CHHUNGKAW CHHEHCHHAWL NULA BY Engtea Fanai (Completed)

[ngaia]

Ziaktu: Engtea Fanai
Bung 3 na

Thlasik a ral \ep tawh a, kan kawmthlang nimpata hnah te leh thngkung dang \hen khat te chu an hnah a tla kawlh vek tawh a, kan chhak sikul tlang a\anga hmawng hnah rawn tla \il er er \hin chu ka ning \hin hle a, an school hian kih an phal bawk si lo, hnawmhnawk min siam reng mai a ni, lehkha zir hma, hian kawng sir vela hmawng hnah ro chu ka phiat \hin a, Nikhat chu U hriata class kal lo chuan min lo phiah pui ve tur tur a. kan infiamin, kan inchhaih dun zar zar a, ninawm e, khing hmawng kung te khi a len tak tak hmain kit mai se, nakinah an kih ala ngai dawn tho tho ka ti hlak hlak a.
U hriata chuan a amwi em khi, a rawn tih chuan, rang zet hian, khitiang thing ro a nih tawh ber khi, a hnah \hil ringawt pawh hi ka hne” tiin ka chhang vat, U hriata chuan, \hal a nia, heng hnah hlui te hi an \il zo ang a, nakinah a hnah thar, a nghet zawk a rawn chawr no leh anga, an rawn tla mai mai tawh dawn hleinem. Ala mawi dawn chauh tiin kan chhaka hmawng kung tuai chu kan en a, school naupang chu an lo in um ziai ziai bawk a, kan chhak kawngpui phiah hi chu Nu Rini nen hian kan hna a ni mai a, midang chuan an phiat hman \hin lo va.


Kei aiin Nu Rini’n a ngai thei lo zawk, nia, a phiat ngun zawk miau va, mahse khua a lum tak tak chuan amah ber hi he sikulah hian han chhoin, he thingkung hnuaiah hian kuhva ei sen suah suahin, an cook te nen mi an rel \hin, a nuam ti ber ber ah a \ang leh tho zel. Kan Nu Rini hi chu hriatthiam hi a har ve em.
Nia,, a mawi \hin alawm, mahse an mahni te khian rawn phiat ve se, ka ti leh kher a, aw,, chhehchhawl hna a tih chuan ka tum bar bar a, ka titau , u Hriata chu be zui miah loin, hmun ka phiat zui mawlh mawlh, min rawn fiam zuk zuk a, keichuan I ninawm tiin ka ngaihsak duh miah lo, U Hriata chuan zawi te hian, keichu Bialnu ka neih chuan chhehchhawl ka nei ang, an sual ngai lo, tiin a phun sep a, ka nui var var. Chumi ni a\ang chuan chhehchhawl nih chu ka zah pui tawh ngai lova, ka ngaisang thar tlat.


Hun a kal ve zel a, kan exam ni a lo thleng a, ka huphurh ang reng hle, Mahse U hriata chuan zam lo tur leh keimaha a \ha thei ang ber chhuah turin min fuih a, duhsakna min hlan bawk, chu vang chuan phur takin exam chu ka hma chhawn, tichuan ni a liam a, kan exam pawh kan ti chho ve zel a, gap tam lutuk hian min ti chau zawk,kei chu exam zung zung ila, zo vat vat ila ka ti, lehkha zir boruak hi ka hne tlat.


Ka phak tawkah ka ti \ha ve viau chuan ka hriaa, ka Nu leh ka U lahin min duat si, chhehchahwl Life kha lalfanu life ah ka inthlak thut a ni ber a, keimah zawk hian ka zo lo lek lek a ni, U Hriata leh christyi leh school a ka \hiannu Ramrami leh chawl lova min hmangaihtu Bena te nen chuan kan inbia a ni mai, Bena hi zawng a ngaihna a awm thlawt lo, min duh ve em a ni. Amah lah hi a in la pa ve bawk sia, mahse mi hi a care em em zel bawk sia, ka duh loh thu chu tlang deuh chuan ka hrilh tawh a, mahse ka lo nghak ang che min ti tlat a, um, Ni mai mai teh se ka ti ve ta ringawt a nih kha.


Kan exam zawh dawn zan a ni a, subject khat chiah exam tur kan nei tawh, U Hriata chuan bialnu a nei tih thu ka hre ta hlawl mai, Ramrami hnen a\angin a ni, ka down rawih a, lehkha pawh ka zir thei lo, U Hriata chuan in exam zawh chuan ei tur tui tawk ka treat ang che tih msg min rawn thawn a, I duh leh I bialnu I treat dawn nia, ka lo ti hmak.
Tunge bialnu ka nei ti, tiin min rawn reply leh keichuan sawi kher a ngai lo, tumah ka be peih lo ka tih chuan, I thik a ni maw tiin min rawn reply ve leh nghal, Thik mai mai lo, ka mood a fuh lo hrim hrim , lehkha pawh ka zir peih lo, ka ti a, U Hriata chuan “tak tak a, kan senior a nia, hmel\h ka tih deuh mai a nia, min rawn bem ve hlawl a, an chhuah kum tawh tur te a nia, kan chhang ve mawle” tiin inthlahrun hmel deuh chuan min rawn reply leh a.
A nih chu, tih chauhin ka reply, U hriata chuan eng pawh nise, lehkha zir \ha la, thil dang ngaihtuah suh, kan inbe leh dawn nia” tiin msg a hnut chhiah leh.


Engatinge ka lo thinrim ve ringawt, U hriata tan khan a ho ngawt ang, a nau pakhat, a ngaihzawng neih vang maiin kalo thinrim ve a ni mai a, eng teh ualah a ngai awm si lo, ka duh thu hi ka hrilh ve tawp mai dawn emaw ni, a chi loh lutuk, dam chhungin min biak duh tawh loh phah ang.
U hriata chu ka h>l ru deuh zel tawh a, ani chuan engmah a hre thiam chuang lo a niang, a hma ang thoin min la be \ha reng a, keichuan kan inpawh hma ang khan awm leh zawk se ka ti tawh zawk a, a chhan chu ka duh vang reng ni lovin, ka duh a, ka duh avang ngawtin ka duh lo thei tawh si lo. beiseina vawi khat mah min siam lo na a, ka beisei tlat lawi si a ni.
Tichuan kei zawkin hlat ka tum tawh miau avang chuan U Hriata pawh chuan min rawn be reng ta lem lo, Exam chu kan zova thawven khat chuan ka thawveng ve huai a, mahse ka ngaihtuahnaah erawh U Hriata a awm reng a, nitin ka hmu a, chuti maiin ka duhna chu a bo ngawt thei lo a ni, Exam kan zo a, school kan chawl a, ka hna ngai chu a nghetin ka zawm leh ta.


Zing khat chu kan kawm thlangah dar a rawn ri leh teng teng a, exam lai chu ni se ka tho lo lui leh mai tur hi a nia, Mahse tunah chuan ka hna a ni tih ka chiang si, peih lo tak chuan ka tho chhuak a, |awih thei paih ni a ni a, kan bawlhhlawh dah chu a rimchhe deuh tawh leh nghal, zing kar boruak thiang lo tak ka dawng a ni ber mai, he ka hna hi ka hne tak zet, keimah ro roah ka rilru a hah ve lai a ni bawk nen, mood hi a dik thei reng reng lo, In ah pawh chuan ka tum deuh bar bar reng a, enge ka thinchhiat chhan em em pawh chu ka hre chuang lo.
U Mami chuan Nui tunlai I awm dan hi a dik lo, ho teah I vin vak reng a, duhaiin ka nu pawh I hnial nasa, I awm dan hi tunhma a ang lo tlat tih pah chuan chaw chu a ei a, hna kal turin a insiam zawm nghal zat a, chutiang chuan min zilh ngai lova, Nia, hetianga zilh ngai hian ka awm ngai lo bawk, phun ve bawk \hin mah ila, ka nu hian aw ka vin a, vawi hnih khat min biak tawh chuan ka ngawi mai a, a ngai angin ka awm zawm leh mai thei \hin kha a nia. Mahse tunah chuan an vin chuan anni aiin ka vin a, ka titau hmak hmak zel, ka awm dan chu ka inthiam lo ve reng, U mami pawh chuan a hma ang em em khan min fiam zui tawh lo.


A office kal tur chuan “Nui pawnah lo chhuak lawk teh min ti a, peih lo ru deuh chuan ka zui chhuak a, Ka u chuan ka nu hriat loh turin min zilh siam siam a, tunlai I nung chang I thlak lutuk hi in enfiah teh,, I tum bur reng a, biak I hreawm em em reng a, ka nu lah I vin let khar khar zel si, kha tih pahin rs 100 chu min pe a, min hauh avangin ka hlawh min bonus a niang, ahma in ka chhun thil ei na tur 50 aia tam hi min pe ngai lo, ka lawm ru hle, min tibuai peihin min hau peih ber ni mahse min hmangaih tih hi ka hria a ni.


Zan khat chu ka nu bazar a\anga a rawn haw tlai avangin chaw kan ei tlai hle a, zan riah dar 8;00 velah kan ei thei chauh a, thleng sil ka peih lo ru hle nghe nghe a, Mahse tukin lama U Mami min zilhna khan ka awm a ti nuam lo deuh a, inthlahrung ru takin phun miah loin thleng chu ka sil a, ka thleng sil lai chuan Nu Rini rawn lutin a rawn titi suah suah a, kuhva a ei sen suah reng mai bawk si a, hmuh hi a hahdam lo ve ngawt mai, tu emaw ber a rawn rel leh ngei ka ring a, ka ngaithla peih lo lawk, kan colony hian kan hre chiang a, mi a rel kual vak zel a, a rukin kan inhrilh vekin ka hria, mi a rel leh chuan lo ngaihthlak sak tawp ila a fuh ber tiin an inhrilh a, Ka nu pawh chuan a lo um liam vel mai mai a, kan parda zar a var bawk si,, hnung lam hawi te chuan a \awng leh zuk zuk a, a \awng per ang tih ka hlau ru hle.


Thleng sil pah chuan ka va mit mei zeuh zeuh reng a, U mami chuan ka thil hlauhthawn chu a hria a niang, min rawn en in a nui suk, ka nu chuan Lalnu, I Nu Rini hi thingpui han siam teh a rawn ti lar lar a, Ninawm thingpui hi a heh sia, a thingpui beisei rawn leng ani tih ka hre sa reng a ni, Kurtai kan neih lai a nia, Thingtlang lam a\angin Apu ten min rawn thawn a, a hre fuh lak lawh a, chaw eikham thingpui hang in hi a rawn nei ta ziah a, kan kurtai hi zo vat vat se ka ti a nia, ka Nu lah hian a rawn leng a piang hnenah kurtai kan nei asin thingpui in duh em, ka Pa te siam a nia, a lo ti zut zut ang a, In leng te ho lah hian “e, I pa te siam a nih chuan han in I la, an lo ti sam et ang a, an tih zawh rual rual chuan Lalnu a rawn ti leh ang a, Bawnghnute awm lo se, I Umami pawisa va dil la han lei rawh min ti leh ang a, chung zawng zawng chu Nu Rini thingpui tur ka siam rual chuan ka ngaihtuah chhuak vek.


Thingpui chu ka chawi phei a, Nu Rini chu lo nui varin, Nutei hi chu a fel a ni, kan colony ah hi chuan a fel ber mai, Lalchristy ve khi chu a ti leh nghal ka ngaithla peih lo, Hmanniah Lalchristy bulah Nui ve khu chu a che pawlawh lutuk min lo ti a, ka hre leh vek, lo \awng khalh vatin Nu Rin, kha a sa vak lo a nia, in nghal rawh ka ti a, ka \hiannu a rel na chu ka ngaithla peih ngang lo a ni, a thingpui in tur chuan a kam sir a, kuhva kai chu a han tuai puat a, kan pardaah chuan a hru a nih chu, Awii,, Nu Rin, kuhva eina sen iti kai ka tih chuan ka Nu chuan Ahh,, heng te mai mai kan su leh mai dawn alawm a ti a, kal tau nghawng nghawng [ah chuan kan su dawn nia, in su ngai lo, keimah bakin ka su ngai lo tih pahin tui hmun lam chu ka pan a, thleng ka sil sawk sawk.


Nu Rini lah chuan hre zui ang pawhin a awm lo, Kurtai nen chuan Thingpui chu in in, Hrawk bawk pial ralh ralh khawpin a lem khawlh khawlh leh nghal ka ngei lutuk chuan vawi khat ka va melh leh hrawk a, en pawh min la en lo zui. U Mami chuan ka awm dan chu alo hre thiam a niang, a \hut hmun a\ang chuan min lo nuih vur vur leh nghal a, rei tawk tak an titi mawlh mawlh hnu chuan keipawhin ka sil zo ve \ep a, Ka zai rat rat a, chu lai tak chuan ka dara rawn ben thuk pahin Nu Rini chuan kha aw,, Nu Bawih, tih pahin a No chu ti \ha in ti takin a rawn seng thlap, sil tur a rawn dah belh zui, he ti a nui lui sukin ka sil chhun zawm a, a chhuak chu ka thawl huai mai.


Ka awm awl tawh bawk a, Room ah chuan in kalh hnanin zai ka ngaithla mai mai a, ka rilru ah U hriata ngawt chu a awm, kan inbiak lohna pawh ni tam a liam tawh a, ka ngai ve deuh tak zet, Mahse ka biak chuan ka na leh mai mai, chu vang chuan biak zawm ka tum tawh lo, Dar 11 vel chuan ka phone chu a rawn nghawr dar dar a, Number lawng a ni, Mahse tu number nge a nih tih chu ka chiang kher mai, hreh leh phur ru tak chuan ka chhang a, U Hriata chuan muang ban charh hian, Laldinkim, engvangin nge ka number I delete a, min hua emni a rawn ti ban charh a.
Kei chuan U Hriat, I \awng dan ava dik lo, I rui a mi, ka ti nghal vat, U hriata chu rawn \awng leh vatin, kan class kan picnic a, beer ka in ve vak alawm le, haw pawh ka haw peih lo, school kawtah khan ka awm, lo chho tehh a ti a. eng vang ngawtin nge ka rawn chhoh ang tun ang zan rei tawh a, I duh duh a I koh chhuah tur ka ni em ni ka ti leh kher a, Mahse ka hriat loh karin khum a\ang ka lo chhuk a, chappal ka lo bun fel der tawh.


Muang fan raih hian, I U hriata’n rawn kal rawh ka tih chuan rawn kal la a ni mai, minute sawm hmain rawn thleng ang che tih leh phone dah chu a rual nghal, enge ka ngaihtuah pawh ka hre lo, kawngkhar chu hawngin ka kal nghal tawp, ah,, min van ngai nep dawn tak, alakah ka lungawi lova, a bialnu ka thik a ni tih pawh hi a hrethiam bawk si lo. school zawl chu ka han thleng a, Inkhel ho luh rukna \hin, an hungna awng laiah chuan vak lut hrut hrutin U hriata chu ka va hmu nghal mai a, alo bu lak lak a. rang takin ka pan phei nghal.


A darah chuan ka va beng a, ring deuh hian a lo irh pawp a, nui sukin, irh hian a nuam lutuk tih pah chuan kingfisher can khat chu a rawn keng lang, I duh ve em a rawn ti, kei lah chuan engmah ngaihtuah lem lo chuan ka ban ve ringawt, ka han hawng chu a rawn phuan chhuak \euh a, U Hriata chuan I va han hawng zei lo tak tih pah chuan a rawn la leh a, engtin tin emaw a tia, a phuan chu a reh ve mai a, I vawi khat in na a ni lo tawp mai ka tih chuan a nui sak a, ve zeuh zeuh e, Beer bik hi chu a ti mai a, keichuan zu in ngai lo turah ka lo ngai che a ka tih chuan ,ka in ngai reng hleinem, beer a nih kha a tih chuan rang zetin beer pawh zu tho a lawm ka ti ve nghal vat.


A bag chu a zen ruk ruk a, cigrette a rawn phawrh chhuak meizial a la zu zui, hepa hi kalo hre chiang lo hle mai, kuhva a ei ve zeuh zeuh tih chu ka hria a, Meizial a zuk ngai pawh ka hre lo reng reng, ka en reng a, hmel\ha min va ti awm vung vung ve a tih chuan ka harh chhuak zawk, I van mak reuh, meizial te I zu elo ka tih chuan nui sakin, enge maw ka mak vak na le, in mai mai tehh a ti ve mai a, keichuan ka in deuh pawp a, a tui ka ti lo lutuk chu ka ner deuh sawk a, U Hriata chuan kha meizial zu rawh a tih chuan ka zu ve mai, lo \hu tehh a ti a, ngawi reng chuan ka \hu ve leh mai bawk a.
Beer chu ka in ka in hnu chuan ka in thei ta phian a, U hriata ang chiah chuan ka irh ve deuh pup a, lai ru tak chuan ka va en a, min lo nuih, U hriata chuan engatinge ka number I delete a a tih chuan sawi tur ka hre lo, ka ngawi reng a, min ngei em ni, I pawi sawi ka nei emni a tih leh chuan beer chu ka in zo vek, min en duh hle, meizial chu \an leh turin ka ti a, a \an ve leh nghal mai bawk a. ka in ngai lo bawk a, ka rui nghal bur mai, U Hriata kawh sawk pah chuan bialnu ka nei lo itia ilo nei reng a, I zak lo ami meizial zuk pah chuan ka ti a.


U hriata chuan chu vang chuan maw ka number I delete, enge ka bialnu neih chu I huat em em a rawn ti ve leh, hei chiah hi ka nei tawh a nia, tiin Beer pakhat chu a rawn phawrh leh a, hawng rawh, Lalhriatpui, ka tihchuan a hawng a, a nui suk a, I rui lutuk ange a rawn ti, amah pawh chu a rui tih ka hria.
A in control hle a, kei chuan Sawi rawh, I bialnu chu enge kei aia a \hat bikna ka ti leh a, nang aiin a \ha ka ti emni, Laldinkim a ti ban deuh charh a, kei chuan chuti si ngati nge min ngaihzawn mai loh, pawl sawm ka nih a\angin ka star tawh che a, I hre reng, kum 3 a tling \ep tawh, min ngaihsak ve ta che tiin ka vin vak.
U Hriata chuan a ni maw, ka hre reng reng hleinem, christy nen ininfiamna vel mai mai turah ka ngai alawm, a tih chuan a chala kawh sawk pahin, I hre reng nang I chut em alawm, I bialnu ka thik tih pawh I hre lo, ka tih leh chuan, I thik maw a rawn ti leh, I A em mai ah,, lehkha zirah bak hian engah mah I lak tlak lo< Hriattlaw-a I nih hi. Ka tih khum leh sak a, a beer in lai chu chhuh sakin ka in leh.


U Hriata chuan, kan in\hen alawm, department hran a mi nen min lo kawp a, thawk la halh pah chuan a ti a, kei chu ka meng fiah deuh nghal kawk a, chuvang chu emni hengte hi I in ka ti leh, Ni e, min hnem turin nangpawh hi ka koh chho che lawm a tih chuan ka khawngaihve hle, mahse ka ni chuai tawh a, ka ngaihtuahna a fim tawh lo, U hriat, I bialnu rual ka ni ngang lo emni tiin ka mittui a parawl kiang a, U hriata chuan ka mittui chu min hruk sakin, Ni tehh reng mai, I hmel\ha k ti lutuk alawm, tih pah chuan hnai taka min rawn en a, kei chu ka zak tawh lo lutuk, ka mit ka chhing a, min lo kiss tehh ka ti, U Hriata chuan ka hmuiah chuan a rawn fawp zeuh a, hmm,,I va han zei lo tak, tih pah chuan duh thawh deuhin ka fawp, ka kal tirh khan hetiang hian ka awm ang tih ka ring lo reng reng. Ruih vang ni mahse ka lawm veng veng, Mahse naktukah ka zak dawn tih ka hria.


U hriata chuan min kuahin, kan titi mawlh mawlh a, a number chu min save \hat sak leh a, zan a rei tawh em avang chuan kan haw thla a, kan pai dun deuh chhuih chhuih a, kei phei chu ka vir muai muaiin ka hria. Kan colony kan thleng a, Nu Rini kan hmu kan han biru leh te te a, Nu Rini a luh hnu chuan U Hriata chuan min hmu ang tih ava hlauhawm ve le a ti sup, keipawh chuan a dik chiah, min hmu se chu kan colony news kan luah leh nghal a ni mai tiin ka nui ve suk a, Tichuan Hung chhungah chuan kan lut a, U Hriata chuan ka kut a vuan a, ka ruih a reh tawh ka khur deuh dar dar tawh, ka chalah min fawp zeuhin a nih lut rawh le, Tunah chuan U Hriata bialnu I ni tawh a nia, tiin a nui ve sak, ka lu ka bu nghauh a, kan in bye bye a, tichuan kan in ve ve pan chuan kan kal a.


In ka hawng ri \hek a, ka lut ru den den a, U Mami chokaah a lo awm reng chu niin ligth a rawn on- thut a, ka phu nasa lutuk, ka thlarau a thlawk chhuak \ep a ni. Awi,, ka ti nghal \hawt a, U Mami chuan lokal tehh, Laldinkim, tun ang zan reiah khawiah nge I kal a tih chuan ka zam lutuk, Dawt sawi thiam loh tawh sa nak laia, Dan hre mi hmaaa dawt sawi chu ka huphurh tak zet a ni. U mami lah chuan a kut a hnung suih a, min melh kal reng a, Lokal hnai tehh a tih chuan hreh deuhin ka pan hnai a. U Mami chuan a hnar a rawn len sat sat a.


Engmah a hre lo a niang, min hnim lo hlauh, khawiah nge I kal a tih leh chuan khitah, Christy-I te In ah ka kal a, ka tih chuan dawt sawi suh tiin min kawk leh sawk, dawt ka sawi lo ka ti leh chiah chu, I hmel a\ang zawng zawng khan a hriat vek, min melh ngam lova, I kut kha I khal melh melh a, I aw a khur bawk, Zan dangah chris-I te in ah tlai tak tak thleng I leng khatiang khan I khur ngai lo a tih chuan, aw,, zan dangah min zawt ngai hleinem ka ti ve leh.
Um,, a rawn ti leh a, ka hlauh ang ngeiin min rawn hnim ta, I va han zak lo zu I in elo a tih chuan aih,, cherry a nia ka ti nghal vat, I Ek cherry a nih chu, cherry ka ei ngun lutuk khatiang rim a ni ngai lo, tih pah chuan min ben a chak hle tih hriat takin a kut chu a hum a, a pharh leh \hin, mahse thinrim viau mahse kut min thlak chu ka ring lo sa, U mami hi hmeichhe in sum thei tak a ni a, rilru fim taka ngaihtuah \hin mi a ni tih ka chiang. A hna avang te pawh hi a niang, thinrim rik phat na tur hunah pawh hian rilru fim takin thil a ngaihtuah \hin.


Mahse a mit meng chu, ka lakah hetiang em em hian, ka hriat theih chinah a la thinrim ngai lo, keichuan zawi sup hian “beer a nia”, ka tih chuan, I va han zak lo tak em tiin a chek tlak tlak a insum thei dawn lo tih a hria a niang, va mu phawt tehh a ti nghal, ka thaw halh a, naktuk erawh ka huphurh hle.
U hriata message a lo awm a, I mu tawh em tih a ni, ka reply nghal vat a, mu lo, U Mami’n min hau zo chiah , alo la meng a, ka tih chuan sorry lutuk tiin min reply a, keichuan a pawi lo, naktukah ka tlawn anga min ngaidam leh mai ang, u Mami tlawn te chu ka thiam zawng tak alawm tiin type pah chuan thil thleng kha ka ngaihtuah let a, ka nuih leh sak \hin.
U hriata chuan I room tukverh hawng teh a tih chuan enge tiin ka reply leh vat, ka rawn en duh che tiin min rawn text leh nghal, min hmu phak dawn emni ka tih chuan phak e,, Nangpawhin ka varanda chhuak min en ziah kha enge ka en phak loh bik ang che a tih chuan ka zak ru lutuk, I hre reng elo ka ti nghal vat e, hria e,, mahse I hawk dak vel mai mai turah ka ngai a, ka hrelo der tawp zel a tih chuan, I mawl em alawm engmah I hre thiam ngai hleinem tih pah chuan tukverh chu ka hawng a. ka room tukverh zawn varanda tawi te awmah chuan chhuakin ka towel zar lai chu ka seng nghal a.


U hriata chu a varanda te ah chuan a rawn chhuak ve bawk, rawn kun hniamin a rawn dak a, hey,,a rawn ti su su, keichuan, chhungte an harh ange, u mami pawh ala muhil lo ang tiin ka chhang, a ho lutuk a rawn ti zawi sup a, keichuan whatsapp ah text in, Mu tawh rawh ka han ti a, U hriata chuan ka la en kham lo che alawm, tun hma khan tiang em em in I hmel\ha tih ka hre ngai lo reng reng tiin a rawn text, hmm I over I ruih vang a nih kha, ka tih chuan, Ni lo e, Thla khi en tehh tih chiah hi a rawn thawn a, thla de \an tir eng de set set chu ka en a.
Enge tiin ka reply leh, I rawn chhuah hma kha chuan a bial pap a, I rawn chhuak a, khi a rawn eng ve set set ngam chauh nia, a tih chuan ka nui suk a, I in la zei ka ten zawng tak tiin ka reply leh, ka rawn uaithla dawn a tih chuan a chi loh lutuk I chho thei tawh lo ang ka ti leh nghal vat a, ka riak mai ang a tih leh chuan no Way tiin ka nui suk a, ka hawi chho va, ka lut dawn, nangpawh lut rawh, ka ti sep a. aw le, Naktuk bawlhhlawh paih ni a ni em a ti sur sur. Aw,, tih pah chuan ka nui sak a, in hmu ang aw rawn ti leh sur surin aw le,, tiin ka lut a, tukverh chu ka khar zui nghal a.
U Hriata pawh chu a lut ve nghal a niang, tukverh ri khep ri ka hria, A tuk khaw var nghakhlel leh U mami hauh huphurh ru tak chung chuan mut zai ka rel ve ta a ni.


A tuk khua a lo var a, \awih thei lo paih ni a ni, Dar a ri tleng tleng a, chu dar chu tute emaw ten, an in inneih dar ri an nghakhlel ang mai hian keipawh hian ka nghak hlel a, zing dang a dar ri ninawm ni \hin kha, hemi zing kher kher hi chuan dar ri ri hlimawm ber a ni hial ang; A ri, beng verh leh min ti thinrim hlur \hin tu, min rawn inhrosak khum \hin nia ka hriat kha, tunah chuan ka beng bulah rawn nui a, an rawn hlim thawm ang maiin ngaihthlak a nuam a, tunlai rimawi chhuak thar \henkhat ai chuan a ngaihnawm ka ti daih zawk mai.


Phur takin ka tho va, hmai phih thuak thuakin, pawnah bawlhhlawh kan dahkhawm chu ka la sawk sawk a, ka chhuak chho nghal, U Hriata chu tarmit vuahin carbage bag khaiin a rawn chhuak ve, ka tan chuan heng bawlhlawh te hi rose par tluk hiala mawi an ni, U hriata ken a nih vang te pawh a niang.


Ka thil ken lai chu min khai puiin a nui suk a, keipawhin ka nuih let ve, kan hlim dun a ni tih chu tu hrilh leh sawi mah a ngai hran lo, keini pawh kan inhrilh tawn kher angai lo, kan in en paha kan mit meng chuan a sawi chiang viau awm e.
Nitin hi bawlhlawh paih ni ni se, U hriata nen kal dun ziah ila, bawlhhlawh paih hi tiang em em hian alo romantic thei a ni maw, Kan zuk thleng thla a, U Kima chuan tun \um chu tumah motor um ngai in awm dawn lo a nih hmel tiin min rawn nuih leh tawh,, ka melh vak a, Kimchhia ka um khat khat nen ka tih chuan u hriata chuan min melh zuk a, enge awm zia a tih chuan a ho lutuk tih ringawtin ka chhang, ka sawi tawh kha Bawlhhlawh paih motor khalhtute hian min nel vek a, a bikin U Kima hian min nel fal bik, mite hi a care ru phian a, a fiam hi chu huat pawh ka haw lem lo.
Ka tlai deuh \um hian min tlansan der \hin a, keilah hi hlauthawng hma chi ka ni bawk nen, au pahin ka um leh zuk \hin, min fiam tih hi ka ngaihtuah hman lo ziah leh nghal a, ka hriatthiam dan chuan U Kima hian naupang lawm hian min lawm ni berin ka hria, ka biang piai leh zuk te hi a hrat a. keipawh hian min fiamtu zingah ka hnial let bawng bawng ngam awm chhun a ni hial ang.


U Hriata chuan bawlhhlawh chu min hlan sak a, ka lo en leh vung vung tawh, ama bawlhlawh a hlang leh tur rawn kun pah chuan zawi te hian khatia min en reng te chuan ka zak mai dawn asin, a rawn ti sup a, ka hawi let zawk, ninawm hepa hi mit pali a nei a niang. Motor chu a tlan a, keini pawh kan in zui chho hnek hnek, U hriata chuan muangchang hian ka kut chu a rawn vuan a, keipawhin ka lo vuan let ve, kan in kai chho hnak hnak a, kan inbe tam lem lo.
Mahse kan thinlung a inhmu a, Hmangaihna hi sawi vak leh sawi \euh lam a ni lova, thinlung a inhmuh tawn hi a pawimawh ber zawk a ni, Nia, U Hriata hi ka thinlung hmutu a ni miau va. Chu zing kar ni rawn chhuak chu, chu mi ni atan liau liauva Siamtun uluk taka a siam thar ni awm takin, tun hmaa ni rawn chhuak tawh zawng zawng aiin a mawi zawk emaw tih mai turin chu ni chu a mawi nia.


U hriata chuan Nui, engtik nge result in chhuah dawn a tih chuan ka hrelo ka ti ringawt, Maw,, in result chhuah hun tur I hre lo maw, a hnai hle tawh a ni lo’m ni a ti leh sup a, ka hre reng sia, min zawt thut a, ka ham haih a ni, ngaihtuah chiang leh vatin April thla velah niin ka hria ka tih chuan, chumi hma zawng leh admission itih hma chu in chawl char char dawn tihna a nia, thil dang tih te I tum em a tih chuan, tum lem love tiin ka chhang a, in kan thleng \ep, he step hi engvanga tawi thut nge maw a nih le, zing dangah kal chhung a rei ka tih theih tehhlul nen, vawiin chu kan thleng zung zung ni mai hian ka hria.


U Hriata chuan a nih chuan group kha I en em, a ti zawi sup a, en lo englam nge tiin ka chhang vat, Ka U Ruati’n Pasal a nei dawn a, keini pawh MZU sporst lai a ni dawn a, I Nu pawh a kal dawn a, I U Mami pawh khan a tum ve a, Mahse ani kha chu a la chiang lova, Thingtlangah pasal a nei dawn a, a tih chuan en haw in, eng nge chu chu, U Ruati chu a van lawmpui awm, U Mami a senior ber tawh dawn a nih chu tiin ka nui suk a, U Hriata chuan englo a nia, Ka Pu te khua kha a nia, lokal ve la ka tia, a nuam phian an ti asin.


Keichuan a ni maw, khawi khua mi nge ka ti leh a, Kawrtethawveng khua mi a nia, khawthlang lam, I hre ngai lo mai thei a tih chuan keichuan Rang zet hian ka hre lutuk, hmelhriat ka nei nual a lawm, kan school ah pawh an awm ka ti nghal vat a.
In hung chhung kan thleng dawn a, kan kut chu inthlah tawnin, U Hriata chuan I chhungte kiangah lo sawi rawh aw a ti a, aw le tiin kan inthlah leh rih a.

Show post links
Top