CHAPTER 4
Writer note: INFORMATION PÊK LEK PÊK LOH CHUNGCHÂNGAH, KA DAH DAWN ZÂN CHUAN COMMENT AH KA SAWI ṬHIN AW, TIN, TÛNLAI NET SIGNAL A BO ZAWM RENGA, LO LAM HNA NEN, BUAI LEH HAH EM EM IN REGU LOH HLAUIN KA TYPE ṬHIN TIH HI MIN HRIATPUI VE DAWN A NIA, INFORMATION KAN PÊK ENNA CHÂNG HRELOVA, MI SAWISÊL HMANG DEUH IN AWMA, IN ṬAWNGKAM A NA THEI SI, IN LUNG TI AWI LO ILA MI POST MUALPHO IN HMANG SIA, HEI VÂNG ANIA WEBSITE STORY PAWH KA RAWN ZIAH PEIH VAK TAWHLOH
“Dom, thil thak deuh ka ei châk” tiin a âwm a bawh chung chuan ka en kara, duat zeta ka sam a chûl chu a mak zâwk. A zia nen a inmil hlawl lo “Ka thu i awih dâwn chuan Korean food ka rawn lei ang che, restaurant ah an ngah ang chu. Ka rawn lei dâwn che a nia, mahse ka thu i âwih chiahin ka tih kha” tiin ka hnung chu a kut chuan a chûl hauh hauha.
“Aw le, thu âwih deuhin ka lo awm ang. Min lo lei ngei ngei rawh aw, noodles thak tâwk mai ka ei duh, chuan cold drinks nên aw, ka sawi zâwng ringawt pawhin ka chil a pût. Mahse i kut a hliam hi, vâk chhuak lo la ka duh” chutia ka ṭawng duh ta lutuk chu mak min tih hmêl tak hian min en a.
Kei erawh engtin mah awm loh hrâm hrâm ka tum thung, min hmangaih turin siam ka tum miaua. In pawh taka awm puiin zawi zawiin min hmangaih turin ka siam ngei dawn ka tih kha.
“Frederick-a te ka tir mai dâwn ania, lo mu rawh. Kan tir lawk ange, ka lo lêt leh thuai ang” tiin ka hmuiah chuan a fâwp zauha, a mut kawr chu banin a ha mual muala. A pian nalh zet chu ka en reng thung, a hmêl leh pian, a neih thilah chuan a fi lawr lak a ni. Sawisêlna lai tur ka hrelo, a hmêlṭha a, a pian a nalhin a sâng bawk, a la hausa cheu zuia.
Hmeichhe tam takin an duhin a nupui nih an châk zia ka hai biklo, news ah an chhuah chuai chuai reng miaua. A muttui hauh siloa a fa pai ang leh a mutpui tawh anga lo in sawi tâwk lah bo lo, room aṭanga a chhuah takah chuan thaw huaiin ka inthlâk ve a.
Thil an rawn hawn chuan ei nghal ka duh dâwn bawk nên ka in siam sa a ni ber mai. Dominic-a pawh a rawn lêt har lo, room-a a rawn luh rual chuan ka lo pan vata, ka kâwngah chuan kuahin alamah min hnûk hnai nghal salh bawk.
Lâi zet chuan ka en chho ha a, amah a sân bâkah a taksa a hrawl bawk si a lakah chuan ka te ngawih ngawih hian ka hria. “An kal ta em? An lei dâwn tiraw?” tiin a chhânna nghakhlel tak chuan ka en kara, a rawn nui deuh hawk mai.
“Tehreng e, i sawi dân khân i ei châk hmêl nasa tawh si a ka tir liam nghal vat a lawm. Zanin chu kan pahnih chauhin awm dun ka duh” tiin khum lam chu min panpuia, ka nui ve sak mai. Sual chhuah loh chuan a lo sual bîk em em lo a nih hi.
Khuma ṭhu mu chung chuan games ka khelh puia, pubg ka khelh pui chu rinai a that thei lehnghâl. A bulah hlir ka awma, silai kah a hnehsawh bawka games ah pawh a lo pro ngei mai. Min vêng hnehsawh lutuk tlat, ama zârah ka dam rei ti ila a dik ang.
Kan team pahnih erawh an thi daih tawh “Saw pali an lo kal ania, engtin nge kan tih dâwn. Kan piah inah hian an lût” tiin ka au chêl chûl a ani erawh muk zet hian a phone chu nihin a chêt dân chu ka en renga, bomb hmanga a vawm tâkah chuan an rawn tlân chhuaka; chuveleh rang zet chuan ka lo kap ve nghal pawp pawpa, pahnih chu ka that ve der mai.
Hlim zet chuan amah chu ka va kuaha, a lo nui ve suk suk mai. “Boss eitur a rawn thleng e” room pâwn lam aṭang chuan an rawn aua. Chuveleh rang zeta tho in kawngkhâr chu ka va hawnga, bawr zeta eitur an rawn ken chu lâksakin ka hnungah Dominic-a pawh a rawn kala, min lo pui ve vat mai.
Room chhûngah chuan inzui lûtin dawhkânah chuan ka chhawp nghal mawlh mawlha. Fork vêl nên an rawn hâwn sa bawk nên ka tem nghal hlak hlak mai “A tui lutuk, ei ve rawh” ti a Dominic-a pêk ka tum chu a lu a lo thing maia.
A pawilo a ei duh loh leh ka puar ting a nimai, an drinks rawn lei nên chuan hmeha, a thak tui bawk si. Ar bawp lian pui pui chu ka keih pah bawk, Dominic-a lama ka va dah chuan a lo âng ve maia. A keih thlâk rualin nui var varin ka ena.
“A tui tiraw? Ka ei lohna a rei tawh lutuk, ka nu in min thihsan aṭang khân ka ei tawh lo hrim hrim” ka tihlai chuan ka hmaiah chuan a rawn tuai zauha, mak ti deuh taka ka en laiin a ni erawhin engmah a sawi lo thung, nuih ver verin ka ei lai bawk chu ka ei zawma, ka si pah hlak hlak bawk.
“A thak i ti tawh a nih kha, ei tawh lo mai rawh i pum ana ang” ti a min rawn lâksak a tum chu phallohin ka lo kuah titiha, “Ka ei thei, ka paih dâwn rêng rêng lo. A thak ka tilo, ka si mai mai anih kha, hetiang hi a lawm a tuina, min lâksak miah suh ang che” tiin rum fe chuan ka melha, hahthlâk min tih hmêl lutuk hian min melh reng ta ringawt mai.
Kei erawh ka thil ei ngai bawk chu ka ei leha, vai chuan ka ei zo vek nia. Ka ei zawh meuh chuan ka puar âwk thei “Awi ka che thei tawhlo, ka khat vek” ka tih laiin Dominic-a erawhin ka thil eina vel chu maid ho a tih fai tira, keimahin ka tifai ang ka tih pawhin phal hek lo, ka en liam ta tawpa.
A duh duhin ti teh se, a chhawr te an nia. A thu ber miau a lawm, “Dom, hetah hian kan awm reng dawn em ni? Ṭhenawm pawh an awm silo, a nuam pawh ka tilo, khawpui aṭangin a fâl si ka râp” ka tih lai chuan ka hmuiah a kut a rawn dah a.
“He hmun hi a him ber ka tihkha Lilia, khawpui chhûng chu sualna in a khat. Helai aṭanga i chhuah rualin thah tum tu che tam tak an awm dâwn, chu chu hre reng rawh. Midang tihnat che ka duh lo ka tih tawh kha, keimah ngeiin i na dâwn a nihchuan ka ti na ang che, i khua a har leh ka laptop a awm kha. Khatah khân i duhzâwng lo en la a tâwk, khawpuiah chuan kan awm dâwn lo” a rawn ti bung vuta.
A thinrim leh tawh tih a chiang reng, hnial duh tawh bik lovin ka ngawi zui daiha. A hma zawng pawhin khawpui chhûngah a lawm kan awm, tumahin min tihnat an tum ngai lo. Engvanga tûn ataka min tihnat tum an awm ti a sawi tlat nge a nih? Nge ka tawrhna hi a nasa tâwk lovang tih a hlau nge mawni?
Khawpui chhûngah chuan Police tam tak an awm dawna, a hlauthâwng te pawh a niang. A duh angin min khawih thei dâwn silo va, ka ngawih reng avâng chuan a ngaih a ṭha leh si lo nge “Engvangin nge min chhân loh? Ka biak che chuan min chhâng tur a ni” a rawn ti leha, ka melh mâwl tawp tawh.
Mize hrang hrang hi a nei nimaiin ka hria, ka hriatthiam ngai pawh ka ringlo.
“Enga tinge ka nat duh em em chu min thah mai loh, ka taksa hi i duhtâwk chuan sawisa la min that ta che. Hetiang renga awm zawng keipawh hian ka kham tawh, hrehawm tak tuara min thah i duh a nih chuan ka taksa te hi i sat thlêr pheng phung la, chan sâwm vek rawh. Engmah ka hlau tawh lo ka tih kha, beisei tur tumah ka nei tawhlo, i lak aṭangin him mah ila ka chhuah rualin enkawltu tur ka nei tawhlo. Ka unaupa i that tawha, engmah beisei tur ka nei tawh hleinem, tûnah hian ka chunga i chêt duh dân ang zawng zawng chuan che vek rawh” tiin ka en kara.
(Note khi in chhiar ngei ngei dâwn ania, chauh phei chuan a ninawm ve takzet tih kan hre ṭheuh dawn nia, ziaktu ni ve ula in dawh reng thei bikin ka ring love)
Ka thu sawi avâng chuan nge engmah tih nghal mai tum lo hian min en renga, kei erawhin cho zet hian ka en thung. Engtin mah chêt a tum lo nge a thaw hawk a, a hmai chu a tuai pawk bawk “Ngawi reng khân awm teh Lilia, tin, ka thah leh thah loh tur che chu ka thu a ni. Tumahin thupêk min pe thei lo, tikhan lo awm ang che, hna ka thawk dawn a min ti lâwm lo zâwngin awm hauh suh ang che” tiin a tho chhuak zuia.
A kal mai dawn emaw ka tih lai chuan ka bulah rawn kalin a rawn kûn hniama, ka chalah a fâwp nghal zauh bawk. En lêm lo hian hmun dang chu ka hawi san daiha.
“Hetah hian laptop chu ka daha, i duhzâwng ilo ti mai dawn ania. Thil ṭul lo erawh lo ti hauh suh ang che. Ka rawn lêt leh vat ang, hna tlêm thawh tur ka neia, ka zawh veleh movie kan en dûn dawn a nia” tiin a ding chhuaka, rawn hawi lêt tawh map lo hian a chhuak zuia.
Ka ngawi kar mai, keipawhin a thin tirim zâwnga awm ka tum tawh lêm lo. A chhan chu in hmangaih tir ka tum miau a, chutiang tur chuan a thu ka âwih a ngai tih ka hria. A Laptop chuan movie enkualin ka ṭhu mu a, a lehlamah chuan chutia hnathawh ngai miahlova min châwm thei chu ka hahdam phah bawk nên hrehawm pawh ka ti tawh em em lo.
Ka in ei puar bawk nên ka awm a nuam huai mai, tukverh bulah te chuan va kalin pâwnlam chu ka thlira. Ruah sur tur tih hriat takin vân lam chu chhûm dum chhah pui pui hian a lo tuam phui mup tawh mai. Ral hla tak aṭangin kâwl a rawn phe zawr zawr bawk nên a sur tam dawn tih ka hrethiam mai bawk.
In bula thingkungte chu thli in a rawn chhêm kûr suau suaua, chûngte chu hmuhnawm ti tak hian ka en thung. In bul hnaih takah thing an awm lêm lova, hlauhthâwnawm ah chuan ka dah hauh lo, kut kuangkuah thânin ka en renga. Ka pa khân min rawn ngaihtuah ve ngai a ngem? Ka ring chiah lo, ka nu thihna ni tam pawh a liam hma in nupui dang a nei nghal a nia.
Tûnah hian Company neiin nuamsa takin an khawsa mêk tih ka hria, ka hmu leh a nih chuan hlim tak chuan a awm bik tawp lovang. Kan unaua min duh lova min kalsana, hrehawm reng renga min awm tir tu a nih avâng hrim hrim pawh hian ka ngaidam ngai lovang, engtikah emaw a ni lakah pawh phuba lâk ngei ka tum bawk.
Amah avângin ka nu in hrehawm tam tak tuarin a thih phaha, chutah amah avânga thi chu hrelo ang maiin nupui dang a nei nghal ania, mipa hmangaihna hi chu êk tlukah pawh ka ngailo. An hmangaihna hian rei a daih hek lo, hmeichhe nalh leh chhelo deuh an hmuh thar a piang an ûmzui duang duang duh ania.
Dominic-a pawh hi a danglam chuan ka ring lo, tûn thlenga bialnu chi hrang hrang a neih nuaih dân aṭang hian a chiang ber ang chu. Mahsela keimah ngei hian ka thlâk danglam anga, keimah min ngaihven lo thei lo turin ka siam ngei tur a ni
“Enge i tih?” ka hnunglam aṭang chuan min rawn kuaha, a thinrimna te kha an reh leh tawh pawh a niang. Ka dâr san akin pâwnlam chu ka en renga “Ruah sur tur ka thlir a nih hi, thli leh ṭek a keng tel dawn a niang ang, ka huphurh” tiin ka phun sapa, in chhûng aṭang erawh sound proof a ni bawka pâwnlam thâwm leh in chhûnga kan thâwm pawh a hriat theih loh.
Mahse tukverh ka hnaih miaua, tlêm tlêm chuan ka hre thei thung.
“Ka awm hi enge i hlauh? Tirawh mu ang, ka mamawh che a nia” tiin ka hnungah chuan min si thlap hian a rawn dinga, ka kâwng zâwnah a mipatna chuan min do rûn bawk nên ka thaw ta hap a, “Dominic i hrisêl e” ka ti ta tawp chu a nui ka la hmuh ngai rêng rêng loh chu a rawn nui hâwk mai.
A mitmeng chu a la de sar sar zuia, ka thusawi avâng chuan a nuih a za hle tih a hriat, a hrisêl êm a lawm. Hetiang khawpin ṭawng mawilo nilo se ka bulah a mu ngun, mahse chau hmêl a pu ngai miah bawk silo, a hrisêl ṭha hle anih ka ring ve tawp.
“Iti dik ang Lilia, ka hrisêl a lawm. Mahse nangmah chiah hetianga mamawh reng che ka nei, midang lakah chuan ka ti reng bik lo a nia, i lo lan hnu phei chuan. Tirawh le mu ang” tiin ka lamah a rawn kûn hniama, hnial pawh ka tum tawh lo, a ti leh dâwn tho tho.
Ka thawmhnaw chu reiloteah a phelh leh ta veka, khumah min delh mu in chêt chu a lâk zawm leh mial miala, keipawhin ka hnar duh lutuk ta lo. Ka sira a rawn mut rualin a chungah min pawt kaia, ka ham nghal bai bai mai.
“Dom tihian kan mu tlang dâwn em ni?” ka zawhna avâng chuan a bu nghata, engmah ka sawi tawh lem lo. Khua a la thim lo nâng in pâwnlam chu a thim khup tawha, a âwma bei chung chuan ka muhil zui ta thuaia.
Ka harh leh chuan a lo awm tawh hauh lo, ka ril a ṭâm bawk nên room aṭanga chhuakin inhnuai lam ka pana, hmeichhe lo awm ka hmuh rual chuan ka ner nghal sak. Dominic-a mal chungah ṭhu in an lo in be mawlh mawlha, ka thinrim bawk nen melh pawh ka melh nawn duh tawh lo.
Choka lamah chuan pheiin maid ho hnênah chuan ei tur ka duh thu ka sawi zuia, ka ei duh zâwng an hre tawh bawk nên an rawn chhawp zung zung mai. “Mary sawnu saw a rawn kalna a rei tawh em?” ka tihchuan Mary chuan min rawn en zawkin “Aw khawthim rualin a rawn thleng, a rawn kal ziah a lawm. Ka ning a nia, a sual si” a ti zui zat chu ka nui hak mai.
Ka ei tur an rawn chhawp chu ka ei pah mawlh mawlha “Duhtak, saw nu saw tinge i la awmpui renga, chhuah tir vat teh. Ka ngaina hauh lo a nia aw” ti a Dominic-a a be ri chu ka hre veka, ka ngaihsak duh hauh lo thung.
Dominic-a chuan a chhâng mailo “Duhtak ka biak che chu, tinge saw nu saw ila awmpui reng” a ti leh ṭhat a. Chutah meuh zawng Dominic-a chuan a ning ta ngang nge ni “Rosie ka sawi tawh kha, min zâwt nawn reng suh. Hetianga i awm tlat dâwn chuan rawn kal tawh lo la a ṭha zâwk, ka dawhtheih loh zia i hriat kha, zawhna ngâi ka ngaina lo, a tâwk em?” ti chang hrawkin chu nu chu a namsawn zuia, ka mit sir chuan ka hmu vek mai.
Thil ka ei zawh chuan engmah ti kawi lovin ka room lam ka pana “Lilia lo mu suh ang che” ka ding deuh dat mai. “Mr Johnson ka chau riau mai, ka mu dâwn. A bâk keipawhin sawi tûr ka hrelo, kha i bialnu a awm kha, ngaihsak zâwk rawh ka chau, in duat khu chûk mah ula e enga tân mah ka ngailo, ka room-ah rawn luh du du reng pawh a ngailo, kha khawihloh hlau em em bialnu i neih kha, a taksa kawmkar lai zawng zawng nên khân khawih sak lutuk rawh, thinrimin a puak hlauh ange” ti kherin ka room lam chu ka pan zuia.
Min chhân ngaihna an hrelo nge min en liam tawp ringawt. Ka room chhûng ka luh chuan ka nui var vara, kha a bialnu englai pawha in chei nalh vâwt reng rilru kha zet si kha chu la khawih leh hlak a ngai dâwn a nih kha, Dominic-a awm lo se chuan ka khawih nghek duh ang.
Amah hrim hrim kha ka ngeihlo, a hmêl te reu ruau kha makeup in bel chhah tup lehnghâl. A ni nun nuam lutuk khân min er ve em em tho chu a nia, mi ṭawng thei leh midang sawisêl hmang deuh hi chuan ṭawngkam mawia chhân lêt an phu bik lo, han ṭawng khum hrep ila an diklohna an hre duh miah lo lehnghâl.
Midang an sawichhe zawt zawta, a sawichhiat in han sawi chhe ve se lam ṭang tur an zawng nghal ruai mai ani. Midangte tlin lohna leh fel lohna hmu thei lo deuh hi han bel chiang ila engmah an lo nilo duh châwk bawk, mi tlin lohna lai leh famkim lohna lai kan hmu a nih pawhin enliam mai ila tumah in haw tur leh in hau tur kan awm lovang.
Mahni engmah nilo, engmah thiam nei chuang lovin midang thil tih leh an hna an va sawisêl saka, an tih theih loh tihsak tu an han sawisêl ve ṭhin phei hi chu a zahthlâk zawk a ni. Thiam neilo in a thiamte an sawisêl a, a thiam lo lo hi a thiam an ni emaw tih turin khawi ah pawh thuneih an tum tlat lehnghâl.
Chutia nuam ti taka ka lo mut der der lai chuan ka room kawngkhâr chu rawn in hawngin Dominic-a chu a rawn pên lût a, a bialnu ka tih dân avâng khân min hauh a tum leh a nih ringin ka en kar mai. A rawn hnai zêla, a hmêlah chu a pângngai thlup reng bawk si, a thinrim nge thinrim lo pawh ka hre theilo.
Chutah ka bulah rawn dingin kut min thlâk dawn emaw ka lo tih tawh lai chuan ka bulah ngawi reng chuan a rawn inthawlh thuk mai. Mak ti a ka lo en haw lai chuan ka lu chu alamah kuai hnaiin a âwmah chuan min bei tir hmaka, a tih ang ang chuan ka awm tawp ringawt.
“I leili hriam zet hi engtin nge ka tih dawn ni Lilia” a tizui sapa “Min khawih reng lo la ka reh a nimai, bialnu nei rengin kei min khawih hreh chuang silo, i lerh lutuk a nih hi. Kei min duh a nih chuan i bialnu kha thlah rawh, i thlah theilo a nih chuan min khawih tawh suh, kha hmeichhe hmêl kha ka hmu reng peihlo” tiin ka sawi chhuak fak faka.
Min hrem leh dâwn pawh nise sawi ve hrim hrim ka duh, ka lungawi thei miau lo. A ngawi deuh rauh rauha, engtin mah min tilo chu mak ka ti, “Ka ṭhen dawn a nia, chutih rual erawhin ka tân ka bialnu i nih a ngai thung ang. Tin naktuk zânah party naa kal turin lo inring ang che, i thawmhnaw tur leh chei tur che an rawn kal ang, engkim nalh leh zahawm tak vek ka duh tih hre sa ang che” a tihchuan ka thaw deuh huai a.
A bialnu ka nih chuan ka tân thil a awlsam leh zual dawn tih ka hria “Aw le, ka hria e, chûng chu ka thiamin ka hre ve tûrah ngai rawh” tiin ka ham zui bai bai,engmah sawi tawh lêm lo chuan a âwma bei chung chuan ka muhîl zuia.
Ka mumangah ka unaupa ka hmuh avâng chuan ka mengchhuaka, ka thaw hlawp hlawp bawk. Min kuaha tui zeta muhil chu ka en vang vanga, a mutthilh laia thah mai te ka duh, mahse chutiang tur chuan tualthah ka ngam ve der silo. Thil a ti thei bawk nen dam chhûnga jail tân chu ka duh bik lo, tukverh bulah bawk chuan va dingin ruahsur leh kâwlphê chu ka en renga.
Ka u leh ka ṭhiannu ka ngai vawng vawng mai, engtikah mah ka inthiam thei tawh dâwn lo tih ka hria. Keimah avângin an nun an chân a, kei ka dam bîk hi ka inthiam thei tawh ngai lovang, ka mittui chu ka hru leh zauh ṭhin.
“Û min ngaidam rawh u aw, nang pawh Katty ka tihpalh” tiin an hming chu ka lam chhuak sap sapa, a ruk hian ka hrehawm ngawih ngawih a. Dominic-a bula lemchan reng hi ka ning tawh lutuk.
Ka hnunglama thâwm ka hriat chuan ka mittui ka hru hul sawk sawka, “I mu theilo em ni Lilia” ka hnunglam aṭang chuan min rawn kuaha, ka chhâng mai lo. Ka dulah chuan chûl riak riakin “I u chu i ngai viau em ni?” a rawn ti ta supa.
Ka thusawi kha a lo hre pha a ni ngei ang “Chutiang engmah a awm lo, ngai mah ila an lo kîr tawh dâwn chuang lo, mu ang” tiin khum lam chu ka pana, min rawn zui ve nghal zat.
“Ka thu i âwih chuan Lilia nakinah eng emaw ka la hmuh tir ang che. Tûnah rihchuan ka rin ngam i nih phawt angai, thil dang erawh min zawt rih suh, engthil nge tih ka la hrilh lovang che” tiin min bawh tlu a, engmah ka zâwt tawh biklo.
Ka chungah bawkin engmah erawh a ti chuang lo a, ka âwmah a ma min tih ang chiah chuan rawn beiin a chhing nghal daih bawk. Enge a thil sawi tum kha ni ang? Eng thil nge min hmuh a tum chu ni, engmah hrelo mah ila thil holam mai mai chu a nih ka ring lo.
Thawk la suai suaiin a mit a chhing a, reiloteah a muhil nghal vat mai. Ka nui haka, a zia hi alo sual reng biklo a nih dâwn hi, a samah chuan ṭhâm sak in ka chûl hliau hliaua, ka unaupa leh ka ṭhian that tu nimahse keimah pawhin alakah rilru chhia put reng ka thei bik lo.
Tum pawh ni ila alakah engmah ka ti thei dâwn chuang lo tih ka hria, keipawh rei meng tawh lêm lo chuan ka muhil zui leha, ka muhil leh thei chu ka lâwm ngei mai.
“Lilia harh teh, hna ka kal dawn a nia min lo insiam pui ta che” tiin Dominic-a chuan min rawn sawi nak naka, peihlo zeta ka men chhuah lai chuan thawmhnaw halo hian min lo en renga.
“Thawmhnaw hak tur min lo thlan sak ta che” a rawn tih nawn leh tâkah chuan in ti harh luiin ka ṭhu chhuaka, ka lam ham bai bai mai. Nui suk hian a thawmhnaw dahna lam chu a pana, a almira ka hawn sak chu thawmhnaw a lo ngah ngei mai, a bikin a dum lam a tam hle mai.
Kamiz vâr chu la chhuakin coat erawh a pâwl tak ngak mai chu ka la chhuaka. Necktie pawh chutiang rawng bawk chu a var nên a ṭial chu ka la chhuaka, amah nên ka en kawpa, a inhmeh dâwn tih ka hre thei.
“Hei hi ha rawh a mawi, i inhmeh dâwn tih ka hria” ka tihchuan a rawn nui suka, a la ve mai bawk. Thawmhnaw ha lo sa a ni bawka a in bel nghal mawlh mawlh mai, rin ang ngeiin a inhmeh leh pek hle, a sângin a pian a nalh bawka engkim a inhmeh.
Nui var varin ka ena, ka mut erawh a la chhuak viau mai. “Dom tukin chu breakfast nangmahin lo ei mai la, ka mut a la chhuak lutuka, tukin chu nangmahin ei mai la” tiin a âwmah chuan ka beia, “Ok, mahse ka haw ah min lo hmuak ngei ngei tur a ni, chu chu hre reng rawh. Pâwnah min lo hmuak ang che, a nih loh chuan” tiin an tâwp data.
Enge ti a zawh tuma ka en chhoh lai chuan a mitmeng de sar sar aṭang chuan a sawi ka hre nghal “I hur” ka ti ta ringawt chu a rawn nui deuh hawk hawka. A hmêlṭha em em lehnghâl, ka hmuiah chuan rawn fâwp zauhin “A dik a lâwm, i lakah chuan nimai rawh se, mahse nizânah pawh engmah ka tihloh tawp kha” tiin a sana chu a en zauha.
“Mu leh rawh; mahsela thil lo ei ngei ngei ang che. Ril ṭam a i awm ka duh hauh lo a nia, ka kal phawt ange. Tlai chu i hria maw?” a tihchuan ka bu nghat nghat a “Fimkhur rawh u aw, ruah a sur nasa si a. Kal lo mai la ka duh, mahse a pawimawh i ti bawk si a, tlai chu ka lo hmuak ngei ang che” ti ve in a biangah chuan ka fawhsak zauha.
Khum lam chu panin ka ham phei bai bai a, ka mu zui leh nghâl than bawk.