ZOSANGZUALA BY Becca Lnz (Completed)

[Rebec Nunziri]

Chapter-31



Zorinsangi POV




Pawn lamah chuan kan chhuak a, ka chau lutuk, "Hetah hian lo awm phawt la, motor ka va la chhuak ange" a tih chuan ka bu zeuh a, tunah rih hi chuan hahdam ka mamawh hmasa ber, ka hmaah motor a rawn tih din rual chuan ka chuang lut nghal a, "Nakin ah kan in be dawn a nia, ka chau bawk sia, in thlen vat ka duh" ka thiante bulah chuan ka ti a, "Awle, last period kan la nang hman dawn a, keini pawh kan let nghal mai ang" an ti a.




Kan tlan chhuah dawn chuan Prof. Sangzuala te thian dun chu an rawn chhuak ve chiah a, min en zui reng tih darthlalang atang chuan ka hmu, "Engtia awm zel nge i tum?" kawng chanve vel kan tlan hnu chuan U Nghaktea'n a rawn ti sup a, "Nuthlawi nih ka hnaih tawh khawp mai" tiin za lo zetin ka nui ringawt, "Zorin nau ang tak tak in ka en che tih i hria tiraw?" a tih chuan ka bu zeuh a.




"In then kher hi a tha dawn em ni ka ti, han ngaihtuah teh, fa i nei tep tawh a, i fa kha a lo pian hunah pa a la mamawh dawn a nia" a ti sup, "Ka hria alawm, mahse kan in kar a thil thleng chu i hriat chian tawh kha, in rem leh thei kan ni tawh lo, kan in nei zui zel a nih chuan kan pahnih in kan in hrem mai mai dawn, chuvang chuan kan in then hi a tha ber" ka ti sep a, "I thuthluk na chu ka zah sak che, ni e hlim i phu a, i hlim na tur ang chuan i che dawn nia" a ti ta charh a.




Kan in kawt thleng chuan min thlah a, "A nih ka lut phawt mai ang, nakin ah ka rawn bia ang che" tiin inchhung lamah chuan ka lut nghal, khawiah mah peng kawi lovin room ah ka lut nghal a, tun tut tut a chhuah ka tum lo, ka chunga a chet ang chiah khan he in chhung ah ngei hian hreawm takin ka la sian ve dawn alawm, eng tiang chiah in nge ka lo tuar a hreawm ka lo tawrh hi a hre ve mai ang.




Khumah chuan ka mu a, ka ngaihtuah na ka kawm melh melh a, tunah chuan thudik engkim ka duh ang ngeiin a lang chhuak tawh bawk a, hreawm ka that na chhan tur a awm tawh lo, ka zang hawk nimai hian ka hria, ka sawi thiam dan ber chuan lung rit takin min delh na min lak kian sak ang mai niin ka hria, engtinge ka awm chhunzawm zel ang tih erawh ka la ngaihtuah peih lo thung, tunah rih chuan he in atang hian chhuah ka la tum lo ka tih tawh kha.




Ka lo muhil tlang daih a, ka harh hlawl mai, in leh ka tum a, ka dul ah kuah tu an awm avang chuan ka phu zawk a, hawi let a ka en nak chuan Zosangzuala lek chu lo niin, ka tal sawn vat a, "Hmela, engvangin nge hetah hian i rawn luh?" ka ti chhuak that a, a rawn meng nghal diar diar, thudik a hre tawh chung pawn engtinge hetiang hian a la awm ngam ni, hmuh pawh min hmu ngam tur a nilo, hepa hi chuan zah a hre thlawt lo a nih hi.




"Naute, in be lawk ang aw khawngaihin" tiin a rawn thu chhuak a, khum atang chuan ka tho vat, "Chhuak nghal rawh, ka phal na tello chuan ka room ah hian rawn lut tawh reng reng suh ang che, chuan thil pakhat leh khatiang khan min ko tawh bawk suh, thudik i hriat vang maiin a hma ang khan thil a awm leh dawn tihna a nilo" ka ti hmak a, "Khawngaihin in be lawk ang, ka ngen a che" a tih pawh chuan biak chu hnai lo tak a ni.




"I chhuak thei, biak na chhan tur che ka nei tlat lo, ka in bual dawn a, ka rawn chhuah leh hma in he room hi lo chhuah san ang che" ti leh hmak in bathroom ah chuan ka lut a, ka in bual nghal, ka hahdam sawng sawng mai, "Zaklo lutuk mai, ka biak duh a dung reng reng emaw ni, thidik a hriat hnuah Naute tih te khan min la ko ngam a nia, mihring pawh a nilo sakawlh a nih hi sakawlh diktak" tiin keimah leh keimah chu ka in ang thinrim a.




Bathroom atanga ka chhuah chuan a lo awm tawh lo hlauh, tihzia lutuk, ka kawr hak tur te chu ka la chhuak a, kan in hak hma in bra leh panty nen chuan darthlalang ah chuan ka taksa chu ka en a, ka dul puar ve ak tawh ka hmuh te chuan ka hlim em em a, buaina tamtak kan tawh hnuah hlim takin kan awm ve thei tawh dawn a nia, ka buaina tawh na lamah ka naute pawh ka ngaihtuah hman lo.




Room atang chuan ka chhuak a, ka ril a tam tawh lutuk, chhun ah khan engmah ka eilo tih ka hre chhuak ve chiah bawk, choka ah ka lut a, Sangtei lo che mawlh mawlh ka hmuh chuan ka nuih nghal var var a, "Ka ril a tam tawh rap mai, chaw ei i peih tawh em?" ka tih chuan a peih chiah thu a lo sawi a, "Khawi ka lo siam pui ang che" tiin a phal lo chung chu ei ka siam pui a, "Lo ei ve nghal daih mai la" ka tih lah in min hnial tlat bawk si.




Chaw ka ei laklawh lai chuan Zosangzuala chu a rawn lut ve a, ka sir chet ah rawn thu in a ei ve nghal mawlh mawlh, kei ka kham hmak thung, ka kut ka sil a, choka atang chhuak in sitting room ah ka kal a, tv ka en lehnghal, rei pawh ka thut hma in Zosangzuala bawk chu ka bulah a rawn thu leh a, rum zetin ka lo en, "Zosangzual enge i hriat a, ka hnaih ah awm tawh suh, ka huat zia che i hria a nilawm ni?" ka ti chang fak a.




"Naute" a ti sup, "Duhtawk teh, khatianga min koh khan ka luak i ti chhuak, chuvang chuan khatiang khan min ko tawh suh" ka ti kha leh fak a, "Ka tihpalh, engkim kha ka thiam loh vek a ni" a ti leh sup, a aw pawh a hma angin a nghet charh lova, a zuai hle, a awm ve reng a ni, "I sawi dik engkim kha i thiam loh vek a ni" tiin ka nuih sak a, "Min ngaidam rawh" a tih leh chuan ka nui hak, khang hreawm na ka tawrh zawng zawng te kha tun a a thusawi vang hian ka theihnghilh a ring emaw ni.




"Vanduai thlak takin ka theilo tlat" tiin Sangtei rawn chhuak ka hmuh rual chuan ka ding vat a, "Sangte i haw hman tawh chuan ka va thakh ang che, i bag la la ka scooty chahbi ka han la lawk ange" tiin room lam pan mai ka tum a, mahse ka ding chawt, hawi let vat in "Ka kut hi thlah rawh" tiin Zosangzuala chu ka en kar a, "Naupai lai i nihkha, scooty khalh i tan a ṭhalo" hah.. hepa hi kin ngaihtuah ber awm anga an awm vel ni.




"Chu pasal tah ber role chan i tum tihna em ni?" tiin ngeiawm deuh chuan ka nuih sawng a, "Chutiang lam a nilo, i tan a that loh vangin ka sawi a ni" a ti leh a, "Ka tan a tha tur leh tha lo tur chu ka hria, nanga min hrilh chawp hi a ngailo e" tiin ka kut chu ka thing thla a, ka room lam pan chuan ka kal vat, kan in neih khan ka scooty hi ka chhawm tel a, ka rai vangin ka khalh chhuak lo char char a, khalh chhuah ka chak ve tlat.




Scooty chahbi ka hmuh chuan ka ban vat a, helmet ka khum in in hnuai lamah ka chhuk lehnghal, Sangtei chuan min lo en reng a, Zosangzuala pawh a thut na ngai ah a lo la thu reng bawk, "Kal ila" tiin Zosangzuala chu en pawh en tawh lovin ka chhuak nghal, Sangtei lah chuan nuam lo a tih hmel em em bawk si, "Ka khalh chhuah loh na a rei ve tawh bawk sia, minutes 5 vel tal ti nung phawt ang aw" ka ti a, ka zir tir lubna a rei ve tawh bawk a a lo paw phuk mai, ka hru nghal mawlh mawlh a.




"A la tlai chhe chuanglo bawk a, ke pawn ka haw thei reng a nia aw" a ti sap a, "A ngailo, ka khalh lohna a rei ve tawh bawk a, ka khalh chak hrim hrim alawm" ka ti a, minutes 5 hnu velah chuan kan tlan chhuak a, "Pu Sangzuala khan a phal loh hmel bawk sia, i haw leh vat loh chuan a ngaihtuah viau ang che" a ti a, ka lo ner sak, a ni ngaihtuah ka ngailo nasa lutuk, Sangtei te in zawn ah chuan ka ding a.




"Ka rawn leng lut ve ang aw, vawikhat mah ka lo la leng lova, i nu pawh ka rawn hnu ve hrim hrim ang" ka tih chuan a lo aw rang ngang mai, inchhung ah chuan kan in zui lut a, a lian em em lo, a te fel at reuh a, a fel fai em em bawk, a nu ni ngei tur chu thutthleng sei ah hian a lo mu a, "Kha Bawihte i lo haw tawh a nimaw?" tiin a. fanu a hmuh chuan a rawn tho chhuak tuah tuah a, "I thiannu te i rawn hruai a" tiin keichu min rawn en a, nu ngainat awm tak chu a ni ngei ang.




"Nu a ni hi ka thawh naa an nu ber a nih hi, min rawn thlah haw a" Sangtei chuan a lo ti vat a, "A nih chu mawle, i chanchin hi ka fanu hian a sawi ve fo tawh a sin" tiin nui sang in min en a, "Ka hming chu Zorinsangi a nia, Zorin tiin min ko mai dawn nia" tiin ka chibai a, a bulah chuan ka thu thla ve nghal, ka rin ai daih in ka hmu tar a, a hrisel loh vang pawh a ni mathei, ka leng ve ta reng a, Zosangzuala ka hmuh peih loh vangin ka leng rei lui a ni zawk mah.


Zawmna



"A nih ka haw tawh mai ang aw, ka rawn leng leh vat dawn nia" darkar chuang ka len hnu chuan ka ti a, chaw an ei lai pawh in ka lo awm ve reng kha a nia, "I rawn keng leh vat dawn nia" Sangtei nu chuan a ti a, kan in kawm rei ve hman bawk a, kan in nel hman viau, "Ka nu khan a ngaina khawp mai che" pawn thleng chuan Sangtei'n min thlah a, "Keipawn ka ngaina alame, i vannei takzet, ni tha tak i nei a nihkha" ka ti a, scooty ah chuan ka chuang nghal.




"Muttui ule, nakin ah leng turin min sawm ka beisei dawn a nia" ka ti a, ka tlan chhuah hnu chuan haw tlang nghal mai lovin dawr ah ka lut kawi leh, ka in ei puar tak tak hmain Zosangzuala kha a rawn lut bawk nen ka kham ta daih kha a nia, zanlai nih tak tak hmain ka ril a tam leh hman dawn tih ka chiang, eitur ka lei nual hnuah in lam pan chuan ka in khalh haw ve ta chauh a, ber thla kan chuang kai tawh bawk nen vawt tha var var tawh tak a ni.




Inchhung a ka luh chuan Zosangzuala lo vei kual sek chu ka hmu hmasa ber a, engmah sawi lova kal pelh mai ka tum chu ka hmaah a rawn ding leh hman hram, ning zet chuan ka en chho kar a, enge maw min tih buai reng ni, "I va rei ve, ka ngaihtuah hman che alawm" a tih chuan ka ner sak a, "I ni ngaihtuah ka ngailo, keimah in ka in enkawl ve thei, kalsawn teh, ka kal na tur i dal a nia" ka tih chuan awm sawn pawh tum chuanglo chuan ka thil khai chu a rawn en a.




"Khakha engthil nge?" a ti nghut, "I hriat ve zel a ngailo" ti hmak a kal pelh ka tum chu min rawn pawh thlak sak thut a nih chu, "Enge i hriat a, min pe leh vat rawh" thinrim zet chuan ka ti a, "Hetiang hi ei a ṭhalo a sin, a hrisel lo" ka thil lei en pah chuan a ti a, a va han thulo ber chiang em, "Ka tan a tha tur chu ka hre ve bawk, min hrilh kher a ngailo, khawi min pe rawh, i pawisa a ka lei pawh a nilo" tiin ka laksak nghal.




Inchung lamah chuan ka chho nghal nal nal bawk, thudik a hriat vang mai khan ka lakah that a chhuah a, tenawm lutuk, room ah chuan lut in ka thil lei chu khumah ka theh thla a, bathroom ah ka lut tlang nghal, ka in silfai leh te te hnuah khum lam chu ka pan a, mu nghal mai lo chuan ka thil lei chu ka phawrh a, youtube a thawnthu an chhiar te ngaithla pah chuan ka ei a, thei thur ka ei tel chak bawk nen thei te um ka lei chu ka seh hawng nghal zat bawk.




Thei ka ngaina ngai em em lo, mahse an sawi thin, rai lai chuan thei ei ringawt ah pawh midang kan huphurh tun zel an tih hi ka hrechiang telh tekh nimai hian ka hria, thei ka heh em em a, engtik lai pawn ka ei chak ti ila ka sawi sual lovang, a bik takin nimbu hi ka ei tam a, ka vun pawh a hma aiin a eng in ka hre hial, ka thiante an rawn len pawh hian thei hi min rawn len ngei zel a, kan ei lai te hian a ruk tak chuan ka lo huphurh ru thin em em kha a nia.




Ka kawngka in hawng thawm chu ka mang hriat ruai ruai a, mahse ka mit a chhuak lutuk, ka meng lui thei thlawt lo, reilote ah ka khum chu a rawn che a, ka sir ah pangti lum nuam zet ka hriat takah chuan ka tawlh hnai nghal sat sat a, mahse thil tih ve tak in min rawn kuah a ka hriat takah chuan ka harh chiang hle, thawh phan pawh awm eih lovin ka thu chhuak nghal hlawl a, a thim vek, mahse ka bulah tu emaw chu an rawn mu ngei alawm, tunge a nih ka hrechiang hle bawk.




"Hmela engvangin nge ka room ah hian i rawn luh?" ka ti tuar a, ka thinrim bawk nen zanlai a ni tih lam reng reng ka ngaihtuah theilo, "Naute, ka ngai che a, i bulah mut ka chak ringawt alawm" tiin a sen thu chhuak ve a, khum bula lamp chu a hmet eng nghal zeuh bawk, "Chhuak vat rawh" ka ti leh that, "Naute" tih paha min rawn ban mai a tum chu ka lo tawlh sawn vat a, a ni pawh a tawi ve chawt mai, ka chunga a chet dan zawng zawng hre tawh lo ang maia a rawn che ngam hian min ti thinrim takzet.




"Hetiang a awm tur hian dikna neiin i in hria em ni, zaktheilo lutuk, ka laka i chet tawh dan zawng zawng te hre lo der hmak a hetianga i la awm ngam hi i huaisen ka ti dawn zawk nge?" ka ti kha fak a, in thiam loh hmel takin min en a, a lemchan na bak a nih ka ring lo, ka bulah chiang takin a sawi tawh tlat, ka in chhir dawn lo a tihkha ka beng ah chiang takin a la ri nawn tlut tlut a, chuvang chuan he mihring hian lem bak a chang lovang.




"Chhuak vat rawh, i chhuak lo a nihchuan keimah zawk hi he in atang hian ka chhuak ang" ka tih leh chuan a meng buai nak a, "Nilo, he in atang hian i chhuah ka phal lo, a tha e, ka chhuak ang, mahse he in hi chu chhuahsan suh aw, ka ngen che a nih chu" tiin a tho chhuak a, kawngka lam a pan lai chu ka en reng, a lakah thinrim viau mahila ka mipa hmangaih kha a nih tlat avangin hetianga a awm mai hi hmuh hreawm ka ti ve tho.




Ka ngaihtuah na chu a buai ta map mai, he in a awm a Zosangzuala hi na taka siam ka tum kha a nia, mahse hetiang reng a nih chuan ka thei dawn lo tih ka chiang, a chhan chu tlawm taka a awm lai hmel ka hmu reng a nih chuan ka nem leh mai dawn a ka in hriat vang a ni, a rang thei ang bera he in hi ka chhuah san a tha ber zawk in ka ring ta, awm hrang ila engkim a awlsam zawk ang, hmangaih em em mahila a bulah chuan ka awm duh tawh lo.




A tuk zingah chuan hma takah ka tho a, Zosangzuala a chhuah rual in keipawh in pack fel nghal ka ngai dawn, he in ah hian ka awm reng thei tawh lo, thil a harsa mai mai dawn ka tih tawh kha, dar 10 a rik pawh chuan sitting room ah a la thu reng a, vawin hi hnaah kal a tum lo emaw ni, ka room ah chuan in khung in keipawh ka in pack a, ka zo thawkhat viau tawh bawk, tuna ka chhuak tut hi tlan satliah mai mai tur ni lovin in then hlen tura chhuak ka ni bawk.




Chhun dar 12 a rik takah chuan ka ril a tam tawh hle, in hnuai ah chuan ka chhuk a, Zosangzuala ka hmu tawh lo hlauh bawk, a chhuak tawh tih ka hrethiam nghal mai, ka thaw huai thei, choka a ka luh chuan tumah ka hmu chuanglo, khawiah nge Sangtei pawh hi a awm le, keimah chuan eitur ka in siam chawp a, thingpui leh chhang ka ei ringawt, thil dang siam nan hun ka nei tawh lo.




Ka ei na vel ka tihfel hnuah room ah bawk ka tlan chho leh a, ka thawmhnaw zawng zawng ka la la lo, tlem te chiah ka chhuah pui anga, remchang hmasa ber ah bungrua kan la bawk anga, chuta lak chhuah atan chuan ka ti ta ngawt, in hnuai ha chuan ka in khai chhuk a, Sangtei pawh a lo awm tawh, min hmuh chuan mak tih hmel takin min en a, "Enge i tih dawn?" a ti haw bawk, "Ka chhuak dawn, Zosangzuala bulah khan engmah lo la sawi suh aw, a rawn haw hunah chiah hre turin ka duh" ka ti a.




"Ngati teh thut nge, Zorin hetiang chu a ṭhalo a nia, tha takin in bia ula" mangan hmel tak chuan a rawn ti leh chul a, "Sangte kan nupa in kar chu i hriat ve vek tho kha, a rang lamin chhuak ila a tha zawk, khawngaihin Zosangzuala chu lo la hrilh suh aw, ka kal phawt mai ang, remchang hmasa berah hmu tur che in ka rawn kal dawn a nia" tiin kawngka lam chu ka pan a, min rawn zui ve zel bawk.




"Zorin, in ngaihtuah tha leh la ka van ti em, in then hi a tha ber lo a sin" ka bana rawn chelh chung chuan a ti a, "Ka hria, mahse keini chu awmdun tura ruat kan nilo alawm, i hriat kha, ka tuar hnem tawk tawh alawm, ka fa nen hian hlim taka awm ve ka duh" ka tih leh chuan ka kut chu a thlah riai riai a, taxi ka ve lawk tawh bawk nen gate pawn lamah chuan min lo nghak reng tawh a, "Ka kal tawh phawt mai ang, kan in hmu leh vat dawn a nia" ka hmanhmawh tawh bawk nen gate lam chu ka pan nghal nal nal a.




Taxi chhunga ka luh fel rual chuan in lam chu ka hawi leh a, ka lung a chhe thar riau bawk, Zosangzuala nen kan in kar a la that lai kha chuan saw inah sawn hlim takin kan la cheng dun anga, fa te kan nei anga, chhungkaw hlim tak kan la din dun ve ngei ang tiin duhthu ka lo sam ve thin kha a nia, mahse tunah chuan a tham ral ta vek chu a ni sia, ka mittui tla tur chu duh lovin ka hawi sawn vat a, driver hnenah chuan tlan chhuak turin ka ti nghal sep.




Kan in kawt zawn ah driver chu ka din tir a, chuan man te ka pek hnuah ka chhuak, doorbell chu hmet nghal mai lovin ka en reng a, engmah ka hrilh lawk lo hrim hrim, tunah chuan ka nu chiah inah a awm ka ring a, enge ka sawi ang ka hrelo, mahse Zosangzuala nei leh tura min ti a nih chuan heta tang pawh hian ka chhuak nghal nal nal tho ang, ka thaw chhuak ham ham a, ka thin chu a phu rang hle, ka nu mak ti hmel tur ka mitthla a, ka tah a chhuak teuh bawk.




Pawn lama din reng thu awm lo hreh tak chungin doorbell chu ka hmet a, reilote ah ka nu chuan a rawn hawng, kan in neih hnu khan an lakah ka lungawi loh avangin ka tlawh duh ngailo a, tun hi ka tlawh vawikhat na a ni, mak tih hmel deuh in ka nu chuan min rawn en a, ka luggage zawng zawng nen ka ni bawk nen a awm ve reng, "Bawihte" a ti sap a, "Nu" ka ti tial ruai, "Enge awmzia, lo lut phawt teh" tiin ka luggage chu a rawn la a, min kai lut nghal.




"Enge awmzia tinge bag nen te?" a ti a, "Nu.. ka tuar thei tawh lo, a hreawm emai" tiin ka nu chu ka kuah a, a hma kha chuan ka in sum thei viau a nia, ka nu ka hmuh takah chuan ka zuau thar ni berin ka hria, "Bawihte, tap suh le, i pa ka phone anga, chiang zawk in kan la sawi dawn a nia" ka lu a chul pah chuan a ti sup sup a, mahse ka tah chhuak a la reh chuang lo, hetiang thil hi a la thleng dawn tih hre lawk tho mahila a tak a a rawn thlen meuh chuan a hreawm takzet a ni.




Ka nu chuan ka pa a phone ta chuk chuk a, "Bawihte, I u leh i pa te an lo haw mek a, chiang zawk in engkim kan la sawi tha dawn a nia aw, tunah chuan han hahchawl rih la" ka nu chuan dam diai in a tih leh a, keipawh chuan ka lo hnial lo chiang kher mai, inchung ah chho in ka room thin an chuan ka lut a, engmah danglam a la awm lo, a fai em em a, ka nu in a tifai thin tih hrilh hranpa kher pawh ka ngailo, khumah chuan ka mu thla tawp a, ka pa hian pasal then hi a phal ka ring lo, mahse let leh erawh ka tum tawh lo bur thung.




Ka muhil thei chuang lo, ngawi rengin ka mu a, inchung lam chu ka en reng bawk, Sangtei khan Zosangzuala hnenah ka haw tih hi a hrilh ka ring lo a, tunah pawh hian a la hre kher lovang, a hriat rual rual in helam ah a rawn kal nghal dawn tih pawh ka hria, eng ang pawn haw turin min ti mahse ka haw dawn tawh lo, ka tawrh na zawng zawng te avang pawni khan let leh hi ka tum tawh lo hrim hrim ka tih tawh kha, ka chhungten let tura min ti a nih ngat chuan he in atang pawh hian ka chhuak nghal nal nal ang.




Ka pa te an rawn haw hnuah ka nu chuan min rawn ko a, in hnuai lamah kan in zui thla nghal, ka pa chuan min en reng a, ka u erawh in thil awmzia a hre deuh tawh bawk nen mak ti hmel pawh a pu lo, "Bawihte i nu in thil thlen dan tlangpui chu min lo hrilh tawh a, mahse nangmah hian han sawi chiang deuh teh" ka pa in a tih chuan ka thaw hak a.




"Zosangzuala hi pasal atan neih ka duh tawh lo" ka ti tawl a, "In in hmangaih viau a nilawm ni, ni e, in in neih hma deuh a thil thleng kha chu a ṭhalo ngei a, mahse khachu a rei leh tawh a, Zosanga lah in a ngaihsak em em che tih kan hre bawk a, Bawihte han ngaihtuah chiang teh, fa in nei dun tep tawh a nih hi, hetiang a rawn tlan ringawt chu thil tha ber pawh a nilo, puitling taka i awm a ngai a ni" ka pa chuan a ti dap dap a.




"Pa.. kan in kar ah hian thleng a tam tawh lutuk, chuvang chuan keini chu awmdun tura ruat kan nilo alawm, min ring rawh, ka fa hi chu keimah pawh in ka enkawl thei em em ang" ka ti a, "Pa a la mamawh dawn asin, Bawihte i la puitling tawk lova, chuvang chuan i la hrethiam lo a nihkha, tunah chuan i fa kha a rawn la piang lova, thil engkim awlsam turah i ngai mai mai a ni" ka pa bawk chuan a ti leh a, engpawh sawi ila a pawm mai mai dawn lo tih ka hria, Zosangzuala hian engtinge ka chhungte hi a lo hmin pawh hrelo e, ka pa chu chhang duh tawh lovin ka ngawi ta reng a.




"Engpawh nise nakin ah kan la sawi tha leh dawn a nia, Bawihtei pawh a chau ang, han chawl hahdam rawh" ka nu in a rawn tih takah chuan rang zetin ka tho chhuak a, ka u in min rawn zui ve nghal zat bawk, "In then hi i duh tak tak em ni?" Tia min zawh chuan ka bu zeuh a, "Min ring lo tu mipa bula awm reng hi ka peih tawh hlawl lo, hmeichhia vangin buaina kan nei fo te hi ka kham tawh lutuk, u hlim hi ka phu ve a sin, Zosangzuala bul a ka awm chhung zawng khan hlimna tak tak ka neilo hrim hrim" ka ti a.

Cont....

Vawin nileng in ka buai a, ka chau lutuk, tun chapter chu tawi deuh mai rawh se aw...