Re: THE SICILIAN (BOOK III-V) By Mario Puzo
Posted: June 15th, 2018, 5:13 pm
CHAPTER 29
Michael Corleone leh Peter Clemenza chu Palermo Jail lamah man an nih veleh phurh liam nghal an ni a. Chuta tang chuan Inpsector Velardi office lamah zawhna zawh atan an hruai ta a.
Velardi chuan a bulah carabinieri paruk silai keng a nei a. Hawihhawm der takin chibai a lo buk a, Clemenza chu be hmasain, “America khua leh tui i ni a.” a ti a. “I passportah chuan i unaupa Trapani ami Don Domenico Clemenza tlawh tura lo kal niin a inziak a. I unaupa chu mi zahawm tak. ‘Man of respect’ tiin min hrilh a ni.” chu thu chu tiel tih hriat takin a sawi a. “Darkar tlemte liam taah Guilianno thihna khuaah Michael Corleone nen kan hmu chein, Silai hlauhawm tak silai hlauhawm tak i keng a. Eng emaw sawi duh i nei em?”
Clemenza chuan, “Sapelin kan chhuak a, Sazupui leh Sihal vel kan zawng a ni. Chutah Castelvatrano-a mipui zi nuaih nuaih kha kan rawn hmu a, zing coffee in tura cafe-a chawlh pahih eng thil nge thleng tih kan rawn ngaihven ta a ni.” a ti a.
“America-ah chuan machine pistolin sazupui in kap thin em ni?” a ti a, Michaela lam chu hawiin, “Nang leh kei hi a hmain kan inhmu tawh a, heta i awmna chhan hi kan hria a ni. Mahse Don Croce hova chawchhun tuihnai tak kan kil hnu khan thil tam tak a thleng tawh a ni. Guilianno chu a thi tawh a. A tlanbo theihna tura thil dik lo ti tura puitu i ni. Nangni ang mi lak tlak loh hi mihring anga ka ngaih a tulna a awm tawh lo. In inpuanna tur siam sa vek a ni a, chutah chuan hming i ziah ka duh a ni.”
Chutih lai chuan Carabinieri officer hi lo lutin Velardi beng bulah chuan eng emaw hi a rawn sawi a. velardi chuan bung zetin, “Rawn luh tir rawh.” a ti nghut a.
Don Croce a ni. Michaela chuan lunch an ei duna a inthuam dan nen khan tuna a inthuam dan chu danglam chuang lo hlein a hria a. A hmel chang tak chu a muk ruih reng a. Michaela chu rawn panin a rawn kuah thuk thuk a, Clemenza chu kut thingin chibai a buk thung a. Chutah inherin, la ding reng chung chuan Inpector Velardi hmaiah tak chuan ngawi rengin a en ta veng veng a. Chu pa lianpui atang chuan chakna nasa tak a rawn luang chhuak zawih zawih emaw tih mai tur a ni. Thunei hmel hi a pu hliah hliah a. “Heng mi pahnihte hi ka thiante an ni a.” a ti a. “Zah lo taka i lo tih theihna chhan hi eng nge ni?” A awrawlah chuan thinrimna a lang lo a, engmah a lang chhuak lo a ni. Zawhna satliah ang lek, mahse dik taka chhan duhna a lang a. Man an nihna chhan chu engtikawng maha sawifiah theih a ni lo ang tih sawina a lang tel bawk.
Inspector Velardi chuan a dar a chhin ak a, “Magistrate hmaah an inlan ang a, a ni chuan thil a tifel mai ang.”
Don Croce chu Inspector dawhkan hmaa chair-ah chuan a thu a, a mit ko a san uk a, “Kan inthianthatna zah vang chauhin, Minister Trezza call la, he thila a ngaih dan hi zawt rawh. Min rulh let tur i nei ngei ang.” a aw-ah chuan vauna awka engmah a lang leh lo.
Inspector Velardi chuan a lu a thing a. A mitmu hring nghalh chu a vawt raih tawh lem lo a, mahse huatna avangin a de sawr a ni. “Thian kan ni ngai lo.” a ti a. “Guilianno a thih tak avangin ka order hmuh khan min phuar tawh lo a ni. Heng mi pahnihte hi magistrate hmaah an kal ang a, ka thuneihna ni se chuan nang pawh an rualin i kal ve ngei ang.”
Chu tih lai chuan a dawhkana Phone chu a rawn ri ta a. Don Croce chhanna a nghah avangin Velardi chuan a ngaihsak lem lo. Don Croce chuan, “ Phone kha chhang rawh. Minister Trezza a ni ngei ang.” a lo ti a.
Inspector Velardi chuan phone chu muangchangin a la kang a. A mit chuan Don Croce chu a en reng a. reilote a ngaithla a, chutah, “Awle, Your Excelency” a ti a, Phone chu a dah ta a. Chair-ah chuan a thu hnawk a. Michaela leh Clemenza eng chung chuan, “In kal thei e.” a ti a.
Don Croce chu a tho a, office atang chuan Michael-a leh clemenza chu a chhuah tir a, kawtzawla ar kan hawl ang mai hian an ni a hawl chhuah ni. Chutah Inspector Velardi lam chu a hawi a, “Ka Sicily-ah mikhual i ni chungin khang kum chhung khan hawihhawmna tinrengin ka en che a. Chu ti chungin thian te hmaah leh i Officer te hmaah keimah min zah lohna i tilang a ni. Mahse huat thu pai reng mi ka ni lo a. Nakin lawkah chuan inhriatthiamna sang zawk nen kan inthian thatna ti nung tharin zanriah kan la kil dun ngei ka beisei a ni.” a ti a.
Ni nga hnuah chuan Inspector Velardi chu chhun ni en lai takin Palermo kawtthler lun lai takah kah hlum a ni ta a ni.
Ni hnih hnuah chuan Michaela chuan In a thleng ta a. Chhungkaw chaw eikhawm a awmin - a unaupa Fredo chu Vegas atangin a lo kal a, Connie leh a pasal Carlo te chu an awm bawk a, Clemenza leh a nupui an awm a, Tom hagen leh a nupuite pawh. Michaela chu kuah thawk thawkin a lan dan tha tak chungchangte an sawi a. Tumahin kum hnih chhung a tlan bo tih te, a hmaia ser khuar kak chungchangte chu an sawi lo a, Sonny thih chungchang an sawi chhuak miah lo bawk. Chawlh hmang emaw college a zawh hnu emawa a lo haw lawmna chhungkaw party ang mai a ni. A pa ding lamah chuan a thu a. A tawp a tawpah chuan a him ta a ni.
A tukah chuan tlai tak thlengin a mu a, a ram a chhuahsan atanga tui taka mut vawikhatna a ni hial awm e. A nu chuan tukthuan peihsa diamin a lo nghak tawh a, dawhkan bula a thut chuan a lo fawp a, nidanga a dawn ngai zen zen loh ngainatna a nu hnen atang chuan a dawng tlat a ni. Chutiang chuan indona atanga a haw tum khan a lo dawng tawh bawk a ni.
Thil a ei zawh chuan library lamah a kal a, chutah chuan a pain a lo nghak reng tawh a. Tom Hagen takngial pawh a awm lo chu mak a ti deuh hle a, a pa chuan hretu dang tumah awm lovin a be duh tih a hre mai a.
Don Corleone chuan phur deuh takin Anisette no hnih chu a han thli a, no pakhat chu Michaela pek pahin, “Partner kan nih lawm nan.” a ti a.
Michaela chuan no chu a chawi kang a, “Ka lawm e,” a ti a, “Zir tur ka ngah hle a ni.”
“Ni e” Don Corleone chuan a ti a, “Mahse hun kan ngah alawm, nangmah zirtir turin ka awm bawk a.”
Michaela chuan, “Guilianno-a buaina hi ching fel hmasa ila tha i ti lo em ni?” a ti a.
Don chu thutthlengah chuan a thu thla hnawk a, a hmuia thil kai hruk fai pahin, “Ni e, tih tur run thlak tak a ni. A tlan chhuah theih ka beisei reng asin mawle. A nu leh a pate kha ka thian tha tak an ni a.” a ti a.
Michaela chuan, “Eng thil pherh hrep nge thleng ka hrethiam thei lo. Khawi lam nge dik zawk ka hre thei lo a ni. Don Croce ring turin min ti a, mahse Guilianno chuan a haw tlat si. Thuthlungbu i kawl mek khan Guilianno chu thihna lakah a chhanchhuah theih ka ring a, mahse thah a ni ta tho si. Tuna thuthlungbu chu chanchinbu zawng zawnga kan chhuah hnuah chuan, anmahni hrawk pawh an zai a ngai ngei ang.” a ti a.
A pain dam raiha a lo en chu a hmu a, “Sicily a ni tlat a,” a lo ti a. “Inphatsanna chhungah inphatsan lehchhawnna a thleng chawk alawm.”
Michael-a chuan, “Don Croce leh Sorkar chuan Pisciotta chu inremsiamna an neih pui ngei ang.” a ti a.
“Phang lovin mawle,” Don chuan a lo ti a.
Michaela chu a la buai deuh hle, “Engvanga ti nge an nih? Guilianno leh sorkar kut insuihzawmna tilangtu Thuthlungbu chu kan kawl a. Chanchinbu-a kan pek hnuah Italian sorkar chu a tlu anga. Eng thil mah a danglam chuang lo tlat a ni.”
Don chu a han nui deuh a, chutah, “Thuthlungbu chu thuhruk a ni ang, an hnenah kan pe lo ang.” a ti a.
A pain a sawi hrethiam tur leh a awmzia hre tur chuan Michaela chuan Minute khat lai hun a duh hial a ni. Chutah a nuna a vawi khatna atan a pa chungah chuan thinrim taktein a thin a rim ta a ni. a hmel chu a dang var pap a, “Chumi awmzia chu Don Croce nen kan lo thawk dun reng tihna em ni? Guilianno chu tanpui loin ka lo phatsan reng zawk a ni maw? A nu leh pate hnenah dawt ka sawi bawk a? Nang pawhin i thiante i phatsanin an fapa thihna i thlen tihna maw? Mi tlaw, Juda kel ang maiin min lo hmang reng zawk em ni? Pop, Pathian leh! Guilianno kha mi tha tak a ni a, Sicily mipui rethei tak tak te tana pasaltha ropui a ni asin. Thuthlungbu chu kan tichhuak ngei tur a ni.”
A pa chuan a sawi zawh tir phawt a, chutah lo tho chhuakin Michaela darah chuan a kut a nghat a, “Min ngaithla teh.” a ti a, “Guilianno tlan chhuah theihna atan engkim buatsaih a ni a. Guilianno phatsanin Don Croce chu engmah ka tih pui lo. Thlawhna-in a nghak reng a, Clemenza leh a hote pawh engti kawng zawng pawha pui tur che ua hrilh a ni. Don Croce pawhin Guilianno tlan chhuah chu a duh a, kawng awlsam ber a ni. Mahse Guilianno chuan alaka phuba lak a tum tlat a, chumi ti hlawhtling tur chuan a la bei khawmuang leh a ni. Ni reilote chhungin i hnena lo kal thei reng a ni a, mahse a tawp nan tiin a bei leh a. Chu chuan a dam tir ta lo a ni.” a ti a.
Michaela chu a pa hnen atang chuan kal hrangin savun chair-ah chuan a va thu a. “Thuthlungbu i tih chhuah loh na chhan hi a awm a ni.” a ti a. “Inremsiamna in nei a ni maw?”
“Aw ni e.” Don Corleone chuan a ti a. “Bomb hmanga hliam i nih hnu khan kei leh ka thian te chuan Sicily-ah chuan kan venghim thei lo che tih ka hre ta a ni. Beihna dang tawk theiin i awm a. Him dam taka i lo haw theihna ka ngaihtuah a ngai tlat a ni. Tichuan Don Croce chu ka inremsiam pui ta a. A venghim che a. Tin, keiin Guilianno chu America rama a lo tlan chhiat hunah thuthlungbu chu ti tlang thang lo turin ka lo hmin dawn a ni.”
Michaela chu Thuthlungbu chu him takin America-ah a awm tih Pisciotta hnena hrilhtu chu amah a ni tih a hriat chhuahna chuan na takin a thawng dawt a. Kha tih hun lai khan Guilianno hma lam hun chu a lo khar sak reng tawh a ni. Michaela chu a thaw hak a. “Guilianno-a nu leh pa lakah bat kan nei ta a ni.” a ti a, “Justina chungah pawh, a tha reng reng em?”
“Aw,” Don chuan a ti a, “Uluk taka enkawl a ni. Thil thleng tuar dam tur chuan thla tlemte chu a mamawh ang.” A han chawl hlek a, chutah, “Hmeichhe fing tak a ni a, hetah tha takin a awm mai ang.”
Michaela chuan, “Thuthlungbu kan tichhuak lo a nih chuan a nu leh pate kan phatsan tihna a ni ang.” a ti a.
“Ni lo ve,” Don chuan a ti a. “America-ah hian kum eng emaw zat chhung khan thil zir chhuah ka nei a, I fim hle tur a ni a, dawr theih i ni bawk tur a ni. thuthlungbu tih chhuah chuan eng thil tha nge a thlen tak ang? Italy Sorkar chu a tlu chhe maithei a, a tlu chhe lo thei bawk. Minister Trezza chu a hna atanga ban a ni ang a, mahse an hremin i ring em ni?”
Michaela chuan thinrim takin, “Ama mipui ngei te that tura thu petu, sorkar tana ding a ni asin.” a ti a.
Don chuan a dar a chhin ak a, “Tichuan? Guilianno-a thuthlungbu tih chhuah chuan a nu leh pa emaw a thiante emaw a tanpui ang em? Sorkar chuan a um zui hlawm zawk ang a, jail-ah dahin thiam loh chantir dan ngawt a zawng ang. Chu aia tha lo zawk chu, Don Croce chuan a duh lohte hming ziahnaah a ziak lut thei bawk. Upat lam tawhah chuan i chawlh hahdam tir teh ang. Anmahni hum turin Sorkar leh Don Croce chu ka lo inremsiam pui ang e. Chutiang zawng chuan thuthlungbu ka kawl chu a hmantlak ang.” a ti ta a.
Michaela chuan hmin vak lo zetin, “Chuan Sicily rama eng tik emawa kan mamawh hunah kan tan a tangkai ang a.” a ti a.
“Ka ti lo thei lo a ni.” a pa chuan nu suk chungin a ti a.
a ngawih vang vang hnuah Michaela chuan zawi sapin, “Ka hre lo le, a zahawm lo riauin ka hria a ni. Guilianno chu mihuaisen dik tak a ni a, miropui a ni der tawh a ni. Amah hriatrengna tal kan pui tur a ni, hneh a nih avanga zuihral mai lovin.”
A vawikhatna atan Don chuan nin avanga thinurna a lantir ve ta a ni. Anisette chu a inthlit a, a han tlak pawp a. Michaela chu kawk chungin, “Zir i duh a,” a han ti a. “Min ngaithla rawh. Mipain a tih tur hmasa ber chu nung dama indah phawt a ni. Chutah miin zahawmna an tih chu a ni leh ang. He mualphona tia i koh hi, ka chungah ka nghat a ni. I nun chhanhim nan, ka nun chhanhim nana mualphona i tawh ang khan ka ti a ni. Don Croce-a venhimna tel lo kha chuan sicily kha dama chhuahsan thei i ni lo. Chu chu lo ni ta se. Guilianno anga mihuaisen nih a, miropui nih maw? chu mi hnuah thih chu maw? Ka thian tha tak fapa a nih avangin ka hmangaih a, a hmingthanna hi ka thik lem lo. Nung damin i awm a, a ni chu a thi a ni. Hrereng rawh, tin i nun kha pasaltha nih tumna ni loin nun khawchhuah tum nan hmang zawk ang che. Hun a lo kal a, pasalthatna chu thil atthlak mai a ni thin.”
Michaela chu a thaw hak a, “Guilianno chuan duhthlan tur a nei lo a ni.”
“Kan vannei zawk hle a ni.” Don chuan a ti a.
Chu chu Michael-an a pa hnen atanga zirlai a dawn hmasak ber a ni a, a zir that ber a ni bawk. A hmalam hun tieng tur, a mumangah pawh a la man phak loh duhthlanna khirh tak tak a siam dawn pawha hmin fo tu a ni. Zahawmna a hmuh dan leh palsaltha a thlir dan a thlak hlawk a. Dam khawchhuak tur chuan a pui tehmeuh mai, mahse a ti hlim lo thung a ni. A dik tak chuan a pain Guilianno chu a thik lo a ni maithei, mahse Michaela chuan a thik tlat a ni.
Michael Corleone leh Peter Clemenza chu Palermo Jail lamah man an nih veleh phurh liam nghal an ni a. Chuta tang chuan Inpsector Velardi office lamah zawhna zawh atan an hruai ta a.
Velardi chuan a bulah carabinieri paruk silai keng a nei a. Hawihhawm der takin chibai a lo buk a, Clemenza chu be hmasain, “America khua leh tui i ni a.” a ti a. “I passportah chuan i unaupa Trapani ami Don Domenico Clemenza tlawh tura lo kal niin a inziak a. I unaupa chu mi zahawm tak. ‘Man of respect’ tiin min hrilh a ni.” chu thu chu tiel tih hriat takin a sawi a. “Darkar tlemte liam taah Guilianno thihna khuaah Michael Corleone nen kan hmu chein, Silai hlauhawm tak silai hlauhawm tak i keng a. Eng emaw sawi duh i nei em?”
Clemenza chuan, “Sapelin kan chhuak a, Sazupui leh Sihal vel kan zawng a ni. Chutah Castelvatrano-a mipui zi nuaih nuaih kha kan rawn hmu a, zing coffee in tura cafe-a chawlh pahih eng thil nge thleng tih kan rawn ngaihven ta a ni.” a ti a.
“America-ah chuan machine pistolin sazupui in kap thin em ni?” a ti a, Michaela lam chu hawiin, “Nang leh kei hi a hmain kan inhmu tawh a, heta i awmna chhan hi kan hria a ni. Mahse Don Croce hova chawchhun tuihnai tak kan kil hnu khan thil tam tak a thleng tawh a ni. Guilianno chu a thi tawh a. A tlanbo theihna tura thil dik lo ti tura puitu i ni. Nangni ang mi lak tlak loh hi mihring anga ka ngaih a tulna a awm tawh lo. In inpuanna tur siam sa vek a ni a, chutah chuan hming i ziah ka duh a ni.”
Chutih lai chuan Carabinieri officer hi lo lutin Velardi beng bulah chuan eng emaw hi a rawn sawi a. velardi chuan bung zetin, “Rawn luh tir rawh.” a ti nghut a.
Don Croce a ni. Michaela chuan lunch an ei duna a inthuam dan nen khan tuna a inthuam dan chu danglam chuang lo hlein a hria a. A hmel chang tak chu a muk ruih reng a. Michaela chu rawn panin a rawn kuah thuk thuk a, Clemenza chu kut thingin chibai a buk thung a. Chutah inherin, la ding reng chung chuan Inpector Velardi hmaiah tak chuan ngawi rengin a en ta veng veng a. Chu pa lianpui atang chuan chakna nasa tak a rawn luang chhuak zawih zawih emaw tih mai tur a ni. Thunei hmel hi a pu hliah hliah a. “Heng mi pahnihte hi ka thiante an ni a.” a ti a. “Zah lo taka i lo tih theihna chhan hi eng nge ni?” A awrawlah chuan thinrimna a lang lo a, engmah a lang chhuak lo a ni. Zawhna satliah ang lek, mahse dik taka chhan duhna a lang a. Man an nihna chhan chu engtikawng maha sawifiah theih a ni lo ang tih sawina a lang tel bawk.
Inspector Velardi chuan a dar a chhin ak a, “Magistrate hmaah an inlan ang a, a ni chuan thil a tifel mai ang.”
Don Croce chu Inspector dawhkan hmaa chair-ah chuan a thu a, a mit ko a san uk a, “Kan inthianthatna zah vang chauhin, Minister Trezza call la, he thila a ngaih dan hi zawt rawh. Min rulh let tur i nei ngei ang.” a aw-ah chuan vauna awka engmah a lang leh lo.
Inspector Velardi chuan a lu a thing a. A mitmu hring nghalh chu a vawt raih tawh lem lo a, mahse huatna avangin a de sawr a ni. “Thian kan ni ngai lo.” a ti a. “Guilianno a thih tak avangin ka order hmuh khan min phuar tawh lo a ni. Heng mi pahnihte hi magistrate hmaah an kal ang a, ka thuneihna ni se chuan nang pawh an rualin i kal ve ngei ang.”
Chu tih lai chuan a dawhkana Phone chu a rawn ri ta a. Don Croce chhanna a nghah avangin Velardi chuan a ngaihsak lem lo. Don Croce chuan, “ Phone kha chhang rawh. Minister Trezza a ni ngei ang.” a lo ti a.
Inspector Velardi chuan phone chu muangchangin a la kang a. A mit chuan Don Croce chu a en reng a. reilote a ngaithla a, chutah, “Awle, Your Excelency” a ti a, Phone chu a dah ta a. Chair-ah chuan a thu hnawk a. Michaela leh Clemenza eng chung chuan, “In kal thei e.” a ti a.
Don Croce chu a tho a, office atang chuan Michael-a leh clemenza chu a chhuah tir a, kawtzawla ar kan hawl ang mai hian an ni a hawl chhuah ni. Chutah Inspector Velardi lam chu a hawi a, “Ka Sicily-ah mikhual i ni chungin khang kum chhung khan hawihhawmna tinrengin ka en che a. Chu ti chungin thian te hmaah leh i Officer te hmaah keimah min zah lohna i tilang a ni. Mahse huat thu pai reng mi ka ni lo a. Nakin lawkah chuan inhriatthiamna sang zawk nen kan inthian thatna ti nung tharin zanriah kan la kil dun ngei ka beisei a ni.” a ti a.
Ni nga hnuah chuan Inspector Velardi chu chhun ni en lai takin Palermo kawtthler lun lai takah kah hlum a ni ta a ni.
Ni hnih hnuah chuan Michaela chuan In a thleng ta a. Chhungkaw chaw eikhawm a awmin - a unaupa Fredo chu Vegas atangin a lo kal a, Connie leh a pasal Carlo te chu an awm bawk a, Clemenza leh a nupui an awm a, Tom hagen leh a nupuite pawh. Michaela chu kuah thawk thawkin a lan dan tha tak chungchangte an sawi a. Tumahin kum hnih chhung a tlan bo tih te, a hmaia ser khuar kak chungchangte chu an sawi lo a, Sonny thih chungchang an sawi chhuak miah lo bawk. Chawlh hmang emaw college a zawh hnu emawa a lo haw lawmna chhungkaw party ang mai a ni. A pa ding lamah chuan a thu a. A tawp a tawpah chuan a him ta a ni.
A tukah chuan tlai tak thlengin a mu a, a ram a chhuahsan atanga tui taka mut vawikhatna a ni hial awm e. A nu chuan tukthuan peihsa diamin a lo nghak tawh a, dawhkan bula a thut chuan a lo fawp a, nidanga a dawn ngai zen zen loh ngainatna a nu hnen atang chuan a dawng tlat a ni. Chutiang chuan indona atanga a haw tum khan a lo dawng tawh bawk a ni.
Thil a ei zawh chuan library lamah a kal a, chutah chuan a pain a lo nghak reng tawh a. Tom Hagen takngial pawh a awm lo chu mak a ti deuh hle a, a pa chuan hretu dang tumah awm lovin a be duh tih a hre mai a.
Don Corleone chuan phur deuh takin Anisette no hnih chu a han thli a, no pakhat chu Michaela pek pahin, “Partner kan nih lawm nan.” a ti a.
Michaela chuan no chu a chawi kang a, “Ka lawm e,” a ti a, “Zir tur ka ngah hle a ni.”
“Ni e” Don Corleone chuan a ti a, “Mahse hun kan ngah alawm, nangmah zirtir turin ka awm bawk a.”
Michaela chuan, “Guilianno-a buaina hi ching fel hmasa ila tha i ti lo em ni?” a ti a.
Don chu thutthlengah chuan a thu thla hnawk a, a hmuia thil kai hruk fai pahin, “Ni e, tih tur run thlak tak a ni. A tlan chhuah theih ka beisei reng asin mawle. A nu leh a pate kha ka thian tha tak an ni a.” a ti a.
Michaela chuan, “Eng thil pherh hrep nge thleng ka hrethiam thei lo. Khawi lam nge dik zawk ka hre thei lo a ni. Don Croce ring turin min ti a, mahse Guilianno chuan a haw tlat si. Thuthlungbu i kawl mek khan Guilianno chu thihna lakah a chhanchhuah theih ka ring a, mahse thah a ni ta tho si. Tuna thuthlungbu chu chanchinbu zawng zawnga kan chhuah hnuah chuan, anmahni hrawk pawh an zai a ngai ngei ang.” a ti a.
A pain dam raiha a lo en chu a hmu a, “Sicily a ni tlat a,” a lo ti a. “Inphatsanna chhungah inphatsan lehchhawnna a thleng chawk alawm.”
Michael-a chuan, “Don Croce leh Sorkar chuan Pisciotta chu inremsiamna an neih pui ngei ang.” a ti a.
“Phang lovin mawle,” Don chuan a lo ti a.
Michaela chu a la buai deuh hle, “Engvanga ti nge an nih? Guilianno leh sorkar kut insuihzawmna tilangtu Thuthlungbu chu kan kawl a. Chanchinbu-a kan pek hnuah Italian sorkar chu a tlu anga. Eng thil mah a danglam chuang lo tlat a ni.”
Don chu a han nui deuh a, chutah, “Thuthlungbu chu thuhruk a ni ang, an hnenah kan pe lo ang.” a ti a.
A pain a sawi hrethiam tur leh a awmzia hre tur chuan Michaela chuan Minute khat lai hun a duh hial a ni. Chutah a nuna a vawi khatna atan a pa chungah chuan thinrim taktein a thin a rim ta a ni. a hmel chu a dang var pap a, “Chumi awmzia chu Don Croce nen kan lo thawk dun reng tihna em ni? Guilianno chu tanpui loin ka lo phatsan reng zawk a ni maw? A nu leh pate hnenah dawt ka sawi bawk a? Nang pawhin i thiante i phatsanin an fapa thihna i thlen tihna maw? Mi tlaw, Juda kel ang maiin min lo hmang reng zawk em ni? Pop, Pathian leh! Guilianno kha mi tha tak a ni a, Sicily mipui rethei tak tak te tana pasaltha ropui a ni asin. Thuthlungbu chu kan tichhuak ngei tur a ni.”
A pa chuan a sawi zawh tir phawt a, chutah lo tho chhuakin Michaela darah chuan a kut a nghat a, “Min ngaithla teh.” a ti a, “Guilianno tlan chhuah theihna atan engkim buatsaih a ni a. Guilianno phatsanin Don Croce chu engmah ka tih pui lo. Thlawhna-in a nghak reng a, Clemenza leh a hote pawh engti kawng zawng pawha pui tur che ua hrilh a ni. Don Croce pawhin Guilianno tlan chhuah chu a duh a, kawng awlsam ber a ni. Mahse Guilianno chuan alaka phuba lak a tum tlat a, chumi ti hlawhtling tur chuan a la bei khawmuang leh a ni. Ni reilote chhungin i hnena lo kal thei reng a ni a, mahse a tawp nan tiin a bei leh a. Chu chuan a dam tir ta lo a ni.” a ti a.
Michaela chu a pa hnen atang chuan kal hrangin savun chair-ah chuan a va thu a. “Thuthlungbu i tih chhuah loh na chhan hi a awm a ni.” a ti a. “Inremsiamna in nei a ni maw?”
“Aw ni e.” Don Corleone chuan a ti a. “Bomb hmanga hliam i nih hnu khan kei leh ka thian te chuan Sicily-ah chuan kan venghim thei lo che tih ka hre ta a ni. Beihna dang tawk theiin i awm a. Him dam taka i lo haw theihna ka ngaihtuah a ngai tlat a ni. Tichuan Don Croce chu ka inremsiam pui ta a. A venghim che a. Tin, keiin Guilianno chu America rama a lo tlan chhiat hunah thuthlungbu chu ti tlang thang lo turin ka lo hmin dawn a ni.”
Michaela chu Thuthlungbu chu him takin America-ah a awm tih Pisciotta hnena hrilhtu chu amah a ni tih a hriat chhuahna chuan na takin a thawng dawt a. Kha tih hun lai khan Guilianno hma lam hun chu a lo khar sak reng tawh a ni. Michaela chu a thaw hak a. “Guilianno-a nu leh pa lakah bat kan nei ta a ni.” a ti a, “Justina chungah pawh, a tha reng reng em?”
“Aw,” Don chuan a ti a, “Uluk taka enkawl a ni. Thil thleng tuar dam tur chuan thla tlemte chu a mamawh ang.” A han chawl hlek a, chutah, “Hmeichhe fing tak a ni a, hetah tha takin a awm mai ang.”
Michaela chuan, “Thuthlungbu kan tichhuak lo a nih chuan a nu leh pate kan phatsan tihna a ni ang.” a ti a.
“Ni lo ve,” Don chuan a ti a. “America-ah hian kum eng emaw zat chhung khan thil zir chhuah ka nei a, I fim hle tur a ni a, dawr theih i ni bawk tur a ni. thuthlungbu tih chhuah chuan eng thil tha nge a thlen tak ang? Italy Sorkar chu a tlu chhe maithei a, a tlu chhe lo thei bawk. Minister Trezza chu a hna atanga ban a ni ang a, mahse an hremin i ring em ni?”
Michaela chuan thinrim takin, “Ama mipui ngei te that tura thu petu, sorkar tana ding a ni asin.” a ti a.
Don chuan a dar a chhin ak a, “Tichuan? Guilianno-a thuthlungbu tih chhuah chuan a nu leh pa emaw a thiante emaw a tanpui ang em? Sorkar chuan a um zui hlawm zawk ang a, jail-ah dahin thiam loh chantir dan ngawt a zawng ang. Chu aia tha lo zawk chu, Don Croce chuan a duh lohte hming ziahnaah a ziak lut thei bawk. Upat lam tawhah chuan i chawlh hahdam tir teh ang. Anmahni hum turin Sorkar leh Don Croce chu ka lo inremsiam pui ang e. Chutiang zawng chuan thuthlungbu ka kawl chu a hmantlak ang.” a ti ta a.
Michaela chuan hmin vak lo zetin, “Chuan Sicily rama eng tik emawa kan mamawh hunah kan tan a tangkai ang a.” a ti a.
“Ka ti lo thei lo a ni.” a pa chuan nu suk chungin a ti a.
a ngawih vang vang hnuah Michaela chuan zawi sapin, “Ka hre lo le, a zahawm lo riauin ka hria a ni. Guilianno chu mihuaisen dik tak a ni a, miropui a ni der tawh a ni. Amah hriatrengna tal kan pui tur a ni, hneh a nih avanga zuihral mai lovin.”
A vawikhatna atan Don chuan nin avanga thinurna a lantir ve ta a ni. Anisette chu a inthlit a, a han tlak pawp a. Michaela chu kawk chungin, “Zir i duh a,” a han ti a. “Min ngaithla rawh. Mipain a tih tur hmasa ber chu nung dama indah phawt a ni. Chutah miin zahawmna an tih chu a ni leh ang. He mualphona tia i koh hi, ka chungah ka nghat a ni. I nun chhanhim nan, ka nun chhanhim nana mualphona i tawh ang khan ka ti a ni. Don Croce-a venhimna tel lo kha chuan sicily kha dama chhuahsan thei i ni lo. Chu chu lo ni ta se. Guilianno anga mihuaisen nih a, miropui nih maw? chu mi hnuah thih chu maw? Ka thian tha tak fapa a nih avangin ka hmangaih a, a hmingthanna hi ka thik lem lo. Nung damin i awm a, a ni chu a thi a ni. Hrereng rawh, tin i nun kha pasaltha nih tumna ni loin nun khawchhuah tum nan hmang zawk ang che. Hun a lo kal a, pasalthatna chu thil atthlak mai a ni thin.”
Michaela chu a thaw hak a, “Guilianno chuan duhthlan tur a nei lo a ni.”
“Kan vannei zawk hle a ni.” Don chuan a ti a.
Chu chu Michael-an a pa hnen atanga zirlai a dawn hmasak ber a ni a, a zir that ber a ni bawk. A hmalam hun tieng tur, a mumangah pawh a la man phak loh duhthlanna khirh tak tak a siam dawn pawha hmin fo tu a ni. Zahawmna a hmuh dan leh palsaltha a thlir dan a thlak hlawk a. Dam khawchhuak tur chuan a pui tehmeuh mai, mahse a ti hlim lo thung a ni. A dik tak chuan a pain Guilianno chu a thik lo a ni maithei, mahse Michaela chuan a thik tlat a ni.