Re: RECKLESS (Adult 18+ story)
Posted: June 24th, 2018, 12:45 pm
Ethan
Hospital room atangin hall lam panin Tori chu a kal phei a, a va han nalh chungchuang tak em, mit tla dawnin ka lo thlir reng a. A t-shirt satliah ve mai ah chuan eng nge maw awm bik le, chuti em ema a nalh pui theih mai le.
Biak ka mamawh takzet, tukpumin rilru hahdamin ka lo la awm lo hrim hrim a, duhthawh taka pawm chungin thil awmzia hrilhfiah ka chak takzet a ni.
Amah hmu tura Kat-i te ina kal nghal nal nal tum ka ni a, mahse Kat-i motor Lone star parking-ah ka va hmu teh nawlh a, a bak chu a nau neih kan la buaipui char char a nih hi.
Hall-ah chuan va umzuiin, "Tori, lo ding lawk teh,"
A kal zawi deuh a, mahse min en chuang lo.
Nizan thil avang khan a lawm lo, ka hria, mahse... hrilhfiah ka duh a ni.
Zau tak taka pen phawk phawkin Tori chu ka pan hnai a, a bul ka thlen chuan a banah dawmin room awl ka hmuh hmasak berah pawt lut a, kawngkhar ka khar nghal a, light erawh ka on buai duh ting lo.
"Kha, hei hi la rawh," tiin scrubs ka pe a, "Thisen i kai nual bawk sia, inthlak i duh ka ring a." a hnar a lo tum dat a, ka nui suk a, "Luhlul viau teh suh, la mai rawh."
"Ka tih tur min a ngai lo."
Ka van duh tak, a khawlhsen nasa thei mai sia.
Ka kut atanga a han phihthlak hlawk chuan ka thenzua sawt mai. Lehlam hawi a tum chuang lo, a t-shirt hak lai chu phelhin tukverh atanga en rawn lut zawnah chuan scurb chu a inthlawh nghal a.
Ka nui lai chu ka tawp nghal chawt mai.
"Eng nga ti nge hei hi?" tiin a ban duk deuh tluk chu ka khawih a. Natawk taka hmerna a ang ber. "Hei hi amah..." nizan khan a hnarruh hnek tliah sak ringawt lo in lo that zawk ila tha tur.
Ka dawmna atangin a tal chhuak a, a ding khawng lah mai - ke pahnih kak deuh harh, khabe pho deuh ar chungin, "Cody-a buaipui tura i kal hnu khan, i nupui leh Jamie-a ten in atangin min petchhuak alawm."
"Ka nupui a ni lo." Ka hnaihchilh nghal vat a, bangah nawrbetin a biang lehlam lehlamah chuan ka dawm a, "Baby, a khawih che a mi?" chuthu ka sawi zawng pawh chuan ka na a ni. Lehlam min hawisan a tum chuan a khabeah ka dawm bet a, "Zep tum suh, a khawih che em?" Ka thawk hawk a.
A mitmeng lian kelkawl pawram atanga chuan mittui a rawn luang chhuak a, "Ummm. Inchhung atanga min nawr chhuakin tualcharah min nem thlu."
Ka shotgun ka bul hnaiah a awm lo hlauh chu ka lawm letling hial zawk, tunah tak hi chuan awm ngat se engtin nge ka hman ang tih pawh ka hre lo.
"Zawngsena chuh." ka tawngleh hma chuan inbeng daih tumin thawk ka lak vang vang phawt a ngai hial a, "A ti na che chu pawi ka ti lutuk, lo chhan tur chein ka awm lo lehzel bawk nen." Kha mihring, mipa thing lutuk kha ka hmu leh anih vaih chuan, a nunna ka tihtawp sak nghal ang.
"Chuti si ti nge nizan khan engmah i sawi ve loh?" a biang a hruk lai chu ka man sak a, a mittui mal far tin hmu a, hreawm ti em em a en tlak lek ka ni, chu chu ka phutawk chiah. A natna avang chuan nat let ngawih ngawih tur ka ni reng a ni. "Ti nge min rawn call pawh i tum miah loh, rawn kal pawh i rawn kal lo. Min rawn call beiseiin ka phone ka bih awllo a sin."
Ka tih tur dang ka ti lo tih ka hriat belh leh ta, lungngaihna in min chim mup mup a ni ber mai. "A ni tak, ka tih palh lutuk, Cody-a banruh a tliak a, chuvang chuan..."
"Eng maw?" A kut ria thlarh mai chuan ka dar a rawn tham chawt a.
Ka fapa tualchara lo tlu reng ka va hmuh dan chu ka rilruah a rawn let leh zut zut a, mangang tak leh tih theih nei lo ni a in hre chunga ka awm dan kha, "Pipu atanga tla a nia, a hriatna a hloh em tih kan chiang ngam lo a, doctor-in a ban ruh tliak a char that hnu in, en zui zel turin zanah hetah min awm tir a. Ka phone a thi hmak bawk sia, zingah min haw tir veleh inah ka mut fel tir a, nangmah hmu turin ka rawn kal nghal a." Motor-ah car charger hmanga ka phone ka charge nun meuh chuan in kan thlen tawh dawn tho avangin in hma chhawm ngei a biak ka duh ta zawk kha a ni a. "Tunah chuan ka nu in a awmpui mek."
Kut khur der der chungin a ka a hup a, "Oh, my God. A tha zel em?"
"A thla a bar khawp mai, keipawh chuti tho chu." Tun darkar 24 liam ta zet kha chu a buai nuaih nuaih a ni ber mai. Cody-a ER a dahlut dawnah Jamei-a hmaiah ka kut a ti ulh chauh a, chutah Tori-in a unaunu Kat-i nau a chhar lai ka thlir bawk.
Tori-in min kuah chuan ka maimitchhing a. Nizan thil avang khan a la na hle ang tih ka hria, chuti chung chuan min hnem tu zawkah a tang mek a ni si a. "Nizan khan eng emaw tal sawi tur ka ni a sin. Nimin tlai thil thleng zawng zawng kha rewind leh theih ni se chuan engkim kha a danglam vek ngei ngei ang. A tirah khan James-an i chanchin ka hriat ve loh a hriat teuh avang khan ka lungawi lo a, thikna in ka khat tlat a." Thik tak ka ni ringawt.
A darah ka fawp kual den den a, a nghawngah fawp chho zelin, a beng hnunglam thlengin ka fawp chho a, "A khawihkual vel tur ka ngaihtuah khan ka thinrim em a ni, baby." Tunah ngei pawh chu thil chu ngaihtuahin ka thin a la rim a.
Hetiang hian ka awm ngai miah lo a sin mawle, mipa thikthu chhe tak ka ni ngai lo a, keipui sahauh hlur chi lah ka ni hek lo. Mahse Tori-i lakah hi chuan ka dang tlat. Hmeichhe dang laka ka duh ngai loh ang kha a lakah chuan ka duh tlat.
A dang pawh ka la hre duh cheu, "College a thil thleng vel kha ti nge min hrilh miah loh a? James-an a tih dan vel che pawh." Kha ramsa khan an bedroom-ah a nupui nen an khawsak laiin closet-ah a tawm tir a nia. Tori-in kan inhmuh hmasak ber a min endan kha thil mak a ni tawp lo mai, keipawhin khatiang kha tawng ve ta ila chuan midang rinna ka tlachham ve khawp ang.
A biangah mittui a rawn luangthla ngiai ngiai a, ka kut a hruk phal lo in ka fawh hul sak vek a.
"Ka zahpui em a lawm." a lu thing nar nar chungin, "Kan in break hnu a jamie-a awmdan a mualpho tlak em a ni. Min chhui ru a, min um zui a, pangpar te min thawn thul, ka thiante hnenah ka chanchin a zawt bawk. Chungthil vel chuan ka nun a ti chhe nasa em am a, insiam tha leh tur pawm awm lo khawp in ka inhnuh hniam tir a, Collage ka bansan phah bawk a. Ka unaunu bula awm ka duh chhan pakhat pawh a nia, a bul tan that leh nan."
A tih retheih zia ngaithlak chu hreawm tak a ni, "Nizan thil khan min barakhai ve takzet a sin, a nupui a lo uire san a ni saltiah mai lo a, i chungah a khawsak dan tenawm tak kha mak ka ti tawp thei lo, ka thiantha leh ka mi ngaihsan, ka entawn fo thin a ni a, min lo bum nasa hle a ni." Anupui Felica leh Allison-i hi seilian dun an ni a, ka nupui atanga hre ve chuah mah ni ila, kan inkawm ngaih ta phian a. Ka in min cheidanglam sak atang phei kha chuan mi ngaihsan awm tak leh entawn tlak tak niin ka lo hre thin a, a lo han lem mai mai tak em.
'Thlemna avangin ka buai' a tih pawh khan uire ni lo in a flirt kual vel mai mai turah ka lo ngai a. Tuna ka ngaihtuah nawn leh hian a lo thupmawi thiam em a nih kha.
A tin seh niap niap pahin, "Engtin nge ka driving record kha i hriat loh theih a? Backgroup check i ti emaw tia."
"Logan-an ka check dawn a tia, engkim tha vekah ka lo ngai ve mai a. Engmah a sawi duh loh avangin kamkhat deuh hlak tlak a ni. Mahse a ngaihtuahna chu ka hrethiam tho mai, a ngaina che a, Kat-i leh Brady te avangin a ring che tih ka hria a ni."
"Tihpalh aw, Law firm-a ka thawh lai vel kan sawi chhuah tum khan lo hrilh vek tur che u a nia sin," hnuailam bih ngar chungin, "Ka hun kal tawha ka awmdan te kha an zahpuiawm hlawm em a, sawichhuah ka hreh tlat thin a lawm. I mi hmuhdan a dang vek ang tih ka hlua a, naupang ho enkawl tlak lo ah min ngaih emaw ka chhungten min hmuh dan anga min hmuh ve ka hlau alawm."
"Eng nge i sawi awmzia le? I chhungten an hmangaih che alawm. Vawiin chhuna ka hmeichhe hmuh kha i hmu ve lo em ni? Motor chhungah towel leh hand sanitizer nen ringawt naute chhar tu kha i hmu ve lo em ni? Honey, hero i ni asin. Kei ni ve ta ila din pawh ka ding ngil thei miah lo, hmeichhe ropui tak i ni."
A mittui karah a rawn nui ve ta a.
"Ka chhuang lutuk che," tih pahin a hmuiah ka fawp a, ani pawh chuan rum tiah tiah chungin min lo fawp let nghal a. Engkim he nula hnenah hian tiam ka tum lai takin kawngkhar a rawn in hawng phut a, kan inpawmna atang chuan kan hrang nghal vat a.
Chutah nurse hian raipuar pakhat hi wheelchair-in a rawn nawr lut a, "Sorry," tih pahin Tori-i banah chuan kaiin pawnlamah ka chhuahpui nghal a, sawidun tur tam tak kan nei tlat...
(Chapter 2 vel chiah a awm ta, a lunglenthlak dawn hle mai, next a mi tur ka en kual mek, hepa ziah tho 'Shameless' in ka mit a la deuh ber a, nakinah a tlangpui ka la rawn ziak ang, click kha aw )
Hospital room atangin hall lam panin Tori chu a kal phei a, a va han nalh chungchuang tak em, mit tla dawnin ka lo thlir reng a. A t-shirt satliah ve mai ah chuan eng nge maw awm bik le, chuti em ema a nalh pui theih mai le.
Biak ka mamawh takzet, tukpumin rilru hahdamin ka lo la awm lo hrim hrim a, duhthawh taka pawm chungin thil awmzia hrilhfiah ka chak takzet a ni.
Amah hmu tura Kat-i te ina kal nghal nal nal tum ka ni a, mahse Kat-i motor Lone star parking-ah ka va hmu teh nawlh a, a bak chu a nau neih kan la buaipui char char a nih hi.
Hall-ah chuan va umzuiin, "Tori, lo ding lawk teh,"
A kal zawi deuh a, mahse min en chuang lo.
Nizan thil avang khan a lawm lo, ka hria, mahse... hrilhfiah ka duh a ni.
Zau tak taka pen phawk phawkin Tori chu ka pan hnai a, a bul ka thlen chuan a banah dawmin room awl ka hmuh hmasak berah pawt lut a, kawngkhar ka khar nghal a, light erawh ka on buai duh ting lo.
"Kha, hei hi la rawh," tiin scrubs ka pe a, "Thisen i kai nual bawk sia, inthlak i duh ka ring a." a hnar a lo tum dat a, ka nui suk a, "Luhlul viau teh suh, la mai rawh."
"Ka tih tur min a ngai lo."
Ka van duh tak, a khawlhsen nasa thei mai sia.
Ka kut atanga a han phihthlak hlawk chuan ka thenzua sawt mai. Lehlam hawi a tum chuang lo, a t-shirt hak lai chu phelhin tukverh atanga en rawn lut zawnah chuan scurb chu a inthlawh nghal a.
Ka nui lai chu ka tawp nghal chawt mai.
"Eng nga ti nge hei hi?" tiin a ban duk deuh tluk chu ka khawih a. Natawk taka hmerna a ang ber. "Hei hi amah..." nizan khan a hnarruh hnek tliah sak ringawt lo in lo that zawk ila tha tur.
Ka dawmna atangin a tal chhuak a, a ding khawng lah mai - ke pahnih kak deuh harh, khabe pho deuh ar chungin, "Cody-a buaipui tura i kal hnu khan, i nupui leh Jamie-a ten in atangin min petchhuak alawm."
"Ka nupui a ni lo." Ka hnaihchilh nghal vat a, bangah nawrbetin a biang lehlam lehlamah chuan ka dawm a, "Baby, a khawih che a mi?" chuthu ka sawi zawng pawh chuan ka na a ni. Lehlam min hawisan a tum chuan a khabeah ka dawm bet a, "Zep tum suh, a khawih che em?" Ka thawk hawk a.
A mitmeng lian kelkawl pawram atanga chuan mittui a rawn luang chhuak a, "Ummm. Inchhung atanga min nawr chhuakin tualcharah min nem thlu."
Ka shotgun ka bul hnaiah a awm lo hlauh chu ka lawm letling hial zawk, tunah tak hi chuan awm ngat se engtin nge ka hman ang tih pawh ka hre lo.
"Zawngsena chuh." ka tawngleh hma chuan inbeng daih tumin thawk ka lak vang vang phawt a ngai hial a, "A ti na che chu pawi ka ti lutuk, lo chhan tur chein ka awm lo lehzel bawk nen." Kha mihring, mipa thing lutuk kha ka hmu leh anih vaih chuan, a nunna ka tihtawp sak nghal ang.
"Chuti si ti nge nizan khan engmah i sawi ve loh?" a biang a hruk lai chu ka man sak a, a mittui mal far tin hmu a, hreawm ti em em a en tlak lek ka ni, chu chu ka phutawk chiah. A natna avang chuan nat let ngawih ngawih tur ka ni reng a ni. "Ti nge min rawn call pawh i tum miah loh, rawn kal pawh i rawn kal lo. Min rawn call beiseiin ka phone ka bih awllo a sin."
Ka tih tur dang ka ti lo tih ka hriat belh leh ta, lungngaihna in min chim mup mup a ni ber mai. "A ni tak, ka tih palh lutuk, Cody-a banruh a tliak a, chuvang chuan..."
"Eng maw?" A kut ria thlarh mai chuan ka dar a rawn tham chawt a.
Ka fapa tualchara lo tlu reng ka va hmuh dan chu ka rilruah a rawn let leh zut zut a, mangang tak leh tih theih nei lo ni a in hre chunga ka awm dan kha, "Pipu atanga tla a nia, a hriatna a hloh em tih kan chiang ngam lo a, doctor-in a ban ruh tliak a char that hnu in, en zui zel turin zanah hetah min awm tir a. Ka phone a thi hmak bawk sia, zingah min haw tir veleh inah ka mut fel tir a, nangmah hmu turin ka rawn kal nghal a." Motor-ah car charger hmanga ka phone ka charge nun meuh chuan in kan thlen tawh dawn tho avangin in hma chhawm ngei a biak ka duh ta zawk kha a ni a. "Tunah chuan ka nu in a awmpui mek."
Kut khur der der chungin a ka a hup a, "Oh, my God. A tha zel em?"
"A thla a bar khawp mai, keipawh chuti tho chu." Tun darkar 24 liam ta zet kha chu a buai nuaih nuaih a ni ber mai. Cody-a ER a dahlut dawnah Jamei-a hmaiah ka kut a ti ulh chauh a, chutah Tori-in a unaunu Kat-i nau a chhar lai ka thlir bawk.
Tori-in min kuah chuan ka maimitchhing a. Nizan thil avang khan a la na hle ang tih ka hria, chuti chung chuan min hnem tu zawkah a tang mek a ni si a. "Nizan khan eng emaw tal sawi tur ka ni a sin. Nimin tlai thil thleng zawng zawng kha rewind leh theih ni se chuan engkim kha a danglam vek ngei ngei ang. A tirah khan James-an i chanchin ka hriat ve loh a hriat teuh avang khan ka lungawi lo a, thikna in ka khat tlat a." Thik tak ka ni ringawt.
A darah ka fawp kual den den a, a nghawngah fawp chho zelin, a beng hnunglam thlengin ka fawp chho a, "A khawihkual vel tur ka ngaihtuah khan ka thinrim em a ni, baby." Tunah ngei pawh chu thil chu ngaihtuahin ka thin a la rim a.
Hetiang hian ka awm ngai miah lo a sin mawle, mipa thikthu chhe tak ka ni ngai lo a, keipui sahauh hlur chi lah ka ni hek lo. Mahse Tori-i lakah hi chuan ka dang tlat. Hmeichhe dang laka ka duh ngai loh ang kha a lakah chuan ka duh tlat.
A dang pawh ka la hre duh cheu, "College a thil thleng vel kha ti nge min hrilh miah loh a? James-an a tih dan vel che pawh." Kha ramsa khan an bedroom-ah a nupui nen an khawsak laiin closet-ah a tawm tir a nia. Tori-in kan inhmuh hmasak ber a min endan kha thil mak a ni tawp lo mai, keipawhin khatiang kha tawng ve ta ila chuan midang rinna ka tlachham ve khawp ang.
A biangah mittui a rawn luangthla ngiai ngiai a, ka kut a hruk phal lo in ka fawh hul sak vek a.
"Ka zahpui em a lawm." a lu thing nar nar chungin, "Kan in break hnu a jamie-a awmdan a mualpho tlak em a ni. Min chhui ru a, min um zui a, pangpar te min thawn thul, ka thiante hnenah ka chanchin a zawt bawk. Chungthil vel chuan ka nun a ti chhe nasa em am a, insiam tha leh tur pawm awm lo khawp in ka inhnuh hniam tir a, Collage ka bansan phah bawk a. Ka unaunu bula awm ka duh chhan pakhat pawh a nia, a bul tan that leh nan."
A tih retheih zia ngaithlak chu hreawm tak a ni, "Nizan thil khan min barakhai ve takzet a sin, a nupui a lo uire san a ni saltiah mai lo a, i chungah a khawsak dan tenawm tak kha mak ka ti tawp thei lo, ka thiantha leh ka mi ngaihsan, ka entawn fo thin a ni a, min lo bum nasa hle a ni." Anupui Felica leh Allison-i hi seilian dun an ni a, ka nupui atanga hre ve chuah mah ni ila, kan inkawm ngaih ta phian a. Ka in min cheidanglam sak atang phei kha chuan mi ngaihsan awm tak leh entawn tlak tak niin ka lo hre thin a, a lo han lem mai mai tak em.
'Thlemna avangin ka buai' a tih pawh khan uire ni lo in a flirt kual vel mai mai turah ka lo ngai a. Tuna ka ngaihtuah nawn leh hian a lo thupmawi thiam em a nih kha.
A tin seh niap niap pahin, "Engtin nge ka driving record kha i hriat loh theih a? Backgroup check i ti emaw tia."
"Logan-an ka check dawn a tia, engkim tha vekah ka lo ngai ve mai a. Engmah a sawi duh loh avangin kamkhat deuh hlak tlak a ni. Mahse a ngaihtuahna chu ka hrethiam tho mai, a ngaina che a, Kat-i leh Brady te avangin a ring che tih ka hria a ni."
"Tihpalh aw, Law firm-a ka thawh lai vel kan sawi chhuah tum khan lo hrilh vek tur che u a nia sin," hnuailam bih ngar chungin, "Ka hun kal tawha ka awmdan te kha an zahpuiawm hlawm em a, sawichhuah ka hreh tlat thin a lawm. I mi hmuhdan a dang vek ang tih ka hlua a, naupang ho enkawl tlak lo ah min ngaih emaw ka chhungten min hmuh dan anga min hmuh ve ka hlau alawm."
"Eng nge i sawi awmzia le? I chhungten an hmangaih che alawm. Vawiin chhuna ka hmeichhe hmuh kha i hmu ve lo em ni? Motor chhungah towel leh hand sanitizer nen ringawt naute chhar tu kha i hmu ve lo em ni? Honey, hero i ni asin. Kei ni ve ta ila din pawh ka ding ngil thei miah lo, hmeichhe ropui tak i ni."
A mittui karah a rawn nui ve ta a.
"Ka chhuang lutuk che," tih pahin a hmuiah ka fawp a, ani pawh chuan rum tiah tiah chungin min lo fawp let nghal a. Engkim he nula hnenah hian tiam ka tum lai takin kawngkhar a rawn in hawng phut a, kan inpawmna atang chuan kan hrang nghal vat a.
Chutah nurse hian raipuar pakhat hi wheelchair-in a rawn nawr lut a, "Sorry," tih pahin Tori-i banah chuan kaiin pawnlamah ka chhuahpui nghal a, sawidun tur tam tak kan nei tlat...
(Chapter 2 vel chiah a awm ta, a lunglenthlak dawn hle mai, next a mi tur ka en kual mek, hepa ziah tho 'Shameless' in ka mit a la deuh ber a, nakinah a tlangpui ka la rawn ziak ang, click kha aw )