Highlight
We Girs can hide our love for 50 years but can't hide our Jealousy for a second
CHAPTER-20
"Halloo",
"I lo kal lawk hman em?",, arawn ti zawi sup
"Apawimawh em?",
"Pawimawh tih kawngah chuan pawimawh em em lo e, mahse i Period sia thil thlum ka lo lei che a",
"Ok", ,
A room ka luh rualin Cake alo dah chhuak nghal alo thukru ve ngei amawni,,
"Achi hrang hrang ka lo leia in in daih ang", ,
"Keimah chauh alawm Period", ka ti hmuk,,
"I share ve duh tak in ka tia",,
"Keimah chauh alawm i bialnu keimah chauh min ngaihsak rawh",, ahrethiamlo hmel te chuan ka thin ati rim hlur,,
"Ka ei peihlo", ,
"Hey,, sorry sorry,, ", , min kai bet ran
"Itan ka lo lei alawm Zote ami ania ka zuk chhuk thla leh nal nal a ka zuk lei leh ania ,,",
"Ka lawm e",, let leh in ka va la leh, Flavour hran ṭheuhin 10 lai arawn lei leh nghal
"Ato em ?", lu athing zauh ,, Chocolate pakhat chu la in ka ei nghal ,,
"Um atui reuh lutuk ei ve chhin teh", lu athing ka pek luih tlat vang chuan min ei sak leh,, ka kut ka la let chu vuan in afawp fai vek ka ner nang ,, a drawer chu hawngin Wet tissue chu arawn phawrh dah chikim ngang mai,,
"I bialnu te ho i lei sak ve ṭhin ami?",
"Ka Bialnu te ho ah nang mah chauh", ati ve kher,,
"I duatlo ka ti i Bialnu te ho kha, i care lo si",,
Thil ei a kan chhuah ho kha a ngaihtuah chhuak ve aniang anui deuh suk,
"Min tih khalh anih kha",
"Tih itum lo anih kha,, ",
Ka hmui chu hru in min han fawp leh rih a,
"Ka kal ange ka lawm e, chhun hmeh ah ka lo hmang ang an ei ve ka phallo,",, nui sukin abu nghat nghat ,
"Ka lo nghak ang che, , ",
"Angailo Hah chawl rawh",
"Ka lo nghak ang che", ati nawn leh hnial in awm zia anei dawnlo tih ka hriat vang in aw kan pawh ve kha..
Dar3 a ṭang mi zai tur kan nei ṭana kan in puah chah leh nghal mam mam,,, 2 chu kan Assist hman ka ring ..
Damlo pahnih na Zai tur Doctor arawn luh rualin Matetea chu arawn lang ve hlawl,,
Mahse ahnungah Doctor Intern tilai an rawn luh ve takah chuan arawn tel pui anih ka ring chawp chilh leh nghal.
"Ṭan ang aw", , Doctor chuan ti sup in Scalpel ka lo pe nghal,, Matetea chuan lo hrilh fiah zel in abelh leh zauh ṭhin Darkar khat vel chiah chiah hun hmangin Intern ti lai pakhat chu a zawh fel tir ,, akut khur ka hmuh chuan kan training lai min ti hre chhuak ,, mahse kei chu kut khur tih vek kha ka nei ve lem lo,, a hawk dak chi ti ve chhin duh zel chi ka nia ka chhawr ṭhin khawp mai..
Damlo an nawr chhuah laiin kan hmanraw hman ka lo ti fel nghal zung zung,,
Night duty ho in reilo ah min lo chhawk,, in thlak felin ka phone chu ka en haw rual te hi an ti ve a kan In awmna ain perh san si..
Step ka thlen in min rawn um pha,,
"Ka lo khai dawn ami?",
"Ngailo Cake kha ania 2 ka la ei bang a",
"Naktukah ka lo lei leh ang che i duh em?",
"Aih,, ato awm si, ngailo",
"1-30/- chauh alawm,",
"Ngailo,, ",
"Ngailo iti zela ka duat duh che alawm engkim tihsak che ka duh ka tih kha,",,
"In ṭhen hunah ahreawm mai mai,",,
" ka ṭhen dawnlo che,,",
"Ka man cheu,", ka phu nasa lutuk chu ka awm ka dawm nghal chawt,, Opi chuan nui sawngin min lo en,
"Nangni pahnih hi in ni chiang lutuk ka hre vek",
"I hre sual anih chu", ,
Ngeiawm zeta min nuihin Matetea ban chu alek ka bracelet phiar chu ati lang inti thei zetin mit ko asan euh euh..
"Ahming dang ka lo hre miahlo a, , engnge i zep kher a,, ",
"Ka zep tih ihriat chuan hrelo der ve mai ta che",
Aner nang , Matetea kut avawn reng chu thin thlak sakin ka kal nghal hmak,
"Athin chhiat chhiat nen engtin nge i duh theih", ati sar sar chu ka hre thei a chhanna erawh ka hrelo,
"Naktukah In date ila",
"Ka mu dawn",
"Chawhma lo mu la Chawhnu ah chhuak dun ila", ati leh ṭalh,,
"Kan ngaihtuah dawn nia",
"Yes,, aw itihna",
"Awih awmloh e",
"Ani lawm",,
"Tluang deuh in le,",, anui suk Tluang deuhin ka tih hian anui ve ziah thuawih min ti te pawh aniang nge..
Sunday hi chuan kawng min khar khum tawp zel ,, Ka Phone Vibrate ri chuan min ti harh,
"Apawimawh loh chuan i thi ang", anui nghal hawk,, amah bak ka ti ngai chuang lo ania,,
"Tho tawh la",
"Chawhnu ani tawh ami?",,
"Dar2",
"Ala hma lutuk",
"Ka lo phei dawn lo in siam la,",
"Ka hman nghal ani mai,,,Min lo phone leh mai rawh",
"Aw le", ka dah nge adah pawh ka hre zawm lo
Ka Nu'n min lo kai tho in Matetea lo thlen thu min rawn hrilh , , in perh tho atin ka in phih fai nghal sawk sawk..
"Thingpui hi lo in ve phawt rawh", ka Nu chuan alo ti nghal,, ka In thuam dan chu minlo en chik ngang mai,, apheikhawk min lei ka bun chhuak ahmuh chuan anui deuh suk,,
"Nu tlai chaw min chhum kep angailo ang min treat dawn", ka ti nghal ringawt
"Kan chhum kep ngai reng reng hleinem che",
"Ka ei ve ṭeuh zel kha,",,
"Kal ang, , khawnge kan kal dawn",, ka ti leh rih,
"Anih aw Numachhung", ati sup min hruai chhuak nghal,
"Ka Helmet",
"Kan in date dawn a ", ati hluk,,
"Aho e", ka la ti hram,,
"Ehe Helmet pahnih hnih ngatan nge",
" Present ,, kha mask hi hreng hmasa rawh",,
"Ka ta tur maw?",, bu nghatin min khum tir, ,
"Kan in ṭhen hunah ka pe let dawn miahlo che ania,",, aphawi leh nghal,,
"I ui leh si ami?", , ka mask hren chu pawt hniamin ka hmuiah arawn fawp athinrima min lak sak atum leh nghal amaw ka tia lawm..
"I duh duh in iti thei ang,, ita ani tawh alawm", ,
Kan tlan chhuah hma chuan thla an la leh riha, kal hlat kan tum hmel e,,
inbound8605087157773354543.jpg
Ramhlun lam hawiin ain khalh chhuak, ngawi rengin ka chuang ve vauh vauh,, Bawngkawn tlan pelin Durtlang lamah kan chho kan la tlan zel Durtlang kan tlan pel leh zel chu kan kalna tur ka zawt lang lang,,
Sihphir khaw chhung lutin tlem kan tlan leh a In pakhat kawtah hian ading,,
"Ee Hlute in lo bo lo maw?",, ka hawi buai leh tawh lutuk,,
"Chhuk la", ka malpui ahmer zauh,, chhuk ta mai lo chuan Helmet ka phelh hmasa
"Engnge awm zia tu te nge?",,
"Ka ṭhianpa, Naute an nei thara en lawk ila,",
"Lawk chauh aw", , anui ringawt,,
Inchhungah in zui lutin anlo be nghal an lo fiam bawrh bawrh bawk an in hriat ṭhat hmel ngang mai..
"Engtikah nge in tih ve dawn,, neih hmasak i tum nasat nen",
"Ala hma alawm", tih pahin min lo en
Naute chu lak sak in zei zet hian apawm ,,
"Oi i ṭhiana ai pawn ipawm zei zawk alawm kha,, vawikhat apawma aduh tawk der,,",, anu chuan ati leh bawrh bawrh..
"I pawm ve duh em?",, lu ka thing zauh ka nui lui hram hram,,
Thingpui te min lum in chaw ei nghal turin min sawm char char,, ahnial fithla ve ṭhak..
"In tlangah te khian ka han len harh pui ange,, ",, aban rawn phar chu vuan in min kai tho ,,
"I lawm lo ami?",
Lu thingin Helmet ka khum nghal mawlh mawlh
"Ka hrilh lawklo che a ka tihpalh ",,, ati leh hram
"Tihpalh tih na chhan tur a awmlo",
"I lawm lo alawm i hmelah alang vek",
Luthingin abiang chu ka vuan "chutiang a awmlo tak tak ", ka ti sap ,,
"Tak tak maw?",,
"Um,, kal ang",,
"Aw le",, Helmet khum ve in a Bike chu a start ,, akut rawn phar chu ka lo vuan ve mai ,,
Ahmun kan thlenga lo kal ve an awm ve nawk an tam lem lo,, in kai riala in zui chho in hah adam nghal sawng sawng thei ,,
"Kan In bulah awm se,",
"Ka lo sawn dawn ami?", ,
Bu nghatin ka nui rawn sawn tak tak se a ṭha ang..sum lak luh nan ka lo hmang nghal keuh anga..
"Anuam iti em?",
"Um,, thla min lak teh lung len hmel tawkin", nui sukin aphone aphawrh ,
"Naaa ka Phone hian la rawh arawn chhuak har thei si,, Karhmasa a Doctor nena kan thlalak pawh kha tun thlengin min la thawn lo ania", ka ti hlar,,
"Doctor ala nilo ala zir chauh,, chubak ah kha chu thawn che ka tum lo hrim hrim keiai ilo en ngun palh ang , in ready rawh le,",
"Phakar",, ka ti sap
"Tikhan i thlalak ka nei ve zela ,", ka phone a ri nghal ṭak ṭak..
Thlalak minlo thawn chu en in ka nui nghal ver ver thla pawh ala thiam narawh e..thiam loh pawh hi aneilo anih hi ka thlalak status tur ka zawn laiin hnung lam aṭang min rawn kuah,,
"Min ngaihsak lo", ati leh tawh,,
"Lawks aw,, analh ber ka zawng",
"Analh vek",
"Analh vek vang alawm ka zawn rei",, pakhat chu Select in Caption pawh dah lem lo chuan ka status,, ahnuaia Milerh Zaktheilo Pa lo in ti kalh chu ka hmet alo phun deuh hluk
"Thlak tawh rawh", ati nghut,, alawmlo ṭawng hi ape bung ve nghut nghut thei ania..
"Aih",
Ani chuan kan chhuah dawna kan lak kha alo Status
"Ibialnu hluiin alo hmu ange nilo midang pawn anlo hmu ange ",
"Pawilo",
"Pawi"
"Agape ho ka hide alawm lungngai suh", ,
Ka thaw huai,,
"I Bialnu hlui te ",, ka ti leh chu aphone min hmuh alo seen hmasa ber
"A number I la Delete lo amaw?",
"Angai kher ami?",,
Ka va sual tak keipawh ka Delete bik tawp silo tun lai hi engnge ka hriat ni a ka Period vang aniang ka rilru te hi atê tlat..
"Kan delete ange?"
"Angai kherlo",
"I thikthu te pawh ka hre ve ṭan ania,", anui suk suk ,
"Ka thik bawk lo e aaa,, ",
"Ka delete tawh e ilawm em?",
"Delete rawh pawh ka tiloh kha", ka hawi sawn deuh hmak ,, ka biang ve ve a vuanin min fawp zauh reilo mahse ka hawi kual nghal,
"Min min hmu anga sin",..
"An ti ve tho alawm en la saw",,
"Aihh haw ang", , ka kuta ka hmai khuh in ka kal deuh hmawk hmawk ka in khuhna zawk kut chu vuanin min kai nghal chawt leh lam in ka khuh leh hram.. An Zaklo si Naupang te te ai U te zah derna pawh an neilo
"A chang hi chuan i kum hi ka awihlo leh thut ṭhin,", ,
"Hetiangin tumah ka tawm pui ngai hlei nem",
Adin dat vang chuan ka en,,
"Engnge",
Anui ringawt,, "min nuih miah suh aw",
"Ka Pua ang che",
"Ka duh teuhlo mai",
"Va han zeilo tak", ati hluk,,
"Tenawm", ka lo ti hmak thung,,
Bawngkawnah thil ei zuaiin kan haw tlang,, reilo tê rawn lut in a haw leh mai atuk ah mi Zai tur an neih vang ania,,
Dar12 ah rawn thlengin Opi chiah a awm bawka ka bulah rawn ṭhu in, "minlo ngai em?", ati deuh sur sur ..
"Ngailo kan buai lutuka", ka lo ti deuh hmak sual hi ka in ti ve ṭhin lutuk..
Ka thil ei lai chu ka ei zawm mawlh mawlh,,
"I chau em?", , ka ngaihsakna aw kâ ahriat rualin atum hmel pawh athlak chawp chilh..
"Ka hmu che a ka chau tawh lo,, damlo en tur ka ngah deuha ka kal phawt ang aw",
"Um,, thil i ei tawh em?", ka ti leh rih,
"Nakinah ani mai",, ka nur nang nui suk in akal chhuak nghal..
Chhang leh theitui ka lei sa chu kengin a room ah ka va dah, ngawi rengin ka chhuak leh nghal,,
*i en loh lai khan ei rawh,, pum ruaka awm a ṭha lo* tih ka thawn chu arawn reply rang ngang mai..
"BLS seminar lamah lo kal ru",, Opin atih vangin Mi Zai tur an awm lo bawka kan kal daih ,,
"Boihboih lo kal teh", , urinan min hmuh rualin alo ti nghal
"Naaa kan lo thleng ve chiaha",,
"Kan in hrilh nasa bawka ila thiam em kan en ang",
"Thiam vek midang zir tir rawh", an lo nui dar dar,, Kan training lai khan ka zui kawi hneh thei bawkaa min lo la hre ve reng anih hi ..
"Lo kal mai mai teh", ,
"Tirawh le", , ngawi renga ka ti nghal mawlh mawlh chu sawi zel rawh alo ti zauh kan melh rum leh rih a,,
"Heti chunga ala thaw lo anih chuan azo der ani mai", an nui huk "thih hun dar2 leh minutes 48 leh second 21", ka ti zawm nghal zat an nui uar sawt..za lo tawkin a ṭhen ve suk suk
"I rawn ti bam vek va ṭhu rawh,", ati hmuk
"Midang ti rawh ka tih mawlh mawlh kha",, ka ṭhut fel rual deuh thaw in Matetea arawn lang ve hlawl,,
"Ehe Professor min rawn tel pui thei dawn ami?", alo ti vat,,
"Professor min ti kher suh", ti hmukin ka Bulah chuan arawn ṭhu,, Hmun thumah min ṭhen hrang in Matetea chu min zirtir turin aruat nghal lo phur nasa mai..
"Nichinah khanu khan ati thi tawh ania", Urina chuan arawn ti lung lung,,
"Athi sa alawm",
"Thi tawh kaih thawh leh tum in lawm maw kan training", ati hlar.. "E BLS amaw kan training ka lo tia", , an nui tut tut
"Ka thik dawn ania", ka beng bulah arawn ti zawi sup,,
Dawhkana ka kut ka dah hlek chuan arawn si hman ziah an hmuh ka hlau thei bawk sia maw atawpah phei chuan ka kawr hma Ipte ka zen tawp..
Kan ṭhut fel leh hnuah ka chair chu alamah apawt hnai hrut,, ka melh nghal rawm,, alo hrelo der hmak thung..
Urinan akoh vangin kan kal san, Ka inthlak fel vek hnu pawn ala rawn lang lo, ka nghak peih tawhlo chu ka haw san daih aphun leh lo phun leh mai mai rawh se a ka nghak ve tho alawm mawle mahni inthiam deuh mawlh mawlh hahthlak hian..
In ka lut fel chiah a call arawn lut ve nghal,,
"Khawnge i awm",
"Ka haw tawh In ka lut chiah",
"Minlo nghak ta che",
"I rei em anih kha",
"Nia", ati ve leh mai bawk a,
"Zanah ka rawn leng dawn ania",
"I thu vek alawm",
"Ok, kan haw ange",
"Aw le",
"Aw le chauh maw?",
"Tluang takin le",, anui ri ka hre thei..
Dar8 velah rawn lang ve leh hlawl in mi pawh arawn be lawk lem lo ,,
"Khawnge i Nu leh Pa",
"Ka Pa chu Committee naah akala ka Nu chu inchungah aleng, ilo leng dawn sia ka kal velo", kan ti zeihah ka hre lawk tawp silo,,
"Um ", ka veilamah ain sawn deuh zuk
"Oii engnge", ka kut chu avuan deuh tlat ,
"Thingpui ka lum ang che",
"Um,,, Karlehah Delhi ah Training turin ka kal dawn a ",
"I kal ve dawn maw?",
"Um Upuia akal hman silo a, ",
"Tinge?",
"USA akal hun kha ani tawh a",,
"Ani maw,, Eheee", ka kuta zungbun tle ralh ka hmuh rualin ka en nghal,,
"Engtik", ka kut avawn tlat nachhan kha ka hre mai e,,
"Hei hian engmah chhawm suh se ka duhlo ania,", ka ti nghal ringawt
"Ngaihzawng inei tih an hriat nan ",
Ka zungbun chu en in "a ṭha lawm", ka ti ve mai tlereuh hi ka lawm lo a bengbeh min pek kha ka neih chhun ani mai beh pawh ka la beh lo..
"In cham rei dawn em khah",
"Karkhat",
"Ava reilo ve",
"Arei tih nak laia lo kal ve la",
"Engnge ka lo tih ang",
"Min awmpui ang",
"Aho e a",...
"Ka ngai dawn che asin",..
"Min ngailo mai rawh",
"Min ngai ve dawn lo ami?", thingpui ka pek rualin min pawt ṭhu nghal vat..
"Ka hre bik nang,, "
"Ngai ang te ti der ve tal la,",
"Ka ngaih che pawh ka ringlo ",
"Misual",, ati nghut, misual pawh min ti khat tawh alawm mawle..
"Naktuk ah ka treat ang che",, min en hâ
"Kan First monthsary ania",,
"I hre ve maw",,
"Hriat a awl ka tan chuan Naktuk hi ka Pu thihcham a thla khatna ania",, anui suk
"Van lawmawm (cute sawina zawk o
) tak min ṭhawng reng mai,, i hriat pawh ka ring lo a","Thil in pek vel kher angailo ti raw",
"I dawng duh em?",
"Duh lo , ka pek ve loh che chuan anuam ka ti dawnlo",,
"Aho e Mipa ka nih hi engmah Present angai ve hleinem ",
"Pek loh in in vui tho",
"Kal rual ila", ati leh daih tawh
"Nope,",
"Khawnge min treat ang",,
"Ka hrelo ka lo ngaihtuah ang",
"Ka nghak hlel,", ati sup,,
Min rawn fawh na chu ka lo chhang let ve vat,, ka Neih chhun akhawih rualin a Phone arawn ri,
Aphone chu en in, "Va hun lo tak", ati hluk , english in abuai loh thu a sawi zawm nghal,,
Ka lo en reng chu ka hmui arawn si zauh,, ka laptop hawh min dil nghal zat bawka,, engtin nge ka nei tih ahriat le hepa thil chik lutuk hi chu a..
Ka Nu lo haw pawn Phone ala hmang char char Dawhkanah te ain sawn , Hindi in nal zetin a ṭawng zaih zaih kan lo ngaisang khawpah ..
Thingpui pek leh pah in abiang ah ka fawp, ,
"Bawihi", anui suk Laptop akawk chu ka en ve ka awm sawn rang lutuk,, Vai Pachal 2 nui hmel ka hmu hman,
"Min hrilh ta che", ka biang sa hat hat chu ka zap,,
"Ka hmuiah lo fawp law law la",
"Ngawi hman mai rawh",
Nui suk in a screen chu aen,,
"No,, She's My Wife", ati chu rum tawkin ka lo melh,,
"Bawihi ka haw angai",,
"Tinge i tifel theilo ami?",
"Um,,min thlah la", akut rawn phar chu ka vuan ve vat,,
"Naaa ka phone ka kenglo",
"I kal thui dawn hleinem",
"Thil ka lei duh a",
"Ka lei ang che engnge i ei duh",,
Ati leh nghal zat ,,
Vur chiah ka la chu adang la turin min ti deuh tlat ahausa alawm tiin kan lak tak ṭeuh kha,,
An dawr hmaah ṭhu dun kak in Vur chu ka ei pui leh rih,,
"Thla i la leh duhlo ami?", aphone aphawrh nghal vut kan Vur ei chauh la turin ka ti arawn selfie hram,,
"Naktuk chu Zanah pawh in date ila",
"Zanah maw?",
"In date tih lemah kan Naute Weight Lifting Competition ah an tela minlo ṭawiawm ve rawh an tia, kal ve ila i peih em?",
"Aw le",
"Maw?",
"Dar eng zatah nge?",
"Ka peihlo itih leh ka lo ringa ,, 7:30 ah ṭan tur ania",,
"Peihlo e,, Kan Monthsarry anih vang chauhin",
"Avan lawmawm tak",, ati hluai,,
"Kal tawh rawh tih tur inei sia,,",,
"Um, naktuk chu bike lo keng lo la , haw leh ngailo in tlang nghal turin lo in puah chah la ,",
"A ṭha lawm,",
Mak ti zetin min en "zanin hi engnge i hriata", ka pang te arawn dek,, lo vai thlak sak in kal turin ka mit mei,
"Lut chho rawh ka lo en ang che",
"Aih, kal hmasa rawh",
"Ok ka kal ",
"Tluang tak in va thleng rawh", ,
"Aw le Bye", ti supin ain khalh chhuak kal ta mai lo chuan ka en zui reng..
Athlen thu arawn in report chu ka lo like leh ringawt,,
Ka mut tur thu hrilh in ka mangṭha areh zui vang vang abuai nghal aniang..
Zinglamah nizan lama a status pawh ka en ve leh chiah Status te hi anei peih ve bawk sia maw..
Haw leh ngai tawh lo turin ka in chei dan pawh ka in uluk a pheikhawk min lei pawh kan bun chhuah sak leh kha, ,
A chhuah dawn te athlen thu te arawn in report thlap thlap zela , ti ve turin min ti ziah mahse ka ti ngai lemlo ka Peih vello ..
Dar 12 pelh ah arawn thlen thu arawn in report leh thlap,, "ei tur ka lo chah kep che a rawn la kawi la", , tih ka thawn ve , a seen a min reply tawh lem lo,
"Boihboih ", Opi chuan zawitein "in pa", ati leh sap, , bu nghatin ka chhuak ve nghal,
"Vawin ni atan bik chauh ami?",, ka bu nghat, a ner zui nang,,
"Mi zai tur kan nei dawn a",
"Um ka lo nghak ang che",, ka kut chu vuan leh hramin a room lam apan ka zungbun bun chu ka en ve vat phelh in ka bag ah ka va dah ṭha deuh than ,,Damlo an nawr luh hmain engkim lo in ready angai ṭhin a kan buai zui nak nak ..
Doctor leh Nurse intern ti tun lai chu an lo kal ṭhina tlem in kan awl ve deuh ,, tunah pawh Doctor Intern tiin a Assist dawna asir a lo din mawi ve ani mai ..
Dar5 velah in ti fel zo in , inthlak lo chuan ka Phone ka en hmasa,, tunlai chu Phone ka ngai pawimawh ve tlat ,
*ihman hunah lo sawi la* tih alo dah dar 3 apel awrh ,,
*ka inthlak dawn chiah* tih chu thawn in ka inthlak nghal,,
Ka IPhone te hi ka hmang ṭangkailo mai sia ,, ahlutna leh aṭhatna hi ka hmang chhuak phalo kan sawi lawk angin kawnah Dropping zone ah min lo nghak ..
'Naupang pawh kan ni tawhlo a aruka in zui aṭulna ka hrelo' ti ve bui bui reng mahse ka thu ang chuan a awm ve zel tho..
Ka lawn tur chu ka kut ala deuh vut,
"Khawnge i zungbun", ati nghal,, amit hi a ṭha mai sia maw..
Ka Bag zen in ka lak chhuah rual chuan arawn la vut,, min han bun tir thlapah,, lu ka thing nar nar chu , "Ka Fawp mai tur che ania", arawn ti nghut..
Kan ril a la ṭamlo bawk nen Multipurpose ah Bike va dah in Millennium lamah kan in zui phei leh,, an thil khelh tur dah te chu hun khawhral nan kan han khel ve leh lawp lawp a atirah ti fuh theilo mahila man amual mual chu kan nei ve tho dar6 pelh ah thil eiin ala hma bawk nen in kai rialin kan kal kual ..
An khelhna hmun tur kan lut chu an lo be nghal sap sap min kai zel bawk sia ka kal ve zel, a ṭhen in an lo chibai a zah takin anlo be bawk a,,
A nau te ṭawiawm tur chauhin akal amaw tia Special guest ang mai alawm anih le..
Midang bia a achibai lai pawh chuan min thlah eihlo ka inthla hrun vangin thlah ka tuma a aia nghetin min vuan zel..
"I ning em?",, tlar hma ah kan ṭhu dun vah
"Ning eee,", ,ka ti chu anui leh rih ka nui ve tho, ka frank ve thei sia e,, han thup mawi vel hi ka peih velo
"Ka duhna che pakhat chu i inthup ve lo hi,,", ati sup,, ka bu nghat ,, abialnu kha ka hmu tawha Matetea tih lawm nan arilru angaihtuahna aduh dan ang pawn a awm dawnlo tih ka hmu thiam nghal vek , keichu tiang bialpa neih ai chuan e Len tar pawh ka thlang zawk,,
Ahmuh nawm ka ti lemlo bawk sia e ka ning tawh haw a mut mai mai ka chak,,
"Um, saw le", , ka kut chu ahum nghet sauh sauh,,
Ahminga ko in a au deuh lung lung,, A ṭang bawk sia nuih zat thlak zawk ka phone phawrhin Video in ka lak sak ,,
"Pakhat ala awm a , atih zawh ah kan haw dawn nia",, a video chu ka entir,,
"Keimah ka nilo ang", ti tlat,,
Video a ka lak leh hlau chu ka phone min lak sak nghal daih,, a kal chhan ber ten an ti zo tawh bawk nen haw kan rilruk nghal,,
Anau te rawn chhuak ahmuh chuan thla te an lak pui leh lawp lawp a,, midangin lak pui an lo duh ve zel,
Hmeichhia lak pui tu te akuah tur chu ka lo kawk zauh akut ala thla rang e,, anui nghal vur vur..
"Tinge nangmah an lak pui daih che a",
"Nikum lama tel te an nia Nikum khan ka Judge a",, ka bianga piai in "thikthu chhe te", ati kher ka vai sawn rang e..
"Ka lo khalh ve tawh",,
Min en deuh vutin atawlh hnung nghal hrut ka ṭhut rualin Helmet min khum tir nghal ,
Dar9 apel tawh a traffic pawh a jam tawh lo,, Kan In tlan pela ka tlan tlang chu "khawnge min hruai bo itum?", arawn ti lang lang,, min kuah deuh hlun bawk
Kawng thlanglama Street food lo awm tlar dal ka hmuh rualin ka kual nghal pawp,,
"I ei duh ami?",
"Um,, hei chu ka treat ang che", ,
Kan Zanriah eiman kha pek ka tuma aphal leh tlatlo, ka sawi lawk ania pek ka tum viau aa Mipa zawk ka nih hi ati tlat anih kha..
"1 ve ve in min lo pe ",, ṭhut hmun ka rem nghal at,, abawp an hem hmin sar sar chu min rawn pe
"Momo plate khat nen ami?", , ka chhan hma hma in an la chhuak nghalah
"ikal ṭhin ami?",,
"Um,",
"Minlo sawm ṭhin ta che,",
"Kan nih hma alawm,,an siam tui lutuk ei chhin teh", Momo pakhat chu ka barh
"Anih hi",, kut zungpui a ti pir veuh ka nui var var "an sauce hi atui tawp bawk, Momo ah chuan Sauce hi apawimawh ",,
Abawp kan ei zo ka chah leh chu "i puar lo ami?", ati tawp,,
"Ka Chhungte ka hawn dawn mawle",,
"I puar lo amaw ka ti hman alawm",, Napkin chu la in ka kut chu ahru fai "ka hmui pawh",, ka ti zum deuh pat,,
"I kal leh dawn chuan min rawn hrilh tawh rawh aw,",
"Apeih awm loh emaia ",
"Aw le ti mai ṭhin rawh,",,,
"Aw le,",
"Hei o,, ",, Abawp chauh ka chaha Momo an lo Pack tel hram an Phakar ve sia maw,,
Aman zat chu zawtin ka Pay nghal thuai thuai min pek khalh leh palh ang..
"Eee thil pek tur che ka nei",
"Engmah in pe lo ang kan tih kha",
"Min pek ṭeuh hi nang pawn,",
"Kha te chu kan Game khelh hlawh ania,",
"Khawmaw i chahbi",, min pek rualin lehlam ka hawi nghal,
"Engnge khatia i hawi sawn khera",
"Kha le",
"Drive Safe Doctor Handsome" ati sup..
"Khalh tawh rawh", min en in anui hawk,, ahrawk bawk che ralh chuan mit ala teh e, Thlah phal chi hi anilo ve chiang alawm abialnu hlui pawh kha adem awm loh..
Ka Mut fel meuh chuan 11 apel duai tawh
Milerha Status awm vang chu ka en ka hriat lohin thla alo la hnem leh tawh lutuk,,
Atawp bera Video chu ka en Bike a kan in phur kha hnung lam a ṭang Video in lo la pek,,
Caption ah *Independent Girlfriend* tih adah ,
Good night tia reply in ka phone ka dah ,,
Zing ka tho chu lu na bur in ka harh ka hnar te athi vel,, Natna dang chu min pe tawhlo hram rawh tiin ka tho chhuak ..
Ka lu te ti huh in reilo ah areh ve mai, hlauhthawn ana tawh bik ka peih tawhlo em a ni..
Matetea Morning wish pawh alo awm leh vang tawh, , tiang hian abialnu te ho kha athawn ve ziah angem le tih ka ngaihtuah daih chuvangin ka reply ta lo mai..
"Um,",
"I seen tawh sia tinge min reply loh",,
"Thil ka lo ngaihtuaha",
"Eng nge?",
"Tiang hian i Bialnu te ho kha Morning Wish i thawn ve ziah angem tih ka lo ngaihtuah", ka ti ṭha ve mai,,aphun hluk,,
"I ho lutuk,, ka Bialnu an nia ka thawn ve bawk ang chu,, ka Bialnu hlui te chu i thik tih sawi miah suh",, nuihza aw ka hre thei
"Ka thik lo ka ngaihtuah mai alawm",
"I ngaihtuah vang chuan min lo reply duh ta lo a",
"Ka reply ngai che ami?",
"Ngai ve tawh,",,,teh kher a
"Ila kal lo ami?",
"Kal e,, Car in ka kala Ka Nau in ka Bike ahmang duh a", , Dar7 pawh ala rilo Chhuak hma thei bawk sia maw..
"Tluang deuhin kal rawh",
"Tinghal ringawt suh ka la be duh che alawm",
"Ka be peih tawh hleinem che",,
"Ila thinrim ami?",
"Ka Thinrim lo hrim hrim",
"I thinrim anih kha, thikthu chhe te ka Bialnu hlui te kha chu thik duh suh,, ka duh ber che ",
"Nakinah midang bulah tiang khan ila sawi ve awm sia tiraw ",
"Min neih itum silo a ka la sawi ve mahna",
"Anih chu", anui hawk
"I thikthu hriat hi anuam ka ti min ngaihven ve tihna ania",
"Ka thik bawk lo",
"I chiang maw?",
"Chiang e",
"I hmel ka lo en",
"kal mai teh dah rawh,, Motor khalh laiin Phone an hmang reng ngailo",,
"Min ngaihtuah ami?",
"Ateuhlo",,
"Ka ngai che ka hmu chak tawh che",
"I Over anih chu",
"Bawihte",
"Tikhan min ko ve suh ka tih kha",
"Ka Bialnu ka ti dawn che ami?",
"Chhanchhan emaw Boihboih min ti ve thei ang",
"Aw le Bawihi",
"Ka dah phawt mai aw Bawihi,, ",
"Uakkk ", tih leh dah ka rual nghal khatianga inhnial pawh kha kan nei khat tawh alawm mawle..
Hnute lem te hi e Siamna tur kan neilo ani lo
A dera nun hman kha ka peihlo , insawifiah te kha angai leh vel anga,,, ka Hnute neih kimloh vanga min duhlo tu chu e ngatan mah ka ti biklo ..
"Aw Dintluang",,
"Ka Nu aBorala", ,
"Ehe", ka ti hliai,, nimin lawk pawn ka la be ṭawng sia..
"Midang lo hrilh mai rawh,, in hman loh chuan lo kal kher angailo ania",,
"Ka lo kal ang, , ",
"Ka dah phawt", ,
"Ṭap bawrh bawrh rawh ", anui ri ka hre thei
"Ka dah aw",
"Aw le",
Midang phone vello in Group ah ka dah hmiah,,
Chanmari ve tho an nia kan tan pawh kal a awl sam,,
Sawmtein min rawn Call nghalin A night dawna akal hman dawn thu arawn sawi,,
Vui zawha hna kal nghal ka duh vangin Puan ka bih lem lo Puan bih hi e ka peih ṭhailo,, Puan te zawng Kan ngah lutuk ka Nu ngaihtuah zawng ania e,, ka Bih pui ngailo mai pawha..
Dintluanga Vangin Hna ah Smart deuhin ka kal dawn ani ve maia ka Coat la chhuak in Kekawr dum ka la chhuak leh,,
Puan ka bih dawnloh thu ka sawi rualin Sawmtein kan in thlak leh lawk arawn ti ve nghal ringawt bawka mi hi chu an ngaisang sia maw,, i thawmhnaw hak min lo thawn arawn ti leh tlat kan in post leh riha..
inbound2564756971815561393.jpg
Pangpar siam tirin An In lamah kan in phur thla,, Kan thawh pui ṭhenkhat te pawh an lo awm ve nual,,
Pangpar te chu va dah ve in ṭhu ve turin min ti deuh tlat,,
BiakIn lamah Vui turin kan in zui chho leh dam dam..
"BiakIn ah ami i awm?", Matetea Call ka chhan rualin arawn ti nghal ,, engtin nge ahriata Tracking device te hi alo dah anilo maw le,,
"Engtin nge i hriat", ka ti sap,,
"Sawimai la Bawihi", arawn ti dut
"Aw",
"Ok, Ka rawn chho pawn ah minlo nghak rawh", ka Phone chu ka en ha,, reiloah arawn lang ve nghal,,
inbound6070859254773543667.png
Kam lam alo pan chu ka lo en reng,, ava han chhelo leh pek ve mawle..
"Ahh Dr.Hlute,", Sawmtei chuan ati hliai
"Inthlenna arei tawh em?", Sawmtei hmuhloh lamah ka kutah arawn chelh,, Sawmtei a en kal bawk,,
"Aa Aw rei ve tho, an In ah kan zuk kal ve a,, a Chhungah kan ṭhu ve dawn ami?", , bu dun nghatin Sawmtei chu kan zui lut ahnung kan han chuh nghal ringawtah..
Ka zungbun chu atuai neuh neuh ,, an hum leh vang vang zelah,, Sawmtei a Night dawn vangin thla lak zawhah Hospital lamah Matetea nen kan in phur chho ,,
Hospital ah abike adaha ke in arawn chhuk leh hnu hnu apeih reuh ka ti,, athik ve nen ,, nge athik vangin arawn kal ve zawk,,
Thlen rualin mi Zai tur an awm thu kan hre nghal,
In thlak nghalin ka pui ve nghal sawk sawk
"Ehe Doctor",, Upuia(Dr.Ruatfeli U) arawn lut hlawl chu mak ti zetin ka lo en,,
"I ṭha maw?",, min nuih sukin Mask ahreng nghal mawlh mawlh,,
"Ka ṭha e I Zarah",,
"Dr.Hlutea Zar zawk anilo maw?", mit ko asan zauh,, ka nur nang hmel hi ahmu lo mai mai a ni e.
"Tun hi ka ruahman dan chuan ka kal hma a mi ka Zai hnu hnun ber ani tawh dawn a, thawhpui in nuam in in ngaihawm dawn khawp mai theih se chu Hruai ve vek mai cheu ka duh a, , mahse keimah chauh min sawm si a Chuvang chuan ka hruai lo mai cheu anga,,", kan nui hak,,
"Dam takin lo awm ula ka lo haw leh hunah Hmuh leh vek cheu ka duh dawn ania tumah lo bang suh ang cheu, Le Ṭan ang u aw,",,,
Upuia hi chu inzai laiin angawi ve reng ngailo min titi pui bawrh bawrh zel tunah pawh kan khaw lam ringawt a ni asawi ni,,
Chhuana afak na pawh hriat tur a awm zauh zauh,, Chhuantea te chu tuman Sawiselna tur an hrelo ang,, tupawn an pawt buai ngama eng ang pawn buai se hmel hlimlo in achhawn ngailo, abulah hi chuan kan dam sawng sawng zel..keimah chauh ka nih ka ringlo..
"In thawk ṭha e, ka lawm e,",, ati deuh thlap,, darkar hnih dawn kan dinga ke chu sawilo mai ang..
Kan chhuah chuan dawhkanah eitur alo awm vang ka ril ṭam tawh zia ka hre nghal ,, lehkha ah Bawihi tih alo in tar kalh,, Opin alo man rang nasa mai..
Ka Phone ka en vat, ,
*ZMC lamah ka let leh aw,, Emergency a awma,* tih alo dah, ka van khawngaih arawn let chiah sia.. eitur chu thla la in *Nangmah ami?* tih ka dah tel
A last seen ahlat nen alo seen leh nghal vat,,
*An lo dah der alaw lo ei ṭeuh rawh,, midang ka tih tel chuan ithik leh ka hlaua ita tur chauh ka lo ti* ka ner nang
*Ka thiklo*, tih chu ka type deuh sawk..
*tui deuhin lo ei rawh ka thleng ṭep,* tih hi arawn thawn ,, khalh pahin Phone a type thei amaw a Accident anga sin ava â tak..
*ok Good luck* tih ka thawn ,, fel kan in ti nghal em em khawpah..
Zai tur kan neih zawm loh vangin kan awl leh char char dar5 ah a awm leh chauh an hmanrua tur kan Setup sak anga Night dutyin an Assist thung ang..
Ka hman lutuk tih tur hrelo chu Thlalak ka en vel mai mai,, Matetea thlalak pawh ka nei velo tih ka hre chhuak ka neih chhun chu hman zan a ṭang lutuk Video a ka lak kha ani mai,, ee lawks pakhat ka nei bawk tak e
WhatsApp ah lutin
*min van ngailo em em?* tih ka thawn ringawt,,
Kan in biak zawh khan ala lut leh miah lo aniang a last seen ala ngai reng..
A Dp ka en a nimina kan chhuah dawna kan lak kha alo hmang..
A en rang thei lutuka aen har chu ka hrethiam ṭhaklo,, ka delete leh daih ka lo titau leh hman
Haw tura insiam laiin min rawn call, ka pick nguarh ang kan tih kha,, vawihnih min rawn call in ka lak loh vang nge ni message min rawn thawn,,
*Engnge i delete leh daiha, i buai ami, , ka hman chiah a* kan thai phei deuh sawk kha hmm ka titau khat emai titau ve teh ang..
"Ehe, Sir ila haw nange",,
"Aw, tih fel tur neuh neuh ka nei a, ka la haw hman lo deuh ",
"Anih chu ka haw san mai che",
"Aw ,, eee Naktuk ah hian inthlah na kan nei dawn a, Ka ṭhian te Naktip maiah an zin dawn bawk sia Naktuk hi arem bera lo kal ve ta che ",
"Ka duh teuhlo mai",
"Ngati maw In Pa pawh alo kal dawn alawm",
"Kan Pa pawh anilo e a",
"Ka lakah chuan zep kher angailo ang", in la zei zetin an nui velah,,
"Ka duh lo I chhungte awm anuamlo palh ang",,
"Engvang ngawtin", ahre velo ani maw an Motor ka tih chhiat kha,,
"Chhuana te Nu Pa pawh anlo kal dawn asin"
"Chhuantea te an lo kal dawn amaw?",
"Um ,, lo kal rawh aw Dar4 hun serh ania, in Pa pawh kha lo hrilh rawh ahun kan la sawi lo a ",
"Aaa nangman hrilh mai rawh ka hrilh peihlo",
"In in hau nghal ringawt ami a?",
"Hau chuanglo e ka hrilh peihlo ve tawp,, ",
"Aw le aw le,, haw tawh rawh kan va buai zo law law ange ,",
"Anih le",, min nuih deuh put putin min kalsan kan in hau amaw ati ani ngei ang..
"Bawihte, Hlutea alo kala",
"Tun ang hunah maw?",, Dar7 apel awrh chaw pawh kan la eilo..arawn tlang nghal amawnle,
"Engnge i rawn tih dawn",, ka ti deuh tawng
Ka Nun minlo khap vat,
"Dar8 ah mi zai tur ka neia",, min en chik ngang mai,,
"Hlute ka siam kep ang che aw", ka Nu chu en vutin, "aa ", ati deuh hluai,
"Mipakhat ei hi chu kan chhum kep ngei ngei zel alawm ainthlahrun awm loh ka siam kep che",
"Pawisa angah alawm", ka lo ti leh hmanhmawh, ka Nu bawk chuan minlo khap leh
"Min rawn siam pui rawh", Bu nghatin ka pui ve nghal,,
Chaw te eiin kan in tih fel meuh chuan dar8 ahnai thuak,,
"Ka han chho ange,", thlah phut zetin min rawn en, , ka che chang duhlo chu
"Min lo thlah la", arawn ti sup, , azak theilo hi kan ti khawpah,,
Ka Nu lah chu inla zei zetin Thil lei pah turin min lo ti,, ngaihzawng ka ngaihsak chhun zawm miahlo hi hreawm ati tih ka hria ahreawm tih chhan pawh keimah ka in sit anga angaih vang ania hetia Ngaihzawng kan nei leh ta hi min phur puia keiai mah hian ahlim zawk mai hian ka hria...
"Tingea lungawi lohna inei ami?",ati nghal chat
"Nei lo",, min kaih atum chu ka in kuangkuah deuh than engnge ka tih tauh chhan kha le aaa ka hre leh tawhlo avan buaithlak tak emmm
"I hriat hma chu ka kal dawn lo ania",, ading nghal chawt, aphone ari zui nghal, lak pawh tum lo in min en ngar
"La ta che",
"Hetia i awm chhan hi min hrilh phawt rawh",,
"Ka hre tawhlo la rawh apawimawh aniang",
Ka kal sawn tur chu ka kawnga vuanin a taksa si chet chuan min kuah bet phone apick up zui miaua engmah ka sawilo kan tal ve tak na chu awm zia a awm thui vaklo..
"Ka rawn thleng ṭep", ,tiin adah daih,
"Sawirawh le", ka sam chu ka benga zep in min en nghal kal,
"Ka hre tawhlo ka tih chu,,",
"I hriat loh te chuan engtin nge ka chinfel theih anga",,
"Chingfel lo mai rawh kal rawh", ,
"Anih chuan ka fawp thei che tih na, nilengin ka ngai tawh che ,",,
"Ka ngai ve lo che eee",, ka tihtauh chhan ka hre chawp chilh,, "engnge", , ka nuih aza leh hnuhnawh avan naupang chhia tak ka upat tawh nen aa
Ka chhanna nghak tih hriat zeta min en chu thil ka hrechhuak chawp chilh leh nghal
"Upuian 'Naktukah chaw ei khawm chu kan ti dar 4 hunserh lo hrilh rawh' atia",, zep ṭhen ka neih leh neih loh fiah atum amaw tih mai turin min en chik leh..
"Min hrilh tawh", ati sup
"Eee,, a ṭhat chu",
"Adang a awm em, i tihtauh chhan chu",
"Awm lo",
"Nih i message i delete kha",,, oii he mihring hi chu a
"Ka thawn sual anih kha",, aṭhen sak,,
"Ok, ilawmloh na tih emaw sawi ka lo nei anih chuan min ngaidam la , , Chuan ngawi mai lo in min hrilh la ka dik lo anih chuan ka in siam ṭha zel ang,", ati nghet charh ka lo luang liam leh pek,,
"Hetiang anga i Bialnu te i treat vek zel anih chuan thlah che chu ahar viau ang,, ka in puah chah ṭhat angai dawn hle mai...",
"I theihloh pawn apawilo ania",, angai pawimawh lo ve thei bawk sia maw..
Min fawp vang vangin athaw deuh hawk,
"Call chhang duhlo tawh suh aw ka hreawm teh ania thil chi hrang hrang a chhe ber thlengin ka ngaihtuah hman vek",, ka chal ah afawp leh
Kawngpui lamah in kai thla in muang chang tawh lo in Damdawiin lam apan a chauh dan tur ka chhut thiam ve vek ka khawngaih reuh lutuk mahse tiang a duat na aw kâ han chhak chhuah vel hi ka zak tlat atthlak hian a engnge min dem ngawt su mihring kan in ang lo alawm mawle..
Thil chu leiin arukin Zana chhum tur ka lei ru leh ṭat ṭat aei ruk leh theih chuang bawk silo a maw ka Nu hian tiang ei hi aphal lo a in thlahrung deuha ka ei ru min hmuh hi chuan min hau phal leh chuang lo,, Hetia kan ei hma a kan lei ahmuh hi chuan pum tan ṭha lo atia a ang ve tho..
*i hriselna kha ngaipawimawh rawh,* thlum taka kan tih ve leh ngei kha keimah chu Fakin awm rawh se ka va han fel thei hlarh hlarh tak em..
Dar10 velah a zawh thu min rawn hrilh Movie ka en laklawh lutuka ka reply ta lo mai ka Mu amaw atia min rawn Mangṭha deuh thlap..
12 velah reply ve leh chhak in aw le kan tih ve leh duam kha ,, Ka hnen a ṭanga Sweet words dawn abeisei anih chuan rilru hreawm takin a awm reng dawn tihna ani mai,,
End Of Chapter - 20
Show post links
Top