Re: All The Wrong Reasons 39 ONGOING
Posted: August 9th, 2025, 2:17 pm
Chapter 40
"Khati zawngin ka sawi loh kha. Khang lai kha chuan ka beidawng em a, ka neih theihna tur che kawng ka dap ta mai a nih kha. Ka chhungte ngei pawhin an pawm ngei ngei theih nan che kawng ka zawng a ni. Adrienne ka nunah hian tel ve turin ka duh che. Nang nena chhungkaw din dun ka duh. Ka chhungte khan khatih lai khan ka suangtuahna an tichhe dawn emaw ka ti a, hun kha her chak bawih ka duh alawm. Tuna kan dinhmun a ding tur hian engpawh tih ka huam vek...inneih a, fa neih hial pawh pawi ka ti lo" Justin chuan ngenngawl takin a han melh a
"Engtin nge kei ve hi ni ang? Lo la inpeih lo ta ila?"
Justin chuan hnuai lam melhin a kut a fawh sak a, a han dak chho leh chu hrehawm a tih hmel tawh khawp mai "Ka hmangaih chhan che chu i thinlung ṭhat em vang a ni, Adrienne. I hmangaihte tan chuan i inpe zo ṭhak ṭhin. Min hmangaih ve avang hian ka lawm lutuk asin. I sawi hmasak ber zan khan maw...ka ṭawngṭai a, nau kan pai theih nan. Chhungkua din i inpeih nghal mai ka lo ring a
"Kan awm dun hnunhnung berah khan maw, invenna pawh kan hman loh kha. Nau pai thei dinhmunah kan ding tih kan hre ve ve. I inpeih lo a nih pawhin kei chu ka inpeih reng. Ka enkawl mai ang che" Adrienne dul a rawn khawih a "In pahnih hian min ring tawp mai rawh u"
Adrienne biang ah mittui a rawn luang a, Justin chu mittui parawl kuang in a en a, a nui sak bawk "Ka hmangaih che, mahse ka tello a i lo ruahman erawh hi chu ka lungawi lo khawp mai. Mahse ka la hmangaih tho che"
Justin chu a nui chhuak hak a, khumah ṭhu in a mal chungah a ṭhut tir a "Dam chhungin min hrem tawh mai rawh. Inneih chu chhunzawm tho ang aw, a hmaa min hrilh kha i fiamthu a ni tiraw?" a ti a
"Ka ti tak tak alawm" chimawm zetin a nui a, Justin chu a rawn meng zau kawk a "Mahse ka rilru ka thlak leh e" a dar a chhin ak a "A pawi hle mai a, ṭhulh ila chu kan mu dun thei tur ania. Mahse kan inneih leh dawn si a, mut dun chu a theih rih lo tawp. Minute nga hun ṭha i neih i bawhpelh phah a, pawi ka tih pui khawp mai che" pawi tih hmel deuhin mithmul kar aṭang Adrienne chuan a melh a
Justin chu a phu zawk a, a hrechhuak leh thut a ni maithei. A rum chhuak leh nghut a "I phakar em mai a, inṭhen leh zuai ila, minute sawmruk hnuah inneih ka rawn sawm leh nghal ang che nga"
Adrienne chu a nui ker ker a "Tihpalh hotupa. I hun ṭha i bawhpelh tawh. Vawihnih inhualna ṭhulh chu a malsawm lo e"
"Vawi thumna chu a fuh duh an tih kha! I hre tawh lo em ni?" A rawn hnial ve leh hram a
Adrienne chuan a lu a thing a "Tunah a nih loh chuan a theih tawh loh a ni mai. Chu lo ah naute ka pai mai thei a, chuvang chuan dan ka siam a ngai a ni mai"
Justin chuan a rawn melh leh ralh a "Kan zan hun hman dun hmasak ber aṭang khan dan ka siam tir char char che alawm duhtak" ti thawp sut in a kawngah a kuah a
Adrienne chuan mit a lo khap fawk a "Thudik a nih loh chu a!"
"A ni alawm," Justin chuan a kuah leh a "A pawi lo ania, a vawikhat na atan kei aia thuneitu zawk an awm ve tihna a ni mai"
Adrienne chu a nui ker ker a "Pahnih zawk mawle..." a ti a
Justin chu a thaw chhuak halh a, a lungawi hmelin a hlim veng veng mai a ni "Ni e, pahnih in awm tawh dawn"
"Justin...a la chian loh em hi. Naktukah check ila tiraw?" Adrienne i'n a ti thawp sat a
"Naktuk ai chuan tuna hriat nghal mai pawh ka duh zawk" Justin a'n a ti a
Zanah chuan Justin chu Adrienne room ah a mu ve a "Dan kha chu ka ngai pawimawh vak lem lo, Duhtak. Tihluih ṭalh che ka tum lo vang. Mahse i kiangah min muttir hram rawh. Enkawl che ka duh ania, zing hma takah zun test na kan lei nghal dawn nia" a ti a
A tuk zing Adrienne a harh chuan Justin chu khumah a lo awm tawh lova, tukverh aṭang ni in a rawn chhun a, thawh a la peih lo ngang mai. Khuma mut hahdam mai mai chu a chak daih zawk. Mahse Abi i'n a thawh peih loh chuan a rawn hnuk thla mai ang tih a hlau bawk si
Kawngka inhawngah Justin chu room chhungah a rawn lut a
"Tuk chhuah nuam! I mutui em?" a hmuiah a rawn fawh sak a
Adrienne chu a lo bu nghat a "Khawnge i awm a?" a ti a
Bag a rawn khai a "I mamawh ka rawn leisak che a, kan rinhlelh hi kan chian dawn lo em ni?" a ti a
Adrienne chu phur deuhin a nui sen sen a, bag chu ban in bualin ah a lut a, Justin chu minute rei vak lo hnuah a rawn lut ve nghal a. Bual kuang ah a rawn ṭhu ve a, minute thum a liam leh chuan an va endik a
"Nau kan pai theihna chance hi a sang tiraw?" Justin a'n a zawt a
"Ka hria alawm. Midang te i hrilh tawh em?"
"An vai mai hian hrilh ka chak tawh!" Justin chu a meng de ser ser a
Adrienne chuan a chhungte a hrechhuak zawk a, a nu te hrilh a chak tawh lutuk "Justin...kan chhungte..."
"Chanchin an hriat chuan an lawm ve viau ang"
"Ka hria alawm. Ka duh ber chu...an tello a, kan thil tih vang hian thinrim lo hram se tih a ni" Adrienne i'n a tichuai raih a
"Nia. Ka pa'n min call ngun khawp mai. 'Khawnge i awm?' tih message sang chuang min thawn tawh mahse 'I nunah thuneih ka tum avangin min ngaidam rawh' tih chu a tel miah lo"
"Chu chu maw an hnen aṭanga i hriat duh chu?"
"Tu fanu nge i ni tih an hriat hma che a, an pawm hrim hrim che ka duh alawm. Chuan Adams Industries ro la luah tu tur i pai mek tih an hriat hma a nangmah i nihna ang tawpa an thlan che ka duh alawm. Keiman ka thlang che a, ka hmangaih che avangin! Chu vang chuan pawm thei che sela ka ti"
Adrienne chu a lo bu nghat a "Nau ka lo pai a nih chuan ka chhungten hre hmasa ber se ka duh" a ti a
Justin pawh a lo bu nghut a "Awle. Kan chhungte kan hrilh hma chu midang hrilh rih lo ang aw. Inneihna ah an tel thei dawn lo hi a pawi bawk si a"
Adrienne phone chu a rawn ri a, minute thum a lo liam der tawh a ni
Thawh a, en nghal an tum deuh kha a ni a, mahse Adrienne chuan Justin chu a lo dang a "Ngawi teh" zam deuhin a va melh a "Lo pai lo ta ila, engtin?" a ti a
Justin chu a nui suk a "I pai loh pawhin thla tawp ah chuan i pai hman em em ang" a ti sam et a
"Chhungkaw din hmat chu i va chak awm ve?"
"Chhungkaw lian tak din ka duh alawm. Fapa mal ka nia, a chang chuan ka khua a har thei lutuk"
Adrienne chu a nui a "Ka lian telh telh dawn asin"
Justin chu a nui chhuak hak a "Ka mitah chuan i chhelo reng tho ang duhtak" a hnar a rawn fawh sak a "Inring tawh ang hmiang?" a ti a
Adrienne pawh chu a tho ve a, Justin chu a hnungah rawn dingin a taiah a rawn pawm a. Test hrang hrang tih tawhna pathum chu an han en diat diat a, a inang vek
An ding ngawi reng a, Justin chuan zawimuangin a lamah a her a, an inhmachhawn ta. A lawm lutuk chuan Adrienne chu a pawm kang lawp a
"Justin, min chhuk tir rawh!" Adrienne chu a nui ker ker a, a mittui a rawn luang tel bawk
Justin a'n leia a nghah hnu chuan Adrienne i'n a kuah thlawp a
"I hlim tawh em?"
Rawn kun hniamin a hmui a rawn fawh dawnah chuan "Hlim lutuk ringawt" a ti a
****
Adrienne chu car sei deuh chhungah zam hmel deuhin a ṭhu a, tlai dar li a ni tawh. Yuan leh Jill nen nilengin an inchei a ni ber e
A kawrfual hak pawh a inhmeh khawp mai. A sam pawh an chei thiamin sang deuha an tawm bawk a, a hma lam a tla deuh bawk a, pangpar bakilh an kilh sak bawk. A hmai chu an chei nasa lutuk lo a, mahse a vun chu a eng phat phat tho mai
Thlalatu te leh Video a lo la tu tur te pawhin an hual ṭhup a, a chet dan zawng zawng hmaih an nei lo
An kawng zawh chu thingkung sang deuhin a hual khup a, ramhnuaia kal tur ang mai an ni. Justin, Mason leh Abi chu a hma deuhin an lo thleng tawh a, Adrienne i'n a hriat chhuah tak chu hotel aṭang darkar khat vel tlan a ni ang tih hi a ni
"Kan awmna hi ka hre miah lo. Justin a'n heng lai hmun a thlang hi mak ka ti" Yuan a'n a ti a
Adrienne chuan a mitko a lo san a, a ṭhiante pawhin a mood inthlak ngun lutuk hi an hriatthiam ve mai a ring. Mahse nau a pai tih chu a hrilh chuang miah lo. A dawhthei lo sawt hle bawk
A tawp a tawpah chuan bang hnim hringa khuh luk ah hian an ding ve thei hram a, Adrienne chuan misual te pawhin an lawn liam thei mai mai dawn lo tih a hre nghal mai
Gate chu zawimuangin an rawn hawng a, an chuanna car chu a lut riai riai a, pot sang deuh ah hian rose var leh sendang an lo khawi tlar dul a, chutiang taka han luh chu Adrienne i'n ropui a ti hle mai
"Lalpa leh!" Yuan chu a au ṭhawt a "In ropui deuh a in innei dawn a ni maw?" a ti a
Adrienne chu a thaw ṭha hleithei lo. Hmanlai Tuscan lal in ni awm tak a ni. Abi i'n a hak tum a thlak tir avang khan a lawm leh hnuhnawh viau mai. A hak tum hmasa kha chu an inneihna tur hmun nen a inmil dawn lo lutuk ringawt. Cinderella, lal fapa nei tur ang maiin a inngai
Lal in bul deuh ah chuan an ding ta a, Jill leh Yuan an chhuak chiah Abi i'n a lo chhawn nghal a, an tihtur te hrilhin a hmun chu a fan pui a
Minute nga hnuah camera chu an set fel nghal thuai a, Abi chuan zaizir in Adrienne chu car aṭanga chhuak turin a hrilh a
Adtienne chuan pangpar bawr a keng a, lehlam in a dul a khawih bawk. Nau a pai tih an chian hnu aṭang khan a dul khawih hi ngaiah a nei chho ṭan a, a kuta a pawm angin a ngai deuh tawp mai a ni
Abi chuan a rawn pan a, a hun tawh tih a hre nghal mai
"A hun a thleng ta, bawihte J. I nu hian maw i pa hi khawvela mi hlim berah ka siam dawn" tiin a ṭawng sap a
Abi chuan car kawngka a rawn hawng a, Adrienne chuan camera rawn de zawk zawk chu a hmu nghal. Thawk a la halh a
'A hun a thleng ta. Nakin lawkah chuan Adrienne Adams ka ni dawn e' a ti rilru a
Chumi ngaihtuah chung chuan a nui sen sen a
Yuan a'n a lo chelh vat a, Jill i'n a thawmhnaw a lo hai khawm sak a, huan ah chuan an lut ta a, kalkawng chu rose var leh sendang hian a khat a, rimawi ri pawh an hre thei. A thin a phu dup dup a
Abi hrilh angin Jill chu Adrienne hmaah a kal a, a ni pawh a mawi khawp mai
"I lal fapa hnena ka hruai tur che hi ka inchhuang hle mai, ṭhiani" Yuan a'n a ti a
Adrienne chuan a mittui a khap per sak a
"Ka hmangaih lutuk che u" a ti zawi sap a
"Keini pawhin kan hmangaih che" Yuan a'n a ti a
Gate chu a rawn inhawng a, an inneihna tur hmun pawh chiang deuhin a lang ta. Parda hi an lo zar a, Mo hliah deuh turin an ti a ni maithei. Adrienne chuan a hmu chiang thei tho
A ban te chu hnim hring hian an chei a, kalkawng ah chuan lung tereuh te te an dah a, thing tr chu thinlung milin a chep a, dawhsan ah chuan carpet var an phah ve thung a, rose var leh sendang an khawi tel leh bawk. Rimawi tumna hmun a awm leh bawk a
A hma tawng ah chuan Justin chu a suit var nen chuan a lo ding a, a sam pawh a khuih pial than mai. Mahse a sam an tihdan a duh loh avangin a kut in a khawih thur deuh tih a hriat. A sexy reuh lutuk. A hnungah Mason a lo ding a, a ni erawh chu a pial than mai. Adrienne nuih a za lutuk. Abi i'n a chei tih a lang reng mai
Parda chu a inhawng ta a, Abi chuan Jill chu a han zaizir a, Jill chu zei deuh maiin a kal ta, mo ṭhian a ni reng bawk a
Adrienne hun a thleng ve ta
Rimawi chu an thlak deuh thut a 'Here Comes the bride' tih an tum a, Adrienne chu a pasal tur lam panin a kal chhet chhet a
End of 40
CHHUNZAWM LEH TUR
"Khati zawngin ka sawi loh kha. Khang lai kha chuan ka beidawng em a, ka neih theihna tur che kawng ka dap ta mai a nih kha. Ka chhungte ngei pawhin an pawm ngei ngei theih nan che kawng ka zawng a ni. Adrienne ka nunah hian tel ve turin ka duh che. Nang nena chhungkaw din dun ka duh. Ka chhungte khan khatih lai khan ka suangtuahna an tichhe dawn emaw ka ti a, hun kha her chak bawih ka duh alawm. Tuna kan dinhmun a ding tur hian engpawh tih ka huam vek...inneih a, fa neih hial pawh pawi ka ti lo" Justin chuan ngenngawl takin a han melh a
"Engtin nge kei ve hi ni ang? Lo la inpeih lo ta ila?"
Justin chuan hnuai lam melhin a kut a fawh sak a, a han dak chho leh chu hrehawm a tih hmel tawh khawp mai "Ka hmangaih chhan che chu i thinlung ṭhat em vang a ni, Adrienne. I hmangaihte tan chuan i inpe zo ṭhak ṭhin. Min hmangaih ve avang hian ka lawm lutuk asin. I sawi hmasak ber zan khan maw...ka ṭawngṭai a, nau kan pai theih nan. Chhungkua din i inpeih nghal mai ka lo ring a
"Kan awm dun hnunhnung berah khan maw, invenna pawh kan hman loh kha. Nau pai thei dinhmunah kan ding tih kan hre ve ve. I inpeih lo a nih pawhin kei chu ka inpeih reng. Ka enkawl mai ang che" Adrienne dul a rawn khawih a "In pahnih hian min ring tawp mai rawh u"
Adrienne biang ah mittui a rawn luang a, Justin chu mittui parawl kuang in a en a, a nui sak bawk "Ka hmangaih che, mahse ka tello a i lo ruahman erawh hi chu ka lungawi lo khawp mai. Mahse ka la hmangaih tho che"
Justin chu a nui chhuak hak a, khumah ṭhu in a mal chungah a ṭhut tir a "Dam chhungin min hrem tawh mai rawh. Inneih chu chhunzawm tho ang aw, a hmaa min hrilh kha i fiamthu a ni tiraw?" a ti a
"Ka ti tak tak alawm" chimawm zetin a nui a, Justin chu a rawn meng zau kawk a "Mahse ka rilru ka thlak leh e" a dar a chhin ak a "A pawi hle mai a, ṭhulh ila chu kan mu dun thei tur ania. Mahse kan inneih leh dawn si a, mut dun chu a theih rih lo tawp. Minute nga hun ṭha i neih i bawhpelh phah a, pawi ka tih pui khawp mai che" pawi tih hmel deuhin mithmul kar aṭang Adrienne chuan a melh a
Justin chu a phu zawk a, a hrechhuak leh thut a ni maithei. A rum chhuak leh nghut a "I phakar em mai a, inṭhen leh zuai ila, minute sawmruk hnuah inneih ka rawn sawm leh nghal ang che nga"
Adrienne chu a nui ker ker a "Tihpalh hotupa. I hun ṭha i bawhpelh tawh. Vawihnih inhualna ṭhulh chu a malsawm lo e"
"Vawi thumna chu a fuh duh an tih kha! I hre tawh lo em ni?" A rawn hnial ve leh hram a
Adrienne chuan a lu a thing a "Tunah a nih loh chuan a theih tawh loh a ni mai. Chu lo ah naute ka pai mai thei a, chuvang chuan dan ka siam a ngai a ni mai"
Justin chuan a rawn melh leh ralh a "Kan zan hun hman dun hmasak ber aṭang khan dan ka siam tir char char che alawm duhtak" ti thawp sut in a kawngah a kuah a
Adrienne chuan mit a lo khap fawk a "Thudik a nih loh chu a!"
"A ni alawm," Justin chuan a kuah leh a "A pawi lo ania, a vawikhat na atan kei aia thuneitu zawk an awm ve tihna a ni mai"
Adrienne chu a nui ker ker a "Pahnih zawk mawle..." a ti a
Justin chu a thaw chhuak halh a, a lungawi hmelin a hlim veng veng mai a ni "Ni e, pahnih in awm tawh dawn"
"Justin...a la chian loh em hi. Naktukah check ila tiraw?" Adrienne i'n a ti thawp sat a
"Naktuk ai chuan tuna hriat nghal mai pawh ka duh zawk" Justin a'n a ti a
Zanah chuan Justin chu Adrienne room ah a mu ve a "Dan kha chu ka ngai pawimawh vak lem lo, Duhtak. Tihluih ṭalh che ka tum lo vang. Mahse i kiangah min muttir hram rawh. Enkawl che ka duh ania, zing hma takah zun test na kan lei nghal dawn nia" a ti a
A tuk zing Adrienne a harh chuan Justin chu khumah a lo awm tawh lova, tukverh aṭang ni in a rawn chhun a, thawh a la peih lo ngang mai. Khuma mut hahdam mai mai chu a chak daih zawk. Mahse Abi i'n a thawh peih loh chuan a rawn hnuk thla mai ang tih a hlau bawk si
Kawngka inhawngah Justin chu room chhungah a rawn lut a
"Tuk chhuah nuam! I mutui em?" a hmuiah a rawn fawh sak a
Adrienne chu a lo bu nghat a "Khawnge i awm a?" a ti a
Bag a rawn khai a "I mamawh ka rawn leisak che a, kan rinhlelh hi kan chian dawn lo em ni?" a ti a
Adrienne chu phur deuhin a nui sen sen a, bag chu ban in bualin ah a lut a, Justin chu minute rei vak lo hnuah a rawn lut ve nghal a. Bual kuang ah a rawn ṭhu ve a, minute thum a liam leh chuan an va endik a
"Nau kan pai theihna chance hi a sang tiraw?" Justin a'n a zawt a
"Ka hria alawm. Midang te i hrilh tawh em?"
"An vai mai hian hrilh ka chak tawh!" Justin chu a meng de ser ser a
Adrienne chuan a chhungte a hrechhuak zawk a, a nu te hrilh a chak tawh lutuk "Justin...kan chhungte..."
"Chanchin an hriat chuan an lawm ve viau ang"
"Ka hria alawm. Ka duh ber chu...an tello a, kan thil tih vang hian thinrim lo hram se tih a ni" Adrienne i'n a tichuai raih a
"Nia. Ka pa'n min call ngun khawp mai. 'Khawnge i awm?' tih message sang chuang min thawn tawh mahse 'I nunah thuneih ka tum avangin min ngaidam rawh' tih chu a tel miah lo"
"Chu chu maw an hnen aṭanga i hriat duh chu?"
"Tu fanu nge i ni tih an hriat hma che a, an pawm hrim hrim che ka duh alawm. Chuan Adams Industries ro la luah tu tur i pai mek tih an hriat hma a nangmah i nihna ang tawpa an thlan che ka duh alawm. Keiman ka thlang che a, ka hmangaih che avangin! Chu vang chuan pawm thei che sela ka ti"
Adrienne chu a lo bu nghat a "Nau ka lo pai a nih chuan ka chhungten hre hmasa ber se ka duh" a ti a
Justin pawh a lo bu nghut a "Awle. Kan chhungte kan hrilh hma chu midang hrilh rih lo ang aw. Inneihna ah an tel thei dawn lo hi a pawi bawk si a"
Adrienne phone chu a rawn ri a, minute thum a lo liam der tawh a ni
Thawh a, en nghal an tum deuh kha a ni a, mahse Adrienne chuan Justin chu a lo dang a "Ngawi teh" zam deuhin a va melh a "Lo pai lo ta ila, engtin?" a ti a
Justin chu a nui suk a "I pai loh pawhin thla tawp ah chuan i pai hman em em ang" a ti sam et a
"Chhungkaw din hmat chu i va chak awm ve?"
"Chhungkaw lian tak din ka duh alawm. Fapa mal ka nia, a chang chuan ka khua a har thei lutuk"
Adrienne chu a nui a "Ka lian telh telh dawn asin"
Justin chu a nui chhuak hak a "Ka mitah chuan i chhelo reng tho ang duhtak" a hnar a rawn fawh sak a "Inring tawh ang hmiang?" a ti a
Adrienne pawh chu a tho ve a, Justin chu a hnungah rawn dingin a taiah a rawn pawm a. Test hrang hrang tih tawhna pathum chu an han en diat diat a, a inang vek
An ding ngawi reng a, Justin chuan zawimuangin a lamah a her a, an inhmachhawn ta. A lawm lutuk chuan Adrienne chu a pawm kang lawp a
"Justin, min chhuk tir rawh!" Adrienne chu a nui ker ker a, a mittui a rawn luang tel bawk
Justin a'n leia a nghah hnu chuan Adrienne i'n a kuah thlawp a
"I hlim tawh em?"
Rawn kun hniamin a hmui a rawn fawh dawnah chuan "Hlim lutuk ringawt" a ti a
****
Adrienne chu car sei deuh chhungah zam hmel deuhin a ṭhu a, tlai dar li a ni tawh. Yuan leh Jill nen nilengin an inchei a ni ber e
A kawrfual hak pawh a inhmeh khawp mai. A sam pawh an chei thiamin sang deuha an tawm bawk a, a hma lam a tla deuh bawk a, pangpar bakilh an kilh sak bawk. A hmai chu an chei nasa lutuk lo a, mahse a vun chu a eng phat phat tho mai
Thlalatu te leh Video a lo la tu tur te pawhin an hual ṭhup a, a chet dan zawng zawng hmaih an nei lo
An kawng zawh chu thingkung sang deuhin a hual khup a, ramhnuaia kal tur ang mai an ni. Justin, Mason leh Abi chu a hma deuhin an lo thleng tawh a, Adrienne i'n a hriat chhuah tak chu hotel aṭang darkar khat vel tlan a ni ang tih hi a ni
"Kan awmna hi ka hre miah lo. Justin a'n heng lai hmun a thlang hi mak ka ti" Yuan a'n a ti a
Adrienne chuan a mitko a lo san a, a ṭhiante pawhin a mood inthlak ngun lutuk hi an hriatthiam ve mai a ring. Mahse nau a pai tih chu a hrilh chuang miah lo. A dawhthei lo sawt hle bawk
A tawp a tawpah chuan bang hnim hringa khuh luk ah hian an ding ve thei hram a, Adrienne chuan misual te pawhin an lawn liam thei mai mai dawn lo tih a hre nghal mai
Gate chu zawimuangin an rawn hawng a, an chuanna car chu a lut riai riai a, pot sang deuh ah hian rose var leh sendang an lo khawi tlar dul a, chutiang taka han luh chu Adrienne i'n ropui a ti hle mai
"Lalpa leh!" Yuan chu a au ṭhawt a "In ropui deuh a in innei dawn a ni maw?" a ti a
Adrienne chu a thaw ṭha hleithei lo. Hmanlai Tuscan lal in ni awm tak a ni. Abi i'n a hak tum a thlak tir avang khan a lawm leh hnuhnawh viau mai. A hak tum hmasa kha chu an inneihna tur hmun nen a inmil dawn lo lutuk ringawt. Cinderella, lal fapa nei tur ang maiin a inngai
Lal in bul deuh ah chuan an ding ta a, Jill leh Yuan an chhuak chiah Abi i'n a lo chhawn nghal a, an tihtur te hrilhin a hmun chu a fan pui a
Minute nga hnuah camera chu an set fel nghal thuai a, Abi chuan zaizir in Adrienne chu car aṭanga chhuak turin a hrilh a
Adtienne chuan pangpar bawr a keng a, lehlam in a dul a khawih bawk. Nau a pai tih an chian hnu aṭang khan a dul khawih hi ngaiah a nei chho ṭan a, a kuta a pawm angin a ngai deuh tawp mai a ni
Abi chuan a rawn pan a, a hun tawh tih a hre nghal mai
"A hun a thleng ta, bawihte J. I nu hian maw i pa hi khawvela mi hlim berah ka siam dawn" tiin a ṭawng sap a
Abi chuan car kawngka a rawn hawng a, Adrienne chuan camera rawn de zawk zawk chu a hmu nghal. Thawk a la halh a
'A hun a thleng ta. Nakin lawkah chuan Adrienne Adams ka ni dawn e' a ti rilru a
Chumi ngaihtuah chung chuan a nui sen sen a
Yuan a'n a lo chelh vat a, Jill i'n a thawmhnaw a lo hai khawm sak a, huan ah chuan an lut ta a, kalkawng chu rose var leh sendang hian a khat a, rimawi ri pawh an hre thei. A thin a phu dup dup a
Abi hrilh angin Jill chu Adrienne hmaah a kal a, a ni pawh a mawi khawp mai
"I lal fapa hnena ka hruai tur che hi ka inchhuang hle mai, ṭhiani" Yuan a'n a ti a
Adrienne chuan a mittui a khap per sak a
"Ka hmangaih lutuk che u" a ti zawi sap a
"Keini pawhin kan hmangaih che" Yuan a'n a ti a
Gate chu a rawn inhawng a, an inneihna tur hmun pawh chiang deuhin a lang ta. Parda hi an lo zar a, Mo hliah deuh turin an ti a ni maithei. Adrienne chuan a hmu chiang thei tho
A ban te chu hnim hring hian an chei a, kalkawng ah chuan lung tereuh te te an dah a, thing tr chu thinlung milin a chep a, dawhsan ah chuan carpet var an phah ve thung a, rose var leh sendang an khawi tel leh bawk. Rimawi tumna hmun a awm leh bawk a
A hma tawng ah chuan Justin chu a suit var nen chuan a lo ding a, a sam pawh a khuih pial than mai. Mahse a sam an tihdan a duh loh avangin a kut in a khawih thur deuh tih a hriat. A sexy reuh lutuk. A hnungah Mason a lo ding a, a ni erawh chu a pial than mai. Adrienne nuih a za lutuk. Abi i'n a chei tih a lang reng mai
Parda chu a inhawng ta a, Abi chuan Jill chu a han zaizir a, Jill chu zei deuh maiin a kal ta, mo ṭhian a ni reng bawk a
Adrienne hun a thleng ve ta
Rimawi chu an thlak deuh thut a 'Here Comes the bride' tih an tum a, Adrienne chu a pasal tur lam panin a kal chhet chhet a
End of 40
CHHUNZAWM LEH TUR