STORYFB.COM

Chapter-3



Stacy Ramthansangi POV




Thisen min laksak zawh hnu chuan engmah ti khawmuang tawh lovin station lam ka pan lehnghal a, police hnenah ka pa ka hmuh duh thu ka sawi chuan mak ka ti hle, ka pa chu a lo chhuak thei daih tawh chu niin lock up atanga ka pa a rawn chhuah chuan a bulah ka kal vat a, "Pa.. enge I an, I tha em, damdawi engmah i ei bawk silo a" ka lo ti nghal zung zung a, ka pa chu a nui suk a, a mitmeng ah chuan a chau hle tih ka hriat hmaih lo.




"Bawihte, ka tha, min ngaihtuah suh, nangman em ni min bail chhuak?" a ti sup a, lu ka thing a, "Ka nilo, tunge bail tu che hi ka hrelo a, police ho kha ka zawh lah in engmah an sawi duh bawk silo" ka ti sep a, engpawh chu nise ka pa min bail sak avangin ka lawm takzet a ni, in lamah chuan ka pa chu ka haw pui vat a, mu hahdam tura ka tih hnuah room atang ka chhuak a, ka pa ei turin buh hawp chu ka siam sak nghal sawk sawk bawk.




Ka siam zawh chuan room ah ka chawi lut a, ka pa chu a lo muhil tui hle, ti harh duh lovin ka pa muhil lai chu ka en reng a, a kut cher riak chu la kang in ka chelh vang vang a, "Pa ka tihpalh a ni, nuam taka nun tir che ka duh vangin Mza hi pasal atan ka nei a, mahse a ni chuan nang chu pui duh lo che in min hawi san hmak bawk si" ka ti sep sep a, ka mittui chu ka biang ah a luang thla nghal pap bawk, ka pa mahni tawk a hrisel ve tak thin kha hetiang taka a tla chhe ta mai hi kei a fanu neih chhun tan hian en liam mai mai a harsa em a ni.




Ka pa rawn harh hnu chuan buh hawp chu ka ei tir a, awm rei hman ka nih loh avangin in lamah ka haw leh ta phawt a, zanin hian engkim thu tawp siam vek ka duh, Mza ka neih chhan ber chu ka pa a ni a, ka pa pui tura ka ngen tawk tawk chung khan a puih dawn loh thu a sawi hmak a nihkha, chuvang chuan ka tan tangkai na a nei tawh lo, engvangin nge keihian ka puih reng bik ang, zanin la la hian inthen ka duh thu ka sawi nghal dawn a ni.




Sitting room ah chuan thu in a hming maia ka pasal lo haw hun chu ka lo nghak ran a, a rawn haw har hrep lehnghal, dar 10 rik dawn ah chuan a rawn haw ve ta hram, a chauh hmel hle bawk, "In be lawk ang" ka ti sep a, a room a a chho tur pawh chu a tawp chawt, sitting room lamah chuan a rawn kal a, "Enge i sawi duh chu sawi vat rawh, ka chau, hahdam ka duh" a ti hluk a, ka hma zawn a couch ah chuan a rawn thu thla dawt bawk.




"In then ang" ka ti nghal tawp a, a hmelah chuan mak tihna pawh a lang lo, a nui suk ringawt a, "Kan in then theilo tih hrechiang ber tu i nihkha" a ti sup a, "Kan in then theih lohna chhan tur ka hrelo, kan in neih chhan kha enge a nih tih chu i hriat chian ka ring, keichuan ka thutiam ang ngeiin i hmeichhe hmangaih tan ka thisen ka pe a, mahse nang chuan i thutiam I hlen ve lo, chuvang chuan kei hian ka puih reng na chhan tur che ka hre biklo" ka ti leh fak a.




"Engpawh sawi rawh, kan in then lovang" a ti nghut a, "In then ka duh ka tihchu, min dang thei lovang, zanin la la hian he in hi ka chhuah san dawn bawk" ka ti leh hmak a, "Han tum chhin la" a ti la ngam a nihchu, a ni hian ka ngam lo turah a ngai a nih chuan a ti sual hle ang, engmah sawi tawh lo chuan ka room lamah ka lut a, a rawn haw hma khan ka thawmhnaw zawng zawng ka lo pack fel vek tawh, ka luggage chu ban in room atang chuan ka nawr chhuak a.




"Zanin atang hian nang leh kei a in zawm na lem zet, nupa lem kan nihna chu a tawp e" tiin kawngkhar lam chu ka pan a, engtik laiin nge ka bul a rawn thlen hman pawh ka hrelo, kawngka ka thleng tep tih chuan ka banah chuan a rawn vuan chawt a, "Nang hian min nawr luih tum miah suh, tunah hian kha i thawmhnaw te nen khan i room ah lut nghal rawh" a ti hrawk a, a thusawi hi zawm tumna chhete mah ka nei tawh lo, ka kut a vawn na chu thin thlak tum in ka pawt a, mahse a vuan nghet lutuk, awlsam tak chuan ka thing thla thei hauh lo.




"Min thlah vat rawh, nang hian min nawr lui thei lovang, i bulah hian min chen tir in i bialnu tan ka thisen min pek luih tir tum eng ang mahla pek ka tum tawh lo, i duh a nihchuan midang i zawng thei ang" ka ti that a, "Sawi ngai min sawi nawn tir fo tum suh, tha taka ka sawi lai hian i room ah i lut dawn nge tih luih na hmangin ka nawr lut zawk dawn che?" a ti chhum hmuk a, "I bulah hian ka cheng peih tawh lo, ka haw lutuk che" ka ti leh nghek a.




"Engpawh sawi rawh, he in atang hian ka phal na tello chuan i chhuak dawn chuang lo" a ti nghet leh charh a, "Mahni hmasial pa, mihring ve tho ka nihhi, i duh duh a i tih kual tur nautelem ni lovin, chuvang chuan min thlah rawh, tun atang chuan i hlat takah ka awm tawh ang, nang nen hian lo in hre ngailo law law zawk ila a tha tur" a ti chhuak leh that a, "In hnial chu duhtawk ila i room ah va lut vat rawh, min hnial leh a nih chuan enge i chunga ka tih tur hi ka sawi lawk thei hauh lo a nia" a mitmeng ah chuan a thusawi chu a sawi mai mai lo tih a chiang.




"He in atanga chhuak turin ka rilru ka siam fel tawh" ka ti leh nghat a, "A tawk viau e, hetianga che tur hian min nawr lui tih hria ang che, min dem hauh suh" tiin ka luggage chu a tlawh thlu thuai a, ka lo te that thung, nui suk chungin min rawn en a, a mitmeng ah chuan engmah pawi sak lohna chiang takin ka hmu thei, hetiang mitmeng a put hi ka vawikhat hmuh na a ni a, ka hlau hle bawk, mahse hlau lo angin ka awm lui tlat thung.




Chutah ka rin loh lutuk in a dar ah min pu nawlh a nihchu, "Hmela min dah thla vat rawh, ka thusawi chu i hrelo em ni, min dah thla rawh ka tihchu" tiin a hnungah chuan ka chum deuh pawp pawp a, ka thusawi chu engah mah ngailo tih hriat takin inchung lamah chuan min pu chungin a chho mawp mawp a, a room ah min luh pui in a khum ah chuan tling awlh khawp in min theh mu lawp a, rang zetin khum lu lamah chuan ka tawlh chho nghal.




Khum mawng lamah chuan dingin ka mitah tak chuan rin en ran a, a kawr chu a phelh mual mual bawk, "Engthil nge tih i tum?" hlauthawng zet chuan ka ti ruai a, "Ka nupui I nihna ka nem nghet dawn mawle" a tih leh takah chuan rang lutuk in khum atang chuan ka chhuk a, room atanga tlan chhuah ka tum rual rual chuan min kuai her sawk in khum ah bawk chuan min theh kai leh a, thawh chhuah ka tum lai mekin min rawn bawh bet nghal, "Tho vat rawh, hmela, ka haw lutuk che" tiin a sam ah chuan ka lo kek nghal buan buan a.




"Aih, ka duh lo, ka duh lo ka tihchu" ka thawmhnaw chu a pawt thler thawt thawt a, "Duhtawk rawh, Mary ka nilo a nia" ka ti leh nghek a, "Ka hria, Mary I nilo, chuan heihi ka hre bawk, ka nupui i nihhi, ka nupui chu ka duh ang ang in ka khawih thiang bawk" a ti vawt ruih a, "A hming mai a i nupui ka nihhi, chuvang chuan hetiang hian ka chungah i che theilo, in tih luihna a nihhi, i duhtawk vat lo a nihchuan police hnenah ka report dawn che ania" ka hlauthawng lutuk chu ka tawng pawh a bah nawk nawk hial.




"I duh phawt chuan min report thei ang, mahse ka thiltih tum hi min thulh tir dawn chuang lo tih hria ang che, a hming maia ka nupui i nih loh zia ka fiah bawk ang" tiin a rawn kun hniam a, ka lo thle sawn vat thung, a nui rum hawk a, ka tim chawih thei, "Tang kual vel duh suh, khatiang a hmeichhe thianghlim ber awm zia zang a lemchan vel kha a ngailo, mipa bula i khawsak dan hi ka hrelo turah I ngai a nihchuan i ti sual hle ang" ti hluk in ka khabe ah chuan a rawn man chawt a.




Ka khabe a vawn na chu a na bawk nen ka then chak chak thei hial, ka mittui chu a tling nghal pam a, chuchu hria ang pawh in a awm lo, ka hmui ah chuan a rawn fawp nghal buan buan a, ka ka chu ka lo chip tlat thung, ka ka chhunga a lei rawn nawr luh a tum pawh chuan ka la chip tlat tho, a duh ang ngawt chuan ka chet tir dawn biklo a ni tawp, ka hmui hnuai lam chu a rawn seh zeuh a, a thip zawk rual in ka ka chu ka ang zuai bawk, chuchu remchang ah la in ka ka chhungah chuan a lei chu a rawn hawl lut a.




Duh lo lutuk in ka tal awt awt a, mahse a taksa lian zetin min delh beh miau avangin ka duh ang chuan ka tal thei biklo, "Mz, duhtawk rawh, Mary i neih kha, hetiang hian ka chungah che suh" ka ti sep a, ka chau tawh lutuk chu ka aw pawh a chhuak tawk tawk chauh a ni, "Mary kha rawn sawi chhuak teh hrep suh, nanghi ka nupui i ni a, chuvang chuan hmeichhe dang chu lo ngaihtuah viau duh suh" ti hrawk in min delh bet reng chung chuan a kekawr chu a hlip nghal mawlh mawlh a.




Tal sawn pawh ka tum tawh lo, he mihring nunrawng lutuk hian a duh ang a tih puitlin hma chu min kal tir mai mai dawn lo tih ka hrechiang miau, kei erawh thawmhnaw mumal in bel ka nei tawh lo, ka kawrfual hak lah kha min pawh thler sak vek tawh bawk si, ka bra pawh ka kawr a pawh chhiat rual khan min phelh sak nghal vek tawh, panty chiah in bel ka nei tawh tihna a nihchu, "I inchhir ang, hetiang hi ti suh" ka panty min phelh sak dawn chuan ka ti zawi sep a, vawin lamah thisen ka pe bawk nen ka chau hluah hluah.




"Inchhir na tur ka neilo" ti supin a mipatna ruh tung chuan ka mal chu a si nghal run a, ka thin chu a phu dawp dawp a, chutah ka mal inkar ah chuan a kut chu rawn zen lut in ka hmeichhiatna chu a nuai nak nak a, nuam tihna pakhat mah ka neilo, ka hnute hmur chu hmuam in duhthawh lutuk hian a hne dawk dawk bawk, khum khuh na puan chu ka hmer tawn tawn a, "Tun atang chuan nang nen hian a hming maia nupa ni lovin a tak tak in nupa kan ni tawh ang" ti sup in dimna nei lek lo chuan ka chhungah chuan a rawn lut pulh a, a na lutuk chu te chhuak that in ka er zui ngawng ngawng a.




"Engtinge?" ti supin Mza chu a tawp chawt a, ka mittui kar atang chuan ka meng chhuak riai riai a, Mza chuan mak tihna a khat mitmeng hian min lo en reng chu ka hmu phe ruai a, "Ka haw lutuk che" ka ti tham chhal a, ka tah a chhuak lutuk chu ka hrawk a in hnawh tup tup a, che hrut in dim zetin min rawn bawh bet a, a chet zawng a na zawk avang chuan ka lo ip chawih a, ka hmai zawn ah chuan in nam khalh in min en vawng vawng a.




"A na rei lovang" tiin chet chu a la zawm leh a, muangchang leh dim zetin a che a, mit chu ka chhing zui ngawt ngawt a, "Ka tihpalh" a ti sup sup reng a, mahse a rilru taka sawi a nilo tih ka chian em avangin enga tan mah ka ngailo, na ka tih em avang chuan ka ip leh chawih thin a, chu thil chu a hriat ve leh chuan a che chu a tawp leh chawt thin a, "A na rei tawh lovang" tiin ka hmuiah chuan a rawn fawp leh vang vang a, ka na lutuk chu ka thaw chhuak hak a.




Minute 10 hnu vel ah chuan ka kawchhung chu a rawn lum pap pap a, Mza chu ka chungah a rawn bawk nghal thlawp bawk, a taksa khur ru dar dar vang chuan keipawh chu ka che ve vek thei, rei fe chutianga a awm hnuah chuan ka taksa atang a let thla tawp a, rizai khum mawng lama kan tal na avanga chuar tawm vek chu la in ka taksa ruak vek chu a rawn khuh a, engmah ka sawi lo, ka chau hluah hluah, ka ngaihtuahna te chu a a ruai mai bawk.



Lalmuanzova POV




Ka khum a muhil ka nupui chu ka en reng a, ka in thiam lohna chu a nasa zual sawt, vawikhat tal lo in ngaihtuah nawn ila a tha tur, hetiang khawp a kan inchhir na tur thil hi ka tilo nimai tur a nia, a taksa mai bakah a rilru ka tih keh sawm sak vek tih ka hria, tunah chuan a hma ai mahin min haw zual sauh tawh bawk ang, mahse ka thinrim na khan min hneh em a tinni, ka thaw ipik lutuk chu ka thaw chhuak leh hawk thin, mahse awmzia a awm chuang lo.




Khum atang chuan ka tho chhuak a, bathroom ah lutin ka in tihfai hnuah ka chhuak lehnghal, khum lam chu ka melh zawk a, Stacy chu a la muttui hmel hle, thawm dim zetin ka thawmhnaw bawm lamah chuan ka kal a, ka kawr hmuh hmasak sak chu ka in bel tawp, ka phone a rik avang chuan hmanhmawh zetin khum bula ka phone chu ka la a, Stacy erawh a la muttui hmel viau, ka thaw huai thei, ka phone chu ka en a, min rawn call tu ka hmuh chuan ka thaw chhuak hawk a.




Balcony lamah chuan chhuak in ka phone chu ka chhang nghal, "Babe, I lo kal thei angem, mahni chiah in ka awm bawk sia, ka hlau" Mary chuan a rawn ti sep a, "Ka buai" ka ti hmuk, "Khawngaihin lo kal hram la" a rawn tih leh chuan mit ka chhing vang vang a, "Awle, ka rawn thleng har lovang" ka ti sup, room ah bawk chuan ka lut leh a, Stacy hetianga kalsan tawp chu ka duh hauh lo, mahse Mary ka ngaihtuah bawk si, ka awm loh laia a lo chhuah daih ka hlau a ni.




Tihdan tur ka ngaihtuah vang vang hnuah room atang chuan ka chhuak a, ka room chu pawn lamah ka kalh nghal bawk, rei erawh thang bo ka tum hauh lo, Mary chu keipawh hian hmuh ka duh hrim hrim, ka motor chu la chhuak in Mary te in lamah chuan ka in khalh chhuak nghal a, an in kawt a motor ka tih din rual chuan ka chhuak nghal, Mary chhungte hi an zin avangin amah chiah in a awm a, a natna tak hriat a nih theih loh avang hian ka ngaihtuah zual hle bawk.




Doorbell chu ka hmet a, reilote hnuah Mary chuan a rawn hawng a, a nui var var bawk, a thawmhnaw hak tawng chham zet ka hmuh rual chuan ka ner ti deuh sawk a, "Ka rin ai daih in i rawn thleng hma" tiin ka banah chuan a rawn vuan nghal chawt a, "Rei ka awm hman lo, in lamah ka nupui amah chiah in a awm" ka ti nghut a, a ner deuh nang a, "Ti teh, a ni te chu ngaihtuah vak a ngai em ni, a hming maia i nupui a ni tho a, ngaihtuah vak pawh a ngailo tih i hriat kha" a ti hlak a, ka rum chhuak nghut.




"Mary ka sawi ngun tawh, Stacy hi ka nupui a ni a, a hming maia ka nupui ni lovin dan hmanga ka nupui a ni bawk" ka ti nghet charh a, a thaw chhuak hak a, "In in neih chhan kha ka hre ve bawk tih i hriat kha, chuan a ni pawn bialpa a nei reng tih i hre bawk a, chuvang chuan atan pasal tha tak nih kha chu tum buai duh suh, a ni pawhin a pasal angin a en lo che tih i hriat kha" a tih leh chuan ka kut chu ka hum ruh tawlh tawlh a, engmah ka la sawi chuanglo.




"Zanin chu hetah i riak ve ang tiraw, ka chhungte tumah an awm bawk silo a" no taka min melh pah chung chuan a ti a, "Mary ka sawi chiang tawh, hetiang hian awm fo tawh suh, nang nen a kan inkar kha chu kum 3 liam ta khan a tawp fel vek tawh tih i hriat kha" ka ti ta hrawk a, "Tinge hetiang hian i awm tlat a, i nupui vang kha a ni em?" a ti that a, ka ner sawk, "Ka nupui hnuh luh tum hauh suh, Stacy ka nun a a rawn lan hma atang khan kan inkar chu a tawp tawh" ka ti leh hmuk a.




"Nilo hetiang ringawt chuan i ti tawp thei lovang, ka hmangaih che tih i hriat chian kha, i tan engmah ui ka neilo bawk, i duh chuan i fiah thei ang" tih paha min rawn kuah a tum chuan a ban tawn tawn ah man in ka thing deuh nawk a, "Duhtawk rawh rawh, hetianga I awm zel dawn a nihchuan ka thianpa hnenah ka thutiam ka ti hlawhtling thei ngai lovang tih i hriat kha, engvanga nang hi buaipui che nge ka nih tihchu nang aia hrechiang an awm lo, chuvang chuan i huang chin i hre dawn nia" ka ti ṭhawt a, mittui tling pam chung chuan min en a.




"Aih ka duh lo, khawngaihin bul tan tha ang, nangpawh hian min duh tih ka hria alawm, min duh lo nila hetiang em em hian min ngaihtuah lovang" a tihchuan ka thaw hawk a, "Mary hriatthiam tum rawh, ka enkawl na chhan che chu ka duh vang che ni lovin ka thianpa laka ka thutiam hnuhnung ber hlen ka duh vang chauh a ni, chuchu i hrethiam duh lo a nihchuan hetiang reng hian ka enkawl thei tawh lovang che" ka ti leh nghat a.




"Mahse.." a tih leh mai mek chuan "Mahse a awm lo, ka sawi chiang tawh a, min sawi nawn tir tawh loh ka beisei bawk, ka nupui hi engvanga ka neih nge tihchu i hria pawh a ni maithei, mahse tunah chuan ka nupui a ni tawh a, ka duh bawk, nanghi chu ka thiantha ber nau i nihna ang chauh in ka en che, kan inkar kha chu reilote chiah a ni a, chuvang chuan lak thutak tur a awmlo" ka ti leh a, a mittui chu a biang ah a luang thla pap a, ka khawngaih lo a ni bik lo, mahse thudik tak hi hrilh hriat nghal vek a ngai a ni.




"Aih.. ka duhlo, chutiang ni tur chuan ka duh lo, i hriat chian kha i nupui tan hian rinawm i tum pawh a ni maithei, mahse a ni chuan i hnunglam lamah bum che in ngaihzawng a nei tih leh hun an hmang dun fo tih pawh ka hrilh che kha" a ti leh tuar a, "Ngawi hmak rawh, ka nupui chungchang hi vawikhat mah sawi tawh suh ang che, keihian ka nupui hi ka hrechiang, tu mipa mah hun a hman pui ngailo tih pawh ka chiang bawk, chuvang chuan ka nupui hi dawt in puh tum tawh suh" ka ti chhuak hrawk a.




"Nang hian kha hmeichhe tenawm zet kha i khawih amaw?" a ti vin that a, "Aw.. ka nupui a ni a, ka khawih theih lohna chhan tur a awm lo, chuan i sawi anga hmeichhe tenawm tak a nilo tih fiah ngei tu ka ni bawk, a tan mipa hmasa ber ka ni a, a tawp na ber pawh ka ni ang, chuchu hre reng ang che, ka sawi tawh kha ka nupui chungchang hi mawi lo takin ka hriat ah emaw midang hriat ah pawh nise i sawi leh a nih chuan nang hi ka enkawl chhunzawm zel thei tawh hauh lovang che" ti chhuak leh nghut in ka in her a.




"Nilo Mz ka bulah awm rawh aw, ka unaupa vang tal pawh in" tiin ka hnunglam atang chuan min rawn kuah a, "I unaupa vang chauh in nanghi ngaihtuah a enkawl che ka ni tih i hriat kha, a ni kha la dam chu nise i awmdan ah hian a lawm bik hauh lovang, ka nupui hnena kan inkar a hmangaih na awm anga thu I sawi thin pawh ka en liam che a, a chhan pawh ka nupui in ngaihzawng a nei anga ka hriat vang chauh in, mahse ka nupui hian tu mipa mah a hnaih lo tih ka hriat hnuah hi chuan khang i lo chet tawh dan zawng zawng kha ka en liam mai mai theilo tih i hriatthiam ka ring" tiin a kut chu ka phelh sak a, an in atang chuan ka chhuak nghal.




Kan nupa in ka thlen takah chuan lut mai lovin pawn ah chuan ka ding vang vang a, Stacy Ramthansangi nen kan in tawn dan te chu ka ngaihtuah let a, ka nui hul deuh hawk a, kum 3 liam ta khan ka thiantha ber Lalramngheta chu khawsik pui avangin ka lo chan tawh a, a ni khan a hun hnuhnung ah khan a nau enkawl turin min chah a nihkha, chuvang chauh a Mary hi ngaihtuah zui pawh ka ni.




Mary nen hian kan in zui ve tawh thin, mahse a rei lem lo, kum chanve vel chiah a ni nghe nghe, ka thianpa nau anih avang leh amah ah duhna pakhat mah ka neih loh avangin kan inkar kha ka ti tawp ta vat reng a, mahse khami hnu deuh lawk khan ka thianpa chuan min kalsan leh ta si a, a nau a hmangaih zia ka hria a, a thianpa ka nih avangin ka lakah ngaih ngam takin a nau chu a dah a nihkha, Mary hian min duh hle tih ka hria, nau anga ka en avang khan ka ngawi liam mai thin, chuchu ka thil tihsual lian ber pawh a ni reng a ni.




Mary chu kum 1 kalmta khan enge a natna ber pawh hriat theih lovin a na ta vak a, doctor tho ni mah ila ka line lam a nih loh avangin ka thianpa chuan a enkawl ta a, a ni pawh chuan enge a natna chu a hre theilo, thisen a mamawh reng a, a blood group mil pui chu vang tak an ni, chuvang chuan ka thawh na damdawiin a file chu ka check a, chutah chuan a ni Stacy ka hriat tan na chu, a pa thisen a pek vangin a blood group chu ka hre vat thei a, amah chu ka chhui chiang ta a.




A hnathawh naah kal chilh in in rem na ka siam pui kha a nia, a tirah chuan a lakah engmah feeling ka neilo, mahse nupa kan han ni a, kan in hmu zing telh telh a, zawi zawi in a lakah feeling ka nei tan ta a, ka duh ta hle bawk, mahse ngaihzawng a neih thu Mary'n a sawi avangin a lakah ka thinrim a, a chungah sual ka chhuah nasa hle bawk, a tirah chuan Mary thusawi pawh ka awih hran lo, mahse ka mit ngei a mipa dang bulah hlim taka a nui lai ka hmuh hnu atang kha chuan thudik ngei a nih ringin Stacy hreawm na tur hlir in chet ka la ta a.




Mahse zanin khan amah ka rindan zawng zawng a dik loh zia ka hre ta a, ka inchhir takzet bawk, a pa jail a a awm tih ka hriat khan a hriat hauh lovin ka bail chhuak a, ama hriat a ka tih duh loh na chhan pawh ka huat em vang a ni, a pa hnena riak tur anga in sawiin a ngaihzawng pa hnenah a riak tih Mary'n a sawi vang khan a lakah ka thinrim in ka puih dawn loh thu ka sawi kha a nia, thudik lo hre vat ni ila khatiang khan ka ti hauh lovang.




Inchhung ah chuan ka lut a, khawiah mah kal kawi lovin inchung ah ka chho nghal, ka kekawr ip te a chahbi ka dah chu la chhuak in kawngkhar chu ka hawng a, khum ka en chuan a lo ruak hiang a, khawiah nge Stacy a awm?.. Bathroom lamah chuan ka kal a, kawngka hawn ka tum chuan chhung lamah a in kalh tih hriat takin ka hawng thei hauh lo, "Stacy, i awm tiraw?" ka ti sup a, min chhang tu an awm lo.




Ka koh reng hnuah pawh min chhang tu an awm tak lovah chuan ka hlauthawng ta hle, shower a on anga ka tawng a hre theilo a nih ring in kawngka chu ka beng vak vak a, ka chum bawk, mahse engmah thawm ka la hre chuanglo, ka rilru a lang hmasa ber ang chuan ka che chhuak ta tawp a, kawngka chu ka tlawh ta vak a, vawithum ka tlawh hnuah chuan a in hawng ta rawp a, hmanhmawh lutuk in bathroom chhungah chuan ka lut a, ka thil hmuh avang chuan ka khawng awt thei.




Stacy chu bathroom chhuat ah chuan a lo mu zawi reng a, shower a in on bawk nen a huh vek tawh, a bulah chuan kal vat in shower chu ka off a, Stacy chu ka pawm nghal lawp a, bathroom atang chhuah pui in khumah chuan ka mut a, kawr engmah a hak loh vangin ka thawmhnaw bawm lamah chuan kal in ka tshirt lian tha hnek hnawk tak mai chu ka la chhuak a, Stacy chu ka hak tir nghal, ka phone chu la in chhuakin hmeichhe doctor chu ka phone nghal a.




Doctor rawn thlen hma chuan Bawihi sam huh vek chu ka hru mawlh mawlh a, a taksa a dang lap bawk nen ka mangang ve takzet, doctor pawh chu a va rawn thleng har hrep ve mawle, thinrim lutuk in ka sam chu ka tuai puat a, darkar chanve vel a ral hnuah doctor pawh chu a rawn thleng hram, "I va rawn thleng har ve, ka nupui saw ve en dik vat rawh" ka ti hrawk a, doctor pawh chuan engmah sawi lovin Stacy chu a check nghal vat a.




"I nupui hi a taksa a chak lo takzet a ni, chuan a duhlo chung englo..." sawi hreh hmel zet chuan a ti a, a sawi tum chu ka hrechiang hle, "Thil dang sawi tur i la nei em?" ka ti ta daih a, "Aw.. i nupui hi chuan a hre tawh a, thla thum hma lam khan i nupui hi a rawn in entir tawh a, a pum ah hian bawk a awm a, cancer a ni thut thei tih pawh ka hrilh chiang hle bawk, test pangai zawk nei tura ka tih hnuah khan a rawn lang leh ta miah silo a" a tihchuan mak ka ti hle.




"I hre lo a ang hle mai" doctor bawk chuan a ti leh sep a, "Ka hrilh tlang nghal law law che anga, i nupui hian a tirah kha chuan thil serious lutuk a nih a ring bik chiah lo tih ka hria, ka hnena a rawn kal pawh khan hmeichhia chuan neuh neuh kan nei tam thin si a, a thla tin hun bi a nei thei mai bawk silo nen kha vang khan ka bula rawn kal pawh a ni reng bawk a, a rang lama enkawl vat a ngai ang, i hriat kha, a pum a bawk awm hi bawk satliah pawh a ni maithei bawk a, test kan tih hmasak zet loh chuan engmah a chiang thei dawn lo" a ti leh sep sep a.




Ngawi rengin a thusawi chu ka lo ngaithla reng, "Engtik hun nge chuchu ka nupui i hrilh?" rei fe ka ngawih hnuah chuan ka ti chhuak thei hram, "Thisen pe tura in rawn kal ni kha a ni ta in ka hria, amah kha a chau bawk nen thisen pawh kha a pek theih ka ring chiah lo kha a nia, mahse hmeichhe chak tak a ni, a pum a bawk awm hi bawk satliah mai mai pawh nise enkawl loh a a awm rei lutuk chuan a tang lian zel anga, a tan a hlauhawm thei tih i hriat chian kha" a ti leh sep a.




Doctor kal hnu ah chuan khum sirah thu in Stacy chu ka en reng a, a hmai dang lap thin leh a khaw sik thut thut thin te kha hei vang hi a lo ni ngei dawn a nihhi, khami ni thisen a pe hrih lo thei mai angem tih min zawh lai te khan keichuan a chhuanlam mai mai emaw tiin a thisen kha nurse hnenah la turin ka ti a nihkha, chumai pawh nilo Mary kan in a chaw a rawn ei ni pawh khan a ka atang thisen a chhuak tih ka hmu reng, mahse keichuan ngaihsak chu sawi loh in atang ka chhuah san hmak bawk a nihkha.




A lak a ka chet dan nunrawng zet zet te chu ka mitthla ah a rawn lang kuar kuar a, keimah lo chu tumah dem tur an awm lo, a ni hian ramhuai angin min hmu tih a sawi a nihkha, ni e, a tan chuan keihi chu ramhuai diktak ka lo ni ngei e, khatiang taka nunrawng khan tunge an minting pui te hnenah che duh ang, Stacy kut vawt thler chu ka chelh vang vang a, ka chhungril khur ru dar dar chu mahni in thiam loh na leh in huat na vang a ni tih ka hria.




"Min ngaidam rawh aw, ka tihpalh takzet a ni, rawh harh chhuak vat rawh, tun atang chuan ka duat na bak i dawng tawh ngai lovang tih ka tiam a che, i rawn harh chhuah hunah chuan eng ang pawn ka chungah che mahla engtin mah ka ti hauh lovang che, ka phu ve reng a ni" tiin a kut chu ka fawp vang vang a. Darkar khat zet a liam leh tawh, Stacy mutna bul atang chuan ka la kalsawn lo hrim hrim, a kut chu chelh ran in ka hmui bulah chuan ka dah a, chutah ka en reng lai chuan a mit chu a rawn meng riai riai a, "Bawihi, I harh tawh tiraw, I tha em?" tiin ka awm hnai deuh a, min en vang vang hnuah a kut ka vawn beh chu a pawt zeuh a, ka thlah thawl rual rual chuan rang zetin a la sawn nghal a, ka thaw nghal hawk bawk, hetiang hi chu a thleng ka ring reng a ni, tunah tak hi chuan ka khawih mai pawh nilo ka hmel pawh hi a hmu peih lovang tih ka hria.

Cont....

Comment leh click kha aw, naktuk ka awl bawk ang..