RECKLESS (Adult 18+ story) (Completed)

[ngaia]

45
Tori

Ka text message dawn chu ka en a.

Kat : Tunkar chhung min puih thei ang em? khawngaihin ka mangang, order a tam lutuk a, ka rit tawh bawk nen keimah chuan tih ngaihna a awm lo!

Chhang ngai mai lo in ka chhiar nawnleh a, a dang a rawn pop up leh nghal a.

Kat: Ka car i duh em? I nei dawn nia.

Min mamawhna a sang hle a ni ngei ang.

Kat : Kar hnih khat vel chu heta rawn awm ve mai teh. Hlawh pawh ka pe ang che. Ei tur leh unaunu te hmangaihna lo deuh i hlawh dawn nia.

Ka chek tlak a, engmah hlawh lo pawhin ka puih dawn a ni tih amah ngei pawhin a hre chiang.

Chu thil chuan eng emaw zawng takin min ti thawveng huai mai, a chhan chu keima thu ngeiin heta tangin ka chhuah theih dawn vang a ni, Ethana min chhuahtir ni lo in.

Ka tum dan ka hrilh chuan Ethan-a chuan mak ti hmel tak hian min en a.

"Eng nge i sawi awmzia? Hetah i awm duh tawh lo em ni? a hmelah chuan rilru natna a rawn lang a, mahse rei a ni lo, ka ngaihtuahna mai mai zawk em ni?

Thlek dek bak pahin, "Awm te chu duh teh reng mai, mahse khawiah nge ka mut tak ang, i nu nen kan mu dun dawn em ni?"

Rin aia hmain Beverly-i rawn haw chuan min suprise theuh a, a lungleng tawh lutuk rawn haw hma hi a lo ni a. Logan-an inchhung tih fai ka duh tih chhunglama hmangin a nu chu hetah la awm ve rih turin a ti a. Pizza leh ei tur bawm ruak sangtel inchhung hmun tinah a let phung a ni ngei ang chu, bawhhlawh bawmah pawh a CD hman hnu a khat tun ngei ang. Tenawm...

Ethan-a in chu a nuam in a fel viau a, mahse a zau lutuk lo thung. Beverly chu khawiah nge a mut tak ang? Milla bulah han ti ila zanah a khan nasa dawn si a, thil tih chi a ni si lo. Ka room chu a awm ber a ni mai si a, mahse kei hi khawiah nge ka mut tak ang? Thutthlengah a nih loh chuan chhuatah a nih hmel, chu zawng ka chak fahran bik bawk si lo.

"En teh Ethan, ka hlawh tur min pek reng hi i tan a hautak tham a ni tih ka hria a, tunah i nu a rawn haw tawh bawk a, pawisa tul lo a i hman ka duh pui lo che a ni."

Min han thlek vang vang phawt a, chutah, "Kawngka kha khar la, hetah rawn kal teh," min ti a.

"Eng nge?" a mi tih dan chuan min ti hrilh hai lek lek a ni.

"Ka sawi ang chuan ti phawt mai teh."

Kawngka ka khar hma chuan pawnlamah midang an awm em ka bih kual dak dak phawt a, a lam panin ka let leh ta a,"I nu, room lehlama a awm reng lai chuan sex ka hmanpui dawn miah lo che a nia."

Chu chu heta tanga chhuah ka duh chhan pakhat a ni reng a ni. Zanah a rukin Ethan-a a rawn kal ang a, kan che vel thawm a nu in a hriat vaih chuan zah lutuk avangin ka thi thei hial ang. A nu sawn min ngaina se ka duh a, room lehlamah a fapa ka thuttlum sak pulh pulh thawm a hriat vaih chuan min lawm fahran kher lo ang. Mak ve deuh chu naupang ho in kan zanlai thlifim thawm an hre ngai miah lo.

A bul ka va thlen chuan, a mal chungah min thut tir a, muang chang hian min han kiss leh te te a, "Kal lo turin ka duh che a ni."

Ka va sawi teuh em, ka hmangaih che ka ti hman tep. Mahse, eng thil eng emo tak hian a la dal tlat, chu thu chuan ka hmui a la pel thei tlat lo.

Kal lo turin min ngen rawh.

A T-shirt hma a A&M logo chu ka kut zungtangin ka chhui kual zai zai a, "Kei pawhin kal ka duh bik lo, mahse, nang chuan min mamawh tawh hleinem, Kat-in min mamawh ve bawk sia."

Dik tak chuan ka hna ka tlin lo a ni tih hi eng tin nge a hmuh thiam loh zawk le ka ti hial a ni. Mila-i kut ka intih pem tir a, chu mi hnuah Cody-a butter ka khalh tir avangin chhuat zawng zawng a ti nal vek a, kan vaiin kan tluk phah bawk. Chung aia chhia thleng ta se, keimah leh keimah hi ka inthiam thei ngai lo ang, thildang ka rilruah a awm vangin khangthil te kha a thleng a ni si a, nakinah a thleng leh lo ang tih tu nge sawi thei?

A lak atang ngei pawh hian ka thamral rial rial ni mai hian ka inhre tawh a ni, a tan pawimawhna ka va nei tawh lo teh reng em. Ka kalsan chuan Allison-in intah luh leh a tum ang em? Tukin zinga a sakawr chungchuan zirtirnu khan chance a neih phah ang em? Engvangin nge min nihpui tih a zawt hial tawh mai thei a ni?

Ka thinphu dup dup hi a hre thei hial ang? Eng emaw a sawi ve hun nghak in ka lo in sangmar ru teuh a.

Awm turin min ti rawh.

In awmpui ni lo in, i bialnu ang zawkin.

MIn hmangaih tih sawi teh.

Engmah a sawi lo.

Ka hmaiah a dawm a, "Nizan thil vel vang khan em ni?" thawk a la kawk a, "KHa kha sawi duh ka nei a. Ka..."

Allison-i nen kawtah an inhnial tih vel kha chu hman a thleng ang vel a ni tawh.

Ka lu ka thing a, "Aih," ka insut hraih a, "Ni chiah lo" Eng nge a mamawh tak tih inngaihtuahna hun a mamawh dawn tih vel chu a ni deuh tho mai. Keimah hi a duh chu ka lo ni lo mai thei asin.

Tap reng reng suh, Tori.

"Ka ta i la ni reng tiraw, a dik em?"

"Teh reng."

Ka rilruah zawhna a rawn piang ve nghal a: Ka ta i la ni ve reng em?

....................


Kat-i choka bula thingkungah chuan Mockingbird hi a hram lauh luah reng a, ni chu a sa in vansang takah chuan a sen vawl vawl a.

Kat-i chuan min melh ralh ralh pahin, "I nuamsam meuh lo em ni? Heta i rawn phei ni atang khan i la tawng mang lo reng reng, min ngei em ni?"

"Teuh lo lutuk, ka ngei lo che. Min biak reng chuan i recipe hi ka ti sual palh ang e."

"come on, Manita. Eng nge anih han sawi teh, thil dik lo chu a awm a ni, min tihzahna tur eng thilmah kartluanin tih pawh i la ti miah lo a nia, nangmah i ang lo reng reng."

"Oh, my God. Anih kan sawi ang e, Ethana leh naupang ho ka ngai."

"Anmahni hmu tura i kal miah lo hi mak ka lo ti reng a ni."

Rawn kal turin min ti se chuan ka phei em em ang.

A sawi chhuak hmasatu nih erawh ka tum bau lo.

"Kan in text ve zeuh zeuh a lawm, vawi hnih vel chu mumal lo zetin kan in phone tawh bawk. A thawh hlimah leh a mut dawnah a nia, phone a mi be duah chi a ni vak lo a."

Austin a ka haw hunah pawh la inngaihzawn reng hi ka tum dan a ni a, mahse tunah chuan zawi zawiin ka beiseina chu a zuih ral tial tial tawh a ni. A chhan chu in text lam a ti vak ngai si lo a, phone a han inbiak duah dawnin sawi tur a van thin bawk nen, long distance relationship nei tur chuan heng thil pahnih hi a pawimawh em em si. Helai leh Austin chu in hlat lutuk ni lo mahse a danglam phah te chiam kher lo ang.

Vawi hnih min rawn call a, min ngaih thu chu a sawi ve ngei a, a bak han sawi tur em em a nei hran lo, min ngaihthu a sawi avang ngawtin amah hmu turin ka tlan nghal dawr dawr tur tihna a ni lo.

A thil sawi pakhat min ti hlim ve tu ber chu, Cody-a party kan tih fel zawh hnu ah khawi hmunah emaw min dineout pui tur thu a sawi kha a ni.

Chutah chuan titi tak takna hun kan neih theih ngei ka beisei, kan pahniha inzawmna lehna hun tha kan mamawh a ni, tunah tak hi chuan hmelhriat ngai loh ni mai hian a hriat a.

Party erawh chu... Allison-i leh a thiante ho party ah chuan an rawn kal ve dawn sia, chakawm zawk zawk loh khawp mai.

Kat-i chuan dawhkan hrukfai pahin, "Cody-a birthday-ah chuan ei tur i siamsak dawn ta em?"

"Immm" Beverly-in niminah a rawn kal tur zat min hrilh chuan ka chil hakin ka thi lo chauh, an chhiar theih chinah min 65 an tling tawh a, la kal belh tur an la awm bawk... Allison-i hian a hmelhriat zawng zawng sawm a tum teh reng emaw ni le, thank you so much. "BEv-i chuan ka duh chuan Caterer ruai mai turin min tia."

"A that nasa chu."

Ka lo meng kual ralh a, "Ethan-an Caterer ruai turin pawisa a nei hleinem. Cake tih loh chu keiman ka siam vek ang." A lo thaw halh a, rum tawka melh pahin, "Ka tih theih i ring lo a mi?"

"NI lo e, i thei lutuk ang, hna a tam dawn em a tih thu mai a nia."

Ka chetsual loh nan tawngtai mawlh mawlh ka mamawh ang a, Allison-i nen kan inhnaih loh hram ka beisei bawk.