CHHUNGKAW CHHEHCHHAWL NULA BY Engtea Fanai (Completed)

[ngaia]

Ziaktu : Engtea Fanai
Bung 4 na

Sawi tawh angin, Youtube a chhiar tura ka ziah a nih avangin Typing hi ka uluk tawk lo a, tin, (") tih vel pawh ka lo dah lo va, hetia han post dawn takah chuan tiin kan en let ngial a, mahse,, a lo sei phian sia, ka check nawn peih ta ngang lo a ni.

In ka zuk lut chu tumah an lo la tho lova, U Mami a rawn thawh hmaa lo tihlawm lawk a ngai, a thingpui duh chi, ni dangah ka siam sak peih ngai loh, Mizo thingpuife ngei mai chu ka lum sak a, chuan a pawt nan Sunday coffee chu ka han lei sawk sawk bawk, Ama pawisa min pek thoin ka han lei a. a chhang duh ber chi, Biuscut bawnghnute rim nam ang chi kha ka lei tel bawk.


Zing danga a phunna \hin, bathroom tui a khat lova ka kalsan hian zingah rei deuh herhhaw a ngai \hin a, heihi a ning a, a phun ziah \hin, bathroom tlema \awp deuh pawh hi a ngai thei lo em em bawk a, thawh ve leh a\anga thil \awp hmuh nghal hi chuan nileng hun hman a nuam lo a ti \hin, Mahse amah anga ka chet fel ve thlip thlep loh avang hian bathroom tak hi chu a tifai ngun zawk, a tih ve tawh vek vek chuan uluk taka ti \hin mi a ni tlat a, mahse kei ang hian a kutah awm vek se, a la fai tho tih chin hi chu a nei ve ang.
Mahse chumi zing na na na chuan a fai thei ang berin engkim ka dah a, zing danga a phunna mai tur ka dah \hin ang kha engmah ka dah lo, ka phak tawkah ka che fel hle.


Ka nu chu a rawn thova, thingpui kalo lum bakah a hmeh nen lam kalo chhawp vek chu mak a ti hle a, engatinge , a ti deuh ha, a hmelah chuan mak a ti tih ka hria, mahse rei vak loah a nui saka, dawhkan a, ka chhang dah leh Sunday coffee ka dah a hmuh chuan I U Mami I tlawn dawn emni a ti nghal vat, U mami duh zawng hlir ka dah bawk a ni.
Ani lah a ngai te bawkin a rawn tho tlai leh a, a rawn tho chu sitting room a\ang chuan thinphu dep depin kalo en, melh pawh min melh lovin, bathroom ah a lut nghal, khawnge ka facewash a tih chuan kalo dah theihnghilh tih ka hre chhuak, tuichhuarah hmai phih mai hi ka ching a, U mami facewash hi ka hman sak \hin a, min hau ziah, mahse min hauh pawn ka vin let hrep a, ka va pe leh hna hna \hin. Mahse tun \um chu vin let chi a ni lo. Hmanhmawh takin ka va la a, nuih tlawn deuh pah chuan kalo dah theihnghilh daih a, ka ti sup.


Facewash rawn ban pah chuan , chokaah khan lo awm ang che, lo chhuak ru reng reng suh a ti deuh hmuk, huiham tukin chu a thinrim tlang dawn a niang, zana a inngaihtuah fim tawh hi chuan zing lamah hi chuan han tlawn deuh ila, min nuih mai \hin kha a nia, tun \um chu ka chungah a thinrim tak zet a nih ka ring.
Chokaah chuan kalo awm a, a ha te a nawh zawh hnu chuan ka bulah a rawn \hu a, ka en ngam lo, Thingpui chu ka lo thlit vat a, ngawi rengin a in, Ka Nu chuan eirawng a lo bawl mawlh mawlh a, U Mami chu a inngaihtuah tih ka hre thei. Nakinah chuan zawi sap hian, Lalnu, Nula tiha chhiar theih I ni tawh a, zan reiah khatiang rim nen khan I rawn haw a nia, khatiang I tih hreh loh chuan hmeichhe nasa taka I la chhuak mai ang. A ti siam siam a, ka nu ka hrilh dawn em tih ka ngaihtuah mek a ni, a ti zawi sap a.


U Mam, hrilh lo la, mawh, Promis, vawi khat mah ka in leh tawh lo ang, A Pa thlarau hming chhalin ka ti a, a thaw halh a, ka pheikhawk va nawt rawh a tih chuan min ngaidam tih ka hria, ka phei nghal a, ka thaw a veng huai, U Hriata nen boruak zang leh hlimawm tak kan hmang dun a, Mahse a bak zawng chu zing kar boruak rit tak a ni. Mahse tunah chuan engkim a \ha tawh ka hria. Chuan ka tihnawn leh chuan U Mami hi ka hre chiang bawk. Min ngaidam mai mai tawh dawn lo tih ka chiang hle a ni.


Tuk\huan kan ei a, zing dangah chuan lo tirawh ti a min tur ka ngai fova, ka tih tur a nih tih ka chian avang hian ka che muang lui \hin, mahse tun \um chu an sawi hmain ka che zung zung, U mami chuan min nuih suk tih ka hria, mahse ka la chheih ngam lo, ka la hlau ru deuh, Ka Nu chu chaw ei lai chuan rawn \awngin, Mami I kal hman dawn em a tih chuan U Mami chuan Maw hriat thiam loh hmel tak chuan a lo ti hu a, ka nu chuan sawifiah zuiin, I \hiannu Ruati pasal neih naah khan mawle a tih chuan U Mami chu a meng tim dui, ka hre lo le, hna hi kan chawl thei angem maw chawlh ka lak theih te chuan ka kal ve ang chu a ti sup a.


U mami hlauh ruk ang ngeiin Ka Nu chuan engtikah nge maw Pasal neih te hi I tum ve le, kan colony ah nang chauh hi Nula senior awm chhun I ni tawh dawn, I sikul kal pui I \hiante zawng zawngin fa an nei tawh a, tunah I senior pui Ruati’n a neih san leh dawn che a, a tih chuan hnuai lam bihin ka nui tut tut, U Mami chuan ka ngalah rawn chhui zawtin, lo nui suh a ti hmuk a, Ka NU aan a kal tluang lak lawh.

Tu han neih ve te hi a chakawm tawh nen, pasal nei lova len tar te hi I tum emaw ni, I tleirawl tirhin I hmel\ha kan ti a, kan chhuang em em che a, tunah chuan kha I hmel te pawh a ki rawt tawh kha a tih chuan ka insum zo tawh ngang lo, ka nui chhuak hawk a, U Mami chuan a ninawm chaw ei I ti tui lo ti supin, Pasal te neih rawh intih ngawt chi a ni emni, Mipa an ngai a ti hmuk.

Ka Nu chuan Kham pahin "Bialpa nei reng ta che" a rawn ti leh, U mami chuan chuti ngawtin a neih theih loh a nih hi tiin room lamah a lut daih, a thinrima a nuih a za bawk tih ka hria, ka nu khan a sawi kha a ti tak tak a, tu hmel hmuh hi a chak ngawih ngawih tih ka hria, U mami lah hian ka nu kalsan hi a duh lo bur a, a tel lova kan awm hi a ngai ngam lo a ni. Ka pa thi tur bula a intiamna a diary ka chhiar ruk a\angin ka hria a, Ka Nu leh Ka nau tan rintlak takin ka awm anga, In chhe te tal, heihi kan in ngei a ni tih tur ka din pui ngei ang, tiin a intiam a. chu chu a theih hma chuan Pasal neih a tum lo tih ka hria.


Tin, Ka nu sawi ang em em a, hmel ki leh \ha lo kha a ni lo, a senior deuh tawh tih chu a hriat a, Makeup a hman phei chuan la hmel\ha tak a ni, a tleirawl tirh khan a hmel\ha an ti em a, tunah a lo chuai ve \an tawh nen ka nu hi a lawm thei thlawt lo a ni, a sawi chhuak khat tawh viau a, Mahse U Ruati’n Pasal a neih dawn meuh chuan a mangan pui thar leh a ni ber ang chu.
U Mami chu a insiam sawk sawk a, pawisa pawh ka dil ngam lo, ka hmuh chuan ka nuih a za dawn zel bawk, A helmet lak pah chuan kha cheng 10 tiin pawisa chu min rawn pe, ka sawi sel ngam lo, a chhuah dawn chuan I la ki lo a nia, ka ti kher, I chhia a nih chu tih pahin an office lam panin a in khalh phei leh nghal a.


Ka Nu bulah chuan Nu,, Ka kal ve chak e, ka ti a, khawiah chuan maw hriatthiam loh hmel tak chuan a ti deuh haw a, Aw, U Ruati pasal neihnaah chuan tiin ka chhang leh vat, Ka Nu chuan I kal ve daihin tunge in lo nghak ang, nang tal I awm lohin atih chuan ka thin a rim thut, ka thinrim thut chuan mi hi in ngaihsak lo lutuk, in awm lohin Misual te lokal se, min ngaihtuah lo ami, hrim hrimin chhiah hlawh treat in min treat chhehchhawl nih reng hi ka hne ka ti deuh hluk a, Ka Nu chuan chhehchhawl tih \awngkam hi hmang ziah suh, tumah en hran ka nei lo che u, mahni \angkainaah \heuh kan \angkai a ni mai, phun bik reng loh tur, soft lutuk mai a tih chuan ka nui chhuak thut, enga,, tu sawi nge I hriat ka tih chuan a nui put put a, Aaw,, bazarah I nu sangi’n tunlai \halai ho chu an soft lutuk a tia, a hmang reng a, ka ti ve a nih kha a tih chuan ka nuih a za zual.


Mahse ka thusawi chu a ngaihtuah ve hle niin ka hria, keimah hian min dah nasa a, ka chungah thil \ha lo thleng ta se, an inchhir dawn tih ka hria, ka U leh Ka nu hi chu ka duh phawt chuan ka kar thiam ve tawk. A tirah min hnial mahse ka duhtawka chhuanlam ka han siam hi chuan min hrethiam leh mai zel a, Nia, an tih hman loh zawng zawng titu ka ni ve miau va, chhehchhawl nun hi ka hman thiam tal a ngai tih ka chiang em a ni.
Ka Nu chuan , Ah,, engpawh nise \ha tak khan awm la, I u lo haw hunah kan sawiho dawn nia, a tih chuan Nangman min \an ang che ka lo ti nghal vat, I u te hi hnial vak vak zel lo la, chhan tlak te hian awm ve la tiin a insiam nghal mawlh mawlh a, Bazar lam pan tur chuan a insiam a.


Keimah chiahin In ah ka awm leh tawh a, Christy ka phone thla a, Zan lama thil thleng te ka hrilh chuan a \e chel chul a, min lawm pui tak tak tih ka hria, U Hriata hi kan star dun \hin em a, Mahse Hman deuh a\ang khan Christy hian Ka star ka thlak tiin U Hriata chu a star tawh loh thu a sawi a, kei chuan awih lo deuh hian chutiangin star te a thlak zung zung theih emni ka tih chuan,, aw thil changkang zelah mit duh zawng pawh a inthlak ve zel a lawm a ti mai a, a star ve lai kha chu nise min thik ve ngei ka ring.


U Hriata chu rawn chhuk nawlhin, christy chu a lo khuh kherh a, ka lai ru hle a, ka kut ka khal leh niap niap tawh, U Hriata chuan Nui vawiin class ka kal dawn sia, Ka Nu te Inneihna lam thil vel buai puiin an bazar bawk si a, tui a lo haw dawn chuan in \hian dun hian min lo buai pui sak mai aw a ti zawi sup a, keichuan zah hmel zet hian aw le, ka ti mai a, u Hriata chuan ka zah thar leh vel chu a hrethiam lo a niang, Mak tih hmel tak chuan min en haw a, Christy chuan ehem,, an han lai thar leh velah a tih chuan kan in en a, kan nui suk. Thil engkim ka hrilh a ni tih a hrethiam nghal ang.
A chhuah pah chuan enge I ei chak, tlaiah ka lo hawn ang che a ti zawi sap a, christy chuan hmm vel a che u, ka ei hlawl lo che u tiin a lo ner deuh nung a, U Hriata chu nui sukin lalchristy chu engmah ka rawn hawn lo ang a ti kher a, Christy chuan rang zet hian I thil rawn hawn pawh ka duh leu, kal mai mai tehh tiin a lei a lo chhuah khum a, Min bye zeuhin a chhuak zui nghal a, kawngka bul a\ang chuan Ice cream aw,,tiin ban a rawn phar leh, ka lu kalo bu nghut a. a nui sak a, class kal tur chuan a chhuak zui a.


A chhuah hnu chuan christy nen chuan in en in kan in chum deuh pawp pawp hi a ni ber mai, ka hlim tak zet a ni, Christy chuan enteh,, karleh kha keichu ka kal ve dawn asin, U Ruati te inneihnaah khan, kawrtethawvengah khan maw ka lo ti vat a, aw ni e.. ka chak tawh tawp an Mipa te hi an chhe lo angem le, nge thingtlang tlangval \awp deuh an lo ni zawk ang tiin a ngaihtuah nasa a, keichuan I ninawm e,, mipa ringawt ngaihtuah suh, a khua te pawh I fang ve chak lo emni ka tih chuan ah, chak tho e, Mahse an tlangval te ka hmu chak a ti leh hram.


"Awi,, Jungkook tih vel atchilh a, kawrtethawveng a, chutiang ang zawn tum chu kal lo law law rawh" ka tih chuan a nui ar ar a, "I ninawm min ti speechless- tirawh ei tur siam ang", a ti leh nghal zat, a ninawm kan in a I lokal hian I ril a \am nghal zel emni ka ti vat a, Nangpawh kan in a ilokalin I \am ve nghal zel tho kha, a tih chuan ni ve tho mai ka ti a, eitur chu ka siam pui a, ka mood a fuh bawk a, keimah ka che zung zung.


Ei tur kan ei dawn vel chiah tih chuan Nu Rini a rawn au lar lar, Laldinkim khawiah nge in awm, in khar up vek zel suh u, in tui a liam nasa lutuk tawh a rawn ti lung lung thawm chu hriain kan ei tur ei lai chu kan dah a, Christy pawh an in lamah a tlan chho nghal, keipawh kan tuizem chu ka siam fel nghal vat a, Brite chu la chhuakin brite ah chuan ka haw luh tir a. U Hriata te tui connection ka hre chhuak thut, Hmanhmawh tawkin ka tlan chho a, ka han buai pui lai chuan ka brite chu a lo khat chu niin ka zuk tlan thla leh a, Tui haw ni hi chuan ka buai \hin a ni, tu chhungkua emaw ber hi ka buai pui sak an ngai ziah.


Christy pawh an tui buai puiin alo buai ve hle bawk a, Nu Rini chu a hma ang bawkin an tui dahna neih zawng zawngah \ha hnem ngai taka a dah khah vek hnuin a duh tawk a, step vel huh kha chu lo buai pui mai ru aw, Bazarah ka chhuak lawk tiin a chhuak leh daih tawh, Christy nen chuan kan in en a, engmah kan sawi lo kan nui ringawt.
Zan a ni a, U Mami chu a rawn haw tlai hle a, Ka Nu pawh a ngaih a \ha lo ve deuh, Tukin zinga ka hauhna avang khan a thinrim emaw ni le tiin kan chaw ei lai chuan a sawi zeuh va, kei chuan chutiang tiat lek rilru U Mami’n a nei lo, I hriat chian em kha, an hna an buai a niang, ka tih chuan kawngkhar a rawn ri \hak a, Hah hmel zetin U Mami chu a rawn lut a, a chauh rim tawnga a tihdan ngaiin kan \hutthleng seiah chuan a bawk nghal thlawp a, a helmet chu computer dawhkanah dah turin min ti, ka chaw eina a \ang chuan thoin ka va dah \ha sawk sawk a.


Ka Nu chuan Mami enge in office in buai leh deuh emni tiin a va zawt a, U Mami chuan aw, ka chau lutuk, kawnglakah ka petrol zawh vang zawk a nia, ka rawn chauh em em na chhan, Temple a\angin ka rawn nawr haw zak a lawm, ka phone batry a shutdown a, pawisa engmah kalo ak chhuak bawk si lo a tih chuan ka khawngaih reuh lutuk.
Chaw chu kan ei kham sawk sawk a, U Mami inbualna tur tui ka lum nghal a, U Mami chu a mittui a tla tih ka hria, a petrol vang chauh a ni lo, U Mami meuh a mittui a tlak chuan chhan \ha tak a awm ang, Ka Nu erawh hrilh chi a ni lo tih ka hria, a buai phi leh chung dawn si a, U Mami chuan a pheikhawk chu hlipin \hutthlengah chuan a mu pangngai a, a bulah chuan va \huin a ke chu ka hmeh sak a, ceiling chu a en vang vang ringawt.


Zawi te hian U Mam, enge I dam lo emni ka tih chuan , dam e, ka mit thip lutuk hian min tibuai a nih hi tiin a phun sep sep a, a mit thip vanga mittui tla a ni lo tih ka hre chiang si a.
A ke chu ka hmeh sak zel a, Min rawn en in, Nizan ang khan vawi khat mah awm tawh suh, taima takin lehkha zir la, ka Nu nen hian min la chawm angai dawn a nia nui lui tih hriat tak chuan a ti a. a tho \uah \uah a, Tui lum chu lain inbual turin a kal a, chaw a ei chak loh thu sawiin chaw ei hmun chu lo tifel nghal turin min ti bawk a.
Chaw ei hmun vel ka tihfel zawh hnu chuan thleng ka sil leh vek a, ka nu chuan Naktuk lama a zawrh tur thlai thar a chah kual leh mek a, a buai leh tawh hle, U mami chu inbual zoin a room ah a lut daih a, keipawh room ah lutin U hriata nen kan in text a, U hriata chuan ilo kal ve thei dawn em tiin min zawt a, thei mai thei, Ka Nu hi chuan a phal mai ang a, U mami hian a phal angem maw ka ti a, rei tak kan inbia a, dar 10 vel chuan U Mami chu ama room bul varanda te ah chuan a lo \hu chhuak chu ka tukverh khar turin ka hmu a.


"U, Ngati nge I la mut loh" ka tih chuan a chhuak lo, a ti sam et a, kalo phei dawn zawi te chuan ka ti a, a lu a bu nghut a, Kawngka a lo kalh lova, ka va phei a, a bulah chuan ka \hu ve a, U enge thil thleng ka tih chuan a ho lutuk a ti daih, Mawhh min hrilh tehh pasal I ngen deuh emni ka tih chuan laldinkim tih pahin ka lu ah a kuk ri fawk.
Thawk a la halh a, Muangchangin a rawn \awng chhuak a, kha a hmaa ka hrilh tawh che kha I hria em, In kan lei thei \ep ka tih kha, inbiakna pawh kan neih thui tawh em kha, vawiinah Mipakhatin a thubuaia min din sak turin min rawn ngen a, Damdawi tawlh \hin hi a nia, Aizawl veng khat pa hausa tak a ni, keichuan ka din sak theih loh tur thu ka hrilh tlang nghal vek a, ka din sak chuan ka chak ngei dawn a, hlawh pawh tam tak a ni, mahse \halaite nun suattu hi atan ka ding dawn lo tiin keimah leh keimah ka infuih mawlh mawlh a, aw ki sangin kan indawr hial a chapo ang reng khawp mai, nakinah chuan heng I hna te hi I chapo pui ve emni, reiloteah I license hi ka cncel tir thei tih hria ang che. I rin aiin thil ka ti thei ang" a tih chuan, keipawh ka nem duh tawh bik lova, I ruihhlo zawrh hmanga I sum lakluh pawh I chapo pui a nih chuan dikna tung ding tura fair taka inziak tling a, he office ka \hu hi ka chapo lutuk, chuvang chuan keini ho hi min rawn ngainep reng reng suh tiin ka bula pen bawm chuan a hmaiah ka vawm a, a kal chhuak ta daih a, a chhuah hma chuan enge ka tih theih lo en rawh a ti a.


Chuan tlai lamah khan ITI a kan in leina tur pa khan In leh a hmun zawng zawng chu Chupa chu a lo lei tir ta vek a, kan inbe thui tawhin, engkimah min hrethiam a, a man a chhiar aia hniam daihin min pek pawh a inhuam tawh asin tiin a mittui chu a tling pam a.


Ka Kuah a, U in min neih pui kher a ngai lo ka tih tawh kha, tipawh hian kan hlim alawm theih tawp I chhuah a, kan chhungkua tan I nun I hlan a ni ngawt alawm, pawisa te hi khawl reng lovin hmang ve la, I hlawh te hi hmang ve rawh, In nei lo pawhin mi in luah pawhin kan hlim em em ang ka ti a, nui lui tih hriat takin insut feih pah chuan a nui sak a.
A tharin ka \an leh angai ni, In hmun lah hi hengho vang hian a to tulh tulh si a, a tih chuan a thinrim tih ka hria. Kan thusawi thlak tumin U, U hriati Pasal neihnaah khan intihthawven pahin kal ve ila ka tih chuan nia, a \ha phian ang, a pasal neihna tur khua pawh kha kawrtethawveng a ni lo’m ni a ti a, Aw, ka lo ti nghal vat, anih chuan ka nu dil la, keipawhin khawpui boruak hi ka hne alawm kan kal dawn nia a ti a, Yes, ka nu chuan a phal ka ti nghal.


Va mu tawh rawh, Naktuk thawh hma ka ngai tiin a room a\ang chuan min hnawt chhuak a, ninawm a, ka mu dawn reng tiin ka chhuak tau, In ngeih takin kan inbe rei ve bawk em a ni, rin aiin min ning har, thu tak hian kan titi khat ṭhin viau a, min fiam loh leh min ti ṭe reng a, min vin reng bawk a, mahse zanin chu a rilru a hah ve tawng khawng a niang, kei meuh pawh puitling takin min titi pui a, thu pangngai min sawi pui rei em mai.


Lungawi lo zetin U Mami room aṭang chuan ka chhuak a, U Hriata phone call ka dawng nghal a, zawi tein ka chhang a, U Hriata chuan in mu tawh emni min va chhang zawi sep sep ve a tih chuan um,, mu tawh e, tih chauhin ka chhang a, min va chhang bawng ve lungawi lohna i nei em ni a ti leh nghal vat. U mami’n min hnawt chhuak ka ti hmuk a, hrilh hai hmel zet hian eng maw a rawn ti haw a, a room a\ang mawle ka tih leh chuan hnawh chhuah ngaiin I awm a ni mai lawm a rawn ti leh nghal, U hriata pawh chu ka ngei lek lek, I \an a ni kha ka ti hmuk a.


Nuih insum tih hriat tak hian Ah,, U mami chu kan hau dawn nia, Naktuk enge itih dawn Bazar ila a ti nghal zat a, ka peih bawk lo ka lo ti leh hmak, titau bur bur suh, a naupang chhia a tih chuan Naupang ka nia lawm ka ti deuh kher a, Chu naupang nen kan in date I tihna a ni maw, ka tan a va zahthlak ve a tih chuan ka nui ve sak a. tak taka enge bazarah itih dawn ka ti ve nghal a, Ah,, U Ruati present tur leisak ve ka duh a, Mipa hi chuan hmeichhe duh zawng hi kan hre vak si lo va, min lo kal pui la ka tia a rawn tih chuan, Aww, in senior khan a hria ang chu ka ti deuh kher, Um a nih leh kan call ange a ti ve sap a, rang zet hian I ngam chuan call la ka beng che a ni mai ka ti nghal vat.


Rei tak kan inbiak hnu chuan Naktuk chu hman kalo tum ang, Mahse AU leh Anu chhuah hunah chauh min lo pan la an haw hmain haw leh tur aw, ka ti a, aw le, I thu ber alawm tiin phone chu kan dah a, ka mut hmunah chuan U mami thil sawi chu ka ngaihtuah reng a, U mami lo hah \hin zia te,a rilru lo hah tur zia te chu ka ngaihtuah neuh neuh va.


Mahse U Mami chuan tun bak kha a sawi leh zen zen tawh pawhin ka ring lo, eng emaw riau a chungah a thleng leh te a nih ngawt loh chuan, a chhan pawh U Mami a ni miau va, a harsatna tawn leh tawh te hi kan hriat ve hi a hlau em em ṭhin, Vawi khat pawh tuna a hna a la thawh hma hian hna dangah interview a nei dawn a, thawmhnaw pangngai ve tak hak a ngai si a, khanglai khan kan khawsak harsat zual lai a ni bawk nen, a rukin mi rawra ṭheka naah a lo tel ve tih ka hria a, ka Nu ka hrilh chuan a hau hrep a, a ṭhiankawm tam zawk hi mipa an nia an inhlawhnaah khan alo tel ve chu niin ka Nu chuan i mamawh chu min dil ve mai rawh, ka tihsak em em ang che tiin a hau lai ka la hria a, ka U chuan chhan pawh a chhang lo, ka nu pawh a thinrim hle tih ka hria, Mahse ka U khan kan khawsak kha a hre chiang em a, keilahin school fee tur leh tiffin man tur te, ka thawmhnaw man tur duh duhin kalo dil ve ṭhin bawk nen, ka U khan engmah alo sawi duh ngai lo kha a lo nia.


Mahse tunah chuan tlemin kan khawsak a zia ta deuh va, kan buaina pawh thawmhnaw man tur ni loin in hmun te a ni tawh a,mahse U Mami erawh a rilru hman aṭangin tun thlengin a hah reng mai dawn a nih hi,engtikah nge maw a chawlh hahdam ve dawn ni. U Mami chung chang ngaihtuah a ka awm lai chuan hriat loh karin mut chhuakin min zem chiai chiai a.
Thawm ka hriat leh hmasak ber chu "tho rawh" tih a ni, Anu chuan a tih dan ṭhin pangngaiin a duh aia ka mut rei deuh chuan ka room bang ben pah hian tho rawh tih chauh hi a sawi tluk tluk a, ka ning ṭhin hle , peih lo tak chuan ka tho chhuak a, U Mami erawh ala mu, U Mami dinhmun hi chu hre mah ila, a mu rei thei bik lutuk hi chu ka thik leh ṭhin.. pui tlin hi a har a ni, nia, ka indem lo, chhungkhat naute leh chhehchhawl ka ni miau va, pangchan ve hi chu ka phu tho tho.
A nu eirawng bawl chu ka pui a, zing karah hian kan colony a thingpui heh ber Pu Rema a rawn leng ziahah a thingpui tur kalo siam lawk a, rin lawk ang ngeiin a rawn lang leh a, ka ring dik lutuk chu ka intithei ru viau, ka nu'n min tirh kual fe hnu chuan ei kan peih a, U Mami ka kai thova chaw kan ei a, ka nu in thu ṭha min hrilh leh ṭeuh mai, mahse thu lawmawm, an pahnih rem tihna thlapin U Ruati pasal neihnaah ka kal ve dawn, U Hriata pawh a kal ve dawn bawk a , ka phur tawh tak zet..


Tukṭhuan kan eikham hnu chuan ka nu chuan Nui vawiin chu ka rawn haw har dawn a nia, tlai eirawng bawl kha i kut aw a tih chuan zawi te hian i haw hma pawn ka kut tho alawm ka ti sup a, U Mami alo nui ve suk, Ka nu chu a chhuak hmasa a, ka U pawh a insiam ve sawk sawk a, a insiam lai chuan, U sikuti khalh hi min lo zirtir ve teh ka ti siam siam a, kum i tlin hunah a tih chuan ka tling tawh reng aw ka ti vat, ehe. Kum 18 i tling tawh maw a ti nghal, aw.. kuminah ka tling dawn alawm ka ti leh nghal, kuminah i zir dawn nia tiin min nuih, a duh chuan a nghal ve ṭhin a ni.
A inpeih hnu chuan hmanhmawh takin a chhuak a, minute khat hnu velah a rawn let leh a phone a theihnghilh , U Mami hi chu hmanhmawh taka thil a tih hi chuan a muan phah zawk ṭhin ni ber hian ka hria theihnghilh eng eng emaw hi a nei ngei ngei.. chhuna ka pawisa hman tur a dah chu U Mami 100 tal ka tih chuan ka ipteah khan zawng kual mai rawh ka hman hmawh a ti a, a tlanchhuak leh nghal..


Thawh hma hi a hlau em em a, thawh hma a hlauh tluk zetin kal tlai hi a hlau leh a, a mak ve a ni, thleng vel chu ka sil leh sawk sawk a, ka sil paha ka tih dan ṭhin pangngaiin Taylor Swift zai ka play leh, henu hi chu ka hmeichhiat pui mah nise ka star a ni. amah ang nih hi ka aim in life..
Dar 10 vel chuan U Hriata chuan min rawn call a, ka la mai duh lo, mahse ka la chak zek zek, ka lak chuan phur lutuk angah min ngai ang tih ka hlau bawk si, ka ring ral tir phawt a, min rawn call nawn tawh loh ka hlau ru hle.. mahse rei a rial lo, min rawn call leh nghal vat a. rang zetin ka la a, Aw.. ka ti deuh nghal tawp a, hello te ti ve ṭhin la, a tih chuan hello vel angai lo tiin ka nui a, an chhuak tawh em, a rawn ti zui nghal zat a, um.. tiin ka bu nghut a, ka rawn chhuk dawn tih leh phone dah a rual nghal.


minute 5 hnu velah chuan a rawn chhuk a, a rawn lut chu kalo lai leh hle tawh, amak ka ti, ka hmuh a piang hian a tharin ka lai zel mawle, I Nu te chu an kal tawh emni tiin min rawn zawt a, an kal tawh avanga rawn chhuk tura ti ka ni reng sia, ani pawh hi a la lai ve ṭut ṭhin tih ka hria. ka bulah chuan rawn ṭhu-in kan kal vat dawn emni, haw leh hma i duh awm sia a tih chuan , nia, mahse chuti em em a haw hma chu a ngai dawn chuang lo. Ka Nu hi a rawn haw vut chuang lo ang, Ni a la sa sia la kal rih lo zawk ang, kan inbual ang a, tikhan lo awm la ka tih chuan, kalo inbual pui ve dawn che mi a ti sup a, i hur tih pahin lukham chuan ka vawm a, a nui suk ringawt. Ka luh pah chuan ka rei lo ang ka ti a, min en zuk pah chuan hmeichhia in ka rei lo ang an tih leh ka hmangaih reng ang che an tih hi awih loh tur a tih sup chuan, I hmeichhe tawn tawh nen min tehkhin suh tiin ka luh san.


Nia, han inbual chiah hi chuan rin ai hian kan rei \hin, U hriata khan a sawi dik, Mahse Hmeichhiain an mit ngeia en a, ka hmangaih che kan tih nalh tawh hi chu kan hmangaih viau a ni, kha kha chu ka pawm lo, ka inbual zawh chuan towel vengin ka chhuak a, U Hriata hmuh tur hrim hrimin ka ti chhin duh reng reng a, naupangchhia lutuka min en leh thut chang hi a ngah a, ka taksa puitlin tawh zia hi ka hmuh tir duh a ni.


Mipa mit hmuh duh zawng tak hi chu, I hmel\ha min ti fotu te pawh hian awm bawr bawk a ni an en hmasak leh \hin ni, U hriata chuan ka awm a rawn en a, nia, ka chhuan loh ve ber a ni, chhehchhawl ka nih vang a niang, chhungte hian min tir nasa lutuk a, ka hnute hian a tuar a niang, a lian ve thei lo reng reng, Ka mal a en leh a, helam hi chu ka chhuang ve ka mawng pawh mawi lo tak chu a ni bik lo. A mit meng chu ka hmu reng a. ka mit sir ru reng, ka khuh deuh kherh a, a hawi let zawk.

Show post links
Top