STORYFB.COM

Chapter-7



Lalrindiki POV



Kha zan U Hruaia'n hmeichhia nen a an thlalak status a a hman atang khan a lakah ka in veng fimkhur em em a, an pahnih in kar ah khan eng emaw tak a awm ka rin ngheh hmiah avangin U Hruaia lakah ka in veng nu mai hian ka hria, diktak chuan a lakah rilru ka pe tan tih ka hailo, hmeichhe dang nen in zawm na an nei anga ka hriat avangin nat ka hlau a, ka duh lutuk hma hian a laka in thiar fihlim hi a fin thlak ber bawk in ka hria.




KTP hnatlang a awm avangin biak in lam ah chuan kan kal a, kan biak in hi sak mek a ni a, thlaleh lamah hian kan biak in pui ber hi an thiat tawh dawn nghe nghe, brick thiar tur an tih avangin kut kawr te kan keng a, kan rei viau ka ring bawk, "Naktuk hna ka kal dawn lo hlauh a ka van lawm tak, zanin chu kan rei viau ka ring a" Amuani chuan a ti a, "Dawr a kal tho ka ngai dawn keichu, ka peih lo a nia aw" ka ti ve nghal vat.




"U Masiami bul ah kal tlai deuh dil la, a phal awm tho e" A tih leh chuan "Kan lo reilo viau thei tho bawk a, dil lo phawt zawk ang" ka ti leh mai, "Tlai ang, tunah dar 9 a pel tawh a nia, kan la tan mai thei bawk silo" a tih leh lai chuan ka mi hmuh avangin Amuani thusawi chu ka ngaithla zawm tawh lo hrim hrim, U Hruaia leh U Mama te chu ka en reng a, U Hruaia chuan kawr tha tak ha lo mahse a in hmeh ka ti viau mai, keichu ka mit a diklo niin ka hria.




"Enge i en a, nanghi?" Amuani a rawn tih vak chuan ka hawi sawn chiang hle, "Enge khatiang vak vak a i rawn au ring a, ka beng a chhet lo a nia" ka ti hlak, "U Hruaia saw i en chiang lutuk, ka hrethiam mai, nang hian U Hruaia saw i duh chiang lutuk, ka sawi dik tiraw?" A ka chu ka hup sak vat a, "I tawng ring em mai, midang in an lo hria ange aw" zawi te chuan ka ti a, "Ka sawi dik em?" A tih leh hram chuan ka thaw hak a.




"Ka hre tawh bik lo, ka rilru put hmang pawh hi ka hrethiam tawh bik lo" ka ti a, "Ka hrethiam alawm, U Hruaia hi i duh tan tawh a nihkha, ka thusawi hi awih tawp rawh" a ti leh, "A nih ka ring" ka ti ve ta nge nge a, "Chutiang a nih tawh a hnu, enge i buai na, U Hruaia lah in a duh em em bawk che a, in in kar chu awlsam te a sawi fel theih a ni tawh a, buai na vak tur a awm ka hrelo, nang ai mah hian ka lo phur zawk" a sawi ang tak tak in a phur hmel ngang mai, enge a lo phur ve vak ni.




"Lo phur hurh suh, duh mahila kan in kar ah engmah a awm dawn chuang lo, i ngaihtuah na kha lo kal thui tur vak duh suh" ka ti hmak a, a phur hmel herh hawrh lutuk chu ka ngei deuh tlat, "Enge i buai na hi, U Hruaia lah in a duh thu che a hrilh tawh che a, nangpawn i duh a, enge buai na tur la awm?" Hahthlak min tih hmel zet chuan min en a, "Engmah i hrelo a nihkha, U Hruaia hian min fiam kual mai mai niin ka hria, nangpawn i hmuh tawh kha, hmeichhe pakhat nen an in zui lai kha" Amuani chu a ngawi deuh vang vang a.




"Chutiang mai mai buai na tham pawh a niin ka hrelo, khanu kha chu a bialnu niin ka hrelo, thian an ang ka ti" Chutiang chuan ngai ve thei ila ka ti, mahse ka theilo, U Ruatpuia nen kan in zui lai pawh khan Cindy-i nen an in be ve fo a, mahse a ruk a an in zui ka ring pha ngailo, mahse ka rin dan sual zia chu chiang takin ka hmu tawh a nihkha, tuman tih chuan thil ho mai mai ah pawh ka hlauthawng lo theilo a ni.




"A.. i ngaihtuah nasa lutuk a nihkha, i rinhlelh tlat chuan U Hruaia pawh bia la, hmaichhan ah kha hmeichhia nen khan enge an i kar ah awm zawt tawp mai rawh" thil hi a ngai awlsam thei bawk si, "Ka zawh bgan i ring a mi, kan in kar ah engmah a awm lova, chutiang lo zawh nghal ringawt te chu ka ngam hleinem, bakah enge an in kar diktak min hrilh duh pawh ka ring lo" Amuani chu a thaw deuh hak a, "I buai na hi keichu hi ka la ti tho" ka nui ta ringawt.




"Mi hi rin mai harsa ka ti alawm, U Ruatpuia'n khatiang khawp khan min ti na tawh a, tunah ka dam fel chiah a nia, tih sual leh ka hlau ngawih ngawih, chuan thil pakhat chu maw U Hruaia hian status a nei khat lutuk, a no ka save atangin status pahnih chiah a la nei a, chupawh kha hmeichhia nen a an thlalak dun na kha, rinhlelh loh chi ni pawn ka hrelo" Amuani chu a ngawi ta vang vang a.




Brick a rawn thleng a, kan unload nghal mawlh mawlh, kan tak tham ve bawk nen kan ri ve nak nak a, kan in diah bawk nen hah viau na tur a awm lo, "Arin in thian duh khan thingpui sem hi saw lo va pui ula" KTP leader in a rawn tih chuan kan kal ve vat a, "Saw lam saw va sem rawh, helai hi kan sem ange" Amuani'n a tih chuan ka kal ve vat a, a ruk tak chuan ka huphurh ve hle, U Hruaia te awm na lam a ni miau a, "I nula e" U Mama lah chuan uang deuh hian a lo ti a, ka melh rum ringawt.




U Hruaia'n thingpui a lak lai chuan amah pawh en lovin thingpui no ringawt chu ka en a, ka kalsawn dawn thleng chuan ka thin a phu nasa hle, min en zui reng a ka hriat na chuan min ti kal chak zual sauh bawk, thingpui no chu kan seng leh a, U Hruaia te awm na kan chu ka va seng tawh ko thung, "Hmundang ah ka lo va kalsawn daih a, thingpui chu a la awm chuan min rawn pe leh mai dawn em ni?" Kan secretary U Rma'n a tih chuan ka no seng tawh sa nen ka kalsawn vat a.




U Rma thingpui ka pe leh a, a then in brick chu an lo thiar leh mawlh mawlh tawh, U Hruaia chu ka melh leh zeuh zel a, a hnathawk lai mai mai te chu hmuhnawm ka ti ru viau mai, ka thiltih lai pawh chu ka ngaihtuah hleithei lo, "I chau tawh em?" Tih ri ka hriat thut avang chuan ka phu zawk a, ka hnunglam ka hawi chuan U Ruatpuia ka hmu nghal zat, keimah min bia nge a bialnu duhtak kha a bia pawh ka hrelo




Ka chhan mai loh vang nge "Arin I chau tawh em?" Ka hming lam ngei chuan a rawn ti nawn leh a, "Chau lo" tih chiah in ka chhang, a kalsawn mai loh vang chuan ka en reng a, "Enge sawi tur dang i la nei a mi?" Ka be tui lem lo tih chu ka aw atang chuan a hrechiang viau ang, "Ka lakah i la lungawi lo reng em ni?" Kan in then hnu a pangngai taka min biak leh na hmasa ber a ni hial ang, "Lungawi loh chhan tur ka neih pawh ka hrelo" ka ti leh nghat a.




"Khang kum chhung khan kan lo in zui tawh a, hetia hmelma ang mai a awm hi tha in ka hrelo, kan in kar chu tawp tawh mahse thian ang tal in kan awm thei ang chu tiraw?" A ti ngam a nih chu, engtinge ka chunga a thiltih leh a sawi zawng zawng te ka hrelo ang hmak a a awm theih zawk ni, "U Ruatpui kan in kar chu keini mai nilo midang pawn an hre ve vek a, chutiang chung chuan thian anga kan awm theih i ring em ni?" Ka ti a.




"Ka hria, veng khat ah ka awm a, thian ang tal te chuan kan awm thei tho a nilawm ni?" Zam lo ham ham tak chu a ni, "Min hrethiam dawn nia, chutiang a awm chu ka duh lo ni mai rawh se, thian tam tak i nei alawm, thian dang i mamawh vak pawn ka hrelo a, keipawn thian thar neih ka tum lem lo bawk" tha taka biak ka la thei thlawt lo, na tak tak a min ṭawngkhum na te kha ka la theihnghilh miau lova, min hmuhsit zia te kha ka damchhung zawng chuan ka hre reng tawh ang.

(Post hi min like sak ve hram hram turin ka ngen a che u, like a chhe rapthlak bawk si, type pawh hi a phurawm loh lek lek zel)


A din ngai a a la din reng avang chuan in her in ka thiltih lai chu ka tih zawm leh mawlh mawlh a, U Hruaia te lam chu ka va hawi leh zawk a, U Hruaia'n min lo en ve reng tih ka hmuh rual chuan ka hawi sawn leh vat, a mitmeng kha a tum riau in ka hria, mahse ka en rei lo em a ka hmu sual a nih ka ring mah zawk "Chawl lawk ang u hmiang, in chau lutuk palh ange" kan leader ber in a rawn tih takah chuan kan thiltih lai chu kan chawl a.




Kan chawlh lai chuan eitur ei an rawt a, chhang leh thingpui chu kan dawm far mai, Amuani chu a ham deuh bai bai a, "A va chhuak tawh awm ve aw" U Msa chu kan sir ah a rawn lang hlawl a, "Chhuak lo e, lo thu ve rawh" tiin Amuani chu ka thut na lamah a rawn tawlh sawt sawt a, U Msa a bul a a thut rual chuan min rawn sik zeuh bawk, ka thiannu chu a ngawi chawi sawt ta hle.




"Ngatinge in va ngawi thei ve, Amuani pawh chu nichin a I tawng nasat nen i ngawi rei riau mai, ka bul a awm nuam i tilo em ni?" U Msa bawk chuan a ti leh a, "Teuh lo mai, nuam ka ti lutuk" a hmui chu a hup nghal vat a, tawng sual a in tih hmel hle bawk, kei ka lo nui ri var var thung a, U Msa pawh hi zanin chu a mizia a dang riau in ka hria, "Engin nge i lo kal?" Amuani bulah bawk chuan a ti leh a, "Ke in ka kal, Arini hi ka sawm a" a lo ti leh vat a.




"A nihchuan ka thlah dawn che a nia" U Msa chuan a lo ti leh, "A ngailo, Arini nen kan kal rual sia, kan haw rual leh mai ang" Amuani lah chuan a lo ti leh vat a, zei lo min han ti ve a, amah pawh hi eng vak a ni bik lo, "Keichu ka u te rual pawn ka haw thei alawm, in in awm na a hla sia, U Msa chu in thlah haw tir zawk rawh" pangngai tak chuan ka lo ti a, "Ni e, ka va thlah dawn che a nia" U Msa chuan a ti leh sup a, midang in an rawn koh takah chuan a kalsawn ta daih a.




"Awi ka zak lutuk nichin kha, ka tawng sual chiang lutuk" a ti nghal chung a, "Tawng sual loh kha, U Msa kha a danglam riau in ka hria, khatiang khan a la awm ngai miah lo" ka ti a, "Tunlai chu min rawn biak leh zeuh hi a ching a, keipawn mak ka ti, nuam ka ti tho bawk sia, zanlai ah te kan in be thin" Amuani lah chuan a la ti ta deuh deuh, "Chutiang te chu enge min hrilh ve vat loh, in zep thei maw" tiin ka en kar a, "Chutiang lam a nilo, ka hrilh theihnghilh daih che alawm" ka awih thlawt lo.




"A duh che a nih ka ring, a awmdan atang khan ka hrethiam mai" ka ti leh a, "Keipawn ka ring deuh a, engpawh chu nise kan awmdan tur chu hun in a la hril ang chu" a ti sam leh et a, ka lo phur pui ve khawp mai, a star kum hlun kha a ni ve miau a, "In in kawp rem ngawt ang, a fel si chhuah tum reng reng suh, a nih min chuan chan ropui ka ti viau ang che" ka tih leh chuan min ei lo hmel mai mai.




"Khatiang sawi thei dinhmun ah khan i ding lo aw, U Hruaia nen in in kar hi chingfel vat tum zawk rawh, bialpa ka neih khalh daih maithei che a nia" ka nui tawi tak ringawt, chingfel tur a awm pawn ka hrelo, kan in kar ah engmah a la awm miau bawk silo a. Kan han thawk tan leh a, kan zawh meuh chuan dar 1 a pel tawh, Amuani chu U Msa nen an haw rual a, U Mama ka lo nghak thung.




"Mami hruaitute la awm khaw tlai tur a nia, lo va haw hmasa mai rawh aw" ka u chuan a ti ta daih a, kan in hi hla lutuk lo mahse hetiang zan tlai tawh ah chuan mahni chauh a haw ka ngam lo a sin le, "Keimah chauh a haw chu ka ngam chiah lo a sin" ka tih chuan "Hruaia nen in haw rual mai dawn a nia, Hruai ka nau hi lo thlah haw nghal mai rawh aw" ka u chuan an la ti tak deuh deuh a, U Hruaia lah chuan min lo en ve kur bawk si.




Hnial theih ni hek lo le, U Hruaia nen chuan kan haw dun ta a, biak in kawt ah chuan thalai thenkhat awm khawmuang an awm a, U Hruaia nen kan kal din chu min lo la chhaih zui a, nuam lo duh tak chu a ni, "In han kal dun takah chuan in in hmeh kha mawle, ni daih rawh u, Arin Hruaia kha chhuah tum reng reng suh aw" te an tia, ka zak bawk nen chhan pawh ka chhang lo, ka bul a kal pa lah chu a lo nui ri suk suk lehnghal a.




"Ruatpuia nen in in bia kha ka lo hmu cheu a" midang awm loh na chin a kan kal takah chuan a ti a, "Nia min rawn bia a" tih ringawt in ka chhang, "A nihchu, a ni kha I la theihnghilh lo em ni?" Sawi chhuah harsa a tih hmel hle, "Chutiang lam a nilo" ka lo ti vat a, "Kum 5 chuang in lo in zui tawh a, i tan pawh theihnghilh mai mai a harsa dawn tih ka hria alawm" a tih leh chuan "A dik alawm, ka mipa duh hmasak ber a ni bawk a, mahse a lakah eng rilru mah ka pu tawh lo tih erawh ka chiang" ka ti a.




Sawi chhunzawm leh in "Kohhran khat ah kan awm a, chutiang pawh chu lo nilo se ka theihnghilh thei in ka ring lo" ka ti leh a, amah hre reng chungin hmalam ka pan thei tih erawh ka chiang hle thung, U Hruaia chuan engmah a sawi lo, a ngawi ta reng a, kan in kawt kan thlen rual chuan "Mittui le" a ti nghal zat a, a la ding ve reng tho nang in en pawh min en lo hrim hrim, eng emaw sawi ka duh, mahse sawi tur engmah ka hrelo.




"A nih mangtha le" ti let in kan in lam chu ka pan a, in chhung ka luh rual chuan U Hruaia awmdan danglam ta thut kha ka ngaihtuah zui rauh rauh a, thinrim a ang mah zawk, mahse a thinrim chhan tur ka hre silo, muangchang lovin ka in tifai a, khum a ka mut rual chuan muthilh mai ka tum a, ka thei leh lawi bawk silo.




Phone chu ka khawih leh ta nge nge a, status chu a in dawt dan in ka en a, pathum naah U Hruaia status a rawn lang a, nichin mai a a up a ni bawk, 'Ka thinlung lalnu i ni reng ang, ka ta chauh ni turin ka duh che a, mahse mahni hma sial taka chet ka duh silo, engtik ah nge ka rilru hi i hriatthiam ve theih ang le?' tih hi a lo ni a, a status chuan ngaihtuah na a ti kal thui duh hle, dawt sawi loj chuan keimah ka in ngaih bel deuh tlat a, zaklo ka in ti hial zawk alawm.




U Hruaia chu len pawh a rawn leng tawh ngai lova, biak in a kan in hmuh bak kan in hmu ngai lo, kan in hmuh chang pawn kan in be ngai lova, biak ka chak thin takzet, mahse ka be ngam bawk silo, thlahnih lai a liam leh tawh, U Hruaia chu a zin leh tawh nge ni biak in ah tak ngial pawh hmuh tur a awm ngailo, a chanchin engmah ka hrelo a, U Mama zawh lah ka ngam silo.




Amuani leh U Msa te pawh an in zui ta nge nge a, in zui tan tir an ni bawk a, an hlim dun thin hle, keilah U Hruaia ka hmu khat bawk nen ka lung a lo leng ve em em bawk a, khat chu U Masiami'n damdawi in lamah min hruai a, dawr a kan let leh lam chuan U Hruaia leh hmeichhia bawk kha ka hmu leh a, hmuh ka in rin loh lutuk vang nge ka en reng, "Ngatinge i din daih a?" U Masiami chuan a rawn ti vat.




"Engmah a nilo kal vat vat ang" tiin min rawn hmuh hman hma chuan U Masiami chu ka kalsawn pui nghal dawr dawr, dawr kan thlen hnuah pawh U Hruaia te pahnih kha ka ngaihtuah zui rauh rauh a, ka hmuh loh na a rei tawh em avangin ka lo ngai hman viau a nia, mahse ka han hmu ta cheng a ka lawm leh bawk silo, kha hmeichhia nen hlim taka an nui dun lai te kha ka ngaihtuah let a, ka awm hi a tawt deuh up up thei.




In a ka haw hnuah pawh ka la ngaihtuah chhunzawm ta zel a, ka awm a nuam theilo, Amuani sawi ang tak tak khan I Hruaia ka chan ta angah ka in ngai a, chu chuan min ti na takzet a ni, U Ruatpuia nen kan in then na ai mah khan ka la na zawk in ka hria, chaw pawh ei peih lovin ka mu reng a, ka chhungte chuan ka nawm loh vang ah ngai in min ngaihtuah hmel hle, ka nu phei chuan min rawn thli thlai deuh reng bawk.




Khum ah chuan ka mu ngawt ngawt ringawt a, U Hruaia bak ka rilru ah a awm theilo, zanlai a pelh hnuah pawh chuan ka ngaihtuah chhunzawm reng a, engmah ka la eilo, U Hruaia hi ka chan theilo, ka lo duh tawh zia ka hrechhuak chiang hle, tinge a sawm na kha ka lo chhan vat mai loh tih te ka ngaihtuah a, ka dawihzep lutuk vang vek a ni, nat ka hlauh lutuk na lamah ka mipa duh em em chu ka lak atanga hla taka ka dah a, chu chuan min ti na leh em em tho si.




Nilo hetiang ngawt chuan ka awm theilo, khatiang khawp khan ka rilru hneh a tum a, beidawng mai mai a tum loh thu a sawi a nihkha, engvangin nge keimah hian hma ka lak hmasak mai lovang, midang duh a lo nei tawh a nih chuan ka tan tih theih a awm tawh lo tihna a ni mai a, dem tur an awm chuan keimah chauh a ni, mahse vawikhat chiah chu enge ka tih lovang, ka ngaihtuah na chu a taka tih ngei ka tum nghet hle bawk, chupawh a rang lam in.




Khum atang chuan tho in bathroom ah ka lut a, tlai tawh viau mahse U Hruaia chu ka call ta tho, hun tam ka neilo tih ka in hriat chian em avangin zanin ngei hian U Hruaia chu Biak ka duh a ni, phone a la theilo a nih pawh in naktuk ah ka be tho ang ka tih rilruk mawlh mawlh lai chuan call chu a chhang ta hlauh, ka lawm viau rual in sawi tur ka haih chham leh ang lawi bawk si, thawm chu ka la ru ham ham a.




"Arin, ka tawng i hre thei em?" a rawn tih leh takah chuan in ti huaisen in "U Hruai" ka ti ta sep a, "Enge nita tun ang zan tlai ah te min rawn biak tak ni?" a rawn ti dam dap a, "Khawngaih in i lo kal thei angem?" ka ti leh a, ka tah lah chu a chhuak ru em em bawk si, "Enge nita thil diklo a awm em ni, i aw chu a va diklo ve, enge thleng?" a rawn ti nghal zung zung a, a aw a min ngaihtuah ni awm tak ti chhuak ka hriat ngat phei chuan ka tah a chhuak leh zual.




"I lo kal thei angem, khawngaihin reilo te chauh aniang" ka tih leh takah chuan "Ka lo kal nghal ang, min lo nghak rawh" tiin phone chu a dah a, ka thaw nghal ham ham, kan in awmna a in hlat lo bawk nen reilo te hnuah a call chu ka dawng a, "In in kawt ah ka awm tawh a, i lo chhuak dawn em ni?" a rawn tih rual chuan ka chhuah nghal tur thu in ka chhang a, ka chhungte an muthilh vek tawh avangin thawm dim takin ka chhuak a.




U Hruaia ka hmuh rual chuan a lam pan in hmanhmawh takin ka kal a, a hmaa ka din rual chuan ka en ngawt ngawt bawk, "Arin enge thleng, i hmel landan a va diklo ve" tiin min rawn din hnaih a, engtin mah a chhang lo chuan ka kuah ta ngawt a, ka awmdan chuan a thawn hmel hle, min kuah let ve lo chuan a dun ngaiin a ding reng a, ka theih ang tawk a nghet in ka kuah thung.




Ka in lak hran rual chuan hrilh hai hmel zetin min la en reng a, "Enge thleng han sawi teh le, thil ṭhalo a thleng em ni, engvanga tap nge i nih?" Ka mittui min rawn hruk sak pah chuan a ti leh a, "U Hruai, ka tihpalh, i laka khatianga ka lo awm thin avang khan" ka ti a, "Engtinge i awm thin?" Tiin min zawt let hlauh thung, "Tha tak pawn ka biak ngai loh che kha, ka tihpalh khatianga awm tur kha ka nilo tih ka in hria" ka ti leh sep a, chutah nui in "Engmah a nih loh kha, hreawm tih nan hmang duh reng reng suh" tiin ka dar ah a awn khawih a.




"Nang hian min duh tawh lo tiraw?" Thin ohi dup dup chuan ka ti leh a, min chhang loba min en reng takah chuan a dik ngei a ni tih ka hrethiam nghal, ka rilru nat em avang chuan ka tap chhuak leh hawk, "Keimah vang vek a ni, khatiang khan lo awm lo ni ila chuan nanghi ka chan lo tur che a nia, tunah chuan ka tlai tawh a ni tiraw, ka duh che a ni tih hi ka hrethiam har lutuk a ni" tap chung chuan ka ti zat zat a, tah rin ka hlau bawk nen ka ka chu ka hup ta tawp.




"Engthu maw i sawi kha?" U Hruaia chuan a rawn ti chhuak deuh hawk a, "Min duh thu i sawi khan i ti mai mai turah ka ngai a, mahse ka laka i rilru put hmang diktak ka hriat hnuah pawh keichuan ka haider a, ka duh che tih ka hrethiam har lutuk a ni, tunah chuan bialnu tha tak i nei tawh si a, nat ka hlauh lutuk na lamah nanghi ka chan phah ta che a nih hi" ka aw pawh chu a chhuak hleithei tawh lo, ka in sut hlawp hlawp tawh a.




U Hruaia chuan engmah sawi lova min en reng avang te chuan ka rilru a na zual, "I laka ka lo awm tawh thin dan zawng zawng avang khan min ngaidam dawn nia, chuan i bialnu nen khan hlim taka in awm ka beisei, keichu min ngaihtuah duh suh, natna hi keimah leh keimah ka in pek tih ka hria a, ka pawm thlap bawk, ka dem lo che a nia, i hlim ka duh ber, ka rilru put hmang diktak hi hria la ka duh avangin ka ko che a, i duh chuan i theihnghilh thei bawk ang, a nih mangtha le" ka mualpho tam hma chuan ka ti a.




Kan in lam a ka in her rual chuan ka ban ah a rawn kai a, kan in sir lamah chuan min kalpui nghal dawr dawr bawk, "Nichin a i thusawi kha" a tih lai chuan "Ka sawi tawh kha, ka duh che tih hi min hriat sak la ka duh vang a nia, tunah chuan bialnu i nei tawh a, tih buai che ka tih lo, ka rilru put hmang min hriat sak la la duh vang chauh a ni e" ka lo tih khalh a, "Bialnu" zawt te a a phun chuan "Dawr ah pawh i rawn kalpui kha, in in zui lai vawikhat mai pawh nilo ka hmu a, vawin ah pawh khan ka hmu cheu a sin, in in hmeh takzet" rilru na ru tak chung chuan ka ti chhuak thei hram.




"Vawin khan keipawn ka hmu che alawm, chuan thil hriat sual i nei in ka hria, kha hmeichhia kha ka bialnu a nilo" a tih chuan mak tih na a khat in ka en ngei ang, "Maw.. i bialnu a nilo maw?" Ka ti lehnghal vat a, "Aw ka bialnu a nilo, ka thiannu a nihkha, chu aia thil pawimawh sawi tur ka nei in ka hria" a tih leh pawh chuan a bialnu a nih loh thu a sawi bak ka ngaihtuah naah a lut theilo, thian mai chauh maw an lo nih, mahse an awmdan atang kha chuan in ngaizawng an ang hle si a.




"Mahse in in zui nasa ropui si a, dawr ah pawh I rawn kalpui a, bazar ah pawh in chhuak dun lai vawihnih ka hmu tawh, chuan i status ah pawh i hman kha" ka tih leh chuan "Ka thian a ni a, chhuah pui tura min sawm avangin ka chhuah pui a nihkha, chuan status kha chu" tiin a nui a, "I thik nan ka hmang" a ti tawi tuk rual chuan ka melh rum nghal a, "Thil pawimawh zawk sawi tur kan nei, nang hian min lo duh ve reng amaw?" A tih leh chuan hnuai lam ka en ta daih a.




Kha hmeichhia kha a bialnu ni lovin a thian mai chauh a ni tih ka hriat na erawh chuan min ti thawveng hawk thung, "Nichin a i thusawi kha han sawi nawn leh teh?" Tiin ka hmai bul set ah chuan zawi te in a rawn phun leh a, "Ka sawi tam em kha" kan boruak in thlak danglam thut avang chuan engmah ka sawi tha ngam tawh lo, "Sawi nawn tur a ka tih lai che chu i hrechiang hle a nilawm ni, min duh thu i sawi kha han sawi nawn leh teh" chiang tak mai chuan a ti leh a, hriat loh der chi pawh a ni tawh lo.




"Ka duh che" ka tih chuan "Keipawn ka duh che" tiin min lo chhang vat a, "He thu i sawi hun hi ka lo nghak char char a sin, tunah chuan ka nghak chhuak ta che a nih hi, hun a duh rei hle bawk" tiin a nui leh a, a hlim hmel viau bawk, "Min duh tawh lo emaw ka tia" ka tih leh chuan chiang zeta min en chung hian "Engvanga chutiang ngaihdan nei chu nge i nih?" A aw ah chuan a thinrim emaw ka ti zawk hial, mahse a hmel landan chu a pangngai si bawk si.




"Kan in ah pawh i rawn leng duh tawh ngai silo a, biak pawh min be tawh ngailo, biak in ah lah kan in hmu khat sia" ka ti nghal mawlh mawlh a, "Ka zin a, chuvang in ka in khawm theilo a, in in ah pawh ka rawn leng theilo a nihkha" ka in siam chhe vak a, a thusawi chu ka awih a ring emaw ni, eng ang pawn zin mahse a zin hma daih atang tawh in kan in ah a rawn leng tawh ngailo tih ka hre reng sia, ka hmel awmdan a hmuh chuan nuihzat hmel zetin min en zui a.




"Dawt ka sawi i ring em ni?" A tih leh chuan ka bu zeuh a, "Khang thlahnih chung zawng khan i zin lo, biak in ah pawh kan la in hmu reng a, chumai pawh nilo min hmuh pawn biak min tun ngailo, kan in ah pawh i rawn leng lo hrim hrim" lungawi lo zet chuan ka ti leh pang pang a, a hma kha chuan message tal in min rawn be thin a, kha pawh a ti tawh ngailo, kei lah in biak hmasak ka hreh ve ting tang bawk si.




"Ruatpuia kha i theihnghilh theih loh thu i sawi si a, tih buai reng che ka duh loh vang s nihkha" a tih leh chuan ka hrethiam ta ruak mai, keimah vang bawk a ni leh ta, "U Hruai" ka tih chuan "Ruatpuia i theihnghilh theih ngai dawn loh thu i sawi avang khan keichuan tih buai chhunzawm zel che ka duh lo alawm, rilru khing bai taka awm turin ka duh lo che, khang hun chhung khan in in a rawn kal lo tura ka in sum nasat thin zia i hrethiam pha hauh lovang" tiin min en vawng vawng a.




Kei in ka ngaih em em lai leh leng tura ka duh em em lai khan kan in a rawn leng lut lo turin an lo in sum ve tang tang thung a, chupawh ka thusawi vang vek khan, chiang zawk in engkim kha lo sawi ni ila chuan keimahni kan in ti hreawm tawn lo mai tur, "I lo len hun ka lo nghak reng thin zawk a sin, mahse i dawn len ngai tawh loh chu thu hran, kan in hmuh pawn min biak i tum ngai silo a, hreawm ka tih theih zia chu" ka ti leh a.




"Min biak i tum thin bik silo a" a sawi zawh rual chuan "Biak dan tur che ka hrelo alawm, bialnu i nei angah ka ngai a, i laka ka lo awm tawh thin dan zawng zawng nen ka be ngam lo che alawm" khatih hunlai a hreawm ka tih thin zia ka ngaihtuah let a, ka tah a chhuak lehnghal teuh mai, "Ka tihpalh a ni e, tap tawh suh le, kha i hmel a chhe vek dawn a nia" nui chunga a tih chuan "I sual em mai" tiin a awm ah chuan ka lo chum a.

Cont.....

Laklawh deuh hian ti tawp ang aw... Click leh comment a chhe thei lutuk a, a chhiat leh viau chuan naktuk zah ka awl leh dawn aw...