CHAPTER 4
BY JENETI
Zothanfeli pov
REPEAT
Ka siam lai chuan u tete-i chu a lo phei a, "a va rimtui ve, ril atam nghal rawih rawih mai a lawm" tiin ka thil chhuan chu a rawn en a. "Changtunu a chet hi chuan, ti zaih hi a nimai ni" ka lo ti a. Kan nui hak hak a, chu tih la chuan ka u hnathawk pawh a lo haw chiah a, "a va rimtui ve," a lo ti lut ve nghala, "hei changtunu a han che tak tak chu, kan hmeh tui dawn a nia," u tete-i chuan a lo ti a.
___________________________________________________
"Ril atam nghal rawih rawih thei alawm mawle" alo ti ve a, "sa hmeh tur ang mai, in over dun em mai" a ka lo ti hlak a, ka nui ve tho, Inbual turin ka insiam nghal a, "zanin chu chaw ka lo ei dawn a nia" rawn ti lang lang tu chu kan Rem thaw vengi a ni.
Ka room atang a va chhuakin, "ei lo ang chaw hmeh i heh thei ropui si, i rawn ei chuan chaw hmeh tur pawh kan nei leh lo ang" ka lo ti khar khar a. Tak tak he nu hi chuan chaw aiin chaw hmeh hi a heh zawk, hman ah kan in bai lem chhuan a, kan hriat loh hlan in kan vaipa den siam a lo ei zo vek a, a thak teh reng nen eng tin nge a eizawh vek thei ni, mahse a hnu ah a ei luat a tuar lo leh a nih kha.
‘Sawi sawi mahse la ka nghei dawn chuanglo’ tih thluk khan "sawi sawi mahla e ka ei dawn tho tho" tiin a rawn zai a.
Rum lutuk a en chungin "sawi sawi mahla e, i ei dawn chuang lo" ka lo tih khum ve a, "awi in naupang chhia dun em mai, kal vat ang u, a tlai tawh si" kimi chuan a rawn ti hlak. ka hakthlak tur chu bucket ah dah in kan chhuak zui nghal a, Tuikhur kan thleng chuan khua a thim tan tawh, tui pawh a vawt tha tawh kher mai, ka in laih ngam mai lo a.
Kan mipa te 2 erawh an in leih pap pap mai, Remi a in leih dawn a, no chuan a intin a, a la thla leh thin "1.....2.....3" tiin tê chûl chungin a inleih a, awi! ka nuih a za lutuk, a hnung ah a leih baw vek a, a eng lai mah a huh lo, ka lo nuih uar uar a, hmu ve ula chuan, in nuih a za ve tho ang mawle.
Keipawh inleih chu ka tum ve a, mahse tui hi avawt hik tha tawh lutuk a, ka in leih ngam mai lo, "1...2...3" tive in ka in laih pawp a, te chûl in ka zuang tawr tawr a, avawt lutuk ringawt "avawt avawt avawt" ti chungin ka in leih leh a, ahma ai chuan tlem in a zia ta deuh, kan in bual bengchheng zia chu kan tê chûl mai, vawt tuar theilo chi kan ni bawk si.
Kan bengchheng bawk nen, mi rawn kal thawm pawh kan lo hre mailo a, kan chhak deuh a tang chuan mi 1 a rawn khuh kharh a, ka lo inthlak mek avangin ka hawi chho zawk a, a thim tawh avangin tunge a nih ka hre theilo, "awi! ka duh theilo? khi thlahrang..." tih pahin kan Remruatdiki chuan ka hnung ah mi rawn bawh rawk a, kei lah ka ke kawr ka lo ha vel mek bawk nen, ka lo in ring bawk silo, ka rah na lah a lo huh vek tawh avangin a nal bawk nen, ka tleng zawt a, ka thal tawp mai, chutiang ang bawkin Remi pawh, ka chung ah a rawn thal ve nghal tawp bawk.
"Vanlalremruatdik" ka ti thawt a, ka thinrim lutuk chu ka sa chhuak vek theiin ka hria, "Vanlal kha a tel ve ziah lo" a rawn ti leh hram, rum deuh a amah chu en in, "ka hnek dawn khawp che, mawli" tih hluk pah chuan innem thawh chu ka tum a, ka te nghal thawt, ka kut chu a na lutuk ringawt, "mai mai chuan, ka kut hi a na lutuk a nâl bawksi, ka tho theilo a nia, kha tia ding ngawi reng lo khan min rawn pui ta che u" ka ti vin hlar a.
Chu ve leh harh chhuak chiah ang mai hian "awi! in na em?" kimi chuan a rawn ti nghal chul a, kan lam chu an rawn phei a, "keichu ka tha" Remi chuan a rawn ti a. Ka hnung a mi chuan light in mi rawn chhun a, remin ‘thlahrang’ a tih pha kha a ni. "I na e" tih pah chuan mi rawn pan a, a lam chu ka hawi a, a phone light in ka mit ah tak min chhun avangin, amah chu ka hmu theilo, mihring a nih tih ka hriat leh lek phei chuan ka thinrim zual, "na lo ila nâ ka ti nâng,mawl lutuk" ka ti leh hluk a, la tawngkam pawh a mawi thei tawh lo.
Ka taksa chu a ngap a, ka huh vek ka ten bawksi chu ka mur chuai chuai thei, a chhan chu tun ah hian kan in bualna thli ah ka thu miau a ni. Kan inbualna ah ka in thlak nghal avangin leh, Remruatdiki mawl vangin, he ti hi ka ni ta a nih hi.
Chu pa chuan min rawn kai tho a, ka thiante chuan min lo pan vat a, "I khawih lai maw na?" Remi chuan a rawn ti sap a, a inthlahrung ve hmel lutuk, rum deuh a la melh reng chungin, "ka kut hi ka ti che tha theilo; mahse ka inbual leh tho duh" ka ti a. Vawt ti tho mahila, inbual ngei ngei ka ngai tlat a ni. Min rawn kai tho tu pa chu en lem lo in, "ka pu ka lawm e aw" dam deuh zawk chuan ka ti a.
"Putar ka nilo" a rawn ti hmuk a, en ha chungin, "i hming ka hre silo a, biak nan che ka hmang mai alawm" ka ti a. "Chu pawh nise putar hmel pawh ka pu lo" a rawn ti leh zel tak ah chuan, lo thinrim sa nen, "putar i ni ka ti lo che a, putar hmel I put leh put loh ka hre hek lo, lawm thu hrilh nan che ka pu tiin ka ko mai che anih kha" ka ti ve hlak a, a âw lah chu ka hriat hnu a ang em em leh nghal, mahse, ka hre chhuak zo tawhlo, kan khaw mi a nih tho erawh ka ring.
"A nih chu" a rawn ti leh a, "Aw ni" ka ti leh hmuk a. "Lawk keichu, ka nuih a za em mai, ka insum thei thlawt tawh lo, zothani hi" ti a min kawh pah in rohming chuan min nuih vak vak a. Ka in en ve chuan "hnunglam hawi vek ru" ka ti nghal that a, ka enkual a, an lo hawi nghal vek a, Phone light khan kha pa khan, hnung lam hawi chungin min la chhun reng a.
Ka in en leh a, ka ke kawr ke vei lam zawk chauh ha in, ding lam zawk ka ha lo thung, ka kekawrte dum pawh a alang vek ka zak lutuk. "Kim min lo lai phei teh" dam deuh zawk chuan ka ti a, zak lo ang deuh chuan ka awm.
Kan awmdan hi min mitthla thiam viau chuan, i nuih a za ve khawp ang, keipawh na tuar leh thinrim chungin ka nuih a za. Min lo Kai vat a , Remi nen chuan kan in bual tha leh a, sahbawn pawh ka inhnawih that theih loh avangin, Remi chu ka inhnawih tir a.
mi zaidam ka ni lemlo a, ka hming ka pu zo lo hle bawk, put zawh tum ve viau mah ila, fel hi a lo har a nih hi, tawng kam thiam loh nen phei hi chuan, thiam ang tawkin tawng dam te ka tum a, theih ang tawkin fel ve ka tum bawk a, chu tih lai a min lo hnial ve chhen a min sawisel na tur ringawt an lo zawng hi chuan ka ti thei der lo thin.
Kan retheih vang te hian ka zak lo a, mi hmusit turin awm ka tum hek lo, ka chan tawk ah ka lungawi a ni ber mai, retheih avangin kawng sual zawh ka tum ve lo a, tun a ka awm dan ang reng a awm hi nuam ka tiin, ka hlim pui ber bawkin ka hria.
Ka inbual zawh chuan towel chauh ka veng tawh, ka thawm hnaw ho chu bucket ah daihin, zorin an min khai sak a, kan inbual chhung zawng khan hnung lam mipa ho ka hawi tir reng a, kan zawh chuan kimi chuan "kan lawm e aw" a ti a. "umm" tiin a rawn hawi phei a, a hmel chu fiah lo deuhin ka hmu a, mahse, tunge a nih tih ka hrechiang lutuk baby shark-a lek kha a lo ni.
"Baby shark nang maw?"ka ti hâ a, ka thil sawi chu atthlak ka ti leh hnuhnawh, "baby shark maw hepa hi" tiin Rohmingmawia chu a nui leh uar uar a.
Rum nghutin "ka nilo baby shark-a," a ti thum leh dût a, "a nih i hming chu eng nge a?" Remi chuan a lo ti a. "Vanmalsawma, u sawm tiin min ko dawn nia" a ti a. "Kal tawh ang u, a vawt ka ti tawh lutuk" ka ti khur dar dar a. Tui a vawt em a ka khur lo thei lo, "nia kan kalsan mai ang che, kan lawm lutuk" kimi chuan a ti leh hram a, a thim tawh bawk nen ka in pal leh khut khut thin, ka kut leh lam chauh ka tih chet theih avangin ka tlu teuh thei hle.
"Phone emaw light tal lo keng i la tha tur" ka ti niah niah a, ka ban chuan min tur deuh ut ut leh nghal, eng tin nge ka tihnat hman pawh ka hrelo ka tawlh thlu tawp kha a nia. Kal kawngah chuan "eng tin nge usawma kha thlahrang hmuh a i hmuh theih hrim hrim le?"Rohmingmawia chuan a ti a.
"A thim bawk sia, thlahrang vel ka lo ngaihtuah lai tak a nia, a aw thian khar ri ka hriat a, ka han hawi chhoh khan, ka hlau thut a, Zothani hi ka bawh rawk a lawm, tihpalh lutuk aw, ka tihluih a ni miahlo a nia" a ti sap sap. "Umm a ho lutuk ka tih ai zawng zawng I ti vek anga a nimai" ka lo ti a. "Awle" a lo ti ve mai.
A tawp a tawp ah chuan kan inchhir thleng ve thei hram a, ka ke lah chu inbual zo hlim tih hriat loh khawpin, vai vut a kai hnem a, ka crocs pawh lei a kai leh nuai mai. In ah chuan ka in tleuh tha leh a, Remi chuan "chaw ka rawn ei dawn ka tih kha ka ti mai mai lo a nia, ka thil vel hi ka han dah chho phawt anga, ka rawn chhuk leh ang, thleng pawh ka lo sil chhawk nghal ang che" a rawn ti a, ka aw vat a.
In chhung ah chuan kimi te ho nen chuan kan in zui lut a, ka ner lut sak sak lai min hmuh chuan u tete-i chuan "tinge i va rawn ner lut nasa ve a? towel nen chiah i la awm zui a, hak thlak i keng e maw ka tia?" a lo ti zui mawlh mawlh a. Chhang pawh ka chhang peihlo.
"Kan Remruatdik'n thlahrang a hmu a, a hlau in zothani inthlak laiin a va bawh a, an tawlh thlu a, hei a ban hi a tih nat phah a nih hi," nui ruh ruh chungin Rohmingmawia chuan a ti a. "Thlahrang a? Ka u chuan a ti a. "A ti mai mai a nih kha, nu zopuii chhung mipa kha a hmu a, thlahrang emaw a ti pek a nih kha," kimi chuan a lo ti vat a, "a van buaithlak thei tak e aw" tiin an nupa chuan a nui dun hak hak a.
"Khawi maw ka lo en chhin, a ruh a pelh a nih ka ring, e he! a vung deuh tan tawh a nih hi" u tete-i chuan a ti nghal zung zung a. Vawh ka tih tawh em a vangin room ah chuan inthlak turin ka lut a, ke kawrte leh ke kawr chu ka ha thei mai a. Bra leh kawr ka hak thei loh avangin, kimi chu ka ko lut a, ka in hak tir a, ka kut na tur ut ut avang chuan nachhawk na chu ka hmawm nghala.
Pyjama var tial ha in hoodie dum ka ha hlun a, ka hritlang ang tih ka hlau hle bawk, vawt ka tuar rei bawk si.
Ka thiante chu an haw nghal a, rei vak loh ah Remi a rawn chhuk thla a, chaw kan ei chhunzawm a, a na bawk nen engmah pawh ka tih pui peih lo, tiang chuan school pawh ka kal thei dawn a mawni, ka dinglam a ni leh nghal a.
Remi chu ka haw tir nghal a, keipawh lehkha ka zir peih loh avangin ka mu ta daih, nachhawkna ka ei khan min chhawk tan a, a na pawh a zia rih khawp mai, a chhawk lai chuan mutthil ka tum a, ka lo mutthil ta reng bawk a. Ka ban nat lutuk avangin ka har hlawl a, ka ban ka han en chu sai sir zawnga ka lo mut avangin ka ban kalo delh chu niin ka la sawn vat a.
A na tawh lutuk ringawt, ka mittui chu a rawn tla a, ka nu leh pa ka ngai thar zual a, damloh chang hi chuan nu emaw pa emaw tal hian min han ngaihsak in, min han duat ve thin se ka ti thin. Ka tah a ti chhuak zual a, tun ah hian ka nu emaw pa emaw tal ka bul ah hian awm thei se, ka ti tak zet, tun ah chuan buai pui a, duat a, enkawl tu tur tak ngial pawh ka nei lo, ka u te nupa lah an rui leh daih tawh awm si a.
Peih lo deuh a tho chhuakin ka mittui te chu ka hru hul a, khum bul a ka nachhawk na dah chu tui nen ka hmawm leh a. A la chhawk har em em leh nghal, ka mutthil thei tawh der lo, ka phone chu ka khawih a, dar zat ka en chuan dar 1 a lo ri tawh a, whatsapp message ho chu ka check a, ka thiante chuan "eng nge ka an" tih min lo zawt ve a, ka ban chu ka en zawk a, a lo vung lian tawh kher mai, a vung nasat thu leh a nat thu chu ka sawi a.
Message ho chu ka reply a, a hnuai ber ah chuan no hlang in "a la na em" tih chu min lo thawn a, "ka kut maw? a na lutuk ringawt; mahse, eng tin nge i hriat a, chuan tunge i nih?" tiin ka chhang a, ka zep buai peih vel lo a na miau a ni. Dp a neilo a, tunge a nih tih a hriat theihlo hrim hrim. Status vel ka en lai chuan "keimah" ti leh "i chungchang eng kim ka hria, i van tirhkoh a lawm ka nih" a rawn ti a. Ka va han awih lo tak, "a nih chu; mahse, ka van tirhkoh ni tur chuan i tling tawk lo deuh chu a ni" tih chu ka va thawn ve a.
Biak tur nei loh lai leh, ka lunglen lai tak a nih a vangin, ka be chhe phal lo, mahni a meng reng ai chuan, bak ah mi biak chhiat hi ka nei lem lo, a chhan chu ka nu leh pa khan ‘tawng kam tha in sial a man’ an tih kha, zawm reng tur a min tih a vangin, a chhan chu ‘kan lo biak chhiat ve ngawt te hi nakin ah chuan kan lo mamawh em em thei’ an tih thin vang a ni. Mahse, eng tin nge ka kut na hi a hriat theih le? a sawi duh der silo.
Chu tia kalo ngaihtuah rauh rauh lai chuan. “Ni e, i van tirhkoh a tan chuan ka tling tawk lo a ni maithei, mahse i bialpa leh i pasal tur atan chuan ka tling tawk viau in ka hria” a rawn ti a nih chu. Zaktheilo ka va han ti mai mai tak, “i thisen a sang in, i confi ve hle mai,” ka va ti a.
"I kut chu a vung nasat viau tawh lo maw?" a rawn ti daih, "vung nasa e" ka lo ti tha veleh mai a, "I muthhil theilo a mi?" a rawn ti leh a, ka mu a ka harh chhiah thu chu ka sawi a, "a nih chuan mu leh rawh, i van tirhkoh a tan tling tawk lo viau mahila, tun a tan chuan ka lo ni hrih ang, tui deuhin i mu dawn nia, la lo veng ang che" a rawn ti leh a.
Ka nui chhuak hak, ka lungaih lai a min ti nui tu a ni ve hrim hrim a, a lawm awm tho mai, chhang let lo in phone chu ka dah daih a, mutthil leh tum in, puan chu ka sin tha sauh sauh a.
Zing ka harh chuan dar 5 chiah ala ri a, tho chhuakin chaw ka va chhum a, ka kut hmang thiam ber ka hmang thei silo a, ka khawr khawp mai, Gas on ringawt pawh ka harsat viau mai.
Chaw hmeh erawh siam angailo tur ah ka ngai, a thing a rin theih mai ang chu, Pawn ah boruak thianghlim hip turin ka va chhuak a, chhum a lo zing leh chuai tawh a, a vawt vur tawh mai bawk.
Ka u te chu dar 7 vel ah an rawn tho a, "pi veli kha i ban va zût tir rawh, zing ah hian, a thiam an tih kha," ka u chuan a ti a. Kei pawh ka u in a sawi ang chuan, pi veli te in lam ah chuan ka chho a, an in chu a lo in hawng tawh a, va lutin a mah pawh chu a lo awm a.
Ka kut nat dan vel chu ka hrilh a, eng hnah emaw hi a nuai nawk nawk a, a then a chhum bawk a, ka bân ah chuan a bel a, bandage in min tuam sak thlap a, eng eng emaw a chulh tel bawkin ka hria.
-ˋˏ✄┈⟡┆ᡣ𐭩 .ᐟ
Ti thleng hi ni leh mai rawh se min lo chhiar sak ve avangin ka lawm e, chuan in i thiante bul ah khan min lo share sak ve la, chuan i lo comment ve dawn nia.
｡ﾟﾟ･｡･ﾟﾟ｡
ﾟ。chapter 5 naktuk zanah ka lo dah ang luv u
ﾟ･｡･
Show post links
Top