TUN HUN BY Piani Thlauhthang Piani (Completed)

[ngaia]

Chapter 3






A tuk zing chuan hma takah tho in tual te ka phiat a. Kawm thlang lam chu ka en leh zeuh zeuh thin in kawt a chempui tat chung hian u zoa chu kun ngur hian alo che malh malh a, nizan vang kha nge mawni amah te chauha chutia a che rak rak ka hmuh te chuan ka lainat thar lutuk








Ka teh khin thiam dan ber chuan putar tawh tak a nupui in a thih san vang a mahni te chauh a khawhar tak a awm, lunglen ruk na ngah deuh hi ang ka ti ber, " a khawngaihthlak asin" ti ri a chuan nasa lutuk hian ka phu dawr ka han hawi chhuah chuan ka nu hi alo ding ve reng tawh chu niin " thawm te nei ve ta che" ka ti hlar








Min en a chek hlak pah hian eng sawi zui lovin a thingpui no ken nen chuan kawmthlang lam pan chuan a kal a, ka zui ve ta vat u zoa in kawt kan thlen thlak rual chuan ka nu chuan " e kha chempui i tat elaw " ati nghal var a, hawi pawh lo hawi chhuak hleilo hian " um anih hi" ati deuh tawp a chhang bul hi ka lo ti lutuk








Ka nu chuan eng a hria ni maw a bula thut thlak ve pah hian" zoa hnuhpui lak te alo hun tawh dawn bawk nen kei leh i hriat angin ipa ngura chauh hi kan ni mai sia ni khat lek ilo in hlawh duh mial lo maw" ka nu chuan ati zui leh zat , engtin nge a chhan dawn aw tih ka lo ngaihtuah ruk nauh nauh lai chuan " a tha alawm" ati leh tawp








Ka nu chu ka khawngaih let ling zawk hetiang em em a mipa tawng duh loh tawp mai chu ka nu chu nui ver ver in" awi iti tak tak tiraw " ati leh hliai ka nu mah nise ka lo melh rawm rawm kei a fanu zawk pawh hetiang teh hawr hian min biak pawh ka hre ngailo " um" pa khat a lah chuan alo ti leh a







" a that hlauh chu tun kar nilaini a aw ni ang zing a feh ila ramah ei kan fak mai anga tiraw" atih leh chuan pa khat a chu a bu nghut, ka lo ner nawng nawng tawh " a that hlauh chu anih kan pa ka va hrilh ange aw chaw ei tui le mate nang pawh lo chhoh rawh buhfai lak te ka ngai rawng i bawl lovin" anu chuan ti leh in a chho ta nghal a









Kei erawh ka la ding ngawi reng chempui tat mek tu chuan mihring ngaih pawh hian min ngailo ni mai hian ka hre tawh, awm ve lo ang mai hian min en eih lovin a thil tih lai chu ati malh malh a, a bulah chuan thu thla ve in a hmel chu zing lam ani bawk a ka hmu chiang ta viau








Kum 30 chu a pel tawh in ka ring a vun chu hna a thawh nasat lutuk vang nge a thim ruih a, a mit khur pawh a thuk lam lek lek niin a biang leh a khabe a te chuan amah ti pa zual tur ni awm hrim a mawi hian hmul a to siar siar bawk , a tawp ka kharna a chuan zoa an tih pa hi mipa hmeltha leh chhelo tak ani tih hi ani









" bialnu i nei em" ka sawi zawh rual chuan ka in hum ruh vak, keimahin bul ka tan hmasak loh chuan he ka hma a ka thusawi hria awm anga lang miah lo pa hian a tan hmasa dawn miau lo min chhan loh vang chuan ner nang chung hian" bialnu i nei em ka tih chu" ka ti tha leh ngat, min la chhang duh eih lo ka lunglian a ko chhuak chiang lutuk








A chempui tah lai mek kutah chuan vuan in a tawp ve chawt, muangchang a min en in kan in en chiang bawk a tun lawka ka tih dan ang te kha chuan ka ti ngam tawh teuhlo , a mitmeng thim khup a chuan pawi sak reng a nei loh zia ka hmu , kum fe a nui tawh ngai lovang tih te nen lam ka hmuhsak vek thei anih chu









Ka kut chu la let zal zal in ka lak let rual chuan a chempui bawk chu tah leh tumin a che a, ka vuan leh nghal, a ning ta deuh nge rum nghut hian a tho thurh a min hnungchhawn in ain lam pan chuan a pen ta daih a, ka en reng ka rilru a lang zawk ang chuan ka au a ani pawh a ding ve chawt








Ti fuh in ti zet a ka lo nuih ver ver lai chuan muangchanga min lo pan pheiin a hmel leh mitmeng awm dan vang chuan ka tiril a khur ti tih , ka hma a tak lo ding in min melh chhuk run a ka chil ka lem ri khalh , nelawmna te miah lo hian" engtin maw min koh " ati nghut zam lo lui ve ngat hian" Zohmangaihsang" ka sawi zo hman lo ka khabe na zet a alo hmer vang chuan ka then chak chak









mitmeng sem rum a min en chung hian" tak zet" tiin a nui suk a hmel en mai pawha thinrim em em si chutia a nuih suk chuan ka hmul thi te a ding vek thei " ana ania" ti a min hmerna lak sawn sak ka tum chuan nelawm lo zet hian" ana ang khatiang a min ko leh anih ngat chuan hei ai hian ala na dawn bawk " tiin min thlah hnawk









In her a ain lam pan a kal chu ka khabe dawm chung hian ka en reng, eng vangin nge a hmingpuma koh pawh chu a duh lo viau ni a hming ani miau a ka ko ani ve maia, lungawi lo ru zet chung hian kan in lam pan chuan ka chho hnek hnek ka ngaihtuahnaah chuan eng vang a ahming puma koh pawh chu duh lo viau nge anih ang tih ka ngaihtuah rauh rauh








" iva rei ve ipa nen kan va la ang buhfai chu zo buh rin reng zawng vawkchaw a pawh a hautawk em mai rawng kha lo bawl zung zung rawh ipa feh a duh bawk si " ti a ang hlak hlak in ka nu leh pa te chu anin zui chhuak a maian ka hih mawlh mawlh lai chuan teberi chu tum bur chung hian alo lut a








Ka ep chiah a thutthla pah hian " anu em em hi chu ka nu tak anih pawh ka ring lo, ka period a ka tai ana ve bawk nen chhunah vawkchaw zawng rawh min tia , ka tai ana ka ti chu ka sawi zawh hma hma in na na na hi ti reng suh i na thei bik lutuk i bulah hi chuan na pawh hi kan sawi ve hman lo ana kan tih rual rual hian kei pawh hi ilo te ve zel thei sim rawh, zawng ngei ngei ang che, period taina te chu kan nei ve vek nang ang em em in kan zuau lo " atia ka ngei e tiin a tum vuau a









Ka lo nui ka lo nui ka nui tih a hmuh phei chuan lungawi lo tih hriat deuh tak chung hian" ti hian lawm thil hi sawi ila min tan a hnek in i nui zel a" ati leh hlak hlak " ai nangmah ka nuih lo che inu thusawi te kha lawm " tiin ka nui chhuak hak hak " Ngurchhingi ngur bak hlari ngur ek uih i ngur bal i ngur ang cheh i anih saw" tiin a nu chu a ngei thlu ve ngang ni tur ani a ang char char









Zing lamah ka thil tawn te chu hrilh ve in alo chek tlak tlak " i na lo chu azia engtin nge tiang chuan i tih ngam zawk le, kei a kum a kum star tu pawn hnai deuha ka bih a ka biak ngam loh laiin engtin nge a hming pum in koh ngam zawk a, duh in star ve viau mah ila bialpa tur leh pasal tur atan em chuan ka duh lo a vawt em mai lumna nei ve reng reng lo hi a ang ka ti ka rap tlat alawm" tiin a titi zui luam a









Hei tak hi ania hmeichhe dang te nen kan in an loh na , an ni chuan ti hian an star a an vei zui em em lova kei erawh chu ka duh tawh leh ka vei tawh chu thlahthlam mai mai ka tum ve ngailo mipa vawt tawk tak anih vang tak sawn ka hnaih chak zual a, sawtiang a upa em em pawh ni silova he khawvela a awm ve reng ka phal lo ti ila adik ber ang a uihawm lulai em ani








Teberi pawh haw in reiloah ka chhungte pawh lo haw in chaw te kan ei a, anu in u zoa hman tur thu te chu apa bulah chuan a sawi a, apa pawh a bu ve nghat nghat mai, " mate BA te pawh hei ilo chhuak ve ta reng a kal zawm leh chu duh viau mah la hetiang hi kan dinhmun te ani bawk si a tihian BA mite chung en ini ve tawh thova khuaah hian hna ruak te awm se tih dan te ngaihtuah ve in khua a hian awm ve tawh mai rawh aw" apa in atih sup chuan ka en vat









A hmela in thlahrun na leh in thiam lo hmel te chuan min ti hrehawm ve tak zet, harsa tak chung in BA te pawh ka kal ve bek bek a an theih tawp tak meuh chhuah in min en kawl a sawi dawt ngam silo in peh hel takin a sawi tih ka hre ve kar , bu nghat in" aaaa pa ka peih tawh teuh lo mai ti hian anu nen ram lamah ka puih ve tawh ang che u" tiin ka nui hak hak









" awi ramah ka kal ve ang iti ami khawi lamah mah nang hian engmah i thiam lo ange" tiin anu chu a tho zui nghal a , apa nen in en in kan nui rah rah mai chaw te kan ei zawh chuan in te ti fel in anu leh apa pawh ram lamah an kal tawh a nileng chuan inchhungah ka che ti ila adik ber ang









Dar 3 bawr vel chuan kan kawm thlang atang chuan keimah ang rual vel tho hmeichhe ang hlak hlak chu hria in tukverh chu hawng in ka en chiang a , a hmel tak ka hmuh theih loh vang chuan pawn a chhuak in ka hmu thei ta deuh, u zoa in bul lawk ami te an ni nghe nghe " ka future tur te hi ngaihtuah ve ta che zu i zuar a ka hre thiam mahse min zah na pakhat mah nei lova in chhunga i thian ten fiamthu thawh nan min hman laia i nui mai mai thei te hi ka hua a ka ten " tiin tap hawk in pawnah chuan ding in an in lam ni ngei tur en chuan a au tuar a








Keimah ang rual ti ila kei ai chuan a nau daih tih ka hre thei" mai mai chuan ka zu zawrh vang a hetiang dinhmun thleng thei inih hi i hria em lo lut teh, pa te zahna reng neilo chu i nu angin ka lo vaw hlum law law teh ang che" in chhung atang chuan patling aw hian ati vin tuar a thenawm te pawh an lo chhuak ve tak tak mai








" enge awmzia zonun enge thil awm zia hi puite tinge " tiin nutling leh patling then khat te chu an tawng ri nak nak , an upa viau hlawm bawk tar deuh vek an ni in ka hria , chhuk thla ve in an sir lamah chuan ka ding ngawi ran a" anu pawh kha ka dem lo hetiang ang mizia hi tu mihring in nge hrawn reng peih ang, zu i in hlek in i nu i chhun min tia na tak tak in min tawngkhum a, uire fanu inih hi min ti thul ka zak ve asin tinge hetiang tuar tur hian min pian chhuah tir ve a" tiin in sum tum deuh hian ain hnit hlawp hlawp









" mai mai chuan hmingthanpui eng maw ? i nu bula va awm ve tawh rawh ka rin dan phei chuan ka fanu tak tak inih pawh rinna chhe te mah ka nei tawh lo , i nu ve kha kan in neih reng lai pawn mipa dang a mutpui nual a chuta a mutpui zing a atu ber nge i pa tak ni ang tih pawh ka hre hrep love , khawngaih che in heti chen ka enkawl seilian che a khatiang tawngkam te min han hman khum vei le" ti vin hluk hluk hian pawnah chuan alo chhuak ve a








A tawngkam chu na hi ka lo ti ngang mai a fanu pawh lo nilo teh reng se sawi chhuah a mi zawng zawng hmuh theih a, afanu anih loh thu a sawi chu mak pawh ka ti, puitei an tih nu chu thu kun ngawt ngawt chung hian" i fanu ang a min ngaih loh vang ami i thian ten nawm nah tak tak a min fiam pawh a i nuih pui mai mai thin" ati ve tuar midang te chuan khap tum eng ang mahse an khap hneh lo ani ber









" aw aw engti pawn lo sawi sel che mah sela sawi tur kan nei ve ami , tih tak em a chuan khang nangmah chhaih tu te ho zingah te khan i nu lo mutpui tawk pawh an awm nuk ang chu lo ti let ila a vaw tu zawk kan mual pho mai mai ang sunhlu kungah thei dang arah ngailo an tih hi nangmaha hian a chiang lutuk nu siar siar" ati leh hluk hluk








Puitei chu ka en thin ka lainat ngang mai pa te ka atang a chhuak a chuan ana ve em bawk a" ka beidawng ve asin vawi eng zat nge i hriat miah lova ka tah i hria em, ka lungngaihna te, ka rilru natna te hi ka sawi chhuak ngai em" ti a ding chhuak in apa chu en kal in" i hre ve ngai tawp nang i zu rui i chah thlak bawrh bawrh lai te khan ka khuma thlamuang lo deuin ka mu thin asin i hria em ? kan in chhungah i thian chatthla ten min khawih luih hlau ru zet a mu mumal lova thawm awm hlek a vawi eng zat nge phu zawk zawk a ka awm i hria em" ati zawi sep








A tawng ri a ringawt pawh a nat zia ka hre thei chhungril tawt lutuk pai thin nat luat lutuk vang a in irh chhuak hi a ang ber, " pa i hria em vawi eng zat nge ka rilru natna te ka lungngaihna te hi Pathian bulah ka thlen thin hi i hria em? , ka mittui tla hi ka khum a ka lukham te leh ka rizai sin te chiah sawn asin min hruk sak thin, thlamuang leh hahdam taka i muthilh lai khan mut pawh mu tha ngam lovin ka taksa ven him nan thawmhnaw eng zat nge ha a khuma ka mutpui thin pawh i hre ve nang" ti a rak tuar in a tap leh a










Apa pawh chuan sawi tur a hre mai lo nge ngawi reng hian a fanu tap lai chu a en ngur a, a kut lehlamah thing fak a ken pawh chu a hum ngat ngat mai, " miten min en tleu hlau in theihtawp chhuah in nun zahawm tak neih tum in ka bei ve asin. nu ti a ka koh ve in zu a zuar a mipa ten an awm chilh a, he lamah nang in zu i zuar leha hawi ngaihna te hi ka hre lo, veng chhak lamah anu a hmingchhiat em em laiin veng thlang lamah nang ini leh a mihi in ngaihtuah ve ngai em anu uire nu itia nang pawh enge inih vak bik nuthlawi lo kal se min zah pah miah lovin an taksa i dai hreh ngai chuang ami" a sawi zawh rual deuh thaw chuan apa chuan a tingfak ken lai chuan pan hnai in a vaw ta mai








Ka lo rak that amah lo chelh ve tu te lah chu putar pitar in lam nghak thei ve tawk tawk vek hi an ni si, puitei chu a lu a thisen chhuak khawp a avuak takah chuan en thei ngang tawh lovin tlan phei in puitei chu kuah in ka bek zawn chu a thip nghal zawk, mahse ka kuah beh mek chu ka kalsan duh chuang lo a thi nge mawni a zawi vek leh ta nghal










Min vuak leh in ring ru takah ka maimit chhin lai chuan thawm chu reh duk in mipa thaw tha theilo thaw ri hrawk hrawk ri a chuan ka dak chhuak a, u zoa chuan puitei pa chu a hrawk a lo rek bet in a bek zawn a thisen zam te chu a pawng tawlh tawlh thei ,a reh beh pa chu a hmai te asen vek chuti chung chuan u zoa chuan ala rek reng tho









" eeee bawiha thlah tawh rawh a thi mai ang thlah rawh " ti a putar pitar hoin an tih tak sap sap chuan u zoa pawh chuan a reh pa chu thlah in leiah khuh bawrh bawrh chung hian a hrawk nuai in a thu sawp niai a, "a zia lo e mai patling pui si i zahpuiawm mah mah " ti a putar pitar hoin an tih liam liam lai chuan u zoa chuan min lo en vut in a mitmeng chu ka sawi thiam lo a sen vek a rapawm tak ani.










Lei a thu sawp niai khuh deuh kharh kharh chu thutchilh leh vut in a kawr hak awmah chuan tham sak a hnaihchilh in " mipa ini lo em ni nge ni a i kawr hnuai a awm hian ati pa chawp zawk che i kut hmawr pawh a buaina siam zawng a i khawsa a i awm leh anih ngai chuan ka nunhlui engkim hre tu inih kha min ring rawh i rin phak bak aia nasa in i duh loh chen chen ka kal ang" ti hluk hian a ding chhuak vut









" awi puitei chu a harh thei lo em ni ka lainat mange aw " tiin keini pahnih in kuah chu min lo buaipui vat hlawm a, pitar putar lu a sam var vau tawh te chu ka zah lutuk, putar pakhat in min kaih thawh chuan ka lu a hai deuh bawk nen ka pai nak ka kut vuan tu an awm vang chuan ka en chho nghal








U zoa chuan mitmeng dam ruih a min en in " i tha em" ati sup phawk zet a ka lo en lai chuan min en tawh lovin lei lam chu a en a harhchhuak zawk in puitei lam chu ka en ve nghal apa in a vuak na alu atang chuan thisen hi a chhuak nguai nguai a, ka tha a khur nghal der der " hetah hian lo ding rawh" ti sup a u zoa chu kun hniam in lei a puitei chu pawm nawlh in a din pui nghal a









Pen hnih alo pen hnu a ding leh in kei chu min en a " lo lut rawh" ti leh in ain lam pan chuan a kal a " e khai mate kha i bek pawh athi ve anih kha lo kal rawh damdawi te hnawih teh ang" tiin ka bul vela awm te chuan min kal pui a u zoa in lam pan chuan kan in zui hlawm a
Show post links
Top