STORYFB.COM

9

Tori's POV

Ti nge nichin khan ka lo chhaih ve le tih ka ngaihtuah a, ka fiam dan kha Flirt a ni chiah pawhin ka hre leh lo deuh a, kha aia nasa sa pawh khan ka thiante ka ti zing tawh e mai tiin ka inhnem chawp leh a.

Mahse, Ethan chu thian a ni tlat lo.

Min chhawr tu a ni a, sexting/sexchat tih chu i hnathawhna pa bula sawi chi a ni dawn em ni?

Ka maimitchhing diar diar a, baseball cab nen khan a duhawm thlawt a ni, a t-shirt a pawh fan laia a awm a tatoo lo lang zawng zawng nen khan, ka dang a ti ro halh mai.

A chhan sawifiah ngaihna pawh ka hre bik lo, han chhaih deuh ve reng reng ka chak tlat a nih chu, engtin nge a tih teh reng hriat a chakawm a lawm le.

Mahse, ka ngaihtuahna atanga dahbo ka tan a tha zawk ang, ka awmdan hi a dik dawn tlat lo.

Ka ngaizawng ve ngawt thei lo ang, pathlawi a ni lawm ni kha? Bakah sex engtikah mah ka hman pui loh tur ka hrilh a, chu mai duhtawk lo in ka type a nih loh thu nen lam ka sawi a nih kha.

Jamie nen kan in break hnu khan 'hmeichhiate leh sex' tih article ka chhiar fuh hlauh a, tahchuan mahni leh mahni kan inhrawt nasat pauh leh sex kan hman chakna a zual tih a ni a, chuvang chuan ka chak viau pawhin mahni leh mahni ka inkhalh loh chuan sex ka mamawhna pawh a reh ve tial tial beiseiin helamah ka rilru ka pe lo lui ngar ngar thin a. A tirah chuan tha dawn fu in lang a, mahse kum khat dawn han nghei ngat ngat mai chuan e, insum har tak a ni. Tunah pawh hian mipa hma a ruaka awm ka chak a, min chul vel ka chak a, min dep zawt zawt turin ka duh takzet tawh a ni.

Thawk halh pahin puan ka tlawhhlim a, ka room chhung chu ka enkual zung zung a, ka apartment-ah khan ka thil zawng zawng deuh tho a la awm vek si a, hetah chuan pakhat pawh ka nei si lo. Shower lu bawk chu ka rilru ah a rawn lang a, chu chuan ti ta mai ila, midang ka ti harh vek ang em?

Ughhhh, risk chi loh tlat.

Insum rawh, Victoria tiin ka infuih a.

Ka phone rawn nghawr dar dar chuan ka ngaihtuahna atangin min hruai peng thuai a, ka phone screen ka en chuan ka best friend Vivian a lo ni a, ka hmangaihin ka ngainat em em a ni a, mahse kan awmdun tawh hi chuan buaina kan siam dun leh nge nge thin.

"Ti nge ka party ah i rawn kal ve loh?" a aw chu music ri ring tak chuan a hliah bo lo chauh a, music ri a zawih tial tial danah hmun reh deuh a pan a ni ngei ang.

"South Padre atangin i rawn haw tih pawh ka hre reng reng hleinem." Ham bai bai chungin ka ti a.

"Wait, i mu tawh elaw? Zan dar 9?"

"Hna thar ka nei deuh rauh a." Ethan nen kan chungchang hi engmah thil chiang a la awm lo, tun summer chhung zawng min chhawr zel a tum nge tih ka hre lo a, kei pawhin chuti chen chu awm ka duh ngei em tih ka la chiang rih tlat lo. Mahse, hei aia Kat bul hnaia awm theihna chance tha erawh ka nei lo tih ka hria.

Hnathawk tura he lai hmuna ka kal atanga tun thlengin ka hrilh zung zung a.

"Sex in hmang tawh em?"

"Tu nen maw?"

"Pa ber nen chuan mawle, a sexy hmel tawp, bakah mi nghal ve lampang hi i duh ve thei bawk sia."

"Sex te chu teuh lo lutuk, ka boss a nia lawm"

"chutiang mai maiin a dang ngai si lo che a."

"Ka boss tumah sex ka la hmanpui lo aw." Val te ang thian ka neih avangin ka hmanpui mi hian an ring ringawt zel a, mahse ka boss te leh ka thiante ex sex ka hmanpui ngai bik tlat lo. Midang dang ka kawp kual ve fo, sex pawh nuam ka ti, hei erawh hi chu ka thil duh ngai loh a ni ve tlat.

"Tak tak maw?" lungni lo aw a pu lek lek zawk a.

"Tak tak ni e."

"Jamie kha i boss a ni lo em ni?"

Chu hming chuan min ti tim deuh a. "aih, ka boss a ni lo, ka boss thianpa zawk a nia, chuvang ringawt pawh chuan ka hua a ni."

A chhan chu ka boss Kevin khan ka bialpa chu nupui nei lai a ni tih min hrilh a tum ngai reng reng lo. Jamie nen kan inbreak rual khan ka hna atangin ka ban a ngai bawk; a chhan chu ka thawhna restaurant-ah khan a rawn kal regu thin sia, amah hmuh theihna tur ang chi reng rengah ka khawsa duh lo hrim hrim.

Kha mi tenawm kha engti kawng zawng mahin biak leh ka duh tawh lo hrim hrim a ni. Ka number ka thlak a, ka hnathawhna ka sawn bawk a, ka chennaah rawn kal leh pangpar min thawn a chin avangin ka chenna pawh ka sawn phah ta hial a. Texas chhunga pangpar tlawm ber lehnghal min rawn thawn a, chutah pangparah "Ka tih palh tak zet, i lakah bumhmang tenawm tak ka ni" tih lam erawh a rawn ziak ngai miah lo bawk. Bawlhlawh bawma ka peih hnu pawhin a rim chuan ka pi vuina parpang min hriat chhuah tir.

"Sex hman loh tih vel kha i la tum reng em ni?"

"Mipa TT ka duh lo."

"A van pawi... thian ka nei a.."

"NO"

"A hot over." (Sap ho in 'hot' an tih hi mizo ten kan copy lem lo niin ka hria a, sexy tiin ka dah mai a, hot ka tih chuan sexy tihna tho a ni tih in lo hre dawn nia -Ng)

"Anih te chuan nihpui mai la."

Hur hmel zet hian a nui a. "Tu nge inngaihzawn lam sawi a, duh tawkin intih tir la, kha i mipa sawi i it ruk em em kha i theihnghilh hmak mai ang, chuan hetah rawn haw leh la, summer chhung zawng kan party char char dawn a lawm. Jamie nen in inthen atang hian i danglam tlat tawh, khawiah nge ka BFF kha a awm tak?"

"Bawihte, hna ka thawh a ngai a lawm, ka pa in ka bill engmah min peksak dawn lo, keima pek vek tur a ni sia lawm."

A meng tal tawp tawp ang chu. "George-an ka inluah man min pek sak lo." A nu leh pa te hi an hming hlir in a sawi thin a. "Keiman hlawh ka nei ve."

I hlawh bawk, i pa hnen atanga i dawn kha maw, hnathawk tur pawhin kal lo mahla, i hlawh chu a pe ziah tho che ka rilruin ka ti a.

Min nawr tet tet bawk si avang chuan len ui turin ka intiam ta ngawt a. Ethan lak atanga han hawikhawthawn mamawh hun ka la nei mai thei a sin.

"Yay!" tiin a au a."Zankhat party mai maiin tumah a tibuai tham lo hrim hrim."

Chu thu dik loh zia chu kan pahnih hi a hrechiang ber tu kan ni tih ka sawi peih zawk lo.

Thil engkim kalsual vek turin zankhat party bak a ngai lo zawk.

...............................


zinga ka harh chuan hmel duhawm zet mai hian khum tlang atangin min lo thlir dauh dauh a.

"Hey, mila."

Dar engzat nge ni tawh ang le? Ethan khan dar engzatah nge naupang ho kaitho tura min duh tih a sawi si lo a, a sawi chhun chu dar 8 ah breakfast an ei thin tih chauh kha a ni sia, tunah lah dar 7 vel awrh chauh a la ni bawk si.

"Ka ti harh che a mi sorry?" a ding vat a, dingdihlipin kawngkharlam a pan phei leh den den a. Tho phang zeta thawh hlimhlawt chuan nuih var var chu thil har tak ni mahse Mila chu ka nuih var var a.

"Mila, ka ha ka brush chhungin i nau i lo va en hmak lawk ang em? Ka rawn kal ve nghal ang."

"Teh reng mai" tiin, a tlan chhuak nghal a.

Rum tiah tiah chungin khumah chuan ka in let thak a, Bar-a ka thawh lai kha chuan zing dar 3/4 ah te ka mu thin a, tun ang huna thawh chu ka tan thil thar a la ni a, in adjust deuh ka la mamawh dawn a ni.

Cody-a room a ka va luh chuan min lo nuih var var a, he mite unau duhawm zia hi chu aw. A taksa lum thar chu ka va kuah a.

"I mu tui em, munchkin? I ril a tam tawh em?"

A riat ve nawk nawk danah amah tawk chuan min chhang ve nasa a ni ngei ang, thlak zung zung ila, ei tur ka pe teh ang tiin a pajama hak lai chu harsa fe in ka pehlh sak a, a diaper ka phelh dawn chuan, a rawn nui ver ver a.

"E e!" a ke chum buang chu lek tarh tarh chungin,"E, e!" a rawn ti a.

"Okay, Buddy. warning min pek avangin ka lawm e."

Diaper rim chhe zet tih lohah chuan zingkar atangin a fuh chho viau a, mahse lunch ei hun vel atangin Mila nui hmel hmuh tur a awm lo tan a.

Tukverah chuan dakin pawnlam che miah lo a thlir bak chu engmah tih reng a tum lo.

A bulah chuan va thingthiin, "Thil dik lo a awm em ni, HOney? I va lungngaih hmel ve." tiin ka zawt ta a.

A hmui pet niap niapin min hui hnai a, ka beng bulah, "Ka pa tan ei tur kan siam sak thei ang em?" tiin min hrilh ru ta reuh a.

Ka nui chhuak teuh ngei mai, mahse a hmel en chuan nuihna chi a ni der bawk si lo. "Eng nge i pa chuan lunch-ah a nei thin a?"

"Ka pi in ei tur a siamsak thin a."

Ethan-an a ei tur engmah siamsak lo turin min hrilh bawk si, lunch ei tura a rawn haw thin tho bawk si chuan eng tin nge ka tih tak ang le?

Inhnung lam hla tak a Ethan-a sakawr chungchuang lai ka hmuh chuan ngaihdan thar ka nei ta a.

Mila lamah chuan hawiin kan kuah leh phawt a. "I pa a rawn thut takin ei tur kan siam belh deuh dawn em ni ang?"

Hnuai lam la melh tlat chungin a bu nghat ringawt a, ka chhanna chu a duhkhawp a tling lo tih ka hrethiam nghal a.

"Anih leh, i pa tan chuan e nge ti ila i duh ber?"

"A lunch tur siam sak a, va pek ka duh a."

He nau sweet zia hi chu awww...

"Awle, chuti chuan kan ti dawn nia aw."

LO duh lo ta se, eng tin nge ni ta ang le? Mila, hnenah 'aih' tiin a sawi chi bawk si loh, a buaithlak ngawt ang le.


10
Ethan's POV

Logan nen tukpumin sakawr hmul khuihfaiin kan buai char char a, Tori-in naupang ho duhthusama tha a a enkawlna avang chuan mood fuh em em tur ka nih laiin, ka lawyer hnen atanga phone call ka dawn chuan ka rilru a la peng lo thei lo a ni.

Lawyer min rawn call na chungchang sawiin, "Anih chuan engkim tih fel a ni dawn tihna a ni maw? Judge hnenah in kal ang a, engkim in ti tawp tawh ang a, in inthen tak tak tawh dawn tihna em ni?"

Chu thumal INTHEN tih ka hriat chuan ka rum deuh hawk a, a ri reng reng chu tawpna hi a ni hliah hliah in ka hria. Ni e, a tawpna tur a ni e.

"court-ah chuan rawn kalpui tur che in min duh em?" Logan vek chuan a ti leh a.

A sawi awlsam danah chuan Inthen hi beer bur ruak paih tluk leka awlsam ni mai hian a lang a, min support-na erawh ka mamawh fu ang le. "Aw duh e, ka lawm khawp ang."

Ngawirengin sakawr bak chu ka brush dun leh mawp mawp a, eng emaw chen hnuah chuan, "sandra-in i chanchin min zawt reng a."

A ngaihna hriat loh hmel zet a ka hawi a hmuh chuan, "Nikuma Lone star-a kan hmuh kha mawle, kum hmasa lama pasal then, nuthlawi tharlam kha, a fapa nen an nih nghe nghe kha."


A hmeichhe sawi chu ka hre leh si, ka hriatchhuahna chhan pawh a pasalin kut a thlak chungchang vang a ni ber a, hmeichhe kutthlak hi ka ngaihtheih loh em avanga la hre reng ka ni nghe nge.

LOgan chuan, "Ka sawipui deuh dawn che em ni? I inserh hrang rei tawh ngat ngat bawk a, court date kan hriat takah chuan kan lawm ang chu le." Awlsam zeta court date leh a lawmna a sawi kawp thei chuan min ti lawm chiah lo, mahse keimah avangin Allison a huat zia erawh ka hriatpui tho mai. "Come on, bro. Beer can khat indun a ni mai lawm, a bak engmah a awm lo, a chhe zawk zawk lo bawk nen. I duh leh i one night stand pui ve zawk ang, i reh san hmak mai dawn lawm."

Ka banah a rawn nawr sek sek bawk si avangin, "Okay, one beer chiah, chuti chuan i ngawi thei tawh ang em?"

"Daddy! I lunch tur kan rawn keng!" tia aw te reuhte a min au ri chu ka hre ta a.

An lam hawia ka inher hawi hma hauh atangin lawm avangin ka hmel chu nui hmelin a inthlak der tawh a. Gate-ah chuan MIlla, Cody leh Tori an lo ding a, Mila chuan picnic basket lian zet hi a rawn khai a, a hnungah Tori chuan Cody pawmin min lo bye bye a.


Helai sakawr dahna hmuna rin loh tak maia ka fate ka hmu chu thil nuam leh tawn zen zen loh anih avangin nichin lawka ka mood fuh lo pawh kha a bo nghal duak tawh a.

Tori chuan ka fapa a pawmna siam rem pahin, "Kan rawn ti buai che u a, min lo hrethiam dawn nia, Mila hian i lunch siamsak che a duh tlat si a."

"Ti buai lo e a, ei tur ka hnar ngai lo."

Mila hmaah chuan ka zuk thingthi a, ani chuan hun rei tak min hmu tawh lo ang mai hian duhthawh takin min kuah nghal vawng vawng a, ngaihtha lo zetin hnunglama Tori ding chu ka va melh a, ka rilru chu hrethiam in, aw dam leh thlamuan thlak tak hian, "Nuam ti takin hun kan hmang ho a lawm, a ngai satliah ve mai mai che a nih kha." min lo ti a.

Ka fanu bengbul cheta ka hmui dah hnaiin, "Bawihte, min ti hlim takzet a ni."

"Ani maw?" Tlemin min kuahna thlah dulin min rawn en a, a mit hnawng chap mai chu a kut hnunglama hru faiin min nuih sen sen a.

"Ni e mawle, khawvela ka ngaih ber berte in rawn kal a lawm."

Tori lam chu hawiin ka bengbulah zawite hian, "Tori-in ei tur hi a siamsak che a, mahse ka siampui vek a nih hi."

"A va tui awm ve aw, eng nge in siam reng reng a." ka ti a.

Rang fahran hian, "Sandwiche leh salad," a lo ti vat a.

An pahniha enkawpin, "A nachang i va hre teh reng em" Ka fanu ka biakna a nih rualin Tori ka sawina pawh a ni tih a in hrethiam a ni tih Tori chuan min rawn en dan atang chuan ka hria.

Kan nula pahnih ten eitur min rawn kensak an pawrh lai chuan Cody chu pawmin dulah hamsakin ka lo ti nui iarh iarh a.

Ei tur min rawn kensak ka hmuh chuan ka fanu hian thu a thup hle zawng a nih hi, sandwich leh salad chauh min siamsak aw zawng lo mai. Bread kara sahrang lian tha nelh nawlh inzep, sen uk khak mai ka hmuh chuan ka chil a put tha tawh ngei mai.

"Patato salad, sa roast te in rawn siam a ni maw?"

A jeans kekawr tan bulh hnunglam ipte zen at chungin Tori chuan, "I duhzawng a ni em?" min rawn en a, a sam nalh tak mai chu a darvelah a in zar phah a, a hmai chanve dawn a khuh bo bawk a. "Lo zawh hmasak tur che a nia, dinner atan a la awm teuh a nia, khatiang kha in la ei duh anih chuan."

"A tha lutuk tlat." Ka ka chhung a han thlen chiah chuan a tuina chu ka leiin a lo hre rang kher mai, spice leh mayo telh dan chu a ti tui tawk kher mai. A chanve awm vel ka ei tawh ang tih chuan Logan a rawn lang ve a.

"Ka ei tur daih i rawn keng em?" a rawn ti duk duk a.

A benga a sam zeuh malh malh palhin, "Ken chu kan rawn keng tam khawp mai, Ethan hi engtiang chiaha ril tam nge anih ka hre lo a, i ei ve a phal leh phal..."

Ui thil ei lai ang mai a lo ngur chhur chhur chunga keima tan hauh bur mai a chakawm duh khawp mai, vawiin nilengin thuduk dak lo pui pui a sawi hnem hrim hrim bawk nen.

Mahse, chutia ti ta lo chuan ka bulah chair ruah chu ka kawhkhmuh ta zawk a.

Sandwich pakhat chu a'n kaih hmawk a, engmah pawh sawi lo in a ding nghal hluai a, Tori chu a va kuah nawk nawk a, a chipah a fawp ta ngawt a, "I va han thiam chung chuang em!" A aia nghet leh zuala kuahin, "He nau hi a fuh tulh tulh mai a, i ti ve lo maw?"

Tori chu a nui sak a, a biang a rawn sen tawn tawn bawk a.

Logan-an Tori a kuah vel chu duh lo in ka thil ei lai chawlin, "Khatin hmeichhia ti vak vak suh, thu la, i ei tur chu ei vat mai teh," ka lo ti hlur a, Tori chungchang chu sawi leh in, "Teh reng e, a fuh vel vek."

Tori hnenah chuan, "Ei tur sawngbawl duah ngai siam turin ka beisei miah lo che a nia, lunch atana siam awlsam eng emaw mai mai pawh naupang ho hian an ei thei lutuk a nia, i lo in ti hah lutuk ang e."

A mit buang lian kelkawla min en chungin, "Engmah a ni hleinem, ei siam hi nuam ka tih piah lamah in choka saw a nuam sia, chetvel a ti phurawm hrim hrim a lawm. Ka hah lo a nia, chuan ei chak zawngte i neih chuan min hrilh lawk thin la, a bawlhlo leh telh tur a awm leh awm loh ka lo ngaihtuah lawk theih nan."

A thutna atang awn hma du chung hian, "A duhzawng i siam zel thei maw?" Logan chuan a lo ti a.

Napkin-a a hmai vawm pahin, "I tan a sawi lo." ka lo ti a.

Chek tulk pahin Tori chu mit a siai ta ngawt a. Logan-an a biak ve ngawt pawh chu eng nge maw ka lo ngaihtheih ve em em le? Nula han chhawnchhaih vel hi a tih dan ve reng a lawm, mahse Tori a chhaih vel chu ka hmu thei tlat si lo a ni.

Kan ei zawha ka hawi chhuah chuan Tori chu sakawr huang bula dingin ka va hmu a, sakawr pakhat chu a nghawngah kuahin a lo zut heuh heuh a, sakawr pawh chuan nuam tih hmelzetin maimit chhing duar duar chungin a lo dawh ve heuh heuh a, tu nge Tori kuah nih chu nuam ti lo awm ang?

Allison kha vawikhatmah sakawr huangah hian a rawn kal ve ngai lo a, ka sakawr te pawh a ngaihven ngai hek lo, lo ngaihven ve ta deuh se hetiang hi kan thleng lo mai thei a sin tih te min ngaihtuah chhuah tur a. Rawn inrawlh a, min puih turin ka beiseiin ka phut hauh lo, amaherawh chu, kan chhungkaw ei zawnna te ngaihsak ve deuh se a lawmawm dawn teh reng nen ka ti a ni.


A mitmenga duhawmna leh ramsa chak leh ropui tak chu ngaisang zet a en chungin "Tu nge a hming?" Tori chuan a ti a.

"Mick Jagger ang mai a chak a nih hi, Mick tin ka ko thin."

"Hming danglam tak a nih chu," tih pahin a hnungzangah chuan a ben sak thak thak a.

"I chuang ngai em?" nela taka chutia a khawih ka hmuh chuan min ti dil chhut ta riau a.

"Aih."

Hmmm. "A chuandan i zir duh em?"

A mitmeng phurna khat chung hian min rawn en a,"Tak tak em?"

"Teh reng mai."

Inthlahrung leh hmel deuh hian a hmui hnuai lam chu a pet a, "Nilengin anni ho buaipui hian i hmanhlel a, a chuandan min zirtir chu i la peih cheu dawn em ni?"

Inngaihtuah nawn a ngai hauh lo, "Peih lutuk tlat, ka hah reng reng lo," ka lo ti vat a. Ani zirtir nan chuan hah a awm thei dawn em ni?

Ka tum miah loh in ka lo melh leh vawng vawng thin, zep lo ah chuan a mitmeng lian kelkawl te, a biang tai sen hlar mai leh a nui mawi zet te chu en loh theih ni mawlh hek lo.

A sam sei zet mai chu a chhipah a tawm khawm a, a nghawng leh dar no nalh tak te chu en reng loh har tak a ni.

A dar atang chuan enthla zelin a hnute kawk lah mai leh a kawr awm kara a hnute bu lang ka hmuh zet chuan ka lungphu a ti rang ta hle mai a.

Lehlam ka hawisan ta ngawt a, chutiang mipa chu nih ka duh lo.

"Hetianga hmangaih theih tur thil engemaw neih hi a hlu ngawt mai. Rilru zawng zawnga kan dah leh keimahni a cheng ve tlat hi." tia Tori a rawn tawkah chuan a lam ka hawi leh ta chauh a.

"Teh reng mai, dam man a ti awm hliah hliah a sin, sakawr ngaina em em tu a chungchang zirtur tluka nuam hi a awm lo." ka lo ti a. Ka hmuh danga sakawr ngaina tak tak anih ngai chuan a chungchuan han zirtir vel pawh a phurawm khawp ang. Ka baseball cap chu ka lu atang phawkin ka hmai kan zap hauh hauh a, chutah a beng bulah zuk kun hniam in, "Mahse maw, rilru buai ve map map chang chang ka nei lo ka tih chuan dawt ka sawi nasa hle a ni ang. Hetianga kan chhungkaw tana thawh nghat nghat mai hi chu ngaihtuahna a ti thui ve thin a sin, ka fate bula awm tam ve deuh thei te hi ka chak thin ngawt a sin."

Chik leh thutak hmel fe hian min en vang vang a, chutah, "Ethan Carter, patha tak i lo nih hi."