CHHUNGKAW CHHEHCHHAWL NULA BY Engtea Fanai (Completed)

[ngaia]

Bung 19l


Kan in lam pan chuan kan chho a, ka pem chho deuh nial a, Scooty mawlh chu a ni, U mami a \eu nasa leh ngawt ang chu, tlawn leh ngei a ngai dawn a ni, ka van peih lo tak. Kan inzawl kan thlen chhoh chuan ka kawr bal deuh hniang leh ka khup pilh deuh hrup chu Pu chhuana chuan a lo hmu nghal, ekhai,, I va zir nasa awm ve I thiam tawh maw a tih chuan, Christy chuan thiam lo lutuk a, a khalh ah hian amah pawh chuang lo se a \ha ber alo ti zawt zawt.



Pu chhuana chuan thiam sa kan awm hleinem khalh tam ila kan thiam ve mai a ni a lo tih chuan a dik chiah kalo ti ve nghal vat a, dar 4 a ri tawh a, Room tur pawh chu an lo ping deuh thlap tawh a, a ni ve khup tawh mai, Lehkhabu dahna te leh Dawhkan dahna te engkim an lo siam vek tawh a, an lo zo fel \ep tawh, Rca chuan I hnathawk I ngaihsak lo em maiah, Thingpui te pawh kan la in lo reng reng a rawn ti, a ni maw, aw,,, in mai theih turin flash ah ka dah reng kha tiin inthlahrung ru tak chuan ka bai phei suih suih a.



Flash ka va hawng chu an lo in zo \ep tawh, I va han daw heh tak in inzawh \ep tawh hi, in duh leh emni ka ti nghal, Pu Chhuana chu lo nuiin lo duh leh ila, hei kan zo a ni deuh mai a, I duhthu a sam em, han siam dang lam vak dan a vang ve bawk a, a ti chuar chuar a, Ahh.,,a \ha lutuk, Room neih hrim hrim kha ka duh U Mami tlawh phak maia mut chu rilru a hah duh em mai ka tih chuan a nui suk a.


Remthanga chuan Nui eirawng te chu bawl la kan tlai lutuk ange a tih chuan ee,, ni dawn tak mahse, midang pahnih hi chuan chaw an rawn ei ve hman dawn lova, nangmah chauh a ni mai, a nih chuan keipawh ka ei lo mai ang a tih ringtawk chuan amah melh ralh pah chuan ka ti a, a pawi hleinem, mahse kan ei tlai lutuk ange a ti daih, hepa hi chu min va surprise thei tak, khatianga min chhan kha ka ring lo reng reng, chaw hmeh \hing vel nena ei mai mai ka tum tawh asin le.
Eirawng chu ka bawl ngei a ngai dawn a nih hi, ka rilru chu christy leh Rami chuan an lo hrethiam vek a, min lo nuih tet tet a, remthanga chauh rawn ei tur chu ka peih lo lutuk, christy hnenah chuan ei ve mai rawh u, hei vawksa rep kan la nei kan siam dawn nia, Nu Siamtei leh Nu Puii chu ka dil mai ang ka tih chuan anni chuan kan peih lauuu an lo ti sam et, phuba an la ni berin ka hria, U mami’n min chhaih dan tur te ka hrethiam nghal vek, min dem leh ngei dawn a ni, van peih lo tak.



Thingpui chu ka siam sak a, ka va pe a, chawlh pah chuan an titi malh malh a, Christy leh Rami chuan rca chu an \hut hnaih deuh sek a, an va titi pui siam siam a, Pu Chhuana chuan Rca hi ngaihzawn tlak a nia, A duh chuan hnathawk lova awm thei reng a nia, saw,, in rawn tlan tlang kawn chhaka Wholesale lian deuh kha an ta hi a nia, Bazarah khian second hand dawr pangngai tawk tak an nei bawk a, tichung hian inhlawhna a hmuh chuan a thawk reng a, thawh hreh lah a nei lo, a \ul chuan ek pawh a paih mai a nia, tunlai nula te hian ngaihzawn tur hi in hre lo em mai tiin Rca en pah chuan a han fak luam a,



Rami chuan keichu ngaihzawn tur hi ka hria, min ngaihzawnna chang hi an hre lo a ni, ka easy zia hi an hre si lo amaw,, a ti zat zat, avan zak lo thei tak, an phawk a chhuah hi chuan an brake hi lo rah sak a ngai \hin, Christy chuan keipawh mipa ho hian min han try se chu an rin ai hian ka awlsam ang a lo ti ve leh bawk, a bikin Rca te tiin a’n nuih seih a, ka ten lutuk, Rca pawh a kun reng mai, an ti lai tak ngial dawn.



Pu Chhuana chuan ahh,, kha in ti lai tak ngial dawn hei vang hi a nih hi Bialnu tur pawh a hmuh zawh loh reng reng ni, khawi \an leh tawh ang a tia, an zo \ep tawh a, an hma bak tlem te chu an va thawk leh rih a.
Rami leh Christy chu haw an tum hnai a, keichu ka peih lo lawk lutuk, haw lo tura ka tih ngial pawn haw ngei ngei chu an tum bur hi a ni mai, hetiang em em a haw an chak hi ka la hre ngai lo, Remthanga lah chuan mistiri emaw a inti tawh, a thiam berah ava \ang leh tawh a, tihdan tur a lo va hrilh zawt zawt, hepa tlang lutuk hi chu a,Mahse kan bawl theih kha a ni ve miau mai si a, a thil hre lutuk hi a hneawm \hin a ni.



4:30 a hnai tawh a, Inkhel lanna chu ka hmetchhuak a, Christy leh Rami pawh chuan rei lo te en ve ila haw ang, Bena pawh substitute ah a awm daih dawn tho, vai inkhel ringawt en a peih awm loh an ti a, keichuan Bena inkhel hmang chuan chelh beh hram ka tum a, 2nd half ah a lut ngei ngei dawn alawm le, chaw chu ka chhum kep dawn chu a nia, hei eirawng bawl a hun ka ti a, Christy chuan chi loh ka hman lo a ti tlat. Rami pawh chuti bawk, in over em maia tiin phur lo tawk chuan Remthanga avang liau liau in kan Sunday sarep chu ka siam ta.



Pu Chhuan chaw ei ve nghal ula ka ti a, ahh, nid angah le tiin ngaihtuah mang lo chuan min chhang a, Phur lo zet chuan eirawng chu ka bawl chhunzawm sut sut a, Pu Chhuana te chu an zo a, an intifel a, hlawh chu U Mami’n a gpay mai \hin a, an chhuak zui nghal a, tunah chuan ka duhthusam ngeiin room thar chu ka nei ta phawt a, Mahse lehkha zir nasat a ngai tawh dawn a ni, Christy leh Rami chuan ka room thar chu an tifai thuak thuak a, eirawng ka bawl bawk nen ka buai em a, min lo pui lawk ru ka tia, Phun nung nung chung chuan an ti ve mai a.



Chaw ka chhum hmin a, chaw hmeh siam vak angai lo a, chaw hmeh \hing lum leh Vawksa rep siam chu a ni tawh mai, Ramrami chuan saw,, Bena chu a lang ve a nia, Nui lo en rawh an ti, hmanhmawh deuh chuan ka va phei a, Bench ah a \hu a, a hlim hmel tawp, lut hlauh se ka ti ngei mai, ani chuan a dream a tihlawhtling chho chu a ni mai si a, kei ve hi dream ka neih ve pawh hi ka hre lo, Ka dream ve \hin kha chu U hriata bialnu nih a, college kal dun a, a hnua hna a neih hunah a nupui nih leh kha ani tawp a,, tunah chuan nih tum pangngai deuh ka neih angai, sumdawnna lam hi ka ti ve dawn nge ni,


Mahse bul \anna tur pawisa,, huiham Hausa tur pawh hian hausak phawt a ngai a nih hi.
Christy chuan a nih, Nui, Bena a khel ve bawk si lo, kan chho dawn, chaw ei tui u, a ti a, Rami pawh chuan naktukah kan peih chuan kan rawn leng ang, tiin chhuah an tum, ka chhum kep tho chu a nia, chaw hmeh pawh a tam lo ei ve mai ula,, ngen ngawl aw tak chuan ka ti a, remthanga chuan nui sukin., Ah,, Nui keimahni in kan ei \euh anga a ni mai lawm tiin a la nui var var zui. Huiz.. scooty khalh min zirtir peih awm chhun a ni bawk sia. A va’n at hmel fen fun tak. Sek si mawl si, ka hmel a\ang te hian chaw lo ei lo se ka tih zia te hi a hrethiam velo emaw ni?



Ui tak chungin ka \hiante chu ka thlah a, anni lah chu haw an phur em em lawi a, Christy tana ka ruahmanna ngeiawm zet chu keiman ka tuar phah dawn ta a nih hi. Inkhel chu a en a, kei ka che fel zung zung a, inkhelh lah chu a thiam hmel em em a, an tihsual te a lo sawi zung zung a, india in inkhelh kan la thiam loh zia te chu tui em em hian a sawi a, engmah ka sawi pui peih lo chung pawhin tiraw Nui a rawn ti sup a, ka chhanna a ngai chang leh lem hlei lova. Hepa hi amah chauh pawhin tui deuhin a inkawm thei dawn a nih hi.



5:15 a nia, U mami te chu an la rawn haw lo va, Remthanga nen chauha awm chu ka ning, Khuma te chu ka han be ringawt a, Khuma lah chu chu mi tlai kher kher chuan pawnah a chhuak reng a, A pi Saii tal hi rawn leng se aw,,ka ti vawng vawng, mahse tumah chu an rawn lang bawk si lo, Remthanga titi ho leh ninawm zet zet chu ka ngaithla a ni mai. Inkhel chu first half an zo a, 2nd half an \an leh, Remthanga nen chuan kan en dun a, alo sawi sel char char a, football hi a sawi a, sawi chu ni se, India ramah chuan a \ha pawl a niang, Mahse vanduai thlak takin sawia sawi fel chi niloin pet a pet chhuah chi a ni tlat si a.



U Mami chuan min rawn call a, an rawn haw mek thu a rawn sawi a, enge hnathawk ho an zo em tih te chu min rawn zawt a, an zawh tawh thu leh chaw ei tura kan nghah thu chu ka hrilh a, kan a? tu nen nge min nghah mak tih hmel tak chuan a ti a, Aw,, hei ka \hianpa’n chaw a rawn ei dawn ka tih chuan,, weeinch a ti nghal, ka ring rengahh,,, kha kha a nia, ka peih loh lawk, khatianga weinch chi a ni lo ka ti hluk a, lo haw vat ru kan hmanhmawh tiin phone chu ka dah a.


Minute 75 vel a ni tawh a, Bena chu a la lut chuang lo, Shilong ho chu 2-1 in an la chak lova, a lut tawh dawn lo a nih ringin tihsawn mai ka tum a, Remthanga chuan a la hmuhnawm a lawm a lo ti ve tlat, an thiam lo a tih thu a sawi char char a, tihsawn dawn chuan an hmuhnawm a ti leh bawk si, Minute 82 velah chuan Bena chu pawnah a tlan thauh thauh a, a truck kawr hak chu a phelh a, referee bulah a ding, jersey number 29 ngei mai chu a ha leh nghal, an jersey chu a sen a ni ve bawk nen, ka choice lutuk.


Rema tikhian enge,, a lut dawn ami ka ti sup a, Umm, lut dawn, tih pah chuan inti hre tawkin mizo a nih khi, a la ti vel zui, a hmaa christy te nena kan sawi zawng zawng kha engmah a hre lo nge ni, khi khi alawm kan \hianpa kan tih chu ka ti a,ee,, khipa khi maw, tiin phur hmel tak chuan a en hnai sauh a, ball a out a, vai pakhat chu thlakin Bena chuan khelmual a pan ta, Van lam an kawk ve ngei a,, ka \an lutuk. Mahse hun avan tlem tawh tak.



Ball an pass a, a tisual nghal zui, Rema chuan kan mizo pa pawh chu avan lak tlak loh ve mawle,, \henkhat hi chu an vanneih vang mai maia profesional ni hi an ni mawle, ani aia thiam khi chu kan khuaah pawh an tam mai, a ti kher chu ka ngei viau, a thiam zia te chu ka sawi vak a, a khel chiah a , ahar ve a niang chu ka lo ti, khi,, a postion lak dan reng reng khi striker awm dan tur a ni lo reng reng a la ti zui, tum bar chuan ka en pui ,a haw daih se ka va ti tak.



Hun pek belh minute nga a ni a, corner an pet a, bena te pawl ami vai sang zet chuan a ban a head per, avan goal teuh tak ka au deuh \hawt a, goal bar per a, a let leh lam chu bena chuan kawh tawkin a pet nghal, Keeper in a beng chhuak chiah chiah, ka ui lutuk, minute hnih chiah a awm tawh, an chak tawh dawn lo ngei niin ka ngai tawh a, \hiante khel nge nge chu \an a na ve ngang mai, Bena te pawl chuan an nawr phei char char a, Rema hneh chu an hneh zawk daih tiraw ka ti a, Ahh,,, Lehlam khi chuan goal ven him a tawk tawh a, an nawr tir vel mai mai a nih khi, in draw se chuan an nawr let hrep thei ang a rawn ti leh kher,, aw hneh zawk tih ve mai awm hi a nia.


Bena chu penalty an petna bulah chuan dingin lehlam pawl ami Vai dum ve deuh pakhat hian Bena awmah tak chuan a pet per a, Bena chuan a ting leh chu kawh deuhin a pet a, a goal chiang lutuk ringtawkin ka au va,, ka zuang tawr tawr ,, Bena chuan a kawr hlipin a jersey number chu chiang tawkin camera hmaah a rawn ti lang,, avan nuam reuh tak.. Ah,, footballer bialpa neih hi a nuam ngawt ang, ka ngaizawng dawn emaw ni le, ti ten ka ngaihtuah hman, ka van lawm tak, Remthanga chu ilo hmu em a thiam ka tih kha maw ka ti a, Keeper position kha a dik lo a nih kha a la ti hram mawle.



U Mami te chu an rawn thleng a, enge ni ta vak vak ngai a rawn ti lut a, inkhel chu hun a tawp tawh a, saw,, bena’n a pet goal, tiin ka au chul a, Ka Nu chuan a ho mai mai lutuk tui I lo lum em a rawn ti lut nghal zat,, awi ka buai lutuk a, ka lum hman lo lutuk, tui vawtin inbual ve mai rawh u, keipawh ka la inbual hman loh hi ka ti nghal, rawn thleng chiah a, min rawn tir leh nghal a, an haw kawngah hian min tirh dan tur hi an rawn inbuatsaih lawk \hin a niang.



U Mami chuan Khuma chaw I pe tawh em a,, hui ka chau lutuk vawiin bazar mipui han tam zia chu ka lu te hi a na vek thei, a ti a, la pe lo, a leng daih, A Pi Saii te in ah a chhuk leh a niang ka tih rual rual chuan zuk la tehh, a ril a \am tawh ang, hei hi emni I \hianpa chu, khawi lo inchibai I la,,a va fel hmel ve, a ti zawm nghal zat a. A Pi saii te in ah chuan chhukin Khuma chu ka zuk la a, tui lum pah chuan a chaw ei tur chu ka siam sak sawk sawk a, ka nun hi chu a va’n its my life lo ve tak e aw..



A nu chuan Rema chu chibaiin hming te an inzawt a, an inkawm nghal luam a, hepa \hat ve na em em chu tupawh hi a kawm nghal thei mai zel a, tikhan lo \hu la, kan va inbual sawk sawk anga, kan ei dawn nia, a ti a, Rema lah chuan hmanhmawh a ngai lo, Ka U nen chauh kan awm a, mahni eirawng bawl ringawt ka ei a, ka hne ve deuh a, Nui hian kan \hianhoin chaw kan ei khawm dawn a tia, sikuti khalh zir aduh bawk sia, min sawm \al sia, a \hiante lah chuan chaw ei kha an hman leh si lo a, keimah chauh ka ni ta a nih hi a ti a.



Ka Nu chu bathroom lamah chuan a kal nghal a, U mami chuan Scooty khalh chu a thiam hmel em, a ti chu, Remthanga chuan kha a tlu deuh \hak a, a zia ve chho mai ang a ti a, U mami chuan ka ring rengahh,, khawi maw tiin a en nghal, a scooty a duat si, a hmasaa ka tluk na pawh a rang a rangin a han siam tir a, a r^ng pawh a bel tir nghal vek kha a nia, ka va han huphurh tak a thirnim chuan mi awm lai vel a care leh dawn der si lo.



A va chhuak a, a phone chuan a han en kual a, awii,, ava han tlu rang nasa em em bawk, I zir tawh lo ang a ti nghal, hnial loh a finthlak ber ka van zir awm tho tak keimah pawn ka khalh ngam ve deuh tawh tho a, ngawi reng ila, a zo hma a ni mai, awi,, a head te chu hmanniah ka siam tir zo chiah a, tiin a tuai vawng vawng, ka dawh thei leh tawh bik lo, I scooty ringawt ngaihtuah, keipawh ka inhliam ve tho, ka ke te hi en ta che, a pem vek hi ka ti.


Ka Nu chu a rawn inbual zo va, enge ni leh ta vak vak, in leng awm lai laiin, a tia , U Mami chuan nu en tehh, hei ka sikuti chu ka rin ang ngeiin, a ti rang nasa lutuk. A ti, van over tak, Ka Nu chuan a ho em mai, thiam dawn te chuan a nngai alawm, Nangmah I na em bawihi a rawn ti hlauh, ka nu hi chuan min hmangaih ka tih tawh kha, ka hnuk te a ulh lek lek, Na ve reuh lutuk a thip, kal te pawh a harsa ka han ti vel a, U mami chuan kha tiang lek, a na dawn lo lutuk chaw ei titui tham lek a nih kha a rawn ti.


Lawm loh hmel zet chuan room ah chuan a lut a, Nui khawnge ka towel hi a rawn ti, pawnah ka la zar, ka room thar tur chu anawm hmel em ka tih chuan lehkha zir nan chuan duhthusam he rooma I awm chuan lehkha I zir reng tur a ni ringawt a ti a, a towel chu ka laksak a, Ka Nu chuan Rema hnenah chuan keini chu heti reng hi kan ni mai,, lo awm ve mawp mawp mai rawh a ti a, Rema chuan a ho lutuk a nuam daih zawk, keini chu kan unau chauhin kan awm bawk nen kan reh ruih a, a khawhar thlak thei lutuk a la ti zui, awi,, hepa hi chu a nuna thil thleng eng pawh hi a pawm thei vek a nih hi.
I U Mami chu va inbualin, ani pawh ni dang ai chuan a inbual rei lo deuh a., chaw ei chu ka siam a, chaw chu kan ei a, Remthanga chuan a ei hnem viau mai, hlawhtling a inti ngawt ang, dar 8 vel thleng chu a awm ve a, U Mami chuan min en zuk zukin min rawn nuih leh \hin a, min chhaih chak tawh tih ka hria, ka hne leh dawn a ni.



Remthanga chu a haw a, rin ang ngeiin U Mami chu a rawn khuh \an, ehem hrawk a za ve, I van nei chhe lo em em a rawn ti ta reng a, Nu,, U Mami hi ka ti leh nghal, enge,, in ti \e leh nghal lo tehh u, hah in tidam lo, Nui thingpui va lum tehh a ti nghal zat a, hah I tidam lo fe zawk ka ti sup a, thingpui chu ka lum sak a, U Mami chuan Sunday cofee lei sa kha a la awm em, a awm chuan ka duh ve a rawn ti ve, Nula ve si Chaw eikham thingpui te hi in ve ziah suh, Bialpa pawh I hmuh zawh loh kha ka ti ve kher.



U mami chuan Nia,, nang chu kha, Bialpa I nei chhe lo thei bik e, a rawn ti ve nghal I ninawm a nih chu ka bialpa pawh a ni lo, ka tih pawh chuan , Mahni in a bialpa te chaw ei ah I sawm ngam tawh a nia,, min va khum deuh ve a la rawn ti hram,, U mami tak hi chu, ka huat chuan nuam a ti tulh tulh dawn haw lo ang deuh chuan ka awm a, ka ngawi reng a, a khat tawk chuan, Makpa interview a rawn tichhuak leh hram zel. Ka hne lutuk, ka kal dawn nakinah thleng chu ka rawn sil mai ang, room vel ka tifel dawn tiin ka kalsan hmak a.



Ka room tur chu a nuam ve phian mai, thawmhnaw dah na tur te min siam sak nghal vek a, an bei simple in a nuam tawk viau bawk a, pawn varandaah te chuan ka va chhuak a, lehlam room a\anga chhuah ve theih loh turin varanda pawh hi keima room chin hi pin tir daih ila, phone hman ruk nan ka ti rilru a, mahse chu kher chu a theih dawn lo nasa a ni.
Bena pawh lawmpuina thu pawh ka la hrilh hman lo, ka room ka tihfel zawh chuan U mami chuan lehkha zir nghal tura min tih tlat avangin ka zir a, phone khawih ruk chakna chu a rawn thleng ut ut a, ka mut a chhuak nghal em em bawk a, U Mami bulah chuan kan intiharh tehh ang ka va ti a, u Mami chuan,, awi dar kar khat em pawh I la zir lova, Kan college kal te chuan \ha hnem ka han ngaihtawh nen, nang chu naupang ang chiah, zir rawh tih reng ila ngai a nia.


A sawi lai chu lo pawt chatin, aw,, ka mut a chhuak ka intiharh dawn alawm le ka tih chuan ,, lehkha I zir loh chuan mu tawh rawh, mu tawh rawh,, phone kha dah la tih I ngai a, I mu meng kur a, dar khat velah pawh rizai hnuaiah I la nui kar kar a, lehkha in zir a dar 10 velah intih harh ka ngai in ti a nia, a tih chuan a dik chu ka ti ve reng, mahse men tawp leh lehkha zir a in ang lo ve em maiah,, ka chawl lui tho.


Varandaah chhuan chhuakin, Bena chu ka call a, vawiin kha kalo en a, ka status te kha en ta che ka tih chuan,, ka buai lutuk a, hei phone call ka dawng ve reng mai, a rawn ti a, hmm,, I van luck nghal ve, ka msg pawh an reply hman lo nghal derah ka tih chuan ka pet goal a, ka celebration kha ilo hmu em a rawn ti,


Hmu e, mahse ngatinge yellow card kha I hmuh ringawt a, ka ti a, Aw,, kawr hlih kha an phal lova, a ti a, yellow card inhmuh khan pawisa in chawi em ka ti, a nui suk a, chawi lo e, next ah ka hmu leh chuan next ka khel thei dawn lo va. Ni maw, hmuh tawh loh a ngai a nih chu, a nuam e,, Chanchinbu ah te I hming a chuang ang a, an inkhelh vel chungchang chu sawiin rei deuh kan inkawm a, U mami chuan room lehlam a\angin I harh tawh em a rawn ti, harh tawh ka zir dawn tiin ka va chhang a, hei U mami hi exam a hnai tawh a tia, kan zir leh tawh ange. Tiin phone chu kan dah a.



Kan higher kal pui a bikin kan section ho number ka neih ang ang chuan Bena tih goal na chu an status sup sup a, \hen lah chuan a number rawn show chhan hi ka hria tiin an lo inthre vel viau bawk a, a nuam ve reng, Mahse chutih rual chuan ngaihzawng tur ang chuan ka duh chuang hauh lova, mi star nih hi chu a nuam ve alawm an \hing viau te a nih loh chuan, entir nan remthanga te.


Remthanga sawi chhuah takah chuan tun thlengin christy’n min biak duh loh phah a, mahse ka thlem peih vel lo, amah bawkin a intilungawi leh dawn tih ka chiang ve em. Peih lo tak chungin lehkha chu ka zir a, amak lutuk ka meng thei thlawt lo, lehkha zir hi tih mai mai a ni lo a nih hi, ka dawhkan bawh chuan ka lo muthlu a, mumang ka nei, ka mumangah chuan U hriata hi thi hnuangin ka hmu a, kan in ah hian a rawn tlan chhia a, Misualin silai nen an rawn um bawk, kawngka ka khar vat a, Mahse misual ho chuan rawn sawi chhia in U hriata chu a chalah tak an rawn kap pawp a, ka harh zawk a, ka au chhuak \hawt.


U mami leh Anu chu an rawn tlan lut nghal, engatinge hlau thawng tak chuan an rawn ti a,Anu chuan Nute, enge,, hlauh I nei ami tiin ka sam chul pah chuan min zawt a, aih,, ka mumang ka hlau lutuk thawk lak deuh hrawk hrawk pah chuan ka ti a, U mami chuan mu tawh rawh, kha, I mutna te kha siam \ha la, mumang I neih ngai loh loh nen a ti a, U Mami chu a chhuak leh nghal mai a, A Nu chuan min awm pui a, ka muthilh hma chu ka bulah chuan a \hu reng a, Nu hmangaihna hi chu sawifiah thiam chi pawh a ni lo a, sawifiah tum chi pawh a ni lo, hriat faih a dawn tawp chi, rulh let tum chi pawh a ni lo, Nu hmangaihna hi a rulh a rulh chi a ni lo, a chhan chu beisei let neiin min hmangaih lo tlat a.


Hmangaih let ve mai hi kan tih tur a ni, kan dam chhungin a rulh ang zawng chuan kan rual zo thei ngai lo ang. Anu ka bula a \hut chuan ka thla a muang leh viau tawh a, rei vak loah ka muhil ve leh mai bawk a, Mumang erawh ka nei zui tawh lo. Chawlhni zing a ni a, keichu chawlhni zing hi chuan ka mu rei ve \hin ka tih kha, room thar neih bawk, u mami kaih thawh phak lohah ka awm bawk a, ka mu lui tlat a, ka harh tawh hnu pawh chuan ka tho chhuak mai duh lova, Nizan a ka mumang chu ka ngaihtuah a, U hriata chungah thil \ha lo a thleng dawn emaw ni le tiin U hriata ngawt chu ka ngaihtuah a, ka call tawp ngam bawk si lo.


Engkim ka tifel dawn a tih khan, phuba la turin a chhuak dawn tihna emaw ni le, chu chu a che sual dawn a niang a, U Mami hi ka hrilh tawp mai dawn nge ni, ka ti a, ka ngaihtuah zui nasa hle a, U hriata number chu ka hmet chhuak a, ka call \ep \ep \hin a, Mahse call lo bawk chuan ka dah leh \hin a. ka ngaih erawh a \ha thei mawlh lo. dar 7:30 vel chuan ka tho chhuak a, ka nu chuan in te lo tifelin chhuat te a lo nawt diam a, a lo che leh sut sut tawh a, chet hi nuam a ti ni ber hian ka hria, In a a awm ve tawh hi chuan a che reng mai a ni.


Eirawng bawl vel a lo peih fel leh diam tawh a, hmun te va tihfel puin a theih ang angin ka va pui ve a, mahse tih tur phei chu alo tam tawh lem lova, Ka Nu chuan nizan khan enge I mumangah I hmuh hriat chak hmel zet chuan a rawn ti a, U Mami chu rawn tho chhuak in a lehkha zir a mang phan a , a hlau a rawn au chhuak a nih kha a rawn ti ve leh nghal, chutiang em em in lehkha zir ka hlau lo ka lo ti nghal vat.



Kan in peih thaw khat hnu chuan inkhawmna kan hmanga chaw chu kan ei a, Nizan ka mumang chu ka sawi chhuak ta a, U Hriata chu misual hoin an rawn um a, amah chu a thi deuh hnuang a, kan in ah hian a rawn tlan lut a, ka hmaah tak a rawn ding, kawngka ka va khar nghal sawk sawk a, Mi pali vel sek deuh deuh hian kawngkhar chu an rawn pawt chhia a, ka hmaa ding U Hriata chu a lu ah tak an rawn kap pawp a, keichu min tin leh a, ka hlau lutuk a, ka harh chhuak hlawl a. a tak ang chiah chiah a ni ka tih chuan U mami chu a ngawi vang vang a, hriata chu biak a ngai a nih chu a ti sup a.


Ka Nu chuan a ho em mai, Mumang mai mai a nih chu, thil \ha lo engmah a thleng lo ang, Tun hnai I U Hriata te chhung an vanduai deuha I mangphan mai mai a nih chu a ti a, Mahse ka ngaih erawh a \ha thei chuang lo, chaw chu kan ei kham a, inkhawm tur chuan an inruahman a, keipawh thleng sil chu awl tumin phakar ka chhuah a, chaw eikham ve leh chuan toiletah ka kal daih a, ka chhuah leh chuan ka beisei ang ngeiin ANu chuan a lo sil vek a, thlamuang takin ka insiam ve thei a.


Tichuan chu mi ni chu kan hman dan pangngaiin chhungkaw chhehchhawl ah,, chhehchhawl pawh ka ni tawh pawn ka hre lo, chhungkaw pawn chhia ka ni tawh zawkin ka hria, chhuatnawh nan min hmang lo chauh a ni, an pahniha ni lenga in an awm phei chuan pakhatin min tir a, pakhatin min hau a, keiin ngaiah neiin z^wm em em chuang loin kalo ngaithla ve tawpa tichuan chutiang chuan chu ni chu kan hmang liam ve a.


Kar thar kan kai a, rin ang ngeiin Bena chu chanchin bu phekah a lang ve ta kalh mai, Mizo Sports page lian te chuan an ziak chuai chuai bawk a, a goal khung kha a mawi ve em a ni, chu mi ni chu class kal pawh kan phur a, Ramrami nen chuan Bena chanchin ngawt chu kan sawi a ni ber mai.


Ni a liam ve hret a, Zing kar hma takah chuan bawlhhlawh paih turin ka kal chhuak leh tawh a, Bawlhhlawh paih ho chuan car bo chu a uiawm hle mai a, an lo ti sap sap a, \hen khat chuan ah,,a neitupa kha mi tam takin Damdawi hmanga sumdawng \hin an tih, an man chhuah theih si loh pa kha a ni lom ni, keichu mi sawi a awm tawh hi chuan eng emaw hi chu a awm tihna a ni maiah ka ngai asin an lo ti ve bawk a. an thil sawi chu ka hrethiam teh nuai lo, Driver chuan min lo fiam leh tawh a, mahse ka chhang peih vel lo.


Ka period tur in\ham vel nen driver chu ka hne a ni, keichu ka period hi chuan en tawp ka ngai, ka thin hi a chhe hlur a, ka inthunun zo ve lo reng reng, ka thik thu te hi a chhia a, mi hi ka ngei hma em em bawk a, chutianga ka awm \hin avang chuan mi te hi ka be tam duh lova, pawn te hi ka chhuak duh lo zual \hin, ka chhungte hi chuan an ngai neih tawh a, ka awm ang ang hian an lo dawng sawng thiam mai zel a. midang ka period lai nang fuh palh te chuan mi sual tak angin min hre fo mai thei a ni. Vawi khat inhmuhna hi a pawimawh \hin si a.


Ka haw a, room ah chuan lutin ka mu leh zuai a, ka phone ah chuan zai ka ngaithla pah reng bawk, Dar 7:00 vel chuan U Mami chu a rawn tho, Nui tho tehh, hei, Hriata an zawng a nih hi, Tualthah tum thubuaiah leh Car ru ah an puh a nih hi a tih chuan rang takin choka lamah chuan ka phei nghal a, U Mami chu a hlauhthawn hmel tak zet a ni, Ka Nu nen chuan thu chiang hre chak chuan U Mami chu kan en reng a, ani lah chuan a tira a rawn sawi bak kha a sawi chhun zawm tawh lo.
Phone hman tum chuan a phi cheng a, kei chuan News chu ka zawng kual a, Pu hriatkima thah tum thubuaiah Lalhriatpuia Son of Vanlalhmuaka tih chu an lo ziak kalh mai, mak ka ti lutuk a, ka mumang kha ka ngaihtuah let nghal, engtin nge a nih theih tiin ka chiai hle a, Ngah nge maw U Hriata kha kalo call vat loh le, Ahh, Call pawh ni ila, a tum tawh chu a tum tlang dawn tho tho, enge maw mi nunna lak duh tur khawpa a rilru thunun tu che le tiin ka ngaihtuah a, Ka Nu chuan tun hnai Hriata awm dan hi a va mak sawt ve mawle,, Tlangval ngawi chet chet Nungchang \ha tak kha a ni \hin a, hetianga a nun thlak danglam tu chu thil lian tak a ni ngei ang, tiin a ngaihtuah vawng vawng a.



Sangi te chu a phone chi angem le,, awm dan thiam ava har ve tiin KA nu pawh chu a buai hle mai, keichuan ah,, call rih lo ang an rilru a hah lutuk ang ka ti a, Nu Rini phone call ka dawng nghal, hello ka tih chuan engatinge I Nu khan phone a lak theih loh, a pawi lutuk, lo chho tehh u a rawn ti ringawt,, Nu kha Nu Rini’n a be duh che ka ti a, An inbia a, Nui vawiin chu nangmahin class lo han kal la, chaw te pawh lo ei mai rawh aw, I U mami nen khi tah I Pa HMuaka te in ah kan han chho lawk ange.. a tih chuan aw le, aw le, ka ti ve mai a.


U Mami chu a rawn lut a, Lalhriatpuia A lutuk hi chu a rawn ti lut nghal, U Mam I be thei em ka ti nghal a, Be thei e, Amah tih pakhat mah a tello, car erawh chu a sa him nan a tlan chhiat pui a, Ngaizel daihah a dah a, hmuh a ni tawh. A phone pawh off nghal turin ka ti a, ka buai pui a ngai a ni, a ti a, Ka NU nen chuan hmanhmawh tak in an chho nghal a.
Keipawh chu ka engtih mah a nuam tawh lo, Christy chuan min rawn call ve nghal a, enge awm zia ka lo ti nghal vat a, Christy chuan ka hre bik lo, Kan inneitu pa hi maw,, Smugler a ni awm e, mahse prove a awm chuang lova, Pu Hriatkima Kha car showroom vel te pawh nei kha, TV vela faknaah pawh a tam em kha, kha pa nen khan an thawk dun a, Chu chuan U Hriata pa hi an su a, a hnung zang ruh chhiat chhan kha a nia,



U Hriata chuan phuba lak a lo tum char char a ni awm e,, Nu Sangi pawh a \ap a \ap mai a tih chuan engkim a fel hunah engkim kha neih let ka duh leh ang a tih te chu nimin liam taa thil thleng ang maiin ka bengah a ri nawn awn awn a, U Hriata chu ka khawngaih tak zet, Engatinge mipa hian Phuba hi an thu pui em em \hin le, a tawpah chuan natna mai mai a ni sia tiin ka ngaihtuah a, mahs engmah siam \hat theih a ni tawh bawk si lo.


Christ engtin nge kan tih ang ka han ti ringawt a ni lah chuan ka hre bik lo, class banah kan inhmu dawn nia, in college bulah min lo nghak la, Rami nen lo awm ula a ti a, class kal pawh chu ka phur lo tak zet a ni, zawi leh zuai tak chuan ka che ve zel a, chaw ei chakna pawh ka nei lo.


Chaw pawh chu ka ei ta lo law law a, Rami chuan min rawn lamin college lam pan chuan kan kal a, rilruah thil dang a lang thei tawh lo, U Hriata ngawt chu ka ngaihtuahna a awm a, puih theih ka chak a, mahse tih theih ka nei tlem si, vawi khat tal han hmu thei ila aw tiin k a ngaihtuah vawng vawng a. class room kan lut a, rilruah thil dang a leng tawh lo, Rami nen chuan kan titi a, kan hriat chin a tlem si. Lehkha zir pawh chu kan rilruah a awm thei lo a ni.



U hriata chu call kan tum lahin switch off a ti tlat bawk si. Christy chu kan han be ngawt a, ani pawhin kan ngaihtuah ang tho chu a lo ngaihtuah a, lehkha zir mood ah kan awm thei meuh lo a ni, kan inthurual a, tirawh u, I haw mai ang u kan ti ta ngawt a, Christy pawhin min rawn pan dawn a, kan in lama awm a, thu thar ngaihchan chu kan tum ta ngawt a, chu mi ni ang em em a, ka rilru hah chu ka hre lo. Rami nen chuan kan in lam pan chuan kan tlan thla leh a, Remthanga chuan min rawn hmuin khawiah nge in kal dawn a rawn ti lar lar a, min biakna pawh chu kan chhang peih lo, kan tlan san vang vang a.
Kan In chu rei vak loah chuan kan thleng a, kan ngawi dun vang vang a, a hnu rei vak loah chuan christy chu rawn thleng ve lehin kan hriat ang ang te chu kan han sawi khawm a, mahse kan hriat chin chu a in ang deuh vek hi a ni mai, tumah hre tlem bik leh hre tam bik kan awm lova, han hriat belh tur sawi zui thei pawh kan awm chuang lo. engtin nge kan puih theih ang tih ngawt chu kan ngaihtuaha. A chang leh U hriata tih a ni thei lo ang, Chutiang ti duh tur mi a ni lo te kan han ti leh ringawt a.


Christy chuan Mahse tun hnaia a awm dan hi a mak tawh em alawm, zu te a rawn rui haw ve ziah tawh a nia.a tih ngei pawh chu a ni ve thei tho bawk asin a lo ti ve bawk. Rami chuan a ti a nih pawhin, chumi te chu an thiam lo hmasa tal ang, U Hriata kha ka hmuh ve chhunah rilru chhia leh nunrawng tak chu a ni thei lo hrim hrim a lo ti ve bawk a.
Mahni \heuh chuan thil chu kan phak tawkin kan ngaihtuah kual nasa ve a, mahse kan thiam leh hriat chhun hi a tlem em a ni, kan ngawih vang vang hnu chuan christy chuan Nui , keichu ka ngaihtuah ka ngaihtuah hian, heng buaina hi In a\anga an hnawh chhuah chu a\\ang khan a in \an chho tawhin ka hria, a tih chuan mak tih hmel tak chuan maw,, kalo ti haw a. Rami pawh chuan a hriatthiam loh hmel tawp.



Christy chuan sawi zauin, Kha tia an hnawh chhuah chu a\ang khan U Hriata hian Pu Zoliana te hi a um zui reng niin ka hria, a fate pawh kha a va kawm ve leh vel a, hun rei tak inkawm tawh lo, a va kawm thar leh thut na chhan te kha, eng emaw buai pui a nei a nih ka ring reng a, chutiang vela a kual a kual hnuah chuan a pa kha a accident leh a, khami hnu lam phei kha chuan a awm dan chu mak tawh tak a ni, a buai hmel em em reng a, Nula pakhat hmeltha ve deuh nen hian an inkawp a, ka hmu dun ve ziah an buai dun theih hmel em em mai leh nghal a. heng buaina hrang hrang hi an hnawh chhuah chu a\anga in \an vek kha niin ka hria a tih chuan.


Keichuan A nih chuan, hetia U Hriata buai chhan hi keimah vang tihna a ni maw ka ti sup a, Rami chuan chutiang lam ngawr ngawr pawh a ni lo ang, engmah thil chiang kan hriat loh hi a lo ti vat a,. Kan \hian thum chuan U hriata chu engtin nge a awm chhunzawm zel ang le, Jail ah atang angem, an man angem, tih te chu kan ngaihtuah a, kan sawiho ve nak nak a.
Show post links
Top