Re: CHHUNGKAW CHHEHCHHAWL NULA BY Engtea Fanai (Completed)
Posted: January 18th, 2026, 3:40 pm
Bung 6
Kan school group- ah chuan ka lut a, kawrtethawveng khaw-mi, kan school a lut chu a number ka la a, u Hriata te awmna lai chu ka thawn a, an awmna hmun chu khawi lai hmun nge tih ka zawt a. Msg a la rawn reply mai lo leh nghal, Group ah a rawn lan ran theih tehlul nen tun atakah tiin ka phun nung nung, Christyi chuan engati leh bur bur nge a rawn ti vat, U Hriata status kha enteh ka ti nghal, Christy-I chuan ka hmu ve thei ngawt hleinem, khawimaw kan lo en tiin ka phone chu a rawn ban a, henu hi avan hmel\ha em em a ti chiah phei chu ka melh rum ngang mai,
Ka phone chu a rawn ri a, number ka hriat ngai loh a\angin phone call ka dawng, mood fuh lo tawk chuan ka chhang a, hruaii lek chu lo niin, min rawn reply har avangin ka hau nghal hrep, an awmna, min rawn zawh kha chu Agriculture Office bul a nih kha, a nuam tehh mai a nia, kan khuaah in zin dawn tih engatinge min hrilh loh a rawn ti luam a, keichuan kan hre lawk bik lo alawm, I awm lai nise a nawm dawn nen ka ti liam ve mai a, Ka haw hunah lo zin leh ru aw, Kan in chu dilpeng vengah khan a awm a nia, Tuna thlalak min rawn thawn, kha mi panna kawngah khan a tih chuan, lo pawt chat vatin engtin nge Agri office chulai hmun chu ka hriat theih ang, ka ti leh a, I status a Forest IB hlui chhak lawkah khan a awm alawm a tih chuan kan chhak lawkah chuan U hriata te chu an awm tih ka hre ta.
A nih, kan kal duh sia, phone ka dah aw tih paha dah mai ka tum chu, kan in tlawh ve ngei ngei rawh u, ka nu te kha min lo biak dawn nia a la rawn ti hram a, aw le, kan hman chuan le tiin ka chhang a, phone chu ka dah ta a.
Christy nen chuan kan han chho a, U Hriata te pawh chu an lo la awm a, thla an lo la la nasa mai, Christy chuan phone call dawngin hman hmawh zet chuan a chhang a, A nu hnen a\angin a ni, enge a ti deuh hluk a, Yes tih leh phone dah a rual a, enge ka lo ti vat, ruai \heh hun an sawn a, an in peih vak hman loh bakah khual khua a\anga lokal ho zawng zawng cham an tum leh vek avangin an hman hmawh lo law law a nih chu, 4;30 velah an ti a tih chuan, chu chu enge Yes hluai na tur ka lo ti leh nghal vat, Christy chuan, aw len reina hun kan neih phah. Kan titi lai chuan u hriata chu rawn hawiin Christy chu a rawn au a, kei chu ka hming pawh a lam lo.
Kawrte a ka zin kher kher chu ka inchhir ngang mai, ka tum dan leh beisei dan reng rengin thil a kal hauh lo. U Hriata lah hmuh \ha a hmu a, min theihnghilh nghal hmak, kawrte tlangval ho pawh hi an mawl lutuk, mi te hi rawn zui ve tur a nia, U hriata thik tur tal pawhin, U hriata chuan min rawn hmu vat a, Nui in rawn chho ve elaw, lokal rawh u a rawn ti lang lang a, Christy zek zawk chu a phei leh nghal mai, henu tak hi chu, Nula hmel\hai chu ava chibai nghal, a lo nui sen sen a, U Hriata chuan hei, kan CO fanu a nia, kan vengah an rawn awm char char a, kawrte lamah an lo insawn tawh a nih hi. A tih chuan ehe,, heta \anga inhmelhriat chawp an ni emaw ka tia. U Hriata chuan min rawn melh zuk. Dorothy-I a nih hi, chibai ve ta che tihpahin min nuih suk a.
Dorothy-I chuan tuemaw chuan min thik a ang hle mai, ka unaupa ang chiaha ka en a nih hi, in chanchin pawh min lo hrilh vek a, a tih chuan ka lai lutuk, za lo tak chuan ka nui suk a. thupha han chawi ngawt lah a ni ber bawk si lo, lai ru tak chuan ka nui ringawt, U hriata chu ka chhiat khum vak ringawt a, ani lah a lo nui ru tet tet..
U hriata chuan Mo a lawi hmain lengkual ila, Kawrtethawveng piahah hian Bunghmun khuaa a awm a, tahchuan Bung park mawi deuh a awm an tia, chumi piahah chuan Khaw rohsan tawh Kan Pasal\ha, tlawmngaihna lama thangchhuah taitesena khua Serhmun a awm a, Taitesena thlan chu hmuh theihin a awm an ti asin, kan va kal dawn emni tiin kan chhanna beisei tak chuan min melh hlawm a.
Christy a lo phur leh ber tawh kal ang u a lo ti lehh vat a, U Mami’n a hria ange, min hau ang ka tih chuan Christy chuan enrawh petrol a tam lutuk, a hre teuh lo, kal ang u a ti nghal zung zung a, Dorothy te \hian dun pawh chuan keini pawh kan awmna a rei ve tawh viau naa Serhmun khua an tihah chuan ka la kal miah lo, in peih chuan kal ve chance a ni mai.
Phur tak chuan chu lam pan chuan kan kal a, keichu U Hriata’n Min phur a, ka titau tawh lo na a, awm dan thiam a har hle , min nuih ru tet tet leh nghal, tlak lamah chuan bru ho khua Mualṭhuam alo lang ve ut a, Kawte khawthlang lam zawng chu bru ho khua a ni, a ral lehlama tlang in khaw zul mai chu zampui, tripura tlang dung a ni a, tlai boruak nuam tak leh a khaw thlir nuam lutuk te chuan nun a ti hlim veng veng thei nia.
Bunghmun kan lut a, kawrte aṭangin Km 8 emaw km 9 vel a niang a khua chu a lian lo na a, thingtlang khua angah chuan a van tlang pawl a ni. Bung park an tih pawh chu tlan pahin a lang thei a, mahse kan kal tumna zawk Taitesena thlan hmuh ve ngei kan duh avangin Bung park lamah pawh chuan kan chawl ta lem lova.
Chirtsy chu a rawn au leh tuar tuar ṭhin a, a hlim a ni tih a hriat ngawih ngawih keipawh U Hriata nena hetianga inpawh leh inhnaih taka kan awm thei hi ka hlim , nichin mai kha chuan kawrtethawveng ka kal avang khan ka inchhir ngawih ngawih a, tunah chuan ka kal lo ang tih ka hlau leh hle thung si a nih hi maw.
Ni e, hmangaihnaah hian thikthu hi chu a tel ngei tur a nia, kan hmangaih loh te chu kan thik ngai lo, kan en liam mai thei, kan hmangaih ber te erawh thik loh hi an har a ni, Mahse thikthu hi zawng a zeldin thui peih peih teah hian a thawk na a nih ber mai hi.
suangtuahna a kal thui tawh phei chuan keimahni ngaihtuahna ringawt pawh hi kan thinrim pui a, tu emaw chu kan ngei phah ngawt thei \hin a lo nih hi.
Serhmun chu rin aiin alo hla a, a khua kan va lut chu Hmana tute emaw in ngai leh inthlahlel em em a an awmna ṭhin, tute emaw chhungkua hlim taka an infiam dar dar na hmun, tute emaw ṭhianho inkawm dial dial a, an rik ve laih laihna hmun, zan thla eng hnuaia tlangval lungleng a zai ve rawih rawihna \hin ngei mai chu hnimin a lo bawh chuk a, an in hlui la ding chhun chhun te chu a awng rawp tawhin a tla bal tawh hle a, an field ni awm takah te chuan hnim a buk laih tawh a, an tlangval te khan an khaw nula hmelṭha mit hmuhah chet ṭhat tumin theih tawpin chu khel mual chu an mawi ṭhin ngei ang a, an nula te lahin a kam sir aṭangin an bialpa, an ṭhianpa te chu hrawk thler dawn dawnin an lo au ve ṭhin ngei awm si a, mahse tunah chuan khang hmun te kha hnimin a khuh tawh a, hmanlai hmun an chang ta der mai chu a ni si a. An thlanmual te mawlh chuan lung lam lam a tichhia a.
chung ka zeldin na leh suangtuahna ringawt pawh chuan ka lung a ti leng vawng vawng thei nia, U Hriata chuan a va mak dauh dauh em, saw midang chu an chhuk tawh, kan thleng a nia tiin min rawn nghawk zeuh a.
Scooty aṭang chuan chhukin Mit sen deuh ram chuan ka insut deuh feih a, U hriata chuan i mitah thil a lut emni tiin ka mit chu a han en a,
Aih, ṭah aw deuh ṭuau chuan ka ti a, enge awm zia i ṭap emni a rawn ti leh.. Enteh tikhan an khua kha an duh vang rengin an chhuahsan tihna emni ka tih chuan nui suk hian ni lo e, Dampa sanctuary, Dampa tiger reserve a nia, sawrkarin an chhuah tir a nih kha a tih phei chuan ka hnuk a ulh lek lek an duh vang pawh ni lo a, naupan tet aṭanga an tualchaina an han kalsan tur chu, enteh kan Colony khi kan la chhuahsan ve awm sia, a ngaihawm dawn e ka ti zawi sap a.
Aw,, i ngaihtuahna in a vel ṭap leh tawh che a ni maw tihpahin ka kut chu a rawn vuan a, kalo bu nghauh a.
Ka mit tui tling deuh pam chu min tuai sak zeuhin lokal rawh sawtah sawn i phei ve ang tiin min nuih ru deuh zuk, a ban a ben pah chuan nui suh, ṭah nui deuh ṭuau chung chuan ka ti a, U Dorothy chuan Hriata, rawn phei rawh u,, hei a tlai ṭep a nia, thla la ho ang u a rawn ti lang lang a, U hriata nen chuan pheiin Christy chu a lo selfie leh nasa tawh a, video nen a lo reels bawk. a, a status mute a ngai leh dawn a nih hi.
Kan vai chuan thla kan la ho a, an lungphunah chuan chumi thlan siam nana pawisa thawhtu te hming an lo ziak tlar dal a, U hriata chuan tirawh Nui thla la dun ang, Christy min lo hmeh teh a ti chiah chu christy a ner nasa lutuk, in chhe vel, nakinah ka bialpa nena kan kal hunah in la chak lo khawp ang tia phun nung nung chung chuan min hmeh sak a, a la thiam lo kan ti khawp a, a la nawn duh tawh hauh lo leh nghal a,
U Hriata chuan Thy-i hei ruai ṭheh a hun tawh a nia, kan let loh chuan tiin Dorothy te ṭhian dun chu a va melh zuk a, Dorothy chuan kha tikhan min koh ziah suh, kawrte khuaa ka ṭhian ten an hriat phei chuan thy-i tih bakin min koh lo ang, kan khua chu a ṭhing lai lai hian kan inkoh ṭhin a nia, tiin a nui sen sen. mipa ni ila henu hi chu ka star ngawt ang.
A chhakah khian lal lungdawh a awm an tia, mahse a hlat takin kal tawh lo mai ang u, ruai ṭheh kan nan hman tak loh leh kan in ah in rawn ei daih dawn a nia, tiin scooty lam chu kan pan sap sap a, u hriata chuan zanin chu rawn chho ve ru aw tih leh scooty tih nun chu a rual a, Dorothy te ṭhian dun chuan nia, in ngaihawm dawn si, kan inbe dawn nia tiin kawrte lam pan chuan kan tlan let leh ta vang vang a.
Kan va thleng chu rin lawk ang ngeiin ruai an lo \heh fel tawh a, Mo pawh a lo lawi diam tawh, U Mami chuan min hau nasa ngang mai, Mahse U hriata a tel ve avangin ka Nu chuan ka thlavang a lo hauh a, Christyi nen chauh chuan ni ila min \im nasa dawn lutuk, fatu ho rual chuan kan ei ve a, Christy chuan mi titi a\angin Lawi ar an ru \hin tih chu a hria a, a rawn sawi chhuak, kei chu kalo phur nghal lutuk, Dorothy pawh chuan chaw eikham ve leh kan va ru dawn a nia a rawn ti ve bawk a, U hriata erawh chuan a zahthlak, mikhual kan ni bawk si tiin min lo chhang vat.
Fatu pakhat chuan zahthlak loh e a thiang vek alawm, Mizo dan ve reng a nia, Mahse in chhungah a lut phawt tur a nia, In chhung a luh hma chu ruk phal a ni lo, Mahse in tum tlai a ni, Saw, Saw mi te \hianho sawn an la tawh tiin kan hmaa tleirawl lokal ho chu a kawk a, Fatu pakhat chuan mi ruk tawh hnu pawh intheih chuan a ruk chhuah leh theih vek a nia, nui vur vur pah chuan a rawn ti a.
Christy lah pek chuan dik chiah an ruk ve tho a nia, Pu khawiah nge an dah ang le a la ti ta deuh deuh , ka \hiani hi chu a extra ve hret \hin. Saw,, an ṭhenawmte leikapuiah sawn an dah va la rawh u, an chhuah lawk hlan sawn, a ti a.
Christy chu a phur lutuk, U Hriata chuan a chi loh, a zahthlak a tih pawhin Dorothy te lai lai chu an phur tawh mai si a, chaw pawh kan ei nghal sawk sawk a, dorothy chuan Saia te ṭhianho an nih saw an hlauhawm loh lutuk, Nui, leikapui piah ah sawn lo awm la, U Hriat, kawngpui bulah sawn lo awm bawk la, christy nen kan va lut ang a, Remte, Saia te lo haw leh haw loh lo en rawh aw, a ti zung zung.
U Mami rawn phei chu Christy chuan ṭawng lo turin zai zirin alo ti, U Mami chuan a hriat thiam loh hmel hle.
Dorothy chuan Pa Reng, khawnge Saia te ava ti dek dek a, keichu leikapui lamah chuan ka va phei nghal a, an pa ber ni awm tak chuan kuhva kan va lei lawk ange an ti a nih kha, enge ni ta, i pa te an dam maw a lo ti luam a, Dorothy chu a hmanhmawh lo ka ti ltk, U Hriata lah kawngpui bula phul chu a chhuih , a chhuih a, lo chik deuh se chuan thil ru tur kan ni tih an hre thei ang, a dawi hmel zek zawk lutuk, a hawi kual ang hrek hrek leh nghal.
Dorothy chuan an ṭha a ni mai, in va rawn inkhawm khat ve a ti leh luam a, pa ber chuan nia, i pi a dam a ṭha thei meuh lova, a tih zawh rual chuan ka khuh deuh kherh a, Christy chuan Pu tui ka lo in teh ang a, a ti ri ka hria, Dorothy chuan pawna mi kha in mai rawh alo ti vat, Pu chuan kha tui in tur dahna hlum bel a awm kha, tah khan in mai rawh alo ti, Christy chuan ah ka kal lak lawh em mai, pawn lam ami ka in zawk mai ang tiin a chhuak tlang a, Ar a chawi chiah chu a ṭe deuh ṭhat a, beng chheng lo turin ka ti nghal !
Remtei chuan Nui an lo haw a rawn ti sur sur, U Hriata chu a chiai vek tawh kal sawn a tum, lung in ka vawm a, hawi kual hrek hrek chung chuan a rawn chhuk a, Ar chu a rawn la, Dorothy leh Christy an rawn chhuak a, Saia an tih chuan min rawn hmu,Lalmam saw kan ar an ru a rawn ti, U Hriat, tlan rawh kalo ti vat a, U hriata chu chak lutukin a tlan ve nghal, Fatu ho chu an lo nui ham ham a.
Saia te ṭhianho chuan zawnga chu tunge tihpahin an um a, u hriata lah a hlau mangang ropui, mi kawmthlangah a tlan thla ringawt a, Dorothy chu a lo nui a, Saiek, kan ru chhuak leh keuh a rawn ti, Saia chuan Hmeli tiin a rawn nui vur vur a, U Hriata lah an um pha bawk si lo, an rawn let a, kan ei ve tho ang an rawn ti ringawt.
Kan vai chuan kan thaw huai mai, kan mission chu kan complete ta phawt,Mahse U Hriata awmna kan hre ta lo.
U Mami teho leh U Ruati te chu kan thawm hriain an rawn chhuak a, kan han sawifiah chu U ruati pasal pawh a nui nasa, U Ruati chuan engtin nge Lalhriatpuia hetiang in tih tir theih zawk tiin mak tih hmel tak chuan a nui a, an lut leh diak a.
Saia bawk chuan Dorothy chu rawn auin, zanah kan rawn zui dawn tho che u, tunge in ruk tir kha ava tlan chak ve ala rawn ti zui, christy nen chuan kan in en a, kan nui nasa lutuk, kan insum thei meuh lo, Remtei leh Dorothy chuan Hriata chu call rawh u, a chiai lutuk ang an tih chuan kan harh chhuak zawk a, kan call nghal
U hriata chuan thaw hlawp hlawp hian phone chu a rawn chhang a, Christy chuan khawiah nge i awm a ti nghal, ka hre nang, Ka Pi hian rukru emaw min tia, min beng pawp leh nghal ka zak lutuk, a tih zawh chuan ka pi ka awmna hi khawilai nge a tih zawm nghal zat a, E.. hmar veng thlanmual road a ti a nih chu, lokal rawh u, kan thlenna kha a hla vak lo a ti. kalo nghak mai ang che u, ka chau ltk tiin a thaw hlawp hlawp a, phone a dah a,
Christy chuan min va hau nasa dawn tak, Awi,, a inhmeh e, a tlan thla ṭuk ṭuk kha tiin a nui tawp hlei thei lo, a nui ṭha leh ṭhin. Dorothy chuan avahan tlan kual nasa em em ve tiin Remtei nen chuan in phurh leh an tum a, Christy chuan U Mami scooty a chuang chung chuan Nui khan a khalh thiam lo a nia, a rawn ti, Remtei chuan kalo khalh mai ang tia rawn chhuk a tum chiah chu, U Mami a rawn chhuak , scooty kha dah nghal rawh u, a rawn ti, awi.. mi khuaa ka zak lutuk tiin christy chu a rawn phei, Laldinkim khawi chahbi tih pahin a kut a rawn dawh.. kun deuh chhur in ka kal phei a, ka va pe a, han chho tawh rawh u,leng tawh miah suh u a la ti zui.. mi khuaa pawh a thinrim chuan a ri phat ngam, ka u hi chu a den ve leh thut ṭhin..
Dorothy chu lo nui sukin, vawiin chu a hlimawm hle mai, kan kal anga, min lo zui ru a ti a, U hriata scooty chu Cristy chuan a khalh a, kan zui ve ta nghal a. Kawng sirah chuan Ar nen chuan alo awm, mi rawn melh rum lutuk, nui hlek suh u, ka zak lutuk, khawi tih pahin a scooty chu a la a, ar chu min pe a, inṭhian dun khan ke in rawn chho rawh u tiin a tlan nul nul.
A thinrim chu a awm ka tih pui tho va, mahse ava'n gentlemen lo thei tak, Dorothy chuan kalo thlah ang che u, Remte, ke in lo han chho mai la, zanah chuan hei ar ei tur a awm hi kan chho dawn nia kalo bia ang che a ti a, Christy nen chuan min phur chho a, tlan pah chuan Hriata danglam a tih tawh zia te, a hma te chuan a ṭawng tlem lutuk a, keimah hian ka chhaih lui peih ve hrim hrim a, min nel ve mai zawk a, SAY members dangho kha chu, in hmang ve reng chung khan a nel loh hmel thei ltk.. a Ar ru a tlan chhia te kha kan Corps SAY ten hria se chu an nui nasa dawn lutuk tiin a titi siam siam a.
A sawi chhunzawm zel a, Tunah chuan kawm pawh a nuam ve deuh tawh alwm, a hma chuan ṭawng tlem deuh chung khan a nghalin sawi tur kha a hre phian zel a, mi kha a hnial dang leh nulh ṭhin.. U hriata chu a lo hrechiang hle mai, a sawi zawng zawng chu dik tak chuan tuna a mizia a la ni reng a, christy nen hian kan zia a dang em a, kan bulah chuan a inthlak lo thei lo a ni.
IB chu kan thleng chho va, U hriata chu a lo inthlak vek tawh a, Christy nen chuan min la be duh lo, keichuan tihtauh san let ve mai ka duh a, christy chuan nangma thiam loh vek a nih kha, va thlem rawh a tih avang chuan phur lo zet chuan ka pan, U hriata hi Pa ve deuh si hi tihtauh a hrat phian a, a hrat han ti ngawt ila Mi dang lakah chuan ka hre lo, ka lakah bik chauh te pawh a ni mai thei.
Ka hawi kual a, Nu Rini tih loh chu Midang chu tumah an lo la haw lova, Nu Rini chuan satha Ip lian tawkah hian an thlai pek vek ho chu alo rem fel mawlh mawlh a, a zai rat rat a, a \awng duh phawr phawr bawk a, Thlai hawn tur a ngah dawn ngang mai, a tira hreawm ti ber khan nuam a ti leh ber tawh a, \hian pawh a siam nghal zung zung ni mai khan ka hria.
U Hriata chu kan thlen zana kan \hutna ah bawk khan a \hu a, Nu Rini min hmuh hlau ru tak chuan ka kal zawk a, ka khuh kharh a, U hriata chu a rawn hawi, a hawi let leh daih, ka khuh leh a, lo phei mai mai teh a rawn ti sup a. inthlahrung ru deuh chuan ka phei a, min lo kuah a, sarry ka ti deuh sap a, ka thinrim tawh lo, in rawn hah em , khawnge christy a ti nghal, Hah lo, U Dorothy’n min rawn thlah a, I thinrim tawh lo tak tak maw, ka ti leh hram a.
Ka hnar a piai pah chuan I hmel ka hmu a, ka thinrim thei tawh lo alawm,, hmeisa lutuk mai a tih rual deuh thaw chuan ninawm khatin naupang chhe tret deuhin min ti ziah suh,,ka lo ti ve bawk, a uar leh sauh a, I sa leuh alawmm, a tih chuan I ninawm tiin a hnungah chuan ka chum a, kan insi leh chial tawh a.
Ar kha engtin nge intih tak nui hak pah chuan a rawn ti a, Christy’n Saw lai pawna buara chhungah khan a khung, I hah em, engtin nge I tlan chhiat dan min lo hrilh ka ti vat, ka sawi duh lo tiin a nui put put, kei chuan mawhh,, ka hre chak sawi tehh ka ti tlat a.
Nui suk chuan a sawi a, Min rawn um tih ka hriat khan engmah ka ngaihtuah tawh lo, a rem lam lam kha ka pan tawp, Kha ka tlan thlakna mi hnuai ah khan ka tlang thla pawp a, mi kawmthlangah ka tlan thla zel a, min la rawn um em tih pawh ka ngaihtuah chang tawh lo, ka hawi let lo hrim hrim, chuan Step ka thleng a, a bul lawk chu kawr a nia, tahchuan Ar kha ka vawm thla a, Pitar pakhatin rukru tiin min rawn au, ka zak bawk si, mi an rawn chhuak a, Pitar chu a rawn kal hnai nghal,, tunge I nih tih pahin min rawn beng pawp a.
Tichuan thil awm zia ka sawi a, midang lo chhuak ho chu an nui dar dar a, Pitar chuan aw,, Lawi ar ruk te chutiangin an hlauthawng ngai hleinem, a thiang vek alawm, tiin min nuih a, chumi lai tak chuan nangmahni khan min rawn call, Min umtu te nen khan in inbia em a tih zawm nghal zat a, bia e,, zanah kan lo kal ve dawn tho an ti, ka tih chuan lokal rawh se,, an ruk tawh sa a nia, a nawm pawh a nuam hleinem, tiin kan titi zui siam siam a, a thil tawn a sawi chu ka mitthlain ka hmu a, ka nuih a za tlat.
U mami te, ka Nu te, Nu Sangi leh Pa Hmuaka te ho chu Sumo in an rawn chho a, U Hriata chu an rawn zawng a, Pa Hmuaka chuan bawiha, hei, kan chhoh ngei ngei a ngai leh si a nih hi, Naktukah Khawzawl lamah kan pu ten kal turin min rawn ti leh thut sia, midang hi Naktuka haw tur angin an insawi vek tawh sia, I scooty hian ka chho mai dawn emaw ni ka tia a rawn ti a.
U Hriata chuan kan pahnihin chho ila a ni mai lawm tiin a lo chhang a, kei chuan U hriata chu chho ve lo se ka ti hle a, Pa Hmuaka chuan a buaithlak mai mai, Naktukah a rualin rawn chho law law rawh u, an mut hma deuhin I U Ruati te pawh zuk tlawh ve phawt ula, a khua a har dawn teh mai a nia a tih chuan, Christy pek chuan har awm lo e, tunah pawh in leng haw tawh se an ti daih zawk ang a rawn ti.
Midang chu an lo nui dar dar a, U hriata chuan um,, I tih dan dan a ni mai, Nu I chho ve dawn em a ti leh nghal, Nu Sangi chuan hei I Nu Rini hian a phal lo a nih hi, ka awm ve leh ngei a ngai dawn, I pa chu ka han insiam pui ange a ti a, an lut a, christy chuan nangni pawh lo chho ru, intifai ila, zanin lama ar kan hemna tur vel siam ang u a tia, kan lut chho ve nghal mai a.
U Hriata Pa hi Pvt Company, ZOFA CONSRTUCTION hnuaiah hian JE in a awm a, Sawrkar hna a nih loh avangin leave hi a la vak thei \hin lo, U Ruati hi, Lab technician a ni thung a, Civil ah khian a \hu \hin , an pahnih hlawh chu an rin ber a ni a, an khawsak pawh a nuam ve pangngai hle, Mahse Tunah U Ruati’n Pasal a nei tawh bawk si a, Pa Hmuaka kutah an innghat vek tawh a nih ber chu!
Building chhung kan lut a, u hriata chu an room lamah a kal nghal a, kei leh chirsty pawh kan room ah kan lut ve nghal maia, thil pakhat kan theihnghilh, hauh hma bak kan ni tih kan theihnghilh thut, U mami chu kan hmaah a lo ding ngal a, vawiinah khan khawiah nge in kal, a zahthlak lutuk, Fatu ho ruala mikhual in chaw lo ei ve te kha in zak lo’m ni tiin Christy nen chuan min melh kal a, hnuai lam kan bih daih.
Nu Sangi leh Anu chuan engmah rawn sawi an tum ve bawk si lo, U Mami thinrim chu kan hlau dun hle a, kan kalna hmun a hriat phei chuan min \im nek ang, christy nen chuan kan thaw dep dep hi a ni ber mai, Nu Rini chu a rawn inrawlh a, ahh, Lalram a ho lutuk, Mikhualna te a nia, an enzawi ve a nih kha,, Aizawlah mi inhnuaiah ni hmu mang loin, chhuah pawh chhuak mang loin an awm a, an chhuah ve lahin kawngpui chep leh tawt lutuk ah ringawt an awm \hin a, nuam an ti ve a nih kha a rawn ti zauh.
Awii,, Nu Rini ka duh zia hi ka fawp hrep dawn nge ni, U mami chuan min la melh run tho a, Nu Rini bawk chuan va inbual rawh u, zanah chuan khawiah mah chhuak tawh lo ula a lo ti leh a, U mami chuan Nu Rini a rawn in rawlh tak avangin min hau zui tawh lem lo, kal rawh u a ti hmuk, Kan kal na hmun kha sawi ila, min hau nasa dawn lutuk, a petrol man a chhut ang a, a thinrim nasa dawn tih ka hria, a inren ve ropui si, Christy nen chuan kan thaw huai a.
Intifai tur chuan bathroom ah kan lut nghal a, kan in en a, kan nui dir char char , Nu Rini rawn inrawlh timing lutuk chu kan lawm a ni tih sawi hran pa pawh a ngai lo, kan in en khan engkim kan inhre pawh tawn vek, kan nuih rik chuan U Mami’n kan tihel emaw a tih kan hlau bawk si. Kan intihfai zawh chuan Pa Hmuaka haw tur chu kan va thlah a, zan dar 8 vel a ni tawh a, Christy chuan e,, Ar kha a rawn tichhuak hlawl, U hriata leh pa Muanpuia chu kan koh a, kan va hrilh a, an ni chu phur tawkin an rawn tho chhuak a,
Pa Muanpuia chuan a talh a, U hriata chuan a lo dawm pui a, U Bawihi leh U mami chuan tui an lo lum bawk a, engtia siam nge intum a, tia min zawh chuan Christy chuan kawtzawlah hian hem ila kan tia, tiin alo chhang vat a, Pa Muanpuia chuan,, ah,, meia hem chu inthiam lo ang, khu khulai quaterah khuan Owven a awm alawm, kan hem dawn nia tiin phur tak chuan a hmul chu an pawt a, U hriata chuan a paih na deuh nge ni, a thla te chu a duk chur a, vawiin chhun lama a tlan chhiat dan chu christy chuan a zir a, U hriata pawh za lo tak chuan a nui ve suk a.
Kan nuih ho dar dar lai chuan E,, U hriat, Dorothy te kha an rawn kal dawn lo ami, U hriata chuan rawn kal chu kan tum an tih kha mawle, kan call chhin ange tih leh phone phawrh chu a rual a, a call nghal sut sut a, Loud ah a dah bawk a,
Thy-I in rawn kal dawn lo emni, hei Ar kha kan puah mek a nia, Dorothy chuan rawn kal kan tum a, hei, Saia te hi rawn kal ve \al an tum a, kan la biruk san a nih hi tia a rawn chhang chu U hriata chuan a ho lutuk rawn kal tir ve rawh u, Duh leh Ei tur te. Drinks vel te kan lei belh anga, inthlahna a ni mai alawm a tih takah chuan Dorothy chuan a nih kan han hrilh ange, saw kan in ah sawn an awm reng a, Guitar nen an la rawn kal \up zui a, a tih phei chuan U Hriata chuan e,, lo chho ngei ngei rawh se, Guitar chu lo keng se zai ang u, hei thla a eng si a nuam dawn lutuk a ti bawrh bawrh a.
Dorothy pa ni awm tak hian, Hriata, I nu leh Pa pawh chu min rawn tlawh ve awm alawm mawle a rawn ti lar lar a, Dorothy chuan ka pa sawi chu I hria em a rawn ti leh , u hriata chuan,, Nu, CO pa’n I Nu leh Pa chuan min rawn tlawh ve tur alawm a ti a nih chu, a va ti sur sur a, Nu Sangi chuan nia,, I pa nen pawn kan sawi a, mahse kha haw a ngai leh thut sia, Zanah I U Ruati te in a zuk len pahin kan hman chuan kan rawn kal ang a tia, phone chu an dah ta rih a.
Forest Quarter nghaktu chu rawn chhoin Ar chu pa hmuaka chuan a pe a, I duh dan danin zuk siam rawh, a hem an duh a ni awm e, tih pah chuan zawi sup hian inkhuaah hian khawilaiah nge a lakna a ti sup, Chu nu chuan awi,, ka van hre ve lo, ngawirawh,, kan pa ten an hria ang a tih lai chuan NU Rini chuan lalmuanpui a \ul lo lutuk, kha tlangval zawk pawn ruih tur an zawn miah loh kha, a rawn ti.
Pa Hmuaka chu a ngawi nghal hmak a, Christy nen chuan kan lo nui a, Nu Rini thinrim hi chu a den ve em a ni, Nu Rini bawk chuan, mak lutuk mai, che hlek a, ruih tur zawng reng ringawt a ti leh a, Pa muanpuia chu nui put putin, ahh,, ruih tur lam a ni lo,, Ar an zawrhna ka zawt a nih kha, hei naupang an rawn kal belh dawn a, kan kham loh a hlauhawm alawm le, an \hiante nen inthlahna siam te an duh ve a tiin chhuanlam a han siam a.
Nu Rini chuan Arsa zawrhna khatiang a zawi te a zawh su su angai emni a ti leh hram a, Quarter nghaktu nu pawh chu nui sukin a chhuk thla ve ta hna hna a, Pawnah chuan \hutthleng chawi chhuakin kan \hu khawm laih a, kan vai mai chuan kan inkawm khawm a, Nu Sangi chuan , Rami Nu kan chhuk dawn emni haw tlai lutuk a chi awm si lova, chu kan Co te pawh chu tlawh ka duh a ti a, Nia, chhuk zuai ila, a lo ti ve bawk, Pa Muanpuia chuan, aw,, kan driver te kha inthlah tir zuai ula, room ah khan an awm kha tiin ava koh sak a, Nu Rini pawh chu nangpawh kal ve rawh a ti sup, Nu Rini chuan ka kal dawn, lo in hlek suh ang che tiin a vo zui. Kan lo nui dar dar a, ka nu te ho chu U Ruati te in lam pan chuan sumo in an chhuk ta hlawm a.
Chu ve leh Pa Muana chuan Rinrapthlaki awm ta love,, a ti zui sup chu U mami leh u bawihi an nui suk a, keini pawh chu kan lo nui ve ham ham a, U bawihi chuan tirawh, Mam, kan zuk kal ve dawn emni, Siama te \hianho pawh kha kan rawn leng ang an tia, a tih chuan U mami chuan awi,, ka hmu peih lo, a lo ti sup, Christy chuan ti zel suh, I leng tar mai ang a lo tih chuan a melh hrawk a, mahse a nuih a za tih ka hria, bawihi chuan khang tiang neih ai chuan len tar mai kha a thlanawm zawk, chuloah tun ang khawvel hun hmawr tawh a, Mi Mo nih hi ka tum lo tiin an nui dun ve suk a. Scooty chuan an in phur chhuak a, an tlan thla chiah tih chuan Saia te \hianho chu an rawn chho a.
Zu rui \hen khat hian an rawn zui bawk a, an hnungah chuan dorothy leh Remtei chu an rawn chho bawk a, Saia te \hian thum chuan Guitar rawn kengin an rawn in triple a, an rual chuan Bike pahnih hian tlangval sa\ha deuh mai pali hi an rawn chuang chho ve bawk. An ruiin an ngen hmel ngang mai leh nghal.
U hriata chuan lo \hu rawh u, tiin \hutna a lo kawh hmuh zung zung a, Dorothy chuan Saia chu mit mei zeuhin enge I rawn hruai hram a ti, Saia chuan kan hel pawn min rawn zui tlat alawm, a ti ve bul bul a, Pa Muanpuia chu driver pakhat zawk bulah chuan In tur beiseiin a va lut daih a, kan \hu khawm a, Thla eng paw raih hnuaiah chuan Saia chuan guitar perhin kan zai ho a, a nuam phian mai, an zinga pakhat chuan mami I van hmel\ha ve I number min lo pe a ti reng a, ka nui mai a, a hnu rei vak loah chuan kan zai laiin ka banah a rawn kai a, a pa lian in a sek \ung mai si, ka duh lo, kal rawh ka ti chhuak \hawt a, chu ve leh U Hriata chu a rawn ding chhuak nghal a, ka banah chuan a rawn vuan ve nghal.
Pangngai deuhin midang ang hian zai ve mai teh tih pah chuan min pawt phei a, a hnungah chuan min awm tir a, chung zu rui ho chuan kan boruak hlimawm tak tur chu an rawn ti chhe vek dawn a nih hi ka ti rilru hman tawh a, ka hlau thawng hle. An \hian li chuan U hriata chu an rawn hual nghal tuau va, Pakhat chuan I va hauh na deuh ve, ka fiam ve mai chauh a nih kha, I in la pa ve deuh emni a rawn ti rum chhar a. U Hriata chuan ka in ti pa lo va, ka Pa ve tawk tiin a kut chu a hum a, Pakhat chuan a kut chu rang lutukin a rawn vai chhuak a, U hriata chuan min nam sawin a lo thle zawk a, chupa chu a hnek let a, an vai chuan an rawn bawh rawn nghal huk a, Christy te Dorothy te ho chu an \e nghal chul a. kei chu ka buai lutuk, ka chiai vek a, ka \ap ringawt! U hriata chu an bawh bet ran chu ka hmu a. Pa Hmuak,, tiin ka au vak vak a!
Show post links
Top
Kan school group- ah chuan ka lut a, kawrtethawveng khaw-mi, kan school a lut chu a number ka la a, u Hriata te awmna lai chu ka thawn a, an awmna hmun chu khawi lai hmun nge tih ka zawt a. Msg a la rawn reply mai lo leh nghal, Group ah a rawn lan ran theih tehlul nen tun atakah tiin ka phun nung nung, Christyi chuan engati leh bur bur nge a rawn ti vat, U Hriata status kha enteh ka ti nghal, Christy-I chuan ka hmu ve thei ngawt hleinem, khawimaw kan lo en tiin ka phone chu a rawn ban a, henu hi avan hmel\ha em em a ti chiah phei chu ka melh rum ngang mai,
Ka phone chu a rawn ri a, number ka hriat ngai loh a\angin phone call ka dawng, mood fuh lo tawk chuan ka chhang a, hruaii lek chu lo niin, min rawn reply har avangin ka hau nghal hrep, an awmna, min rawn zawh kha chu Agriculture Office bul a nih kha, a nuam tehh mai a nia, kan khuaah in zin dawn tih engatinge min hrilh loh a rawn ti luam a, keichuan kan hre lawk bik lo alawm, I awm lai nise a nawm dawn nen ka ti liam ve mai a, Ka haw hunah lo zin leh ru aw, Kan in chu dilpeng vengah khan a awm a nia, Tuna thlalak min rawn thawn, kha mi panna kawngah khan a tih chuan, lo pawt chat vatin engtin nge Agri office chulai hmun chu ka hriat theih ang, ka ti leh a, I status a Forest IB hlui chhak lawkah khan a awm alawm a tih chuan kan chhak lawkah chuan U hriata te chu an awm tih ka hre ta.
A nih, kan kal duh sia, phone ka dah aw tih paha dah mai ka tum chu, kan in tlawh ve ngei ngei rawh u, ka nu te kha min lo biak dawn nia a la rawn ti hram a, aw le, kan hman chuan le tiin ka chhang a, phone chu ka dah ta a.
Christy nen chuan kan han chho a, U Hriata te pawh chu an lo la awm a, thla an lo la la nasa mai, Christy chuan phone call dawngin hman hmawh zet chuan a chhang a, A nu hnen a\angin a ni, enge a ti deuh hluk a, Yes tih leh phone dah a rual a, enge ka lo ti vat, ruai \heh hun an sawn a, an in peih vak hman loh bakah khual khua a\anga lokal ho zawng zawng cham an tum leh vek avangin an hman hmawh lo law law a nih chu, 4;30 velah an ti a tih chuan, chu chu enge Yes hluai na tur ka lo ti leh nghal vat, Christy chuan, aw len reina hun kan neih phah. Kan titi lai chuan u hriata chu rawn hawiin Christy chu a rawn au a, kei chu ka hming pawh a lam lo.
Kawrte a ka zin kher kher chu ka inchhir ngang mai, ka tum dan leh beisei dan reng rengin thil a kal hauh lo. U Hriata lah hmuh \ha a hmu a, min theihnghilh nghal hmak, kawrte tlangval ho pawh hi an mawl lutuk, mi te hi rawn zui ve tur a nia, U hriata thik tur tal pawhin, U hriata chuan min rawn hmu vat a, Nui in rawn chho ve elaw, lokal rawh u a rawn ti lang lang a, Christy zek zawk chu a phei leh nghal mai, henu tak hi chu, Nula hmel\hai chu ava chibai nghal, a lo nui sen sen a, U Hriata chuan hei, kan CO fanu a nia, kan vengah an rawn awm char char a, kawrte lamah an lo insawn tawh a nih hi. A tih chuan ehe,, heta \anga inhmelhriat chawp an ni emaw ka tia. U Hriata chuan min rawn melh zuk. Dorothy-I a nih hi, chibai ve ta che tihpahin min nuih suk a.
Dorothy-I chuan tuemaw chuan min thik a ang hle mai, ka unaupa ang chiaha ka en a nih hi, in chanchin pawh min lo hrilh vek a, a tih chuan ka lai lutuk, za lo tak chuan ka nui suk a. thupha han chawi ngawt lah a ni ber bawk si lo, lai ru tak chuan ka nui ringawt, U hriata chu ka chhiat khum vak ringawt a, ani lah a lo nui ru tet tet..
U hriata chuan Mo a lawi hmain lengkual ila, Kawrtethawveng piahah hian Bunghmun khuaa a awm a, tahchuan Bung park mawi deuh a awm an tia, chumi piahah chuan Khaw rohsan tawh Kan Pasal\ha, tlawmngaihna lama thangchhuah taitesena khua Serhmun a awm a, Taitesena thlan chu hmuh theihin a awm an ti asin, kan va kal dawn emni tiin kan chhanna beisei tak chuan min melh hlawm a.
Christy a lo phur leh ber tawh kal ang u a lo ti lehh vat a, U Mami’n a hria ange, min hau ang ka tih chuan Christy chuan enrawh petrol a tam lutuk, a hre teuh lo, kal ang u a ti nghal zung zung a, Dorothy te \hian dun pawh chuan keini pawh kan awmna a rei ve tawh viau naa Serhmun khua an tihah chuan ka la kal miah lo, in peih chuan kal ve chance a ni mai.
Phur tak chuan chu lam pan chuan kan kal a, keichu U Hriata’n Min phur a, ka titau tawh lo na a, awm dan thiam a har hle , min nuih ru tet tet leh nghal, tlak lamah chuan bru ho khua Mualṭhuam alo lang ve ut a, Kawte khawthlang lam zawng chu bru ho khua a ni, a ral lehlama tlang in khaw zul mai chu zampui, tripura tlang dung a ni a, tlai boruak nuam tak leh a khaw thlir nuam lutuk te chuan nun a ti hlim veng veng thei nia.
Bunghmun kan lut a, kawrte aṭangin Km 8 emaw km 9 vel a niang a khua chu a lian lo na a, thingtlang khua angah chuan a van tlang pawl a ni. Bung park an tih pawh chu tlan pahin a lang thei a, mahse kan kal tumna zawk Taitesena thlan hmuh ve ngei kan duh avangin Bung park lamah pawh chuan kan chawl ta lem lova.
Chirtsy chu a rawn au leh tuar tuar ṭhin a, a hlim a ni tih a hriat ngawih ngawih keipawh U Hriata nena hetianga inpawh leh inhnaih taka kan awm thei hi ka hlim , nichin mai kha chuan kawrtethawveng ka kal avang khan ka inchhir ngawih ngawih a, tunah chuan ka kal lo ang tih ka hlau leh hle thung si a nih hi maw.
Ni e, hmangaihnaah hian thikthu hi chu a tel ngei tur a nia, kan hmangaih loh te chu kan thik ngai lo, kan en liam mai thei, kan hmangaih ber te erawh thik loh hi an har a ni, Mahse thikthu hi zawng a zeldin thui peih peih teah hian a thawk na a nih ber mai hi.
suangtuahna a kal thui tawh phei chuan keimahni ngaihtuahna ringawt pawh hi kan thinrim pui a, tu emaw chu kan ngei phah ngawt thei \hin a lo nih hi.
Serhmun chu rin aiin alo hla a, a khua kan va lut chu Hmana tute emaw in ngai leh inthlahlel em em a an awmna ṭhin, tute emaw chhungkua hlim taka an infiam dar dar na hmun, tute emaw ṭhianho inkawm dial dial a, an rik ve laih laihna hmun, zan thla eng hnuaia tlangval lungleng a zai ve rawih rawihna \hin ngei mai chu hnimin a lo bawh chuk a, an in hlui la ding chhun chhun te chu a awng rawp tawhin a tla bal tawh hle a, an field ni awm takah te chuan hnim a buk laih tawh a, an tlangval te khan an khaw nula hmelṭha mit hmuhah chet ṭhat tumin theih tawpin chu khel mual chu an mawi ṭhin ngei ang a, an nula te lahin a kam sir aṭangin an bialpa, an ṭhianpa te chu hrawk thler dawn dawnin an lo au ve ṭhin ngei awm si a, mahse tunah chuan khang hmun te kha hnimin a khuh tawh a, hmanlai hmun an chang ta der mai chu a ni si a. An thlanmual te mawlh chuan lung lam lam a tichhia a.
chung ka zeldin na leh suangtuahna ringawt pawh chuan ka lung a ti leng vawng vawng thei nia, U Hriata chuan a va mak dauh dauh em, saw midang chu an chhuk tawh, kan thleng a nia tiin min rawn nghawk zeuh a.
Scooty aṭang chuan chhukin Mit sen deuh ram chuan ka insut deuh feih a, U hriata chuan i mitah thil a lut emni tiin ka mit chu a han en a,
Aih, ṭah aw deuh ṭuau chuan ka ti a, enge awm zia i ṭap emni a rawn ti leh.. Enteh tikhan an khua kha an duh vang rengin an chhuahsan tihna emni ka tih chuan nui suk hian ni lo e, Dampa sanctuary, Dampa tiger reserve a nia, sawrkarin an chhuah tir a nih kha a tih phei chuan ka hnuk a ulh lek lek an duh vang pawh ni lo a, naupan tet aṭanga an tualchaina an han kalsan tur chu, enteh kan Colony khi kan la chhuahsan ve awm sia, a ngaihawm dawn e ka ti zawi sap a.
Aw,, i ngaihtuahna in a vel ṭap leh tawh che a ni maw tihpahin ka kut chu a rawn vuan a, kalo bu nghauh a.
Ka mit tui tling deuh pam chu min tuai sak zeuhin lokal rawh sawtah sawn i phei ve ang tiin min nuih ru deuh zuk, a ban a ben pah chuan nui suh, ṭah nui deuh ṭuau chung chuan ka ti a, U Dorothy chuan Hriata, rawn phei rawh u,, hei a tlai ṭep a nia, thla la ho ang u a rawn ti lang lang a, U hriata nen chuan pheiin Christy chu a lo selfie leh nasa tawh a, video nen a lo reels bawk. a, a status mute a ngai leh dawn a nih hi.
Kan vai chuan thla kan la ho a, an lungphunah chuan chumi thlan siam nana pawisa thawhtu te hming an lo ziak tlar dal a, U hriata chuan tirawh Nui thla la dun ang, Christy min lo hmeh teh a ti chiah chu christy a ner nasa lutuk, in chhe vel, nakinah ka bialpa nena kan kal hunah in la chak lo khawp ang tia phun nung nung chung chuan min hmeh sak a, a la thiam lo kan ti khawp a, a la nawn duh tawh hauh lo leh nghal a,
U Hriata chuan Thy-i hei ruai ṭheh a hun tawh a nia, kan let loh chuan tiin Dorothy te ṭhian dun chu a va melh zuk a, Dorothy chuan kha tikhan min koh ziah suh, kawrte khuaa ka ṭhian ten an hriat phei chuan thy-i tih bakin min koh lo ang, kan khua chu a ṭhing lai lai hian kan inkoh ṭhin a nia, tiin a nui sen sen. mipa ni ila henu hi chu ka star ngawt ang.
A chhakah khian lal lungdawh a awm an tia, mahse a hlat takin kal tawh lo mai ang u, ruai ṭheh kan nan hman tak loh leh kan in ah in rawn ei daih dawn a nia, tiin scooty lam chu kan pan sap sap a, u hriata chuan zanin chu rawn chho ve ru aw tih leh scooty tih nun chu a rual a, Dorothy te ṭhian dun chuan nia, in ngaihawm dawn si, kan inbe dawn nia tiin kawrte lam pan chuan kan tlan let leh ta vang vang a.
Kan va thleng chu rin lawk ang ngeiin ruai an lo \heh fel tawh a, Mo pawh a lo lawi diam tawh, U Mami chuan min hau nasa ngang mai, Mahse U hriata a tel ve avangin ka Nu chuan ka thlavang a lo hauh a, Christyi nen chauh chuan ni ila min \im nasa dawn lutuk, fatu ho rual chuan kan ei ve a, Christy chuan mi titi a\angin Lawi ar an ru \hin tih chu a hria a, a rawn sawi chhuak, kei chu kalo phur nghal lutuk, Dorothy pawh chuan chaw eikham ve leh kan va ru dawn a nia a rawn ti ve bawk a, U hriata erawh chuan a zahthlak, mikhual kan ni bawk si tiin min lo chhang vat.
Fatu pakhat chuan zahthlak loh e a thiang vek alawm, Mizo dan ve reng a nia, Mahse in chhungah a lut phawt tur a nia, In chhung a luh hma chu ruk phal a ni lo, Mahse in tum tlai a ni, Saw, Saw mi te \hianho sawn an la tawh tiin kan hmaa tleirawl lokal ho chu a kawk a, Fatu pakhat chuan mi ruk tawh hnu pawh intheih chuan a ruk chhuah leh theih vek a nia, nui vur vur pah chuan a rawn ti a.
Christy lah pek chuan dik chiah an ruk ve tho a nia, Pu khawiah nge an dah ang le a la ti ta deuh deuh , ka \hiani hi chu a extra ve hret \hin. Saw,, an ṭhenawmte leikapuiah sawn an dah va la rawh u, an chhuah lawk hlan sawn, a ti a.
Christy chu a phur lutuk, U Hriata chuan a chi loh, a zahthlak a tih pawhin Dorothy te lai lai chu an phur tawh mai si a, chaw pawh kan ei nghal sawk sawk a, dorothy chuan Saia te ṭhianho an nih saw an hlauhawm loh lutuk, Nui, leikapui piah ah sawn lo awm la, U Hriat, kawngpui bulah sawn lo awm bawk la, christy nen kan va lut ang a, Remte, Saia te lo haw leh haw loh lo en rawh aw, a ti zung zung.
U Mami rawn phei chu Christy chuan ṭawng lo turin zai zirin alo ti, U Mami chuan a hriat thiam loh hmel hle.
Dorothy chuan Pa Reng, khawnge Saia te ava ti dek dek a, keichu leikapui lamah chuan ka va phei nghal a, an pa ber ni awm tak chuan kuhva kan va lei lawk ange an ti a nih kha, enge ni ta, i pa te an dam maw a lo ti luam a, Dorothy chu a hmanhmawh lo ka ti ltk, U Hriata lah kawngpui bula phul chu a chhuih , a chhuih a, lo chik deuh se chuan thil ru tur kan ni tih an hre thei ang, a dawi hmel zek zawk lutuk, a hawi kual ang hrek hrek leh nghal.
Dorothy chuan an ṭha a ni mai, in va rawn inkhawm khat ve a ti leh luam a, pa ber chuan nia, i pi a dam a ṭha thei meuh lova, a tih zawh rual chuan ka khuh deuh kherh a, Christy chuan Pu tui ka lo in teh ang a, a ti ri ka hria, Dorothy chuan pawna mi kha in mai rawh alo ti vat, Pu chuan kha tui in tur dahna hlum bel a awm kha, tah khan in mai rawh alo ti, Christy chuan ah ka kal lak lawh em mai, pawn lam ami ka in zawk mai ang tiin a chhuak tlang a, Ar a chawi chiah chu a ṭe deuh ṭhat a, beng chheng lo turin ka ti nghal !
Remtei chuan Nui an lo haw a rawn ti sur sur, U Hriata chu a chiai vek tawh kal sawn a tum, lung in ka vawm a, hawi kual hrek hrek chung chuan a rawn chhuk a, Ar chu a rawn la, Dorothy leh Christy an rawn chhuak a, Saia an tih chuan min rawn hmu,Lalmam saw kan ar an ru a rawn ti, U Hriat, tlan rawh kalo ti vat a, U hriata chu chak lutukin a tlan ve nghal, Fatu ho chu an lo nui ham ham a.
Saia te ṭhianho chuan zawnga chu tunge tihpahin an um a, u hriata lah a hlau mangang ropui, mi kawmthlangah a tlan thla ringawt a, Dorothy chu a lo nui a, Saiek, kan ru chhuak leh keuh a rawn ti, Saia chuan Hmeli tiin a rawn nui vur vur a, U Hriata lah an um pha bawk si lo, an rawn let a, kan ei ve tho ang an rawn ti ringawt.
Kan vai chuan kan thaw huai mai, kan mission chu kan complete ta phawt,Mahse U Hriata awmna kan hre ta lo.
U Mami teho leh U Ruati te chu kan thawm hriain an rawn chhuak a, kan han sawifiah chu U ruati pasal pawh a nui nasa, U Ruati chuan engtin nge Lalhriatpuia hetiang in tih tir theih zawk tiin mak tih hmel tak chuan a nui a, an lut leh diak a.
Saia bawk chuan Dorothy chu rawn auin, zanah kan rawn zui dawn tho che u, tunge in ruk tir kha ava tlan chak ve ala rawn ti zui, christy nen chuan kan in en a, kan nui nasa lutuk, kan insum thei meuh lo, Remtei leh Dorothy chuan Hriata chu call rawh u, a chiai lutuk ang an tih chuan kan harh chhuak zawk a, kan call nghal
U hriata chuan thaw hlawp hlawp hian phone chu a rawn chhang a, Christy chuan khawiah nge i awm a ti nghal, ka hre nang, Ka Pi hian rukru emaw min tia, min beng pawp leh nghal ka zak lutuk, a tih zawh chuan ka pi ka awmna hi khawilai nge a tih zawm nghal zat a, E.. hmar veng thlanmual road a ti a nih chu, lokal rawh u, kan thlenna kha a hla vak lo a ti. kalo nghak mai ang che u, ka chau ltk tiin a thaw hlawp hlawp a, phone a dah a,
Christy chuan min va hau nasa dawn tak, Awi,, a inhmeh e, a tlan thla ṭuk ṭuk kha tiin a nui tawp hlei thei lo, a nui ṭha leh ṭhin. Dorothy chuan avahan tlan kual nasa em em ve tiin Remtei nen chuan in phurh leh an tum a, Christy chuan U Mami scooty a chuang chung chuan Nui khan a khalh thiam lo a nia, a rawn ti, Remtei chuan kalo khalh mai ang tia rawn chhuk a tum chiah chu, U Mami a rawn chhuak , scooty kha dah nghal rawh u, a rawn ti, awi.. mi khuaa ka zak lutuk tiin christy chu a rawn phei, Laldinkim khawi chahbi tih pahin a kut a rawn dawh.. kun deuh chhur in ka kal phei a, ka va pe a, han chho tawh rawh u,leng tawh miah suh u a la ti zui.. mi khuaa pawh a thinrim chuan a ri phat ngam, ka u hi chu a den ve leh thut ṭhin..
Dorothy chu lo nui sukin, vawiin chu a hlimawm hle mai, kan kal anga, min lo zui ru a ti a, U hriata scooty chu Cristy chuan a khalh a, kan zui ve ta nghal a. Kawng sirah chuan Ar nen chuan alo awm, mi rawn melh rum lutuk, nui hlek suh u, ka zak lutuk, khawi tih pahin a scooty chu a la a, ar chu min pe a, inṭhian dun khan ke in rawn chho rawh u tiin a tlan nul nul.
A thinrim chu a awm ka tih pui tho va, mahse ava'n gentlemen lo thei tak, Dorothy chuan kalo thlah ang che u, Remte, ke in lo han chho mai la, zanah chuan hei ar ei tur a awm hi kan chho dawn nia kalo bia ang che a ti a, Christy nen chuan min phur chho a, tlan pah chuan Hriata danglam a tih tawh zia te, a hma te chuan a ṭawng tlem lutuk a, keimah hian ka chhaih lui peih ve hrim hrim a, min nel ve mai zawk a, SAY members dangho kha chu, in hmang ve reng chung khan a nel loh hmel thei ltk.. a Ar ru a tlan chhia te kha kan Corps SAY ten hria se chu an nui nasa dawn lutuk tiin a titi siam siam a.
A sawi chhunzawm zel a, Tunah chuan kawm pawh a nuam ve deuh tawh alwm, a hma chuan ṭawng tlem deuh chung khan a nghalin sawi tur kha a hre phian zel a, mi kha a hnial dang leh nulh ṭhin.. U hriata chu a lo hrechiang hle mai, a sawi zawng zawng chu dik tak chuan tuna a mizia a la ni reng a, christy nen hian kan zia a dang em a, kan bulah chuan a inthlak lo thei lo a ni.
IB chu kan thleng chho va, U hriata chu a lo inthlak vek tawh a, Christy nen chuan min la be duh lo, keichuan tihtauh san let ve mai ka duh a, christy chuan nangma thiam loh vek a nih kha, va thlem rawh a tih avang chuan phur lo zet chuan ka pan, U hriata hi Pa ve deuh si hi tihtauh a hrat phian a, a hrat han ti ngawt ila Mi dang lakah chuan ka hre lo, ka lakah bik chauh te pawh a ni mai thei.
Ka hawi kual a, Nu Rini tih loh chu Midang chu tumah an lo la haw lova, Nu Rini chuan satha Ip lian tawkah hian an thlai pek vek ho chu alo rem fel mawlh mawlh a, a zai rat rat a, a \awng duh phawr phawr bawk a, Thlai hawn tur a ngah dawn ngang mai, a tira hreawm ti ber khan nuam a ti leh ber tawh a, \hian pawh a siam nghal zung zung ni mai khan ka hria.
U Hriata chu kan thlen zana kan \hutna ah bawk khan a \hu a, Nu Rini min hmuh hlau ru tak chuan ka kal zawk a, ka khuh kharh a, U hriata chu a rawn hawi, a hawi let leh daih, ka khuh leh a, lo phei mai mai teh a rawn ti sup a. inthlahrung ru deuh chuan ka phei a, min lo kuah a, sarry ka ti deuh sap a, ka thinrim tawh lo, in rawn hah em , khawnge christy a ti nghal, Hah lo, U Dorothy’n min rawn thlah a, I thinrim tawh lo tak tak maw, ka ti leh hram a.
Ka hnar a piai pah chuan I hmel ka hmu a, ka thinrim thei tawh lo alawm,, hmeisa lutuk mai a tih rual deuh thaw chuan ninawm khatin naupang chhe tret deuhin min ti ziah suh,,ka lo ti ve bawk, a uar leh sauh a, I sa leuh alawmm, a tih chuan I ninawm tiin a hnungah chuan ka chum a, kan insi leh chial tawh a.
Ar kha engtin nge intih tak nui hak pah chuan a rawn ti a, Christy’n Saw lai pawna buara chhungah khan a khung, I hah em, engtin nge I tlan chhiat dan min lo hrilh ka ti vat, ka sawi duh lo tiin a nui put put, kei chuan mawhh,, ka hre chak sawi tehh ka ti tlat a.
Nui suk chuan a sawi a, Min rawn um tih ka hriat khan engmah ka ngaihtuah tawh lo, a rem lam lam kha ka pan tawp, Kha ka tlan thlakna mi hnuai ah khan ka tlang thla pawp a, mi kawmthlangah ka tlan thla zel a, min la rawn um em tih pawh ka ngaihtuah chang tawh lo, ka hawi let lo hrim hrim, chuan Step ka thleng a, a bul lawk chu kawr a nia, tahchuan Ar kha ka vawm thla a, Pitar pakhatin rukru tiin min rawn au, ka zak bawk si, mi an rawn chhuak a, Pitar chu a rawn kal hnai nghal,, tunge I nih tih pahin min rawn beng pawp a.
Tichuan thil awm zia ka sawi a, midang lo chhuak ho chu an nui dar dar a, Pitar chuan aw,, Lawi ar ruk te chutiangin an hlauthawng ngai hleinem, a thiang vek alawm, tiin min nuih a, chumi lai tak chuan nangmahni khan min rawn call, Min umtu te nen khan in inbia em a tih zawm nghal zat a, bia e,, zanah kan lo kal ve dawn tho an ti, ka tih chuan lokal rawh se,, an ruk tawh sa a nia, a nawm pawh a nuam hleinem, tiin kan titi zui siam siam a, a thil tawn a sawi chu ka mitthlain ka hmu a, ka nuih a za tlat.
U mami te, ka Nu te, Nu Sangi leh Pa Hmuaka te ho chu Sumo in an rawn chho a, U Hriata chu an rawn zawng a, Pa Hmuaka chuan bawiha, hei, kan chhoh ngei ngei a ngai leh si a nih hi, Naktukah Khawzawl lamah kan pu ten kal turin min rawn ti leh thut sia, midang hi Naktuka haw tur angin an insawi vek tawh sia, I scooty hian ka chho mai dawn emaw ni ka tia a rawn ti a.
U Hriata chuan kan pahnihin chho ila a ni mai lawm tiin a lo chhang a, kei chuan U hriata chu chho ve lo se ka ti hle a, Pa Hmuaka chuan a buaithlak mai mai, Naktukah a rualin rawn chho law law rawh u, an mut hma deuhin I U Ruati te pawh zuk tlawh ve phawt ula, a khua a har dawn teh mai a nia a tih chuan, Christy pek chuan har awm lo e, tunah pawh in leng haw tawh se an ti daih zawk ang a rawn ti.
Midang chu an lo nui dar dar a, U hriata chuan um,, I tih dan dan a ni mai, Nu I chho ve dawn em a ti leh nghal, Nu Sangi chuan hei I Nu Rini hian a phal lo a nih hi, ka awm ve leh ngei a ngai dawn, I pa chu ka han insiam pui ange a ti a, an lut a, christy chuan nangni pawh lo chho ru, intifai ila, zanin lama ar kan hemna tur vel siam ang u a tia, kan lut chho ve nghal mai a.
U Hriata Pa hi Pvt Company, ZOFA CONSRTUCTION hnuaiah hian JE in a awm a, Sawrkar hna a nih loh avangin leave hi a la vak thei \hin lo, U Ruati hi, Lab technician a ni thung a, Civil ah khian a \hu \hin , an pahnih hlawh chu an rin ber a ni a, an khawsak pawh a nuam ve pangngai hle, Mahse Tunah U Ruati’n Pasal a nei tawh bawk si a, Pa Hmuaka kutah an innghat vek tawh a nih ber chu!
Building chhung kan lut a, u hriata chu an room lamah a kal nghal a, kei leh chirsty pawh kan room ah kan lut ve nghal maia, thil pakhat kan theihnghilh, hauh hma bak kan ni tih kan theihnghilh thut, U mami chu kan hmaah a lo ding ngal a, vawiinah khan khawiah nge in kal, a zahthlak lutuk, Fatu ho ruala mikhual in chaw lo ei ve te kha in zak lo’m ni tiin Christy nen chuan min melh kal a, hnuai lam kan bih daih.
Nu Sangi leh Anu chuan engmah rawn sawi an tum ve bawk si lo, U Mami thinrim chu kan hlau dun hle a, kan kalna hmun a hriat phei chuan min \im nek ang, christy nen chuan kan thaw dep dep hi a ni ber mai, Nu Rini chu a rawn inrawlh a, ahh, Lalram a ho lutuk, Mikhualna te a nia, an enzawi ve a nih kha,, Aizawlah mi inhnuaiah ni hmu mang loin, chhuah pawh chhuak mang loin an awm a, an chhuah ve lahin kawngpui chep leh tawt lutuk ah ringawt an awm \hin a, nuam an ti ve a nih kha a rawn ti zauh.
Awii,, Nu Rini ka duh zia hi ka fawp hrep dawn nge ni, U mami chuan min la melh run tho a, Nu Rini bawk chuan va inbual rawh u, zanah chuan khawiah mah chhuak tawh lo ula a lo ti leh a, U mami chuan Nu Rini a rawn in rawlh tak avangin min hau zui tawh lem lo, kal rawh u a ti hmuk, Kan kal na hmun kha sawi ila, min hau nasa dawn lutuk, a petrol man a chhut ang a, a thinrim nasa dawn tih ka hria, a inren ve ropui si, Christy nen chuan kan thaw huai a.
Intifai tur chuan bathroom ah kan lut nghal a, kan in en a, kan nui dir char char , Nu Rini rawn inrawlh timing lutuk chu kan lawm a ni tih sawi hran pa pawh a ngai lo, kan in en khan engkim kan inhre pawh tawn vek, kan nuih rik chuan U Mami’n kan tihel emaw a tih kan hlau bawk si. Kan intihfai zawh chuan Pa Hmuaka haw tur chu kan va thlah a, zan dar 8 vel a ni tawh a, Christy chuan e,, Ar kha a rawn tichhuak hlawl, U hriata leh pa Muanpuia chu kan koh a, kan va hrilh a, an ni chu phur tawkin an rawn tho chhuak a,
Pa Muanpuia chuan a talh a, U hriata chuan a lo dawm pui a, U Bawihi leh U mami chuan tui an lo lum bawk a, engtia siam nge intum a, tia min zawh chuan Christy chuan kawtzawlah hian hem ila kan tia, tiin alo chhang vat a, Pa Muanpuia chuan,, ah,, meia hem chu inthiam lo ang, khu khulai quaterah khuan Owven a awm alawm, kan hem dawn nia tiin phur tak chuan a hmul chu an pawt a, U hriata chuan a paih na deuh nge ni, a thla te chu a duk chur a, vawiin chhun lama a tlan chhiat dan chu christy chuan a zir a, U hriata pawh za lo tak chuan a nui ve suk a.
Kan nuih ho dar dar lai chuan E,, U hriat, Dorothy te kha an rawn kal dawn lo ami, U hriata chuan rawn kal chu kan tum an tih kha mawle, kan call chhin ange tih leh phone phawrh chu a rual a, a call nghal sut sut a, Loud ah a dah bawk a,
Thy-I in rawn kal dawn lo emni, hei Ar kha kan puah mek a nia, Dorothy chuan rawn kal kan tum a, hei, Saia te hi rawn kal ve \al an tum a, kan la biruk san a nih hi tia a rawn chhang chu U hriata chuan a ho lutuk rawn kal tir ve rawh u, Duh leh Ei tur te. Drinks vel te kan lei belh anga, inthlahna a ni mai alawm a tih takah chuan Dorothy chuan a nih kan han hrilh ange, saw kan in ah sawn an awm reng a, Guitar nen an la rawn kal \up zui a, a tih phei chuan U Hriata chuan e,, lo chho ngei ngei rawh se, Guitar chu lo keng se zai ang u, hei thla a eng si a nuam dawn lutuk a ti bawrh bawrh a.
Dorothy pa ni awm tak hian, Hriata, I nu leh Pa pawh chu min rawn tlawh ve awm alawm mawle a rawn ti lar lar a, Dorothy chuan ka pa sawi chu I hria em a rawn ti leh , u hriata chuan,, Nu, CO pa’n I Nu leh Pa chuan min rawn tlawh ve tur alawm a ti a nih chu, a va ti sur sur a, Nu Sangi chuan nia,, I pa nen pawn kan sawi a, mahse kha haw a ngai leh thut sia, Zanah I U Ruati te in a zuk len pahin kan hman chuan kan rawn kal ang a tia, phone chu an dah ta rih a.
Forest Quarter nghaktu chu rawn chhoin Ar chu pa hmuaka chuan a pe a, I duh dan danin zuk siam rawh, a hem an duh a ni awm e, tih pah chuan zawi sup hian inkhuaah hian khawilaiah nge a lakna a ti sup, Chu nu chuan awi,, ka van hre ve lo, ngawirawh,, kan pa ten an hria ang a tih lai chuan NU Rini chuan lalmuanpui a \ul lo lutuk, kha tlangval zawk pawn ruih tur an zawn miah loh kha, a rawn ti.
Pa Hmuaka chu a ngawi nghal hmak a, Christy nen chuan kan lo nui a, Nu Rini thinrim hi chu a den ve em a ni, Nu Rini bawk chuan, mak lutuk mai, che hlek a, ruih tur zawng reng ringawt a ti leh a, Pa muanpuia chu nui put putin, ahh,, ruih tur lam a ni lo,, Ar an zawrhna ka zawt a nih kha, hei naupang an rawn kal belh dawn a, kan kham loh a hlauhawm alawm le, an \hiante nen inthlahna siam te an duh ve a tiin chhuanlam a han siam a.
Nu Rini chuan Arsa zawrhna khatiang a zawi te a zawh su su angai emni a ti leh hram a, Quarter nghaktu nu pawh chu nui sukin a chhuk thla ve ta hna hna a, Pawnah chuan \hutthleng chawi chhuakin kan \hu khawm laih a, kan vai mai chuan kan inkawm khawm a, Nu Sangi chuan , Rami Nu kan chhuk dawn emni haw tlai lutuk a chi awm si lova, chu kan Co te pawh chu tlawh ka duh a ti a, Nia, chhuk zuai ila, a lo ti ve bawk, Pa Muanpuia chuan, aw,, kan driver te kha inthlah tir zuai ula, room ah khan an awm kha tiin ava koh sak a, Nu Rini pawh chu nangpawh kal ve rawh a ti sup, Nu Rini chuan ka kal dawn, lo in hlek suh ang che tiin a vo zui. Kan lo nui dar dar a, ka nu te ho chu U Ruati te in lam pan chuan sumo in an chhuk ta hlawm a.
Chu ve leh Pa Muana chuan Rinrapthlaki awm ta love,, a ti zui sup chu U mami leh u bawihi an nui suk a, keini pawh chu kan lo nui ve ham ham a, U bawihi chuan tirawh, Mam, kan zuk kal ve dawn emni, Siama te \hianho pawh kha kan rawn leng ang an tia, a tih chuan U mami chuan awi,, ka hmu peih lo, a lo ti sup, Christy chuan ti zel suh, I leng tar mai ang a lo tih chuan a melh hrawk a, mahse a nuih a za tih ka hria, bawihi chuan khang tiang neih ai chuan len tar mai kha a thlanawm zawk, chuloah tun ang khawvel hun hmawr tawh a, Mi Mo nih hi ka tum lo tiin an nui dun ve suk a. Scooty chuan an in phur chhuak a, an tlan thla chiah tih chuan Saia te \hianho chu an rawn chho a.
Zu rui \hen khat hian an rawn zui bawk a, an hnungah chuan dorothy leh Remtei chu an rawn chho bawk a, Saia te \hian thum chuan Guitar rawn kengin an rawn in triple a, an rual chuan Bike pahnih hian tlangval sa\ha deuh mai pali hi an rawn chuang chho ve bawk. An ruiin an ngen hmel ngang mai leh nghal.
U hriata chuan lo \hu rawh u, tiin \hutna a lo kawh hmuh zung zung a, Dorothy chuan Saia chu mit mei zeuhin enge I rawn hruai hram a ti, Saia chuan kan hel pawn min rawn zui tlat alawm, a ti ve bul bul a, Pa Muanpuia chu driver pakhat zawk bulah chuan In tur beiseiin a va lut daih a, kan \hu khawm a, Thla eng paw raih hnuaiah chuan Saia chuan guitar perhin kan zai ho a, a nuam phian mai, an zinga pakhat chuan mami I van hmel\ha ve I number min lo pe a ti reng a, ka nui mai a, a hnu rei vak loah chuan kan zai laiin ka banah a rawn kai a, a pa lian in a sek \ung mai si, ka duh lo, kal rawh ka ti chhuak \hawt a, chu ve leh U Hriata chu a rawn ding chhuak nghal a, ka banah chuan a rawn vuan ve nghal.
Pangngai deuhin midang ang hian zai ve mai teh tih pah chuan min pawt phei a, a hnungah chuan min awm tir a, chung zu rui ho chuan kan boruak hlimawm tak tur chu an rawn ti chhe vek dawn a nih hi ka ti rilru hman tawh a, ka hlau thawng hle. An \hian li chuan U hriata chu an rawn hual nghal tuau va, Pakhat chuan I va hauh na deuh ve, ka fiam ve mai chauh a nih kha, I in la pa ve deuh emni a rawn ti rum chhar a. U Hriata chuan ka in ti pa lo va, ka Pa ve tawk tiin a kut chu a hum a, Pakhat chuan a kut chu rang lutukin a rawn vai chhuak a, U hriata chuan min nam sawin a lo thle zawk a, chupa chu a hnek let a, an vai chuan an rawn bawh rawn nghal huk a, Christy te Dorothy te ho chu an \e nghal chul a. kei chu ka buai lutuk, ka chiai vek a, ka \ap ringawt! U hriata chu an bawh bet ran chu ka hmu a. Pa Hmuak,, tiin ka au vak vak a!
Show post links
Top