CHAPTER 21
BY : JENETI
Zothanfeli pov
Repeat
In en tir teh ka ngaih a tha theilo, tinge i hriatna hi a that tawh loh em em chhan hi nita ang, hai hawt vang chu a ni thei tawh em em lo, ka hrethiam lo che i thil tih lai mek te i theihnghil thul ka ti a. Ka hrelo tinge ka u chuan a in ti ringawt a. Chaw ei phawt ang u Remi chuan a tih tak ah chuan chaw ei chu kan siam zui a. Ka ngaihtuah na ah erawh ka u awmdan ringawt chu a awm
___________________________________________________
Chaw ei lai chuan kan sawi zui a, kan ngaih chu a thalo tlang a ni. Eng natna nge a vei ang, tih chu kan rilru ah a awm theuh ang, in entir vat turin ka duh, ka kal pui tur thu chu ka hrilh a. Doctor duty hun hriat hmasak phawt a that ka ring thu chu ka sawi leh a. Nu maruat-in doctor number a neih thu Remi chuan a lo sawi ve a. Nu maruati chu ka zawh hmasak phawt tur thu chu ka hrilh nghal a.
Rem chang hmasa ber a in entir chu kan ti thlu ta a, chaw ei kham chuan eina te chu kan ti fel zung zung a, a rang thei ang ber a ka u chu inentir se ka tih avangin, nu maruati chu doctor no dil tur chuan Remi nen kan chhuak zui nghal a. Kal kawngah pawh kan sawi zui a, eng natna nge a vei ang tih pawh ka ring thiamlo, ka hriat chhun erawh hai hawt vang a nilo tih hi.
Nu maruati te in chu rei lo ah kan thleng a, a mah a lo awm hlauh a vannei thlak khawp mai. Nu Maruati chu, doctor number a neih leh neih loh chu kan han zawn leh hmasa te te a. A neih thu chu a lo sawi vat a, biak in duh a mi, mahse biak a har lutuk a sin a lo ti nghal a l. Biak duh tih ah, a duty hun tur hriat kan duh a, ka ti a. Chung te chu ka hria alawm min zawt ta che u mawle nichin khan, naktuk zing dar 9:30 atangin nileng thleng a duty dawn, zan lam erawh midang an ni thung a lo ti hlauh a. Tunge damlo a, a lo ti zawm leh a, ka u a nia tih ringawt a chhangin kan kal leh nghal mai ang ka ti a. Lawmthu chu hrilhin kan chhuak zui nghal a.
Vannei thlak ka ti tak tak a ni. A rang thei ang ber a kan in entir thei tur chu haw lam ah chuan Remi chu a hawnghal a. Ka u chuan kawmthlang a lo sam fai leh tawh a, kan kawmthlang hi a zau ang reng a kuhva kung pawh a awm nual a, chutiang lai vel chu a ni a sam faini.
Naktuk ah doctor a duty dawn thu chu ka hrilh a, naktuk kal chu kan rel zui nghal a. Sum lam kan phang rihlo bawk nen kan inentir hma thei tur chu ka lawm tak zet, kan in entir har lutuk hi chuan a nih tur ang hi a lo ni hman vek tawh zel a, chuvangin a nia ka u pawh hi a serious hma a, inentir se ka duh na chhan chu ni.
Kawmthlang ah chuan zu chhuk ve in ka zuk thawk zawm ve leh a, hnim lutuk leh hnawk bawk si ka hmuh hi chuan ka thaw a pik vek zel, thil fai leh thianghlim hi chu hmuh a nuamin a bul a han awm pawh hi a nuam bik bawk. Kan hnathawh pawh reilo ah a rah a rawn lang tan a, a fai in hmuh a nuam tan ta Khawp mai, chawhnu lam chu ni a sat deuh tawh avangin kan chawl a, thingpui chu ka u ka lum sak a, thingpui hi ka u hian a heh em em laiin kei hi chuan zing ah bak hian ka in peih ngailo, ka ngaina lo ve tawp. chhun khaw lum lai a, an han in thin mai phei hi chuu..hmuh hreawm ka ti zawk thin khaw lum a ti zual hian ka hriat vang a ni. Chhang nen chuan ka chhawp sak a, kei erawh vawiin zing a ka noodles lei thar kha ka chhum thung a, a rim atang ringawt pawn a tui dawn tih ka chiang, ka siam zawh chuan ka ei nghal a, ka rin ang ngeiin a tui lutuk ringawt mahse keini ang lei reng chi a nilo a to em mai.
Ka u chu a mu hahdam a, kei erawh ka thil siam chu ka la ei mek thung baby shirk-a ka la be leh miahlo a, ka phone chu ka khawih zui a. WhatsApp chu ka en hmasa ber a, mahse a message eng mah a lo awmlo a buai a nih chu ka ring a.
Ka thil ei lai chu ei zo vatin ka mu ve ta daih dar 2 ah ka har chauh a, ka u erawh a lo thawk leh tawh, ka u hi chu a that chhe lo ve chiang alawm, hnathawk ah te hian min phût lo ve a sin aww inchhung ka enkawl hi a tawk a ti viau thin.
Thawk ve tawhlo in eirawng ka bawl zui a, bawl vak erawh a ngai hranlo a thing a la ring thei a. Chaw leh rawt thak ka siam a, dal ka chhum hang leh a, chu zawng chu a nimai. In chhung chu hla ngaithlak pahin ka ti fai leh thuak thuak a. Ka zawh chuan ka inbual fai nghal daih a, ka u pawh ko haw nghalin ka in bial zawh ah ka inbual tir nghal a, dar 5 a rik chuan chaw kan ei der. Zanlam hi tih tur a awm lo thin khawp mai, ka u erawhin a thang tur a siam thung a, tun lai chu a in la pasaltha khawp a, pasal tha thawnthu pawh a ngaithla nasa, a thil tih pah chuan a nui leh kur kur a, zing lam bak kha theihnghilh leh buai a nei rihlo.
Zan chu baby shirk-a nen inbelo in ka mu hma ta daih a, zing dar 2 ah ka phone riin min ti harh a, ka phone ka han en chu baby shirk-a a lo ni. Phak chual hian umm ka ti a. I mutthil lai ka kai tho che a sorry aw, a rawn ti thum dût a. Umm tinge min lo call a, ka ti a. Ka ngaihtuah deuh che a, tunlai chu kan buai deuh dawn a, ka lo be mai mai hman tawh hrih dawnlo che a. Chu chu ka lo hrilh lawk duh che a, a ti a. Hna lam a mi ka ti sap a, um hei tunah pawh ka la mulo zing atang khan ka la buai char char a, naktuk ah pawh ka lo be hman lo maithei che, in thiamloh hmel deuh chuan a rawn ti a. Aw apawilo i inthiamlo vel a nge, a ho lutuk ka ti a.
I ngaihawm leh dawn a nih hi, a ti leh sup a. Min lo ngaihtuah lutuk vangte khan hna te kha i thawk theilo a nge, ka ti fiam a. Tunah pawh ka rilru ah i awm reng a, ka thawh theihlo phah daih tawh a rawn ti fiam ve a. Chi loh ve...ka lo ti a. A nui hawk a, umm mutthil leh tawh rawh u mutthil a chhuak tawh ang a ti a. Umm nih chuan ka mu dawn meng rim vak vak kherlo la, I chhiat phah theih na tur khan thawk rim vak bawk suh ang che. in enkawl uluk bawk la ka ti mawlh mawlh a. awle min ngaihtuah suh mu tawh rawh I mumang ah min lo hmu dawn nia tiin kan in biak na chu kan ti tawp a.
Keipawh mut ka la khamlo bawk nen reilo ah ka mutthil ve nghal a, zingah chuan eirawng ka bawl zung zung a, in entir hma a haw leh vat ka duh vang a ni. Dar 8 ah chaw eiin kan in ti fai a, kan insiam zui leh nghal a.
Oversized shirt dum a ban bul ka ha a, jeans kekawr tlawn var ha lehin sneakers ka bun tawp a, bag-te ak in ka sam chu ka thlah tawp a. Ka zo a nimai ka hmai rawh khawpui a kal tur te ka nive si a, tiin powder leh lip balm senno chêk ka hnawih ve thung a. Ka u pawh chu fel fai zetin a Insiam a, a hmelchhe lo bawk nen a lang tha khawp mai.
Kan kalna tur chu, ka u in abiak lawk tawh avangin kan ko a. Reilo ah a lo thleng a in entir tur chuan kan chhuak zui nghal a. Zokhawthar kan tlan pel dawn chuan baby shirk-a nen kan in tawn dan vel chu ka hre chhuak uar uar a. Lung a ti leng zawk e ah.
Kan in enna tur hmun kan thlen chuan dar 10:30 a ri vel deuh chiah a, a hla ve deuh bawk a kan thleng har ang reng. kan auto hmang chuan hospital kawt ah chuan min lo nghak dawn thung a, keini pawh kan lut zui a. Tih fel ngaite chu kan ti fel a, ka lo ti thang ve deuh tawh avangin ka zei hawi viau tawh. Min koh hun tur chu kan nghak a, minutes 10 vel kan nghah hnu chuan ka u chu an rawn ko ve ta hram a, ka u chu lutin pawn ah ka lo nghak a. Ka phone chu on in ka u natna âwm ang tur vel chu ka lo Google a, mahse ka thil hmuh chuan min ti hlauthawng zual a, ‘ ENCEPHALITIS ’ natna chu ka u nen a inzawm deuh ber niin ka hria, mahse a symptoms chu ka u nen tlem a in mil lo a awm tel a, a ruk a alo tuar thin te a nih loh chuan.
Ka u chu a awm rei vaklo, a rawn chhuah chuan danglam hmuh tur a awm hranlo, lut ve lawk tur che in a ti che a nih chu, ka u chuan min rawn ti a. Tinge ka luh ve kher a ngaih a, a serious a mi ka ti a. Chutiang lam pawh a sawilo thil hrilh tur che a nei a nih hmel, serious lemlo in ka hria a sawi dan ah chuan, ka u chuan a ti a. Thaw dep dep chungin ka u luhna room chhung ah chuan ka phei a, kawng ka chu ka Kik hmasa te te a, lut tur a min tih hnu chuan ka lut zui ve nghal a, kawngkhar chu khar leh hmasa te te in doctor lam chu ka hawi a, nuisang a min lo entu avang chuan chil ka lem khawlh, a hmeltha vet vawt khawp mai. mahse baby shirk-a chu a la tluk lo ka ti, midang chuan an ti ve kher lo maithei bawk. A fresh hmel hle bawk a, a mi uap a na reuh zêk leh nghal a. ‘Hetah hian lo thu la pu hmachhuana nau chu a mi I nih’ nuisang chung chuan a ti a. Lu ka bu nghat a, mahse ât hmel riau a ka in hriat avangin, aw ni e, ka ti leh hnuhnawh a
A thutna sawi, a hma a chair ah chuan ka thu thla a, thil sawi pui lawk che ka duh a, sawi nghal mai ila tiin ka mit ah tak chuan min rawn en a, pawmpui tih hriat nan ka lu ka lo bu nghut a, a polite in a smart hmel tak zet, a fel hmel hle bawk a, kei aiin a upa ngei bawk ang. baby shirk-a nen an in rual vel mai thei a ni. A ni aiin ka naupang dawn tih chu a hriat ka ring, chu mi chung chuan min râwn thlap a, chu chuan a polite zia a ti lang.
I u hian natna vang leh khirh tak a vei mek a, tih dam theihloh tih hial a sawi a ni. Mahse lungai suh, dam hlen ta pawh an awm tho a. mahse dam hlen erawh 100% a 1% ang vel a ni thung. Frank deuhin kan sawi a nge, I u hi I lo chîk har deuh nge, a natna lanchhuah dan a pawi tan tawh hnu ah chauh in rawn in entir a, I u kha a in thup thei viau pawh a ni zawk maithei bawk, chu zawng ka hrelo mahse I u hi damna chance a nei tlem khawp mai, a dam chhuah hlauh chuan coma in a awm thung thei.
Tawngkam hi ka thiam vaklo a, i rilru te pawh ka ti na maithei mahse, a nih na ang diak diak a ka sawi a ngai si a. A ti a. Ka mit ah chuan chiang takin min en bawk, ka nghilh dup in ka hria, ka mumang nise ka ti hle bawk, harsa ti fe hian thawk ka la ham ham a, a hnu ah ka u chuan eng natna nge a neih a, ka ti sap a. Min lainat hmel deuh a min lo en in I u hian
‘ ENCEPHALITIS ’ natna a vei mek a ni.
Chu thu chuan eng angin nge min den nat hi in hre thiam phaklo ang, a theihloh ka u hian engtin nge hetiang natna hi a ve theih ka kut te chu a khur dar dar a, ka mittui chu insum hmanlo in a rawn tla zawih a. ka phalo hetiang natna nei tur hian ka u hian engmah tih sjal a neiloh ka ti ngawt a. I lo hre tawh a nimaw, hriatthiam hram tum rawh, nang ber hi I chhel angai tih in hria la, tiin ka kut dawhkan a ka dah chu min rawn hum sak a. A lam ka va hawi chuan min lainat hmel deuhin min en a.
Ka kutchu ka melh a, hrechhuak thut ni awm tak hian a la sawn vat a, keipawh ka la sawn nghal vat a. Ka mittui luang chu ka hru hul sawk sawk a, tihpalh lutuk ka ti a. A ho lutuk ka hrethiam che alawm. I u natna chu i lo zirchiang ve tawh reng em ni rawn ti a. Ka lu chu ka bu nghut a, mahse doctor a symptoms ah kha chuan lu na, luak chhuak, khaw sik vel kha a ni sia, ka u hian chu tiang chu a rukin a lo tuar tih na em ni, chutiang a neih awm ka hre bawk silo a ka ti a.
___________________________________________________
Like leh Comment mawlh kha, silent readers in tam mah mah, in ti lutuk aw, in sum insum su.
Nih loh chuan ka titau mai ang, ka titauh vaih chuan aw min thlem thlu mai mai lo ang
Show post links
Top