THINGTLANG PA ZUN BY Piani Thlauhthang Piani (Completed)

[ngaia]

Chapter 20





Kan bul alo thlen rual in min en zeuh in ka bula ding run chu en leh in" enge i tih ve a" tiin kei nilovin ka bula ding ngawi run rammuanpuia chu a en ran a ka lo en ve ran thung. " kan bazar "tih chauh chuan rammuanpuia chuan a chhang teh tlawng a. A tawi tha met mawt viau.







Faki pawh chu za lo tih hriat deuha nui ve sei hian" anih chu eng tik nge haw in tum eng motor in nge in lo kal "atih leh chuan rammuanpuia chuan ka kut chu hmer deuh salh chung hian " kan motor lak thar khan kan hmanhmaw deuha kan kal san ang che " tiin min kai in min kal sawn pui nghal a








Hnunglam chu ka hawi let hram faki chuan min lo la en dauh dauh a, rammuanpuia hair style thar chu ain hmeh ati te pawh ani ta ve ang. Ka haw em em tawh lo a chhan pawh a pasal in nupui dang la lut in faki a hnawtchhuak kha ania. Kan pathian hian phuba kan lak ngai miah lo hian kan dam chhunga kan thil tih sual te hmang vek hian a thung rul mai zel a ka ngai hmin hmiah.









Thingpui dawr a chuan min luh pui a alo lun viau leh nghal. Min hmu tu te chuan min en deuh hrek hrek hian ka hria. Mahse an dem awm lem loh ka bula ding run pa hian a fanu ang maiin min kai miau. Nuam lo ka ti deuh chuan order a lak lai chuan ka kut chu ka ti che zeuh.









Min lo en chhuk vut chung hian a mit ko a san zeuh" min thlah tawh rawh" tiin ka meng kal ralh min en deuh hrek hrek tu te chu a hmu ve awm tho sia nge hepa hian a hmu hlawm miah lo zawk ni. Mit zim nghal sun chung hian min chhang dawn chiah tih a " saw ta sawn lo va thu ula lo nghak lawk mai ru aw " tiin an lo be ta daih a








Bu zeuh hian ain hre deuh vut a min lo en hrek hrek tu te chu a hmu ve lo nge thutna awl ruak zawng ni awm hrim hian a mit chu a len kual a. A hmu ta ni ngei tur ani min lo en leh in" kal ang le " tiin min pen sawn pui nghal zat. Ka kun ngar in ngaizawng bik hluah hluah hi kan ang ka ti ber.








Ka ep a alo thut thlak ve rual chuan zawi si fiah deuh tak hian" min kai kual tawh reng reng suh" ka ti hmak nui khi suk chung hian" ka bialnu ka kai ani maia thil pawi vak ani lem chuang em ni "tiin min en run a . " mite mit ti kham zawng lo pawn a awm theih miten min en hrek hrek hi "ka ti deuh sar sar ka sawi zawh ruala hawi kual in a kut a chuan ka lo sik deuh vak.








" enge khatia i hawi vual vual mi a emaw an ti ang che hawi vual vual suh "ka ti leh sep kiai deuh suk hian a lu a thing duh lek chauh kan order alo thlen chuan kan ei nghal mawp mawp. Ka ril alo tam ve tawh bawk nen ka ei hnem ve viau . Ka hawi chhuah chuan rammuanpuia hian ngun leh uluk fe hian min lo en reng chu niin.







Ka sa leh hat hat hetia chiang fahran a min en hian mihring lo nih ve takah chuan a zam loh theih loh. Zak lo ang taka ka bula tissue chu la in ka hmui chu ka hru mual mual anih na takah chuan zak ve tak chu ka ni.








A nuih chhuah huk chuan ka en vat la nui reng chung hian" i tet teh lul nen i thil ei erawh " ti a khi suk in a sawi chhunzawm duh lo nge tissue chu la ve in a hmui leh kut chu a hru ve nghal a " ka ril tam leh tam loh pawh hre lek lovin min bazar pui tih i hre lo ami , min ngaihtuah lo lutuk in thil ka ei teuh a ngai rawh " ka ti vei hmak.









Amah ka en leh chuan min lo en vung vung hian" ka tihpalh ka lo ngaihtuah miah lova. Zing atang ka buai lutuk a nangmah ngaihtuah a ngaihsak na hun nei lek lova ka khawsa chu ka thiam loh ani e , a thleng tawh hauh lovang " ati nghet charh nuih ve sei in" ka hre thiam che lawm ka sawi mai mai anih kha " ka ti ve leh vat








In an sa tha dawn tih a thil lei atang te khan ka hre ve vek a, eng vang a tiang sawi nge maw ka nih le a ka in ti ru ang reng viau. Kan ei zawh chuan bill pek ka tum viau na a amit meng thil ti thei zet chuan min thunun leh vek tawh. Ka kut chu ka la let zal zal bill te chu pe in ngawi reng in kan in zui a.










Ka en leh zeuh zeuh thin lungawi loh na nei a ang min en miah lo hian hma lam chu ding taka en run in enge a ngaihtuah hriat loh hian a hmui a chip hmak. Ka kut a vawn na erawh a nghet viau lawi a. Auto stand kan thlen rual amah chu ka en ha. Ka nu in tui hang lei tura min tih kha engmah ka la lei reng reng lo, " lut la" atih sup chuan ka thaw hak








" i chawhmeh engmah kan la lei lo "ka tih takah chuan thaw chhuak hawk chung hian a hawi deuh vut vut a chezia chu ka en reng. Ka ngaihtuah tak daih chu mipa te lam hi chu an lo zahawm har dawn hian ka hria. Kan nihna leh kan hna te hian mihring te chu min chawi sang in min ti zahawm thin viau mahse kan taksa te atang pawh hian miten min en dan hi a dang ka ring.











Mipa te tak te ai chuan mipa lian ve tawk tak na na chu an lo zahawm in leadership an lo nei zawk tih hi he ka bula ding luah hian ati chiang viau. " khawnge in kal dawn in lo thu lut dawn em "ti tu chu Auto driver ani rammuanpuia bawk chu ka en leh vat . " min lo nghak rawh" tiin kan piaha chawhmeh zuar dul te awmna lam pan chuan a pen pawk pawk .










" i thianpa ami "ti tu chu en in ka bu nghat nui a ha dum deuh leh sen deuh reuh lang tha a nui chung hian" a lian hle mai " ati ve sup rammuanpuia chawhmeh zuar ho an chawhmeh zawrh lai bih paha kun dun dun chu en in a nui leh vur vur , a a deuh emawni zawk le kan en reng lai chuan kan lam chu lo hawi in antam tel khat hi lo lek in ka lo bu nghat chawhmeh zuar chu en leh in an in bia a.











" i pasal chu mipa dik tak anih saw le a pumrua en mai pawhin a hriat Khawi khua nge" auto driver bawkin atih chuan mak ti deuh tak hian amah chu ka en . A mipat pui chuti taka a en dauh dauh chuan ngaihthat lohna min siam kan tun lai khawvel en hian gay an tam si. A zawhna pawh chu mawi lo viau mahse ka chhang lem lo rammuanpuia kan lam pana lo kal mek chu kan en dun a , ka sir lawka driver pa in a en te chuan ka lo ngei ve tawp mipa ania mahse ka bialpa chuti taka a en chuan ngaihthat lohna min siam miau.
Show post links
Top