Zorinsangi POV
In kan thleng a, chhuah ka tum chuan kawngkhar ka hawng thei miah lo, "Kawngkhar hi hawng rawh" ka ti fak a, a ngawi reng, chutah che phut in amah zawk chu a chhuak nawlh a, kawngkhar ka hawng fel chiah tih chuan ka banah rawn man chawt in kawngkhar chu a nam khar but a, ka phu zawk, inchhung lamah chuan min kai lut nghal dawr dawr, a bawp a sei bawk si, a tlan hian ka tlan a ni hrim mai.
Room lamah min chhoh pui in kawngka chu a hawng a, a dar hmangin a nam khar zui zau, bangah chuan min nawr bet in hnai chetah min en run a, "Engvangin nge mipa dang i hmuh leh?" a ti hrawk, "Ka nun ah buai suh ka tih tawh che kha, thil pawimawh ah kan in hmu a, chuzawng chu a nimai" ka tih chuan a nui rum hawk, "A pawimawh awm hle mai, midang an awm ve tih hre lek lovin kut in lo in chelh sak a nia" a aw chhuak chu a ngeiawm hluah hluah a ni tawp mai.
"Ngawi hmak rawh, thil i hriatchian hma hian ngaihdan siam ngawt thin suh, i la in chhir dawn a nia" ka ti a, tuna ka thusawi te hi a ngai pawimawh lo a nih chuan ka sawi ang tak tak khan amah bak in chhir tur an awm chuang lo, "In chhir na chhan tur ka neilo, ka thusawi i ngai pawimawh lova, he in nilo he room atang hian i chhuak leh tawh lovang" a tih chuan ka meng kawk a, a ni hian min fiam tihna em ni, nilo a thutak hmel ropui si.
"I ti tak tak lo" ka tih sap chuan nui suk in ka hmai chu a rawn khawih a, "Thil ka sawi mai mai ngailo, ka tih ngei tur loh chu ka sawi ngai lo tih hre turin min hriatchian viau tawh kha" a ti nghut, a kut chu ka ben thlak sak a, "I thu hnuai a awm turin ka tan engmah i nilo, a hming in nupa chu kan ni mathei mahse nupa tak tak kan nih loh zia chu nangpawh hian i hriatchian kha, chuvang chuan thu min pe tawh suh, he in a min khung bet tur pawh hian eng dikna mah i neilo" ka ti nghek.
"Khathu kha vawikhat mah sawi tawh suh, nanghi ka nupui i ni a, ka thu chu i zawm tur a ni" Rapthlak hian, chutiang te chu engtinge a ka sawi ngam zawk ni, a thiltih te hre duh miah lova engkim a keimah min dem vek mai hi ka kham tawh lutuk, "Min neih chhan kha hre reng rawh, i nupui ka nih thu pawh kha sawi tawh reng reng suh, ka pasal i nih na anga i mawhphurh na te hlen chhuah pakhat tak i nei ve tawh em?" ka ti chang leh fak.
A ngawih tak reng ah chuan awm sawn ka tum a, mahse ka rin loh lutuk in min pawm kang nawlh a, khum lam chu min pan pui nghal, "Min dahthla rawh" tiin ka tal a, mahse khumah chuan min theh mu hnawk in ka chungah chuan a rawn bawk be nghal, "Nupa tak kan ni loh thu i sawi tiraw, nupa tak tak kan nih zia ka hmuh tir ang che" tiin a kut pakhat chuan a tie chu a pawt thawl a, a thiltih tum chu ka hailo nasa, ka meng phawk kawk a
"Aih... hetiang hi ti suh, ka duh lo" ka kut pahnih chu a kut pakhat chauh a man bet in ka lu chungah chuan min phar tir a, "Ka duh lo ka tih chu" ka tih leh pawh chuan min chhang lovin a che deuh buan buan a ni hrim, thawk leh khat ah ka kawr chu a rawn pawt thler thawt a, "Zosangzual ka duh lo, min thlah rawh, hetiang a i no tihtur pawh ka nilo, min thlah rawh" ka mittui chu a hniam tiam tiam a.
Tinge tih luih na hi hman a tum ve ziah ni, ka bra chu ka awm ah nawr tawm in ka hnute chu a rawn tham ta tawn tawn a, a na hle, mahse chuchu engah mah a ngai duh lo, sakawlh ang mai a ni, "Min pawngsual suh, ka duh lo" ka mittui chu a tla tawh, tlem in a awm hrang deuh a, "Ka nupui i nihna ka nem nghet mai dawn a nih hi, engmah thik tih sual ka nei hleinem" ti nghut in ka hnute bu ah a hmai a phum nghal hmiah a.
Ka kekawr min phelh sak leh a tum rual chuan ka theihtawp in ka lo tal ve leh nghek a, a duh ang chuan a phelh thei mai biklo, chutah a dawhtheih na a pel tih hriat takin a necktie chu a pawt phelh sawk sawk a, ka kut tuam nan a rawn hmang a nih chu, chumai pawh duh tawk lovin khum lu ah chuan ka tal chhuah mai mai theih loh nan a tawn kawp a, ka kut tih chet ngaih na a awm tawh lo, a kut pahnih a hmang thei ta maw tih chuan in siam rem in ka kap zawn ah chuan a thingthi run a.
Ka kekawr min phelh sak lai te chuan ka lo au nghek nghek a, hrelo ang maiin a awm thei a nih chu, engmah ka in bel tawh lo, ka taksa chu a en kual dan dan a, ka rilru a na takzet, a thawmhnaw a phelh ve lai chuan mit ka lo chhung daih a, saruak ve ve a kan awm hnuah min rawn bawh tha leh a, kan taksa chu a in si rem thlap bawk, "Hetiang hian ti suh, ka ngen a che, min pawngsual suh, ka pum chhung ah naute a awm mek tih pawh i hriat kha, hetiang hi a thleng theilo" ka rilru nat en avang chuan ka aw pawh a ri chhuak che che.
"Ka nupui i nihna ka nem nghet dawn ka tihkha, chuan hetiang te chu kan vawikhat tihna a nilo bawk" a ti hmuk, a mipatna hmawr chuan ka kap bul vel chu a rawn hawl kual nawk nawk a, "I kal tlang pui a nih chuan ka ngaidam dawn lo che a nia, i hria em, ka ngaidam ngai lovang che" ka ti leh sap sap, ka sawi zawh rual chiah chuan a mitpat na chu ka chhung ah a rawn rawlh lut nghal pawp a, ka er nghal ngawng ngawng mai.
Duhthawh lutuk leh nuam tih hmel lutuk a ka chung atang a chet mawlh mawlh lai chuan kei rilru na takin ka lo awm thung a, a rum ri te chuan ka thinlung hi a bit sawk sawk nimai te hian ka hria, ka tap lo mahse ka mittui chu a hul thei chuang lo, ka bek ah a luangthla ngiai ngiai a, ka taksa duhtawk a a chil kual lai te chuan chhungril ah ka rum vawng vawng a, natna ser reh thei tawh lo tur tunah hian min siam sak mek a ni, chupawh ka mipa hmangaih takin.
Ka kawchhung a rawn lum pap pap rual chuan mit ka chhing sawk a, ka mit ngai chuan ka la mu reng bawk, ka sir ah chuan rawn let thla in puan chuan ka saruak na chu a rawn khuh a, chet sawn nachang pawh ka hrelo, ka a chhuih nimai hian ka hria, khum atanga thawh sawn pawn ka tum chuang lo, min dim lo bawk nen katl taksa ah hian na lo lai reng reng a awm lo, thei ni ngat ila chuan he mipa hi tunah hian ben sawk sawk ka chak lutuk mahse chumi ti tur tak ngial pawh chuan tha ka neilo.
A ni pawh chu a mi ve reng a, a thawk a la pangai lo tih hriat takin a la thaw hawlh hawlh bawk, ka tha neih zawng zawng in a awm lohna lamah chuan ka in her a, ka hnunglam atanga min rawn kuah rual chuan ka lo tal eih a, mahse ka zawi em avangin ka tal nasa theilo thung, "Awm mai mai rawh, chuan ka thusawi hnial tawh suh, thinrim ka in sum theih loh zia pawh i hriat kha" a la ti ngam a nih chu.
"Ka haw lutuk che, ka damchhung in he i set nung min pek hi ka theihnghilh tawh ngai lovang" ka ti sap, a thaw hawk a, "Muhil rawh, I chau ang" a ti ringawt, nin miah na lah chu a la sawn duh der lo bawk, ka chau tak tak, ka taksa a na bawk si, rei pawh meng theilo in ka muhil ta daih a, ka harh leh chuan room ah tumah an lo awm lo, a tha daih zawk, Zosangzuala hmel kha ka hmu peih hrep lo ve.
Ka thu chhuak tur chu ka taksa hnuai lam rawl lutuk vangin ka then deuh sak sak thin a, zawi zetin bathroom ah ka lut thei hram, darthlalang a ka in en chuan ka rilru a na thar leh, ka taksa chu duk lo lai pawh a awm lo, ka hnute bul te chu a dik thluah a, ka ban leh nghawng pawh a danglam lo, tui lum chu herh haw in a hnuai ah ka ding a, ka dam sawng sawng mai hian ka hria, rei fe bathroom a hun ka hman hnuah sam huh hnuang chungin ka chhuak a.
Ka room hman ah nilo Zosangzuala room ah zawk ka awm avangin ka duh ang thawmhnaw hak tur pawh ka hmu lo, mahse ka thawmhnaw zawng zawng ka lak chhuah loh avangin hak tur chu ka hmu ve mai, thawmhnaw te ka har fel hnuah in hnuai a chhuk run in kawngka lam ka pan a, mahse ka hawng thei miah lo, ka herh thin a, mahse a in hawng thei chuanglo, chhunglam atang nilo pawn lam atanga kalh a ni tih a chiang ngang bawk.
"Sangte" tiin ka au vak vak a, "Zorin, Pu Sangzuala'n kawngka hi a kalh daih a" room pawn atang chuan a rawn ti a, "Min lo hawn sak lawk mai ta che khawngaihin" ka tih chuan "Chahbi ka kawl lo, hawn ngaihna a awm lova, bakah lo hawn sak miah lo tur che in min chah bawk a" a tih leh chuan ka thinrim lutuk chu ka sa pup pup a, "A tha e, mahse ka ril a tam lutuk a, engtinge niang?" ka ti leh.
Tlai cha engmah ka la eilo, "Table chungah khan i eitur ka dah lawk sa alawm, lo ei rih mai rawh, Pu Sangzuala lo haw ve leh i chhaih duh thu ka lo sawi ang" a ti leh a, "A ngailo, rawng i bawl zawh tawh tho chuan i duh leh haw rawh" ka ti a, "Hetiang chuan ka kalsan tawp theilo ang che, Pu lo haw hun ka lo nghak ang" ka lo hnial vat, engtik ah nge a lo haw dawn tih pawh hriat loh, "A lo haw ve mai ang, min ngaihtuah suh, i nu in a lo ngaihtuah tawh ang che haw rawh, ka tha a nia" ka ti leh a.
Darkar khat vel room chhung a ka awm hnuah kawngka chu a ri rek a, Zosangzuala a rawn lang nghal, thinrim zeta kal hnaih in a hmaah chuan ka ding a, tlai lama ka chunga rawng taka a chet na kha ka la theihnghilh hauh lo, mahse ka thinrim em vangin hlauhna chang pawh ka hre lo, "Engvangin nge tang ang maia min khung?" ka ti that a, "Ka sawi kha, ka thu i awih hma chu he room hi i chhaih san tawh lovang" naupang emaw min ti tihna em ni.
"I sal tang ka nilo a nia, ka duh angin ka awm ang, he inah hian ka chak vang leh duh vanga rawn lut pawh ka ni hleinem, chuvang chuan min khung beh chu tum buai duh suh" ka ti fak fak a, "Ka thu hnial lovin tha takin zawm thin nila chuan hetiang hian ka chet a ngailo ang, mahse ka dawhtheih na pelh chin thleng in i awm a, hrem na pek I ngai a nih chuan ka pe mai tur che a nilawm ni?" a ti nghut.
"Ka chunga i chet dan te kha i theihnghilh leh der tawh tihna em ni, nang hian ka duh lo chung min khawih lui a nihkha, hrem ngai an awm a nih chuan kei ni lovin nangmah hi i ni" ka ti kha fak, "I pasal ka ni a, ka thiltih ah khan sual a awm na ka hrelo" a ti hluk "Eng ang pawn nupa ni mahila ka duh lo chung min khawih luih avang khan pawngsual tu i ni tho tho" ka ti ve leh.
Nithum lai a liam leh ta, khami zan khan room atang chhuah ka tum ve ngei a, mahse ka theilo, tun nithum chhung hian vawikhat mah room pawn lam ka rap leh tawh lo, Sangtei chu room ah eitur min pe turin a rawn lut reng a, mahse Zosangzuala hian min chhuah tir lo turin leh ka chhuak a nih chuan a hna a chan tur thu a lo sawi a ni awm a, Sangtei pawn pawn lam a chhuak lui lo turin a ngen in min ngen tawp.
He ramhuai pa hian Sangtei nen kan in pawh zia leh keimah vanga a hna a chan tur ka duh dawn loh zia a hriat avangin chutiang ruahman na nei a ni tih ka hailo, pawn lama chhuak theilo na na na chu ka thil tum pawh ka ti hleithei lova, ka phone tak ngial pawh ka kawl lo, khawiah nge a awm pawh ka hrelo, ka rilru chu a buai takzet, hetiang reng hian ka awm theilo, Zosangzuala lah nimin angah khan in lamah a awm chawt bawk si.
Khum a ka lo thut mut lai chuan kawngka chu a rawn in hawng a, Sangtei ka hmu nghal zat, eitur a rawn keng lut a, "Heihi soup a nia, i ei chak ka rin vangin ka lo siam sak che a nih hi, han hawp chhin teh" tiin khum sir ah chuan a rawn hung a, ngaihtuah na thar ka nei, phone neilo mahila Sangtei puih na hmangin U Nghaktea biak dan tur ka hre thei em em ang.
"Sangte min pui thei angem, khawngaihin min pui rawh aw, pawn lamah ka chhuak thei rih silo a, mi pawimawh tak biak ngei ngei ka ngai" ka ti a, "Puih theih na che ka nei a nih chuan ka pui em em ang che, enge ka tih tur min hrilh la" a tih chuan ka thaw huai mai, "A hmasa ber ah chuan i phone hman ka mamawh dawn a, ka room ah khan va lut la, ka lukham kar ah khan lehkha no in ziah na ka dah a, min va laksak thei angem?" ka tih chuan a bu nghauh a.
Room atang chuan a chhuak vat a, mahse Zosangzuala a la awm ve bawk nen tunah rum rum biak chi a la ni lo, reilote ah a rawn lut leh a, "Heihi a ni em?" tiin lehkha them hi min rawn pe a, "Aw a nih hi, ka lawm lutuk a nia, mahse tunah chuan Zosangzuala hi a la awm ve rih bawk sia, biak a la chi lovang, in a a awm loh ve leh a nimai" ka ti a, min han man chhuak vaih ta se kei ai mahin Sangtei hian a tuar nasa zawk dawn tih ka hailo.
Sangtei chu a chhuak a, a soup min siam sak chu ka hawp zo vek, a tui em em lehnghal, zanah chuan ngawi rengin khumah ka mu a, Zosangzuala pawh couch ah thu in lehkha a en mawlh mawlh a, phone ka nei bawk silo nen ngawi rengin hetiang hian ka awm thin, min biak pawh in ka chhang ngai lova, a awm ve tih hrelo ang hmak in ka awm ti ila ka sawi sual lovang.
Khum a ka mut mai mai lai chuan ka ke a rawn na zawk a, ka au chhuak theih hle, thei leh thei lovin ka tho a, ka ke chu a aikherh ni berin ka hria, "A na" ti sap in rizai chu ka la sawn a, ka ke chu ka hmet nghal niap niap, Zosangzuala chu ka awmdan a hmuh chuan min rawn pan hnai vat a, ka ke rawn khawih mai a tum chu ka lo dah sawn vat, a rum nghut a, "A na a nilawm ni, khawi ka lo hmet ang" tia rawn khawih leh mai a tum chu ka lo dah sawn leh.
"I puih na ka mamawh lo" ti chang fak in keimah chuan ka in hmet a, ka awmdan hahthlak tih hmel fe chuan min en ngur a, ka hrelo der hmak, ka ke chu ka hmeh ka hmeh tak hnuah chuan tlem in a dam ta deuh a, khum mawng ah chuan a la thu ve tlat bawk nen a awm loh na lam hawi chuan ka in her hmak a, ka chunga a chet dan nunrawng zet kha ka la theihnghilh lova, khatianga a chet leh mai pawh kha ka hlau, mahse ka hlauh na tih lan erawh ka tum lo bur thung.
Vawin chu Zosangzuala pawh in atang a chhuak ve ta hram a, kawngka chu pawn lamah la kalh tho mahse chahbi Sangtei hnenah a pe a, chhun lamah ei tur min rawn pek pah in a phone chu min pe a, lawmthu ka sawi sap, U Nghaktea nen kan in biak na hi tuman la hre rih lo se ka duh avangin Sangtei pawh pawn lamah a chhuak a, U Nghaktea chu ka call nghal, kan in be lo rei tawh bawk sia, thu thar a neih beisei zet chuan call a chhan hun ka nghak a.
"U Nghakte keimah Zorini" call a chhan rual rual chuan ka ti nghal tawng a, "Rawn biak che ka tum nasa lutuk mahse switch off a in ti zel bawk si a, harsatna i tawk em ni?" min ngaihtuah hmel zet chuan a ti a, "Chiang deuh chu, mahse ka tha chanchin thar a awm em?" ka ti a, Prof. Sangzuala rawn haw thut thei a ni tih ka hriat avangin ka hmanhmawh rilru hle bawk, "Aw.. Remsangi chu kan ring sual hauh lo e, finfiah na pawh ka nei tawh, Doctor-a nen khan an in hmu lai ka hmu fuh leh a" a tih chuan ka lawm hle.
"An ringhlel lo ang che tiraw?" ka tih chuan "Min hmu lo hrim hrim zawk mawle, an in hmuh na kha private room a nia, ka tan chuan luh ngaihna a awm lo, Remsangi lah hian ka en thla tih a hre deuh in ka hria a, a fimkhur ve khawp mai, mahse a fimkhur tluan tling theilo chu a nih hi, an in hmuh na hmun a an waiter hnenah min pui turin ka ti a, ka cousin a lo ni bawk nen kan vanneih phah ta a nih hi" a tih chuan ka lawm takzet.
"Engtinge thudik chu i hriat theih zawk a, hetiang anga rang ah chuan finfiah na i neih theih mai ka ringlo a sin" ka tih leh chuan "Pathian in min pui pawh kan ti thei ang chu, ka cousin ka tihkha, a dawr thawh naah chhun thil ei in ka kal a, ka cousin nen kan in biak mek laiin Remsangi rawn lut ka hmu fuh a, a hnu deuh ah Doctor pawh ka hmu nghal, mahse private room an hman vang khan an tawng engmah ka hre theilo thung.
Ka nau hnenah ka phone chu a ruk a min ken luh sak turin ka ti a, a ni pawh chuan min lo hnial bik lo, ka hna a hre chiang a, thil ho mai mai ah ka tih tir dawn lo tih a chiang, an tawng zawng zawng chu ka phone ah ka record vek alawm, i duh aia tha evidence kan nei" tiin a ni pawh chu a phur hmel hle, "I nau chu min puih vangin lawm man pek hrim hrim a ngai a nih chu, ka hming in lawmthu min lo hrilh sak dawn nia, tunah rih chuan pawn lamah ka chhuak theilo a, ka theih veleh kan in hmu dawn a nia" ka ti a.
"A nih chuan voice record hi ka lo thawn dawn che em ni?" a ti a, ka ngaihtuah vang vang a, ka phone a ni bawk silo nen thil tih chi ah ka ngailo, "Ka phone hi a chhe daih a, tunah pawh midang phone hi a nia ka rawn biak che, tikhan lo kawl tha rih phawt la, mahse i lo ti bo ange aw, i phoen ah chauh khan dah lo la" ka ti a, a bo chuan a pawi dawn lutuk tlat, "Tehreng mai, ka laptop ah ka dah lut vek tawh alawm" a rawn tih leh chuan ka thaw deuh huai mai.
U Nghaktea nen chuan kan in be zo a, Sangtei rawn luh chuan a phone ka lo pe let vat a, "Ka lawm lutuk ania aw, min puih nasat zia hi i hrethiam pha kher lovang, nakin ah ka la rul let dawn che a nia" ka tih chuan "Chutiang phut in engmah ka tihsak lo che a nia" a ti a, mahse eng emaw tak chu ka la tihsak ngei ngei ang, ka tan a that na zawng zawng hi rulh let ve chu ka ba ah ka ngai ve tlat, finfiah na kan nei tawh bawk a, mahse tunah nilo hun rei a ngai tawh lovang, amah leh amah a la in sawi awk dawn khawp alawm.
Ka finfiah na neih hmang hian thudik chu ka hailang thei ngei alawm, mahse duh khawp loh ka la nei, Prof. Sangzuala nen kan buaina bul pui ber kha a ma ruahman na a ni tih finfiah na ka la nei miau lo, kha thil pawh kha amah tih ka chiang, finfiah na ka neih theih dan tur awm chhun ni a ka hriat chu Ramdina biak a ni, mahse a ni khan thudik min hrilh duh ka ring lo, Remsangi'n a tham fel vek tawh ang tih ka hailo, chuvang chuan midangte hriat a Remsangi sawi ngei a ngai a ni.
Chuvang chuan thudik chu tumah ka la hriat tir lovang, midang te hriat ah amah leh amah a in puang lai ngei hmuh ka duh tlat, engtinge a awm ang, khatih hunlai zawng khan ka tal buai a, a niin ka lam tang ang taka awm in hnunglam ah min lo bum reng a nihkha, khatiang chiah khan thudik engkim a kan chhuah hunah a tak buai lai tur hmuh ve ngei ka duh a, zahngaih na lam tir tih vel chu ka tum lo nasa, bul tan hmasa tu chu amah a ni a, keiin a tawp na ka siam thung dawn tihna a nimai.
Tlai lam a nih pawh chuan midang aiin ka harh tha ka ti mai, ka zang huai a, thil rit takin min delh tu min lak kian sak ang mai a ni, hetiang takah hahdam a ka awm loh na chin pawh hi ka hre tawh lo hial, ka thian te biak duh viau mahila biak ngaihna an la awm lo bawk nen nakinah thu thar hi ka la hrilh ve ngei ang, ruahman na fel tak siam a Remsangi ka biak ngei a la ngai dawn tih ka hria, chumi tur chuan keimah chauh in ka ti thei dawn lova ka thiante puih na ka dil ngei ngei a ngai dawn tih ka hria.
"Zorin i thiannu a lo kal a" Sangtei chu room ah a rawn lut a, "Tunge i hria em?" Ka tih chuan "Remsangi a in ti" a lo kal ka beisei lo bawk nen mak ka ti ru hle, mahse a lo kal chu a tha hrim hrim e, a lemchan thiam zia te pawh kan la hre belh zel ang chu, a hma ang chiah khan a lakah ka awm a ngai tih pawh ka hria, tunah rih chuan thil fello a awm tih a hre tur a nilo, a hun hmaa amah kan chhui ru tih a hriat chuan hmeichhe a a a nilo a, thil a pawi thui thei dawn tlat.
"Room ah hian lo chhoh tir mai la" ka ti a, ka lo in siamtha vat, Remsangi chu a rawn luh a, ka lo nuih sang, "I lo kal dawn tih ka hre lawk bawk silo a, i rawn lang thut chu mak ka ti dawn alawm, lo kal rawh, hetah hian rawn thu la" tiin khum sir chu ka beng thek thek a, a rawn thu ve nghal, "I damlo a mi, tun angah te i lo mut hlun a" min ngaihtuah hmel zet chuan an ti vel a, min ngaihtuah loh zia lah ka hriat hmaih lo nasa ropui mai bawk si.
"Ka dam tha alawm, ka lo mu vel mai mai a nih hi" ka ti a, "Prof. Sangzuala hian a duat deuh che a nilo maw, i thai riau in ka hria" a tih leh chuan ka nui ringawt, kan buaina zawng zawng bul tum tu chu nangmah hi i ni a, min ngaihtuah hmel ang taka awm kha bansan teh tih nghek mai a nia ka duh, a nihna diktak, a chhungril a ramhnuai a pai hi ka hre chiang tawh mai bawk sia, a hma angin han biak na dan tur vak ka hrelo, tha taka dawn sawn chu a har takzet a ni.
"Ka haw phawt mai ang" a tih chuan chelh buai pawh tum lovin khum atang ka tho chhuak nghal, "Ka lo thlah ang che" tiin room atang chuan kan in zui chhuak a, step kan thleng tep tih chuan a rawn hawi let a, "Nang hian engkim I hre tawh tih ka hria a nia" tiin a rawn nui sak a, a hmel pawh a in thlak vek tawh, tuna a hmel put dan hi vawikhat mah ka la hmu ngailo, a sawi awmzia ka hriat avang chuan zawh nawn leh pawh ka tum lo, hmeichhe a a nilo tih ka hailo ka tih tawh kha.
"Ka thil ruahman zawng zawng te i hria tih ka hre tawh a, min en thla tu tur i ruai tih thleng in mawle" tiin a nui leh sak a, "Engvangin nge hetiang hi i tih?" A tih chhan hrechiang viau mahila a ka ngei a a sawi hriat ka duh tlat, "A chhan maw, hah.. Prof. Sangzuala ka duh vang mawle, nanghi awm lo nila ka ta a ni daih tawh ang, nangmah vang hian tun thleng in ka ta a nih theih loh phah a nih hi" thinrim tak chuan a ti fak fak a.
"Min dem na tur i zawng a, mahse khakha min fem na chhan tur atan chuan a ho mah mah lo maw, Prof. Sangzuala hi keiin neilo pawh ni ila nang hian i nei kher lovang, a chhan chu maw a tan chuan a zirlai pakhat ve mai i ni miau, hmeichhe mawl tak i nih loh chuan Prof. Sangzuala hian ngaihzawng en in a en loh zia che chu i hriat ve tho ka ring" tiin ka nui sak a, a thinrim hmel hle, nuam ka lo ti sauh thung, "Nanghi awm lo nila ka zun ah ka uai tir daih tawh ang" a ti chang leh fak.
"I chiang maw, tun thleng in ngaihzawng en in a la en miah loh che ch thu hran a zirlai naupang anga a melh bak che in a la melh lo bawk che, chumi chung chuan i zun a i uai tir theih chu i in beisei amaw?" Ka ti a, a thinrim hai sen hlar leh khaw vat chu a in hmeh phian mai, "I tih tur ni miah lo tih i nei tam tawh bawk a, i lakah zahngaih na ka lantir chu beisei suh ang che, thudik hi thup reng theih a nilo" ka ti ve ta fak.
Chutah nui chhuak hak hak in "I duh duh chu ti rawh, ka hlau lo, ka thiltih finfiah na pakhat mah i neilo tih ka hailo a nia, chuvang chuan min vo duh suh, pen khat in nang ai ka hmasa zel tih hre rawh" a ti a, ka nui ringawt, finfiah na ka nei tih a hre miau lo, a in rin tawk na tak hian a la che chhe dawn khawp alawm, kan zavai hian min bum reng thei dawn emaw a in ti a nih chuan a ti sual hle ang.
"I ngaih ngaih chuan ngai la i duh duh chu ti rawh, ka hlau lo, nang naupang ve mai mai hian mifang hi i bum reng theih i ring a nih chuan i ti sual ang, keihi ka awm tih theihnghilh suh, i kawng dal turin ka awm reng dawn bawk, finfiah na maw, i hmaah ngei ka la phawrh chhuak ang" ka tih chuan a nui leh vak vak a, rilru buai a ang zawk mah, a awmdan hi mi pangai awmdan tur a ni in ka hrelo, a ni hian enkawl a mamawh nu berin ka hria, a hmel te hi a rapawm lek lek mai.
"A tha alawm, nang hian min dan i tum dawn nia, Prof. Sangzuala ka neih theih na tur a nih phawt chuan engpawh ka ti ngam, nangpawh hi he in atang hian i la chhuak thuai ang, he in hi kei leh Prof. Sangzuala chen na tur a nih hi, nang ni lovin, nang ai Prof. Sangzuala hi ka hre hmasa zawk a, ka duh hmasa zawk bawk, chuvang chuan min chhuh sak tum buai duh suh" a ti leh fak fak a, ka nui ve ta hak, "Kei naupan tet atanga Prof. Sangzuala hre tawh hian nang aia ka hriat har zawk thu i sawi amaw?" Ka ti a.
"Chuan thil pakhat leh I duh ang chuan Prof. Sangzuala chu thlem thluk i lo tum zel dawn a nia, mahse i hlawhtling kher angem ka hrelo, a chhan chu kei a fa pai mek tu ai hian nang a zirlai naupang ve mai hi a thang ang che engem tih erawh ka chiang ngam lo, engpawh nise duhsak na ka hlan a che, i thlem thlu thei a nih chuan lungngai suh, phal takin ka pa ang che, ka rawn ti buai leh tawh hauh lovang che u, mahse sawi tawh ang khan nangmah vang hian a fa rawn piang mai turin a kalsan duh angem aw?"ngeiawm zet chuan ka ti a.
Ka kal pel nghal hmak, step a ka chhuk thla tur chiah chu "Naute hi a thih a ngai a nih chu" tih leh min rawn nam a tum a, ka lo in her hman chuan a, a kut in ka taksa a rawn tawh hma chuan ka lo awm sawn hman hlauh a, a balance a hloh tih hriat takin amah zawk chu step ah a lum thla ta bawp bawp mai, thil thleng kha a rang teh thut lutuk a, chet sawn mai nachang pawh ka hrelo.
Remsangi chu in hnuai chhiat ah chuan a let bal a, ka dinna ngai a ding in ka en reng lai chuan Prof. Sangzuala a rawn lut a, Remsangi a hmuh chuan a pan vat a, inchung lam a rawn hawi a, min hmuh chuan mak a tih hmel hle, "Prof. Ka ke hi a na lutuk, khawngaihin inah min hruai haw thei angem?" Tap pur chung chuan Remsangi'n a lo ti zuah zuah a, Prof. Sangzuala rawn luh hma kha chuan khutiang em em khuan na a tih hmel miah loh, a lemchan na bawk a ni tih ka hailo.
Pawn lamah Professor chuan a pawn chhuak a, ka in thiamlo dawn dawn a, mahse amah leh amah a lum a nia, in thiam loh na chhan tur ka neilo, khumah chuan ka lo thu a, chutih lai chuan Prof. Sangzuala thinrim hmel takin a rawn lut a, ka lo ding chhuak vat, "Remsangi chu enge a an?" Ka sawi zawh rual rual chuan ka biang a ri sawk a, khum ah chuan ka bawk nghal thlawp bawk.
Cont...
Chapter dawt leh dah vat in duh chuan click leh comment kha a that a ngai aw...
