Re: All The Wrong Reasons 41 ONGOING
Posted: August 12th, 2025, 12:11 pm
Chapter 42
Adrienne chu a thin a phu dup dup mai. A hlimna hi a thup zo seng lo, a lehlam zawng chuan a chhungte hmachhawn chu a hreh viau mai. A bik takin a nu! An hlim dawn lutuk tih chu a hria a chhan pawh Justin nen an intawn hma hauh aṭanga lo tifel diam tawh an nih avangin. An suangtuahna a lak bosak deuh tlat a a inhriat avangin a rilru a dam thei chiah lo
Justin a'n a khabe a rawn kuai dah sak a "I ṭha em, Duhtak?" a rawn ti zawi sap a
Adrienne chuan nui sen sen in a lu a bu nghat a "Ka zam deuh" a ti a
Justin chuan dam deuh hian a rawn hnem a "An zia leh mai ang. Mak an la ti rih em a nih hi, mahse an hlim dawn tih ka hre vek"
"Inneih laiin an rawn lang hman si lova, an lawm lo ngawt ang"
Justin chuan a banah vuan nghet sauh in a chal a fawh sak a "Ngaihtuah takah chuan nang pawh i lawm lo ngawt ang. I tellovin engkim ka lo ruahman vek sia"
"I hria em? Inneihna dang ah hi chuan maw, mo te'n engkim an buaipui vek a, moneitu chu a hmunah an kal tawp mai ṭhin"
"Midang ang kan ni hleinem. In tih pa viau ka tum lem lo bawk"
Adrienne chuan Justin chu a piai leh hlak a "Awihawm loh" a ti sap a, mahse a dik zia chu a hre ve tho. Justin ang hi chu an vang a ni. Hausa, hmelṭha leh hmangaihna ring lo turah a lo ngai a, mahse lal fapa diktak ang mai hi a ni
A chhungte ṭhutna lam a va hawi a, an lam hawiin an lo titi a, an sawi tur pawh a hriat deuh ruak mai
Chutih lai tak chuan Justin chu a inthiarfihlim a, hmanlai dan angin a pa nen chuan an lam dun ta a
A pa kut a vuan chiah a mittui a tling pam a, an inkarah thil tam thleng thleng tawh mahse a pa a la ni reng dawn tho a, chhan dik lo tak vangin duhthlanna a siam sual ve a ni mai a, a fanu a hmangaih vangin chan a ngam lo a ni ve mai a, chu pawh chu inngaihdamna atan chuan a tawk viau a ni
"Eng nge i an, Pa?"
Thawk la halh in a rawn chhang a "Kum sawmhnih hnuah ka insiamṭha leh chauh a nih hi. Inṭhenna lehkha ka thehlut a" a ti a
Adrienne chuan a lu a thing a "Pa...a pawi lo. Ka ngaidam tawh che ania. Ka nu..." a sawi tum chu a hrechhuak zawk a, a tawp leh daih. A nuhrawn hi a nu diktak a koh anga koh ve hi a phu lo tlat in a hria. A nu diktak chuan engtik lai pawha hmangaihin a zawng reng ṭhin kha a ni si a
A pa chuan nu tih a ko a hreh deuh tih hria in "Marina tiin ko rawh. I nu i hmu tawh si a" a lo ti a
Adrienne chuan a lu a bu nghat a "Pa, keimah vanga i ṭhen kher chu a ngai lo ania. Min tina thei tawh hleinem. A bula i hlim phawt chuan a tawk lutuk alawm. Inthiamlo duh reng reng suh"
A pa chuan a lu a thing a "Inthiamloh vang pawh a ni chiah lo. Hman aṭang tih ka tum tawh ania. Lo ṭhen vat tur hi ka ni asin mawle. A enkawl dan che vang pawh ni lovin i nu laka ka thup tlat che vang khan a ni pawh hi ka chelhbet mai mai a ni. Tunah chuan awm dun reng chhan tur a awm tawh lo"
"Kimi..." Adrienne chuan a ti sap a, Kimi chu a lungawi lo dawn nasa mai tih a hria, Pa a hmuh chhun a ni tlat
"Kimi pawh amahin a khawsa thei tawh alawm. Min mamawh chuan a tan ka awm reng dawn tho a, mahse i nu ka ṭhen avang hian a na lutuk lo vang. Kum sawmpanga liam ta ah khan ti daih tawh tur zawk alawm ka nih"
"I thuthlukna chu ka zahsak che, Pa. I tan ka awm reng ang. Ka tiam a che, min hloh dawn hleinem"
A pa mittui pawh chu a rawn tling ve pam a "Ka lawm e, Adrienne" a chal ah fawh sak in a kuah a "Hlim reng rawh aw, bawihi. Chu chuan min tihlim em em ang" a ti a
Hla a tawp chiah chu Justin nen bawk an lam leh a, a bianga mittui luang chu a rawn hruk sak a, a nui suk bawk. Engmah a sawi lo, mahse Adrienne chuan a rilru awm ang chu a hriat sak deuh thuak mai. A pa inneihna a a lo sawm ve avang pawhin a lawm lutuk ringawt. A thinlunga thu awm a sawi theih bakah a ngaihdam thu a hrilh thei bawk a, chu baka lawmawm chu a awm chuang lo vang
Abi chuan zanriah kil a hun thu a rawn puang leh a, Justin chuan Adrienne chu a kai hrang daih a, inchhung lamah an lut a
"Eng nge kan tih dawn?"
"I ril a ṭam tih ka hria alawm" a khi suk a
"Mi pahnih tan ka ei tawh tlat alawm"
Justin chu a nui a "Ka hria alawm, duhtak. Mahse kan mikhual sawm te hmaah hian sawi tur kan la neih kha. Tih thuai thuai mai ka chak tawh ania. A fal deuh kan thlan a ngai alawm" a ti a
Adrienne i'n engmah a sawi ve hma chuan kawngka a rawn inhawng a, Justin a chhungte leh a chhungte chu an rawn lut a
A nu chuan a rawn kuah nghal thlawp a "Ka naute! Engtin nge heng hi a thlen theih a? Justin i huat thu leh kaltlang pui i duh loh thu kha i sawi si a, engati nge in lo inruk leh si a?"
"Duhtak in ṭhut phawt a ngaiin ka hria" Justin chuan sofa lamah a phei pui a
Adrienne chu a nu lam a hawi hma in thawk a han la kawk a "Nu, bialpa ka nei tih ka hrilh che kha i la hria em? Nupui hual a nei tih ka sawi lan bawk kha!"
A nu chuan a lu a lo bu nghat a, chutah a sawi zawm leh a "Kha a nupui hual kha keimah hi ka lo ni a, chuan Justin hi ka bialpa kha a ni alawm" a ti a
"Lalpa le!" A nu chu a thaw kawk a, chutah rawn nui sen sen in "Ka va lawm em. Kan thil lo tih vang khan min ngaihdam theih tawh loh ka hlau lutuk a" a ti a
"Kei pawh Justin hian a nun kan tih hrehawm vangin anchhia min lawh reng tawh dawn a nih hi kan lo ti a, a mak tak tak a ni" Christine Adams chuan a rawn ti ve bawk
"Chutiang thil mak chu a thleng khat viau asin" Pierre a'n a lo ti ve bawk
Justin a pa chuan a nu dar a rawn vuan a "Engpawh chu nise, in nuna kan lo inrawlh vangin kan thiam lo nasa a ni. In lo inhmangaih sa hlauh chu a vanneihthlak khawp mai. Chuti ni lo se, inhmangaih tak te inkar tibuai tu mai kan ni dawn si a, in pu te thu lo thlun vang hian kan tibuai hle che u a nih hi" a ti a
"A nih chuan, Adrienne hi in hriat hma tak tak in chhungkua ah in pawm thlap tihna em ni?" Justin chuan a rawn zawt a
A pa chuan lu a lo bu nghut a "Eng thu pawh lo thlung se, i hlimna hi a pawimawh ber. In pu te thu ai chuan kan tan in hlu daih zawk" a ti a
"Tinge min hrilh lova?" Adrienne i nu chuan a lo zawt ve leh a "Ball a in inhmuh khan min hrilh la chu ṭha mai tur. Tinge in inruk kher a?" a lo ti ve leh a
Justin chu a thaw halh a "A chhan chu he inneih hi kar khat chuang ka lo ruahman tawh a, Adrienne hi neih ka tum tho tho a, amah lo hi chu duh dang ka nei chuang lo. I fanu a ni tih ka hriat chhuah hnu pawh hian engmah a danglam phah chuang lo" a ti a
Adrienne chuan a heh a lo pet a, Justin a thusawi chuan a rilru a khawih hneh viau mai. Justin hian a hmangaih zia chu a hria a, mahse a ka ngei aṭanga a sawi a han hriat hian a rilru a khawih lehzual sawt. An chhungkaw hnih hmaah ngei a ni lehnghal
Chu veleh Adrienne pa aw an hre ta a "Ka fanu inneihna hi inremna thuthlung in lo siam a maw?" a rawn ti bak hluk a
Room chhunga awm zawng zawng chu an hawi nghal ṭhap a, a nu pawh a aw hriat vang chuan a phu deuh zawk a, Adrienne chuan a pa'n an thusawi a lo hre ve reng tih reng a ngaihtuah thleng pha lo
"Nang kha!" A nu chuan a ti hriam hrak a "Engtin nge ka fanu nen min tihrehawm tura i la rawn lan ngam zawk a?" A va hnaih hret hret a "Chain ah thlung che in jail bang i zut reng lo hi vannei inti hle rawh" tih pahin a pa hmaiah a beng thlawp a
Adrienne chu a lo au zeuh a, tumah an lo inring hman lo. A pa pawh lo inveng thei reng chu a ni a, mahse engtin mah a che eih lo
"Mrs Starck" Justin a'n a tih rual chiah in Pierre chuan "Lalpa le, duhtak!" a lo ti ve a
Pierre chu a nupui lamah tlan nghal in a veng deuh roh a
"Nangmah vang hi ni lo se chuan Adrienne hian nun nuam tak a hmang tur hi a ni asin. I nupui pawhin a kut hmawr pawhin a khawih lek lo tur ania!" A nu chu thinrim zetin a ang hlawi hlawi a
"Keimah vang ni lo se maw, Adrienne hi a duh loh pui pasal i neih tir daih ang chu" A pa chuan awki dam deuhin a ti a "Vanneihthlak takin Justin nen hian an lo inhmangaih hlauh zawk a nih hi"
"Kan thusawi lai chu thlak danglam tum lo mai teh aw. Inneih lampang pawh a nih loh hi. Ka fanu i lak hran kha alawm ka sawi. Justin a te chhungkua hi hrechiang lo ila chu neih tir pawh ka tum chuang hleinem. Ka fanu hi i ti khawngaihthlak lutuk! A nun aṭang awm ve lo ang maiin min siam a, kan tihsual rah kha i tuh tir a, hrehawm takin a nun a hmang chho asin" Ariana chu a thinrim em a, a puakkeh a ni deuh ber mai. Adrienne chuan a hriatthiam pui tho a, mahse inneihna a thleng atan chuan a duh lo bur mai a ni
A biangah mittui a rawn luang a, a tha a zawi vek. Justin chu a ngheng deuh tawp mai
"Khawngaihin!" Justin chuan dam dap thunei deuh hian a rawn ṭawng chhuak a "In hmaizahawm viau na in hmanlai thil sawi hun a nih tawh loh hi. Hma hun chauh thlir a fuh tawh zawk. Kan inneihni a nih hi. Ka nupui hian kan inneihni hi lungchhe taka a hriatchhuah fo ka duh lo. In vai hian kan tan in hlu in in pawimawh em em vek" a ti a
Chumi hnu chuan tumah an ṭawng chhuak tawh lem lo. Pierre chuan Justin a thusawi chu pawmpui deuhin a lu a bu nghat a, Ariana chuan a pa chu rum zetin a han melh leh a, Adrienne lam a hawi ta a
"Ka tihpalh lutuk aw, bawihte. Khatiang kha ti tur ka ni lo asin" Ariana chu Adrienne lam a rawn hawi a "I sawi dik alawm Justin. Hetianga hriatreng tir che u hi ka tum a ni lo" Justin a chhungte lam a hawi leh a "Kha thil kha in hmuh avangin pawi ka ti hle mai" a ti a
Christine Adams chuan a kut a lo vai a "Ngaihdam min dil a ngai hleinem. Chhungkaw khat kan ni tawh dawn a, thuruk te pawh kan inhriatpui zel tur a ni alawm. Inhauh chang te pawh a awm ve bawk ang chu" hlim deuh hian a lo chhang a
"Awle, a nih chuan kan inrem vek tawh chuan puan tur dang kan la nei a" Justin a'n a tih chuan an ngawi deuh ṭhap a, Justin leh Adrienne lam an rawn hawi a, an hre chak tawh viau mai. Justin chu a han thaw halh a "In vai hian Pi leh Pu in ni tawh dawn" a ti a
An ngawi ṭhap mai. Justin a thusawi chuan a ṭhawng ve deuh a ni maithei. A tawpah Adrienne nu chu a rawn kal hnai a, rawn kuah thlawp in "Ka va hlim em, ka naute" a ti a
An chhungte chuan lawmpuina an rawn hlan sap sap a, an nu te chu an ṭap hluam a, an insum hleithei lo. An hlim em a ni. Adrienne i pa pawh chu phur tak a ni ringawt. An rawn hual tuau tuau a, a hma deuh lawka an buaina pawh an hre leh tawh lo
Justin a chhungte chu hmeichhia nge mipa a nih dawn tih ah an lo inhnial a, Adrienne nu pawhin a naupai chhung zawng a bula awm turin a rilru a siam fel nghal thlap. Pierre pawhin Jin nen hna inchhawk a, Adrienne leh Justin tlawh zeuh zeuh tura insiamrem a ngai tih a hre nghal mai. Adrienne pa lahin Chicago a damdawiin ṭha ber ah nau nei se a duh thu a lo sawi ve bawk
Adrienne chuan a pasal chu a han melh chho vah a, a nui sen sen bawk. An chhungte chuan inneih rawn nang hman lo mahse nau neih leh a behbawm chu hmaih an tum loh hmel khawp mai. An thu a inhmu tlang a, an inrem leh thei a nih hmel
Darkar li hnuah Justin chuan Adrienne hnenah an kal a ngaih tawh thu a rawn hrilh a
"Khawiah nge kan kal dawn?" a ti a
Justin chu nui suk in a beng bulah a rawn phun sup a "Min nghah rei tir tawh lutuk" a ti a
Adrienne chu a nui chhuak hawk a "A nih mikhual te hi?" tiin a lo zawt a
"Abi i'n an awmna room tur ṭheuh a kawhhmuh mai dawn alawm. Ni eng zat pawh an duh phawt chuan an cheng thei ang. Chu chu i lo buaipui a ngai lo. An awm awm in awm mai teh se. Keini pawh kan duhdan takin kan awm tawh ang chu" a ṭhen suk a "Lal tawlailir in a nghak che ania, ka lalnu" a ti sup a
A sawi ang ngei chuan Cinderella chuanna ngei mai kha pawnah a lo ding a, anmahni vai liam turin an mi sawm te pawh an lo ding tlar a, an nu te chuan mittui nen an rawn kuah a, Adrienne i pa leh a pahrawn te chuan Justin hnenah ṭha taka enkawl turin an lo chah ve bawk. An ṭhian ṭha te chuan pangpar an lo theh chhuai chhuai a
An chuanna chuan lal in tho hmun reh deuh zawk lam a pan pui a, a hmun an thlen chuan an let san leh daih a, an pahnih chauh an awm ta
"Honeymoon hmang tawh ang aw, duhtak" Justin chuan a rawn pawm kang lawp a, Adrienne chu a ṭe deuh ṭhawt a, Justin a'n a thlauh a hlau lutuk
"Min dim deuh la aw, pahnih i pawm tih kha hrereng rawh, ka pasal duhtak" a nui ker ker a
Justin chu a nui a "Ka theihnghilh dawn hleinem duhtak. Ka nuna mi pawimawh tak pahnih ka pawm mek a ni. Ka thlauh ngai lo ang che duhtak, chu chu hrereng ang che" a ti a
****
End of 42
A tawp ta han ti mai ila chu haha, Chapter khat a la awm e
Adrienne chu a thin a phu dup dup mai. A hlimna hi a thup zo seng lo, a lehlam zawng chuan a chhungte hmachhawn chu a hreh viau mai. A bik takin a nu! An hlim dawn lutuk tih chu a hria a chhan pawh Justin nen an intawn hma hauh aṭanga lo tifel diam tawh an nih avangin. An suangtuahna a lak bosak deuh tlat a a inhriat avangin a rilru a dam thei chiah lo
Justin a'n a khabe a rawn kuai dah sak a "I ṭha em, Duhtak?" a rawn ti zawi sap a
Adrienne chuan nui sen sen in a lu a bu nghat a "Ka zam deuh" a ti a
Justin chuan dam deuh hian a rawn hnem a "An zia leh mai ang. Mak an la ti rih em a nih hi, mahse an hlim dawn tih ka hre vek"
"Inneih laiin an rawn lang hman si lova, an lawm lo ngawt ang"
Justin chuan a banah vuan nghet sauh in a chal a fawh sak a "Ngaihtuah takah chuan nang pawh i lawm lo ngawt ang. I tellovin engkim ka lo ruahman vek sia"
"I hria em? Inneihna dang ah hi chuan maw, mo te'n engkim an buaipui vek a, moneitu chu a hmunah an kal tawp mai ṭhin"
"Midang ang kan ni hleinem. In tih pa viau ka tum lem lo bawk"
Adrienne chuan Justin chu a piai leh hlak a "Awihawm loh" a ti sap a, mahse a dik zia chu a hre ve tho. Justin ang hi chu an vang a ni. Hausa, hmelṭha leh hmangaihna ring lo turah a lo ngai a, mahse lal fapa diktak ang mai hi a ni
A chhungte ṭhutna lam a va hawi a, an lam hawiin an lo titi a, an sawi tur pawh a hriat deuh ruak mai
Chutih lai tak chuan Justin chu a inthiarfihlim a, hmanlai dan angin a pa nen chuan an lam dun ta a
A pa kut a vuan chiah a mittui a tling pam a, an inkarah thil tam thleng thleng tawh mahse a pa a la ni reng dawn tho a, chhan dik lo tak vangin duhthlanna a siam sual ve a ni mai a, a fanu a hmangaih vangin chan a ngam lo a ni ve mai a, chu pawh chu inngaihdamna atan chuan a tawk viau a ni
"Eng nge i an, Pa?"
Thawk la halh in a rawn chhang a "Kum sawmhnih hnuah ka insiamṭha leh chauh a nih hi. Inṭhenna lehkha ka thehlut a" a ti a
Adrienne chuan a lu a thing a "Pa...a pawi lo. Ka ngaidam tawh che ania. Ka nu..." a sawi tum chu a hrechhuak zawk a, a tawp leh daih. A nuhrawn hi a nu diktak a koh anga koh ve hi a phu lo tlat in a hria. A nu diktak chuan engtik lai pawha hmangaihin a zawng reng ṭhin kha a ni si a
A pa chuan nu tih a ko a hreh deuh tih hria in "Marina tiin ko rawh. I nu i hmu tawh si a" a lo ti a
Adrienne chuan a lu a bu nghat a "Pa, keimah vanga i ṭhen kher chu a ngai lo ania. Min tina thei tawh hleinem. A bula i hlim phawt chuan a tawk lutuk alawm. Inthiamlo duh reng reng suh"
A pa chuan a lu a thing a "Inthiamloh vang pawh a ni chiah lo. Hman aṭang tih ka tum tawh ania. Lo ṭhen vat tur hi ka ni asin mawle. A enkawl dan che vang pawh ni lovin i nu laka ka thup tlat che vang khan a ni pawh hi ka chelhbet mai mai a ni. Tunah chuan awm dun reng chhan tur a awm tawh lo"
"Kimi..." Adrienne chuan a ti sap a, Kimi chu a lungawi lo dawn nasa mai tih a hria, Pa a hmuh chhun a ni tlat
"Kimi pawh amahin a khawsa thei tawh alawm. Min mamawh chuan a tan ka awm reng dawn tho a, mahse i nu ka ṭhen avang hian a na lutuk lo vang. Kum sawmpanga liam ta ah khan ti daih tawh tur zawk alawm ka nih"
"I thuthlukna chu ka zahsak che, Pa. I tan ka awm reng ang. Ka tiam a che, min hloh dawn hleinem"
A pa mittui pawh chu a rawn tling ve pam a "Ka lawm e, Adrienne" a chal ah fawh sak in a kuah a "Hlim reng rawh aw, bawihi. Chu chuan min tihlim em em ang" a ti a
Hla a tawp chiah chu Justin nen bawk an lam leh a, a bianga mittui luang chu a rawn hruk sak a, a nui suk bawk. Engmah a sawi lo, mahse Adrienne chuan a rilru awm ang chu a hriat sak deuh thuak mai. A pa inneihna a a lo sawm ve avang pawhin a lawm lutuk ringawt. A thinlunga thu awm a sawi theih bakah a ngaihdam thu a hrilh thei bawk a, chu baka lawmawm chu a awm chuang lo vang
Abi chuan zanriah kil a hun thu a rawn puang leh a, Justin chuan Adrienne chu a kai hrang daih a, inchhung lamah an lut a
"Eng nge kan tih dawn?"
"I ril a ṭam tih ka hria alawm" a khi suk a
"Mi pahnih tan ka ei tawh tlat alawm"
Justin chu a nui a "Ka hria alawm, duhtak. Mahse kan mikhual sawm te hmaah hian sawi tur kan la neih kha. Tih thuai thuai mai ka chak tawh ania. A fal deuh kan thlan a ngai alawm" a ti a
Adrienne i'n engmah a sawi ve hma chuan kawngka a rawn inhawng a, Justin a chhungte leh a chhungte chu an rawn lut a
A nu chuan a rawn kuah nghal thlawp a "Ka naute! Engtin nge heng hi a thlen theih a? Justin i huat thu leh kaltlang pui i duh loh thu kha i sawi si a, engati nge in lo inruk leh si a?"
"Duhtak in ṭhut phawt a ngaiin ka hria" Justin chuan sofa lamah a phei pui a
Adrienne chu a nu lam a hawi hma in thawk a han la kawk a "Nu, bialpa ka nei tih ka hrilh che kha i la hria em? Nupui hual a nei tih ka sawi lan bawk kha!"
A nu chuan a lu a lo bu nghat a, chutah a sawi zawm leh a "Kha a nupui hual kha keimah hi ka lo ni a, chuan Justin hi ka bialpa kha a ni alawm" a ti a
"Lalpa le!" A nu chu a thaw kawk a, chutah rawn nui sen sen in "Ka va lawm em. Kan thil lo tih vang khan min ngaihdam theih tawh loh ka hlau lutuk a" a ti a
"Kei pawh Justin hian a nun kan tih hrehawm vangin anchhia min lawh reng tawh dawn a nih hi kan lo ti a, a mak tak tak a ni" Christine Adams chuan a rawn ti ve bawk
"Chutiang thil mak chu a thleng khat viau asin" Pierre a'n a lo ti ve bawk
Justin a pa chuan a nu dar a rawn vuan a "Engpawh chu nise, in nuna kan lo inrawlh vangin kan thiam lo nasa a ni. In lo inhmangaih sa hlauh chu a vanneihthlak khawp mai. Chuti ni lo se, inhmangaih tak te inkar tibuai tu mai kan ni dawn si a, in pu te thu lo thlun vang hian kan tibuai hle che u a nih hi" a ti a
"A nih chuan, Adrienne hi in hriat hma tak tak in chhungkua ah in pawm thlap tihna em ni?" Justin chuan a rawn zawt a
A pa chuan lu a lo bu nghut a "Eng thu pawh lo thlung se, i hlimna hi a pawimawh ber. In pu te thu ai chuan kan tan in hlu daih zawk" a ti a
"Tinge min hrilh lova?" Adrienne i nu chuan a lo zawt ve leh a "Ball a in inhmuh khan min hrilh la chu ṭha mai tur. Tinge in inruk kher a?" a lo ti ve leh a
Justin chu a thaw halh a "A chhan chu he inneih hi kar khat chuang ka lo ruahman tawh a, Adrienne hi neih ka tum tho tho a, amah lo hi chu duh dang ka nei chuang lo. I fanu a ni tih ka hriat chhuah hnu pawh hian engmah a danglam phah chuang lo" a ti a
Adrienne chuan a heh a lo pet a, Justin a thusawi chuan a rilru a khawih hneh viau mai. Justin hian a hmangaih zia chu a hria a, mahse a ka ngei aṭanga a sawi a han hriat hian a rilru a khawih lehzual sawt. An chhungkaw hnih hmaah ngei a ni lehnghal
Chu veleh Adrienne pa aw an hre ta a "Ka fanu inneihna hi inremna thuthlung in lo siam a maw?" a rawn ti bak hluk a
Room chhunga awm zawng zawng chu an hawi nghal ṭhap a, a nu pawh a aw hriat vang chuan a phu deuh zawk a, Adrienne chuan a pa'n an thusawi a lo hre ve reng tih reng a ngaihtuah thleng pha lo
"Nang kha!" A nu chuan a ti hriam hrak a "Engtin nge ka fanu nen min tihrehawm tura i la rawn lan ngam zawk a?" A va hnaih hret hret a "Chain ah thlung che in jail bang i zut reng lo hi vannei inti hle rawh" tih pahin a pa hmaiah a beng thlawp a
Adrienne chu a lo au zeuh a, tumah an lo inring hman lo. A pa pawh lo inveng thei reng chu a ni a, mahse engtin mah a che eih lo
"Mrs Starck" Justin a'n a tih rual chiah in Pierre chuan "Lalpa le, duhtak!" a lo ti ve a
Pierre chu a nupui lamah tlan nghal in a veng deuh roh a
"Nangmah vang hi ni lo se chuan Adrienne hian nun nuam tak a hmang tur hi a ni asin. I nupui pawhin a kut hmawr pawhin a khawih lek lo tur ania!" A nu chu thinrim zetin a ang hlawi hlawi a
"Keimah vang ni lo se maw, Adrienne hi a duh loh pui pasal i neih tir daih ang chu" A pa chuan awki dam deuhin a ti a "Vanneihthlak takin Justin nen hian an lo inhmangaih hlauh zawk a nih hi"
"Kan thusawi lai chu thlak danglam tum lo mai teh aw. Inneih lampang pawh a nih loh hi. Ka fanu i lak hran kha alawm ka sawi. Justin a te chhungkua hi hrechiang lo ila chu neih tir pawh ka tum chuang hleinem. Ka fanu hi i ti khawngaihthlak lutuk! A nun aṭang awm ve lo ang maiin min siam a, kan tihsual rah kha i tuh tir a, hrehawm takin a nun a hmang chho asin" Ariana chu a thinrim em a, a puakkeh a ni deuh ber mai. Adrienne chuan a hriatthiam pui tho a, mahse inneihna a thleng atan chuan a duh lo bur mai a ni
A biangah mittui a rawn luang a, a tha a zawi vek. Justin chu a ngheng deuh tawp mai
"Khawngaihin!" Justin chuan dam dap thunei deuh hian a rawn ṭawng chhuak a "In hmaizahawm viau na in hmanlai thil sawi hun a nih tawh loh hi. Hma hun chauh thlir a fuh tawh zawk. Kan inneihni a nih hi. Ka nupui hian kan inneihni hi lungchhe taka a hriatchhuah fo ka duh lo. In vai hian kan tan in hlu in in pawimawh em em vek" a ti a
Chumi hnu chuan tumah an ṭawng chhuak tawh lem lo. Pierre chuan Justin a thusawi chu pawmpui deuhin a lu a bu nghat a, Ariana chuan a pa chu rum zetin a han melh leh a, Adrienne lam a hawi ta a
"Ka tihpalh lutuk aw, bawihte. Khatiang kha ti tur ka ni lo asin" Ariana chu Adrienne lam a rawn hawi a "I sawi dik alawm Justin. Hetianga hriatreng tir che u hi ka tum a ni lo" Justin a chhungte lam a hawi leh a "Kha thil kha in hmuh avangin pawi ka ti hle mai" a ti a
Christine Adams chuan a kut a lo vai a "Ngaihdam min dil a ngai hleinem. Chhungkaw khat kan ni tawh dawn a, thuruk te pawh kan inhriatpui zel tur a ni alawm. Inhauh chang te pawh a awm ve bawk ang chu" hlim deuh hian a lo chhang a
"Awle, a nih chuan kan inrem vek tawh chuan puan tur dang kan la nei a" Justin a'n a tih chuan an ngawi deuh ṭhap a, Justin leh Adrienne lam an rawn hawi a, an hre chak tawh viau mai. Justin chu a han thaw halh a "In vai hian Pi leh Pu in ni tawh dawn" a ti a
An ngawi ṭhap mai. Justin a thusawi chuan a ṭhawng ve deuh a ni maithei. A tawpah Adrienne nu chu a rawn kal hnai a, rawn kuah thlawp in "Ka va hlim em, ka naute" a ti a
An chhungte chuan lawmpuina an rawn hlan sap sap a, an nu te chu an ṭap hluam a, an insum hleithei lo. An hlim em a ni. Adrienne i pa pawh chu phur tak a ni ringawt. An rawn hual tuau tuau a, a hma deuh lawka an buaina pawh an hre leh tawh lo
Justin a chhungte chu hmeichhia nge mipa a nih dawn tih ah an lo inhnial a, Adrienne nu pawhin a naupai chhung zawng a bula awm turin a rilru a siam fel nghal thlap. Pierre pawhin Jin nen hna inchhawk a, Adrienne leh Justin tlawh zeuh zeuh tura insiamrem a ngai tih a hre nghal mai. Adrienne pa lahin Chicago a damdawiin ṭha ber ah nau nei se a duh thu a lo sawi ve bawk
Adrienne chuan a pasal chu a han melh chho vah a, a nui sen sen bawk. An chhungte chuan inneih rawn nang hman lo mahse nau neih leh a behbawm chu hmaih an tum loh hmel khawp mai. An thu a inhmu tlang a, an inrem leh thei a nih hmel
Darkar li hnuah Justin chuan Adrienne hnenah an kal a ngaih tawh thu a rawn hrilh a
"Khawiah nge kan kal dawn?" a ti a
Justin chu nui suk in a beng bulah a rawn phun sup a "Min nghah rei tir tawh lutuk" a ti a
Adrienne chu a nui chhuak hawk a "A nih mikhual te hi?" tiin a lo zawt a
"Abi i'n an awmna room tur ṭheuh a kawhhmuh mai dawn alawm. Ni eng zat pawh an duh phawt chuan an cheng thei ang. Chu chu i lo buaipui a ngai lo. An awm awm in awm mai teh se. Keini pawh kan duhdan takin kan awm tawh ang chu" a ṭhen suk a "Lal tawlailir in a nghak che ania, ka lalnu" a ti sup a
A sawi ang ngei chuan Cinderella chuanna ngei mai kha pawnah a lo ding a, anmahni vai liam turin an mi sawm te pawh an lo ding tlar a, an nu te chuan mittui nen an rawn kuah a, Adrienne i pa leh a pahrawn te chuan Justin hnenah ṭha taka enkawl turin an lo chah ve bawk. An ṭhian ṭha te chuan pangpar an lo theh chhuai chhuai a
An chuanna chuan lal in tho hmun reh deuh zawk lam a pan pui a, a hmun an thlen chuan an let san leh daih a, an pahnih chauh an awm ta
"Honeymoon hmang tawh ang aw, duhtak" Justin chuan a rawn pawm kang lawp a, Adrienne chu a ṭe deuh ṭhawt a, Justin a'n a thlauh a hlau lutuk
"Min dim deuh la aw, pahnih i pawm tih kha hrereng rawh, ka pasal duhtak" a nui ker ker a
Justin chu a nui a "Ka theihnghilh dawn hleinem duhtak. Ka nuna mi pawimawh tak pahnih ka pawm mek a ni. Ka thlauh ngai lo ang che duhtak, chu chu hrereng ang che" a ti a
****
End of 42
A tawp ta han ti mai ila chu haha, Chapter khat a la awm e