CHHUNGKAW CHHEHCHHAWL NULA BY Engtea Fanai (Completed)

[ngaia]

BUNG 38


U mami duhthusam angin puitlin lam ka pan ve mek asin le, thil lian tak ka ti sual a ni, mahse,, ka \hiante chauhin an la hria a, ruahmanna kan siam angai a ni. Dawrah chuan kan awm a, sawi tur avang tlang a ni, Christy chuan eng tin nge kan tih ang a ti zawi sap a, Rami meuh pawh a ngawi ngal a, sawi tur mai a hre bik lo, kan vai mai chuan kan hamhaih tlang a ni, Rami chuan ih,, eng lo, U Hriata kan hrilh mai dawn emni, nangmah chauha tawrh a hreawm takin inru daih mai ula a rawn ti.


Ka ngaihtuah vang vang a, christy pawh chuan Ni e,,a \ha ber ang a lo ti ve bawk a, keichuan ni lo, a theih chin chin chu zep rih zawk ang u, Anu leh U Mami rilru tihah leh zual tura awm ka duh lo, chuvang chuan a theih chin chinah ka zep ang, a lo lang deuh ta a nih pawhin Filn vela kan hmuh ang hian dul hrenna nen ka thup thei mai ang, U Mami hian pasal a nei ngei ngei tur a ni ka ti a.



Rami chuan a nih, U Hriata chu kan hrilh dawn em a rawn ti, Christy pawh chuan ka chhanna hriat chak hmel tak chuan min rawn en ha a, ka rilru a buai a ni, thawk kan la halh a, aih,, hrilh lo ang, engkim a \ha vek ti mai ang, chuti lo chu ka thil tum dan hi a phal lo ang, Tin, min ngaihtuah lutuk ang ka duh lo, a thup theih tawh loh tawpah kan hriat tir chauh dawn nia ka tih chuan an lo bu ve nghauh nghauh a, ka tana an awm reng tur thu chu an sawi a, Damdawi te pawh a ruk thei ang bera ei tur chuan ruahmanna kan siam a. ka chhungten an hre tur a ni lo tih chu kan thutlukna a ni tawp mai a ni. A harsa dawn khawp mai.



Chumi ni chu ka hun tawn tawha hreawm ka tih ber ni a ni hial ang, ka \hiante chuan min awm pui chawt a, min dawr tute pawh chu ni dang angin ka be \ha peih meuh lo va, ka \hiante chuan theihtawp an chhuah a, U Notei chu rawn kalin Nui, I van nawm loh hmel ve, tunlai hi I peih \ha lo deuh emni a rawn ti var a. ka \hat thu leh Ka BP sang vanga ka chauh deuh thu chuan ka chhang mai a, ni dang anga ka lo phawk loh em avang chuan a awm rei peih lo a niang, a chhuak leh vat a.



In a ka haw hun tur mawlh chu ka ngaihtuah a, engtin nge ka awm zel ang le, ka inthup reng thei dawn si lo, chhungkaw tibuaitu ka ni maiin ka hria, thih daih mai ka duh, dar 5 vel thleng chu christy leh Rami chuan min awm pui a, anni pahnih an awm lai chuan ka inti hlim lui a, thil hrang hrang kan sawi a, kan nui ve bawk bawk a, mahse an chhungten an rawn phone tak sekah chuan min kalsan hreh tak chuan an haw ve ta a, Keichu ka la haw thei lo Anu rawn haw hun ka nghah a ngai bawk si.



Ka \hiante an chhuah hnu chuan dawr ka khar a, bathroom ah chuan ka lut a.,ka insum thei tawh lo, ka tawt lutuk chu a puak keh ni berin ka hria, ka \ap chhuak ta hawk a, dawr \henawm ten an hria ang tih ka hlau bawk si, ka ka ka hup a, Tuna ka chak ber chu, tuman ka thawm an hriat phak lohna tur hmun reh taka awm a, insum hauh lova \ah hawm hawm ka chak a ni, ka awm chu ka chum dat dat \hin a, keimah leh keimah chu ka inhnem a, ka infuih a, Lalnu, I chhel kha, I tuar thei.,, engkim a \ha leh vek ang tiin ka infuih mawlh mawlh a, Mahse awm zia a awm lo.



Anu chuan min rawn phone a, ka mittui te chu ka hru hul a, hmai ka phih a, ka aw chu kan han thian te te a, engmah thleng lo ang chuan ka han chhang vat a, Hello. Nu I hman tawh emni zang tak chuan ka han ti a, a hriat hlau tak chuan ka insut feih a, Anu chuan aw,, ka rawn phei dawn chiah lo inkhar tawh la a rawn ti var a, Um,, ka in peih a ni mai tiin phone chu ka dah a, ka mit bui deuh luk te chu tih reh tumin ka han in makeup zuai zuai a, rei vak loah Anu chu a rawn thleng a.
vawiin lam a inhralh \hat thu te sawiin a hlim hle a, A ni maw, avan lawmawm ve keichu ka in hawng har deuh a,



ka in hralh \ha lo lutuk, ngaihtuah mang lo chuan ka ti a, dawr chu ka kalh mawlh mawlh a, Anu chuan I en tir chu enge result a ti chu ka phu deuh zawk a, engtin nge ka sawi ang tiin ka ngaihtuah, ka chhanna beisei taka min en ran takah chuan rang zet hian, ka BP sang chaw ei tui lo vel mai mai a lo nih kha, I chhungten an hmeh chhiat pui thei lutuk che a nih kha an ti tiin ka nui lui suk a, Anu chuan I cher cher nen BP sang te in neih ve vel ni, I vawksa heh lutuk vang a nih chu, thil kha hlir kan hmeh tawh ang a lo ti nghal vat a. kan nui dun mai a, tichuan kan in lam pan chuan kan haw ta a ni.



Kan in kan pan mek lai te chuan ka ngaihtuahna chu a kal thui ngang mai a, engtia rei nge ka thup theih ang, Au pasal neih hma ka thup thleng thei angem le, sawi tawp ila, ahh, ka sawi chuan Chhungkaw dah pawimawh em em Au hian Anu a chhuahsan duh ka ring lo, inneih lah \hulh chi a ni tawh si lo, U PEka min puihna zawng zawng ngaihtuah phei chuan thil zahthlak tak a nih bakah U Mami, Anu an mualpho dawn lutuk. Chutiang ka ngaihtuah lai chuan, ka Scooty khalh kalo ngaihtuah lo.



Ka Hnung lam a\ang chuan ANu chuan min rawn ben pahin kawng en rawh taxi I su dawn a rawn ti tuar a, ka brake nghal dawt a, Anu chuan min hau nghal char char, keichuan ka fiam che a nih kha, ka tih pawh chuan infiamna chi loh lutuk,, lirthei khalh laiin Uan loh tur tiin kan veng kawn thleng chu min zilh zui a, fimkhur tur chuan min ti thla reng hi a ni mai, a dawih hi chu a dawih ve a ni, min rin tawh loh sa naklaiin ka chetsual pui \ep sia, a hlau dawn tih chu ka hria.




In kan thleng a, U Mami chuan min lo be nghal Nute, I in en tir chu enge result a lo ti nghal, Anu chuan a BP a sang a nih kha,m vawksa hmeh \umin a ei hnem thei lutuk a,a lo ti, keichu ka nui lui mai a, U mami chuan a tehdaih chuan I pan reuh ropui sia, I BP a sang ve thei dawn emni, a hniam te hi a ni zawk lo maw, a rawn ti ve lehh,, chuan sawisel dang a nei lo emni tia min zawh leh chuan,, ah,, I dam \ha lo tih loh ah chuan I hmel chu a \ha reng min tia, ka phone number min dil bawk ka ti chu, U Mami chuan a nih vel dawn chu, kha tui ka lo lum sak thlap che kha, I dam lo phunchiar vel ka ngaithla peih lo a a ti a.



Nu ka va inbual hmasa tehh ang tiin ka room ah chuan ka lut a, ka inthlakna tur lain bathroom lam chu ka pan nghal, bathroom ka lut chiah chu, U Mami hlim hmel leh Anu hlim hmel chu ka mitthlaah a rawn lang a, ka ding ngawi reng a, ka \ah a chhuak lutuk, ka \ah chuan min hre chhuak ang tih ka hlau si, ka tawt lutuk chu Au vak mai chu ka chak a ni.


Ngawi reng chuan bathroom ah chuan ka ding vang vang a, bathroom ventilation a \ang chuan pawn lam chu ka thlir a, khua a chu a la thim chiah lo, Unau hmelhai vel a ni tawh ang, van chu a dum pawl raih a, van pawl raih mai thlir chuan minute hnih dawn chu ka ding reng a, ka hmai chu ka han tuai leh pap \hin a,.



Anu chu a rawn au leh tawh, Lalnu, bathroom ah khan chaw ei nghal I tum em ni, inbual vat vat rawh a rawn ti leh lar lar tawh , aw,, ka inbual ninawm tiin ka inbual zui nghal a, ka inbual pah te chuan ka mittui chu a luang chhuak hial a, ka inbual pah chuan ka inhum ruh a, ka inthup ang, a thim zawng ringawtin thil ka ngaihtuah tur a ni lo tiin ka infuih a, pangngai taka awm tum chuan ka inbual zo chu ka chhuak ta a.



Engmah thleng lo ang chuan ka awm a, Anu chuan bathroom te hi luah nghal I tum \hin emaw ni a rawn ti, keichuan,, a awih awm loh, U Mami a awm rei thei fe zawk, U mami ngaihtuah chuan kei chu ka lut zeuh ang chauh a ni ka ti, U mami chuan min hmer tel ve ziah suh a, I awm rei ve \hin tho a rawn ti ve leh, Anu chuan keichu ka inbual rei dawn lo, chaw ei kha lo va siam lawk rawh u, a ti a.



U mami chuan room a\angin, Nute, chaw ei chu lo siam mai rawh aw,, ka chau lutuk a, pawn hnim zawng zawng te saw ka pawt fai vek a, bathroom zawng zawng nen, celing zawng zawng ka hawl bawk a, a rawn ti zaih zaih ,keichuan tikhan in awm hah thlak zia chu I hre mai em ka va ti, U Mami chuan, I awm lai te chuan pawn te saw a hnim theih em kha a, in ka awm chin chu, Pangpar te pawn an ngeih a niang, an par vul chuk tawh saw, Khuma tak ngial pawhin nuam a ti, hei a thau awk awk hi a ti chu, I daw ve a nih chu a.



Chaw ei chu ka siam lo kal rawh ka ti a, U Mami nen chuan kan kil dun a, mi titi pui siam siam a, Hei hun hi a kal muang ve emaw kan tia, ni a liam zung zung mai si a, Nute, Ka Nu hi nangma kutah ka dah tawp a nia, nangpawh in enkawl \ha hle a, Nu ho chauha awm kan nia, mi zuam tur ten nun loh reng reng tur, tiin thu tak deuh chuan min zilh luam a, keipawh chu ka bu nghauh nghauh ringawt a. Anu pawh chuan chaw chu rawn kil vein, kan chhungkua chuan ni dang ang bawkin kan titi a, kan inchhaih a, kan hlim leh hle a, ka hun tawn hi ka sawi chhuak a nih chuan heng kan hlimna zawng zawng hi hnawh bo ang hmak a ni dawn tih ka hria a ni.



Kan chaw ei kham chuan U Mami chuan tv en in, awi,, Upat hnu lamah hi chuan kawng te hi a na duh lutuk a, tiin min rawn melh, Anu chuan Lalram, I nau a dam loh hi, phut lutuk mai, a lo ti, keichuan dik chiah, hneawm lutuk ka lo ti ve bawk a, U Mami chuan,, aw,, nau neih man alawm le, ka pasal neihnaah te hian, thil dang chhawm loin Lalnui hi chhawm daih ka duh tiin a nui ar ar a. dawh kan vel tih fel sat sat pah chuan, I chhuah hun nghahhlelh tawh mah naklaia, I chhawm nih ka duh teuh lo. khuma hi chhawm la a tawk chiah ka ti chu kan nui dar dar a.



Thleng sil pah chuan zai ka play a, ka zai pah riai riai a, ka rilru chu lak pen ka tum a ni, mahse, ngaihtuah leh ngut ngut chu a awl khawp mai, taylor swift hla play chuan ring tak takin ka zai a,.

U Mami chuan I va han zai thiam lo ve tak, a beng chheng lutuk chanchin thar pawh a hriat theih loh a rawn ti, Anu chuan |henawm te an ngaih a \ha lo ange, tiin room a \angin a rawn chhuak bawk. Love Story chu ka sak pui vak vak a. U Mami chuan hneawm e,, I va han zai thim lo ruai ruai tak em, tiin room ah chuan min luh san a, Anu chu Room a\ang chuan a rawn chhuak ve thung.


Zawi te hian, amak duh tawk rawh, \henawm te ngaih a \ha lo ang a rawn ti, keichuan, enge maw, mi zai ve te, Nu zai lamah hian Apa nge nangmah ka chhun che ka tih chuan, I Pa a nih kha I chhun a hriat reng alawm, kei te chu kan hun lai te chuan khawmpuiah te ka zai \hin asin tiin a rawn in sawi thei zuai a, U Mami chuan keipawh zaipawlah ka tel \hin, Lalnui zai thiam loh dan em em hi, chu a ti lui a ang \hin, zawi te a, hriat phang mang lova I zai hian I zai mawi ber chu vang chuan zai vak vak tawh suh a rawn ti a.



Ka nui mai a, zawi te te chuan ka zai chhun zawm riai riai a, Anu leh U mami pawh ka zai avanga an mangang zual pui chu a reh a niang, an reh \hap mai, thleng te ka sil zawh chuan, rei vak lo ka \hu a. an rawn sawi ka rin lawk avangin thingpui ka chhuang nghal a, U peka a rawn lang hlawl a, U Mami chu a rawn chhuak vat, keichuan hmm,, innei tur tho si, inrim reng te hi a ngai lo, in in ning hman ange kalo ti zek a, U Peka pawh a nui suk ringawt a.



U mami chuan room ah khan awm mai mai tehh, I luh hmain thingpui hang lo siam la, a ti, a senior thlak e, Mahni bialpa te nena thingpui hang in khaa ka ti chu U mami chu a nui a, I ninawm,, rawn ti mai mai tehh lai ve deuh tih hriat tak chuan a ti a, thingpui chu ka siam sak a, Anu chuan Lalnu a rawn ti, keichuan keipawn ka duh aw,, kalo tih khalh, an vai chuan an nui a, Anu chuan I chhe zawt zawt lutuk, min lo siam sak ve nghal rawh a ti a, ka siam sak ve a, an pathum chuan chokaah chuan an inkawm a, keichu room ah chuan ka lut a.



U Hriata missed call- vawi hnih lai a awm a, msg a hnut chhiah \euh bawk a, Rami leh Christy chuan min rawn msg \euh bawk a, bathlar lam chu ka hawi a, U hriata chu ka reply a, ka buai lutuk a,engmah kalo hrilh lo che a nih kha, a \ha vek e, min ngaihtuah suh tih ka thawn a, U Hriata chuan, a ni maw a \hat hlauh chu, engmah min rawn hrilh si lova, nilengin ka awm a nuam lo alawm, a rawn ti, keichuan Nia, dawr velah ka buai ve em a ni, zan reiah ka rawn bia ang che, lo mu suh aw, ka ti a, U Hriata chuan tehh reng mai, hei exam ka nei dawn sia, lehkha kan zir ange tiin kan inbiakna chu kan titawp rih a.



Ka \hiante pahnih chuan ka rilru hah hlauin min lo hnem reng bawk a, ka zia lutuk, damdawi pawh ka ei e, ka ti a, min ngaihtuah suh u, ka awm dan a pangngai vek tawh a nia, hei tunah chuan pawisa vel ka chhut fel leh mek tawh tih ka thawn a, anni chuan an awih vak lo a niang, hreawm ti deuh khan I lo awm ange, naktukah kan rawn leng ang, an ti a, aw le,, thil chu kan chhut fel lawk ang e tiin ka phone ah chuan hla ka play a, ka mu a, thil ka ngaihtuah mai mai a, thil pakhat lek vanga hringnun her dang lam chak dan te, ka hun kal tawh te, tin ka hma hun lo awm leh zel tur te ngaihtuah chung chuan zai ka ngaithla chu ka chhing diar dair a.




Dar 11 vel chuan U Mami te pawh an mu tawh a, pawnah chuan chhuakin thla pawh a bial dawn hnai a, van chu a thiangin a fiah kuk mai a, van boruak reh ruih te chuan enge ka tawn a, eng harsatna nge ka tawh min hriat pui loin hlim em em in min lo thlir ni mai hian ka hria , U Hriata chu ka han call a, rang tak hian a rawn la a, min rawn call dawn tawh lo emaw ka tia arawn ti var a, keichuan Nia, ka lo chhing sek alawm, tiin ka chhang mai a.



U hriata chuan I \ha maw, I aw a \ang chuan I va nawm loh hmel ve zawi sup hian a rawn ti, \ha e, ka ngai che a niang, U hriat, I mu tawh em tiin ka zawt leh nghal, mu tawh e, nghah pah che in Games ka lo khel mai mai a, Thla a eng asin, I tukverh kha hawng tehh ka tih chuan,, Um,, ngawi rawh aw, kan tho ang e, e,, nanghi pawnah I chhuak leh tawh emni a rawn ti leh.



Um, chhungte an mu tawh sia, chuloah pawn boruak hi a nuam alawm ka ti a, U hriata chuan a nih keipawh kan chhuak ve ang e, ehe thla chu a bial dawn hnai a nih khi, van chu a mawi hle mai a, thum dut chuan a rawn ti, ka ngai che e, pangchang tak chuan ka ti a, U Hriata chuan keipawn ka ngai che alawm, ka rawn haw thei \ep kan inhmu vat ang, superman ni ila, rawn thlawk chho vat thei ila \ha tur a tih chuan, tunah tak hian Superman chu ni la, rawn thlawk la, ka kuah chak che e, mittui parawl kiang chuan ka ti a.



U Hriata chuan, hey,,I dam \ha lo emni a rawn ti leh,, dam ka ngai che alawm, ka ti leh mai a, U Hriata chuan khi thla khi I thlir tiraw, chuan Arsi pawh a awm khi, I bulah ka awm reng alawm, a tih chuan, an in hlat em maiah, keichu Thla chungah khian ka awm chak, a reh nuam ngawt ang, thla awmna piahah khian mu der der ila, engmah ngaihtuah lo ila, ka tih chuan U Hriata chuan, rilru hahna I nei emni a ti leh, nei lova, mahse,, tunlai chu engkim mai hi ka ning, U hriat, tunah hian Magic nei dawn ta la, eng magic nge tunah hian I thlan ang ka ti a.



U Hriata chu a ngawi vang vang a, inteleport theih ka duh ang, tunah hian I bulah ka rawn in teleport ang a, ka rawn kuah vawng vawng ang che a tih chuan ka mittui a lo hnam leh, U Hriata chuan a nih nang, enge I thlan ve ang a ti ve leh a, keichuan keipawh chu tho chu I bulah ka rawn kal daih ang, a nih loh chuan in tihbo daih ka duh, tuman min hmu lo se, tumah hmu lo bawk ila, bo hmak a, duh hun a let leh mai theih ka chak ka tih chuan, U Hriata chuan ah,, I bo daih chuan ka ngai dawn lutuk che asin, chu chu thlang lo mai rawh.



Ka zai sak ang che aw, a tih chuan umm,, min zai sak rawh,,ka ti a, eng hla nge ka sak ang, taylor swift tih vel hla ka sa peih rih lo a nia, a rawn ti, keipawn ka ngaithla peih rih lo, ih,, ka hmangaih che tih kha min sak sak la, ka rilru ah a awm reng, ka ti a, tu sak nge ka van hre lo a tih chuan ka han sa chhin vel a, ka zai chuan a nui a, I van zai thiam em em tiin min nuih a, keichuan a ninawm,, min nuih suh, min zai sak vat tehh,, thla khi kalo thlir ang a, nangmah nena awm dun angin ka feel thei ang ka ti a.



U Hriata chuan Guitar chu a va la a, I hla thlan tehh daih chu, ka thiam angem aw, I ngaihthak loh hmel e, tiin Guitar chu a han ti ri a, Uluk tak chuan min sak sak a, thla leh arsi chu ka thlir a, van reh ruih mai chu ka en vawng vawng bawk a, hetiang ang hi ka ni nag tih ka lo ngaihtuah ngai miah lo, kan hma hun hi kan van lo hre lo tak tiin ka ngaihtuah a, U Hriata zia chu uluk takin ka ngaithla a, a zai riai riai a. ka feel tak zet a ni, ka bulah awm se, amah ngheng chialin ngaithla ila.,,
Tinkim ka han dawn changin, Tawn loh kar hun tawite pawh, Kei ka tan kum tam liamin, a rei lua a sin, Min han dawn ve thin che maw, Ka duhlai mampui.



Ka duh ber che, ka hmangaih ber che,Tia biahthu ka hlan che hi,Min la rinhlelh sak dawn em ni, Ka hmangaih che a sin.
Zantiang chhawrthla eng riai hnuaiah,Mahten ka han dawn thin che, Awmhar lunglen tuar a har, Kei ka tan tahna mai maw, Min han dawn ve thin che maw,Ka duhlai mampui.




A sak zawh chuan min zai sak ve la a ti, ah,, nichinah chaw eikham pawn ka zai a, Anu ten zai tawh lo turin min ti nghal ka ti chu a nui ve suk a, U hriata chuan thu tak deuh hian harsatna I neih chuan nangmahin tuar mai lo la, rang takin min hrilh vat ang che, I harsatna a zirin ka rawn haw nghal duh hial ang, tiin min hrilh a, zan te a rei tak em avang chuan kan inbiak chu kan duh tawk a, room ah chuan ka luta tukverh chu hawngin thla rawn lang thlir thei tur chuan ka mu a, thil hrang hrang ngaihtuah a, ka chhin diar diar hnu chuan hriat loh karin kalo muhil ve leh mai bawk a.



Hun chu a liam ve hret hret a, ka chhungte bulah chuan ka la inthup thei zel a, ka \hiante chuan min ngaihtuah em avangin a ngai lo ka ti chung pawhin ei tur \ha \ha hi min rawn pe \hin a, dawr lamah chuan Grape tih te, Apple , dragonfruit, tih te ah,, thei hrisel tur anga an ngaih ang chi chu an class kal pah hian min rawn pe \hin., keichuan ka thukru \hin a, ka chhungten an hriat ka hlauh avangin, ka dul chu a lan kan hlauh avangin a hrenna chu kan lei a, mahse, a la lang em em lova, thau erawh ka thau ve deuh.



U Mami te chuan chutia ka lang thau deuh chu ngaih \hat lohna chang hre hek lo an lawm hle a, ka chaw ei te pawh a tui chho \an a, Damdawi te pawh inthup tak chuan ka ei ve zel a, |hiante nen doctor ah checkup neiin kan kal ziah a, Naute pawh a hrisel a, dul hren chu doctor chuan a phal lo hle a, mahse, kan um e liam mai a, a rawn lan chhuah tak tak hma chuan ka hren chhoh \an a ngai tih ka hria. Ni khat chu khua a lum lutuk a, Dawr ka hawng hma peih lova, U mami chu class kal turin a insiam tawh a, a chhuah hnu chuan ka dul chu ka hreng chhin mawlh mawlh a.



Kawngka ka lo kalh lo chu niin A Pi Saii a rawn lut thut a, ka phu nasa lutuk, A pi chuan enge ni, Nute, I pum a na em ni, a rawn ti vat reng a, keichuan aih,, na lo e,, hei dul exer lakna a nia, tiin ka chhang mai a, A Pi chuan eng eng emaw hi a tam sia, kan hre seng tawh lo, I Pu in tunlai lalnui mizia hi a dang lutuk a, nawm loh na deuh a nei emaw ni, Dawr lamah hlir hian a awm bawk sia, a fala biakna hun pawh a awm lo a tia, dawr I la kal hma tiin ka rawn lut zuai mai mai a nih hi a ti chuar chuar a.



Ah.,, Pi, ka dam tawh lutuk hman deuh khan ka dam lo nasa ve deuh a, chu chu A Pu chuan a lo hria a niang, tunah chuan ka \ha lutuk tawh e, ka ti a, A Pi chuan A U Pasal nei tur nen ani te hi a dam lo ang a, a lo zep a niang ka tia, ka rawn ngaihtuah deuh che mawle,, hei I pi tak tak ka ni tih hria la, harsatna I neih chuan min hrilh hreh reng reng suh. Tiin thil min zawh pah chuan min titi pui luam a, keipawh chuan tehh reng mai, Pi Zanah ka lo leng dawn nia, Ni e, lo leng rawh, buai reng reng hian I awm a, Sunday te hi inkhawm loh zuk I ching tawh lutuk a, kal pui tur pawh ka nei tawh lo a tih chuan.



Ni e,, Dawr chung chang leh U Mami pasal neih tur vel ngawt ngaihtuahin kan buai lutuk alawm, ka tih chuan Hna te chu dam chhung thawh tur a awm, keipawh hi min en la, hei pitar ka ni ve tawh mai a, mahse ka phak tawk thawh tur chu a awm reng hi, kan dam chhung hian thawh zawh a awm dawn lo, chuvang chuan hahdam hun te hi insiam tur, zanin chu lo leng la, chhang ban kan chhum dawn nia a ti a. tichuan a chhuk a, U mami lo ni palh ta se,, engtin nge ka insawi fiah ang, ka fimkhur leh zual a ngai a ni.



Dawr kal tur chuan ka in khalh chhuak ve ta nghal a, Nitin hun hman dan chu a ngai a ni deuh reng mai, Dawr leh In, mahse customer mi ze hrang hrang hmachhawin a \hen ka inhnial pui a, \hen khat kan infiam puiin kan nui ho dar dar a, chutiang hma chhawn leh indawr reng reng chuan hun ka hmang a, ka boruak rit lutuk pawh ka theihnghilh ve dawn dawn mai, ka \hiante zawk hian min hlauhthawn pui \hin a, min rawn thlithlai hian an rawn kal fo va, keichu ka lo hrisel hmelin engah vak ka ngaih loh hmel \hin sia, mak min tih hmel thei lutuk, ka inenkawl \hat loh mawlh chu an hlau a ni, Mahse a tir lama ka buai ang khan engmah a awm tawh lova, doctor damdawi min chawh ang te chu ka ei \ha bawk a, tin \hiante zarah Rai in an mamawh tur ang chu ka ei kimin ka hria, an \hiante an lo zawt kual a, an hriat thar a piang chu min rawn ken a, a chang chuan min ngaihtuah leh lutuk chu min man chhuah phah ang tih te ka hlau lek lek \hin.



Hun a her ve leh fe tawh a, U mami te inneih ni tur pawh ruat fel a ni tawh a, september 25 ah an innei dawn a, engkim a ni ruat fel a nih leh hnu phei chuan Anu chu a khua a har lawk emaw tih mai turin U Mami te school chawlh a piang hian lokal rawh bazarah min lo \hut pui rawh a tia, an inzui chawt hi a ni mai, zan khat chu ka dul chu a rawn che det a, ka hlau thawng lutuk, ka sawi ngam bawk si lo, ka \hiante ka phone nghal a, enge awm zia,, ka hren \hin hi a \ha lo emaw ni le, ka tih chuan, ah,, a che ve \hin alawm, chung em em han hriat loh,, in enkawl \ha hle rawh , a che chu ka hmu ve chak e, U hriata’n hria se, a lawm dawn nen, an tih chuan U hriata lakah chuan ka inthiam lo hle a.



Ka hrilh tawp mai dawn emaw ni tiin ka ngaihtuah \hin a, mahse heng ka inthupna zawng zawng hi a pawmin ka ring si lo, Christy leh Rami chuan naktukah dawrah kan rawn kal dawn Naute che lai chu kan hmu chak an ti a, an phur ngang mai, keichuan phur lutuk su aw,, min man chhuak ang e, ka ti a, Rami chuan I awm dan hi a hreawm ngawt ang, keimahah ka inchan a, hreawm ka lo ti lutuk ati a, christy chuan dik chiah, keichu U Mami hi hrilh tawp mai ka duh, a tirah thinrim deuh mahse,, a hmangaih zia che kan hre vek a, a ngaidam em em ang che. A rawn ti ve bawk a.



Keichuan a hriat loh, Min hmangaih tih chu ka hria a, tuna ka awm dan hi a ring dawn lo lutuk a, a shock dan tur ka hre thiam lo a ni, chu vang chuan hrilh ngam chi a ni lo, min lo ngaidam ta reng pawh nise,, Anu leh kei min ngaihtuah avang ringawt pawhin an inneih tur hi a \hulh leh duh ang chu vang chuan kan naute pawh hi ka hrilh \hin alawm, A Nunu Pasal neih hma chu lo awm char char turin ka dul chul pahin ka hrilh \hin,ka ti a.
Rami chuan, a ninawm, ka mittui a tla dawn, ka hne tlat,



nun hi a kal tluang purh bawk si lo, a rawn ti ringawt a, Christy chuan Bawihtea lo chhuah hunah chuan a lo pian hmaa kan buai zia te hi kan la hrilh ang a, Anu hi a khawngaih ve reuh ngawt ang a rwn ti, ka hnuk a ulh leh tawhh, a ninawm sawi tawh lo ang u, ka ti a. Rami chuan bawihtea ti ringawt, mipa nge hmeichhia pawh I hria ami a lo ti ve leh, kan pathum chauha kan awmna group ah chuan kan inhnial ve bap bap a, an message avang chuan a changin ka nui a, a changin ka \ap bawk, Ni e,, Ka naute hi a la rawn piang ve ang a, Pathian zarah hrisel taka a rawn sei lian te a nih chuan, A nuin ka hmangaih zia te, hetiang ang hun khirh ka tawk chung pawh a ti tla mai lova ka paitlang dan te, harsatna ka tawh hrang hrang te hi ka la hrilh ang a, a dem chu min dem mai thei, mahse, min khawngaih ve ngawt ang le tiin ka ngaihtuah neuh neuh va.



Ka \hiante pahnih chu Group ah chuan an lo la inhnial, hming phuah tih vel te an lo sawi kai, pakhatin sap hming neih tir kher a \hing a lo ti, pakhat lahin mizo hmingah mawi deuh a awm lo a lo ti bawk, in ninawm ve e,, mipa nge hmeichhia pawh a la hriat loh tawp chu, in phuah lo ve ve ang ka ti chu, aw,, anih chuan , A PU kan phuah tir anga, a pianthar \hat lai a ni bawk a, phuah kalvari deuh ruih se a ni mai alawm a ti chu awi,, a phuah tak tak ang tih ka hlau, kros thu ringawt a tui pui bawk sia, Krosmawii emaw krosmawia emaw hi a tia nga kan ti a, ka nui ring ngam bawk si lo, emoji chu tam tawk ka dah a, ka ka ka hup a, ka insum hram hram a ni ber.



Ka \hiante pawh chu an nuih a za ve a niang, nui lai emoji chu an rawn dah tuar a, anni pahnih hi chu awm lo se, ka ti tla a nih loh vek pawhin, ka intihlum duh hial ang, ka tan hian an hlu a ni tawp mai, chu zan hlimawm chu a ral a, ka tan chuan zan hlimawm tak han hman te hi a khat tawh nen, chu zan kher kher chu dul na vek khawpin ka nuih za ka insum ve nia.
Ni a liam ve zel a, nipui hun a liam a, fur vang lai kan lut chho a, U Hriata pawhin exam a nei dawn hnai a, a rawn chhoh chak tawh thu min hrilh reng a, buaithlak ta chu, an khua chu a ni, Ruah a sur nasat deuh chuan an kawng a chhe leh ang a, leimin a tam leh dawn si, tu sawrkar mah hian khawthlang kawng hi chu an siam \ha zo ngang lo a niang, fur khat daih pawh hi an siam ngai si lo, a rawn chho thei ngut ange maw, mahse ani chuan tui eng ang pawn lian se, ka rawn hleuh kai mai ang, motor kal tur awm lo mahse,, helicopter ka hmang mai ang a tifiamthu \hin a, rawn haw ngei ngei chu a tum ruh hle tih ka hria, ka awm dan a\angin thil dik lo chu a hre dawn.



Tin, tunah hian U Mami hian min chik riau a, ka room ah te hian a lut leh zuk zuk \hin a, eng emaw min rinhlelh deuhna chu a nei ngei a ni, tun hma zawng aia ka chet fimkhur angai, ka che fimkhur viau na chungin \hiante an rawn len chang pawn kan titi pawh kan fimkhur angai a ni, ka dul chul paha naute biak leh mawlh mawlh te hi ka ching a, U Mami pasal neih hmaa, \hanglian lo tur te hian ka ti nasa lutuk a, ka fuih nasa \hin, awm zia a awm phei chu ka ring lem hlei lova.



Ka Pum chu a lian vak chi a ni lo hrim hrim a niang, ka \hiante ngaih \ha lo chuan doctor an lo rawn a, doctor sawi dan chuan rai lang ve lo te pawh an awm \hin a, \hen khat phei chu an nau neih dawn thleng a, inzep thei te an awm alawm, an nau a hrisel tho chuan pum lian vak lo hi chu hlauhthawn tur a ni em em lo, mahse,, hren reng chu naute tan a pawi thei tih te an sawi a, Doctor sawi ang, nau neih ni thleng a thup theih dul neih chu ka chak hle a, Pathian duh zawng a ni em tih phei chu ka hre lo, ka \awng\ai tam hle a, U Mami te an inneih fel hma chu ka rai chung chang hi an hriat chhuah loh nan ka \awng\ai mawlh mawlh \hin.



Nikhat dawr ka nghak chu ruah a sur nasa bawk si a, customer an vang hle mai a, naute lah chuan ruah sur a hria emaw ni, a rawn che leh dat \hin a, ka dul tuai pah chuan,, I thinrim ami te ka ti fiam vel a, U Notei a rawn lut thut a, min en vawng vawng a, keilah kalo inring hman bawk si lo, U Notei chuan, ka rin rukna a rei tawh reng a ni a rawn ti sup a, keichuan engmaw tiin hrethiam lo der tak chuan kan chhang a, U Notei chu a ngawi vang vang a, I zep reng thei lo ang, a lang ve telh telh alawm a ti chu, ka hlau thawng lutuk,, U Note, a lang tak tak ami, tiin ka phi nghal chung a.



U Notei chu nui sukin, kha ka ring rengah,, lang lo ve,, mahse hmann a\ang khan ka ringhlel che a, mahse ka ring lo leh a, hei vawiinah hmana ka rin kha a dik a ni tih ka hre chiah a nih hi a ti a, keichuan tu hnenah mah sawi suh aw,, a la lang lo tak tak tiraw ka ti a, umm, lang lo e, mahse I mize dang lam lutuk te, hian mi a rinhlelh tir \hin che a lawm. Engpawh nise, enge I zep tlat na chhan, I chhungten an hauh che I hlau emni ati a, a rawn \hu hnai a, kan titi siam siam a.



A Pa te chu min zawt zel a, a pa in a la hriat loh thu ka sawi chuan a pa tal chu hrilh rawh, nakinah a chhe ber thleng palh ta la, a dem lutuk ang che tiin, thurawn te min pe bawk a, chuan keipawhin ka zep tlat chhan te chu ka hrilh a, U Mami min hmangaih zia, te a tleirawl hun zawng zawng kan tan hmang ral veka, ngaihzawng neihna chang pawh hre lo a nih \hin thu te, tunah mi zawng zawngin pasal nei tawh lo tur ang hiala kan ngaih hnuah, a duh tak a tawng ve a,


mahse,,ani chu chhungkaw ngaihsak bur ang a nih avangin tuna ka rai tih hi a hriat chuan a rilru a na dawn lutuk a, a tuar zo lo ang, tin, a pasal neih tur pawh a \hulh duh hial ang, nilo a \hulh ngei ngei zawk ang, chu vang chuan U Mami pasal neih hma chu ka naute pawh hi min nghak turin ka ti a ni tiin ka sawi a, U Notei chuan min en vawng vawng a, a bu nghauh nghauh a.


Chutia kan titi lai chuan U Notei chu a phu zawk a, a ding thut a, dawr kawngka lam chu a en a, enge a, U Note tiin U Notei chu ka melh a, kawng khar lam chu a kawk a, ka va hawi phei chu, ka phu zawk a, ka khur nghal dawr dawr hi a ni mai, engti nge niang, tiin ka ngaihtuah a, U notei phenah chuan awmin, a kut chu ka vuan ringawt a.
Show post links
Top