a nei ami?" Ka nui sak thei chu keipawh in mak ka inti letling zawk!

"Țawngtam tawh lo turin hrilh ang che,Anih loh zawng in a tuar ve mai ang!"


"Ka bulah ngei Lisa i hmangaih thu i sawi a ni lawm ni?Tinge mipa tak in engkim i chhungkaw hmaah i lanchhuah tir mai loh.." Ka lam pan a rawn pen pawk pawk vang chuan ka tawlhhnung dat dat a,Kawngkhar ka nghen rual in ka lu chung zawn chu ri bur khawp in a rawn beng pawp a! Ka thling hi a țek kual zawk maiin ka hria!


"Ka zawhna che bak engmah sawi belh tawh suh.." ti hmuk pah in a ding ngil a!


"Zico, Ka chunga rawng tak tak a i chet hian nuam i ti reng reng em?" A mit ah tak en reng chung chuan ka ti a,Kum 5 chhung in khatah nupui ang a a khawsak pui ngei lakah tiang tak a a chet hian nuam a ti ang nge hrehawm a tiru ve ţhin ang tih ka hre chak tak zet!


"Chu thil chu nakin lawk ah a chhanna i hmu vat mai ang." Ner sawk pahin a rawn ti a.


"Zico, Pangngai tak in thil kan sawi thei lo ami? Tun ang teh hrep a i nun hian hlawkna pakhat tal i hmu em?Lisa i hmangaih thu pawh chiang tak in i sawi vek tawh a,Na lo ka nilo a,Mahse a hma ațang i chet dan vang te pawh kha ani mai thei,Rin dan ka lo nei thiam tawh tho a,Tinge Lisa nen chuan in inneih mai loh,Kei hi min kal tir la i hmeichhe hmangaih chu nei mai la,kum 5 chhung ka pasal i lo nih tawhna vang tal pawh khan ka chungah hian zahngaihna pakhat tal i lan tir thei lo ami?min hmangaih bawk silo a,I nun vawi leh khata danglam ta thut pawh in min tihnat zia pawh ila hriat vek kha...Keimah nen inzawmna ila neih zawng zawng hi titawp la,Lisa chu pangngai takin nei mai ta che..!"


"Kan la innei dawn lawm,Chu thil chu ka duhthusam ber a ni bawk!" Rapawm zet a nui pahin min kalsan a!


Washroom a a luh hnu pawh chuan ka la chesawn thei chuang lo!A ka ațang thu chhuak hlek hi in control ve viau pawh nimah ila a maksak in a dengkhawng thei lutuk a,Ka lungphu phu mek te hi a chawl ta duk hial ţhin in ka hria!


'An la innei dawn tho..A ţha e!'


Falkland pan in taxi ah Mami nen kan pathum in kan ţhu ran a,Mami leh Jayden țawng lang lang ri chu ngaithla in ka nui ve leh sak zel a!


Zico hian mipa tak tak rilru a pu lo ni a hriatna lian tak ka nei ta bawk! Mipa diktak nise chuan a hmeichhe hmangaih chu nupui atan a nei anga,Hmeichhe dang nun a tih chhiat sak lo bawk ang!


Jayden leh Mami chu an infiam a,An piah mai ah ding chung in ka en reng a,Ţhenkhat tan hringnun hi a awlsam em em laiin ţhenkhat tan hi chuan fight tak te a fight a ngai ţhin a,Kan zavaia tawp na tur erawh thihna ani vek thung,Chu thihna hmanga kan hahdam hma chu thil maksak pui pui kan la hmachhawn reng dawn chu ani a,A bikin kei hi! Engthil maksak nge ka hmaah hian lo la awm leh dawn!


Ka hnung lamah taksa lumna min si chet a rawn ding ka feel rual deuh thaw in ka fapa au thawm ka hre zawm zat a! Ka hnung maia taksa lum vung vung nei tu chu a nui nghal hawk bawk!

"I lo thlen lai ka hre miah lo.."Ka hawi let lo a chu min en reng tih ka hria.

Ka fapa a rawn tlan let terh terh a,Ka hnung lam aţang bawk nui ri ka hre leh a!

"Uncle,Hetah ka awm tih i hria ami?" Ka lo ding ve chu min hmuh kan hmak thei anih chu! A ban pahnih a phar a,Ka hawi let a,Zothana'n zo zet hian a lo pawm kang nghal nawlh a.

"I awmna ka hre thei i ti em?"

"Aw,Mum bulah pawh ka sawi a,Uncle nen play na ah kal leh ka duh ka ti a.."

"I mummy chuan min hrilh miah lo." A ti deuh hmuk a,Min melh zawk a,Nuihza insum zet hian ka lo en a,Zothanmawia titau ka hmuh lohna pawh a rei ta bawk e!


Shirt var thianghlim zet a ha a,Jeans kekawr pawl amah ti lang lian zual sauh tu a ha leh bawk a,a sam buk ve angreng tak chu thli thaw in awmze neilo zet in a chhem thur sak a,A landan chu a hrawl hi ani tawp mai!


"Jay,Mummy hi ka be lawk dawn a,U Mami nen sawn lo infiam leh ula,Kan zawh veleh i hmaiah painting kan ti leh dawn nia aw.." a ti a.Ka fapa bu lap lap sam ah a chul zauh a,Lei ah a nghat thla a,A rawn din mar leh tak ah chuan ka kawchhung a thil awm zawng zawng hmuh tlang vek a tum ta mai emaw tihtur khawp a chiang hian min melh chhuk nghal run a.

"Inbe lawk ang.."

Ka bu zeuh a.Mit a laksawn hma in chiang zet in min en chhuak leh vek phawt a! Ka ngei lek lek hman hial zawk!

"Motor chhung ah aw?" Ka meng nghal awk chu min nuih suk pah in a kutchal in a hnar hmawr a tuai zauh a.

"Ka venthawn vang zawk che ania.."

"Aw le.."

A motor hunna lam pan chuan kan inzui a,Zothana'n motor chhunga inbiak a sawi ta chu a lawmawm hle in ka hria,Mi tupawh mai chuan min en zui a,keimah vang nilo in ka bula mipa lianpui mahni inringtawk tih hriat tak a hmel tak ngul kal tel ve vang hi ani tih ka hria a,
Ngawi reng in kan inzui a, achang a min melh leh zawk thin chu a lam hawi kher lo pawh in ka hre vek thei!Ka bag hliah a kut ka hum ruh hi a rawn hmuh loh hram ka beisei bawk.A bulah hian pangngai tak a awm harsa ka ti thar tlat a, A mi uap nat lutuk tak em vang pawh a ni ngei ang.


Car lo inhun ţhup na ah chuan Bolero dum a lo ding ve run a,Ka naupan lai te kha nise chuan tunah hian venthawn pakhatmah nei lo in ka țawng leh char char anga,A nin a lo ngaithla leh anga,Ka ţawng karlak ah a lo ţawng ve sup zel bawk ang.


"Lut la.." Ka ţhutna tur side pawh hawn pah chuan a ti sup a,Ka ţhu lut tur chu amah zawk a tawlhsawn mai loh vang in kan taksa a insu thawi fua a,a rimtui hman rim na hauh silo leh fresh zet si chuan ka hnar a verh nghal zar bawk!


"Ti hi chuan hmeichhe naupang luhlul zet kha i ni tih a hriat miah loh ania.."Nui suk pah in ka mal chunga ka kut dah chu a melh zawk ! Rum deuh hian ka melh let ta rawm a! Hnar thum dat pah a a rawn nem khar rual chuan ka thawchhuak vak a!


A sawi dik tak tak! Hmeichhe naupang thuawih tak ang maiin ka ţhu fel than a,Eng hian nge maw min ti zam em em le! Zothana anih hi, Zothana...


"Engnge a an?" A rawn ţhut luh ve rual chuan motor body chu a hniam suih a,Ka en nghal vat bawk.

A mit in ka dul la thep thlep a melh zawk tak ah chuan ka kut pahnih in ka dawm vat a.

"A ţha.."

"Chuan?" A rawn ti a,Amah ka en chuan ka mit ah tak a lo en ve run bawk!

"Chuan..Engnge?" Ka ti let a.

"Thil thleng engkim min hrilh vek ka duh.."

"Oh.."

"A vaiin.." a ti sup a,Ka melh zawk a,A aw ri zawi tak si ah khan hman ațang ka hriat hran em em thupek aw a ri tel ve a.

"Sawi dawn chuan sawi tur a tam lutuk!"

"Kum 10 liam ta ah khan vawikhat tal pawh min ngaihtuah ve ngai em?" A rawn ti sup a.
.
A lam ka en zawk a,Chiang zet a min lo en ve avang chuan ka thaw halh a.'min rawn hruai ve mai ring in kum 5 dawn chu ka awm a sin' tia au khum nghek ka chak! Mahse khang kum5 a lo kir leh ring a ka inhnem ţhinna kha a bo ta tial tial a,Tunah ka bulah ngei awm in ka ngaihtuah let ve ngai leh ngailoh min zawt a nih chu!


"A chang chang in.." ka ti a,Na tuar thaw ri hrawk ang chiah hian thawk a la ri hrawih a!

"Ani ang!" A ti zui hluk bawk!

"Nitina ka lehkha ka rawn thawnna che pawh i rawn chhang let ngailo a." A aw ri ah chuan thinrimna leh na tawrhna hi a ri tel ve tlat a,Mahse a thusawi awmzia chu pakhatmah ka hrelo!

"Dawt!"

"Kum 18 i tlin hun nghakhlel em em tuin kum 18 i tlin niah i laka a rilru put dan zawng zawng a sawi chhuahna lehkhathawn pawh khan chhanletna a dawng chuang lo a.." Hma lam melh ngur chungin steering chu a hum nghet sauh a! Thinrim lutuk in control tum hi a ang ber!

"I sawi hi engmah a awmzia ka hrelo!"

A ka aţang thawchhuak hawk chung in min rawn en a,A vun uk deuh kharh chu a sen țawlh țawlh a,a mitmeng a natna lang chhuak ka hmuh rual erawh in ka ngaihtuahna a buai ta tulh tulh mai!

"Nitin a lehkha ka rawn thawn che kha i dawng lo tih sawi i tum em lo ang chu tiraw?" Sehchilh nawk in a ti a.Chil ka lem dawk mai!

"Engmah ka hrelo!"


"Zodinpui,Min bum tum suh,Khang ka lehkhathawn aţang khan ni lawm ni ka awmna address hria a in inneih sawmna card min rawn thawn!" A rawn ti tâwk a! A kut in steering a chum zui pawp a!Ip chawih chung in mit ka chhing sawk a!Motor chhung boruak chu a ni mup mai!


"Lehkhathawn tinah khan kan pahnih tan lo tuar hram hram tur che in ka rawn chah ziah che a,Ka kal kha i lawmlo tih ka hria,Mahse khang hun lai khan duhthlan tur ka nei biklo asin,I duhthusam ka tihpuitlin sak dawn che chuan hlawhtlinna ka neih angai tih ka hria a,I dream zawng zawng a taka ka chantir theihnan chuan home aţang leh i lak aţang ka kal hran lawk a ngai te kha hrehawm ka ti ve tho asin.." thaw hawm hawm pahin a seat nghen chhan a ngheng dawt a,Motor body a che ve dawt bawk!


Mahse a thusawi hi pakhatmah ka hrethiam lo a,Eng lehkha mah a lak aţang ka dawng lo bawk!


"Home chhung aţang kha chuan i duhthusam ka pe thei ngai dawn lo che a,Home chhung aţang kha chuan mo kawrfual ka hak tir thei ngai dawn lo che a...Home chhunga awm reng chung khan 'ka princess-tereuhte' dream ka tihpuitlin sak thei ngai dawn lo bawk a..Ka tan kal angah min ngai tiraw?Mahse a nilo..i tan..engkim ka pek theihnan che asin ka kal..!" A aw chhuak reng reng ah chuan natna a ri tel ve zel a,Seat hnung ngheng reng chung chuan a kut dinglam chu ka chalah a nghat a! A thawchhuak ham ham a!


"Ka kalsan hma che a i thutiam vang ngawt khan ka ta ang ah ka ngai reng che a," Chil a lem khawlh rual in a hrawk bawk langsar zet a che a..Kut ka hum ruh nghet hle tawp!


"I la naupang tih ka hria a,Thinrim lo tur leh home aţang ka hruai chhuah che a,I duhthusam in ngei ah ka hruai luh theih hun che nghak turin nitin khan vai dakpu nuihzat hlawh hial khawp in lehkha ka rawn thawn reng che..mahse chhanna ka dawng let ngai lo.." ro halh a nuih hawk pah hian min melh a,A mit a sen rum a,A bekruh chu a inseh ruh nasa tawk tih hriat zet in a pawng țalh ţalh bawk.


"Khang zawng zawng i chhang lo chung pawh khan kum 18 i tlinni khan i laka ka rilru put dan zawng zawng sawi chhuak in ka rawn thawn leh che a..Kum 13 i nih laia mipa dang i hnaih ka phalloh na chhan chu KA DUH VANG CHE ani tih ka sawi a! Kan taksa a indeh ruala i thinphu rang ve te,I taksa ka khawih ruala i taksa chhung sa ve vek ţhin chhan te KA HMANGAIH VANG CHE ani tiin ka sawi a.." ngeiawm lutuk in a nui chhuak leh hawk a.

"Chhanna ka dawn let ve chhun erawh...Mipa dang in an hnaih ruala ka awmdan phung ka hlauh vek ţhinna hmeichhe inneih sawmna card ani thung a!"


"Dawt!" Ka ti ţiau mai! A mitmeng sen rum leh natna vanga a hmel lang dul ruih mai chu mittui tling pam in ka melh a!

"Nang chiah in ka awmna address i hria a..Chu pawh ka lehkhathawn ah khan a chuan vang ania..Tichuan tu rawn thawn nge ni ta ang?!"

"Ka nilo ka tih chu!" Ka ti chhuak tuarh a! A nui hawk a!

" I pasal nih ka duh em tih kha min zawt a ni lawm ni?" A rawn ti ţuak a! Ka â mai dawn in ka hria..Ka hriat ve reng tawh loh,Mumang lam a rawn in lar thar leh zawng zawng te kha alo la hre vek a!


"Mipa dang i hnaih ka phallo ka ti ani lawm ni? Mipa dang i hnaih chuan ka thinrim zel ang tih kha ka sawi lo ami?" A au in a rawn au chhuak nghal tuarh a,Ka ban pahnih in ka beng ka hup chawih chawih a.


A thusawi hi engmah ka hrethiam lo..Vawikhat pawh a lehkha thawn ka dawng ngailo a,Dawn ka inbeisei em em zawk ţhin a,Ka tan a awmna address hrelo a thawn ngawt theih lah a nilo,Chutiang bawk in kei hian Zico nen kan inneih sawmna card ka thawn lullo!


Zothana zawk chu duhthawh zet a thaw hawk in bolero ațang chuan a chhuak vut a,Kawngkhar a nem phui rual in motor hmalam ke a chhir zui țawk a! A sam tuai puat pah a van lam a hawi chu hrilhhai lutuk hian ka en reng a!


A taksa hrawlpui chu kham khawp boruak hmulo ang chiah in a che hrawk hrawk a! Rawn inher vut in min melh ta run a!
Natna chiah a mit sen rum ah chuan a lang chhuak a!