DEAR JOHN BY MAWITEI BAWITLUNG (Completed)

[mawitei bawihtlung]

DEAR JOHN






CHAPTER 7






U John-a rawn haw chuan min rawn panin ka hmaah a rawn dinga, kei erawhin ka en let duh ṭhak lo, inthiam lohna ka neih tlat avang chuan ka awm pawh a nuam theilo, mi pasal ngaizawng ah riak ka in ngailo theilo. Inṭhen tawh mahse inhruai leh thei reng an ni bawk si.







“I hmel a va dik lo ve?" a rawn tih chuan ka ṭhen saka, “U John kan inkar hi a la reiloa, mahse tih tâwp ka duh, nilo bul kan la ṭan em em lova, in sum rih a ṭha in ka hria, tun in nu in a thawmhnaw a la fel chauh a ni a, ka tân pawh a nawm loh bâkah a mawi lo, miin min sel nasa dawn lutuk, chumai nilo in nang ngei pawh a nilo zâwngin an puh daih thei che" ka tihchuan a mit a chuar nunga.








“Nizan khan kan sawi fel vek tawhin ka hria a sin" a tihchuan ka thaw ham hama “Kha chu ka rilru buai avang in a nih kha, tûnah erawh chuan chiang takin ka ngaihtuaha, i nupui nen in inṭhen chauh a ni a, inkhin duh ta se kei nen kan inkar hre leh si se chung chu ṭan chhanah a hmang ngei dâwn, kan dik lohna ni miah lo ah nang leh kei hi mipuiin min dem daih thei, chutiang ngaihtuah chuan tûnah rihchuan kan inkar hi tih tawp rih mai a ṭha in ka hria" ka tihchuan a rum nghuta.








Ni e, nizân lam kha chuan amah ka lo duh ve tho nen a misawmna kha ka hnial em em lo a nihkha, mahse tunah erawh uluk taka ka ngaihthlak hnuah a dik lo a ni tih hria in reilote tal nghah ka duh mai zawk a ni.






“Min duh lo anihchuan sawi mai ta che, pehhel lovin sawi rawh" a rawn ti bung nghut tawh mai. A aw ah chuan a lawm lo hle tih ka hre thei “Tun atân chuan bul ṭan rih loh hi a ṭha ka timai a nia, mi hmuh leh hriatah pawh a mawilo a ni, langsar taka kan awm a nihchuan a mualpho tur chu nang leh kei kan ni a, in inṭhen chhanah min puh ngei bawk ang, in inṭhen hlim hlawt a ni a, hmeichhe sual ber anga hetianga lo awm hi ka duhlo, nizân erawh ka in ngaihtuah fim hman loh avanga ka thiltih ah ngai rawh" ka tih leh chuan a inseh ruh ta ṭawlh ṭawlh a.








A hmel dur khap leh a mitmeng dur khapah chuan min haw hle a ni ngei ang “A ṭha e, ka hnaih hauh lovang che, hmeichhe dawihzep tak ilo nih hi, thu sut hmang lutuk" tiin room lamah chuan a lût daiha, zanriah ei hunah pawh a rawn chhuak lo, ka va ko ngam tawh bawk silo, a hrehawm takzet.








Chaw chu keimahin ka ei ta tawpa, Puipuii lo chiau hiar ve bawk nen a tâwpah room aṭanga rawn chhuakin pawnlam a pana, a leng dawn pawh a nihmahna, engmah ka zawt ngam tawhlo, ka lakah a thinrim viau a nih ka ring, thawk la hakin thleng ka sil zawh chuan room-ah ka luta, ni e kan inkar hi a reilo viau nangin keipawh in hrehawm ka ti, mahse ka inthiam thei chuang silo.







Ka nu phei chuan hria sela a thinrim viau mai thei, ka ṭhiante ka râwn hnuah an ni pawhin hun nghak deuh turin min ti a nih kha, u John-a lah kha a lâwm loh hmêl nasa si, ni e in zui ila u Cindy in a lo hriat chuan ṭan chhan ṭha tak a nei dawna, an inṭhen hlim a ni bawk nen Puipuii chhuh tum ta se u John-a nen kan inkar hi a ṭanchhan tur ṭha ber a ni.








U John-a hian Puipuii hi a chang lo ngei bawk ang, tun angah hmeichhia te thlavang hauhna a na tawh bawk si. Hun a rei chuan mi pawhin an hre ve anga, keini pahnih tân pawh in ngaizawng pawh ni ila miin hriatthiamna chin an nei ve thei dawna, tunah erawh chuan mi nupa inkar tichhe tu angah mai min ngai dâwn tih a chiang reng si, chuvang chuan nghah phawt hi a ṭha a ka hriat vang a ni.








U John-a chu a rawn haw har em avangin ka mu zui ta daiha, ka mu hma ṭhin bawk nen ka mengrei thei miahlo. Puipuii chu mutpui lehin ka mit ka chhing zuia, rilru lah a nuam theilo u John-a ringawt chu ka ngaihtuah.






Min haw viau tih hriat takin chumi tuk aṭang chuan min be ngai meuhlo, chaw kan ei tlâng nangin kan in be ngai ta lo, ngawi rengin office a kal nghal daih zela, ka en zui vung vung zêl ringawt. Hmeichhia a rawn hruai luh ni phei chuan mak ka ti bawk nen sawi tûr mai hrelo in a rooma a luhpui chu ka ena, hmeichhe hmelṭha zet ani lehnghâl.







Chunu chuan a nupui nen an inṭhen na chu a ngaipawimawh ve lo pawh a niang.Engtin nge hmeichhe rawn hruai haw tur a hmuh sen ni, mahse a hmelṭha a, hna ṭha tak a nei bawk nen tu hmeichhia in nge hnar phal bik ang ni. Ngawi reng chuan ka enliam tawpa, keiang awmpui mai mai tân chuan a sâng lutuk reng a ni.








“Innei ve tawh mai ila, i fanu pawh a duhawm ka ti lutuk, ka fa tak angin ka en hreh hauh lo a nia" hmeichhe nui har har leh chu thu a sawi avâng chuan ka lo inhum ruh ngara, Puipuii ka puak avânga muhil sak sak chu enin ka mit ka chhing vang vanga, u Johna hian engvanga hetiang zawnga min runluih nge maw a nih le, ka tân hian a hrehawm ve tho a sin.









Mahse engmah lah chu min hriatthiampui der silo, “Kan la sawi ṭha dawn a nia, tûnah chuan awmpui hian a awm ṭha khawpa, a nu ang maiin a ngai tawh a nih hi, nang i rawn lawi dâwn chuan i innel tîr hmasak a ngai a nihchu" a lo tih ve vel te chuan ka thinrim hlur tawh mai, sofa ah chuan ṭhu daihin phone chu ka en ta mai maia.









Reife hnuah chuan a bialnu chu rawn chhuakin pawnah an inthlah zuia, a rawn luh leh lai pawh chuan ka lo en peih lo. Ka phone chu ka bih ngar ngar ringawt “Chaw ei siam rawh ka ril a ṭam" a tihchuan ngawi reng bawk chuan choka lamah pheiin chaw ei chu ka siama, ka bulah rawn ṭhu in a duh duh chu a lo kawk vel renga, ka kham hlur tawh mai.










“Ka zo e pu John" ka tih kher chuan rum zet hian min rawn ena “Khatiang khan min ko teh hrep suh," tihlukin chaw chu a bar mawlh mawlha, ka be duh tawh bik lo. Ngawi reng chuan chaw chu eiin ka kham leh ta thuaia, a ni erawh chuan a la ei ngar ngar thung, kut kuangkuah at chuan ka en renga,a tawpah chuan a kham ve ta hram mai.








Be duh tawh miah lo chuan thleng chu sengin chawhmeh ṭhing vel chu ka dah ṭha a, thleng chu ka sil leh nghal sawk sawk mai. “Thikna i nei miah lo em ni?" a tihchuan ka nui haka “Engah nge ka thik ang? i duha i thlan a nia, kei awmpui mai mai chuan enge ka lo sawi ve ang, i nun ania i thu a lâwm" ka tihsap chuan rum nghutin a room lamah chuan a lût ta daiha, biak zawm pawh ka tum tawh chuang lo.







Zingah chuan hma zetah tho in Puipuii nên chuan kan infiama, u John-a rawn chhuak chu melh duh miah lo in Puipuii chu ka chhaih zauh zauha, a ni pawh a nui leh hak hak tawh mai.





“Biak che ka duh" a rawn tih hmuk avang chuan hawi chhuak zawkin ka melh zauha “Enge sawi la, keipawhin sawi duh ka nei ve tho a lawm" ka tihchuan thaw hawkin ka bulah chuan a rawn ṭhu a “Ka bialnu hi chhûnah a rawn kal ṭhin dawna, Puipuii hi nel tîr lo tum la ka duh" a tihchuan ka tum hmaka.








“Keiin ka nel tîr angai hleinem, a duhte chuan chhawnchhaih in in nel tîr mai ang hmiang" ka ti ve hmak mai, ka lakah khatiang khan a awma tûnah a bialnu chungchang min hrilh vel a maw “Khatiang sawi hauh suh, Puipuiin mi a nel mai mai loh zia i hria a ni lawm ni, nakina a nu la ni tur a nia" a thusawi zawh hma chuan ka kut vaiin “A ṭhat chu, chutia a awm thei rau rau a nihchuan Puipuii pawh a ngaihtuah awm tawh lovang, ka chhuak tawh ange.In dangah ka insawn a hun a nih chu" ti hmakin ka tho chhuaka.







Ka room lam chu ka pan nghal hmiah bawk “Lalrinfel" a room-ah chuan rawn lutin a rawn au deuh hrawka, Puipuii chu a rawn pawm bawk “Enge ni ka pu, awmna tûr dang ka zawng anga ka awm tawh mai ange, nupui i neih duh chuan Puipuii enkawl thei tur i zawng tawh dâwn a nia, tûnah chuan Puipuii vangin ka lo awm luia, mahse ka chhuak tawh mai ange a enkawl tu tur i hmu tawh tho a" tiin ka thawmhnaw chu phawrhin ka thlep ṭha mial miala.









Bag a khung ka tum chiah chu min rawn man betin a lamah min pawt hnai hrawka “Min duh lo a ni lâwm ni, engvanga hmeichhe dang ka awm pui chu duh lo leh si nge i nih?" tiin min melh runa, ka chhâng duh hauh lo thung. Tal chhuah tumin ka che laih laiha, a ni erawh chuan min man nghet tulh tulh thung.






Puipuii lah naupang â tih takah min ngaihsak lo in a lo tla mial mial thung, “Min thlah rawh, ka chungah thu i nei hauh lo ania, ka chhuah leh chhuah loh turah chuan ka thu a ni" ti ve ngatin ka melh lêt rana “Ka hria i thu a ni tihchu, mahse ka thu lo chuan i chhuak chuang lo ang, helaiah i awm ve reng tur thu kha i sawi a ni lo'm ni?" tihrawkin min thing deuh nawka.








“Chutiang ka sawilo, Puipuiin enkawltu a neih loh vang chauha awm kha rem ti ka ni, chuan tûnah chuan nupui dang te neih leh i tum tâkah chuan ka chhuak tawh ange" tiin ka thawmhnaw chu ka ban leha, chuveleh ka biangah rawn vuanin na zet chuan min fawp bawrh bawrha, namsawn tum chuan ka tha tawp chuan ka nam ṭhin, mahse reiloteah angai ang bawkin min rawn fawp lui leh zel bawk si.









“John Zohlimpui min thlah nghal rawh" tiin ka au ṭhat ṭhata, Puipuii lahin kan infiam emaw a tinge a kut bengin a lo au ve vak vak mai “Teuhlo ka ta i nih hi, khawiah mah min kalsan lovang" tiin ka hmuiah bawk chuan rawn fawp lehin tun ṭum erawh chu a mi fawh dan chu a dang daih mai, muang raih leh hnar har tak si hian min fawpa, ka hmui chu a pet leh ner ner ṭhin.








A zei tih piahlam a ni, khumah chuan min bawhtlu hmiahin ka kawr chhanah chuan ka hnute chu a ṭham tawn tawna, ana lek lek mai. “Puipuii a awm ve reng hi awm sawn rawh, naupang hmuhah pawh a ṭha lo" ka tihchuan a mi fawhna chu thlahin a tho chhuak zuia, ka kutah erawh a la chelh reng thung.








“Ka tihpalh, ka duh em che a min hnar kha ka thinrim vâng a nih kha, min chhuahsan chu i duh takzet em ni? Kan bula awm hi i ning tiraw?" a tihsup chuan ka en renga, a hmel ka hmuh chuan ka khawngaih leh tlat tawh, tinge hepa hian mi hneh theihna hi a neih tlat ni.







“Chutiang pawh a nilo, hun liam deuh se ka duh avângin kan inkar kha ṭan rih loh mai ka duh vang zawk ani. In inṭhen hlim a ni a, u Cindy in inkhin duh se, keini lo inkawp si ila nangmah mai nilo Puipuii thlengin in tuar thei, u Cindy in Puipuii a chang ngei bawk ang. Khatiang kha thlen tîr ka duh loh vang a ni, tunah erawh thla hial a tling tawh chungin engmah an la rawn sawi lo hi a mak ka ti" tiin ka phun sapa.








“Chutiang chu maw i ngaihtuah, finfiahna ka nei ka tih kha, min khing pawh nise ṭanchhan tur a neilo, ka hmuh tirh aṭang che khan keimahah nghawng i neia, min ti danglam fo va, mahse nupui nei lai ka nih avang khan ka insum ṭhin a nimai zawk. Mahse a rei telh telha, ka nupuiin min phatsan tih ka hriat hnu phei kha chuan nang lo ngaihtuah ka duh ta bik lova, mahse ka tilang lutuk duh lo a nih kha, ka fawh hmasak ber aṭang che khan ka thinlungah hmun i chang daih tawh" a tihchuan chhan dan tûr mai pawh ka hrelo.








Thawk la ham hamin ka kut chu ka bih ngara, chutah rawn humin alamah min pawt hnaia “Min ngaidam thei angem? Tun aṭang chuan engmah hlau tawh suh, mi thusawi mai mai avangin kan rilru leh duhzawng hi thlak loh tur, a rei leh reiloh ah chuan kan laka sawiselna tur hmu tu chuan an hmu reng dâwn, ka nupui ka ṭhen avâng hian tunah pawh tam tak chuan min dema, mahse ka nunah buai phah nan ka hmang duhlo, ka nunah thuneihna an neilo va, ka tih dik loh hmasak ah a ni heklo" tiin a awmah chuan min kuah beta.








“Kan damchhung chuan sawiseltu kan nei reng dawna, khawvêl pian ken ah ngaih tawp tur. Thil ṭha kan tih pawhin faktu karah sawiseltu chu an awm reng dawn tho, i rilru kha zui la. I thinlung in angaihtuah ang khân awm mai rawh, min duh ve miah lo a nih pawhin he in i chhuahsan hi ka rem tilo, Hming pawh kha ka lo hrilh ang, a rawn kal hauh lovang" tiin ka samah chuan a chûl hliau hliaua.







Engmah ka sawi tawhlo, dik tak chuan ka duh ve tho a, mahse Mizoram-ah chuan in sawisel leh rêl hi kan peih bawk nen risk ka la ngam chiah lo a ni zawk mah. Mi pasal a chhuhsaka, a la zak miah lo zui ti a min sawi tûr ka ngaihtuahin ka tima, mahse u John-a thusawi chu dik ka tih tho bakah chân ka phal bik chiah chuang silo, keiin duh lo mah ila kha hmeichhia ngei pawh khan a duh hle tihchu a lan mai kha.









Engmah ka sawi tak lovah chuan a hrethiam ve a ni ngei ang thaw huaiin ka hnungah chuan a chul hliau hliaua, Puipuii rawn kal phei chu a lo kuah nghal bawk.“Rawng va bawl ang u hmiang tuking chu ka lo pui ang che" atihchuan engmah sawi tawh lo chuan kan inzui chhuaka.








Kan pahnih chuan rawng chu bawlin kan nui dun leh hak ṭhin, nichin lawka inhniala in ti thinrim kha kan ang leh tawhlo. Chaw hmeh te chu rinai chan a lo thiam phian a, amah chu a che tam zawk mah, hetiang a nih hi ka ring pha lo hrim hrim.







Rawngbawl zawh rual chuan chaw eiin an ni pawh hna kal turin a insiam zuia, Puipuii nen thleng silin kan rak chul mai. “Ama" tiin ka ke lehlam chu rawn pawmin min en ha a, nui sakin a biangah chuan ka piai zauh ringawt.







“Ka kal dawn aw, lo haw hma ka tum ang" tiin ka hmuiah chuan a rawn fawp zauha, a chhuak nghal bawk. Puipuii nen chuan bye bye in ka thleng sil chu ka rem phaha, a reh leh dawn mange, “Vawiin chu in bul dawrah leng ve ang aw" tiin thleng sil zawh chuan Puipuii chu pua in ka vah chhuah puia, ka hlawh khawl tlem chu keng chhuakin ka vah kual puia, in nalh leh ṭha pui pui chu thlirin ropui ka ti ngei mai.









Kan khuaah kha chuan rangva in a la ni ber a, helai erawh rin phâk bakin a pui a ni. Khawpui nge nge engkim a lo changkang a nih hi, dawr pakhat ka thil leina ṭhin ah chuan lutin a nghak tunu nen chuan kan inkawm bawrh bawrha.







“I awmna te an inṭhen tih ka lo hria a, tûnah chuan kha naute zawk pawh i fa ang mai in a awm tawh a nih kha, nu tak tak i ang alâwm. Ṭhenawm ho pawhin an sawi ve zeuh zêl cheu a, nang ni hi in inkarah awm a awm nilo maw?" a rawn tihchuan ka ṭhen sak ringawt.








“Mi hi chuan an duh duh hi a dik leh dik loh pawh thlu lo hian an sawi ṭhin alâwm, bâkah Puipuii te chuan ka awm tirh aṭangin min nel zia i hre ve reng" ka tih hlak chuan nui har harin a eitur zawrh chu Puipuii a pe a, a ni pawhin a ei nghal mial mial mai.







“Tak takin i awmna pa te chu a hmelṭha in a luck teh ania, helai veng nula ho hmuh châk in an rawn kal reng mawle, chhuah miah suh. Duhtu angaha a nupui ṭhen an hre veleh zêl nen an hel reng dâwn a nih hi" a tihchuan engmah ka sawi lem lo, thil sawi tam lutuk pawh hi mahni tan a pawi leh zêl ṭhin bawk si.







Rei vak lo kan ṭhut hnu chuan ka chhuahsan leh a, restaurant ah lutin thil ka ei puar rual chuan Puipuii la ei zawh loh chu barh zui lehin a man pe chuan ka chhuahpui zuia, lênna tûr em em ka hriat tawh loh avang chuan inah chuan ka haw pui leh ta tawpa.

KA MIT A THIP TAWH NEN DAH LOH KA TUM NAN KA RAWN DAH LUI HRAM AW.