THINGTLANG PA ZUN BY Piani Thlauhthang Piani (Completed)

[ngaia]

Chapter 19





chhan dan tur pawh hre lo chuan ka en reng ringawt amah bawk chuan " ka ngai che" ti thum sup hian ka hmui a fawp leh vang vang . A lei chu a hma ang bawk in a hmang leh miah lo min fawh ve hian a lei hi a hmang ve ngai lova, a hmui hian ka hmui a si deuh vawng vawng zel.








Ain lak hran hnu chuan ka chal leh a chal chu ti si in a thaw ham ham. Khap deuh fak fak hian ka en ve reng ringawt " kha le mass leh kumthar gift keima tang a thil pek" tiin a ip te zen in bawm mawi deuh hi min pe a hre thiam lo deuha ka en chhoh ha lai chuan mitmeng mawi leh ngilneihna a khat hian min lo en ve run a.







Bawm ka han hawng chu ka meng phawk nghal vak silver thi sin te leh bengbeh a bet chi silver tho hi alo ni. Amah chu en leh in ka kuta ka ken chu ka en leh ka en tawn sek ani ber. " ka la thei lovang" ti chhuak halh in amah chu ka pe let leh nghal mit ti zim sun hian ani in min en ve run a, ka awm dan chuan ati lawm vak lo zawk ten ka hria.











" Eng vang chuan" tiin min en ngur " a to dawn si engatinge tiang te min lei sak" tiin ka en chho ha lu thing deuh but chung hian" a to vang in i duh lo maw" tiin mitmeng hriatthiam har deuh hian min en a " chutiang lam anilo" ka ti leh tawp ringawt an din hmun engkim ka hre ve vek a, an hosa lova an an rethei lutuk lo mahse hetiang min lei sak tur hian ka duh lo, nuam lo ka ti in an sum lak luhna engkim ka hre kur a tiang ang man to lutuk lo lak sak te chu a mawi hlawl lo.









" Lo kal teh" tih leh alama min pawh phei a rual nghal , a awm zawn atang chuan ka en leh kar tawh, a sang tha ania hepa hi chu a taksa lah hi thau ni si lovin a in phut mawi ve riau . Nui vur vur a min en in" i ngaihtuahna ka hria" tiin a nui chhuak hawk awi lo fe a ka en lai chuan min en leh in ka chal chu a kut a lo pen deuh karh in" i ngaihtuahna hi i vah kual tir nasa mah mah deuh" tiin a khi leh suk










" Tiang min lei tur hian ka duh lo che a to ropui si" ka tih takah chuan ka hmai zawna lo kun hniam in a thaw lum ham ham, ka biang chu a kutzungpui thap deuh hrak a tuai heuh heuh chung hian. " kan retheih hmel viau em ni bawihte" atih thum tak sup a chuan phawk zet hian amah chu ka en nghal.








" Ai enge awmzia nilo engthu nge i sawi tiang zawng in ka sawi miah lo" tiin nuam lo ti lutuk hian ka thaw ve hak. Ka in thlahrung vang zawka tiang te kha sawi ka nia an retheih vang ka ti emaw ti a angaih ka duh lo. " ka hre thiam e hahdam rawh , a dik alawm kan rethei hei vang tak hian ka hmangaihna che pawh sawi lova up bet ka ni" ti a ngawi vung vung in a kiai deuh suk








" Din hmun hian a zir loh chuan kan duh leh hmangaih te pawh ral khat atang a en tawp leh up beh a tul chang pawh a awm fo. Mahse ka up bet zo lo chu anih ber mai hi "ti a nui huk in " Kan sum lak luhna leh kan dinhmun engkim hmu a hre tu ini a, mahse maw bawihte heihi hria la ka duh" ti in ka chal a fawp vang vang phawt.









" Ka hmeichhe hmangaih ber thil tih sak thei lo khawpa rethei erawh ka ni lo ania, mi te angin kan duh zawng engkim kan nei theilo kan mamawh bak neih belh pawh ka tum lo, mamawh ai tam duhna rilru hian eng mah min thlen lo sual kawng zawh bak. I duh zawng zawng ka tih sak thei lo che pawh ani mai thei mahse mi te ta awt a i awm ka phal ngai lovang " tiin ka hmui a fawp vang vang a








Ain lak hran hnu chuan ahmai tuai vut in min in" chuan ka thil pek che chu ila duh dawn ta em" tiin mit ko asan euh. Nui ver ver in ka bu nghat ka lu tuai zeuh in" awle min bazar pui dawn em "ati leh a nuih chhuah hak pah hian" lutuk in ti chhelo pa" ka tih zeuh chuan a mit a zim nghal sun ner deuh sawk chung hian" i tan alawm ka chhiat loh" ti a mit min siai zeuh in choka chu a en kual thuak thuak a









A in thlakdanglam ta lutuk mawlh mai chu mak ka ti " min en reng lovin no te saw va seng la zanin chu mikhual tha chi in nei dawn" tiin a nui leh hawk " in riak dawn maw kan inah ti hliai in a fiam thu leh thu loh hriat tum chuan amah chu ka en ngar a. " i duh vak lo em ni" tiin mit ko a san leh zeuh ka lo ner sawk in la tleirawl chho vel lutuk mai.










" i in la tleirawl vel e" ka tih takah chuan nui hawk hawk in " a pawi ami i bulah lo tleirawl rilru ka pu chuang hleinem" tiin kiai deuh suk in min en a ka chhang buai vel peih tawh lo . A ze thar hi ka lawm teh hur love a, thingpui no te ka sil zawh chuan thutkhawmna lamah kan in zui phei a.








" nu ka chhhuak lawk dawn aw" ka tih lang lang lai chuan kawngkhar pui kan thleng der " mate i chhuah dawn rau rau chuan tlai lam tui hang tur lo lei rawh aw atih chuan " aw eng sa nge ka lo lei ang "ka tih lai chuan rammuampuia nu chuan " a khai eng sa mah angai reng reng lo , hei sakhi sa rep kan lo ken chhoh hi chhum hluah ila a tawk reng. Eng mah a ngai miah lo ania mama khawnge sa rep leh eng ilo kan lo ken na ip kha" tiin a tho chhuak vat










Ka bula rammuanpuia ding chu en zeuhin " engmah i sawi miah lo "ka ti chhuak halh nuih suk pah hian" motorah a awm vek , kan tlai tawh sia kan lo haw har lovang ka lo hawn hunah ani mai "tiin anu chu a en run a " i tih dan dan ani mai "atih lai mek chuan ka nu zawk chuan " chahbi kha dah la nakinah matei pa alo hawn hunah kan lo la mai dawn nia mate tui hang tur chu lo lei tho la aw " atih zawm zat chhang buai tawh lovin kan in zui chhuak ta nghal.









Kan in kawta Van dum lo ding chu en in rammuanpuia chu ka en haw, ala thar hmel em em mai leh nghal. Ka sawi kher ngai lova ka mitmeng chhiar thiam em em chu nui suk in" kan lei a ram lam kal nan kan mamawh tho sia" ti in ka kut kaiin min pen sawn pui nghal. " in lo hosa hle mai " ka tih chuan a kal lai ding chawt chung hian min han en leh ren rawn a alu a thing nghut .









Min chhang lem lo hian min pen sawn pui leh ta daih a, hepa chapo loh zia hi chu amak zawk . Khua a tlai ve tawh deuh nen a vawt vur mai bazar pui kan thleng chuan thingtlang lam atang a bazar an tha hnem ve bawka kan in sul pel suau suau hi ani ber. Ka kut vuan tlat tupa chu kan kal pel tak te mai pawh nilo kan pahnih in zui min hmu tu te tu tih ka hriat siloh te chuan an en deuh vawng vawng zel.










Ka dem lo ka kut min kai mek tupa hi mipa lian ve tawk tak leh pa ve em em mai kha ani ve tlat. Mi zawng zawng in an en zui lo mahse a nawl puiin an en dauh dauh tih chu ka hmu chiang viau. Dawr pakhat a min luh pui chuan ka en haw " lo lut ru enge in duh deuh " tiin a nghak tupa chuan kan in zui lut chu alo ti nghal vat.








" Glass tile leh tile perek inchi 2 leh inchi 5 vel in nei em " atih thum dut chuan mak ti fe hian ka en engatan nge atih reng reng ni. " lo en chhin la" ti in rammuanpuia chuan kei chu min en zeuh in" i duh chuan tah hian lo thu rawh aw " tiin dawr nei tupa kal na lam pan chuan a kal ve nghal vut pawn lam thlir dauh dauh chung chuan ka ngaihtuahna ka kawm leh malh malh .








" Lalchhuanawm awi henu hi" ti a ka dar min beng sawk tu an awm vang chuan ka phu zawk. " awi Lalrinawm nangmah maw" ti ve in kan in kuah nawk nawk . " enge ilo haw tih i sawi loh "tiin lawm lo zet hian ka melh rawm rawm " mass boruak a zawh fel rual khan ka lo haw a, i number i thlak ami kan veng ain ang silo kum thar alo ni leh nghal sia ka lo kal ta lo kha ania, ka phone che in a tlang thei lo reng reng " tiin a phone chu a bag ah atang chuan alo la chhuak nghal zat.










" aw thlak tiha achhia a, engtik nge kal leh i tum in dam tha maw nu mahriati te "tiin zawhna ka zawt leh nghal. " Pathian zarah kan dam tha enge hetah hian i tih" tiin dawr chhung chu a en kual nghal ka chhan hman hma chuan ka hnung lam atang rammuanpuia te aw kan hriat vang chuan kan hawi phei a.










Ka lam pana lo kal mek ka bula ding in a hmuh rual rual chuan" saw saw tunge "tiin min lo hnaih salh pah in rini chuan ati sa sa . Ka chhan hma chuan ka bul lawkah hian" Bawihte "ti sup in ka kut chu rammuanpuia chuan alo hum lum leh vung vung . Ka bula ding reng chu a en ngur bawk. Rini meng deuh ralh chuan ka nuih ati za hetia a meng deuh ralh tawh hi chuan mipa tha tih zawng a neih chiah in ani thin.










" hei ka thian nu college ka kal pui thin Lalrinawmi anih hi, chuan hei hi ka Rammuanpuia anih hi "tiin ka in hmelhriat tir a . Rammuanpuia chu bu zeuhin" i dam tha maw in hmang nuam em" tiin alamah kut a lek chhuak nghal vut rini chu ka rin lo lam tak hian a sen deuh ap ap . Henu hi a lai ve tihna em ni ka awi theilo.







Rammuanpuia nen chuan an in chibai a lai tih hriat deuh hian" a, aw, hmangnuam ani mai "tiin rei en lovin kei chu min en daih a nuih za zet hian ka lo en ve ran thung. Mipa bula a lai ka vawi khat hmuhna mipa hian an en lai ngailo amah hi confi zet leh in ring tawk ve tak ania, hetia rammuanpuia bula a lai hmel hmuh hi ka in ring miah lo.









" Hei hi a tha mai angem "dawr nghak tupa in kan piah a bungrua lo lek chhuak a atih chuan rammuanpuia chuan min en zeuh in " ka rei tawh lovang" ti sup in a kal sawn vut min thlah rual a ka kut vawt sung sung chu ka hre nghal zat. " awi i bialpa maw Lalchhuanawm inzep thei nu ava pa ve , a hmel saw thingtlang deuh angin lang mahse amah tipa tu ani lawi sia, khawi a i hmuh nge khawi khua ami nge" atih nghal sawk sawk








Ka nui chhuak hak " ka hmangaihpa anih saw" tiin ka lo fiam zeuh ka sawi dan vang nge ner sawk pah hian" awi i in tithei mah mah sawi tha vat mai teh ava lian rapthlak ve, vai rama alu paratha zuar ho nen te pawh an in ang dawn lek lek alawm le " ti a achimawm a chhuah zeuh chuan ka meng kal ralh " nakin ka hrilh ang che ala hun lo" ka ti tha ve mai a









Rammuanpui kan lam pana lo kal mek en zeuh pah hian ka bengbul setah " mahse a nei te viau ang "nui hak paha atih chuan awi lo zet hian amah chu ka en" mawli tiang sawi hun pawh anilo" tiin rammuanpuia hriat hlau zet in ka ti chhuak halh kan bul lo thleng ve chiah chu en zeuh in" khawi i number chu zan lamah ka hman chuan ka lo kal ang" tiin ka number chu min dil nghal a ka pe tha ve mai bawka.










A chhuah dawn chuan lo hawi let leh in " anih u aw zan lamah ka lo kal ang , lo in sawng kaw lai lo ula mo thian a tan ngei ka duh ania, in lo puk lawk thawt thawt ange" nui hak hak paha tiin a kal nghal a . Dawr nei tupa nui chhuak hawk hawk chu thawm ka hriat awmchhun ani motor tlan ri te chu kha nu thusawi zahthlak zet vang khan ka hre tawh lo









" a thaw veng tha ve hle mai" ti tu chu rammuanpuia ani en pawh ka en duh lo ka lai lutuk mah mah. Atuk lamah bungrua te chu la tur a in ti in kan in zui chhuak a ka ril lah chu a tam viau leh nghal. " rammuan" ti ri a chuan kan hnunglam chu kan hawi nghal vat ka mi hmuh vang chuan ka khawng nghal at. Rammuanpuian ka kut a hmer na salh pawh chu ka hre chiang viau. Kan lam pana lo kal mek chu kan en dun ngar bawk.

ads a hnuaia fakna lam milem khu min lo click sak ve theuh dawn nia aw
Show post links
Top