CHAPTER 3
BY JENETI
Zothanfeli pov
REPEAT
A thil rawn sawi avang chuan ka en vat a, "lo chuang mai rawhse, a khaltu ala naupang si, a rin ngam loh" a lo ti hmuk a.
_________________________________________________
"I ti ang lo em mai, thianho a kal an nia, thianho bawk a an haw leh lo in, bawiha va kal rawh, eng êm an tawk bîk nâng" nu zopuii chuan a ti a.
Bawiha lo phei tur chu kawngkhar lo hawn lâwk sakin ka lo nghak a, xKal angailo, o than than" a zak leh deuh si a niang a ner sak a, "lo kal zâwk mai rawh, i thianpa kha ka ring tâwklo tlat" baby shark-a khan a lo ti a.
Ka thiante chu ka en a, nuam chu ka ti chiah lo a ni. "Thante lo kal mai teh, a pute-a ngaih a tha lo a nih hi, kan thlah mai dawn che nia," nu zopuii pawn a rawn tih tak si ah chuan, "va kal mai rawh, in hma ah kan lo tlan dawn nia" ka thian te chuan an ti ta ngawt, keipawh phûr lo zetin ka chhuk a, nu zopuii bul ah chuan ka va thu lut a, bawiha pawh in min lo ban vat a.
A hma ah chuan mipa keimah ang rual vel, a lo thu ve a, nuzopuii te nufa nen ringawt kan inbia a, Nu Zopuii chuan "thani college hi khawiah nge kal i tum deuh?" a ti a. "Ka hrelo, dik tak chuan ka kal chhunzawm theih pawh ka inring tawh lo" ka lo ti hab a. "Nang ber i kal chhunzawm loh ten, i u te chu puitling an nia, ngaihtuah ngai pawh an ni tawh hleinem" a ti leh a. "Chu tiang pawh a ni chiah lo, khawpui lam ah hian chhungte kan neilo lutuk a, han chhunzawm dawn pawn awmna turte ka nei dawn silo a, lâng chuan seng so a tam dawn bawk sia" ka ti ve sap sap a.
Ka tawng ring lemlo, "chutiang ah te chuan lungai reng reng suh, kan in ah i awm thei reng alawm, inthlahrunna tur a awm hleinem, nang i nih phawt te chuan, i tan chuan eng tik lai pawn kan in hawng reng alawm" nu zopui chuan a ti leh mawlh mawlh a.
"Aaa ka hrethiam lo, ka pass dawn nge dawnlo pawh a chiang silo, board exam te nei ve phawt loh te chuan," ka ti leh a, "ni tho mai; mahse, tun atang hian lo in ngaihtuah la, kei chuan zir zel turin ka duhsak ber che," a ti leh a. Ka lo nuih ringawt, front glass ka va melh zeuh chuan, baby shark-a khan min lo en reng a, kan mit a in tawng leh siah a, en rei duh lo in hawi sawn hmasa tu bawk ah chuan ka tang leh a. Nu zopuii hi khawpui atanga zirtirtu a nih avanga lo insawn a ni a, sawi tawh ang khan, a fel hle bawk.
Kan in thleng chu min thlah a, baby shark-a chuan, kan in chu zirchiang ni awm tak hian, a en nasa mai, chhuk vatin mangtha in, inchhung ah chuan ka lut zui nghal a. Inchhung ka han lût chu a lo hnawk nasa mai, ka u te nupa chu chhun chhun ah zu an in leh tawh a nih hmel, an thil ei na pawh, tifel lo in an mutthil san a nih hi.
Dawhkan ah chuan chaw an ei aniang, chaw mal a lo awm nuai a, chaw hmeh lah an suah buak na nih tih hriat takin, dawhkhan ah leh gas stove bul vel ah chuan, a lo baw nuai bawk a.
Tlai Dar 3 a ri tep tawh a,eirawng bâwl nghal tumin ka in thlak a, Gas stove leh dawhkân bul vel chu ka ti fai hmasa tê té a, a hnu ah chaw hmeh vel chu ka siam ta chauh. Ka in tih fel meuh chuan dar 4 a ri thuak tawh a, ka u te pawh an rawn tho tawh bawk, "chhun chhun ah te tinge zu in in a?" ka ti a. "Kan mutthil thei hleinem" tih tê in min chhang a, in bual turin an liam zui daih a.
Ka phone khawih mai chu ka tum a, ka dah na ka hre tlat lo, ka ngaihtuah a, in ka haw atang phone ka la khawih miahlo tih ka hre chhuak, ka keng luh âwm pawh ka hre ta lo, a nih chuan motor chhungah khan ka theihnghilh tih na a niang a, ka thiante bul a ka chuan lai kha chuan ka la keng ngei a. Nu zopuii te in ah va en hnasak phawt chu ka rilruk deuh a, ka u te lo haw vê leh ka kal ang.
Ka u te pawh rei vak lo ah an rawn haw a, ka phone nu zopuii te in a ka theihnghilh a nih ka ring thu sawiin ka va la lawk ang, ka ti a. A ni pawn a lo phal ve mai, nu zopuii te nen hian kan in hlat lutuk loh avangin ka thleng har lo, min lo hmuh chuan "i va lo kal har zawk ve, i rilru a hah viau kan lo ring a," nui hak hak pah chuan a lo ti a. "Nia ka buai deuh a, ka hre chhuak mai lo a," nui var var chung chuan ka lo tive a.
"Khawnge maw mama khan a dah le? ka va dah that tir a, kan au a nge" nu zopuii chuan a ti a. A au zui lang lang a, room 1 atang hian baby shark-a kha a rawn chhuak a, "hei thani phone kha khaw nge i dah sak? lo pe teh, awi! ka theihnghilh tep ka artui kan a kâng hrim hrim ang" a ti leh hluai a, choka lam ah chuan a tlan phei nghal a, baby shark-a khan "lo thu rawh kan la ang" a ti thum dût a.
A aw chu a thum deuh a, mipa âw dik tak a nimai in ka hria, chuan, ka la sawi loh takin, a hmeltha in a pa khawp mai, u isacka pawh khan hmeltha ah leh pa ah chuan a khum var var tlat, a hnar ngul a sang a, a khabe chu a phir deuh a, aaa ka sawi thiam lo a pa thlawt chu ka ti. Mahse ka duh tih na chu a ni chuanglo, bakah kei aiin a upa dawn chiang sa.
Thuttleng ah chuan thu in ka lo nghak a, rei vak lo ah rawn chhuak in ka phone chu a rawn hum phei tat a, a kut a lian si a, ka phone a lo te ve bawk nen, a hum bo tep a ni. "Kha le, naupang tete si hi, in hai hawt a," nuisuk chung chuan a ti a.
Ka chhang buai peih lo e a, ka nuih tawi tak ringawt, ka zak ve deuh zawk a maw ni a. Kei hi ka dik lo riau, lu thing nakin "kan kal tawh ang nge, min lo dah that sak a, ka kawm lutuk" ka ti a. Ka chhuak zui nghal a pen nga(5) vel ka pen tawh tih ah, ka va hawi let zawk a, kawng ka biang ngheng chungin min lo thlir zui reng chu lo niin, hawi let vatin a aia chak chuan ka kal hmawk hmawk a, nui ri hawk ri ka hre chhun zawm zat, baby shark-a mai mai chu, min tih laih ve khanglang chu le, u isacka bul ah bâk ka lai ngai tawp silo.
Dar 6 a rik chuan chaw kan ei a, kan ei kham ah kan ei na chu ka tifel leh a, phone rei vaklo ka khawih a, lehkha ka zir chhun zawm a, note kan lak thar hi chu thiam nghal zel ka duh, english hi ka harsat vak loh a vangin midang ho an zir tlauh tlauh laiin kei chuan, a process vel ka lo chhiar thuak thuak thin, mi angin kan hosa ve silo a, chu vangin zah pui awm lo theih tur ang hram hram a, awm ka tum ve thin, ka hun âwl ah te hian dictionary hi ka zir leh zel tho.
Zing ka harh chuan, thawh ka hai deuh a, dar 7 ah ka tho hem mai, a ngai te ang bawkin ka che leh tan a. Vawiin chu school kal angaih dawn avangin ka hmanhmawh deuh a, dar 8 a rik chuan chaw kan ei a, eikham ah thleng ka sil leh a, ka hmanhmawh deuh tawh, insiam chhung nen ka tlai palh ang tih ka hlau, dar 9:30 hi kan tan hun a ni a.
Ka insiam zawh meuh dawn chuan, dar 9 a ri tep tawh, ka insiam lai chuan "thante, zothan, thanbal, i hman tawh em?" Remi chuan a rawn ti lang lang a.
A va han duh thawh thin tak he nu hi chu aw... "ka insiam mêk, min lo nghâk ru" ka ti ve lang lang tho, inchhung ah chuan an rawn lut zawm a niang, an rawn ri lut zui bawrh bawrh mai.
Ka hman chuan dar 9:19 a ri vel chiah, hmanhmawh deuhin kan in zui chhuak hlawk hlawk a, a hla ve reuh bawk sia, kan tlai ka ring hial tawh, ka hmanhmawh ve teh reng nen kan tlai dawn a nih hi ka ti rilru mawlh mawlh mai, mahse kan la tlai lo a niang school kan thlen hma chuan, zirlai dang thawm leh school lam pan ve mêk, kan la hmu thei, ka thaw huai thei alawm le.
Gate bul kan thleng phei chuan, kan hma zawn ah hian kha bolero dum bawk kha a rawn tlan chhuak a, gate sir ah chuan kan lo ding a, kan zawn arawn tlen chuan horn arawn hmet tuar a, ka in ring lâwk bawk silo, ka phu nasa lutuk, ka thiante lah chuan min la nuih ang vak vak a, thinrim deuh in, ka kut tum chuan baby shark-a chu ka tin zuau a , driver seat lam ah kan ding bawk nen, a hmel ka hmu chiang lutuk, ka lam rawn hawiin a la nui suk zui, ka va han ngei mai mai tak e aww, a hre ve dawn khawp, ka ti rilru mawlh mawlh, hmuh chu ka hmu ve reng a, mahse kha tiang a horn a rawn pek thut kha ka ringlo a nia. Chubak ah, pek chhan tur pawh a neilo hrim hrim, kawngsir ah kan ding ve reng a, a chimawm ve hrim hrim a nih kha.
Nakinah ek cheh thawt in ka la hnek ang,
te han ti vel ila, a sang ropui si chu bak ah a chak hmel em mai, ka hnek te chu eng ah mah angai leh awm lo em mai a, nakinah zak deuhin ka la siam ve ang zawk ang mawle, Mai mai sal a. Hrim hrim ah, nge maw kan school ah te a lo tih daih daih ni a, aa... ka ngaihtuah peih vel lo e.Class chhung a kan thut fel rual chuan, bell a ri chiah a, rei vaklo ah sir mamuana a lo lut nghal a, "vawiin chu inzirlai in zir tha em tih ka rawn fiah dawn che u a ni, chuan mizo tawng hman phal anilo bawk, a thiam lo chuan vawi 300 beng an su ang" a ti riap mai.
Kan thianho chuan kan in en hrek hrek a, sir mamuana hian bio a la a, a strict si a, ka thiante hi chuan an mil lem lo hle, tun ah pawh an ner an ner leh tawh hi.
Kan class a thiam ber a ka hriat, puii chu a zawt hmasa ber a, lehkha a thiam bawk a a lo chhang nghal zar zar thei bik. Kan thian ho chu min lam kân zel a, mi 10 vel a ko chhuak tawh mi 3 an thiamlo bawk, chutah lee, "zothani" a rawn ti thut a, ka en nghal vat, a kut chu a rawn vei chho zeuh a, rang deuhin ka ding nghal.
"What is the difference between homologous and analogous organs? Give examples."
A rawn ti a, ka chil ka lem khalh, ka chhân dan tur chu ka ngaihtuah hmasa te te a, midang ho chuan ka thiam lo an ring hmel tawh lutuk, min en thap mai, "le sawi rawh le i thiam dawn tih ka hria, nang chu" sir chuan a ti a. Nuih sakin ti hian ka chhang a,
"Homologous organs have the same origin but different functions (e.g., the forelimbs of human and the wings of bird). Analogous organs have different origin but perform similar functions (e.g., wings of bird and insects). These examples show evolutionary patterns of divergence and convergence, respectively."
Ka sawi zawh meuh chuan ka thaw hawk thei, "tha lutuk, tiang khan thiam thin tur" tiin kut a beng thak thak a, thu turin min ti zui a, "sir hian a duhsak bik che e, kha tia kut han ben vel kher" kimi chuan a lo ti sa sa a. Ka lo nuih ringawt thung, min duhsak bik vak na pawh ka hre lo e a, a harsa in a sei bik ropui si.
Bell a rawn rik leh tâk avangin, sir chu a chhuak zui a, a chhuah hma chuan "naktuk ah ka zawh chhun zawm dawn che u a nia, a rualin a thiam lo zawng, beng in su dual dual bawk ang" a ti a.
Tichuan zirtirtu dang a rawn lut zawm a, tluang deuh chuan kan zir nileng a, kan bâng chuan kan thianho in kan in zui leh a, kawng ah nu zopuii te nufa nen kan intawk a, an bang ve chiah a nih hmel, bawiha nen an rawn in zui a, bawiha chuan min ban leh chawt tawh a, an in ah ka thawk ngun bawk nen, min ngaina lutuk tawh ringawt, a buaithlak lam mah zawk thin.
Min kaiin a tawng leh siam siam tawh a, an school chan chinte a sawi a, an in kawt kan thleng chuan, lut turin min sawm leh tlat tawh a, ka tui a hal ve tho avangin, tui in turin ka thiante nen chuan kan zui lut a.
A lo reh thuap mai "I putea hi khawiah nge maw a awmni? in lah a hawng huau a," nu zopuii chuan a ti nghal bawrh bawrh a. Keini erawh tui kan lo in mek thung, kan inzawh chuan rei thu tawh lo in, kan chhuak nghala baby shark-a bolero ka hmuh chuan ka thinrim thar thut a, a motor chu ka melh vak a, duhtawk mai lo in a motor ke chu ka pet a, na deuh chuan ka pet ngam chuang lo
ti hian ka pet ve hrim hrim hian ka lungawi deuh hlek."Kha tin eng ah nge ka motor i pet vak vak?" rawn ti ri avang chuan ka phu leh zawk a, ka hnung lam ka hawi phei chuan baby shark-a a lo ni, kekawr bul dum leh tshirt var thianghlim sar mai a lo ha a, a in hmeh kher mai, het het eng thil nge maw i ngaihtuah le, putar a nih hi putar tiin ka in thing nawk.
Ner sak chungin ka hawi sawn hmak a, ka thiante chu "kal ang u" tiin ka kal pui daih, phun hluk ri ka hre chhun zawm zat, ka nui sak thung, a ho teih teih em mai a. "I hlau lo a mi? kei chu ka hlauh zawng tak" Kimi chuan a lo ti a. "Hmm mihring ve tho a nih kha, hlauhawm loh em mai" ka lo ti a. "Keichu pa ka ti tawp, a hmeltha bawk sia, ka star nghal kei chu" Remi chuan a lo ti hlut a, ka va en chuan min lo nuih vur vur a, "a hmelchhe em mai a, star pawh a ngailo" ka lo ti hluk a, a nui uar uar mai.
In ka thlen chuan, inbual tur a min lo sawm tur in ka chah a, inchhung ka lut nghal a, u tete-i chu in ah a lo awm a, inchhung a lo tifel ve deuh a niang, nidang ang chuan a hnawk hranlo, chaw a lo chhum ve bawk a, school ka kal hi chuan chaw te hi a lo chhum ve thin a, ka haw ve leh kei in eirawng ka bâwl nghal thung thin a ni.
In thlakin chaw hmeh tur chu ka siam leh a, eirawng bâwl tu nih chuan rilru te hi a hah ve thei lutuk, siam tur a awm lo thei bawksi, eng nge ka siam ang le, nitin hi ka ti reng mai a ni, hei chu eirawng bâwl thin tute chauhin inhriat thiam ka ring.
Maian chang chawr, lengser nen ka bai a, hmarcha hring ka thlak tel bawk a, a tui lo theilo hrim hrim, kan kawm thlang a thlai ka lo ching ve chu, ka hlawk pui viau mai, kan kawm thlanga tumbu awm chu la in ka vaipa den a, ka u in dal tel lo in chaw a ei theihlo a vangin, dal ka kang leh a, ka duh tawk ta mai.
Ka siam lai chuan u tete-i chu a lo phei a, "a va rimtui ve, ril atam nghal rawih rawih mai a lawm" tiin ka thil chhuan chu a rawn en a. "Changtunu a chet hi chuan, ti zaih hi a nimai ni" ka lo ti a. Kan nui hak hak a, chu tih la chuan ka u hnathawk pawh a lo haw chiah a, "a va rimtui ve," a lo ti lut ve nghala, "hei changtunu a han che tak tak chu, kan hmeh tui dawn a nia," u tete-i chuan a lo ti a.
-ˋˏ✄┈⟡┆ᡣ𐭩 .ᐟ
Ti tleng hi ni le mai rawh se aw, in lo chhiar thin avangin ka lawm e.
｡ﾟﾟ･｡･ﾟﾟ｡
ﾟ。chapter 4 naktuk zanah aw luv u
ﾟ･｡･
Show post links
Top