OBEDA BY Natasha Hrahsel (Completed)

[ngaia]

CH~20





Ka rai leh rai loh chu ka han intest ta alawm,bathroom chhungah ka awm a,U Obeda lah pawnlam ah a ding tlat bawk!

Ka test kit hum chu ka en a,ka en nawn leh thin,ka rai chiang ani!



"Bawihi, lo chhuak tawh la" a rawn ti deuh chhen a,kei lah ka la pangai hleithei lo chu ani ber! Kan fa hmasa in kum khat apel awrh chauh ania!



Bathroom atanga ka chhuah rual chuan test kit chuan kan vawm deuh pawp a,lo man chat in a han en chu lungawi hmel fe hian akhi ta sun sun mai!



"Nangmah vang vek anih kha" ka ti hlar chu a nui chhuak hawk a, "a dik alawm,keimah vang liau liau ani e" nui thaw hian alo ti duh lek chauh a!



"Rochanpui,ka uang miahlo ania aw! Bawihpuia kumkhat atling awrh chauh a" ka ti deuh hlar a,mi min chhaih dan tur leh sawi dan tur te pawh ka dawn ve bawk a,ka pasal lah hi a duhna ah chuan azak duh leh tawh der dawn silo.




"Vîn lo deuh la,alo hlau ange" ti a ka dul a rawn dawm chu ka lo teu hlar."ka ning tlat che" kan ti thla rawk a,min melh run run in "tun tum chu thianchhiat lamah akal dawn ava ang ve" a ti awlsam leh then thung.




Ka chhungte chu ka pasal phur lutukin a hrilh leh ta nghal vek a,ka hmel an hmuhin nuih insum zet hian min lawmpui thu han sawi mahse a tawp ah chuan Judy pawhin "in siam chak hle mai" a ti ta nge nge a,ka unau te pawhin min rawn chhaih fiam nak nak mai.




Ka nu (Obeda nu) chuan ka zak tih alo hrethiam nasa ni tur ani,tihian min han fuih ta a "Fa nau hi chu Pathian malsawmna kan dawn zinga ropui ber te an ni a,lo duhloh emaw kan pai zin deuh vanga zahpui ngawt tur an ni miahlo ania.Pathian in rem a ti a nau apai tir leh mai che a,nau pai theilo tam tam pai chak ngawih ngawih hi an tam ania.Vannei inti hle ula,in tawngtaina ah pawh lawmthu sawi mawlh mawlh rawh u.Bakah chhangchhiat lai hi chuan han chhangchhe tlang law law ila,kan felfai hma leh duh keuh zawk ania" tiin min fuih luam a, ka inthiamloh ta viau bawk.




Lalpa laka kan rochan kan fa te hi hmangaih leh duat taka enkawl tur kan nih laiin ,thenkhat chuan anchhia tinreng te an han lawh a! An nupui pasal laka an thinrimna te an fate chungah an han hrithla ta thin a! Pathian lung khi ava awi dawnlo thin tak e aw!!!



Hmân deuh tawh a pa pakhat in a sawi ka hriat thawi kha a ni thei tak tak dawn ten ka hre ta mai, 'zu ngawl vei nupa hian fa an nei ve a,an ngaihsak lo in an fanu khan kum hnih mi chauh anih laiin nat lawk pawh awmlo in a boral ta thut a.Mi te chuan 'Pathian in fanau a malsawm tlak ah ngailo in a bul ah a hruai kir leh anih dawn hi' an ti ' tiin a sawi a,ani thei tak tak dawnin ka hre tlat.





Bawihpuia ka pai lai anglo takin luak chhuak leh taksa na ka nei lemlo a,mahse ka rilru hi a damlo ka ti mai ang chu! Ka rai vang anihna chen a awm ngei anga,ka tawngtaina ah pawh ka inhlan deuh tawp.


Ka pasal chu ka ring hleithei tawh der lo a! Ka bula a awm lahin thinrim khum na tur ka zawng reng bawk a,min ngaihsak lo deuh a ka hriat in ka tah a chhuak nghal ut ut zel bawk si! Tuntum ka naupai chu ka danglam takzet ani.





"Bawihi, i nuamsam lo em ni?" Room ah a rawn pen luh rual chuan a rawn ti lut a,kan zanriah eikham kha room lamah bawihpuia pawh ngaihsak lo in ka chhoh san daih kha ania.


"Ka tha" ka ti sep a,ka ke kham lutuk ka mu zal lawk mai mai ani.



"I nawmloh chuan sawi hreh lo la,Bawihpuia ka zu ngaihven anga ka rawn hruaichho dawn nia" a ti chu ka thik rilru ta tlat a! Ka tum loh deuhin "lo chhoh leh kher angailo" bul zet chuan ka lo ti hlak.



Min melh ta run run in "tunlai hi i dik lo tlat Kimkim" a ti deuh hmuk chuan ka rilru ati no ta riau a, ka mittui a rawn tling ta nghal pam mai!




"Ka tihpalh" ti tiau in ka mittui chu ka hru nawk nawk a,ka bul a rawn thleng rang ngei mai.




"Hey ,ka hau miahlo che ania.Tinge i tah le? Bawihi...umm ka tihpalh anih kha"ti nghal zung zung in min kuah a,naute kan awi ang mai hian min awi ta hlu hlu.



"A chhan pawh ka hre tawh biklo, ka sual aniang" ka tawng chu ala ni deuh tuau mai!



"Aih..i sual lo,kan fanu chu a tahbelh ve pir per dawn anih kha" a taksa che dat dat a nuih pah hian a ti ta reuh a! Ka nau pai hi hmeichhia anih a ring nghet hmiah ni ngei tur ani.




"Ka thawhpui pakhat in a sawi a,an nu in an fanu naupang ber apai lai hian a tahbelh in a thinchhe viau ani awm e.Keini pawhin fanu hmeltha deuh kan neih ngei ka ring tlat" a tih leh dap dap lai chuan "ka thinchhia i ti ani maw?" Ka lo ti zeuh a, nui che dawt hian " i thinchhiat hi a rem loh na sawi tur ka hre miahlo" a awmah ka nam dat.

Nui sak hian,"i awmdan danglam deuh te,i rilru a i pai beh tun te kha i pasal ka nihna angin min hrilh hre ve thin la, a tihreh dan hrelo mah ila kan pahnihin kan paltlang dun tal dawn nia" a tih chuan ka luangliam lehpek tawh viau.Amak hle ani! Ka zia inthlak thleng nasa kual vel lutuk hi a!Ti em em hian naupai hian mihring rilru alo chawk buai thei ani maw?




A laka ka lungawilohna zawng zawng theihnghilh thak a min siam hi a thiam a,chutih rualin ho te ah pawh alaka thinrim turin min siam leh thei tho bawk a! Nupa awhawm leh inhmangaih tak ti a sawi tur kan ni em chu ka hrelo a,mahse nupa in thlahfâl theilo tak tiin min sawi se dik chu ka ti ve viau ang.Han inhau ve bap bap pawh ni ilang rei kan awmhrang thei tlatlo.A laka ka lungawi loh ber lai pawh khan ka thlahlel ngawih ngawih tho anih kha maw!





Keima nu leh pa te zawk inneih kum sawmruk champha chu lawm ve kan han tum khawp a,karleh mai hi ani tawh nghe nghe.
Keini nupa pawh kan in lamah kan lengthla ta zeuh zeuh mai.



U Thanpuia te nupa chuan tunlai taka lawm a ,khawen laia Resort lama lawm a tlai lam thlenga ruai theh an duh a.U Sawma te lam erawh in kan in ngei a lawm a nileng a zai a mipui tam ve deuh nen lawm an duh bawk a.Keini nupa erawh in kan duhdan kan sawi ve lemlo thung.An duh an tih ang apiang kha kan duhdan ani ve vek mai.




U Sawma leh U Thanpuia thu chu a inhmu hleithei meuh lo a,tiang hun ah hian an thu a inhmu lo tlat zel.Mahni thu duh ve ve ,dik inti ve ve an ni bawk a an duhdan chu an dah lal dun khawp.



Ka pasal chu a fing ah tangin ka nu leh pa chu an duh dan a han zawt a, ka pa chuan tihian alo tih daih thung a "ropui taka lawm chiam kha kan duh ber ani lemlo.Kan tu leh fate leh an kawpuite ho nen hlim taka kan hman tlan aia thlakhlelh tur Matei nu nen chuan ka nei chuanglo.A tha vek mai e" alo ti fel than mai sia,duh han thlang tlang mai se a awlsam dawn nen.




An inhnial fe hnu ah U Sawma chuan 'Û zawk ka ni e' tiin U Mathana ngaihdan chu apawmpui ve ta tawp a,Resort ah ka nu te inneih champha chu chhungkhat laina hnai vai deuh te nen kan lawm dawn ani.




Resort vel chu an han be nghal zung zung a,catering tur lam pawh ka û te chua phur takin an be pawp nghal zung zung bawk.Keini nupa erawh kan awl lel a,alawmawm zawk daih in ka hre mai.




Inrinni tlai ani a,ka pasal in ka nu leh pa te present pek ve ngei tha a hria in min bazar pui dawn a,Bazar vela Bawihpuia hruai chhuah hi an remti chiah hlawm lo bawk nen kan fapa inla tlangval te a chu inlam ah api leh pu te nen anlo awm thung dawn ani.




Inrinni te ani bawk a ti a Judy scooty keng tura kan tih chuan a duh leh pek tlat lo a! Two wheeler a min phurh hian ka tuar viau dawn ah angai tlat ani mahna.



"Motor in kan kal ang,a him zawk" ti miau hek,traffic jam ah kan tang phei ta ngat ngat a.Kal lam atang hauhin khawlum nen thlan atla phung nghal alawm.




"Eng nge kan lei ang le?" Ka ti chhuak sep a,U Obeda pawhin ngaihdan aneilo tih sawi nan a dar alo chhin ve zeuh.




Kan rualpui te chu nise an duhzawng tur awm ang kan hre mai anga,mahse kum upa lam an nih tawh na ah an duhzawng hriat thiam ahar.



Ka nu leh pa te mah nise duh leh mamawh tak an neih ka hre tlat lo! An nun a an lungawi tawk lutuk vang ani mahna.Awh leh chuan vak hi an neilo reng reng.




U Obeda chuan "Citation ka siam tir tawh a,thildang te nau pek belh ila athat ka ring a" a ti a,Citation thlenga alo buaipui fel sa vek tawh chuan ka nu leh la te min ngaihtuah pui zia min hriat tir a,ka lawm ngawih ngawih ani ber.





Bazar chhung ah tak chuan han lei tur kan hmu hranlo.Lei tur tam tak awm mahse ka nu leh pa te rilrem zawng leh an mamawh tak tur zawn hmuh chu aharsa zek mai!


M.C ah kan lut chho leh a,kawnga ka kal te chu min han veng deuh run a!





Kan hma lam atanga rawn kal kan tawh apiangin min khuap ta nghal run thin a,mi thenkhat mit kan ti kham viau ngei ang.





Ka nu leh la te tan chuan kan vah kual hrep hnu ah Electric matress lum thei chu lei kan ti tlu ta a,a dang lei tur thlawt kan hre nganglo a tin ni.Mahse tha ka ti ta viau zawk a,thlasik ani chho dawn nen an hmanh tangkai dawn hian ka hre lutuk ringawt.




Ka nu leh pa te inneih cham alo thleng a,Judy tihloh midang zawng chu kan hun hmanna tur resort lamah kan liam ta sang sang hlawm.





U Obeda mawlh chu ani,a tello hian M.Z.U hi akal theilo nge a motor khalh lai anih thu a sawi mawlh mawlh chungin an rawn be lui hram a! A hnu ah phei chuan ka pa in "Rochan,motor khalh lai chuan dah hrih teh" a ti ta hluai a, U obeda pawhin chhuanlam siamkin ph chu a off ve ta chauh.



"I pawimawh hmel e" ti nang nangin hmui pawrh tarh in kan melh a,ka nu leh pa te lam ngaihtuah lek lo chuan ka biang a rawn piai nghek!




Hnunglam ka hawi chu ka thaw huai! Ka nu leh pa te chuan bawihpuia ngawt an lo buaipui a,keini lam min ngaihven lo hlauh.






Resort kan thleng a,naupang zawng zawng deuh thaw chu tui ah anlo in chiah tawh ka nu leh pate erawh main hall hunserh kan hmanna tur ah an awm thung a,puitling thenkhat pawh an inlhelh sap sap nghal hlawm a,kei pawh chen ve ngei ka tum bur.
Show post links
Top