Re: OBEDA BY Natasha Hrahsel (Completed)
Posted: April 16th, 2025, 3:20 pm
CH~21
Bawihpuia pawh api leh puten an chang reng thei biklo,lawmtu angah si a,naupanh ho karah te chuan a chetla ve chak tlat nge ni a ûte ho chuan an pawm kual an pawm kual ve a.Sangsangi te unau in phur zetin an kai kual an kai kual ve bawk.
Hunserh kan tan hma chuan duh ang angin a awm theih a,kei pawh tui a inchiah ve ngei tumin ka bag ah atang ka tuichen kawr tur chu ka phawrh ta zal zal a,chutah U Obeda chuan "Bawihi,achi dawn em ni?" Ka thawmhnaw phawrh en zeuh pahin alo ti ta sup
"A engah chuan nge maw a chi loh ang le?" Nui hak hakin ka ti a, thaw hluai hian "i chetsual palh" a tih laiin "U Obed" ka lo ti thuai. "A thûk lo lamah sawn alawm ka chen dawn,bakah chetsualna tur thil a awm lo"ka ti fiah ta kak a,min hnial zui tawh biklo na a ahma a tum mang hleilo chu a thawmhnaw ka ken ve leh ve loh min zawt a,ka ken thu ka hrilh rualin ka ruala inthlak ve chu a tum ta ringawt bawk!
Tui ah chuan kan han lut a,ka beisei aiin alo vawt ta daih mai! Ber thla kan chuankai tawh vang pawh ani maithei ani.
"Inchiah rei lo ila,i hritlang palh ang" a tih chuan ka hnial zui lem lo.
Kan kawng chin vel ah chuan kan awm ve naw naw a,tui hleuh tak phei hi chu ka thiam pawh anilo,tianga inchiah hi ka duhtawk viau thin.
Puitling lam ho pawh kan piah lawka a thuk lamah an cheng a,kan awmna ah tak hi chuan nu thenkhat leh naupang ho an cheng thung.
"Obed,helamah hian rawn kal ve la.Matei te kha chu ven reng angai lo a him chin ahre lutuk" tiin U Thanpuia'n a rawn fiam zur zur a,U Obeda lahin "a him chin hi kan duhtawk viau e" nui suk sukin alo ti tha ve leh mai bawk a.
"Va kal ve la,helai chu ho iti lo ami?" Ka tih ruk sep chuan nui chungin "tui hleuh ka thiamlo" alo ti mauh mai a,awihawm loh hian a! A thlalak hlui ah pawh pool mai nilo tuipui a a awmlai ka hmu tawh,a thiam dawn lutuk ringawt.
Rei vaklo kan inchiah hnu ah chhuakin kan inbual fai zui a,ka thawmhnaw ngai chu ha in ka inchei tha mawlh mawlh bawk.Kan mi sawmte anlo thlen belh zel a,Bawihpuia pawh api in a lo awi leh dur dur tawh.Va laksak ka tum lahin aphal silo,bawihpuia a rit ve deuh tawh nen ka nu chu ataksa in a zawhloh ka hlau ru viau thin a,mahse U Obeda thung chuan "a zawh loh phah loh ang,a tu hmuh hmasak ber ania a awm awm in awm tir mai rawh" a ti a,an tu hmuh hmasak ber pawh nilo se hetiang tho hian an duat in an ngaihven ka ring.
Hunserh kan hmang zo a,ka pa chuan thu a sawi ve luam a,a inhmeh lo ka lo ti rilru khawp.Inchhungkhur ah pâ nih tlin viau mahse mipui hma a dinte hi a zeihawi lo viau a,tun tum erawh kan hun tawn in a zir bawk nen tha tak chuan apaltlang chho ve mai thei anih hi maw.
Dar thum chuan chaw kan indawh tan der a,min rawn telpui an tam bawk a kan vai chuan mi sawmnga kan pel ang,kan zat chiah erawh hriat ahar tawh khawp mai.
Ka nu leh pa te a ei hmasa ah tangin keinin Bawihpuia pawmin kan nghak thung a,Bawihpuia hi chaw ei pui a harsa deuh a,kei in kalo hrai puar hmasa ani.
"U Matei,I hrai puar tawh chuan kanlo awm ang.Chaw kan ei tawh a"U Zawni nau chiahin a rawn tih chuan Bawihpuia chu ka melh a,"a duh dawn mawle" ka tih neuh neuh laiin a rawn ban chuan Bawihpuia chuan alo ban ve mai reuh a! Mihrang angainat loh thin tehlul nen hian vawin chu a zia athlak hle ani.
"Jordan te nen sawlam ah sawn kan lo awmpui ang aw" tiin bawihpuia chu a kalsawn pui nghal zat.
U Obeda zun ram thiar ka lo nghak ta law law a,phone ava hmang kual leh nge ni a rei khawp mai!
A kalna lam ka lo en reng lai chuan hmanhmawh hmel zet hian a rawn let phei hlawk hlawk a, ka bul a rawn thlen rualin "Bawihi, ka let nghal angai tlat" arawn ti ta mai!
"Enge awmzia? Thil thleng a awm em?"
"Ka lo let hunah ka hrilhfiah ang che, i lo awm thei ang tiraw?" A tih chuan a hmel a dik chiahlo bawk nen ka lo bu nghat a, bawihpuia a awmna mitmei a min zawh chuan an lo awm thu ka hrilh a, ka bek a ahmui a rawn nawr zeuh hnu ah hmanhmawh zet chuan a tlan chhuak zawm nghal!
Ngaihtha zan lo chuan chaw chu ka dawh ve a,ka pasal in min tibuai deuh bawk nen ka ei tam lo khawp mai.
Haw hun thleng pawh a ala rawn let tak loh fo ah chuan ka call ta nge nge a,ala ring kuit thak mai! Ka nu leh pa te lahin chanchin min zawt chhen tawh a,thil thlendan tlangpui ka hrilh hnu ah "motor remchang in kan haw phawt mai dawn nia" ka pa chuan a ti ta tawp.
Ka û Thanpuia'n min thlah haw ta tawp a,a hma ah ka pa chuangin ahnungah ka nu leh bawihpuia te nen kan chuang thung a ,Bawihpuia erawh a muttui khawp mai.
Dar sarih a ri tan ek ek chauh a,motor lian atam deuh tawh bawk nen ka û pawh chuan akhalh fimkhur khawp mai.
Ka nu phone chu a rawn ri thut a, "Judy anih hi,kan chinchang ahre duh aniang" tiin a chhang ta nghal thuai.
"Nu, in rawn haw tawh em?" Judy chuan a rawn ti var a,ka nu ph hi loud speaker a adah lo chung pawhin a ring tha khawp.
"Hei Bawngkawn kan rawn lut tawh e" ka nu'n a tih chuan Judy in "rawn thleng thuai teh u" a ti ta hlut a! "Judy enge ni a?" Ka nun a tih leh pawh chuan "rawn thleng vat mai teh u" a rawn ti ringawt a,ka û in ahre pha ve vek bawk nen a khalh chak ve ta tawp.
Judy chuan harsatna a tawk em lo ang chu maw? Tawk ni se phone ah a rawn sawi nghal mai ka ring a,amah chauha kalsan kan nilo bawk a rilru chu tlem chuan a nuam deuh.Amaha lo awm tir ai chuan tiin nu Marovi awm rei deuh turin kan ti tawp kha ania.Eng tak chu nimaw?
Kan tual zawl kan han tlan lut a,ka pa chuan ka û hnenah "lo lut ve reng reng la,alawmawm hle mai i lo awm hlauh chu" tiin lawmthu a hrilh ve nual a, ka u pawhin "tui ka rawn inve lawk dawn nia,kan nu te ka ngaihtuah deuh sia ka awm rei hman kher lo ang" a ti a,anihna takah chuan chanchin ngaihven zui a tum nimaiin ka hria.
Kan inchhung kan han lut chu ka tum loh deuhin Pa Sawia te nupa kan hmu ta tlat mai!
"E, Sawia te chu hlawl cheu chuan" ka pan a ti var a,pa sawia erawhin kulhmuk zet hian "a..nia hei zan zan ah rawn lan chhoh loh theih pawh anilo anih hi"a lo ti charh charh thung.
Judy kan melh a,a rilru abuai hmel ngawih ngawih!
"Enge ni ta?" Ka nun tiin keini ho pawh kan thu thla ve nghal a,ka û pawh Bawihpuia pawmin a rawn thu thla ve nghal ta zat.
"Thiana ,ka zak hle mai kan fanu chet dan hi" Pa sawia'n a tih chuan a tu amai pawh chu kan hamhaih tlang tih ahriat theih.
"U Sawi,enge Jeneti chungah thleng a awm em?"ka nu'n alo ti thuai.
"Jeneti leh Obeda hi anlo chesual ani awm a,hei Jeneti a ruak lo ta mai sia" a ti leh chiah erawh a reh hian a reh ta tlawk tlawk ani ber! Engtin nge anih theih?
"Engmaw i sawi?" Ka u chuan a ti vin ta thak a,ka lo chelh thuai.Ka û avin bawk a Bawihpuia pawh a rawn harh ta chiah bawk.
"Thiana,engemaw i sawi le?" Ka pa chuan a ti deuh charh,a awih biklo tih ahmel ah achiang reng bawk.
"Vawin chawhnu lam khan Jeneti'n damdawi alo ei pek a,a nu nen kan hmu hma hlauh a damdawiin lam kan panpui nghal a.Doctor ten an han en hnu ah a ruak lo tih kam hre ve ta chauh a,anau pai alo la him hlauh bawk.Keini lam pawhin awih harsa kan ti a,kan han zawhchian hnu ah erawh athup seng tawh bik ngang lo a Obeda nen an chetsual thu a sawi ta mai a! Kan hrilh a hai ve duh khawp mai " a aw atang pawn a inthlahrun zia a hriat theih a,kan chan nilo se ka lainat viau ang.Mahse keimah ber pawh chu ka la mumal thlawtlo ani ber.
"Chutiang ka fapa in a ti thei lo ang" ka nu chuan min rawn melh zeuh pah hian a ti deuh hluai a, U Jeneti nu chuan "kan rawn phone a,a rawn thlen khan Jeneti nen an han inbia a,a pha bik lo chi anih hmel " a rawn ti ve a, ka nghilh dup a,ka hrawk ah hian engemaw hian min rawn hnawh tup tup bawk.
Ka û chuan lainat hmel zet hian min rawn en a,ka mangang lutuk chuan ka lo nuih tawp! Engtia awm tur nge ka hrelo a,Ka pasal berin apha bawk silo lai chuan min vilh ngut ngut ani ber.
"Rochanpuia chu han phone teh u,rawn haw nghal rawh se"ka pa chuan a ti khauh ta fak a,han che zui thei pawh a ka awm tak loh ah chuan ka nu chuan a phone zui nghal zat.
"Tunah Obeda chu khawnge a awm?"ka û rawn tawngchhuak leh in U Jeneti nu bawk chuan "Damdawiin ah" alo ti a ,ka û a ding ta hluai.
"Mate,i thawmhnaw han siam rawh le.A awmna hmun in athik tihsual te chu a finfiah tawh anih ber chu.Min rawn zui haw nghal ang" a ti ta bur mai!
"Thanpui,i sawi fel ho phawt ang u" ka nu in a rawn ti thuai a,ka u erawh a thinrim bawk a atawngchhuak thei mai lo. "Ka ai a upa in nihna ah ka zah viau cheu a,mahsela Matei he in a a awm zui zel ka remti tlat lo.Hetiang thil tawng tur hian tihsual anei miahlo bawk.Mate han insiam rawh" tiin Bawihpuia chu min laksak nghal lawp a, "Chho rawh" avin ti tih hial tawh.
Mittui tling pamin kailawn lam ka pan chho a,an thusawi ho te chu ka beng ah a lut theilo.Ka pasal in min uire san tih zawng chu ka beng ah a ri nawm tluk tluk a,ka tawt up up hi ani ber.
Ka suitcase la chhuakin ka thawmhnaw te chu en mang hlei lo in ka vawm lut tawp tawp a,Bawihpuia thawmhnaw te nen chuan rem mumal lo hian ka dah khawm zung zung.
Inhnuaia ka inkhai thlak leh rualin ka û in Bawihpuia zawk chu min pe ve ta thung a,ka thawmhnaw bawm chu khai in ka ban ah min kai zui hmiah bawk.
"Naktuk lamah sum kan rawn chhuah dawn nia" ka nu leh pa te lam hawi chuan a ti khauh fur a,Judy leh ka nu lam ka va en chuan mittui kar atang minlo melh ngawih ngawih.
Mittui tling pamin ka nuih let a,engvanga nui nge ka nih pawh ka hre tawhlo.Ka hamhaih lutuk talbuai ah ka inpuh ber tawh.
"Mate..mat"
"Aw" ka harhchhuak zawk, Bawihpuia alo tap reng chu niin! "Ngaihtuah zui suh,ngaihtuah zui pawh aphu nek lo" ka û chuan ati leh hluk tawh a,Bawihpuia chu ka lo thlem mawlh mawlh thung.
Kan in kan thleng chu ka lut hreh ngawih ngawih a,a tir te kha chuan kan in a let leh hi ka huphurh ngailo asin mawle! Kan inneih tirh phei kha chuan let leh mah ilang pawi tihna ka nei hauhlo a,tun ah erawh a dan a dang ta zar mai.
Ka u chuan min lo kai leh chat tawh a,alehlam in ka thawmhnaw bawm akhai bawk.Bawihpuia erawh tui ti zetin a muhil leh kak kak tawh thung.
Kan û nen kan inzui lut chu U Sawma te chhung anlo awm kher bawk nen hamhaih deuhin minlo en tawp a,kei chuan engthil mah ka sawi theilo.
"Engthil nge thleng a zan zan ah lehnghal?" Ka nu chuan a lo ti a,U Thanpuia zawk chuan thil thlendan a sawi ta vek.
Ka chhungte chu an ngawih tlawk tlawk a,a hnu deuh ah ka pa chuan "Umm, i let tawh lo ang.I Room lamah han chawl hahdam rawh Mate.Zawni,i nu nen khan han buaipui ula,Lawmi naupang ho hi lo ngaihven la.Sawma leh Thanpuia kha kan room lamah rawn lut teh u" a ti ta charh charh a,a thinrim tih hai theih rual ani lo.Hetiang taka ka pa thinrim hi ka hmu zen zen lo a,Pa damthluam chi nilo mahse mi ahauh te hian ni deuh dap dap hian ahau thin.Tuntum erawh ahmel a chang run a,a aw a khur ti tih hial bawk!
"Rochanpuia chu aw" ka nu chuan a ti leh hluai thin,Bawihpuia chu khumah ka mut a kei erawh khumah ka thu ngawi reng ringawt.
Tawng ka chak lo a,ka thil tawn te hi ka rilru in ala remkhawm mek ni in ka hria.Thil thlen dan kha chipchiar takin sawi dawn ilang ka thei hrih kher lo ang,ka pasal uirena chuan min thawng lutuk a,ka la pawm ngam hlei thei meuhlo
"Nu,hun amamawh anih hi" U Zawni chuan ti sapin ka nu chu akai chhuak a,keimaha ka awm tawh hnu ah pawh ka tap chhuak thei chuanglo.Banglam ka melh a,ka thu ngawi reng ringawt.
Ka chhungte chuan hunthawl min pek an duh bawk aniang an rawn lut leh tawhlo a,ka lawm zawk phian mai.Ka bula an awm ve thup kha chuan ka ipik zual zauh zawk.
Ka bag a ka ah ka phone chu a rawn ri ta ral ral a, ka han lakchhuah chuan hetiang dinhmun a min din tir tu ka pasal ngei mai alo ni?
Phone call chu chhangin ka beng ah ka tin tuah a,a ma sawi ngei ngaihthlak ka duh.Min phatsan tih hi ka la ring thei tlat lo,nilo ka ring phallo zawk ani.
"Bawihi..Lalpa ka va lawm em! Bawihi i tha em?" A rawn ti nghal mawlh mawlh a, nidang te chu nise min ngaihtuah em vang chuan ka lawm viau ngei ang.
"Bawihi, i tha tih tal han sawi hram teh" ngen ngawl zet hian a rawn ti leh a, ka la tawng thei tlat lo! Ka ka hi engemaw hian achih tlat a,ka ang ziau a ka chip leh thin.
Ka zawhna zawh tur hi 'aw' tiin min chhan ka hlauh em vang pawh ani mahna.
"Bawihi" a rawn ti ril leh ruih a, thaw chhuak hakin hmui khur dar dar hian "Min phatsan lo,a dik tiraw? U Obed,min uire san miahlo tiraw? U Jeneti nau pai chu i fa anilo tiraw?"ka mittui a rawn dir ta zung zung a,ka hrawk ana tun bawk.
"Khawngaihin anihloh zia min hrilh hram teh" angen hian ka ngen ngawih ngawih ani ber.Ka pasal hi ka hmangaih a,chân ka hlau takzet tawh.
"U Obed,Bawihpuia nau tur ka pai leh mek tawh hi,min phatsan thei ini lo" ka â vek tawh hial in ka hria!
"Bawihi"
"Aih..a theiloh i ti lo ang"ka riat leh nawk nawk.
"Min ngaithla rawh le,hahdam la khawngaihin inbendaih tum rawh" a rawn ti ta dap dap a,ka mangang talbuai aw chu a hre rang khawp mai.
Tap chhuak hawkin "tinge tiang hian min tih a?" Ka ti chhuak rawng rawng a,ka fapa muhil lam ka vengthawng thei tawh tlat lo.
Show post links
Top
Bawihpuia pawh api leh puten an chang reng thei biklo,lawmtu angah si a,naupanh ho karah te chuan a chetla ve chak tlat nge ni a ûte ho chuan an pawm kual an pawm kual ve a.Sangsangi te unau in phur zetin an kai kual an kai kual ve bawk.
Hunserh kan tan hma chuan duh ang angin a awm theih a,kei pawh tui a inchiah ve ngei tumin ka bag ah atang ka tuichen kawr tur chu ka phawrh ta zal zal a,chutah U Obeda chuan "Bawihi,achi dawn em ni?" Ka thawmhnaw phawrh en zeuh pahin alo ti ta sup
"A engah chuan nge maw a chi loh ang le?" Nui hak hakin ka ti a, thaw hluai hian "i chetsual palh" a tih laiin "U Obed" ka lo ti thuai. "A thûk lo lamah sawn alawm ka chen dawn,bakah chetsualna tur thil a awm lo"ka ti fiah ta kak a,min hnial zui tawh biklo na a ahma a tum mang hleilo chu a thawmhnaw ka ken ve leh ve loh min zawt a,ka ken thu ka hrilh rualin ka ruala inthlak ve chu a tum ta ringawt bawk!
Tui ah chuan kan han lut a,ka beisei aiin alo vawt ta daih mai! Ber thla kan chuankai tawh vang pawh ani maithei ani.
"Inchiah rei lo ila,i hritlang palh ang" a tih chuan ka hnial zui lem lo.
Kan kawng chin vel ah chuan kan awm ve naw naw a,tui hleuh tak phei hi chu ka thiam pawh anilo,tianga inchiah hi ka duhtawk viau thin.
Puitling lam ho pawh kan piah lawka a thuk lamah an cheng a,kan awmna ah tak hi chuan nu thenkhat leh naupang ho an cheng thung.
"Obed,helamah hian rawn kal ve la.Matei te kha chu ven reng angai lo a him chin ahre lutuk" tiin U Thanpuia'n a rawn fiam zur zur a,U Obeda lahin "a him chin hi kan duhtawk viau e" nui suk sukin alo ti tha ve leh mai bawk a.
"Va kal ve la,helai chu ho iti lo ami?" Ka tih ruk sep chuan nui chungin "tui hleuh ka thiamlo" alo ti mauh mai a,awihawm loh hian a! A thlalak hlui ah pawh pool mai nilo tuipui a a awmlai ka hmu tawh,a thiam dawn lutuk ringawt.
Rei vaklo kan inchiah hnu ah chhuakin kan inbual fai zui a,ka thawmhnaw ngai chu ha in ka inchei tha mawlh mawlh bawk.Kan mi sawmte anlo thlen belh zel a,Bawihpuia pawh api in a lo awi leh dur dur tawh.Va laksak ka tum lahin aphal silo,bawihpuia a rit ve deuh tawh nen ka nu chu ataksa in a zawhloh ka hlau ru viau thin a,mahse U Obeda thung chuan "a zawh loh phah loh ang,a tu hmuh hmasak ber ania a awm awm in awm tir mai rawh" a ti a,an tu hmuh hmasak ber pawh nilo se hetiang tho hian an duat in an ngaihven ka ring.
Hunserh kan hmang zo a,ka pa chuan thu a sawi ve luam a,a inhmeh lo ka lo ti rilru khawp.Inchhungkhur ah pâ nih tlin viau mahse mipui hma a dinte hi a zeihawi lo viau a,tun tum erawh kan hun tawn in a zir bawk nen tha tak chuan apaltlang chho ve mai thei anih hi maw.
Dar thum chuan chaw kan indawh tan der a,min rawn telpui an tam bawk a kan vai chuan mi sawmnga kan pel ang,kan zat chiah erawh hriat ahar tawh khawp mai.
Ka nu leh pa te a ei hmasa ah tangin keinin Bawihpuia pawmin kan nghak thung a,Bawihpuia hi chaw ei pui a harsa deuh a,kei in kalo hrai puar hmasa ani.
"U Matei,I hrai puar tawh chuan kanlo awm ang.Chaw kan ei tawh a"U Zawni nau chiahin a rawn tih chuan Bawihpuia chu ka melh a,"a duh dawn mawle" ka tih neuh neuh laiin a rawn ban chuan Bawihpuia chuan alo ban ve mai reuh a! Mihrang angainat loh thin tehlul nen hian vawin chu a zia athlak hle ani.
"Jordan te nen sawlam ah sawn kan lo awmpui ang aw" tiin bawihpuia chu a kalsawn pui nghal zat.
U Obeda zun ram thiar ka lo nghak ta law law a,phone ava hmang kual leh nge ni a rei khawp mai!
A kalna lam ka lo en reng lai chuan hmanhmawh hmel zet hian a rawn let phei hlawk hlawk a, ka bul a rawn thlen rualin "Bawihi, ka let nghal angai tlat" arawn ti ta mai!
"Enge awmzia? Thil thleng a awm em?"
"Ka lo let hunah ka hrilhfiah ang che, i lo awm thei ang tiraw?" A tih chuan a hmel a dik chiahlo bawk nen ka lo bu nghat a, bawihpuia a awmna mitmei a min zawh chuan an lo awm thu ka hrilh a, ka bek a ahmui a rawn nawr zeuh hnu ah hmanhmawh zet chuan a tlan chhuak zawm nghal!
Ngaihtha zan lo chuan chaw chu ka dawh ve a,ka pasal in min tibuai deuh bawk nen ka ei tam lo khawp mai.
Haw hun thleng pawh a ala rawn let tak loh fo ah chuan ka call ta nge nge a,ala ring kuit thak mai! Ka nu leh pa te lahin chanchin min zawt chhen tawh a,thil thlendan tlangpui ka hrilh hnu ah "motor remchang in kan haw phawt mai dawn nia" ka pa chuan a ti ta tawp.
Ka û Thanpuia'n min thlah haw ta tawp a,a hma ah ka pa chuangin ahnungah ka nu leh bawihpuia te nen kan chuang thung a ,Bawihpuia erawh a muttui khawp mai.
Dar sarih a ri tan ek ek chauh a,motor lian atam deuh tawh bawk nen ka û pawh chuan akhalh fimkhur khawp mai.
Ka nu phone chu a rawn ri thut a, "Judy anih hi,kan chinchang ahre duh aniang" tiin a chhang ta nghal thuai.
"Nu, in rawn haw tawh em?" Judy chuan a rawn ti var a,ka nu ph hi loud speaker a adah lo chung pawhin a ring tha khawp.
"Hei Bawngkawn kan rawn lut tawh e" ka nu'n a tih chuan Judy in "rawn thleng thuai teh u" a ti ta hlut a! "Judy enge ni a?" Ka nun a tih leh pawh chuan "rawn thleng vat mai teh u" a rawn ti ringawt a,ka û in ahre pha ve vek bawk nen a khalh chak ve ta tawp.
Judy chuan harsatna a tawk em lo ang chu maw? Tawk ni se phone ah a rawn sawi nghal mai ka ring a,amah chauha kalsan kan nilo bawk a rilru chu tlem chuan a nuam deuh.Amaha lo awm tir ai chuan tiin nu Marovi awm rei deuh turin kan ti tawp kha ania.Eng tak chu nimaw?
Kan tual zawl kan han tlan lut a,ka pa chuan ka û hnenah "lo lut ve reng reng la,alawmawm hle mai i lo awm hlauh chu" tiin lawmthu a hrilh ve nual a, ka u pawhin "tui ka rawn inve lawk dawn nia,kan nu te ka ngaihtuah deuh sia ka awm rei hman kher lo ang" a ti a,anihna takah chuan chanchin ngaihven zui a tum nimaiin ka hria.
Kan inchhung kan han lut chu ka tum loh deuhin Pa Sawia te nupa kan hmu ta tlat mai!
"E, Sawia te chu hlawl cheu chuan" ka pan a ti var a,pa sawia erawhin kulhmuk zet hian "a..nia hei zan zan ah rawn lan chhoh loh theih pawh anilo anih hi"a lo ti charh charh thung.
Judy kan melh a,a rilru abuai hmel ngawih ngawih!
"Enge ni ta?" Ka nun tiin keini ho pawh kan thu thla ve nghal a,ka û pawh Bawihpuia pawmin a rawn thu thla ve nghal ta zat.
"Thiana ,ka zak hle mai kan fanu chet dan hi" Pa sawia'n a tih chuan a tu amai pawh chu kan hamhaih tlang tih ahriat theih.
"U Sawi,enge Jeneti chungah thleng a awm em?"ka nu'n alo ti thuai.
"Jeneti leh Obeda hi anlo chesual ani awm a,hei Jeneti a ruak lo ta mai sia" a ti leh chiah erawh a reh hian a reh ta tlawk tlawk ani ber! Engtin nge anih theih?
"Engmaw i sawi?" Ka u chuan a ti vin ta thak a,ka lo chelh thuai.Ka û avin bawk a Bawihpuia pawh a rawn harh ta chiah bawk.
"Thiana,engemaw i sawi le?" Ka pa chuan a ti deuh charh,a awih biklo tih ahmel ah achiang reng bawk.
"Vawin chawhnu lam khan Jeneti'n damdawi alo ei pek a,a nu nen kan hmu hma hlauh a damdawiin lam kan panpui nghal a.Doctor ten an han en hnu ah a ruak lo tih kam hre ve ta chauh a,anau pai alo la him hlauh bawk.Keini lam pawhin awih harsa kan ti a,kan han zawhchian hnu ah erawh athup seng tawh bik ngang lo a Obeda nen an chetsual thu a sawi ta mai a! Kan hrilh a hai ve duh khawp mai " a aw atang pawn a inthlahrun zia a hriat theih a,kan chan nilo se ka lainat viau ang.Mahse keimah ber pawh chu ka la mumal thlawtlo ani ber.
"Chutiang ka fapa in a ti thei lo ang" ka nu chuan min rawn melh zeuh pah hian a ti deuh hluai a, U Jeneti nu chuan "kan rawn phone a,a rawn thlen khan Jeneti nen an han inbia a,a pha bik lo chi anih hmel " a rawn ti ve a, ka nghilh dup a,ka hrawk ah hian engemaw hian min rawn hnawh tup tup bawk.
Ka û chuan lainat hmel zet hian min rawn en a,ka mangang lutuk chuan ka lo nuih tawp! Engtia awm tur nge ka hrelo a,Ka pasal berin apha bawk silo lai chuan min vilh ngut ngut ani ber.
"Rochanpuia chu han phone teh u,rawn haw nghal rawh se"ka pa chuan a ti khauh ta fak a,han che zui thei pawh a ka awm tak loh ah chuan ka nu chuan a phone zui nghal zat.
"Tunah Obeda chu khawnge a awm?"ka û rawn tawngchhuak leh in U Jeneti nu bawk chuan "Damdawiin ah" alo ti a ,ka û a ding ta hluai.
"Mate,i thawmhnaw han siam rawh le.A awmna hmun in athik tihsual te chu a finfiah tawh anih ber chu.Min rawn zui haw nghal ang" a ti ta bur mai!
"Thanpui,i sawi fel ho phawt ang u" ka nu in a rawn ti thuai a,ka u erawh a thinrim bawk a atawngchhuak thei mai lo. "Ka ai a upa in nihna ah ka zah viau cheu a,mahsela Matei he in a a awm zui zel ka remti tlat lo.Hetiang thil tawng tur hian tihsual anei miahlo bawk.Mate han insiam rawh" tiin Bawihpuia chu min laksak nghal lawp a, "Chho rawh" avin ti tih hial tawh.
Mittui tling pamin kailawn lam ka pan chho a,an thusawi ho te chu ka beng ah a lut theilo.Ka pasal in min uire san tih zawng chu ka beng ah a ri nawm tluk tluk a,ka tawt up up hi ani ber.
Ka suitcase la chhuakin ka thawmhnaw te chu en mang hlei lo in ka vawm lut tawp tawp a,Bawihpuia thawmhnaw te nen chuan rem mumal lo hian ka dah khawm zung zung.
Inhnuaia ka inkhai thlak leh rualin ka û in Bawihpuia zawk chu min pe ve ta thung a,ka thawmhnaw bawm chu khai in ka ban ah min kai zui hmiah bawk.
"Naktuk lamah sum kan rawn chhuah dawn nia" ka nu leh pa te lam hawi chuan a ti khauh fur a,Judy leh ka nu lam ka va en chuan mittui kar atang minlo melh ngawih ngawih.
Mittui tling pamin ka nuih let a,engvanga nui nge ka nih pawh ka hre tawhlo.Ka hamhaih lutuk talbuai ah ka inpuh ber tawh.
"Mate..mat"
"Aw" ka harhchhuak zawk, Bawihpuia alo tap reng chu niin! "Ngaihtuah zui suh,ngaihtuah zui pawh aphu nek lo" ka û chuan ati leh hluk tawh a,Bawihpuia chu ka lo thlem mawlh mawlh thung.
Kan in kan thleng chu ka lut hreh ngawih ngawih a,a tir te kha chuan kan in a let leh hi ka huphurh ngailo asin mawle! Kan inneih tirh phei kha chuan let leh mah ilang pawi tihna ka nei hauhlo a,tun ah erawh a dan a dang ta zar mai.
Ka u chuan min lo kai leh chat tawh a,alehlam in ka thawmhnaw bawm akhai bawk.Bawihpuia erawh tui ti zetin a muhil leh kak kak tawh thung.
Kan û nen kan inzui lut chu U Sawma te chhung anlo awm kher bawk nen hamhaih deuhin minlo en tawp a,kei chuan engthil mah ka sawi theilo.
"Engthil nge thleng a zan zan ah lehnghal?" Ka nu chuan a lo ti a,U Thanpuia zawk chuan thil thlendan a sawi ta vek.
Ka chhungte chu an ngawih tlawk tlawk a,a hnu deuh ah ka pa chuan "Umm, i let tawh lo ang.I Room lamah han chawl hahdam rawh Mate.Zawni,i nu nen khan han buaipui ula,Lawmi naupang ho hi lo ngaihven la.Sawma leh Thanpuia kha kan room lamah rawn lut teh u" a ti ta charh charh a,a thinrim tih hai theih rual ani lo.Hetiang taka ka pa thinrim hi ka hmu zen zen lo a,Pa damthluam chi nilo mahse mi ahauh te hian ni deuh dap dap hian ahau thin.Tuntum erawh ahmel a chang run a,a aw a khur ti tih hial bawk!
"Rochanpuia chu aw" ka nu chuan a ti leh hluai thin,Bawihpuia chu khumah ka mut a kei erawh khumah ka thu ngawi reng ringawt.
Tawng ka chak lo a,ka thil tawn te hi ka rilru in ala remkhawm mek ni in ka hria.Thil thlen dan kha chipchiar takin sawi dawn ilang ka thei hrih kher lo ang,ka pasal uirena chuan min thawng lutuk a,ka la pawm ngam hlei thei meuhlo
"Nu,hun amamawh anih hi" U Zawni chuan ti sapin ka nu chu akai chhuak a,keimaha ka awm tawh hnu ah pawh ka tap chhuak thei chuanglo.Banglam ka melh a,ka thu ngawi reng ringawt.
Ka chhungte chuan hunthawl min pek an duh bawk aniang an rawn lut leh tawhlo a,ka lawm zawk phian mai.Ka bula an awm ve thup kha chuan ka ipik zual zauh zawk.
Ka bag a ka ah ka phone chu a rawn ri ta ral ral a, ka han lakchhuah chuan hetiang dinhmun a min din tir tu ka pasal ngei mai alo ni?
Phone call chu chhangin ka beng ah ka tin tuah a,a ma sawi ngei ngaihthlak ka duh.Min phatsan tih hi ka la ring thei tlat lo,nilo ka ring phallo zawk ani.
"Bawihi..Lalpa ka va lawm em! Bawihi i tha em?" A rawn ti nghal mawlh mawlh a, nidang te chu nise min ngaihtuah em vang chuan ka lawm viau ngei ang.
"Bawihi, i tha tih tal han sawi hram teh" ngen ngawl zet hian a rawn ti leh a, ka la tawng thei tlat lo! Ka ka hi engemaw hian achih tlat a,ka ang ziau a ka chip leh thin.
Ka zawhna zawh tur hi 'aw' tiin min chhan ka hlauh em vang pawh ani mahna.
"Bawihi" a rawn ti ril leh ruih a, thaw chhuak hakin hmui khur dar dar hian "Min phatsan lo,a dik tiraw? U Obed,min uire san miahlo tiraw? U Jeneti nau pai chu i fa anilo tiraw?"ka mittui a rawn dir ta zung zung a,ka hrawk ana tun bawk.
"Khawngaihin anihloh zia min hrilh hram teh" angen hian ka ngen ngawih ngawih ani ber.Ka pasal hi ka hmangaih a,chân ka hlau takzet tawh.
"U Obed,Bawihpuia nau tur ka pai leh mek tawh hi,min phatsan thei ini lo" ka â vek tawh hial in ka hria!
"Bawihi"
"Aih..a theiloh i ti lo ang"ka riat leh nawk nawk.
"Min ngaithla rawh le,hahdam la khawngaihin inbendaih tum rawh" a rawn ti ta dap dap a,ka mangang talbuai aw chu a hre rang khawp mai.
Tap chhuak hawkin "tinge tiang hian min tih a?" Ka ti chhuak rawng rawng a,ka fapa muhil lam ka vengthawng thei tawh tlat lo.
Show post links
Top