ROGER BY Piani Thlauhthang Piani (Completed)

[ngaia]

Chapter 3




ROGER POV


Lei a bawkkhup reng chu en in ka nuih mai loh nan ka kiai suk, ka nau aw vin zet in a " u iti mah mah" ti a lei a bawkkhup zawng a tlu chu buaipui in a kai tho a, kan mi kawlhtei pawh a zak ve ngang nge kun chhal chung hian a ding khawng lah a, ka nau in a thawmhnaw bal a ben fai sak lai te chuan a phun nang nang reuh a.








Ka In thiam zan bik lo na a chu erawh tih lan tumna ka nei lo thung Deric an kawlhtei a that leh that loh thu a zawh chuan ka ner sawk. Ka kal pel nghal hmak lo in buaipui vel teh se reiloah deric pawh in min lo um pha ve ta vat a ka dar a min lo kuah chung hian" tu maw a hming itih kha"! atih chuan chhan enah pawh ka en lo








Ka chhan mai loh vang nge a zawhna ngai bawk chu min zawt leh in" sawi teh "atih hluk chuan ding chawt in chiang zet hian ka en run a " enga tan nge itih " ka tih ve hluk chuan nui suk chung hian " enga tan nge ka tih i rin "!tiin zawhna min zawt let daih a Rum nghut in ka pen sawn leh nghal








Ninawm khawp a min zawh takah chuan " Lalrindiki anih kha" ka ti hmuk A hming ka lam rik zawng a ka mithlaa alo lan vang chuan lu ka thing ngut "Lalrindiki " ti a phun sup tu chu en zeuh in kal ngai chuan ka kal leh a " a no i nei mial lo maw" atih chuan ding chawt in ka en ren rawn a " a no chu enga tan nge ka tih anga "tiin lawm vak lo hian ka melh ngur a








Ani lah taka enga tan nge a number te chu ka tih ang, hmeichhe tam tak massege hawn loh ka neih bakah min duh tu tam tak karah ani " ngaihtuah chhunzawm duh lovin thaw hawk in ka pen sawn leh nghal " ti teh bawiha a hmelthatna leh duhawm rukna kha i hmulo ani ngei ang maw hetia i en liam a i ngawihpui mai mai danah hian" tiin a nui huk a









Khanu te khan eng mawina nge a neih ang duhawm tih thumal tun lawk khan ka thianpa hian a sawi em kha, ka nui chhuak hawk eng duhawmna na nge a sawi ni ka nuih chhan hre lo a mak ti fe a min en tu chu siai zeuh in" ani mahna"! tiin dar ka san ak" a tha e anih chuan ka try dawn a a hnu leh zel ah buaina i zawng tur anilo i in lam let lo chiah ang maw "!tiin ka kal lai chu min chelh ding a









Ning lutuk a thaw la hawk in" ok engatanmah ka ti lo a tha em, i duh leh try rawh" tiin ka nuih suk Kei hi engti kawng mah in khanu te vang khan buaina ka siam dawn reng reng lo engtin nge buaina siam tur ang te a min ngaih theih zawk ni.









Ni a sa tha in ka ding leh chawt deric chu en run run in" i duh chuan naktuk atang ke in i kal thei ang kei erawh vawiin hi a vawi khatna ania a tawp na ani bawk ang "!tiin lawm lo zet chuan ka pen sawn leh a Deric chu nui chhuak hawk hawk chung hian " awle kei pawh ka in chhir bike kha lo keng hle hle ila tha tur" tiin A phun ve nuah nuah a








Kan dam a tunah chuan week tur a kan ni hmasa ber pawh kan thleng ta reng mai Group hrang hrang din niin , Su te chung group hrang hrang a chuan kan in sem darh a, teacher te pawh group a chuan sem ve zel an ni bawk vanduai thlak takin ka nau te thian dun ka group a an awm a, duh lo teh mah ila lehkha hmanga pawt vek kan ni nen ka sawi buai theu ta lo







Kan group ho awmna tur a chuan thu in sil pulin chu ka siam tha mawlh mawlh a, hmeichhe aw in a" puih i ngai em" atih chuan en vut in ka thil tih lai bawk ka ti leh nghal Siam bawk chuan " iva thleng hma reng reng ve "=atih chuan nuih suk in " nang pawh"! tiin ka thil tih lai ka zo fel ve chiah a ka ding mar nghal vut







Min chhan dan tur a hre tawh lo nge za lo tih hriat deuha nui in a en ngai en in a thu ve ta reng a. Rei fe kan ngawih dun hnu chuan amah bawk chuan " tinge min reply duh miah lova" tiin min en kar chung hian ati sep Ka tui in lai chu chhin tha mawlh mawlh chung hian" ka hman lo i hria e " ti chauh chuan ka chhang leh tawp







Mipa tawng zawt zawt mi ka nilo inah erawh ka nau neihchhun ka ti lui ve fo, mahse mipa ni zawk zawk ang chi erawh ka ni hauhlo thaw chhuak hak chung hian" ka ti mah mah ani ange"! ti a ding in midang te awmna lam pan chuan a kal a Ka en zui a ka ti mah mah zawk em nilo ti mah mah lo, ka be chak lova ka be lo mai zawk ani









Ka hmeltha em ka hre lo be tu leh hmaichhana fak tu erawh ka nei nuk mai, bialnu tih tur ang hi ka nunah hian an la awm lo, hmeichhia ka pawh leh ngainat ka fiam tam ber te chu ka nu leh ka nau te an ni, abak tih loh chu tumah hming hmer in ka la fiam ngailo keima tawk a ka luck ve viau mahse min hip tu tak ka la tawng lo nge heti chen ka single tak hi








Chutia ka ngaihtuah na ngawt kawm a ka thut lai chuan hmeichhe au lauh lauh ri vang chuan ka hawi chhuak vut. Ka ner nghal sawk ka nau duh tak leh kha a thiannu kha scooty a in phur in ka nau zawk chu alo au chul a, kan mi dumtei chuan scooty alo khalh ve thiam tih ka hre ve chiah motor leh scooty bike vel dahna tur a an in dah fel hnuah ka lam pan an lo phei dun a anin chei dan chuan ka nuih ati za viau









Sport ve tur si in a kekawr lian hnekhnawk leh t shirt lian zet mai in bel chunga an lo kal vang chuan an a ka ti dawn nge an veng va lo ka ti zawk ang, awm ang lo lutuk ka bul an lo thlen rual chuan " u anu in i u pawisa ka pek kha 200 va dil mai rawh ati"! tiin ka nau zawk chuan pawisa min dil nghal zat








" chhunah "!ti hmuk a ding vut in ka pen sawn nghal chu ka nau phun ri in a zawm nghal pawisa hi pe duh lo ka nilova amaerawh chu tuna ka pek vaih chuan chhunah hman tur nei lek lovin min tlawn leh dawn tih ka hriat vanga la pe mai lo chauh ka ni.








Sport te chu kan tan mawp mawp a ka nau leh a thian duh tak te pawh item a tel silovin a au ring ber ber a an tang a ka lo nui ve suk suk zel. In kawm tur dik tak an in kawm ka ti lo thei lo ban a hun chuan kan motor dahna lam theuh panin kan a then an tlan chhuak hmasa a, college bus a chep zet a in hnawh in an haw ve bawk








Closing function hmang turin CYLA HALL lam pan chuan coat dum nen chuan ka kal a ka hnunga thu ka. Nau chu a tawng deuh lang lang chhelo min tih thu leh bialnu nei tura min tihna ri chu ka hre hne viau. A hmun kan thlen rualin ka nau chu chhuk in a phone phawrh in a thianu biak a tum nge ni dawn ni phone hmangin a kal sawn nghal a









Programe chu kan tan chho mawp mawp a, mipa ten kan hmuh chak ber leh kan nghah hlel ber chu a thleng dawn ta, mipa awmna len lam chu kan ri nghal huk a, ka nui ka nui ve mai hmeichhia te mawi leh nalh taka in thuam in an lo pen lut a, mipa lam thawm chu tha het het tak ani.









Kan hmeichhia te sexy leh nalh em em a stage a an chetla hmuh chu thil nuam tak ani ve reng reng, hmeichhia ten mipa mister tur an en dauh dauh laiin mipa te erawh chuan a sexy leh mawi piannalh kan lo au ve thung a, hall chu miss and mister thlanna hun kan hman chhung zawng chuan a reh hian a reh lo









A hnung ber a an lam rik hming vang chuan ka hawi chhuak vut, ka hriat sual nge tak tak Lalpa leh enge sawnu sawn tah sawn atih ve lalrindiki ngei mai chu kawr sen tle deuh sep sep a awm lang phir tai mai leh, a mal lang thui fe mai in bel chung hian nui sang hian alo chhuak a









Ka mit vai em ni ka mit chu chhing in ka meng leh a mahse ka mit vai mai mai anilo, amah ngei kha ani a taksa chuang bang awm hauh lo mam nalh em em chu en nin har tak ani, a ngo vuak lo na chu a vun rawng leh a kawr hak in chawih lutuk te, a kawr hak in a pian a pho lan chian em vang chuan a pian chu alo nalh tak zet








Ka lo chik ngai lova hetia chiang taka en chuan alo tha khawp mai, " i hmu maw ka sawi reng kha a no i nau ka dil nghal dawn"! ti su su tu chu en in ka tum nghal hmuk a nui hmel mawlh mai chuan tu mipa te mai pawh chu a cho phur ni awm hrim hian thawm hi a rik hian a ri hum hum a kei ka lo tum hmuk thung








Zawhna leh chhan na an neih laia english mam nalh leh fiah fai tak maia zawhna zawt tu te a chhan chuan min thawng dawt dawt hi ani ber, a hmel en mai te kha chuan english kawi hnih khat pawh a thiam lo tura ka ngaih kha ania, chutia an zawhna te bahlah awm lek lova a chhan zel te chuan ka bul vel a awm te pawh chu an phun mur mur mai
Show post links
Top