CHHUNGKAW CHHEHCHHAWL NULA BY Engtea Fanai (Completed)

[ngaia]

Bung 34
Nui Pov ah let leh ang aw:
Christmas kar a ni a, U Mami’n Online Shoping min siam sak hlauh a, ka sumdawn chak zia a hria a, enge ka an reng tih a hre duh a niang, Ka han ti chhin vel te chu nuam hi ka ti em em a, thil an rawn order te chuan ka phur hi a ni tawp mai, ka Ig acount pangngai chu ka hman tawp avangin Ka online shoping hming tur chu official a, neih ve ngei \ha ka ti bawk si, a hming tura ka thlan ho chu Anu leh ka \hianten an lo duh lo zel bawk si, ka ning lutuk chuan Chhehchhawl Online Shoping ka ti ta ringawt a,Min pawm pui leh thlap ang lawi a.



Mahse chhinchhiah a awl phian a ka hriat avangin keipawhin lungthlu takin ka pawm ve ta thlap a, beisei ang chuan thil a kal zung zung lem lo na a, a khat tawk chuan rawn order hi an awm ve leh khauh zel a, Ka \hiante pawh chuan min phur puiin nuam kan ti tlang ngang mai, Mahse ka thlalak hi \hing an ti thei lutuk a, an duh dan ka duh bik si lova, kan inhnial leh hrep zel a, Keichuan a ori pic ngei hman ka duh \hin avangin keiman thla ka la \hin a, Christy chuan I lak dan a mawi lo thei si, light te kha setup ve deuh \hin la, nutling thlalak dan a ang thei lutuk a rem dan danin I la ringawt zel a rawn ti, Rami lahin khatianga nangma lak a nih chuan order I hmu lo ang, I thil zawrh ang kha Google ah downlod la chung ho chu pho chhuak zawk rawh a lo ti ve bawk.



Ah,, kan sawi thui chuan kan inhnial dawn zel a buaithlak, U Mami \hiannu Dawr ami hi Wholesale rate vekin kan la \hin a, Tin, keimahni lak ni lem lo pawh kan pho chhuah sak a, duh an awm chuan kan deliver a, chuta \ang chuan Anni’n hauh zat an nei a, a bak zawng chu ka chang tawh mai \hin a, nikhatah 2000 hlawh chang te ka nei a, Nuam ka ti tawp a ni mai. U mami hian a chhuah pah ten min deliver sak mai \hin a, Tin, A scooty hi ka chang deuh tawp a ni mai.
U Mami chuan min \an pui hle a, eng nge ni a hriat ni, Eizawnna ngialnghet ni ngei turin bei ang che min ti reng a, \hahnem pawh min ngaih pui khawp mai, ngaih te pawh a ti \ha lo rum rum zawk. U Hriata te hna an chawl tawh a, Aizawl a rawn thleng ve leh tawh a, ani pawh a rawn leng deuh reng a, a rawn len \um chuan kalo tir a, a chang leh thil ka deliver tir a, kan hlim dun ve viau a, tuna ka nun chu nuam ka ti tak zet a ni.



Zan khat ka mu chu ka followers an rawn pung hluai mai a, 1k lek ni \hin kha 10k lai a lo ni a, ka lawm lutuk chu ka harh ve leh chuan ka au chiam a, U Mami te an rawn harh a, an hrilh hai hle nghe nghe a, a chhan ka sawi chu Anu chuan min lawmpui viau a, a \ang ve thei lutuk a, mi kiangah te hian follow tur hian a lo ti ve leh tawp zel a, Mahse Anu followers hmuh ho ve hi chu bazar nu velho an ni tlangpui a, thil hi an rawn chah loh hmel thei lutuk a, mahse min \an pui ve hrim hrimnaah chuan ka lawm viau thung a.



U Mami chuan nimin khan Bena kha ka hrilh a, a rawn shoutout a ni lo maw a rawn ti, Bena hi ka sumdawnna hi ka hrilh duh lova a chhan pawh a lakah hian ka lungawi lo va, ka rawn haw hunah chaw kan ei khawm dawn nia de dei dei a ti vel a, a rawn haw ta cheng a, zankhat a rawn lang zuai tih loh chu rawn lan leh pawh a nei tawh lo, Sangsangi nen eng show show ah emaw an in lan reng a, an inngaihzawnna chu an ti lang leh lutuk te chu ka ngei tawk a tling a, chuloah a in la celeb lutuk chu ka ngei tlat alawm.



Bena IG ac chu ka check a, min lo shout out sak tak tak a, chu mai bakah Sangsangi pawh chuan min lo shoutout sak bawk. Anmahni vang a ni maw tiin ka phun sap a, U Mami chuan an lo shoutout em a tih chuan, Um ka ti ringawt a, Anu chuan Bena chu a va’n fel ve a lo ti luam a, U Mami chuan Sangsangi pawhin a lo tih hi, lawmthu hrilh rawh aw,, a tih chuan ka peih lo lutuk, ka ner deuh nung a, U Mami chuan ka mu leh dawn, kha tin peih loh hmel deuhin awm suh, sumdawn te chuan ngei deuh pawh \ha taka biak an ngai \hin a nia tiin room lamah chuan min luh san a.



Anu chuan Bathroom a\angin Nui eirawng kha lo bawl rawh aw, ka inthiar lawk dawn , chuan vawiin bawlhhlawh paih ni a nih kha tiin a rawn au lar lar a, ka van ning tak, ka lo tho hma kher a ni, Ka Dm chu ka check a, order a lo awm ve nual a, a \hen chu Dawra lak chawp ngai te a ni a, a \hen chu In a ka kawl sa a ni, ka phur lutuk, chutih lai tak chuan Dar ri mawi lo zet a rawn ri leh ta, Va han hneawm sek tak tih pah chuan pawna bawlhhlawh \awih thei ho chu ka khai chhuak a, ka zuk paih a.



Driver chuan Tunlai hi Nui hi ka hmu khat riau che min lo ti, khat ang chu,, Phaiah ka zin daih alawm, ka tih khum kher a, Driver chuan enge min rawn hawn nui huah huah chuan a ti a, keichuan bawlhhlawh dah chho pah chuan hei,, bawlhhlawh hi ka rawn hawn che ka ti a, midang ho chu an lo nui dar dar a. Driver chuan Kima nen in inhria tiraw a rawn ti chhuak hlawl, tu kima ka ti deuh ha a, aw,, Driver ve tho a tih chuan,, e,, U kima maw hria e,, khi lama kan awm laiin ka hre \hin alawm ka tih chuan, min lo biak rawh a tia thu tak ve tak chuan a rawn ti a, keipawh chu kalo bu nghauh nghauh a, Umm,, a nih chu ani pawh min lo biak dawn nia. Tiin in lam pan chuan ka chho va.



U Kima kha chu ka nel ve viau a, min fiam peih viau chung khan kut thawh a mi fiam te kha a nei ngai lova, tin Mi kha a hrethiam \hin bawk a, mi han puih mai te kha a peih a, keimah kher ni lo, midang dang pawh a pui nasa \hin viau, ka ngeina ber chu min tlansan der \hin kha a ni mai, keilah hlauthawng hma chi ni bawk nen ka um ve hman ziah leh nghal a.
In lam pan chuan ka chho leh nghal a, ka phone ka en chu misscall vawi hnih lai number ka hriat ngai loh a\angin a lo awm a, ka call let vat a, aw,, hello ka ti chiah a rawn \awng nghal phar phar a, Online shoping siam ve si msg I va ngaihsak lo ve min rawn ti nghal chiam a, ka ngei lutuk, Ka Pi Dm ka check nghal zung zung zel asin ka tih pawh chuan nizana ka rawn order tawh vawiin thleng pawn I la seen duh lo, I online leh fe tawh a rawn ti phiar phiar a, ka chhang let hman \ep, mahse U Mami min zilhna hre chhuakin ka insum hram hram a.



Ka Pi, Nizan ka mu hma lutuk a, ka ti chiah , Tukin zingah pawh I online leh tawh, Online shoping insiam ve dek dek a, in induhin in chapo ve deuh \hin nge ni, customer care a chhe thei lutuk mai a rawn ti leh nghal, ka dawh thei lo \ep tawh a ni, Pi hei zing karah Dm ka la check hman miah lova ka ti leh chiah a, I Pi pawh ka ni lo a rawn ti chu, ka thin a rim lutuk, I aw hi a tar hmel em alawm, hne awm, Pitar aw, a nih hi tiin phone chu ka off hmak, huiham,, Sumdawn hi ka tlin dawn lo.



Dm chu ka check a, order chu a lo awm ve nual a, min rawn be tu chu a whatspp dp ka check a, IG ah chuan tunge a nih tih ka en leh nghal, Nula tih dawna upa ve tawh lam pang, mahse pi han tih rual em chu a lo la ni lova, Mahse ka \awngkam \ha ve a nia, khatiang pawh hriat loh zing thawh hlim a\anga invin nghal vak vak mai, chah malek suh tiin ka block nghal daih a.



Order dangho chu ka check lai chuan ANu chuan Nui eirawng chu lo bawl tehh a rawn ti, keichuan ka hman lo, hei order siam ka ngai ka ti vat a, Anu chuan,, Huiham,, han siam ta poh che,, I online shoping siam ve hi a hlawkna kan hmu ve bawk si lo, kan tirh hman loh phah dawn tlat che a rawn ti, ka ngaithla tawh lo room ah chuan lutin, rawn order ho chu ka list a, a \hen chu dawra lak chawp ngai a ni a, a \hen chu In a ka kawl sa a ni bawk a.


Rin aiin ka luck ve viau mai, Sangsangi vang chu a ni tih ka chiang a, Engpawh nise lawmthu sawi chu ka ba a ni, Sangsangi chu DM in ka lawm lutuk aw, ka va ti a, Sangsangi chuan tehreng mai, Bena hian zuk leng ang a ti reng \hin a, kan la rawn leng ang a, kan la rawn fak dawn nia a tih phei chuan ka lawm tawp, ngei viau mah ila, Social mediaah a lar miau va, ka tlawn ve deuh chu a ngai a ni, Mahs van peih lo tak.



E.. rawn leng rawh u,, a lawmawm ngawt ang, ka ti ve ta tawp a, Kan inbe kual a, address te ka zawt hlawm a, a \hen chu thingtlang lam mi te an ni a, Sumo counter a dah ngai te an ni hlawm a, a \hen chu dawrpui lam te an ni bawk a, U HRiata a awm tawh bawk a, a scooty a deliver puiah ka sawm leh mai ang ka ti rirlu a, U mami hian scooty hi ken ve a duh \hin bawk sia.



Tichuan order vel la fel a. ka buai ve mawp mawp kar chuan dar 8 a lo pial leh tawh a, Anu chuan tirawh u, chaw ei ang u, keipawh Bazar kal hma ka duh a rawn ti a, U mami pawh rawn tho chhuakin chaw ei chu ka va siam a, kan titi chu ka sumdawnna chungchang ngawt chu a ni mai, U Mami hian enge ni a hriat ni, eizawnna tlak ni ngei turin \ang rawh, nangmah chauh inngaihtuah loin nakin hun ngaihtuah la tiin min fuih reng a, ninawm lamah a kal lek lek \hin.



Chaw kan ei kham a, U mami chuan ka Nu ka han \hut pui ang e, Vawiin chu scooty ka keng dawn a nia, tiin a intifai pah sawk sawk a, Anu chuan aw,, awm pui kher pawh ka ngai hleinem a tih pawh chuan, ah,, I bula awm te hi ka kham lo ve \hin a, ka ngai ve \hin che alawm, in a awm chuan nilengin Nui phun ka ngai thlaa, ka lu te hi a na vek zel a la ti zui, Ka inrawlh vat, I daw ve e, nangman mu chungin min tir zet zet zel a nih kha, phun loh theih pawh a ni hleinem tiin ka lo hnial ve sak a.



U mami chuan ka tir che te hi lawm rawh, Nakinah chuan tir tur che ka la awm lo thut thei a nia a rawn ti leh, tiang zawng hian a sawi ve ziah, a chang leh zilh tu tur che I neih lai hian lawm hle rawh, nakinah chuan ka zilh phak loha I la awm mai thei te hi a tia, tunlai hi a \awngkam vel hi a mak thei lutuk, U Mami hnenah chuan, U mam, hei dawrpuiah Nutei Book Store chhak Damdawi dawrah khan Heihi an order a, min lo dah sak tiin an address te an hming te chu ka hrilh a.


U mami chuan, Um,, mahse ka petrol man tur ka la ve ang a ti chiah chu rang tawk hian awii a chi loh, ka hlawk dawn lo lutuk asin, pakhatah hian 100 pawh ka hlawh pha lo a nia, ka ti nghal, Anu chuan rang zet hian keini leh zel chu min bum tum suh, I lakna zawng zawng nen kan hre vek a rawn ti, za lo tawk chuan ka nui lui sak a, Inthlahrung deuh hian, ahh,, a lakna kalna leh haw na te nena chhut te chuan ka ti leh, U Mami chuan, ka scooty tho alawm I hman a rawn ti leh,, ah,, chupawh nise, coffee lei mai rawh ka ti ta ringawt a, Mahni chhungte chu bum an har a ni, mahse petrol man a lak chuan ka hlawk dawn lo lutuk.



Dar 9 vel chuan an chhuak a, thil order chu ka ken tir a, Ka page tih lar dan tur ngawt ngaihtuah chuan ka buai ve hle a, tin, order awm sa chu paruk vel lai a ni a, U hriata chu rawn kal vat se, han pek vat vat ka duh a ni, ka thil kawlho chu thla la kualin a mawi theih dan tur hrang hrang chuan ka ti ve nasa lutuk a, ka tshirt zawrh te, ka pheikhawk zawrh te chu ka la kual a, Ig ah chuan ka post a., ka post a\anga rei vak loah christy chuan min rawn call.



Nui, Tuna pheikhawk , I post kha delete rawh a \hing lutuk, Khuma te a lan kha a rawn ti, a awih awm loh tiin ka thlalak chu ka ennawn vat a, Khuma chu a blur deuh hian a lo lang tak tak a, keichuan ah,, tiang a lan tlem em hi ka tih pawh chuan a mawi lo, ran ngaina lo pawh an awm thei a \awp hmel a rawn ti, an dawr zawk emaw hi ka ti \hin, aw,, ka delete , ninawm ral khat a\ang hian thil mawi hi I rawn sawi ve vak a, a hmuna I rawn kalin la mawi thei bik tawp si lo tiin ka phun nung nung a, ka pheikhawk dah thar chu ka delete leh a.



Ka bei ve nasa lutuk A Pi Saii leh A Pu an rawn chho a, tihdan tur min rawn hrilh ve nasa, mahse a mawi lo thei tawp, an mahni hi an aesthetic lo a ni tawp mai, A Pu chuan Nute, I hmel\ha a, I pian pawh a mawi tho a, model ah \ang rawh min ti, A Pi Saii chuan a dik chiah, khawi thla kan lo lak ang che an tia, ka lawm tawp, Api leh Apu hi chuan \ha hi min ti ve em,, ka kawr zawrh ho chu kan ha vel a, Api Saii leh Apu chu ka photographar ah an \anga , awi,, kan beih ve nasat ngaihtuah chuan lak tlak a tlem ngang mai.



Mahse a hlimawm ve hrim hrim, A pi leh Apu chu thingpui ka siam a, ka hlawh a\ang ngeiin an thingpui hmeh tur ka leisak bawk a, kan titi a, ka sumdawnna kal zel dan tur te kan sawiho a, nuam ka ti, sumdawnna chungchang sawihi nuam ka ti ve hrim hrim, Api chuan rel a rawn luh hunah phei chuan tlawm tawk tawkin nangmah ngei kalin I la thei anga, inchhungkaw chawmtu ber I la ni thei a nia tiin min fuih nasa ve hle a. A Pu pawh chuan tihdan tur min hrilh ve siam siam reng a. dar 11 vel chuan an chhuk a.



U Hriata chu rawn thleng har ka ti tawh hle a, ka hne lek lek tawh a ni, chutia U HRiata leh sumdawnna ngawt ka ngaihtuah lai chuan thleng ka la sil lo tih ka hrechhuak, ka va sil leh rih a, sumdawn leh chhehchhawl nih chu a inrem lo viau naa, mahse, ka dawr pawh chhehchhawl shoping a nia, ka kal kawp tir a ngai.



Dar 12 a rik \ep pawh chuan U HRiata chu a la rawn thleng lo, ka rawn kal a tihna a rei tawh nen, titau deuh bar chung chuan zai ngaithla chungin \hutthleng seiah chuan ka mu a, kalo muhil daih a, ka muthilh a \anga rei vak loah chuan ka bianga rawn fawp zeuh ang hian ka feel a, misual a nih ka ring nghal, harh chiang mang lo chuan ka hnek nghal burh a, a hnarah tak chuan ka hnek a, A na tiin a inhup nghal, Awi,, U Hriat, a na em tiin ka zuk buai pui nghal a.



A hnar chu a thi deuh a, ka buai vek, ka tihpalh lutuk misual emaw ka ti che alawm ka tih chuan, U hriata chuan a hnar thi dawm pah chuan I va hnek na thei em em ve a rawn ti zawi sup a, a hnar thi chu ka buai pui nghal, U Hriata chuan a na lo a ti, keichuan dak rawh tih pahin ka dah luih tir a, lapua chu ka va la vat a, ka hruk fai sak a, a hnarah chuan ka hnawh a, melh pawh ka melh \ha ngam lo, a rawn kal hun chuan ka lo thinrim anga, ka tihtauh khum nasa viau ang tia ka ngaihtuah nasat nen, ka inthlahrung leh lutuk.



U Hriata chuan traffic a jam nasa lutuk a, ka rawn tlai phah a nih kha, tirawh kan chhuak nghal dawn emni, I in pack fel tawh em a tih chuan Um, ka ti zawi sup ringawt a, tirawh kal vat vat ila, Sumo vela thawn tur pawh an awm iti a ni lawmni a ti leh nghal a, Um,, I rawn tlai lutuk alawm ka ti ve thei ta hram a, U hriata chuan sorry, Traffic thiam loh a ni, tikhan I insiam tawh ami a ti leh sup.



Min en hian a hre ve mai lo emaw ni, ka inchei ve em hi mawle, aw,, ka ti nghal hmak, ka lawm thlawt lo, U HRiata chuan delivery boy tur hi I lak a ngai dawn a ni, chuti lo chu I hlawk dawn lo tlat tiin kan inzui chhuak a, U Hriata en pah chuan I awm alawm ka ti ve kher a, U Hriata chu nui sukin, january thla te chuan ka chhuk leh daih dawn alawm a ti ve leh.
Ka ngawi vang vang a, Nia, I haw leh dawn tak, hna hi hmun dangah hian hmu la, Aizawl hnaihah emaw tal, tuna I thawhna hi chu a hla ve e, chuloah fur laiin kawng a chhe thei si, zin chhuah te ngai ula, a hlauhawm ka tih chuan, a fur lai chuan kan zin lo anga a ni mai alawm,tih pah chuan a seat chu a hawng a, thil order chu a dah lut a, tirawh chuang rawh tih pah chuan a seat chu a khar a, a helmet chu a khum a, a scooty ah chuan ka chuang a, tichuan kan thil order te lam pan chuan kan tlan chhuak leh ta a ni.



Thingtlang lam chu a thawn man te ka tito deuh a, sumo counter lamah chuan kan kal hmasa a, chuan veng in kar ki tak tak a ni si a, petrol man ka tum tur a nih chuan ka hlawk dawn lo tawp a nih chu, mahse ka inthlahrung ve bawk sia, mahse pawisa ka ui bawk si, Dawrah chuan kan kal a, Dawr neitu Nu Rintei chuan min lo be \hain min lo duhsak viau a., bungrua pawh kan in pek tlawm zel tur thute sawiin taima taka ti zel turte chuan min fuih ve bawk a, kan awm rei hman loh avang chuan thil chu kan la zuai a, kan pack a tihcuan order tute hnenah chuan kan va pe a, dar 3 vel chuan kan zo a.
Thil kan ei zuai a, U Hriata chuan zana a rawn len a tum thu sawiin, min thlah ang a, haw leh mai a duh a, lungawi lo tawkin zanah I rawn len loh vaih ka ti a, Umm,, promis ka rawn leng ngei ngei ang tiin, min promise a, tichuan eitur te kan eizawh chuan min thlah a, reilo te \hu khawmuang lehin min haw san leh ta rih a.



U hriata a haw hnu chuan keichuan ka hna ngai khawihin eirawng ka bawl leh rek rek a, ka phone chu ka check deuh reng bawk a, phone call a, min rawn be tawk an awm reng bawk a. Mahni tawkah ka buai ngar ngar hle mai, Anu te an rawn haw anga, tui lum sak leh an ngai ngei dawn bawk si, tiang chuan hun chu ka hmang ve reng a. ka chauh rualin, nuam ka ti a, mahni ngeiin sum han thawh chhuah te chu nuam ka ti ve hle \hin, Mahse Anu te hian phakar min ti thei lutuk a, sumdawng mi nih chuan uikawm leh phakar hi ngai ve alawm, mamawh tak takah te chuan \hian leh chhungte tan chuan ka uikawm tak tak chuang lo.



Nikhat chu Bena leh Sangsangi an rawn lang hlawl mai a, Bungrua ka stock hnem lai tak a nia, Sangsangi chuan min fak sakin thla te a la nasa a, amah chuan ka pheikhawk kawl te chu bun chhinin, ka kawr zawrh te chu a ha chhin a, a hmel\ha leh zual tawh bawk a, a inhmeh thei ngang mai, chuloah a phone chu a \ha ve reng reng a. IG a min post sak leh tur thu sawiin reels te min siam sak a, kan hlimin kan nui hnem tak zet a ni, ka rin aiin sangsangi pawh chu a lo nelawm tawh a, a mizia chu kan school kal lai ngaihtuah chuan nelawm tawh tak a ni, Bena nen pawn kan inngei tawh lem lo, Whatsapp ah kan inbe leh zuk zuk tawh a, ka ngei chhan te ka hrilh a, Ani pawh rawn insawifiahin, kan inrem leh tawh a.




U Hriata leh Christy te pawh an rawn kal a, Kan inkawmin kan titi luam a, Urlawk zan hmanho dan tur te sawi a, kan rel mek lai chuan rami leh Rca an rawn lang ve leh hlawl, enge, nangniho hi in rawn kal khawm deuh te suau a, U Hriata pawh vawiin te chu thil kan pe chhuak dawn lo bawk a, ka rawn kal lo ang iti emaw ka tia ka ti a, a chhan ka hre lo hle a. Bena chu nui huah huahin ka rawn haw hunah chaw ei khawm ka tum vek ang ka tih kha a rawn ti, keichuan,, nahh kan in ah ka peih bawk lo ka ti nghal.



Rami chuan U mami kan hrilh daih tawh, peih loh a theih tawh loh a rawn ti ve leh nghal, Mi te pawh rawn ve tur chu a nia, chu loah Profesional footballer te I ni ve tawh a, khawi emaw hmun changkang deuhah kan dineout ve ang chu ka ti a nia, kan in ah bawk tiin ka vui nung nung a, Bena chuan lungawina reng reng hi I nei lo, khawiah pawh kal pui che ila I phun reng tho a lo ti, U hriata chu a lo bu nghauh nghauh a, ka ngei lutuk, enge nang kha I lo buk ve nghauh nghauh, a dik I va tih hmel ve thinrim deuh tak chuan ka ti a.



U hriata chuan,, ahh chu lam a ni lo, ka bu ve mai mai, nui deuh sak pah chuan a tia, Rami chuan a dik ve e tiraw, Sangsang, kan school kal lai a\ang tawhin khawiah pawh hian thinrimna tur tawk te te hi chu a hmu ve reng \hin tiraw a lo ti ve bawk, an vai chuan an \angho ni berin ka hria, Mahse ka ngei ber chu U Hriata’n dik tih hmel tawka a lo buk pui nghauh nghauh chu a nia, ka melh rum vak a.



U Hriata chuan,,aw,, keichuan engmah ka sawi ve loh hi, I zai dam a, I bula awm pawh a nuam ka ti, a tih lai chuan, Christy chuan Mahse, rosy kha, ninawm lutuk a pair te tein in awm a, ka riang bik, jacob-a hi ka kawp daih dawn emaw ni a rawn ti chhuak hlawl, keipawh chu ka nui chhuak a, ka thinrim thei tawh lo, Rami chuan. Aw,, I duh ber a ni lawmni a aia \ha I hmu lo emaw ka tia a lo ti nghal, christy chuan, Rose par awm lohnaah chuan phuihnam par pawh a mawi ti takin kan thlir vek tawh a lo ti hmak, Kan Nui dar dar a.



Rami chuan insawi rinawm ve \hin tehh reng nen, distance chu maw ka sawi reng kha, a rinawm reng theih loh a rawn ti, Sangsangi chuan Bena chu a lo melh nghal, a ni ami alo ti ve nghal vat a, Bena chuan anni leh kei kan in ang lo lutuk anni te chu an hmuh hnuhnun a piang an star alawm a ti, Rca chuan Rami en in. a ni ami a ti ve leh nghal, Rami chuan a ti ve mai mai a nih kha, a ninawm thil dang sawi ang u a ti daih, Mahse Bena sawi chu a dik ve chiang e, an mipa hmuh hnuhnun a piang hi chhe lo an ti thei zelin ka hria. Mahse ka kah ve chuan an \ang rual ang a, dawtin sual tin rengin min hek leh ang a, an pahniha an \an dun chuan ka hnial hneh dawn der si lo, ka peih vel lo.



Engpawh nise han hnial vel vakin awm zia a awm dawn a, ka hriat loh avangin ka sawi zui peih ta lem lova, Sangsangi leh Bena chu an bazar a, vawksa rep leh Frozen foods vel an duh duh rawn lei mai turin ka ti bawk a, Rami chuan Lalnui online Shoping thar lawmna leh Bena proffesional footballer nih lawmna a ni mai tiin keipawh chu an sawi an sawi takah chuan ka phur ve leh tawh viau a, Anni pathum chu an lo inkawm a, Christy chuan chaw chhumin Rami leh Rca chu an in chhaih nui leh ar ar \hin a, Kei leh U hriata pawn kan hma lam hun atan ruahmanna siamin kan titi dun ve sep sep a.



Kan fridge a chawhmeh awm te chu la khawmin bai siam tur chuan min ti tlat a, Bai siam hi ka intih thiam \hin em avang hian min siam tir hi an chak ve hrim hrim a, peih lo tawk chuan ka siam ve mai a, Zai ngaihthlak pah chuan kan ri ve laih laih a, kan awm khawm kim hi chuan kan thawm hi chu a zawi lo ve \hin a ni, mahse |henawm hnai a, A Pi Saii te bak an awm lo bawk a, ven thawn tur em em an awm chuang lo a, thawm dim chu a ngai lem lo.



Bena leh Sangsangi chu an rawn thleng a, an rawn thlen a\anga rei vak loah chuan kan veng rawlthar \hen khat chu kan in bulah chuan an rawn dak dek dek \hin a, an mahni an naupan hmel na a, an lian ve zuah tawh si a, ka ngaih a \ha lo viau a, U hriata chu saw, saw mi te saw en tehh ka ngaih a \ha lo e, kan in an rawn thli thlai a ang tawp, keimahin ka awm ngun si ka ti su su a, U Hriata chu tho chhuakin, engnge in duh a va tih chuan Naupangho chuan, Nichina lo lut kha Bena a ni em,, Lajong striker kha an rawn ti, U Hriata chuan ngawi rawh ka van hre lo em,, Bena chu a nia, a inkhel \hin ngei mai a, a tih lai chuan.



Naupangho chu an inhnial laih laih a, ani alawm, a ni, an tia, a \henin a ni lo ang, khulamaha ala awm daih ang, ISL Club in lei an tum alawm an lo ti bawk a, keichu ka la ham haih deuh avang chuan kawngkhar bul a\ang chuan ka en reng a, U HRiata chuan Bena Lajong ah I khel em a va ti, Bena chuan aw,, khel e, enge ni ta a rawn ti var a, saw naupangho sawn an hmu duh che a nih saw a tih chuan Bena pawh chu hriat thiam loh hmel deuh chuan a rawn chhuak phei a.



Ka bulah a rawn dinga kawngka a arawn dak chiah chu, naupangho chuan kha,, ani ka tih reng kha an lo ti nghal, Bena chuan enge ni ta nui sang chuan a ti a, an zinga lian ber chuan, I fans kan nia, thla kan lo lakpui che an rawn ti, Rami te chuan rawn hre phain,, weiinchh,,, celeb bik rem rem an lo ti, keipawh chu ka nui chhuak thut a, ka hlauh thawn ang engmah a nih loh mai bakah, Bena’n fans a nei chuan ka nuih a ti za tlat. Christy leh Rami chu rawn fiamthu hlutin a hmel\ha lo lutuk a, thla ala ngai lo a rawn ti.



Bena ve thung chu a in la mitak lutuk ringawt, E,, a va’n lawmawm ve, pawnah khan nge inchhungah kan lak ang a ti vel, a inti mi tak poh leh keiniho chu kan nuih a za a, \hian hriat chian lutuk hi chu han ngaihsan huam hi an har ve a ni. Naupangho chuan pawnah ti ila an ti a, Pawnah chuan thla an la a, An ball ah chuan a hming sign an dil bawk a, Marker chu ka pe a, Bena chuan Sangsang, khawimaw thla min lo lak tehh, mizorama ka fans hmasa ber te an ni ve tho alawm nui sang chuan a ti a, a hming sign sak lai chu sangsangi chuan uluk tak chuan thla a lo laksak a.



Naupangho bawk chuan Sangsangi chu thla an lak pui ve leh a, Hmanni deuh lawkah a film channa an release a lar ve vanglai a ni ve tho a, keini ho chu kan lar loh hmel bik tawp a, anni pahnih chu an lar hmel bikin an class hmel bik tawp hi a ni mai, Naupangho chuan lawmthu sawiin inkhel tur chuan an kal nghal a, Rami chuan chhe lutuk, in la celeb nghal reng reng suh ah,, a lo ti nghal, bena chu nui put putin enge maw, ka inlak celebna keima fans ni loin football fans an nih kha a rawn ti, Christy chuan in la Lianzuala chhangte vel lutuk, ka ei hlawl lo a ti leh.



Rca chuan ahh, anni hi chuan tumah hi an ngaisang lo, chhang chhang duh suh, an awm awm hian awm tir tawp rawh, alo tih takah chuan ngaihsan tur hi an awm lo ve e alawm tiin kan nui ho dar dar a, dar 6 vel chuan U Mami te chu rawn thlengin an tui tur chu ka lum sak a, an inbual zawh hnu chuan chaw chu kan ei ta a ni, chaw einaah te chuan infiamin kan nuiho dar dar reng a, a hlimawm tak zet.



Mahse hun a liam anga, mahni buai buaiin kan buai chho anga, U Hriata te Bena te pawh an hna avangin hmun hran daihah an kal leh ang a, keipawh college ka zawm tawh kherin ka ring lova, ka hna hi ka thawh ve tak tak ka ring tawh a, tiang reng hian kum tharah chuan kan awm khawm thei tawh awm si lova, chu vang chuan kan hun hman ang a piang hi a hlu a ni.



Chaw kan ei kham chuan thla te la hoin, rei lo te kan \hu chawl a, kan in a chaw eikhawm ka peih loh chhan ngei mai chu tih angai, thleng vel sil a ngai leh dawn, ka peih lo lutuk, Sangsangi chuan khawi ka lo sil pui ang che a rawn ti hlauh, ka \hiante pahnih en pah chuan \hian kawm te hi ka thlak chhoh bek bek angai dawn a ni, Mi changkang ka kawm chhoh \an an ngai dawn a, ka sumdawnna a len zel dawn chuan model leh milar dang ka hnaih angai dawn ka tih chuan, christy chuan mahni kan changkang ve chuan loh chuan \hian chang kang deuh zingah a \hing bik I ni dawn tho tho a rawn ti leh hram.
Sangsangi chuan enge maw, in changkang alawm keini te chu kan hna a nih avangin ka han inchei vul vel \hin mai maia, nun mai mai hi a nuam, simple deuha nun hi a changkang zawk daih a rawn ti ve leh, Rami chuan a dik chiah tipawh khan mi changkang leh changkang lo chu in \awngkam a \ang a hriat mai alawm, Nupuk a rawn ti kher.



Ka ngei lutuk an \awng thei si, hei a changkang chuan kuttin mawi tak taka an chei sak nen, a chhiat pawh hlau hauh loin thleng min rawn sil pui hi, a changkang chu a hriat mai, Ramkel ka ti ve leh sak, Midang chu an lo nui a, sangsangi pawh a nui ve tawp., In \hianho bula awm chu \awngkam na tak tak dawn inhuam a ngai dawn hle mai a ti zauh a, U mami chuan e,, an \hianho hian \awngkam \ha an nei lo, an infiamna te hi hre ngai lo tan chuan huat pui tur leh thinrimna tur hi a tam \hin a nia, a lo tih zawm ve zat a.



Ka \hiante chuan thleng min sil pui chu an tum chuang lem hlei lova, Sangsangi nen chuan kan sil zo vek a, thingpui te in lehin, thingpui erawh min lum chhawk ve hram a, phun nuah nuah chungin an la lum zui, hemi te hi chuan mizo tlawmngaihna tih hi an \awngkam huat ber a nianga tih tur khawpin tlawmngaihna te hi an nei lo va, tirh luih ngawng ngawng hi an ngai. Dar 8 vel chuan an haw sang sang a, U Hriata chu leng rei deuhin, 8;30 velah U Peka a rawn len tak avangin a haw ve bawk a, pawn thleng chu ka thlah a.



U Hriata chuan a vawt si, va lut rawh, naktukah kan in be dawn nia, tiin ka luh thleng chuan min en a, ani pawh an in lam pan chuan a kal ta a ni. An haw a\anga rei vak loah chuan sangsangi chuan vawiin lama ka thil zawrh vel thla a lak pui te, a reels na te chu a post a, likers a ngah bik zia chu,, min mention in min tag zel a, a reels te chu a post nghal bawk a, min fak sak nghal bawk, followers pawh an pung leh sawt a, order pawh a rawn tam leh tak tak, ka lawm tawp hi a ni mai, Sangsangi hi chu ka biak \hat a ngai a ni tawp mai.



Hun leh ni her leh hretin Urlawk zan a ni a, plan kan siam ve nasa a, Mahse, U Mami chuan chhuah a phal tlat lo, kawn chei te fan kan chak thu kan sawi pawhin in ah awm mai mai rwah u, pawn ah chuan thil \ha lo te in ti mai mai ang tiin min khap tlat a, mahse kan chak em avang chuan kan dil lui ngawng ngawng a, kan \hianho chuan kan chhuak ve ta a, kawn chei te fanga thla kan lak hnu chuan Rami \hiannu, amaha in luah a awm a, a in ah chuan intihlim turin kan kal a, KFC vel kan order ve bawk a, hman nawm kan tum hle a.



Dar 11 vel a ni tawh a, U Mami chuan min rawn text in lo haw vat tum ang che hei kan mut san che a nia tih msg min rawn thawn a, min khuah khirh lutuk hi chu ka ning ve leh lek lek \hin, mahse min hmangaih zia ka hre chiang a, an lakah hi chuan vui ngam tur pawh ka ni chuang lo, an thil tih engpawh mai chu min hmangaih vang a ni tih ka hria.



Rami \hiannu te in chu kan thleng a, a \hiannu chuan MAS hla play in a dawhkanah chuan ciggarte leh beer vel a lo chhawp rap a, Rami chuan a in ve mai a, christy nen chuan kan in duh lo viau a, mahse a fridge ah chuan a la tam em avangin zanin na na na chu tiin kan han in ve ta a, kan in thei phian a, kan rui lutuk, U Hriata chu ka call a, min rawn hruai rawh, ka haw ngam lo ka ti a, U HRiata chuan hei ka Pa’n zanin chu chhungkua in awm khawm ang u, a ti tlat a, a tih rual rual chuan.
Hneawm Pa HMuaka hi thih tum ang hian a awm reng, I duh leh I pa chu nei rawh ka tia, phone chu ka off hmak a, Rami chuan a \ha, a lo ti ve hmak bawk a, Christy chuan keichu ka lung a leng a ni, Kopa hi ka ngai, ani ve hi ah, a huan bak a ngaihsak lo a lo ti ve nung nung a, U Hriata chuan min rawn call let ka la duh lo, ka off hmak a, Christy phoneah a rawn call, christy chuan chhangin Lalhriatpui, hmanah khan ka star ve ngei che a nih chu, ka van lo \hing thei, tunah chuan ka duh loh zia che hi a ti nghal bawrh bawrh a.



Loud ah a dah avangin U hriata \awng chu ka hre thei vek, U Hriata chuan, khawimaw Nui kha kalo bia, khawiahnge in awm, in va ruih hmel ve, a rawn ti a, Rami chuan enjoy to the world, Hriata ve hi a, \hamawla, I nih kha alo ti, U HRiata chuan khawiah nge in awm ka rawn kal dawn a ti a, kan awmna chu kan sawi a, Dar 12 vel chuan a rawn thleng a, kawngkhar a rawn hawng chiah a, ka beer in min rawn hmu chu, min rawn kai tho nghal nawlh a.


Min pawt chhuak nghal, rawn kal rawh, in zak lom ni, Rami, christy nangni pawh kha, tah hian tumah koh loin riak ang che u, a nih loh chuan in chhungte phone ula haw ang che u, a tia , keichuan engmah ka sawi hman lo, min kai chhuak nawk nawk a, A thin a rim hmel lutuk, ka inhnem mah mah a ni.



Kan veng lam pan chuan min phur nghal a, keichuan U Hriat, ka haw ngam lo, please,, haw lo ang, U Mami’n min hau nasa dawn lutuk, lengkual mai mai ang ka ti a, U Hriata chuan a vawt si, kawrlum ka ha bawk silo., chuloah len hun a ni tawh lo, a ti zawi sup a, mawhh,, ka haw ngam teuh lo a nia, U Mami’n ka rim a\angin a hre vek dawn ka tih chuan min hrethiam ve deuh a niang, thawk a la halh a, kan In ah tlan chho mai ang a ti leh, keichuan ka ngam chuang lo ah,, ka lu a na ka luak a chhuak ding tehh tiin a hnungah chuan ka beng a.



Min din pui a, ka luak a, Beer chauh ka in sia, ngatinge ka tih chuan, U Hriata chuan beer anih loh kha, dawhkana in lo in mek kha, whiskey a nih kha, in mawl lutuk a, tiin ka luak lai chuan ka hnungah min lo tuai a, ka chal a dawm bawk a, tirawh, I haw ngam loh chuan, engtin nge kan tih ang tiin ngaihtuah ding hmel tak chuan a ding a, keichuan thil chu ka hre vek a, ka \awng duh em em a, ka lu a nain a hai bur bawk a, U HRiata chu a chhe lo ka tih thu leh sexy ka tih thu te ka sawi a, ka in control thei lo, a lang lang ka sawi tawp mai a ni, kan veng kawn chu kan thleng a, U Hriata chuan tah hian I \hianpa kha a wm tiraw, khawimaw a number, I haw ngam ngang loh chuan tiin Rca number chu min dil a, ka save dan ka hrilh a, a call a, rca chu a rawn chhuak a, An in hnuai ber luah te an khuaa an haw vek thu leh, chahbi an dah thu a sawi a.



Nangni chu inrinawm tho, chahbi ka pe ang chu nga, zanin chu riak mai rawh u, in luah te nen chuan kan innel tho a, kalo hrilhfiah mai ang a ti hlauh a, Nui chu a en a, henu hi chu a van mawl tak tiin a chek ve tlak tlak a, lalrinchhan I mawl fe zawk, ka tih chuan. U HRiata chuan lo ngawi rawh, tiin min lo khap a, in ah chuan kan lut a, Kawngka chu kan kalh leh nghal a, ka kawr berh vel chu min tifai sak a, keichuan ka lo fawp leh zuk \hin a, U Hriata chuan chhan pawh min chhang duh lo.


Kal rawh I rim chhia a ti hmak a, ka titau a, Nakinah chuan va inbual tehh I harh deuh ang a ti a, ka lu te chu min suk luih sak a, a vawt ka ti lutuk chu ka khur nasa leh lutuk a, U Hriata chuan min khawngaih leh deuh aniang, min rawn kuah hlun a, min pawm vawng vawng a, tlem chuan ka harh ve deuh, ka fawp leh a, min lo fawp let ve a, khumah chuan min pawm phei a, tichuan ka duh ngai miah lo, ramri kan kham thlap \hin chu, ka rui avanga ka cho chhuah liau liauin, kan ramri kham \hin chu kan pel ta, Nupa kan nih hmain Nupa nun chu kan hmang ta a nih chu. U hriata chu ka dem lo, ka rui kha ka inthunun zo lo in, ka cho em bawk a ni.



Zing dar thum vel a ni a, ka harh fim tial tial a, inthiam lohna ka nei lian tial tial bawk a, U hriata pawh chuti ve tho, min kuah leh ringawt \hin a, ka mittui tla a hmuh chuan ka tihpalh a ti zawi sup a, I thiam loh a awm lo, keimah a nih kha, mahse, ka hmangaih ber hnena ka thianghlimna ka hlan hi ka demawm loh tiraw bah deuh niai chuan ka ti a, a bu nghut a, thawk ala halh a, U Hriat, kumkhuain in\hen tawh lo ang aw, ka tih chuan. Arsi leh Thla hi an in\hen thei ngai lo ang tiin min kuah a, kan infawp leh a, tichuan induh tawn takin chu zan chu kan hmang a.



Khawvar hma deuh chuan U Mami a mu tawh hrim hrim ang. Zing lamah hian a mu nghet thei lutuk, kawngka ka kalh lo a ti, lokal rawh va kal chhin ang ka ti a, tichuan kan in lam pan chuan kan kal a, ka sawi lawk ang ngeiin ka chhungte chu an lo mu nghet tawh viau a, chahbi chu naktukah Rca pe mai turin min tia, U hriata nen chuan inthlahin, thawm dim tak chuan ka room lam chu ka pan \hem \hem a, khumah chuan mu nghal thlawpin rei lo teah ka muhil nghal mai a.
Show post links
Top