Re: LET's LOVE AGAIN BY Ziki_nu (Completed)
Posted: March 30th, 2025, 2:03 pm
Ka laka a inpuan hnu ah pawh pangngai takin min la be reng a, ka tana nuamlo tur leh hrehawm tur zawngin min be ngailo bawk a, lo biak chhiat bik pawh a rem chuanglo, a hman chang apiangin a lo leng ve thin a, khami zan bak kha min duh thu emaw, chutiang lam hawi zawng chuan min be leh ta miahlo bawk.
U Mazari hnen atangin kan khuaa kan haw tur thu leh ka pa lungphun kan tum thute chu a lo hre ve a, zan khat Sir Aruata nena an rawn leng chu kan khaw chanchin te an sawi luam a, thingtlang khaw fai tak a nih thu leh a khawthler vel pawh a nawm viau thute Sir Aruata'n a sawi chuan an insawi phur deuh nge ni, kal ve an chak thu an sawi uar viau a.
Fiamthu deuha "Lo zin ve ula" ka tih chuan an hahawlh zawng tak ka sawi tih hriat zetin an lo 'aw' rang ngang mai, "Kal ve a pawi loh chuan ka duh tak tak ania, nangpawh i thei ang tiraw" tia Sir Aruata'n Nunpuia a nghawk zauh lai chuan min ngaichant deuh nge ni a chhang lawk lo a, "In duh leh duhloh a ni mai" ka lo tih takah chuan a thianpa chu en in a bu nghut a, an sawi fel chu a ni der mai.
"I thawhpuite angin kan lo kal ve anga, pahnih kan ni dawn tho bawka a mawilo hranlo ang" Sir Aruata chuan a ti zung zung a, a phur lutuk chu keia lo phalloh ngam chi pawh a ni tawh chiahlo.
"Naktuk ah Riny nen bazar kan tum a, a ni pawh a lo kal ve dawn alawm" ka tih leh phei chuan Sir Aruata chu a phur lehzual sauh emaw tih tur a ni tawh, "Kan lo bazar ve nghal ang, Nunpuia nen hian lo inthurual ula, Riny chu ka lo be mai ang" a ti a, banga sana intar chu en zawkin "Kan haw tawh mai dawn em ni?" tiin a thianpa chu a râwn zui nghal zat a, an haw tur chu pawn thleng zui chhuakin Nunpuia chuan "Ka lo bia ang che" a tih leh thlap hnuah an in zui haw a, dar 9 em pawh a la ri lo a, keipawh lehkhabu chhiarin ka la meng ve rih a.
Naktuk tuk leh maiah kan kal tawh dawn avangin ka thiante pahnih chu sumo ticket te biaksak an ngai dawn a, kan khaw sumo driver zinga ka nel ber U Zela chu phone in ticket a la awm leh awmloh te ka zawt a, a lo full vek tawh thu a sawi avangin midang be tawh lo chuan Nunpuia min rawn biak hun chu ka nghak leh ta zawk a, a haw tlang ve nghal aniang rei vak lo ah a message a rawn thleng nghal mai bawk.
"Lo kal ve chu a tihchi chiah ang maw?" a rawn ti a, a ni hi chu a tir atang khan a inthlahrung deuh tih ka hre reng.
"Tihchi lohna a awm lo, Aruata nen in ni dawn tho a, mahse sumo ticket zawk hi a lo full vek tawh a" ka va ti duah a, "A pawi lo zawk, bike a kal kan tum hrim hrim a" a lo ti hlauh a, pahnih an ni dawn bawk ngaihtuah vak an ngailo turah ka ngai.
Kan khaw awmna lam te, a hlat zawngte chu min zawt zui luam a, khaw fai tak a ni tih bak a hre thui lo bawk nen han kal ve reng reng chu a chak thu a sawi nasa ve viau.
Zingkarah U Mazari'n a chhungte thil tur eng eng emaw a rawn dah lawk nual a, Nunpuia te nena chhuah ho vek kan tum leh tak avangin scooty pawh ka kenglo a, bazar kan thlen chuan Riny te pahnih chu an lo awm reng tawh.
Kan pali chuan kan inzui kual dat dat reng a, kan innel sa hlawm bawka a nuam ve viau mai. Riny leh Nunpuia pawh an inbe nghal bawrh bawrh thei a, ka vahte ho thil tur pawh kan khai bawr tawh ngang mai.
Millenium Centre kan luh chuan tlereuh dawr lamah min kalpui a, thil lei duh an nei anih ringin ka zui ve mai a, Nunpuia chuan bengbeh an tar chhuah ho chu thlek vang vangin "I duh ber ka leisak ang che Sawmi" a ti sup a, min en mang bawk silo a, hrilhhai ru deuha amah ka en ha lai chuan min rawn melh zawk in,
"Thlang la" a ti leh sup a, hepa hian engnge maw a hriat ni.
"Lei sak ka ngailo" ka ti ve tak na in dawr nghaktu te leh Riny ber chuan "A phal te chuan thlang thuai thuai rawh" an lo ti ve bawk nen, nuamlo ti ru deuh chung chuan ka en kual ve ta nge nge a, a man zat lah chu a tlawm lo nasa hlawm mai si a, nuam pawh ka tilo ang.
Thlang tura min tihluih tlat avangin a tawpah a man tlawm deuh ber nia ka hriat chu ka thlang ve ta ngawt a, rangkachak rawng a ni a, lian lo tea kualin a sin zêt a, chupawh chu cheng 800 man lai a ni ve tho.
Dawr atanga kan chhuah rual chuan "Tinge tiangte I tih a?" tiin Nunpuia chu ka chhuahchhal titih nghal ringawt a, "Kan inhriat tirh avangin bengbeh ngai char char I la beh a, leisak ve che ka duh alawm" a tih chuan min hmuhsit vang chu a nilo tih hre mah ila zahthlak chu ka ti ve deuh tho.
Tlereuh lam hi chu ka lawm viau tho naa, han inbel kual vel hi ka peih leh vak chuanglo a, behbeh pawh a dang neilo tawp ka ni bik chuanglo, mahse langsar lo deuha a ngai han beh deuh reng pawh hi pawi ka ti lemlo a, tlereuh ka lawm han ti ve hluai mah ila thlak kual chhen erawh ka peih chuanglo.
"I vannei bik e, ka kalpuipa lah hian engmah min leisak a tum ve bawk silo" uangthuang deuha Riny'n a lo tih chuan "I zaklo e.. Kan hlawh zat a inang reng" Aruata zawkin a lo ti hmak a, kan han nui leh rih.
Thil kan ei zawhah ka in lamah kan inzui Haw a, keini zingkar sumo ah Riny nen kan chhuah dawn avangin zanin pawh kan in lama riah vek mai chu an rawt a, a mawilo viau angem tia ka rilru a buai deuh avangin U Mazari ka han râwn hmasa a, "In pahnih chauhin in ni dawn chuanglo a, a pawi hleinem" a lo tih avangin riah khawm chu kan rawt thlu leh der tawh.
Tlai lama an bungrua te an lak fel hnuah zanriah pawh kan ei ho nghal a, Rdi'n min lo call avangin pawn lamah ka chhuahsan hlawm a,
"Naktukah chuan in kal dawn em ni?" ka chhan ruala a lo tih chuan "Aw.. Kartawpah kan lo Haw leh ang" ka lo ti vat a, "Ka van kal ve chak tak" a ti leh tawh.
Thawm r nak nak a awm reng avangin thildang sawi tawh lo chuan karleh lama bazar ngei ngei kan ngaih tawh thu te a rawn sawi luam a, mo thian tur ber ka ni si a, ka pa lungphun nen chuan a inhnaih leh mah mah em mawni ka ti leh rum rum tawh zawk.
Kan inbiak zawh chuan ka thiante pathum chu chhuatah an lo thu bial thap a, UNO an lo khel chu niin, tih tur em em kan nei lo bawka tiin ka telpui ve a, kan hlim tlang bawk aniang, zan a reilo duh ngang mai.
Zingkar hma deuhah kan tho a, ka in luah atanga hla lo te ah hian kan khaw sumo counter a awm avangin kan thianten kan bungrua vel chu min thiarpui a, hmeichhia tih takah Riny pawh chu a in keng tam angreng khawp mai a, rei cham dawnlo mah ila ka khap buai duh lemlo.
Nunpuia te pahnih chu ka thiam ang anga kawng te ka hrilh leh hnuah "Kan bo bik lo ang, google map a awm tha thwh alawm" an tih avangin ngaihtha deuhin kan inmangtha ta rih a, dar 6 sumo ni mah se Aizawl atanga kan tlanchhuah meuh chuan dar 7 a ri dawn thuak tawh.
Ka thiannu chuan ruih a hlau bawk nen nizan atang tawh khan damdawi a hmawm deuh reng a, kan la tlan reiloh tehlul nen a muthlu luk luk tawh mai.
Dar 10 velah hotel remchangah chaw kan ei a,kan thiana te chu hmun dangah an ei aniang kan In hmu tawh rihlo.
Chawhnu lam dar 3 dawnah kan khua chu kan thleng a, ka vahte nen kan ri nak nak a, min lo lawm thiam bawk nen a nuam khawp mai.
Ka thiante pawh chu an lo be ve luam a, ka thawhpuite anga ka sawi vek hlawm avangin tuman ngaihthat lohna an nei lemlo niin ka hria.
Ka pa unaute lam leh chhungkhat dangte pawh an lo thleng khawm ve nual a, kan inah tak chuan ka thiante bak an thleng lo va, ka ni te in velah an insem darh ve a ni awm e.
Hlim deuhin hun kan hmang han ti ila, kan kalkhawm chhan leh Haw khawm chhan chu ka pa thlan lung kan phun vang a ni a, chhungkua kan han inhmu khawm chu a hlimawm viau rualin kan kalkhawm chhan ber erawh chuan hnuk a ti ulh a, lungphun ni tlaia ka nu leh Riny te nena thlan kan tlawh pawhin ka nu chu a tap zawih zawih reng a, ka pa tar chak tawh lo ve tak kha hun eng emaw chen a enkawl avangin a ngai viau pawh chu awm ka ti a, insum a har takzet.
Zan lamah pawh In leng kan neih reng avangin hmun danga han pen kawina hun a awmlo a, kan khuaah ka awm tamloh vang hian thian mumal la nei tawh lo bawk nen, Aizawl lam atanga ka thianten min zui ve pawh chu a pawi lo sawt viauin ka hria.
Midang buai laia ka nu in pindana min koh chuan ka zui lut ve thuai a, a thuamhnaw dahna thingrem chu hawngin envelope chuar tawh ang reng deuh mai hi a rawn phawrh chhuak a, a chhungah chuan pawisa eng emaw zat a lo awm bawk.
"Kha kha engnge?" tia ka zawh chuan min chhang lovin khum tlangah a thu a, a bulah chuan thu ve in min chhan hun chu ka la ngaichang ran bawk.
"I pa khan I pasal neih huna I chhawm tur lei nan tiin pawisa a rukin a khawl char char zel alawm" a ti chu ka beisei loh lutuk thil a nih vang nge ka inrin hma hawtin ka nui chhuak a, mahse ka nu hmelah chuan fiamthu hmel a lang lo.
Ngui lap chungin a envelope ken lai chu a zût mam thuak thuak a, "I pa khan I in zir chhuah hun tur leh pasal I neih hun turte kha a sawi nasa ve thin a, upat lama kan fa I ni bawk nen, I hlawhtling hmel hmu lova thih kha a hlauh ber mawle" a tih lai chuan a aw a lawi rut tawh a, a tah chhuak chu a insum ve fan fan mai.
A kutah chuan vuanin "Nu.. " ka ti hap a, "Mihringte hian kan nunna ah hian thu kan neiloh zia chu nangpawn I sawi thin kha, kan chunga thleng apiang chu engpawh ni se Pathian remruat ania, kan pawm thiam leh kan hlim a ni mai, ka pa pawhin van atangin min lo thlir reng anga, a hlim ve ngawt ang" ka ti sap sap a, a mittui rawn luang chu rang deuha tuai hulin a insut zui faih a,
"Hei hi kawl ve tawh ta che" tia a thil ken lai min pek a tum chuan ka la duhlo a, "Pasal neih ka la tum hleinem, nangman I mamawh zawk ang" ka tih pawhin min hmehbel lui tlat a,
"Pasal neiloa nulat rengte kha I lo tum ange, mi pangngai ni tur chuan pasal neih ngei ngei tur" a ti a, hetiang lam hi chu kan sawi dun khat viau asin mawle..
"Chutianga neih ngawt tur pawh an awm hleinem" nui chunga ka tih chuan "I thianpa pakhat kha tunge ni kha? Puia I ti em ni?" a lo ti daih a, "Nunpuia maw?" ka tih lai chuan lo bu nghatin "Kha kha a hmelte pawh a that reuh kha, a lo duh der ve che a, a fel phei chuan nei hmak la" a ti ve ngei a, a fiamthu tih hre tho mah ila awm a ti nuamlo ve ram ram thei tho mai.
Cont....
Show post links
Top
U Mazari hnen atangin kan khuaa kan haw tur thu leh ka pa lungphun kan tum thute chu a lo hre ve a, zan khat Sir Aruata nena an rawn leng chu kan khaw chanchin te an sawi luam a, thingtlang khaw fai tak a nih thu leh a khawthler vel pawh a nawm viau thute Sir Aruata'n a sawi chuan an insawi phur deuh nge ni, kal ve an chak thu an sawi uar viau a.
Fiamthu deuha "Lo zin ve ula" ka tih chuan an hahawlh zawng tak ka sawi tih hriat zetin an lo 'aw' rang ngang mai, "Kal ve a pawi loh chuan ka duh tak tak ania, nangpawh i thei ang tiraw" tia Sir Aruata'n Nunpuia a nghawk zauh lai chuan min ngaichant deuh nge ni a chhang lawk lo a, "In duh leh duhloh a ni mai" ka lo tih takah chuan a thianpa chu en in a bu nghut a, an sawi fel chu a ni der mai.
"I thawhpuite angin kan lo kal ve anga, pahnih kan ni dawn tho bawka a mawilo hranlo ang" Sir Aruata chuan a ti zung zung a, a phur lutuk chu keia lo phalloh ngam chi pawh a ni tawh chiahlo.
"Naktuk ah Riny nen bazar kan tum a, a ni pawh a lo kal ve dawn alawm" ka tih leh phei chuan Sir Aruata chu a phur lehzual sauh emaw tih tur a ni tawh, "Kan lo bazar ve nghal ang, Nunpuia nen hian lo inthurual ula, Riny chu ka lo be mai ang" a ti a, banga sana intar chu en zawkin "Kan haw tawh mai dawn em ni?" tiin a thianpa chu a râwn zui nghal zat a, an haw tur chu pawn thleng zui chhuakin Nunpuia chuan "Ka lo bia ang che" a tih leh thlap hnuah an in zui haw a, dar 9 em pawh a la ri lo a, keipawh lehkhabu chhiarin ka la meng ve rih a.
Naktuk tuk leh maiah kan kal tawh dawn avangin ka thiante pahnih chu sumo ticket te biaksak an ngai dawn a, kan khaw sumo driver zinga ka nel ber U Zela chu phone in ticket a la awm leh awmloh te ka zawt a, a lo full vek tawh thu a sawi avangin midang be tawh lo chuan Nunpuia min rawn biak hun chu ka nghak leh ta zawk a, a haw tlang ve nghal aniang rei vak lo ah a message a rawn thleng nghal mai bawk.
"Lo kal ve chu a tihchi chiah ang maw?" a rawn ti a, a ni hi chu a tir atang khan a inthlahrung deuh tih ka hre reng.
"Tihchi lohna a awm lo, Aruata nen in ni dawn tho a, mahse sumo ticket zawk hi a lo full vek tawh a" ka va ti duah a, "A pawi lo zawk, bike a kal kan tum hrim hrim a" a lo ti hlauh a, pahnih an ni dawn bawk ngaihtuah vak an ngailo turah ka ngai.
Kan khaw awmna lam te, a hlat zawngte chu min zawt zui luam a, khaw fai tak a ni tih bak a hre thui lo bawk nen han kal ve reng reng chu a chak thu a sawi nasa ve viau.
Zingkarah U Mazari'n a chhungte thil tur eng eng emaw a rawn dah lawk nual a, Nunpuia te nena chhuah ho vek kan tum leh tak avangin scooty pawh ka kenglo a, bazar kan thlen chuan Riny te pahnih chu an lo awm reng tawh.
Kan pali chuan kan inzui kual dat dat reng a, kan innel sa hlawm bawka a nuam ve viau mai. Riny leh Nunpuia pawh an inbe nghal bawrh bawrh thei a, ka vahte ho thil tur pawh kan khai bawr tawh ngang mai.
Millenium Centre kan luh chuan tlereuh dawr lamah min kalpui a, thil lei duh an nei anih ringin ka zui ve mai a, Nunpuia chuan bengbeh an tar chhuah ho chu thlek vang vangin "I duh ber ka leisak ang che Sawmi" a ti sup a, min en mang bawk silo a, hrilhhai ru deuha amah ka en ha lai chuan min rawn melh zawk in,
"Thlang la" a ti leh sup a, hepa hian engnge maw a hriat ni.
"Lei sak ka ngailo" ka ti ve tak na in dawr nghaktu te leh Riny ber chuan "A phal te chuan thlang thuai thuai rawh" an lo ti ve bawk nen, nuamlo ti ru deuh chung chuan ka en kual ve ta nge nge a, a man zat lah chu a tlawm lo nasa hlawm mai si a, nuam pawh ka tilo ang.
Thlang tura min tihluih tlat avangin a tawpah a man tlawm deuh ber nia ka hriat chu ka thlang ve ta ngawt a, rangkachak rawng a ni a, lian lo tea kualin a sin zêt a, chupawh chu cheng 800 man lai a ni ve tho.
Dawr atanga kan chhuah rual chuan "Tinge tiangte I tih a?" tiin Nunpuia chu ka chhuahchhal titih nghal ringawt a, "Kan inhriat tirh avangin bengbeh ngai char char I la beh a, leisak ve che ka duh alawm" a tih chuan min hmuhsit vang chu a nilo tih hre mah ila zahthlak chu ka ti ve deuh tho.
Tlereuh lam hi chu ka lawm viau tho naa, han inbel kual vel hi ka peih leh vak chuanglo a, behbeh pawh a dang neilo tawp ka ni bik chuanglo, mahse langsar lo deuha a ngai han beh deuh reng pawh hi pawi ka ti lemlo a, tlereuh ka lawm han ti ve hluai mah ila thlak kual chhen erawh ka peih chuanglo.
"I vannei bik e, ka kalpuipa lah hian engmah min leisak a tum ve bawk silo" uangthuang deuha Riny'n a lo tih chuan "I zaklo e.. Kan hlawh zat a inang reng" Aruata zawkin a lo ti hmak a, kan han nui leh rih.
Thil kan ei zawhah ka in lamah kan inzui Haw a, keini zingkar sumo ah Riny nen kan chhuah dawn avangin zanin pawh kan in lama riah vek mai chu an rawt a, a mawilo viau angem tia ka rilru a buai deuh avangin U Mazari ka han râwn hmasa a, "In pahnih chauhin in ni dawn chuanglo a, a pawi hleinem" a lo tih avangin riah khawm chu kan rawt thlu leh der tawh.
Tlai lama an bungrua te an lak fel hnuah zanriah pawh kan ei ho nghal a, Rdi'n min lo call avangin pawn lamah ka chhuahsan hlawm a,
"Naktukah chuan in kal dawn em ni?" ka chhan ruala a lo tih chuan "Aw.. Kartawpah kan lo Haw leh ang" ka lo ti vat a, "Ka van kal ve chak tak" a ti leh tawh.
Thawm r nak nak a awm reng avangin thildang sawi tawh lo chuan karleh lama bazar ngei ngei kan ngaih tawh thu te a rawn sawi luam a, mo thian tur ber ka ni si a, ka pa lungphun nen chuan a inhnaih leh mah mah em mawni ka ti leh rum rum tawh zawk.
Kan inbiak zawh chuan ka thiante pathum chu chhuatah an lo thu bial thap a, UNO an lo khel chu niin, tih tur em em kan nei lo bawka tiin ka telpui ve a, kan hlim tlang bawk aniang, zan a reilo duh ngang mai.
Zingkar hma deuhah kan tho a, ka in luah atanga hla lo te ah hian kan khaw sumo counter a awm avangin kan thianten kan bungrua vel chu min thiarpui a, hmeichhia tih takah Riny pawh chu a in keng tam angreng khawp mai a, rei cham dawnlo mah ila ka khap buai duh lemlo.
Nunpuia te pahnih chu ka thiam ang anga kawng te ka hrilh leh hnuah "Kan bo bik lo ang, google map a awm tha thwh alawm" an tih avangin ngaihtha deuhin kan inmangtha ta rih a, dar 6 sumo ni mah se Aizawl atanga kan tlanchhuah meuh chuan dar 7 a ri dawn thuak tawh.
Ka thiannu chuan ruih a hlau bawk nen nizan atang tawh khan damdawi a hmawm deuh reng a, kan la tlan reiloh tehlul nen a muthlu luk luk tawh mai.
Dar 10 velah hotel remchangah chaw kan ei a,kan thiana te chu hmun dangah an ei aniang kan In hmu tawh rihlo.
Chawhnu lam dar 3 dawnah kan khua chu kan thleng a, ka vahte nen kan ri nak nak a, min lo lawm thiam bawk nen a nuam khawp mai.
Ka thiante pawh chu an lo be ve luam a, ka thawhpuite anga ka sawi vek hlawm avangin tuman ngaihthat lohna an nei lemlo niin ka hria.
Ka pa unaute lam leh chhungkhat dangte pawh an lo thleng khawm ve nual a, kan inah tak chuan ka thiante bak an thleng lo va, ka ni te in velah an insem darh ve a ni awm e.
Hlim deuhin hun kan hmang han ti ila, kan kalkhawm chhan leh Haw khawm chhan chu ka pa thlan lung kan phun vang a ni a, chhungkua kan han inhmu khawm chu a hlimawm viau rualin kan kalkhawm chhan ber erawh chuan hnuk a ti ulh a, lungphun ni tlaia ka nu leh Riny te nena thlan kan tlawh pawhin ka nu chu a tap zawih zawih reng a, ka pa tar chak tawh lo ve tak kha hun eng emaw chen a enkawl avangin a ngai viau pawh chu awm ka ti a, insum a har takzet.
Zan lamah pawh In leng kan neih reng avangin hmun danga han pen kawina hun a awmlo a, kan khuaah ka awm tamloh vang hian thian mumal la nei tawh lo bawk nen, Aizawl lam atanga ka thianten min zui ve pawh chu a pawi lo sawt viauin ka hria.
Midang buai laia ka nu in pindana min koh chuan ka zui lut ve thuai a, a thuamhnaw dahna thingrem chu hawngin envelope chuar tawh ang reng deuh mai hi a rawn phawrh chhuak a, a chhungah chuan pawisa eng emaw zat a lo awm bawk.
"Kha kha engnge?" tia ka zawh chuan min chhang lovin khum tlangah a thu a, a bulah chuan thu ve in min chhan hun chu ka la ngaichang ran bawk.
"I pa khan I pasal neih huna I chhawm tur lei nan tiin pawisa a rukin a khawl char char zel alawm" a ti chu ka beisei loh lutuk thil a nih vang nge ka inrin hma hawtin ka nui chhuak a, mahse ka nu hmelah chuan fiamthu hmel a lang lo.
Ngui lap chungin a envelope ken lai chu a zût mam thuak thuak a, "I pa khan I in zir chhuah hun tur leh pasal I neih hun turte kha a sawi nasa ve thin a, upat lama kan fa I ni bawk nen, I hlawhtling hmel hmu lova thih kha a hlauh ber mawle" a tih lai chuan a aw a lawi rut tawh a, a tah chhuak chu a insum ve fan fan mai.
A kutah chuan vuanin "Nu.. " ka ti hap a, "Mihringte hian kan nunna ah hian thu kan neiloh zia chu nangpawn I sawi thin kha, kan chunga thleng apiang chu engpawh ni se Pathian remruat ania, kan pawm thiam leh kan hlim a ni mai, ka pa pawhin van atangin min lo thlir reng anga, a hlim ve ngawt ang" ka ti sap sap a, a mittui rawn luang chu rang deuha tuai hulin a insut zui faih a,
"Hei hi kawl ve tawh ta che" tia a thil ken lai min pek a tum chuan ka la duhlo a, "Pasal neih ka la tum hleinem, nangman I mamawh zawk ang" ka tih pawhin min hmehbel lui tlat a,
"Pasal neiloa nulat rengte kha I lo tum ange, mi pangngai ni tur chuan pasal neih ngei ngei tur" a ti a, hetiang lam hi chu kan sawi dun khat viau asin mawle..
"Chutianga neih ngawt tur pawh an awm hleinem" nui chunga ka tih chuan "I thianpa pakhat kha tunge ni kha? Puia I ti em ni?" a lo ti daih a, "Nunpuia maw?" ka tih lai chuan lo bu nghatin "Kha kha a hmelte pawh a that reuh kha, a lo duh der ve che a, a fel phei chuan nei hmak la" a ti ve ngei a, a fiamthu tih hre tho mah ila awm a ti nuamlo ve ram ram thei tho mai.
Cont....
Show post links
Top