DARK DESIRES BY MAWITEI BAWITLUNG (Completed)

[mawitei bawihtlung]

DARK DESIRES


CHAPTER 3



Ramhnuai thim zetah chuan hmalam panin ka tlân mawp mawpa, ka hnunglam ah chuan ûm tu ka nei ve bawk. Ka theih tâwk chuan tlân mah ila a thim bawk nên ka tlan chak thei meuhlo. Thawk leh khatah ka hmaah mi rawn ding thutin min man bet zuia, ka tâl nghal nawk nawk mai.



“Che hlek suh, Dominic Johnson hmeichhia maw?” chu mipa aw chu ka hre ngai hauh lo, “Boss an rawn hnai zel a nia” tihri in a zui zat bawka. Chupa min man tupa erawh a nui hak thung “Rawn kal rawh se, a in kan enthla ta ro ro hei a ai a ṭha kan chân chhuah nawlh mai hi, he hmeichhia hi Dominic hmel phiangsena tân a pawimawh tih ka hria a lawm. Rawn kal rawh se, inring ula” tiin keichu silaiin min tin zuia.




Hnung lama min ûm tute pawh an rawn lang har lo, chutia miin min lo man bet an hmuh chuan an ding chawt hlawma. “Dominic rawn chhuak ta che, i hmeichhia hi i rawn chhan ngam dâwn em?” tiin min man tupa chu a au chhuak a, a nui uar uar bawk. Kei erawh thih loh rêng ka inring tawh lo, Dominic-a hian keimah avângin a nun derthawngah a dah duh hauh lovang, atân te chuan engmah ka ni hleinem;  a nau that tu bâk ka nilo.




“Mario de sanchez thih i duh a nih loh chuan kha hmeichhia kha rawn kal tir nghal rawh” a hote hnung aṭang chuan Dominic-a ngei chu a rawn pên chhuak chhat chhata, ka lo en reng bawk. A mitmeng chuan rum al a, min rawn melh zawk bawk “A teuhlo mai, nangmah avâng hian he ramhnuaiah hian ka awm rei tawh khawp a sin, ka lo enkawl chhâwk ang che. A nalh riau” tiin ka biang te chu a rawn nul thuak thuaka.




Ka rap bawk nên ka au ṭhat ṭhat mai, Dominic-a chu a rawn thaw hrawka “Mario ka that khawp ang che” tiin a silai chu a phawrh zuia, chuveleh chupa chuan  a silai chu a kau ri rapa, ka mit ka chhing tawp tawh. “Kal tir rawh, min cho viau a ni lo'm ni? Zaninah hian nang leh kei hian kan ching fel tur a ni, kal tir nghal rawh. Nge min cho tak tak lo” tiin Dominic-a chu a rawn nui haka.




A mitmeng ka en chuan eng emaw ti turin min duh tih ka hria, chuveleh in ngaihtuah in min man bet tupa chu ka kut hum ruhin a in rin loh lai chuan a kapah ka chum sak ta bura, a au nghâl tuar mai. A kûn nghal ngawih bawk, rang zet hian Dominic-a lamah chuan ka tlân pheia, min lo kuah bet nghal vatin midang chuan silai an hmet puak zuia.




Dominic-a chuan a hliahin min dahin a rum deuh haka, chutih rualin min man tupa pawh a let nghâl tawp mai. “Boss i hliam kha” ti a pakhatin a rawn hnaih chu Dominic-a chuan a lo khap vata “An ni ho ruang kha chingfel vat rawh u, ka ṭha” tiin keichu min kalsawn pui zuia.




Min be loa, ngawi reng hian in lam pan chuan min lêt pui mawp mawp mai. Ka tlanchhiatsan in ngei lam ka pan leh tih ka hriat chuan ka phur mawlh lo, chutih rual erawhin ka nunna engvanga chhan leh si nge a nih tih ka hre hauhlo.



A in kan thlen leh chuan maid ho chuan min lo buaipui zung zunga, kei erawhin a hliam tih ka hriat ve kar avângin êng ah chuan amah chu ka ena, a bân aṭanga thi chhuak ka hmuh rual chuan ka hnaih nghâl ruak mai.




“Ka ṭha” alo ti tawi tûk a, kei erawhin engah mah ngailo in maid ho chu hliam tuamna vel la turin ka ti a, a thi nasa bawk si. A phallo chung chuan a kawr chu ka phelh saka, ka nunna a chhana, rulh lêt chu ka tih tur a ni. A ban chu silai mu in a thawi a ni ngei ang a kak phei riaha.




Maid ho damdawi rawn lâk chu phawrhin lapua chuan ka hruk sak mawlh mawlha, a ni pawhin engmah a lo sawi tawh lêm lo. Damdawi chu hnawihsak in ka tuam sak mawlh mawlha, ka hawi chhuah rual chuan chiang zeta min lo enin a ngawi renga, a hmêl chu rum hle mahse a hmêlṭha chiang a lawm.



“Ka zo” tiin ka kûn ta daiha, chutah ka khabe ah rawn dawmin maid ho awm lai pawh pawisa lo chuan min fâwp tawn tawn mai. Ka dawh tawpa, lo awm sawn emaw pawh ka tum lo, ka lung chu a phu dawt dawta, ka thih teuh zia te chu ngaihtuahin thih ka la zuam loh zia chu ka hre chiang hle bawk.




“Boss kan tifel tawh e” a hote aw a rawn chhuah tâkah chuan min fawh-na chu a duhtâwk ve ta chauha. Kei erawh ka ṭhu ngawi reng thung “Ka room-ah lo han chho rawh, tin i tlanchhuak leh a niha buaina i tâwk a nihchuan ka pui tawh lovang che tih hre rawh, kha pa lo pawh kha he in i rawn rah luh rual khân hmelma i nei tih hre reng ang che, i duhthlanna a ni e” tiin a tho chhuaka.



Pawnlam pana a kal chu ka en zui reng, sawtiang em em a mihring sang leh pian nalh si saw an awm theih pawh ka ringlo. Sâng tak tak chu awm ve bawk mahse a pian ang a in phut mawi erawh an vâng viau ang. Thaw hakin a room lam chu ka pan chho leh hnak hnaka.



Maid ho phun sar sar pawh ka hriat hmaihlo, Dominic-a nên kan awmdân chu an sawi tih ka hailo, engmah sawi lêm lo chuan ka chho tlanga. A room ka thlen rual chuan inbual faiin a bathrobe bakah a mut kawr hak loh a dah chu ka hak sak tawpa, a kekawr erawh ka hak chi a nilo, a kawr ringawt pawh ka tân chuan ka mal te a thleng dêr.




Khumah chuan lawnin ka tlân hah bawk nên ka mu nghala, ka chau riau bawk nên engmah ka ti peih meuhlo.


Zînga ka harh chuan ka kâwngah tu emaw hian min kuahin ka hnungah a thaw sak saka, Dominic-a a ni tih ka hre nghal, che sawn mai lo chuan ka mu leh ren râwn a, engvanga ka thih duh viau si kha mihring lak aṭanga nunna pawh chân huama min chhan chhuak leh si nge a nih ni? Duh nise min kalsanin thi turin min hnutchhiah thei reng si a.




Hepa awmdân hi ka hrethiam thei ngai dâwn lo a nih hi, ka che deuh hlekah chuan a rawn harh tih hriat takin ka dulah chuan a rawn hmer salha. Alamah min kuai her nghal zat bawk, a na khâwn fuh hlau taka ka awm lai chuan a ni erawhin a mitmeng pâwl ram chuan chiang zet hian min en leh tawha.




“Engvanga ka nun chhan nge i nih? Ka thih i duh zâwk ani lo'm ni?” tiin ka phun chhuak sapa, a ner deuh sawk chu ka hmu thei. “Duh e, mahse ka kut ah ngei hian i thih ka duh, midang kutah i thihin ka phuba lâk na a ho lam dâwn lutuk a sin. Ka sawi kha awlsam tak chuan ka thih tir mai mai dawn lo che” a tihchuan ka nui sak ringawt.




“Ka nun chu i ti hrehawm tâwk tawh viau a lawm, ka taksa a na min pêk zozai pawh hi i unaupa ka tihnat aia nasa chu a nih tawh hi. I unaupa thlavang i hauh viau laiin a bialnu hlui mutpui erawh i hreh leh si lo, i tenawm hle mai” chu thu bâk sawi tûr ka hrelo, Alfred kha rawn tho leh pawh nise ka pawm leh tawh lovang, min phatsan hmasa tu avângin hetiang tak hian ka tawrh a ngai ta si a.




“Huh ka nau tih loh ka tih sak mai ani, ka huamchhung aṭanga i tlanchhuah man chu kha i thi ṭep a nih kha. Hre rawh i tlanchhuak leh a nihchuan keimah ngei hian midang kutah ka hlan ang che” a thusawi zawh rual chuan room kawngkhâr chu rawn in hawngin abialnu chu a rawn lût zuia.




Chutia khum khata kan lo mu chu a au nghâl tuar tuar mai, ka inrin hma chuan min rawn hnûk thla zuia. Ka taksa na ka khawng fuh leh bawk nen ka ner sak mai, min rawn khawih zawm a tum chu duh bik lo vin kanlo pawt thlu ṭhuai a, hnek mai ka tum lai chuan Dominic-a chuan min nam per lâwp mai.




Chhuatah chuan ṭhu rengin ka en tawpa, a bialnu chu a pawm kâng lâwp mai. Chunu lah chu a la ṭap ang zuah zuaha, ka thaw ham ham mai, muangchanga tho chhuak ṭaih ṭaihin ka in beng faia, tûnah chuan min tawk leh tawh hauh lovang, a duh leh a bialnu a chhan em em reng hi khawih rawh se.




Ka room lamah chuan lutin chhûnglam aṭang chuan kawngka ka kalh hmaka. Ka thawmhnaw chu thlâk in khumah chuan lehkhabu chhiar in ka mu mai maia, reife hnuah ka kawngka chu rawn hawn tum tih hriat takin thâwm a rawn awm nghal bawk.




“Lilia kawngkhâr rawn hawng rawh” thinrim insûm tih hriat tak hian a rawn ti a, ka nui leh hak mai. Ka hawng âwm hleilo “Rawn hawng vat rawh” a rawn tileha, a sawi nawk nawk bawk.



“I duh leh i bialnu chhan deuh bulah khân va awm rawh, hmeichhe pahnih mut pui reng chu a chauh te pawh i chau ve lo em ni? I hur na kha ti reh rawh, i duh leh i bialnu kha mutpui la a tâwk, keichuan ka mutpui tawh lovang che. Nang mutpui che ai chuan thih pawh ka duh tawh zâwk, min rawn hnaih tawh suh. Englai pawha mittui ti tla thei i bialnu bulah khân awm mai mai rawh” tihmakin ka lehkhabu chhiar lai chu ka chhiar zawma.



A rawn au lehna pawh chu ka chhâng peih tawh lo. A duh leh tisawn hrawk puar vek khawpin au rawh se, “Engtia rei nge i inkhung theih kan hria ang chu, he kawngkhâr hi ka tihchhiat vaih chuan i chan tur chu a nasa lo khawp ang” tiin a kalsawn zuia, ka thaw hak mai.



Kha a bialnu mittui ngah zet kha engvangin nge a mutpui mai loh. Mi lep lerh lutuk, a bialnu lah khân chân a hlauh hmêl si, min mutpui tih a hre reng chung pawhin engmah a sawi ngam lo a nih kha. Khatiangin ka awm ve duh teuhlo, Alfred ka ṭhen chhan pawh kha a ni rêng bawka.


Ka tâna rinawm theilo tûr lakah rinawm ka ba bik lo, chutih rual erawhin a inthah man chu kei hian ka tuar a nih hi. Rawn tho leh sela a hmaiah na taka bena a hrehawm min tawrh tir zozai avâng hian hremna pêk ve ka duh, a unaupa mi mâwl zet pawh hi duhtawka ṭawng khum ka châk bawk.



An ni unau avânga ka buaina tawh zo zai hi ka khamin ka unaupa ka chân phah a ni si a. Ka u ka ngaihtuah a ka ngai takzet, a ruang tal hmu ila chuan ka tuar thiam deuh tur. Ka mittui chu a rawn hnam leh pâr a, ka pa in duh lovin min kalsan a, hmeichhe dang nên fa neiin nun nuam tak an neia.




Keini unau erawh rethei rêng rêngin kan inhlawha, mahse kan hlim lo ngai bik reng reng lo. Ka u anga min hmangaihtu kha an awm tawh kher lovang, a nau ka nihna angin a theih tâwkin ka duhzâwng lei nân a inhlawha, keimah avângin a insual fo bawk.




Ka insut chhuak leh hlawp hlawpa “U ka tihpalh, keimah vâng vek a ni. Ngaihzâwn loh tur ka lo ngaihzâwn vâng vek a ni, Alfred kha lo tawng lo ila chuan kan unauin hlim takin kan la awm tur, u ka tihpalh tak zet, i nau ka ni hi i tân vanduaina ka nih hi” tiin ring tak chuan ka ṭap chhuaka.



Ka ngaihtuah chian pauh leh ka rilru ana zual, Dominic-a huatna ka nei nasa sauh bawk, a ni hi tawng lo ila kan unauin hlim takin kan la awm mai tur, engvang nge ka lo tawn kher kher le. A hmaah ka in lan duh lo chung min rawn zawng hmu a, a nau avânga ka tawrhna hre chang lo lêkin a nau thihnaah min la mawhpuh zui a nia.



“Lilia alfero kawngkhâr rawn hawng rawh” ka ṭap ri a hria a ni ngei ang, a rawn sawi nghal nawk nawka. A tâwpah maid a ni ngei ang, chahbi la tur chuan a vin zui tuar mai. A in a nia a room chahbi chu a nei vek tak ang chu, ngawi reng chuan ka insut faih faiha, ka room-a a rawn luh rual chuan en pawh ka en duh lo.


“Engvanga ṭap nge i nih? Min hrilh rawh, engvangin nge i ṭah?” a rawn ti chu amah chu enin a âwmah chuan ka chum nghal vak vaka, “Ka u ruang tal ka hmu duh, khawiah nge i dah bo. Ka u kha min pe lêt rawh, ka neih chhun a ni a sin, i nau kha ka that lo ka that lo tih i hre reng a ni lo'm ni? Ka u kha min pe lêt rawh” tiin ka au khum tuar tuara..



Chutah ka dârah rawn hmerin “Ka nau kha ka neih chhun a ni ve tho a sin, nang hian a rilru tina in a inthat ve tho a sin. Kan inrul tâwk chiah zâwk lo maw? Ka nau nunna kha min pe lêt thei bik em?” a rawn ti chang hrawka.



Ka mittui nên chuan ka en reng ringawt “I nau khân ka hmuh lai ngeiin hmeichhe dang a mutpuia, chuti chung chuan ka ngaidam anga maw? Teuhlo mai, a duh duha a tihkual tur ka ni bik lo, min phatsan avângin ka ṭhen mai a nihkha, chutah chuan enge thiam lohna ka neih? Nang chuan pawi sawi miahlo ka u leh ka ṭhian nunna i la tih i hria em?” tiin ka ṭap chhuak leh rawih rawiha.



A âwmah min kuah beh rual chuan na zet hian ka seha, ka ṭap khûr zui dar dar bawk. “Ka hua che ka ngaidam ngai miah lovang che, i nau nunna chiah i ngai pawimawh a, ka u leh ka ṭhiannu khân tihsual an nei ve reng reng lo, ka tihsual lian ber chu i nau ka lo ngaizawng kha a ni. I nau thihna chu i dah liana, engvanga ṭhen nge ka nih tih lam i ngaihtuah lova tiraw? Nihpui kha a phu tawh lo rêng a ni, min hmangaih ti chunga hmeichhe dang mutpui thei tu a nih kha” tiin ka ṭawng chu a seh chilh deuh haka.




Min chhâng tawh lo, nghet zet chuan min kuah beta. Tûnah chuan thinrim âwm pawhin a awm tawh lo, a ngawi rûn reng ringawt. Ka ṭahna avânga ka taksa kâng leh âk ṭhin chu min pawm nawlhin khumah chuan min mut puia, engmah kan sawi tawh lo ve ve, ngawi reng chuan kan mu dûn a; biak châkna pawh ka neilo.




Ka tukkhum zâwnah chuan a thaw ham hama, engtin mah min tih a tum bik lo nge a ngawi rûn renga. Kei erawh ka la lungchhia nên ka inhnit leh faih faih ṭhin “Ṭap tawh suh, ṭah khân awmzia a nei tawh lo, mitin hian kan tâna pawimawh te kan chân vek. Nang angin ka ṭap ve kher lo” a rawn ti chu alamah in herin ka melha.




“I ṭap lo a nimahna ka ṭap duh a nimai a ni, nang hian hmangaihna leh khawngaihna pawh i nei ve dawn em ni? Mahni hmakhua chiah i ngai a nih kha, nangni unau hi tawng lo cheu ila hlim takin ka la awm thei tur, ânchhia in nih hi ânchhia” tiin ka phun sapa, a hmêl chu a nelawn leh tawh loh viau mai.




“Ka enliam mai che avâng hian min zuam hauh suh aw Lilia, ka dawh reng dâwn hauh lo che a nia. I thiam famkim bik lo tihchu i inhria ang chu maw? Kan unaute tân ve ve kan bei tih hi hre reng ang che” tiin ka ṭap pawh pawisa tawh lovin ka hmuiah chuan a rawn fâwp buan buana, namsawn tumin ka che ve bawk.



Ka chungah bawk kaiin mitmeng tle sar hian min ena, a hmêla phur hmêl lang chu ka hmuh hmaihlo. Ṭawng chhuah tuma ka an zuau lai chuan ka thil tum a rawn langa, hei hi a ni lo'm ni ka duh chu ni, a duh a piang ka pe anga. Min hmangaih turin ka siam ang ka ti a ni lo'm ni? In ngaihtuah harh thutin a nghâwngah chuan ka kut ka rawlh lût a, keimah zâwk chuan ka fâwp lêt hmiah bawk.




Ka chêt dân chuan a ti ham haih deuh nge chetsawn mai nachâng pawh a hrelo, mahse harh chhuak thut ni âwm tak hian ka thawmhnaw chu a rawn phelh zung zunga “Nang hian min mamawh ka tih kha, min hnar reng thei hauh lovang” a tihchuan ka nui sak ringawt, kei min hmangaih hunah na takin ka siam ve dawn tih reng a hre silo.




A thinlung ka ti kehsawm vek dâwn a ni, a taksa chu ka fâwp kual dan dana. Keimah ngei pawh ka danglam lo theilo, a rum hawk hawk a ka hnute vêl chu a fâwp kual ruai bawk, a thawmhnaw chu phelh sakin a duh ang a a chêt theih nân phal takin ka taksa chu ka hlâna, duhthawh zet chuan kan che dûn sauh sauh mai.




Ka taksa khûr dar dar chu min kuah betin a rawn nawr na sauha, chutih rual chuan ka kaw chhûng chu a lum lût pap pap bawk. In kuah chial chuan kan mu a, ka chung aṭang chuan a la awmsawn lo hrim hrim, a chêtzia reng rêng chu a lutuk vek a ni.



“Lilia” ka sam chu rawn hui kiangin ka hmuiah chuan a fâwp zauh zauha, kei erawh ka zawi ngiai thung. A hmai vêl chu a thlan dapa, a sam hma chu a chalah a bet thlar bawk, ka thaw halh halh chu min enin min nuih saka, ka chalah chuan fawpin ka sirah chuan a rawn mu zuia.




Min kuah nghâl hlun mai, hmangaihna ah ka tlûk luh tir ngei ang le.


NEXT ṬANG IN HER HRET HRET ANG