STORYFB.COM

KA HMANGAIH THINGTLÂNGPA






CHAPTER 31 (18+)





Ka tum lâwk ang ngeiin Sam-a rawn haw hma chuan Aizawl lamah ka chhuka, ngaidam tawh mah ila keimahah hmuh hrehna riau a awm tawha, mahse hmuh erawh ka châk en em tho. Ka haw reng tihna a nilo va, mahse kha chen kan in hmu tawh lo nen keimahah eng emaw ti taka hmuh hrehna a awm tawh, bâkah ka hmuh chuan ka insum zawh leh loh ka hlau.





“Bawihi MLA Liantluanga fapa khân nupui atân a rawn bia che a, enge i ngaihdan?" ka nu leh pa chu ka en nghal vata, thutak zeta min lo en avâng chuan an thusawi chu fiamthu a nilo tih ka hre chiang viau mai.






“Ka nei duhlo" ka ti nghal tâwnga, ka nu zawk chuan min rawn enin “Nei ngei la ka duh, mi hausa an nia, i tân pawh i nun nawmna tur a ni. Kha kalsan tu che kha neih i tum thu sawi hauh suh" a rawn tihchuan ka ner saka, engvanga an rilru lo thlâk nge an nih ni.







“Mipui rawka hausa saw keichuan hnaih pawh ka duhlo, an hausakna saw ka it lo, kan in châwm ve thei tho. Eiruk hmang chhûngkuaa lawi luh lah ka tum hek lo, ka nu duhtawk teh. A hma pawhin kan sawi vek tawh kha, Samuela ka hmangaihzia pawh in hria" ka tihchuan ka nu bawk chuan thinrim takin min ena.






“Mahni hmakhua pawh ngaihtuahna châng hrelo, min hnial reng reng suh. I nei ngei tûr a ni, miin min zah phah bawk ang, kha officer satliah ringawt kha chu sawi ve lo teh" a rawn ti leh hlak hlaka, ka nu a ni hi ka awih lo lek lek hial mai.





“A teuhlo, in fanu hmakhua hi in ngaipawimawh a nih ngai zawk chuan ka hlimna tur hmuna ka kal chu phal zawk tur in ni a sin; nakina lang chhuak leh mai tur a pâwnlanga miin an faka, a ruka an sel luai luai nih ai chuan mahni ngeia in tung ding thei leh ka hmangaih ni bawk kianga awm ka duh zawk. Officer satliah i tihkha chuan a thiamna ngei hmangin a sin a inziah tlin ni, i sawi kha chu a pa vâng chauh a nih kha, a pa MLA nimahse a ni a ni ve hleinem" ka biang chu a ri nghal sawka.







“Min va zah lo em em ve, i tâna ṭha tura kan tih chu pawm mai rawh. Kha mihring khân vawikhatmah a rawn ngaihven lo che, zahthlâk lutuk, duh tak tak che ni sela ngaihdam a rawn dil tawh ang" ka nu bawk a ni. Ka biang chu dawmin ka nui haka, rum tak chuan ka en bawk.






“Ka zah loh cheu ka hrelo, ka duh lohnaah min nawr luih in tum vâng zawk a nih kha. Ka hmangaih pawh nilo leh ka hriat chian pawh nilo neih ai chuan pasal neilova awm pawh ka duh zawk, Sama chuan vawi tam tak ngaihdam min dil alawm, mahse ka sawi lo mai zawk. In fanu duh lo chung nawr luih in tum hi in ti dik bik lo" tihchu ka sawi ve leh hrama.







Ka ṭah chu a chhuak ut ut bawk, sum avang ringawta an fanu min hralh an tum chu ka lâwm hauh lo “Nuntluangpui a tawk! Zaninah an rawn lêng dawna, ṭha takin lo kawm ang che, i nu nen hian i tâna ṭha tur kan ti tih hre reng rawh. Thingtlang mi neih ai chuan i tân pawh a ṭha zawk" ka pa pawh chuan a rawn ti ve a.






Engvângin nge min hrethiam duh miahlotu nu leh pa ka neih bik le “Ka nei ngai lovang, ka tâna ṭha tur in ngaihtuah hauh lo, in fanu hi sum avângin hralh in tum a nih hi, ka nei hauh lovang. In fanu ka nih pawh hi ka ring tawh lo" tiin ka room-ah chuan ka tlan luta.






Ka nu chuan min rawn au zui tuar tuar mai, bengkhawn duh lovin ka thawmhnaw tam zâwk chu ka suitcase ah chuan ka khung mawlh mawlha. Naktukah ka let leh nghal ang, ka neih duh loh thu ka sawi chunga min nawr luih an tum a nih chuan engpawh huamin ka chhuahsan mai ang chu.






Zânah chuan mi an hriatthiam loh nân MLA fapa rawn lêng te pawh chu ṭha tak chuan ka lo bia a, ka nu lah chuan a lo tlawn titih chu eilo zetin ka en leh ṭhin. Nu leh pa hrethiamtu ka neilo hi ka vanduaizia ka hre chiang awn awn bawk.






An MLA fapa chu a hmelchhia pawh a nilo, mahse a ze insawithei leh in duhtawk lutuk chu ka duh lo nghal pang. A chapo mah mah bawk, bâkah Samuela bâk ka nunah sengluh ka tum tawh lo, an haw hnu chuan ka nu chuan nei ngei ngei tûr chuan min tileha, engtin mah ka chhang lo thung.






A rukin ticket ka la a, zing hma takah ka chhuah duh thu ka sawi chuan a ni pawhin an chhuah hma ṭhin thu a lo sawia, Christmas dâwn hi chuan sumo pawh hi a tlân ngun leh zuala, driver te hi an chau thei ngawt ang ka ti.









Zânah chuan ka mamawh tûr ang ang chu inkhung fel sa in bank ah ka pawisa ka khawl vek bawk nen ka transfer tir mai ang chu. Ka duh miah loh pasal neih ai chuan an duh duh ka chungah timai rawh se, vai ho anga in hralh luih tih ang vel hi ka duh hauh loh thil a ni bawk.







Zîngah chuan an thawh hma in thawmdim taka tho chhuakin ka bungrua chu ka khai bawr laka, Sam-a te khuaah khân ka bungraw tam zawk ka dah bawk nen ken tur ka ngah lutuk tawh lo hlauha, taxi la in Counter lam pan chuan ka indah tîr zuia, ka chhûngte thawh hma ngeia Aizawl hi chhuahsan hman ka duh a ni.







Ka phone vel pawh chu ka switch off hmaka, kan tlân chhuah ṭan tâkah chuan ka thaw huai mai. School naupang mas hmang tura mahni khuaa haw tum ho nên chuan kan ṭhu ho a, pahnih chu Sama te khaw mi an lo ni ve reng mai, in be bawrh bawrhin kan titi hlawma. College an kal ve mek a nih hmel.









Ka phone chu kan chhuah tirh ata ka la on miah lo bawk. Sama ka hmu ngei anga, engtin tak in hmachhawn ang maw? A bulah kan chhûngkaw chungchang erawh ka sawi angem ka hrelo, kan in be kher angem tih pawh ka la hre silo.







Zân ah khua chu kan thlenga, Manuni bâk engmah ka la hrilh lem lo. Ka in luahah ngei chuan lût lehin ka hawi kuala, tûnah chuan keima tâna ka nun ve tawh mai a ngai ani. Tumah ka tan an awm thei lova; chuvang chuan keimah tal hi ka tana nun a ngai tawh a ni.








“I rawn kîr leh a nimaw?" ka hnunglam aṭanga mipa aw rawn chhuak chu ka hrechiang viau mai, ka inher ngam lo. Ka ṭah a chhuak ṭun mai, a aw ka hriat lohna chen pawh ka hre tawhlo, ka ding khawng renga. Ka suitcase vel chu ka sirah chuan an let bal bawk.





Engtin nge ka kîr leh tih a hriat? Manunin a lo hrilh a ni ngei ang “Min la hmu duh chuang lo em ni? Min lo nghâk rawh ka tih che kha" a rawn tileha, ka chhâng chuang lo. Ka mittui erawh a luang zung zung thung, amah avangin ka na a, amah avâng bawkin ka chhûngte ka do leh chu a nisia.






“Ka lakah i la thinrim viau tiraw? Ka dem miah lo che; mahse ka ngai lutuk che a sin" ka hnung lam aṭang chuan min rawn kuaha, ka in pet fan fan mai. Mit ka chhingaz ka mittui chu ka biangah a luang thla nghal ngiai ngiaia, a rim ka hriat fo ṭhin pawh kha a la dang lo, a taksa lumna pawh, a awm pharh darh nghen nuam ka tih ṭhin em em te chen chuan an la ngai vek.







A lamah min kuai hera, ka mit ka la chhing tlat thung. Ka mittui chu a rawn hru hula, “Khawvela ka hmeichhe hmangaih ber, kei mipa â lutuk hi min ngaidam thei angem? Hmangaihtu ka tina a, ngaihdam tlak ni lo mah ila, vawi sarih hmun sawmsarih ngaidam tur a min ti tu avâng pawh khân min ngaidam ve thei angem" tiin ka chalah chuan a chal a rawn nghata.







A thaw lum ham ham te pawh ka hre chiang viau mai. Ka insut nghal hraiha, “Shhh....ṭap suh, rei tak ka tihnat che avângin min ngaidam rawh aw, min hrem rei tawh i ti ve lo maw? Kumhnih chuang ṭêp min hrem tawh a nia, khawngaihin min ngaidam thei angem. Kha hmeichhia kha nang ai ṭha ka ti miahlo, i thik nân a nihkha, kha tiang thu ka sawi kher pawh kha ka at luat vâng leh ka hmangaih em che avânga chân che ka hlauh vangah min ngaihsak hram ta che" arawn ti leha.







Meng chhuak riai riai in rei tak ka hmuh tawh loh mipa chu ka ena, ṭhenkhat tân reilo viau mahse ka tan erawh chatuan tluk zeta rei a ni. “Min tina tawh suh" tih zawng sawiin a nghâwngah chuan ka kuaha, a ni erawh chuan min chawi nawlhin a taksaah chuan ka bet ṭai ringawt.







“Ka tihpalh, ka ngai lutuk che. Biak che ka tum fo a; mahse min block ta vek mai si a, i hmêl pawh ka hmu thei tawh silo, ka â vek ṭêp a sin" a tihchuan ka ngawi renga, a âwm nghêng chuan ka thaw hle hle ringawt.





Chutih lai chuan a phone a rawn ri a, a en nghal vut mai. A chhûngte lam an nih avâng chuan a la zuia “Engmaw?! Ka lo haw nghal ange" tiin phone chu a dah zuia, ka en nghâl ha mai.






“Ka pi a zual thuta, ilo kal ve duh em?" a tihchuan mak ka ti deuh, a hma khan a ṭha viau sia. “Tunlai chu a nun a chak lo ta riaua, kan vêng deuh chawt tawh" a tihchuan ka bu nghata “Ka lo kal ve ang, hei chu tihian lo awm mai rawh se" tiin ka bungrua ho chu ka en zauha.






Bu nghatin kan inzui chhuaka, kawngka te chu kalh felin ka kuta kai chuan an in lam chu min panpuia, tûnah chuan an in sak pawh an zo fel vek tawha. A pâwn lam aṭang ringawt pawhin a lian viaua, an inchhûng erawh vawikhatmah ka la hmu lo thung, kan inṭhen lai vêl a ni bawk nen an vêng lam pawh ka kal ngai meuh lo kha a nia.







An inchhûng kan luh chuan a ropui ngei mai, Aizawla kan in ai a changkang fe zawk, a zau ṭha hle bawk. Mi chu an lo awm nuala, chutia Sam-a nen kan inzui lût chu min lo en ṭhapa, a nuam lo duh ngei mai, Valpuia te ho chu an lo awm vek tawha, an bulah Sama chuan min kalpui in a ni erawh room lamah a lût zuia.







“In in sawifel thei maw? Ka hrilha" Manuni chu ka bengbulah a rawn phun sar sara, ka chhâng lemlo. Engmah kan sawi hman lo kha ania, mahse a hma ang chu kan ni tawh dâwn lo tih ka hria.






Sama chu a rawn chhuaka “Min lo zui ta che, ka piin a hmu duh che a" a tihchuan mak ka ti ru viaua, mahse engmah sawi lo chuan ka zui luta. Khum bulah a pu chu lo ṭhu in pi Dami chuan mu chungin min lo en renga.







“Hetah lo kal hnai teh Nunu" muangchang chuan ka pan hnaia, ka kut chu a lo vuan nghal chat mai. A mi khawih dan aṭang chuan tha a nei lo hle tih ka hria, a kut chu a chêr riak bawk nen hmuh loh kara a lo danglam chak lutuk chuan min ṭhawng takzet.







“Min ngaidam rawh aw,ka tupa hian Aizawlah khan rawn zui che a tuma, ka lo dang a" a tihchuan a ngaihna hrelo tak hian ka hawi kuala.



“Sangpuia hnên aṭanga in inkar a hriat chian hnu khân rawn ûmzui che a tuma. Mahse Mary vâng khan ka danga, mahse ka lo tisual a ni, ka tupa hian nang chauh hi a hmangaih che a, hmeichhe ngaihsak ngai reng reng lovin ti taka a hmangaih che hi amak pawh ka ti" tiin a nui saka.






Sama leh a pasal lam chu enin “Lo va chhuak lawk ta che u, hmeichhe pahnih hian sawi dun tur kan nei e" a tihchuan Sama chu min ngaihtuah deuh tak chungin a pu kai chung chuan an chhuak duna.







“Ka tupa hi ngaidam rawh aw, a pu nen hian kan dam rei pui tawh dâwn lo tih ka hria, nang chiah hi a neih chhun i ni tawh dâwn" tiin ka kut chu a hmer vang vanga “Chutiang sawi suh, rei deuh in dam pui dawn alâwm, Sama pawhin ala mamawh em em cheu a" ka tihchuan a rawn nui saka.








“Nilo e, ka dam rei tawh dâwn lo tih ka hria. Chuvang chuan ka damlai ngei hian ka tupa hi ka ngaihtuah lutuk loh nân i kutah ka hlân ania, a nu leh pa in an kalsan khân a tuar em em a, tumah a hnaih ngai lo. A ṭhiante hi awm lo phei se chuan hetiang hian a awm thei kher lovang, a mal thei em em a, ṭhian han kawm ve tak mahse an hnem zo tak tak lo, a pu nen hian kan en fo a, a mahte a awm a chinga, kalsan leh mai a hlauh avangin tumah a hnaih ṭha duh ngailo, a pu nena kan kalsan a hlau lutuk kha a nu leh pa thih hnu lawk khan kalsan ve ngailo turin min ngên a" tiin a châwl data.









“Ka tupa hi luhlul tak angin lang mahse a chhûngril erawh a nem em em a, mahni a awm ṭhang a nihna leh kalsan a hlauh na hian i lakah pawh mak tak takin a khawsa fo tih ka hria, dik tak chuan nang hian a ni hlimna pe ni, i rawn lan aṭangin a nui tam em em a, mahsela in inkar a han buai chiah kha chu biak pawh a har a sin. Ka tupa hian chân che a hlauh lutukna lamah i rilru a tina ang tih ka hria, mahse nang lo chu neih a neilo tih hre rawh aw, a pu nen hian kan dam rei pui tawh dâwn lo, ka tupa hi mal taka awm turin ka phal lova" a mittui chu a rawn luanga.








Keipawh ka kûn ngar mai “A pu nen kan kalsan leh phei chuan amah mai a ni tawh dâwn, a putea te nen hi chuan an in pawh lem lova, chuvang ania kalsan ka hreh em em nachhan, a mal tawh dawn lutuka. Amaha hringnun hmang tur chuan ka ngaingam lo a ni, Nunu a lakah i thinrim anih pawhin ngaidam la, i chunga a thil tih zawng zawng kha chân che a hlauh luat vang tih hriat sak hram rawh aw, a pi leh pu bulah pawh a harsatna a thlen ngai lova, mahse kan tupa hian a hmangaihna che avanga a chet dân zawng zawng hi kan hmuhhmaih biklo, nang i awm phawt chuan kalsan mah ila ka ngaihtuah lo" tiin min rawn ena.










“Min tiam rawh, kan tupa hi i vuan reng thei angem? I hmuh ang hian fahrah mai a ni a, kan awm loh hunah min lo enkawl sak thei angem, a mah mai chuan kal thiam har a ti dâwn lutuk" a tihchuan a kut chu ka vuan leta, ka ṭap chhuak hak bawk.







“Ka tiam a che ka pi, i tupa hi ka kalsan ngai lovang. A kiangah ka awm anga, a dar lehlam ka ni anga, kan thih hma chu ka thlah ngai lovang" ka tih tâkah chuan thlamuan hmel tak hian a nuia, Sama an ngaihtuahzia leh an hmangaih zia ka hria a, chu chuan min hneh takzet bawk. Ni e, an kalsan hunah Sama mal tur chu an ngaingam lo tih ka hria.







Room aṭanga ka chhuah chuan Sama chuan min lo pan vata, ka nuihsak ringawt.He mipa neih chhun hi ka ni a, kei tal chuan kalsan ve ka tum ngai lovang.







Pi Dami chu rin ang ngeiin rei pawh min dampui lo in a boral zuia, Sam-a tuar lutuk ber chu a khawngaihthlak takzet,a pi ruang pawh chu a kîl ṭha duh meuh lova, mahse ka tihluih tlat avângin an phûm hma chuan a ṭhu ve rana. A mittui a tla lova, mahse a hmêlah erawh a tawrh zia a lang thei, a pu phei chu a ṭapa, an nu hmai chula a ṭap ri chuan mipui rawn kal khâwmte mittui a ko chhuak chiang hle .








Keilah ka bang lo, Sama kut chu mi hmuh loh turin ka huma, ka ṭap ve zawih zawih tho. Nupa ṭang ṭhen chu ana an ti ṭhina, dar leh lam sahthlak an lo tih fo chhan pawh ka hrethiam lehzual in ka hria, pu Hluna chu ka khawngaih takzet.







Thlanmual lamah chuan inzui hlawmin Sama bulah chuan ka awm tlata, zah a lâk chi a nilo tih ka hria, tûnah hian min mamawha. A kiangah awm tlat ka tum bawk, thlân chhunga an thlâk thlak lai chu kan ena, ka mittui a tla ve zawih zawih mai. Kan hun tawn danglam ta lutuk chuan mumang mai chang se tih chu ka ngaihtuah fana, mahse a ni silo.








Mipui an hawa, thlân chhilhtu an la awm tih loh chu kei leh Sama chiah kan ni. A pu erawh midangin an hruai haw tawh thung, Sama chu ngawi rengin a awma, a melh ngai a melh tlawk tlawk mai. Thlân chhilh ho in an zawh rual chuan an rawn thlamuan sap sap hlawma, a ni erawh a ngawi reng thung.








Mi an haw rem tâkah chuan kan pahnih chauh chuan kan awma “Sam, i pi chuan vânah natna awm tawh lovin i nu leh pa bul aṭangin a lo thlir reng dâwn che a lawm, i tan ka awm reng dâwn a nia" tiin a pi thlânah chuan ka ṭhut thlak puia.







“An ni tal chu ka kianga awm turin ka dil ṭhin asin, ka pu hi kal leh se engtin nge ka awm ang? Ka enkawl ve thei dâwn chauha, in thar kan luah luhna pawh a rei hmain engvângin nge min kalsa? An tupa hi an tello in engtin nge ka awm ve tawh ang? Ka nu leh pa ka chana, ka pi hi awm lo se tûn dinhmun hi ka thleng ngai lovang, tar chak lo tak an ni tawh chung khân rual ka awh hlau reng rengin an theih tawkin an inhlawh vea, ram lamah feh ka phal lo chung te khân min ngaihtuah avângin chak lo tak chung pawhin min zuia, a tello in ka pu hi engtin nge a awm ang? Ka enkawl thiam dâwn lo" tiin a mittui chu a rawn luang ve ta.








Insut hlawp hlawpin ka kuaha “I enkawl alâwm, an chhuang lutuk che a sin, nangmah in dem suh aw. Pathianin a hnêna hruai a duh tawha, hahdam taka a bula awm turin a duhzawk vâng alâwm," hnem dân vak ka hre biklo, bakah a thusawi te chuan keimah zâwk chu min tilungchhe zuala, ka mittui chu a luang zawm reng mai.








“Ka hria alawm, mahse mal tak tura min hnut chhiah hi ka hrethiam theilo, an tupa hian an thurâwn ka la mamawh asin" min rawn kuahin ka nghâwngah chuan a hmai a phuma, ka nghawng chu a lum nghal pap pap mai, a ṭap khur dar dara, ṭah rik erawh a duh hauh lo thung.







Keipawh chuan kuah nghet sauhin ka inpet fan fana, hnem har ka ti a. Hnem dân ka hrelo lutuk chu ka inhaw hlur bawk, a hnungah chuan ka chûl saka, a bâk tihdan tur ka hrelo.Ka tawrhpui takzet tihchauh lo chu.







Reife kan awm hnuah ka haw pui thei hrama, zanlama YMA programme ah pawh in chhûngah awm a duh loh avangin ka in lamah ka awmpui tawpa, a pi thlahnana an thusawi vêl angaithla ngamlo a ni ber, ka hrethiam lutuk tho,a tân a pi a awm tawhlo tih hriat chu a nat tur zia ka hailo, a puteate ho in inlam chu kan lo buaipui ang an tibawk nen ka hruai haw tawp kha ania, mi pawhin hrethiam takin an enliam ve tawpa.







Ka khumah chuan muttirin a nipawh chu a mit chhingin a thaw hle hle a, ka mal ah a lu nghatin a lu an chuan ka chulsak heuh heuh ringawt.







Zan a rei tâkah chuan haw pui tumin ka kai tho dawna, a duh tlat lo. Ka be ṭawng zo bawk silo nen a bulah chuan ka mu thla leh lawka “I pu a khua a har dawn asin, haw ang aw, i pu in a lo ngai tawh ang che" ka tih tâkah chuan a duh ve hrama.








Hruai haw in a puteate pawh chuan an lo buaipui zung zunga, tlangvâl in riak tur pawh an ṭhahnem hle mai. Mi ṭhenkhat tena a pu pawh a dam rei an rin loh thu an sawi ri ka hriat leh ṭhinte chu ngaihthlâk hrehawm ka ti a, mahse pu Hluna awm dân ka enin awih loh chi ngawt lah a ni silo, an mahni an kum a upa tawh bawk nen an thusawi chu a rinawm ve tho bawk si.








Ka haw tur chu Saman a phal tlat loh avangin hmeichhia an awm lo bawk nen Manuni te ho nen chuan kan riak ve ta tawpa, an ni pawhin an tawrhpui zia thu chu an sawi ve sap sap bawk.








Hun a liama Sam-a pawh tlêm chuan a zia ve deuh ṭan tihah rin ang ngeiin a pu in a kalsan veleha, kei ngei pawh ka ṭap hawm hawm lo theilo. A lunglêng bawk nen rinsa nimahse a taka han tawn leh chuan Sama ber ka ngaihtuah, chaw pawh a ei duh lova, zânah lah a muhil mai thei heklo.






A bulah ka awm chawt a, a hnalam pawh hrethiam takin chawlh an pe a, a thawhpui ho pawhin an rawn ral ve bawk. Mahse amah ber hetianga a awm tlat avangin midangin an lo chhâwn zêl thung.







“Sam tirawh chaw ei tawh ang" tiin kaihthawh ka tuma, a duh leh tlat lo. Nihnih lai mai chaw a ei tawh lova, a hmêl pawh a tla dâwk tawh. “Sam khawngaihin chaw ei ang, hetianga i awm reng hi i pi leh pu duh dan pawh a nilo ang, vân aṭang an lo thlir ang che anga, hrehawm an ti dâwn asin. Khawngaihin chaw ei rawh aw" tiin ka ngena, ala ngawi reng mai.







Ṭap chungin a awmah chuan ka beia “Hetianga i awm reng chuan keipawhin ka ei tawh dâwn lo ania aw, min neih tur thu min tiama, hetianga i awm reng chuan kei hi keimaha min kalsan ve i tum em ni?" tiin ka ṭapa, ka kûn ngar bawk.








Amah vanga rilru hah sa nen ka nu leh pa lah chuan thinrim zetin an fanu atâna min pawm tawh loh thu an rawn sawi anih kha, engtin nge an fa, an ril a rah ngei chunga khatianga an rawn tih theih zawk ni. Ka rilru na nen Sama lah hetiang hian a awm tlat bawk si.






“Chaw chu kan ei dawn lo em ni?" a rawn tih avang chuan ka ngaihtuahna aṭanga harh in ka en chho ha a, min nuih sukin a tho chhuak nghal vat mai.







Nui hakin ka mittui chu ka hru hula, a kut chu vawn sakin room aṭang chuan ka chhuah puia, midang chu an lo thaw huai hlawm mai, chaw chu ei dunin a ni pawh a ei tam lutuk lo na chu a ei duh hrim hrim chuan min ti lâwm.







Zanah chuan a room-ah awm dunin kan titi a “Palai chu ka rawn tîr tawh mai dâwn em ni?" a tihchuan alam chu hawi vatin za lo zet chuan ka ṭhensaka, “Sam, ka nu leh pa te chuan min duh tawh hleinem" rilru na leh zak bawk si chuan ka mit ka chhinga, ka rilru nat rukna chu a rawn tho leh chiang hle.






“Enge i sawi awmzia?" a tihchuan za lo taka ṭhensakin “MLA fapa min neih tir an tuma, ka hnial a, min neih luih tîr an tum avangin duh lo in hetah ka rawn leta, a chhan pawh nang lo neih ka tum loh avangin; chu chuan an thin tirimin min rawn tuithlar a nih kha, min iai phah em? Palai tir tur pawhin nu leh pa ka nei tawh hleinem" tiin rilru na zet chuan ka ena, a thaw hak mai.








“A pawilo, heti hian ka nupui i ni thei tho a lawm. Pathianin min hriatpui chuan a tâwk mai, kan ṭhiante naktukah kan hrilh mai dawn ania, kan inru anga a nimai a lawm, nu leh pa telloa Biak ina inneih pawh i tân a nuam dawn lo, miin sawi tûr an zawng leh anga nuam i ti dâwn lo tih ka hria, an rem tih loh miau chuan kan inru mai angiang chu" tiin tukverh aṭang chuan a dâk chhuaka.









A thusawi chu a dik tih ka hria, Kohhran danin innei dâwn ila ka nu leh pa in an rem ti miau silova, kan chhungkaw mualphona tur a ni dâwn tih ka hria, “Van chu a mawi hle mai, ka chhungkua te chuan keimah chauhin min hnutchhiah chu a ni ta sia" tiin a ṭhen saka.







“Nangmah chauhin i ni hleinem, Sam keipawh min nei alâwm" ka tihchuan min rawn enin a nui saka, min kuah nghet sauh bawk.








“Ni e, an ni chu an hlim tawh alâwm, ka enkawl ve hman ta lo erawh a pawi ka ti, tupa laktlak loh ber an nei a ni. Tûnah te hian la dam se chuan i chungchângah pawh keiai ruahmanna siamdan an hre zawk tur, ka hua a mahse ka ngai tho si, an tupa hian puitlin tih ka nei dâwn lo a nih hi" tiin a phun sap sapa, a hmela lunglenna leh khawharna rawn lang chu ka hmuh hmaihlo.







Ka lamah rawn hawiin ka hmuiah chuan a rawn fawpa “Nang chauh ka neihchhun i ni tawha, min kalsan ngai suh ang che" tiin min pawmin khum lam min panpuia, dan pawh ka tumlo. A chet dân reng reng chu a cool raiha, a mitmeng dul raih leh pa tak si a min en te chuan min tidanglam thei nia.








Ka thawmhnaw chu phelhin ka hnute vêl chu a ṭham ṭawka, ka thaw hak mai. A samah chuan ṭhamsakin ka pawt hnaia, a hmuiah chuan fawp in ka pawm beta, amah zawk chuan muangchanga chet rawn la in ka taksa chu a play kuala, ka thawk thlengin a rang lutuk tlat.








Ka thawmhnaw zawng zawng a phelh takah chuan a rawn vawt ser ser mai, a mitmeng cool raiha min enin a inphelh zuia, amah mamawhna hlirin ka khat bawk. A lungngaihna chhâwk ka duha, ka ta chiah nise ka ti bawk, a mipatna in ka hmeichhiatna a rawn nawr takah chuan thaw ham hamin ka lo ngaichanga, pawi tihna pawh ka nei tawhlo.








Ka mitah tak en chunga a rawn luh tâkah chuan au ṭhatin a bânah chuan hmer sakin ka mit ka chhing zuia, na mahse a chet dan muang raih chuan min hneh lutuk tlat. A rei tâkah phei chuan kuah nghet sauh sauhin a dar vêlah chuan ka seh saka, ka taksa te chu a rawn sa pup pup bawk.







Khur dar darin ka kuah nghet suah sauha, kan pahnih khawvela cheng dunin ka rilru hahna te pawh an bo duak ni berin ka hria.







Zînga ka harh chuan min lo en renga, ka lai ṭut mai, nui seihin puan chu ka pawm khawma. A ni erawh a awm dân ngaia awmin min en reng thung; min tih laih a tum emaw ni?





Lei chhuah zukin thawh mai ka tuma, a phal tlat lo. Min kuah betin a âwm an chuan ka bei thana, a lungphu dat dat pawh ka hre thei “Tunah chuan ka nupui i ni tawh ang" a tihchuan ka nui ver ver ringawt, Biak in hawng ngeia inneih duh viau mah ila kan nu leh pate an hel miau si a, he kawng lo hi duhthlan tur kan nei lo, remti mai se chuan hetiang hian kan awm kher lo bawk ang.






Engkim a nih tur ang a ni vek tawh a, ka inchhir tur a nilo, tihchuan infuih sauh sauhin Sama awmah chuan ka bei thana.






ZAWMNA





“I mutui em?" a rawn tihchuan lai zet chuan ka “Um" ringawta, a rawn nui hak mai. Nizâna thil thleng kha inchhirna pawh ka neilova, mahse ka zak ve viau thung. A kut lian pui chêt kual tira ka kut tetakte a rawn hum hnan lai te chu ka mitthla zawng hian ka la mur chum chum thei.







“I taksa kha a na viau em?" a rawn tih leh phei chuan zak tawh tak ka ni. Rizai chu ṭham vakin ka inkhuh titiha, a ni lahin ka lai awm dân vel chu hmuhnawm a ti zawk emaw ni; a hawisawn duh der bawk silo, “Sam min en reng suh" ka tihchuan rawn che phutin ka chungah chuan a rawn bawka.






Ka kut chu ka lu chungah dah chho in a kut pakhat chuan a chelh bet rana. Phawk deuh taka ka en chu min nuih ver ver zuia, chu a nui hmel mawi lutuk chuan min ti tuiral lo chauh a ni, chil lem khalhin a hrawk bawk a chil lem zawnga che ralh chu ka ena, tûnah hian ruak ve ve in kan la awma, chuan ka hmu sexy takzet bawk.







“Nupa kan ni tawh tih i hria tiraw?" tiin ka beng vel chu a rawn seh leh ner ner ṭhin. Ka thaw hak hak mai, ka biang leh nghawng vel a rawn nûl phei chuan za ka ti lutuk chu ka taksa ka kân leh ak ṭhina, “Sam, eng thil nge tih i tum?" ka ti thâm chhal mai.






Ka hrawk a ro hulh hulha, ka chil ringawt chuan ka dang chu a ti hnawm zo lo, ka taksa mur er er reng leh za chuai chuai chu engdang nilo in Sama ka mamawhna avâng tih ka hria, ka in pet fan fana.






A nilah chu tâwp a tum der lo, a duhthawh tual tuala a tâwp lamah phei chuan hnuai lamah insawnin a kut leh hmui hmang chuan nawmna min pe nawn awn awn a ni ber mai. Ka thaw chhuak hak haka, insum theih pawh ani tawhl; amah mamawhna hlir chuan ka khat.






“Ka mamawh lutuk che, min kalsan suh. Sam khawngaihin tawp suh" tiin ka lamah chuan pawh chhauh tumin ka kuah ṭâwk ṭâwka, in hi concrete a nih bakah rooma awm phei chuan thawm a inhriat theih meuh lova, chuvângin tumahin kan thâwm an hriat ka ring lo.




Ka thâwm erawh ka dim ve viau thunga “Min nghah tîr tawh suh, ka mamawh che tih i hria" ka tihchuan rawn dâk chhuakin min nuih saka, ka chunga rawn bawk chuan a insiam rem nghal zat bawk. Thawk la ham hamin ka lo ngaichanga, hetiang hian ka awm ang tih pawh ka ring pha ngailo, mahse ka awm mek chu a ni si.






Muangchang hian ka taksa ah chuan a rawn lût zui leh riai riaia, zan lam ang em em kha chuan a na tawh lo bawk. Kan mit chuan kan in en tawn ngar a, a mitmengah chuan hmangaihna leh duatna mitmeng ka hmuhsak thei, a hnungah chuan kuah nghet sauh sauhin ka theih tâwp chuan ka lo pui vea.






Ka ka ang chuan ka rum chhuak leh hak ṭhin, kum chuang kan inkhawih tawh lova. Kan inhmu pha hek lo; chu chuan kan pahnih boruak chu eng emaw ti tak hian a ti sosang ka timai, a ni pawh a bâng bik lo. A tawpah chuan zo dun in kan in kuah hle hle a.







“Ka hmangaih che" a tihchuan ka nuih sen sen mai, a tukkhum samah chuan ṭham sakin “Keipawhin ka hmangaih che misual" tisapin ka mu thla hnaka, ka sirah chuan rawn mu thla ve in min rawn kuaha.







“Kan tho dâwn lo em ni?" tiin ka en ha a, lu thing mût mûtin “Nupui ka ru thara, thawh hma ka tum reng reng lo. Bâkah kan chhûngte tho kim phawt rawh se, kan inru tih an hriat hunah an chêt buai lutuk loh nân kan nghâk deuh dâwn a nia, putea te hi ka chhungkaw neih chhun an ni tawh mai a, an ni chuan an pawm ngei ang che" a tihchuan ka awih thlap.







Min ngaina in an fate chen khân min nel em em vek tlat a ni. A taksaah chuan bawk kaiin a awmah chuan ka chûl sak hliau hliaua, a ni pawh a thaw hak mai. A lungphu dat dat hriat te chu a nuam ka ti, kumhnih chhûng zet ka tawh tawh loh taksa han tawh leh tâkah chuan ka mumang a ang rum rum te hian ka hria.








“Ka ngai thei lutuk chea, block che kha duh lo mah ila kha hmeichhia nena in awm dûn tur kha ka hmu thei ngang lo a ni. Nang lah chuan min haw em em si a, bâkah ka thusawi i ngaithla duh miah lo kha ka thin a rim bawk" tiin ka phun sap sapa, ka kut chu rawn hum betin a chuk zauha.







“Mary kha ka hnaih tawh hauh lo, i laka thik tir nan chiah khan ka bia a, mahse hna a kan kir hnu kha chuan ka be tawh ngailo, ka hnuaia thawk a nihna ang leh nau anga ka en avangin helai hmuh a châk nen ka rawn hruai haw ve mai mai a nih kha, ka tihpalh tûnah chuan tu hmeichhia mah nang tihnat nan ka hmang tawh ngailo vang, ka taksa pêng i ni a, nang chauh hi ka nupui atana ka thlan i ni tih hre reng rawh" ka hnungah chuan a chûl hliau hliaua.






“Ka ngaidam hram ang che, mahse tinawn leh tawh hauh suh. Ka ngaihdam theih loh che chuan vawitam min ngaidamtu Pathian duhdan nilo in kan awm dâwn tihna a nia, Police i ni a, nang pawh dikna chauh ṭan ang che. Mi hausa leh thil tithei an nih mai avangin man hreh ngai suh, mipuiin an hre tho tho, tualthahna phei chu fimkhur fo la, tunangah mi rethei rap betin an nunna hial an lâksak chung pawhin mi hausa an nih chuan dân pawh in awmzia a nei tawhlo, pawikhawih loh nen a inang reng, dân kan ngah lutuk na lamah kan buai ta fo a, nang erawhin thudik chauh ṭan tlat zêl ang che" tiin ka thiam tâwk chuan ka fuih ve a.








A ni pawh chuan a pawm hmêl viau mai, “Nupui ṭha tak i ni dâwn tih hi ka hriatna a rei tawh a sin, i hna hi i bansan mai dawn nge. Ka chhuh vat angai ve tawh sia, awm hran ka duh vaklo" a tihchuan a ngaihdan chu a dik ka ti ve tho.






Mahse hna nei ka ni ve miaua ““Ni love i khua leh tui ten min mamawh alâwm, bakah i chawlh hunah ilo haw zêl thei tho a, hetah ka lo nghâk ṭhin ang che" tiin a hnungah chuan ka bensak thek theka.




NAKTUK ZANAH CHAPTER THAR