THE SICILIAN (BOOK III-V) By Mario Puzo

[Loma hmar]

CHAPTER 27B

Lawng chung zwlah chuan Michaela leh Peter Clemenza chu an mite zinga pakhatin Coffe dum tak ngak mai a rawn pe a, lawnga tlak dalna kham ngheng chuan muangchangin an in a.

Motor launch chuan muangchangin khawmual lam chu a pan a, lawng thlunna hmuna eng pawh an hmu theiin, lawngthlunna dawhsan pawh an hmu thei ruai ruai a ni.

Lawng thlunna dawhsan an thlen chuan Car pathum leh mi parukin an lo nghak a. Clemenza chuan car lo ding hmasa ber, zin veivahna car hlui zet lamah chuan a hruai a, driver chiah a lo awm a. Clemenza chu a hma lamah lutin Michaela chu a hnung lamah a lut thung a. Clemenza chuan, “Carabinieri patrol kan hmu a nih chuan i kun hniam dawn nia. kawng laka khaw muang hman kan ni lova, chak taka kan tlan san an ngai dawn a ni.” Michaela hnenah chuan a ti a.

Chu zingkar ni chhuak tur ni zung chu vanah chuan a inkhawh thlur sung a, car pathumte chu an tlan chhuak ta a. Trapani leh Castelvatano inkar kawng pawh tur chuan an inher a. Michaela leh Clemenza chu inring rengin an awm a, he kawngah hian Pisciotta chuan rawn tawkin Guilianno chu a rawn hlan dawn a ni. Michaela chu phurna nasa takin a tuam vel a. Car pathum chu an tlan muang ta deuh a. Clemenza chuan Machine Pistol chu a veilam sir car seatah chuan a dah a, rang takin car kawngkharah chuan a tin chhuak nghal thei dawn a ni. A kut chu hman mai theih turin a dah a. Ni chu a lalna ram panin a thleng sang tawh hle a, a sa tan ta viau bawk a ni. Car chu muang lehzualin an tlan a; Casteltravano khua chu an thleng dawn ta hial mai.

Clemenza chuan driver chu tlan muang lehzual turin a hrilh a. Amah leh Michaela chu Pisciotta hmel hmuh tumin an hawi vak vak a. Castelvatrano khaw fem an thleng ta hial a. Tlang kawng chu a rawn inkhawh chho zur a. Chutah chuan dingin kawtthler lun chu an chhuk thlir a, Michaela chuan chu lai atang chuan Palermo kawng lama sipai motor ding khup mai chu a zu hmu thei a. Kawtthlerah chuan carabinieri, uniform dum a vara tial ha an vei sup sup bawk a. Siren a ri ruai ruai pawh chuan kawtthler pui bera mipui tam tak te chu a hnawt darh lem lo. Khaw chungah chuan thlawhna te deuh pahnih hi an thlawk kual ruai bawk a.

Driver chuan anchhia a lawh sup a, kawngsira car dah that pah chuan, “Kal zel turin min duh em?” Clemenza hnenah chuan a ti a.

Michaela chuan a pum chu no deuh nghulhin a hria a, Clemenza hnenah chuan, “Khawchhungah chuan min lo nghaktu mi eng zat nge i neih?” a ti a.

“An tam lo,” nelawmlo zetin a ti a. A hmelah chuan hlau hmel a pu lek lek a ni. “Mike, heta tanga kan chhuah a ngai a ni, lawnga kan kir leh kha a ngai.”

“Lawk,” Michaela chuan a ti a. Tawlailir Sabengtung hnuh anmahni lam pana lo chho mek chu an hmu a. A khalhtu chu putar, buhpawl lukhum kun taka khum a ni a. Tawlai chu miropuite lem hmanga cheimawi a ni a, an sirah chuan a ding ta a. A hmai chu a zur tap a, a hmelah engmah a lang thei lo. Car bulah chuan lo kalin, “Don Domenico, nangmah em ni?” a ti a.

Clemenza awah chuan a thawl ta huai tih a lang thei, “Zu Pepino, khutah khuan eng thil teh hrep nge thleng ta? Enga tinge ka hote hi lo chhuakin engmah min rawn hrilh loh?”

Zu Pepino hmai hriam zur tap chu a danglam chuang lo, “America-ah chuan i kir leh thei tawh ang.” a ti a, “Guilianno chu an that ta a ni.”

Michaela chuan a lu chu hai muai muaiin a hria a, thawk leh khatah vana arsite an tla ta vek ni maiin a lang. Chutah Guilianno-a nu leh pate, America-a lo nghak rengtu Justina te, Aspanu Pisciotta leh Stefano Andolini te, leh Hector Adonis chu a han ngaihtuah a. Turi chu an nuna arsi eng a ni a. Chu eng chu tunah chuan a awm ta lo a ni.

“Amah ngei a ni tih i chiang maw?” Clemenza chuan a ti hrawk a.

Putar chuan a dar a chhin ak a, “Guilianno tih dan hluiah chuan a mah ang tak ruang a hnutchhiah a, Carabinieri te thlem chhuakin a that ta thin a ni. Mahse tunah darkar hnih lai a liam tawh a, eng thil mah a la thleng lo a ni. Ruang chu an thahna hmun hulhliap pakhatah a la awm ta reng a ni. Palermo atang pawhin chanchinbumi ho an lo thleng a, an thlalakna hmangin tute mai pawh thla an laksak tawh a ni, ka sabengtung chenin. Chuvangin in rin dan ang ang a ni mai. ”

Michaela chuan dam lo dawn hialin a inhria a, “Kan zu kalin kan en ngei tur a ni, hriat chian ka duh tlat.” a ti chhuak thei hram a.CHAPTER 27B

Lawng chung zwlah chuan Michaela leh Peter Clemenza chu an mite zinga pakhatin Coffe dum tak ngak mai a rawn pe a, lawnga tlak dalna kham ngheng chuan muangchangin an in a.

Motor launch chuan muangchangin khawmual lam chu a pan a, lawng thlunna hmuna eng pawh an hmu theiin, lawngthlunna dawhsan pawh an hmu thei ruai ruai a ni.

Lawng thlunna dawhsan an thlen chuan Car pathum leh mi parukin an lo nghak a. Clemenza chuan car lo ding hmasa ber, zin veivahna car hlui zet lamah chuan a hruai a, driver chiah a lo awm a. Clemenza chu a hma lamah lutin Michaela chu a hnung lamah a lut thung a. Clemenza chuan, “Carabinieri patrol kan hmu a nih chuan i kun hniam dawn nia. kawng laka khaw muang hman kan ni lova, chak taka kan tlan san an ngai dawn a ni.” Michaela hnenah chuan a ti a.

Chu zingkar ni chhuak tur ni zung chu vanah chuan a inkhawh thlur sung a, car pathumte chu an tlan chhuak ta a. Trapani leh Castelvatano inkar kawng pawh tur chuan an inher a. Michaela leh Clemenza chu inring rengin an awm a, he kawngah hian Pisciotta chuan rawn tawkin Guilianno chu a rawn hlan dawn a ni. Michaela chu phurna nasa takin a tuam vel a. Car pathum chu an tlan muang ta deuh a. Clemenza chuan Machine Pistol chu a veilam sir car seatah chuan a dah a, rang takin car kawngkharah chuan a tin chhuak nghal thei dawn a ni. A kut chu hman mai theih turin a dah a. Ni chu a lalna ram panin a thleng sang tawh hle a, a sa tan ta viau bawk a ni. Car chu muang lehzualin an tlan a; Casteltravano khua chu an thleng dawn ta hial mai.

Clemenza chuan driver chu tlan muang lehzual turin a hrilh a. Amah leh Michaela chu Pisciotta hmel hmuh tumin an hawi vak vak a. Castelvatrano khaw fem an thleng ta hial a. Tlang kawng chu a rawn inkhawh chho zur a. Chutah chuan dingin kawtthler lun chu an chhuk thlir a, Michaela chuan chu lai atang chuan Palermo kawng lama sipai motor ding khup mai chu a zu hmu thei a. Kawtthlerah chuan carabinieri, uniform dum a vara tial ha an vei sup sup bawk a. Siren a ri ruai ruai pawh chuan kawtthler pui bera mipui tam tak te chu a hnawt darh lem lo. Khaw chungah chuan thlawhna te deuh pahnih hi an thlawk kual ruai bawk a.

Driver chuan anchhia a lawh sup a, kawngsira car dah that pah chuan, “Kal zel turin min duh em?” Clemenza hnenah chuan a ti a.

Michaela chuan a pum chu no deuh nghulhin a hria a, Clemenza hnenah chuan, “Khawchhungah chuan min lo nghaktu mi eng zat nge i neih?” a ti a.

“An tam lo,” nelawmlo zetin a ti a. A hmelah chuan hlau hmel a pu lek lek a ni. “Mike, heta tanga kan chhuah a ngai a ni, lawnga kan kir leh kha a ngai.”

“Lawk,” Michaela chuan a ti a. Tawlailir Sabengtung hnuh anmahni lam pana lo chho mek chu an hmu a. A khalhtu chu putar, buhpawl lukhum kun taka khum a ni a. Tawlai chu miropuite lem hmanga cheimawi a ni a, an sirah chuan a ding ta a. A hmai chu a zur tap a, a hmelah engmah a lang thei lo. Car bulah chuan lo kalin, “Don Domenico, nangmah em ni?” a ti a.

Clemenza awah chuan a thawl ta huai tih a lang thei, “Zu Pepino, khutah khuan eng thil teh hrep nge thleng ta? Enga tinge ka hote hi lo chhuakin engmah min rawn hrilh loh?”

Zu Pepino hmai hriam zur tap chu a danglam chuang lo, “America-ah chuan i kir leh thei tawh ang.” a ti a, “Guilianno chu an that ta a ni.”

Michaela chuan a lu chu hai muai muaiin a hria a, thawk leh khatah vana arsite an tla ta vek ni maiin a lang. Chutah Guilianno-a nu leh pate, America-a lo nghak rengtu Justina te, Aspanu Pisciotta leh Stefano Andolini te, leh Hector Adonis chu a han ngaihtuah a. Turi chu an nuna arsi eng a ni a. Chu eng chu tunah chuan a awm ta lo a ni.

“Amah ngei a ni tih i chiang maw?” Clemenza chuan a ti hrawk a.

Putar chuan a dar a chhin ak a, “Guilianno tih dan hluiah chuan a mah ang tak ruang a hnutchhiah a, Carabinieri te thlem chhuakin a that ta thin a ni. Mahse tunah darkar hnih lai a liam tawh a, eng thil mah a la thleng lo a ni. Ruang chu an thahna hmun hulhliap pakhatah a la awm ta reng a ni. Palermo atang pawhin chanchinbumi ho an lo thleng a, an thlalakna hmangin tute mai pawh thla an laksak tawh a ni, ka sabengtung chenin. Chuvangin in rin dan ang ang a ni mai. ”

Michaela chuan dam lo dawn hialin a inhria a, “Kan zu kalin kan en ngei tur a ni, hriat chian ka duh tlat.” a ti chhuak thei hram a.

Clemenza chuan,“ A thi emaw a dam emaw, tunah chuan kan pui thei tawh lo. Ka hruai haw dawn che a ni Mike.” a lo ti rum ul a.

“Ni lo e,” Michaela chuan dam thlapin a ti a, “Kan zu kal a ngai a ni. Eng nge tih tur min hrilh turin Pisciotta-an min lo nghak maithei asin, Stefano Andolini tal pawhin. Amah a ni lo maithei a, a nih ka ring lo a ni. A tlan chhuah theih dawn a ruaiah thi thei a ni lo, a thuthlungbu him taka Americaa a awm hnuah phei chuan.”

Clemenza chu a thaw hak a. Michaela hmela tawrhna chu a hmu thei. Guilianno a lo ni lo maithei asin; Pisciotta pawh chuan RV dang siam turin a lo nghak thei tlat. Chubakah he thil hi an tlanchhuah theihna atana thuneitute hruaikawina hmanrua mai a lo ni thei tho bawk.

Ni chu a pumin a chhuak tawh a. Clemenza chuan a hote chu car-te chu dah thaa zui turin thu a pe a. Mipui lo punkhawmna kawtthler hmawr lampang pan chuan Michaela nen chuan kein an chhuk ta a. Mipuite chu kawtthler luhna bul, sipai motor leh carabinieri ten kawng an danna bulah chuan an pungkhawm a ni. He kawtthler sirah hian in a ding phei thluah a, in leh in inkar chu hulhliapin a daidang zel bawk a ni. Michaela leh Clemenza chu mipui hnung lam deuhan chuan dingin midang ang bawk chuan an thlir ve a. Carabinieri officer chuan chanchinbumi leh sawrkar lam mite chauh chuan an lehkhate entirin carabinieri kut insuiha ding tlarte chu an kal pel thei tih an hmu thei a. Michaela chuan Clemenza hnenah, “Saw officer saw min kaltlangpui thei ang em?”

Clemenza chuan Michaela kutah chuan kaiin mipui zing atang chuan a hruai chhuak ta a.

Darkar khat hnuah chuan chu kawtthler sir in pakhatah chuan an awm ta a. He in pawh hian hulhliap tereuhte nei vein mipui punkhawmna atanga in sawmhnih vela awm a ni. Clemenza chuan chutah chuan Michaela chu mi pali nen a hnutchhiah a, amah leh midan pali chu khawchhungah chuan an lut ta a. Darkar khat lai an thang hnua an lo kir leh chuan Clemenza chu a khur nasa hle a ni.

“A tha lo hle a ni, Mike.” a ti a, “Montelepre atangin ruang en chiang turin Guilianno-a nu an chah mek a ni. Colonel Luca pawh hetah a awm a ni, Special Force commander kha. Chanchinbumi te lah chu khawvel ram pum atangin an rawn thlawk lut a ni, America atang pawhin an rawn kal hial. He khua hi mi a dah khawmna In a ni thuai dawn tlat, kan kal vat a ngai a ni.”

“Naktukah,” Michaela chuan a ti a, “Naktukah kan tlan dawn a nia. Tunah chuan sawng vengtute saw kan pal tlang theih leh theih lo i han en teh ang. Eng emaw chu i ti ta em?”

“Ti rih lo,” Clemenza chuan a ti a.

“Awle, chhuakin eng nge kan tih theih i en ang hmiang?” MIchaela chuan a ti a.

Clemenza-in a phal lo chungin, kawtthlerah chuan an chhuak ta a. Khaw pumpui chu carabnieri-in an khat emaw tih mai tur a ni. A tlem berah sang khat chu an awm ngei ang, tiin Michaela chuan a ngaihtuah a. Tin thlalatu za vel zet chu an awm bawk. Kawtthler chu Van leh motor danga dan tlat a nih avangin ruang awmna hulhliap chu hnaih theih dan a awm lo hle. Restaurant pakhata sipai officer lian rual te an lut cu an hmu a, phun ri an hriatah chuan Colonel Luca leh a thawhpui ten lawmna chawchhun an kil dawn a ni awm e. Michaela chuan Colonel chu a hmu zawr a, pa tereuhte, lungngai hmel pu tak a ni a. Khaw lum avanga a lukhum chu hlipin a lu kawlh tal mai chu rumalin a hru pawk pawk a. Thlalatu tam tak te chuan an thlalak chu an hmet de zuaih zuaih a, chanchinbu mi rual chuan zawhna chhan sen loh an lo zawt ve bawk a. Chhang lovin a sirah a vai kiang a, restaurant-ah chuan a lut bo ta daih a.

Kawtthler chu mipui an khah avangin Michaela leh Clemenza pawh chuan hma an sawn hleithei lo a. Clemenza chuan ina let leh thu chiang nghah mai kha tha zawka hriain an let leh ta a. Chawhnu lam tlai tawh takah chuan an mite zinga pakhat chuan thu rawn kengin ruang chu Maria Lomardo chuan a fapa ngei a ni tih a finfiah tih a rawn sawi ta a ni.

Cafe pakhatah zanriah eiin an thu a, radio-ah Guilianno thih dan chanchin chu fiah zetin an puang reng bawk a. Chutah chuan Police ho chuan In pakhat, Guilianno bihrukna nia an rin chu an hual a. A lo chhuah chuan inpe tura tih a ni a. Mahse ani chuan a kap ta nghal mai a ni. Captain Perenze, Colonel Luca chief of staff chuan Radio-ah chanchinbu hmaah interview a nei a. Guilianno chuan tlan chhiat a tum a, amah, Captain perenze chuan a um zui a, hulhliap kil lamah chuan dang chepin, Guilianno hu sakeibaknei an chep ang maiin a rawn inher a, Perenze chuan silaia lo chhang letin a that ta a ni, tiin chanchinbumite chu a hrilh a ni. Restaurant-a awm zawng zawng chuan Radio chu an ngaithla vek a, thil ei nachang pawh an hre lo. Waiter te pawh chuan eitur an chhawp lai chu an chawl a, an ngaithla ve a ni. Clemenza chu Michaela lam a hawi a, “Thil awm dan a tha lo tlat mai, zaninah kan chhuak ang.” a ti a.

Mahse chutih lai tak chuan Cafe bul kawtthler chu Security Police-in an rawn khat ta thut a. Official car hi cafe hmaah chuan a rawn ding dawt a, a chhung atang chuan Inspector Velardi chu a rawn pen chhuak ta a. An dawhkan lamah chuan rawn pheiin Michaela darah a kut a nghat a, “Man i ni e,” a ti ta a. Chutah a mit dumpawl vawt ruih chuan Clemenza chu a han en a, “Vanneihna atan kan hruai tel ve ang che. Thurawn ka han pe ang che, he Cafe hual hian mi za lai ka nei a. Thil atthlak tih tum lo ang che, chuti lo chu hremhmunah Guilianno i zawm ve mai ang.” a ti a.

Police van hi Cafe bulah chuan a rawn ding a, Chutah Security Police te chuan Michaela leh Clemenza chu an bawr huk a, Vanah chuan an nawr lut ta a. Chumi cafe-a chawl ve chanchinbu tana thlalatute chuan an camera phawrhin an rawn zuang chhuak hlawm a, mahse Police-te chuan an lo nawr kiang nghal rawk rawk bawk a. Chung zawng zawng chu Inpector Velardi chuan lungawi taka then sung chungin a lo thlir reng a ni.

A tukah chuan Turi Guilianno-a pa chuan Montelepre-a an in bathlar atangin mipuite hnenah thu a puang a. Sicily hnam dan hlui angin, a fapa phatsantu te chunga phuba lak a nih tur thu a puang a ni. A fapa thattu pa ngei chunga phuba lak a nih tur thu chu a bik takin a puang bawk a. Chu pa chu Captain Perenze a ni lo a, Carabiniere zinga mi a ni hek lo. Chupa hming chu Asapnu Pisciotta a ni.

(A changtupa thi ta daih mai! Engtia thi nge? Khawi hmunah nge tih a chiang leh ta lo. Lo nghak leh tang tang phawt mai teh.)