OBEDA BY Natasha Hrahsel (Completed)

[ngaia]

CH-19





Ka pasal nen kan inbe fuh hleithei lo a,keimah ber hian ka pehhel ani zawk.Ka hma a a inlan apiangin U Jeneti nen Garage a anlo infawp ngawng ngawng lai kha ka mitthla ah a rawn lang zel a,kha zân khan ka pasal hi chiang takin chhia leh tha chu sawiloh a rilru thlenga thunun theilo tur khawpin a rui tih hrelo ka ni bik lo.Mahse U jeneti te nen hmun khata an thawk ho leh zanriah eichhuah na a zû a lo in ve ber kha ka hua a,U Jeneti mizia hrelo ka ni biklo a.An zanriah kil chhuah na ah chuan chhuanlam fahrah te te siamin ka pasal bulah a awm leh chawt ngei bawk anga,midang lahin nupui fanau anei tawh e tih lam ngaihtuah miahlo in lo hmehbel tum tawk an awm leh ngei bawk ang.Chung zawng zawng thlenga ka ngaihtuah thlen vang chuan alawm ka rilru anat em em mai ni.





"Bawihi" a rawn ti leh dut tawh a,in lama a awm chuan pehhel dan ngawt ka zawng thin.




"Engtik thleng nge min peh hel i tum?"ka thawmhnaw suk tum bâlbawm ka ken chu min hûng thlak sak nawlhin room chhunglam ah min nam lut deuh rawk rawk.
"Ka peh hel lo che" ka ti tawi tap a,ka pehhel tih chu ka nu leh la te pawhin an hai kherlo ang.



"Anih chuan inbe tawh teh ang,Bawihi min ngaidam hram theilo em ni? Jeneti professor ai a rawn kal tih ka hrilh loh che kha chu ka thiamloh ani.Mahse..Bawihi kha zan a thil thleng kha engmah ka hrelo takzet.I Pasal ka ni a ,min hrechiang ang zu leh ruihhlo ka tih ngailoh zia pawh.Kha zân khan ka thawhpui te kha ka hnial thei ngang lo a,an lung tih awi nan tak tak tiin no khat ka dawm pui ve.Mahse in ngailo ta nafam chu no khat ka in khan ka rui ta der mai chu ania! Ahnu a thil thleng ka hre chiang ta hauh lo bawk.Jeneti'n engtin nge min rawn thlah haw daih theih lah ka hre heklo.Ka thiante'n kan in ah acheng ve thin tih hria in min thlah turin an lo ti pawh ani mahna" a theih ang tawk chuan insawifiah ve atum a,ngengawl zetin min melh bawk.






"Bawihi engemaw tal sawi teh" ka ngawih reng vang chuan beidawng zet hian a ti leh sup a,"tunah hrih chuan ka ngaidam mai theilo che" ka ti zawi raih chu hnuailam melh in a thaw deuh ham ham.

"Ka tihpalh takzet" a ti tham leh tuak a, U Jeneti a tel ve tawh na ah hi chuan ka thikthu ka pe chhe lutuk tih hre tur anih tawh laia an thawhdun thu alo zep te chuan min ti na ve em ani.A thu hrimin U Jeneti pawh dawr te kha a nei a,engvanga mi ai te lo zu kal nge anih hrilh chawp ka ngai lo chiang bawk nen ka rilru ahel laklawh tlat tawh.Ka pasal erawh ka rilru ti na hle mahse ka ringlo hran lo a,ka induhtawka an pawh hniam em vanga alang a la ngaidam duhlo mai chauh ka ni hrih.






Tawngchhuah ve tumna ka neih miau loh vang chuan kan insawifel thei hrihlo chu ani leh phawt a,ka thinrim a daih deuh hunah pangai taka inbiak chu ka duh chauh ang.
Ka thinrim in ka duhloh dan thleng thlengin ka che anga,chu chuan kan inkar ah khi zau lutuk a siam zawk dawn tih lah achiang.Thinrim lai ai chuan tlema a sarhu lai reh deuh hnu a inbiak hi a tha zawk.






Ka nu chuan kan nupa inkar ah fello a awm tih hria in tlai khat chu an room ah min ko lut a,heti hian ka pasal chanchin chu a sawi ta alawm.
"Mate,Ka fapa hi a fel famkim e chu ka ti bik hauhlo a mahsela a nu ka ni a,kei aia hrechiang an awm lo ang.Inbuaina tak hre fuh ve lo mah ila tuna ka hmuhdan ah cheu hi chuan inhawng taka inbiak in mamawh tawn niin ka hria a,Obeda pawhin thiamlohna anei ngei ang,mahsela hrehawm a ti dawn lutuk tih hi hriatpui ve la ka duh.Anaupan tet atang tawh mi inthlahrung mi ani a,a thiamlohna nimiahlo ah tum khat pawh an zirtirtu ten anlo hrem a,ani lah chuan ngawi rengin alo tuar ve mai bawk a! Chutiang mize pu chu ania,i laka a insawifiah nasa hle tawh anih chuan atan i pawimawh takzet tihna animai.Nupa hi chu han in khak buai chang hi a awm lo thei lo a,nangni nupa pawh inbuaina hriat ve vek kher ka tum dawn lo,mahse insawifel thuai rawh u.A tuar tu chu nangni bak in ni chuanglo a,Bawihpuia pawh ngaihtuah tel zel ula aw."a ti dam diai a,ka nu awka chhuak reng reng hi vîn lam hriat tur a awm ngailo reng reng.






Ka nu nena kan inkawm atang chuan tlemin ka rilru pawh a dam ve ta deuh a,ka pasal zia ka hrechiang tawh a,a tihloh na lamah tilo bur mah nise mi hnial hreh chi ani bawk a.A thiantha ten zu pawh in ve tur a anlo nawr ngawng ngawng anih chuan atan hnial aharsa dawn lutuk.An lung tih awi nan tlem alem kha alo zo ta lo lutuk ngei bawk ang a,U Jeneti lang tel ve lo se chuan ka thinrim hranpa kher lo anga,mahse ahming mai nilo amah pawh a tel ve miau a,chu achhapah khatiang thil te kha a thleng bawk a!Lo nuihpui huah huah ilang a mak zawk daih ang.




Zanriah ei lai te chuan pehhel ngar ngar tawh lo in a thutna lam atanga ban harsa tur deuh a ei duh chi nisi ho te chu ka suah sak a,bawngsa tauh ka suah hmasak ber phei chuan a chaw bâr lai thulh meuhin min rawn melh deuh haw a,chutah lawm tih hriat zet hian nui sukin a bâr zawm ve leh mai bawk a.







"Bawihpui zanin chu kan bul ah mu tawh rawh aw" ti hluai in ka pawm tho nawlh a,api leh pu ten mitpui thei in duh viau mahse zanlai a ka thanharh hian ka dap leh ruk ruk thin a,ka ngai vei riau zel.


"U Obed, mutchhoh mai ka duh" ka ti sep a,a thutna tang a rawn dingchhuak rang kher mai.






"Nu,Pa kan han mu chho tawh ange"ti thum supin kan chhungkaw te chuan kailawn lam kan pan chho a,Judy pawhin lehkha ala chhiar tlauh tlauh mai.Engemaw exam a pe dawn a,a bei ngawrh lutuk Bawihpuia pawh a chhawn chhaih hman meuh hrihlo.






"Bawihpui,papa bul ah hian lo awm lawk rawh aw kan intifai lawk ange" ti sapin U Obeda chu Bawihpuia ka hlân tawp a,khumah aleh thlak pui nghal zat.

Muangchang lo zetin ka intleuh thuak a,mutdawn a inbual hi ka ching laklawh a,ka sim thei derlo!






Ka chhuah leh chuan khumah anlo la inchhaih rak chul a,Bawihpuia chhaih nuih dan hi chu athiam mawle.





"Nû-i,Bawihpuia diaper hi kan thlak dawn em?" Ka melh deuh haw a,min enlo in anui suk suk mai! Zanriah kil laia ka ngaihsak deuh vang khan a ngampa leh sawt tawh ani ngei ang.

"Mawh Nu-i" a rawn ti leh a, "ah..aih ka thlakna ala reilo lutuk ha tlang rawh se" ti nawk nawk in lotion chu ka inhnawih zui nghal mawlh mawlh.





Khumah chuan ka lawnkai ve ta nge nge a,Bawihpuia'n min rawn bawh nghal zatin hnute a dap nghal rawk rawk a.Ka kawr ka hlim chhungin alo hâm nghal bai bai mai.A mut ahun tawh reng ani,apu leh apa nen an inchhaih tawh hi chuan amu mai duhlo thin a,apu te pafa lah hian a mut hun hi an ngaipawimawh leh tawh thin silo nen ham bai bai hian room lamah kan inpawm lut ta fo mai.





"Bawihi,lehlam kha hnek tir tawh la"ti thum supin bawihpuia biangah chuan a fawp zeuh a,Bawihpuia mutna ka leh rualin ka lamah ka pasal chu a rawn tawlhnai nghal zat bawk.





A awm ngheng chial tur khawpin min rawn hnaih a,a kutin min kuah nghal hlûn bawk.Ka hnial lo a,ka dang heklo.Ka hrem rei ve tawk thawkhat viau chuan ka inhria a,bakah ka thinrim lutuk pawh a dai tawh viau e.





"Ngaihawm nu,i tau tawhlo em?" A nak ah ka nghawk nghal sawk chu ka beng bulah a rawn nui lum hawk.

"Tau ve hrat lutuk" a rawn ti leh kher chu alam thei leh theilo hian ka han hawi a,ka hmui sir ah alo fawp nghal chawk mai! "Rochanpui" ti hlakin rum zetin ka melh a,ala nui ruh ruh zui.Ka va ngei tak a!





"I titau hi lawmawm viau mahla ka ngai hman thin hle che ani.Ka bula i awm reng lai pawh hian ka ngai tho che hi mak ka ti thin" a tih chuan ka ngawi vang vang a,a sawi ang tak tak khan keipawh hian ka bula a awm reng lai pawhin ka thlahlel tlat thin!





Kâr thar kan chuangkai a,kan ni hman chu angai pût ti dawn ilang a dikhlel deuh maithei.Inlama awma ka fapa awm hi hrehawm ka tihna lam nilo in kha leh chen ka lo inzir ve tawhna engmah lo mai a thâm ral tir hi ka la ui ru tlat a,Bawihpuia tlei deuh hunah hna la zawn leh hram chu ka duh.


Ka ai kal kha an la nghet tawh a,keipawh ka kal leh theih hun tur ka chianglo rei bawk nen bânna pangai ka thehlut ta tawp kha ania.




"Mate,han insiam tawh ula keini lam chu thlengthla hma deuh ila" ka nu'n a tih chuan ka aw ve mai a,vawin hian ka nu unaupa fapa in nupui anei dawn a,kan pa pawh hna chawlin kan chhung kal dawn ani.

"Bawihpuia hi ka lo awm anga,han insiam hmasa la i duh chuan" a tih leh chuan ka hnial thung a,Bawihpuia insiampui hi aharsa hranlo.



"A pawilo, minti buai ngai hranlo a" ti maiin ka pawm chho a,Lehkhachhiarna pindan hawngin "insiam tan ila"ka ti sep a,hna kal lo mahse note pawimawh a khawih leh lawk tho! A hna hi a tuipui ve ania aw!! .



"Yess, minute khat chauh" ti supin a computer ah chuan a type leh zawt zawt a,kan room lamah ka luhsan ta thung.





Bawihpuia chu a nî in aleisak tshirt pawl dal tawh nuam zet bel in smartpant leh suspender ka hren tir bawk a,a lawmawm reuh lutuk ringawt.

Ka hak tura ka dah chhuahsa kawrchhing pawldal tho chu inbel nghal in makeup ka inbel zeuh a,nî asa tha vual vual bawk nen makeup hman lutuk chi pawh anilo.



U Obeda rawn lut ve chuanin Bawihpuia nen min en tawn sek a,chutah "in thawmhnaw hak ang rawng kha kamiz ka nei em?" A rawn ti chhuak ta nulh?


"Neih kha" ka lo tih chuan "umm,minlo lak la" a ti leh dut a! Enge kan hak rawng ang kher pawh chu hak ve a tum ni?



Kan chhungkua kan han insiam zo chu kan thawmhnaw rawng hak a a in ang vek bawk si nen ka lai ru ta riau a," aaa U Obed,a zahthlak deuh e" kan ti hnuhnawh leh a!




Ani pui lah chuan " anuam ka lo ti viau asin, a zahthlak na a awm lo.Tih fo chi anih zawk hi" a ti then mai sia! A mawi erawh kan mawi hle ani.





Inhnuai kan chhuk pawh ka nu'n minlo chhaih ta tak tak a,"in chhungkua thep thap chu" minlo ti reng a! Fiamthu hian 'in chhungkua' min tih hi an ching hlawm a, kei tak pawh hian ka hmang ve leh nawlh nawlh zel.




U Obeda motor chuan kan inphur chhuak a, ka pa erawh a kal hmasa ah atang tawh a,ka nu ho in kan chhuk ve leh chauh dawn thung.

A seat hnungah ka nu athu a,Bawihpuia apawm bawk a,tukverh ah adah chhuah tir a Bawihpuia lah chu anui hui reng a,nuam a tih hmel lutuk ringawt.




Dinthar biakin kan thlen chuan kan hma dawn viau emaw tih laiin inneih inkhawm kal tur an lo awm pheuh pheuh tawh a,an kal hma hlawm hle ani.

Ka nu chu ka pa awmna lamah a kal nghal a,keini chhunhkaw bil erawh kohhran tual rem lai ah kan thu thung a,veivak leh rawn thleng hlim ho te chuan min en leh dauh dauh thin a,Bawihpuia rawn lawm a min rawn be tawk te pawh an awm bawk.



Tleirawl flower girl tur ni awm tak tak pathum rawn kalin Bawihpuia pawm chu min rawn dil a,ka nuih am ti za reuh khawp.Bawihpuia lahin a la hriat ngai loh an ni nen an han lawm te chuan a pa a ban leh rawk rawk ta thin a,an pawm chak si Bawihpuia lah atap pur tawh mai sia!

"Ala tlangnel lo deuh a,nakin ah in pawm dawn nia"U Obeda zawk chuan a ti ta hlauh a,Vanlalvenhima pawh ala men pur mai! Huau huau nuam ti viau thin si hi a hmelhriat loh te kiangah hian a nawi leh tlat thin.





"Bawihi, kan lut mai dawn em ni? "Ka pasal in a tih chuan ka aw ve mai a,Bawihpuia chu pawm kang nawlhin a kut pakhatin min kai tel kher bawk a,Biakin kawngkapui lam panin kan pen nghal zat.


Mo leh mo neitu te chu an inhmeh in an mawi takzet.Monu lah chu ahmeltha in a pian a dik piahlam ah apian rem tur tak mokawr a inbel bawk a, vawin ah na na na chuan han tluk pha tur ka hmu lo.Chutih rualin ala naupan hmel viau a,kum sawmhnih tling hmel pawh ala pu tlat lo!

Mopa erawh a kum chu anau zawk zawk tawh biklo a,U Obeda aiin anau hret chauh maithei.An inpawh lutuk lo nge ni kan pa hian an chanchin asawi awm hi ka la hre miah lo a! Mahsela midang chanchin hi an chhungte ngei pawh nise a sawi lo ve em a,mopa ka hre ve vaklo pawh hi a awmlo hran miahlo.




Dar thum alo hnaih chuan mo ruai theh turin kan intlar ve ta a,engkim biakin ah vek kan ti a,rem an hria hi kan ti khawp a.Biakin ti bawrhbang anihna lai ka hre hauhlo.Dân khatna a innei ngat an ni a,biakin chhungah inneihna a zawh veleh kohhran hall ah fellowship kan hmang leh a,chutah ruai lah hmunhma an nei tha bawk nen biakin hnuai lamah kan theh leh mai dawn bawk a.Tunhnai deuh hian tianga engkim Biakin a tih tlang an ching ta zeuh zeuh tih ka hre ve a,sawisel a biakin an ti bawrhbang ti zawng pawh a sawi an awm bawk.
Mahse keichuan Pathian in a telpui bik riau te hian ka hria a,a ropui bik riau ten ka hre tlat bawk.


Nulat tlangval inngaihzawn laia sex a fihlim hi aharsa dawn em em a,chutiang pal tlang a Pathian duhdan ngei a an in kutsuih thei hi a ropuiin Biakin a lawm tluan thak hi a phu ngawih ngawih hian ka hre tlat ani.




Bawihpuia chu api ten an pawm hrang leh daih tawh a,an thiante zingah intihtheih pui nana hman te pawh an duh leh tawh ani ngei ang.
Tuk khat pawh ka pa hian tukthuan ei hun thleng dawn hi athiante in ah alo len pui pek a,phone an keng silo nen tawhsual an tawk palh ang tih hlau in ka pasal in motor nen a zawng rup tawh.

An tu hmuh hmasak ber ani bawk a mi zing ah te hian chhuang thei tak an ni.




Kan chaw dawh lai chuan kan bula nula te hian ka pasal chu an lo melh leh veng veng thin a,a chang leh an insik nawk nawk thul!

U Obeda chu kheuh zeuhin ka kawhhmuh a,a kiai suk chu nula te chu an in nek ta cheng chung hlawm mai! Ngatinge maw ka ngaihdan ani lehpek ta tlatlo!


Chung nula la naupang tak tak en mai pawh a kan chhang pawh rual phalo tur te chu ka thik ta tlat a! Ka eng hi nge maw diklo zo zai ni?





Thutna ruak lama thleng kan chawi phei te chu ka kal tai deuh sawk sawk tawh a,ka thutna tur min pawhchhuah sak lai te chuan kan melh rum khawp.
"Diklo a awm em?"ti dutin ka bul chiah ah a rawn thu thla ve nghal zat a,a hrethiam ve leh tawh der lo.



"I nuih kher a! Lerh a" ka ti zawi sap chu ner nangin "tu maw ka nuih?" A ti hâ a,"i hre reng,ka sawi tawh awmlo" ka lo ti hlar thung.



Lu thing vei nghut hian "i duhzawng a awm em? " A ti ta daih a,mi thinrim lai a chawhmeh lam a sawi daih te chuan ka thinrim a belhchhah ta tlat.


"Ka ei peihlo ei vek rawh" ti hmakin ka thleng chu ka hnawl a,ka ipik tun a ka hah ngawih ngawih ani ber.




Ka thu tûm bur chu ngawi reng hian min en ren run a,chutah "Bawihi, i rai chu ani em lo maw?" A rawn ti chhuak ta mai! Awmlo ti lutuk in ka ner nang a, kan ngaihtuah chiang erawh thil nithei niin ka hre leh ta tlat thung.Indanna kan hmanglo hrim hrim.


"Tunlai i zia inthlaknasat dan ngaihtuah chuan thil nithei lo hul hual chu ani in ka hrelo.Engpawh nise tlem tal hi ei phawt rawh aw,haw lamah test kit kan lei dawn nia" ti dam thlupin artui chhum chu min kheh sak ta mual mual a, ka rai chu rin na chen ka nei a,ka ringlo deuh tho bawk.









#ka chhungte damlo ka buaipui angai sia,angaihnawm loh viau ang nak zan lamah theihtawp kan chhuah dawn nia u aw.[*]
Show post links
Top